|
دعواتكم لزميلنا المفكر د.الباقر العفيف بالشفاء العاجل
|
|
 Re: أجمل وصف للعصيان (Re: عبدالحفيظ ابوسن)
|
طيب شنو المكسب وشنو الخسارة من العصيان المدني المختلفين في نجاحو وفشلو الناس :
أول حاجة العصيان المدني بختلف عن وسائل المعارضة السياسية التقليدية لأنو من وسائل الفعل السياسي ذات النفس الطويل يعني الناس البتكلمو عن نجاح وفشل ديل يبردو لينا شوية ، لكن ممكن نقول أنو نحن نجحنا جزئيا في عدة نقاط مهمة:
أولا : نجاح العصيان جزئيا هو الجنين الحيتمخض عنو العصيان الشامل المطبق
ثانيا: نجاح التنظيم خارج القوالب والأجسام النقابية المسيسة والمسيطر عليها من النظام
ثالثا: أنو كل زول في السودان هسة سمع بالعصيان المدني ومع المداومة الدايرة حتتسع
يعني يا دوب دي البداية، والشغلة بتاعت العصيان دي تنفس جماعي زي الغنا كدة ،مش لمن مجموعة تبدي تغني بكون في أصوات نشاز وناس فارقين زمن مع أستمرار الغنية الأصوات بتتناغم والصوت بتوحد أهو كدة
| |
 
|
|
|
|
|
|
|
|
Re: أجمل وصف للعصيان (Re: عبدالحفيظ ابوسن)
|
تعرف يا ود اب سن أكتر شي فاجاني ومحيّرني لي اسّي استجابة فئات لا علاقة لها بالفيس و الواتساب و الوسائط ويمكن ما عندهم تلفونات اصلا ولا فاضين ليها زاتو
زي ستات الشاي و عمال الصناعية و فرّاشة السوق !!
حقيقة ما كنت متصوّر انهم عارفين بالإعتصام أصلا ناهيك عن التزامهم به ولاحظ ديل ناس رزق اليوم باليوم و توقف يوم عن العمل بفرق معاهم لكن رغم كدا استجابوا و التزموا
الحصل دا عمل كبير وكبير جدا قارن فقط بالدعوة الأولى فعصيان يوم 6 !
الشباب الورا الشغل دا الله يديهم العافية و يبارك فيهم
ما عايزين نعرفهم يكفي احساس انه لسة في شباب شايلين البلد دي في عيونهم و قلوبهم
| |
|
|
|
|
|
|
|
|
Re: أجمل وصف للعصيان (Re: عبدالحفيظ ابوسن)
|
سلام الاخ عبدالحفيظ
قرأ الكثير منا وسمع من وسائل الاعلام والتواصل الأجتماعى المختلفة دررا عن الاعتصام وفى دعمو...
يا ريت اكبر كمية من الدرر دى تكون منثوره هنا.. يا ريت تكون حروف وصورة
التحية موصولة للاخ ود البشرى .. منير ..محمد الرازى ولكل قراءك
| |
|
|
|
|
|
|
|
|
|
Re: أجمل وصف للعصيان (Re: ابوبكر عبدالله ادم)
|
ود ابوسن
تحياتي
ثانيا: نجاح التنظيم خارج القوالب والأجسام النقابية المسيسة والمسيطر عليها من النظام
---------------------
ركز على ثانيا دي واسقف على كده
أتوقع ان تلعب الأطراف دورا رئيسيا في كنس النظام
احترامي
| |
|
|
|
|
|
|
| |
عبدالحفيظ ابوسن
محمد البشرى الخضر
ابوبكر عبدالله ادم
خالد العبيد
Abdalla Hussein
فيس بوك
تويتر
انستقرام
يوتيوب
بنتيريست