أوعَك تخاف- من أشعر محجوب شريف

حفل دعم الجالية السودانية بمنطقة واشنطن الكبري بالفنان عمر احساس
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 20-09-2018, 05:27 PM الصفحة الرئيسية

مدخل أرشيف للعام 2016-2017م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
24-11-2016, 07:13 PM

زهير عثمان حمد
<aزهير عثمان حمد
تاريخ التسجيل: 07-08-2006
مجموع المشاركات: 19237

للتواصل معنا

FaceBook
تويتر Twitter
YouTube


أوعَك تخاف- من أشعر محجوب شريف

    06:13 PM November, 24 2016

    سودانيز اون لاين
    زهير عثمان حمد-السودان الخرطوم
    مكتبتى
    رابط مختصر


    يا من تموت بالجوع وقدامك ضفاف
    والأرضِ باطنها ظلَّ مطمورة سواك
    عطشان وقد نزلت عليك
    أحزان مطيره
    مُزَن سماك
    الدنيا أوسع من تضيق
    قوم أصحى فِك الريق هتاف
    إن الذين أحبوا روحهم ضيَّعوك
    وبيَّعوك أعز ما ملكت يداك
    أوعَك تخاف
    الخوف محطه محطه ما سكَّة وصولك للطريق
    إن الأيادي الحُرَّه ما بْتشعِل حريق
    تبْ ما بْتقيف تستنَّى قدامها بْتشوف
    يَحْتِل غريق تلو الغريق
    ما تنسى إنك كنت صاحب راي وبيت
    أهلا حباب لو دقَّ باب
    عندك مخدَّه وعنقريب هبَّابي،
    لمَّه وقهقهات
    تصحى وتنوم وتقوم معطَّر بالنشاط
    تنعس وقع في لحظه من إيدك كتاب
    وقلم كما برق السحاب
    يتهادى ما بين السطور
    كان سرجو كرسي الخيزران
    عند المغيرب رادي
    بغ بِنْ المزاج
    يدخل من النفَّاج عليك عثمان حسين
    يا عُشرة الأيام تمام
    أهو دا الكلام
    يا سلوى جك المويه
    أعملوا لينا شاي
    الأسره ممتده وحِداك جيران لطاف بي جاي وجاي
    جار المسيحي سكن إمام
    إلفه ومودَّه وقرقراب
    والناس قُراب
    ناس من نيالا وآخرين
    من وين ووين
    هسَّع جهنم في الحقيقه معسكرات
    من أين جاءكَ هؤلاء
    ما جونا من قيف السراب
    أو جونا من خلف الحدود
    بل جونا من جوّانا هم حُترب
    هنالك باقي في حلق الكلام
    تلك البذور الراكده في قاع الجُراب
    ما اتنفَّست فلق الصباح
    نفس الأزقة الفيها
    سكَّتنا الكلاب..
    ولكم وكم غلب الغُنا السمح النباح
    كم نحن أحياناً شربنا المويه
    من كاس الجراح
    من بين أصابعنا المخدَّره بالسُكات
    من بين مسامات العيوب..
    يا الله مين جلَد البنات
    جلداً موثق في القلوب
    وسكتنا ساي
    جُوّانا منْ فصل الجنوب
    هم عَسَّموك وقسَّموك خلُّوك مشتت في الدروب
    حدَّادي مدَّادي الوطن قد كان
    حليل الأغنيات
    يا أيها الأسف الشديد
    أكتب نشيد من تاني أجمل أمنيات
    لا للشهيد تلو الشهيد
    إلا إذا خطأً وصدفه تِحِتْ هدير التنميه
    موت الله ساي حتماً أكيد
    أو جانا من خلف الحدود
    وطن الجدود وطن الجدود
    نفديك بالأرواح نذود
    من بعد ذلك يا جميل
    أحلم بما لك من حقوق
    كشك الجرايد في الصباح،
    كيس الفواكه والملابس والكراريس والحليب
    نكهة خبيز والدنيا عيد إنسان عزيز
    وطن سعيد والشعبِ حر
    وطن التعدد والتنوع والتقدم والسلام
    حيث الفضا الواسع حمام
    والموجه خلف الموجه والسكه الحديد
    حرية التعبير عبير
    تفتح شهيتك للكلام
    النهر ما بِستأذن الصخره المرور
    جهراً بِمُرْ نحو المصب
    أمواجو تلهث من بعيد
    أكتب نشيد راسخ جديد
    الشمسِ تشهد وبرضو أستار الظلام
                   |Articles |News |مقالات |بيانات

24-11-2016, 09:30 PM

Yasir Elsharif
<aYasir Elsharif
تاريخ التسجيل: 09-12-2002
مجموع المشاركات: 26560

للتواصل معنا

FaceBook
تويتر Twitter
YouTube


Re: أوعَك تخاف- من أشعار محجوب شريف (Re: زهير عثمان حمد)

    سلام يا زهير

    هذه هي القصيدة هنا من إلقاء الراحل المقيم الأستاذ محجوب شريف في منزلنا في ألمانيا عندما شرَّفنا بزيارته في سبتمبر 2013 ومعه الأستاذة أميرة والأسرة ودكتور جمال الذي قام بالتصوير ورفع القصيدة إلى اليوتيوب.




    زميل المنبر المبدع الأستاذ طارق أبو عبيدة "خدر" يؤدي كلمات "أوعك تخاف هنا:


    القصيدة كخلفية لعمل ثوري إبان انتفاضة سبتمبر/ أكتوبر 2013
    هنا


    وهنا





                   |Articles |News |مقالات |بيانات

24-11-2016, 09:33 PM

Mustafa Mahmoud
<aMustafa Mahmoud
تاريخ التسجيل: 16-05-2006
مجموع المشاركات: 37752

للتواصل معنا

FaceBook
تويتر Twitter
YouTube


Re: أوعَك تخاف- من أشعار محجوب شريف (Re: Yasir Elsharif)

                   |Articles |News |مقالات |بيانات

25-11-2016, 01:24 AM

زهير عثمان حمد
<aزهير عثمان حمد
تاريخ التسجيل: 07-08-2006
مجموع المشاركات: 19237

للتواصل معنا

FaceBook
تويتر Twitter
YouTube


Re: أوعَك تخاف- من أشعار محجوب شريف (Re: Mustafa Mahmoud)


    سيخرجن ...
    وسيخرجون ...
    وينضم إليهم ...
    المحاربون ...
    والمخربون ...
    وسيقتلون. ..
    وعندها .. يكون النصر لنا ..
    سنتباهى بانا .. كنا حاضرون ...
    من خلف الكيبورت. .. مشجعون. .
    وغدا على الصحف سنكتب. . ونقول انا شاهدون ...
    فقط شاهدون ...
    # النصر يفعله الشجعان .. ويموتون ...
    ويستمتع به الجبناء .. ويسجلونه بأسمائهم ...
    وغدا يصرون أبطالا .. تستضيفهم الاذاعات و الفضائيات .. وسيتباهون ...
    #اللهم لاتجعلنا من الذين يقولون مالا يفعلون
    #حواءأرباب

    🔷هبة ارباب
    24/11/2016
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de