بسمات يا بسمة اميرة يا عسل بت عمسيب يا كنداكة بت تاور الجميلة فريدة الغالية فاطمة السمحة وكل من قال لا للنافزة الفيس بووك مبرووووك الانتصار وتعالوا نحتفل
11-27-2016, 01:33 PM
وضاحة وضاحة
تاريخ التسجيل: 01-16-2005
مجموع المشاركات: 9116
اسمعيني يا منقة لو سمحتي ختي لينا اغاني حماس للكلوس الاتضامنوا معانا بـ (((((((( لا))))))))))
ولك ولهم منا وافر الشكر والحب .
اشكر من قلب اخوانى اخوان البنات اولاد الرجال القالوا لا ان شاء الله يوم شكركم ما يجي وقفتو مع الحق وحميتو ظهر اخواتكم وجنبتوهن فاحش القول والاساءات والشتائم اشكركم من هنا لي خرطوم الحرية ويا رب نحتفل بالخلاص من طاغية الخرطوم بعد وعشميق الاصم
11-27-2016, 02:14 PM
وضاحة وضاحة
تاريخ التسجيل: 01-16-2005
مجموع المشاركات: 9116
الغالية وضاحة الله يبارك فيكي... والتحيات النواضر لكل من وقف مع الحق وابى الذلة والمهانة لاخواتهم وبناتهم... وكمان نقول ليكي مبروك بنجاح العصيان المدني.. عليكي الله ادخلي بوست صلاح جادات واقري كلام بنت خالتي قالت لي شنو بالتلفون....عن العصيان المدني.. والله يديك الصحة والعافية
11-27-2016, 02:36 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
مبروك وضاحة وبت عمسيب و سائر من كان خياره (لا) و تهنئة أخرى خاصة على نجاح حملتكن فيقيني أن الكثيرين غيّروا رأيهم بعد الحملة الناجحة وهاردلك لناس (نعم), ومبروك لنا جميعا التمرين الديمقراطي الجميل فرجاء لا تفسدوه بتحميله ما لا يحتمله و خلق قطبية هلال مريخ في شان يحتمل اختلاف الآراء و بالمناسبة بت تاور الشكرتيها مع ناس لا لا صوّتت بـ (نعم) هههههههه
11-27-2016, 02:48 PM
جلالدونا جلالدونا
تاريخ التسجيل: 04-26-2014
مجموع المشاركات: 9661
نحنا القلنا نعم ندين بشدّة المتخاذلين من صنف الاعضاء الذين صوّتو بى لا و خاصة الذين انكسرت كلمتهم اما دموعهن سأطالب باعادة الاستفتاء و لا نامت أعين النساء
11-27-2016, 02:54 PM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
Quote: الغالية وضاحة الله يبارك فيكي... والتحيات النواضر لكل من وقف مع الحق وابى الذلة والمهانة لاخواتهم وبناتهم... وكمان نقول ليكي مبروك بنجاح العصيان المدني.. عليكي الله ادخلي بوست صلاح جادات واقري كلام بنت خالتي قالت لي شنو بالتلفون....عن العصيان المدني.. والله يديك الصحة والعافية
اميرة الحبيبة كان لازم تنتصر لا لانها لا ضد الظلام لا ضد الاشباح لا ضد القبح لا ضد الجبناء لا ضد المنافقين اصحاب الوجهين شفتي لا دي عظيمة وجميلة كيف عشان كده فرحانين ومبسوطين وجاء العصيان الناجح تتمة للفرح والكيف ونجاح العصيان مش بي العدد والنسبة ولكن النجاح في انو نظم بواسطة الشباب الاتربو في الانقاذ ليبين فشل كل مجهودات الانقاذ الرامية لالهاء الشباب عن قضايا الوطن ونجاحو في انو معبر عن الشعب بعيد عن اي اجندة حزبية ونجاحو في انو بين انو ارادة الشعب السوداني باقية وصامدة ولم تفلح الة الطغيان في كسرها نجاحو في انو ورى العالم يعني شنو الشعب السوداني وانو شعب راقي متقدم ورائد وبكرة احلا وبكرة نغني غنوة العيد والفرح ونتلم في وطن معافى وديمقراطي تحياتى
11-29-2016, 05:42 PM
وضاحة وضاحة
تاريخ التسجيل: 01-16-2005
مجموع المشاركات: 9116
Quote: الغالية وضاحة الله يبارك فيكي... والتحيات النواضر لكل من وقف مع الحق وابى الذلة والمهانة لاخواتهم وبناتهم... وكمان نقول ليكي مبروك بنجاح العصيان المدني.. عليكي الله ادخلي بوست صلاح جادات واقري كلام بنت خالتي قالت لي شنو بالتلفون....عن العصيان المدني.. والله يديك الصحة والعافية
اميرة الحبيبة كان لازم تنتصر لا لانها لا ضد الظلام لا ضد الاشباح لا ضد القبح لا ضد الجبناء لا ضد المنافقين اصحاب الوجهين شفتي لا دي عظيمة وجميلة كيف عشان كده فرحانين ومبسوطين وجاء العصيان الناجح تتمة للفرح والكيف ونجاح العصيان مش بي العدد والنسبة ولكن النجاح في انو نظم بواسطة الشباب الاتربو في الانقاذ ليبين فشل كل مجهودات الانقاذ الرامية لالهاء الشباب عن قضايا الوطن ونجاحو في انو معبر عن الشعب بعيد عن اي اجندة حزبية ونجاحو في انو بين انو ارادة الشعب السوداني باقية وصامدة ولم تفلح الة الطغيان في كسرها نجاحو في انو ورى العالم يعني شنو الشعب السوداني وانو شعب راقي متقدم ورائد وبكرة احلا وبكرة نغني غنوة العيد والفرح ونتلم في وطن معافى وديمقراطي تحياتى
11-29-2016, 05:50 PM
وضاحة وضاحة
تاريخ التسجيل: 01-16-2005
مجموع المشاركات: 9116
Quote: مبروك وضاحة وبت عمسيب و سائر من كان خياره (لا) و تهنئة أخرى خاصة على نجاح حملتكن فيقيني أن الكثيرين غيّروا رأيهم بعد الحملة الناجحة وهاردلك لناس (نعم), ومبروك لنا جميعا التمرين الديمقراطي الجميل فرجاء لا تفسدوه بتحميله ما لا يحتمله و خلق قطبية هلال مريخ في شان يحتمل اختلاف الآراء و بالمناسبة بت تاور الشكرتيها مع ناس لا لا صوّتت بـ (نعم) هههههههه
ود البشري الله يبارك فيك وفي عمرك وفي حتحوت حملتنا ضد النافذة نجحت لانها عبرت عن الشفافيه وحقنا في نتعامل في الضؤ مع الناس وحقنا في انو يكون النقاش بالحجه والمنطق وليس باغتيال الشخصية والشتم ولانو مطلبنا حماية نفسنا والجميع من الخناجر المسمومة البتلبد اصحابة في ظلام نافذة الفيس والناس القالوا نعم ما بنلومهن فهم برضو كانت عندهم وجهة نظر ترى في النافذه اضافه و نحترم وجهة نظرهم رغم قصوره ودا ما بنفي انو في بعض المتأبطين شرا صوتو بنعم احنا مبسوطين لانو خيارنا فاز بس لكن لا حملنا الامر ولا صنفنا مع وضد ولا دققنا كثير في الاسماء بطل حركات ههههههه
11-29-2016, 05:59 PM
وضاحة وضاحة
تاريخ التسجيل: 01-16-2005
مجموع المشاركات: 9116
Quote: نحنا القلنا نعم ندين بشدّة المتخاذلين من صنف الاعضاء الذين صوّتو بى لا و خاصة الذين انكسرت كلمتهم اما دموعهن سأطالب باعادة الاستفتاء و لا نامت أعين النساء
ليه كده يا جلال يخسي عليك ما يخسي بتاعت حمد الكوز الص يخسي حنينة شوى
بالله انت قلت نعم ما معقوووول ما بصدق ما ليك حق تقيف مع الاشباح لكن عشان بنحبك نعمك بنلقى ليها عذر وعشان انت اخو بنات اكيد بتكون فرحان لينا وعشان نضمن ولاك نصبناك ناطق رسمي باسم لا النسوة البتجاوز الحد كلو تواسيهو وبالجمبة الفيها الحديدة وعاشت لا النسوة عالية خفاقة
11-29-2016, 06:04 PM
وضاحة وضاحة
تاريخ التسجيل: 01-16-2005
مجموع المشاركات: 9116
Quote: ايقولون نصف المجتمع ... فهن كل المجتمع .. بذرة المجتمع تبداء منهن ...
تحياتي وضاحه الوضاحه . وكل الشامخات ..
عفاف يا حبيبة يا كل الجمال والنضار قالوا الحضارة امرأة والحقيقة امرأة ومن عندي الارادة امرأة وكان لازم تنتصر لا النسوة منو البقدر يقيف قدام عاتي الرياح والسيل تحياتى
11-29-2016, 06:13 PM
Deng Deng
تاريخ التسجيل: 11-28-2002
مجموع المشاركات: 52687
سلامات ياوضاحة نقول مبروك ثم ماشاء الله تبارك الله الايام دي نون النسوة طالعة في الكفر ام كبس وبقية البنات والطالبات الطلعن مظاهرات بقن أرجل من البشير والزحف النسوي مغطى على المظاهرات والمسيرات والاعتصى مات والاختشى مات هههه الاختشامات دي بتاعة الجماعة القالوا لا .. للاعتصمام ما للتصويت مودتي ..
11-30-2016, 06:02 PM
وضاحة وضاحة
تاريخ التسجيل: 01-16-2005
مجموع المشاركات: 9116
Quote: سلامات ياوضاحة نقول مبروك ثم ماشاء الله تبارك الله الايام دي نون النسوة طالعة في الكفر ام كبس وبقية البنات والطالبات الطلعن مظاهرات بقن أرجل من البشير والزحف النسوي مغطى على المظاهرات والمسيرات والاعتصى مات والاختشى مات هههه الاختشامات دي بتاعة الجماعة القالوا لا .. للاعتصمام ما للتصويت مودتي ..
حباب السلام يبارك في عمرك يا ود التاج نون النسوة من زمان طالعة وقايدة ونون النسوة عزيزة ورايدة وعالية واتعودنا من رجال السودان الاصيلين ومربيين واولاد الناس انهم يحترموها ويقدروها ومافي شخص بحط من قدر نون النسوة الا انسان مريض وعندو عقد مزمنة من الطفولة او اتربى في اسرة بتحط من قدر المرأة وبتهينه واحنا حفيدات بكرة بنت مكابر و بنونة بت المك ومهيرة والميرم تاجا اهلنا علمونا وربونا على العزة والقوة والريادة والراي وما مميزو بينا وبين الاولاد ولقينا اماتنا وجداتنا معززات مكرمات وصاحبات راي واعتداد بالنفس وتااانى زغرووودة
11-30-2016, 07:09 PM
سيف اليزل سعد عمر سيف اليزل سعد عمر
تاريخ التسجيل: 01-11-2013
مجموع المشاركات: 9495
وضاحة ازيك عملتي مسيرة فوز بوست ذكرني بمسيرات المرشحين بعد الفوز في السودان ليكن حق تفرحن فلا وقتكن كثير من القبح تمرين ديمقراطي وحسناً فعل بكري انو ادى الناس فرصة للاختيار ومبروووك فوز لا الرافضة لقبح نافذة الفيس مع الاعتذار لكثير من اصحاب الكتابات المسؤولة عبر النافذة
12-03-2016, 03:08 PM
وضاحة وضاحة
تاريخ التسجيل: 01-16-2005
مجموع المشاركات: 9116
Quote: وضاحة ازيك عملتي مسيرة فوز بوست ذكرني بمسيرات المرشحين بعد الفوز في السودان ليكن حق تفرحن فلا وقتكن كثير من القبح تمرين ديمقراطي وحسناً فعل بكري انو ادى الناس فرصة للاختيار ومبروووك فوز لا الرافضة لقبح نافذة الفيس مع الاعتذار لكثير من اصحاب الكتابات المسؤولة عبر النافذة
علووووى الحبيب تشكرات يا اخو البنات انت من قال لا ياخى حياااك وقفت مع الحق وقهرت الحاقدين يا سندنا تسلم البطن الجابتك
12-03-2016, 04:58 PM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11848
تهانينا لاخواتنا وبناتنا وكل من قال معنا " لا والف لا" لنافذة الاستفزاز والاساءات وعذرا للكتابات المسئولة عبر نفس النافذة ونامل ان يجد اصحابها الفرصة في داخل الحوش. هارد لك جلى حبيبنا وهارد لك لكلنتون برضو
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
وضاحة
مني عمسيب
محمد البشرى الخضر
جلالدونا
عفاف الصادق بابكر
Deng
عمر التاج
سيف اليزل سعد عمر
علي محمد الفكي
MOHAMMED ELSHEIKH
فيس بوك
تويتر
انستقرام
يوتيوب
بنتيريست