على قناة الشروق جابوا حاجة اسمها النشرة المحلية. من اول الاخبار المحلية انو معتمد محلية الخرطوم و اسمه حاجة كده ابو شنب مع وفد مرافق له لفوا على مدارس و مؤسسات في المحلية عشان يطئنوا على سير العمل. جابوه في مدرسة خاصة فيها شوية شفع صغار شكلهم في اولى ابتدائي و بدون صوت جابوهم و هم بقلبوا في كتب و كراسات كده بعدين طلعوا برة حيث ادلى "سيادته" بتصريحه الكوميدي: قال انو العمل يسير بشكل طبيعي و انو الامور ماشة بشكل افضل مما كانت عليه.
11-27-2016, 03:33 PM
امجد الجميعابى امجد الجميعابى
تاريخ التسجيل: 01-08-2013
مجموع المشاركات: 2623
يا ابشنب افضل مما كانت عليه متين يعني؟ امبارح السبت؟ الشهر الفات؟ طوال الثمانية و عشرين سنة الفاتت كلها؟ و اشمعنى بس الامور بقت افضل مما كانت عليه في يوم اعلن فيه الشعب بداية مسيرة العصيان؟ انت صاحي يا زول؟ خايف من منو؟ هل تعيينك معتمد يعني انك تتحول لمهرج يلقي بالكلام هكذا دون أن يعقله؟ غايتو ان شا الله عمك بشة و وداد ينبسطوا منك يا ابشنب و يدوك الفي مرادك.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
سيف النصر محي الدين
امجد الجميعابى
فيس بوك
تويتر
انستقرام
يوتيوب
بنتيريست