|
|
|
 Re: خلى نشيدك عالي النبره، خلى جراح أولادك تب� (Re: ناصر حسين محمد)
|
ماكَ هوين سهل قيادك
سّيد نفسك..
مين أسيادك
ديل أولادك
وديل أمجادك
ونيلك
هيلك
جري قدامك
تحت اقدامك
ان كان الصدق سمة غير القرأن ( صدق الله العظيم )
فهو هنا لازم وردي كظله وكقوة صوته وجماله
صدق وردي
ماك هوين سهل قيادك ،،
نعم شيمتك الصبر ولكن.... الى حين
نعم شيمتك الصبر ولكن.... يتدثر هذا الصبر بالغضب الجسور
والشوق المبهر الى الحرية
فيا شعبي
بك امنت وان جلسنا نقارع الدكتاتور الف الف عام
حكمة تجلت في صبرك وفي ثورتك
وفي 19 ديسمبر نسطر معا تاريخ جديد للامة
نعلمهم يا << شعب يامعلم>>
نعلمهم
كما علمناهم
كيف تكون الثورات في اكتوبر
وكيف يكون الغضب الكاسح في أبريل
اليوم نعطي البشرية درس جديد في البطولة
19 / ديسمبر
| |
 
|
|
|
|
|
|
|
|
Re: خلى نشيدك عالي النبره، خلى جراح أولادك تب� (Re: ناصر حسين محمد)
|
رجع صداك وسجع نحاسك
وانت نسيج الفدا...
هندامك
وانت نشيد الصبح كلامك
وعطر أنفاسك
دقوا النحاس من ضي..
صوب الشواع حي..
مافيش تخاذل تب..
مافينا زولا ني..
مترس وجودك جد..
عبي الهتاف ياجني..
لا ترجى آخر الصف..
قدامو إنت الضي..
سوي الصفوف كالسيل..
شعبا هميم بالحيل..
ما أظنو يحكم يوم..
دقنا بتلب ليل..
أعوج وشوفو كمان..
فاكر بعدل الميل..
قدامو عزة هواك.
قالت يمين جيد لي..
حاشاهو فاشي الضيم..
عارفاهو ولدا لي..
أبدا بشيل همي..
وبمسح عذابي البي..
راجياهو من زمنا.
طول غيابو علي..
يا عزة إنت أساس..
شرفك محال إنداس..
هيلك نضال موروث..
محمولة فوق الراس..
ياهم ولادك جوك..
زي أزهري النبراس..
أكنس وشيلهم ديل..
ما تخلي فيهم شي..
سوسا بينخر ديل..
أحرق وبيدهم لي..
موية وشيك تتراق..
لي لقمة طي الجوف..
حتى الكلام ممنوع..
والأمن فيهو الخوف..
سرقوا البلد يا جني..
قسموا كالفي..
باعوا الفضيلة مزاد..
ما همهم إسلام..
حتى المآذن غي..
شوف المياعة كمان..
أيام لها إيقاع..
سفلة وسفلة القاع..
متجلي بي لماع..
ما هيلتك الدماع..
ماني البقول أحي..
نحن الصبر فتناه..
وآخر العلاج الكي..
شجر النضال حيقوم..
دمي اليكون الري..
شجر النضال حيقوم..
دمك يكون الري
| |
|
|
|
|
|
|
|
|
|
Re: خلى نشيدك عالي النبره، خلى جراح أولادك تب� (Re: ناصر حسين محمد)
|
19/ ديسمبر
شعبا هميم بالحيل..
ما أظنو يحكم يوم..
دقنا بتلب ليل..
بلا شك انها لحظة النصر
بلاشك وبعمق أيماني بهذا الشعب
وايماني هذا ليس مكتسب عاطفيا
اني عصّي الدمع، لا احكم عاطفيا
انه أيمان مكتسب بما رأيته من عزيمة جبارة لدى هؤلاء ..!!
ما رأيته عند أبن اخي
ووالدته
ما رايته عند صديق الذي تدثر الثورة رداء والغضب رجاء
ما رايته وسمعته عندي جاري الذي صار 19/ ديسمبر عنده مرجعية وعليه يقيس الاحداث
وعند (شلتي) التي ابتدرت ونظمت نفسها بوعي يفوق الخيال
ودخلت البيوت لتخبر بالعصيان ووجدت ان البيوت تخبرها باليوم الخالد بأذن الله
19/ ديسمبر
هو سجل في حياتنا
نبذل جهدنا
وعبره نضع خطواتنا في الطريق
الطريق الى قوله :
ما أظنو يحكم يوم..
دقنا بتلب ليل..
ملح الارض يا شعبي
يا شعبا هميم بالحيل
هذا وقت الهمة
وتسطير بطولات تبرق مع اخوتها في سجل حافل بالبطولات ..!!
19 / ديسمبر
| |
|
|
|
|
|
|
|
|
|
Re: خلى نشيدك عالي النبره، خلى جراح أولادك تب� (Re: ناصر حسين محمد)
|
أرفع صوتك..
هيبه وجبره
خلى نشيدك عالي النبره
خلى جراح أولادك
تبرا
جراح أولادك تبرا ..!!
ويالها من جراح آسية.!!
درافور، كردفان، جنوب النيل الازرق
قتلى طيران الدكتاتور..!!!
مرضى السرطان الذي تفشى والدكتاتور في غيّه يعمّه ..!!
مرضى الكلى الذين تضاعف علاجهم 200%
أطفال الاورنيش
الاطفال المسربين من المدارس
شرفاء الشعب المعتقلين
الموظف الشايل هم الليل... وشايل هم اطفالو بالحيل
الى الشعب الشايل هم
الحمى البتهد الجيب
الاطباء الصامدون الصامدون
المحامين الواقفون في الواجهة تحت هجير الشمس
الكنداكات أخوات ام كبس
اخواتي بنات بلدي القاسو المرة من الدكتاتور ..!!
المغتربين قسرا، مفارين خضرة النيلين التي أحالها الدكتاتور الى حمراء
الى الخالدين في الآعالي
الى حاملي مشاعل النضال
اليكم شهدا سبتمبر
اليكم انتم شهداء دارفور والنيل الازرق وجنوب كردفان
اليكم انتم أبناء شعبنا
أليكم جميعا ما يأتي منا جميعا
<< 19/ ديسمبر>>
هو ضماد الجراح
لكي تبرأ الجراح ويستكين الام ونحلق في دنيا جديدة من الاخاء والحرية والرخاء
19/ ديسمبر
منا والينا
لكي :
تبرأ جراحنا
| |
|
|
|
|
|
|
|
|
|
Re: خلى نشيدك عالي النبره، خلى جراح أولادك تب� (Re: ناصر حسين محمد)
|
Quote:
Atif Omer Mohamed Ali
البحصل حياة وليس موت
....
ود البشرى ومفترع البوست سلام،،نديكم عينة من الحياة القادمة:
((لا يليق بقوى “التغيير” أن يكون أكبر همها هو “الإقصاء الاستباقي” لمن تختلف معهم عن مشهد ما بعد الإنقاذ قبل حسم المعركة مع “الإنقاذ ” نفسها!))
اعلاه الكاتبة رشا عوض،، وقرايتها لاكبر هموم قوى التغيير!!
.....
شووف عدد البوستات المحذوفة والمخورنة وعدد الذين صرحوا بتبليكهم في
هذا المنبر،،وستعرف الموت (العنقريبي) للحاصل!!
|
الاخ عاطف
مساء الخير
ماحصل من اجماع او شبه اجماع على عصيان 19/ ديسمبر
يجبر على مراجعة الافكار
هو اجماع قد يكون الاقوى على عمل معارض طيلة فترة الانقاذ
وحين حدوث هكذا اجماع
فالبتاكيد سوف نركب الصف بغض النظر عن الاافكار خاصة بنا
لان الاجماع لا شي فوقه ولا خيار بعده
| |
|
|
|
|
|
|
|
|
|
Re: خلى نشيدك عالي النبره، خلى جراح أولادك تب� (Re: علي دفع الله)
|
Quote:
وحدة مقاس الخزلان عندك كم؟؟؟؟؟؟
يا ناصر يا اعز اصدقاءي قلتها ليك وحا اقولا تاني (ثق يا صديقي بي ااشعب)
بس انت كبرت ال D
و حاتك عاؤفك قرفان بس وحات التوم ود بانقا مصيرنا نصل وعن قريييب
19 _ديسمبر موعدنا# |
الصديق علي ود دفع الله
صدقني خوف الخذلان طش
وما ظنيتو يرجع
والبركة في الشعب المعلم
نعم الزهج حاصل والقرف من حال البلد ردوم
لكن وبصراحة
اجماع الشعب المعلم على 19/ ديسمبر
هدم كل قلاع القرف واليأس
19/ ديسمبر اما نصر مؤزر
اما خطوة في طريق النصر
| |
|
|
|
|
|
|
|
|
|
Re: خلى نشيدك عالي النبره، خلى جراح أولادك تب� (Re: فرح الطاهر ابو روضة)
|
Quote:
سلام الاخ ناصر كل البوستات عن العصيان تفتقد لتعريف الشباب بتاريخهم المجيد ... بقترح عمل بوست منفصل يوضح فيه لماذا 19 ديسمبر؟؟ عشان يكون في رابط قوي ومعرفة بالتاريخ المذكور ... ويوزع على اكبر نطاق للواتس والفيس وشكرا
|
سلام اخي محمد حقار
ما اقترحته ضرورة أكيدة
يوم 19 / ديسمبر يمكن يكون غايب أو مغيّب عن الذاكرة
ودي فرصة للتعريف بيهو
ان شاء الله سوف يتم تجهيز البوست
| |
|
|
|
|
|
|
| |
ناصر حسين محمد
محمد البشرى الخضر
علي دفع الله
فرح الطاهر ابو روضة
محمد مجيدو
فيس بوك
تويتر
انستقرام
يوتيوب
بنتيريست