|
|
|
 Re: لجنة علماء السودان والخطاب الإنتهازي الم� (Re: Asim Fageary)
|
تحياتى الاخ عاصم فقيرى
فعلا من زمان كانوا وين؟ علمهم عند ربهم....ربما وربما... وقد يقول قائل المركب بدأت تغرق...ما يهمنا ان هذا البيان ولو انه أتى متأخرا كثيرا الا انه يدعم بقوة الحراك الجماهيرى ...علينا الا ننسى ان فئآت عريضة من المجتمع تستمع اليهم وتثق فيهم
| |
 
|
|
|
|
|
|
|
|
Re: لجنة علماء السودان والخطاب الإنتهازي الم� (Re: Hassan Farah)
|
الأخ عاصم
لا أعتقد أن البيان صادر من هذه الهيئة أو اللجنة
لأن لغته لا تشبههم وبدايته ونهايته تحمل تناقضا فقد كانت البداية باسم هيئة علماء السودان
وانتهى الخطاب بالرابطة الشرعية لشنو كده
وهذا كله يقع ضمن الحرب الإعلامية الشرسة من النظام لضرب مصداقية الفعل المعارض له من جموع الشعب السوداني
| |
|
|
|
|
|
|
|
|
Re: لجنة علماء السودان والخطاب الإنتهازي الم� (Re: جعفر محي الدين)
|
أعزائي عبد الحفيظ أبسن .. حسن فرح .. جعفر محي الدين
تحية وتقدير
ود أب سن يعني لو جانا بعد يومين نافع علي نافع متلب وقال أنا مع العصيان والحكومة دي تمشي نقوم نصدق إنه حاله إنصلح ؟!
طيبة السودانيين على حساب الوطن دي خلوها وخلو طيبتنا تكون على بعضنا البعض وقلوبنا على بعضنا البعض
لكن فيما يخص الوطن وحقوقه ما عاوزين نجامل ولا عاوزين باركوها يا ناس !
الصلاة يوم القيامة ما بتنفع .. وفتح مجال زي دا ياهو البجيب لينا المصائب تاني
الناس لازم تكون واعية ودقيقة جدا
ولازم نفهم منو المع الوطن والشعب ومنو الإنتهازي ولازم نفضح الإنتهازية بكل أشكالها
وللحديث بقية
آسف للرد المتأخر لظروف خاصة
مع تحياتي
عاصم فقيري
| |
|
|
|
|
|
|
|
|
|
Re: لجنة علماء السودان والخطاب الإنتهازي الم� (Re: عباس الدسيس)
|
لأعزاء / عبد الحفيظ ود أبوسن .. عبد الله إدريس .. عباس الدسيس
تحية واحترام
ود أبوسن .. لا يهم أن تكون لجنة أو هيئة أو أي كيان
المهم ما يسمون بعلماء السودان وهم أهل خطاب ديني
والخطاب الديني لا أدري ليه هو انتهازي دائماً
وزي ما قال عبد الله إدريس .. الحساب ولد
عباس الدسيس (كلما اقرأ اسمك تحضرني الشريف الدسيس وأنا في رحلاتي العملية ما بين مدني وسنار ) .. أكيد ناس الأمن شغالين في حاجات زي دا كما أوضحت
على العموم المقصد هو أن ننتبه وفي نفس الوقت عاوزين نتناول الخطاب الديني بالنقد والتحليل
وتشريح الخطاب الديني هو الهدف الرئيسي من البوست دا
(عندي مشكلة في الحرف البشبه الدال لكن فوقه نقطة فوق اختفى من الجهاز فجأة) عشان كدا بهرب من الكلمات اللي فيها الحرف دا
مع تحياتي
عاصم فقيري
| |
|
|
|
|
|
|
|
|
|
Re: لجنة علماء السودان والخطاب الإنتهازي الم� (Re: علاء سيداحمد)
|
وهذا لايمنع ان نستقبل الفارين من سفينة البشير ..
الأخ/ علاء سيد أحمد
تحية واحترام
رداً على الاقتباس باللون الأحمر أعلاه:
الفارين ديل بجونا متحللين ولا بجونا باعتبار انهم كانوا مغشوشين ولا بجونا باعتبار انهم بيتقبلوا الحساب عليهم وعلى غيرهم ؟
دي أسئلة مهمة
لأننا كتجربة سياسية دخلنا في نقاش مع بعض منتسبي الحركة الاسلامية الذين انشقوا عنها لاحقاً فكان بعضهم يرفض تماماً أن يحاسب أي اسلامي !! فتعجب !!!!
لذلك نحنا بنقول الناس ديل مع فقه التقية بتاعهم ما بتمسكوا بالتزام (الحمدلله الذال اشتغلت عندي في الكيبورد بعد أن أعدت الإعدادات )
ونواصل
مع تحياتي
عاصم فقيري
| |
|
|
|
|
|
|
|
|
|
Re: لجنة علماء السودان والخطاب الإنتهازي الم� (Re: Asim Fageary)
|
سأورد أمثلة كثيرة لمواقف منسوبي الحركة الإسلامية عندما يكونوا خارج والسلطة وعندما يكونوا هم السلطة
المواقف والخطاب والبيانات يمكن أن نستشهد بها منذ عهد حسن البنا وليس فقط الأخوان المسلمين بل كل من انتسبوا للحركة الإسلامية بدرجات متفاوتة
بل كل من استغل الخطاب الديني بشكل انتهازي للتقرب من الحاكم
سواء في السودان أو خارج السودان
ولن نعفي حتى الأزهر في مصر من هذا الأمر
ولقد أفرد الأستاذ محمود محمد طه سرداً وافيا لموقف الأزهر الإنتهازية والمحابية للأنظمة وما تحمله من تناقضات
عندما يحكم رئيس تجد الوقوف معه قلباً وقالباً وعندما يذهب تجد انتقاده بعد فوات الأوان !!
وهذا هو الذي كان أدعى لتسمية مثل هؤولاء الإسلاميون بعلماء السلطان
فما بالك عندما يكونوا هم أنفسهم السلطان والعالم
أي الخصم والحكم
بالتأكيد هذه مصيبة كارثية
ونواصل
مع تحياتي
عاصم فقيري
| |
|
|
|
|
|
|
| |
Asim Fageary
عبدالحفيظ ابوسن
Hassan Farah
جعفر محي الدين
Abdullah Idrees
عباس الدسيس
علاء سيداحمد
Hafiz Bashir
فيس بوك
تويتر
انستقرام
يوتيوب
بنتيريست