للفنانين والبعرفوا يغنوا وكل من القى السمع

عزاء واجِب ، وتعريف .. بقلم عادل الحكيم
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 18-11-2018, 02:45 AM الصفحة الرئيسية

مدخل أرشيف للعام 2016-2017م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
08-11-2016, 06:34 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


للفنانين والبعرفوا يغنوا وكل من القى السمع

    06:34 PM November, 08 2016

    سودانيز اون لاين
    Ahmed Yassin-
    مكتبتى
    رابط مختصر

    اذا ما بتعرف تغني ما تجي داخل
    الشرط الوحيد المطلوب هو انك تقرأ الاغنية باللحن
    يعني اذا لقيت بيت او مقطع اوكوبليه من أي اغنية
    لازم تقراها باللحن حقها الاصلي
    لو صوتك شين ما مشكلة ولو بتغني (فلات) ما مشكلة برضو
    المهم انك تقراها باللحن
                   |Articles |News |مقالات |بيانات

08-11-2016, 06:36 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)


    الغناء دا انتوا قايلنوا ساهل؟
    والله صعب صعوبية
    اتخيل انت عمرك دا كلو بتغني في البيت وفي المدرسة او عند الجيران
    او من فوق صهوة حمار في البلد
    وركبت في راسك انك عايز تقرأ موسيقى .. طبعا صدمة لى ناس البيت
    ومعناتة انت زول صايع وضايع ..واها قول قريت حتطلع تتوظف شنو؟
    قاضي مثلا !!؟ ما .. غناي في الاعراس
    وتبتدي سمعتك شوية شوية تتبهدل خاصة ان المجتمع حق الفنانين فيهو مافيهو
    وطبعا أي زول سمع ولا ما سمع حيجي يقعد مع ناس البيت ويقدم النصح
    ويتوعد ابوك بالويل والثبور يوم القيامة
    وابوك حيدخل النار بى سببك انت
    المهم انت راكب راسك و( خليهم يقولوا زي ما الناس يقولوا)
    " اها بدينا ودي تقروها على طريقة ترباس"
                   |Articles |News |مقالات |بيانات

08-11-2016, 06:43 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    وجيت من البلد للخرطوم .. وانت اصلا رجل شجاع
    ومتعود على الغنا من وانت صغير بتنبح
    وقدمت على معهد الموسيقى . توووووش
    اها
    في المعاينات جيت لقيت (البعاين) او البعاينو هم الدكاترة
    والوكت داك انا زاتي ما بعرف دكتور دي شنو اللهم الا
    الباشتمرجي في البلد البدينا حبة السلفة البيضاء
    وانا بقول معقول ديل خلوا العيانين وجوا هنا ليه؟
    المهم
    القاعد انس العاقب وجنبوا الماحي سليمان اخو حمزة سليمان
    الفنان الجميل والزول حمزة دا انا بحبو حب عجيب لله في لله
    الله يطراهو بالخير ..مشتاق ليهوومحتاج اقالدوا
    قالدت سوق الشجرة وأب روف والبنات
    الزنكي
    سوق الناقة
    والناس والخدار
    وقطعت حي البوستة مرفوع الكلام
    " دي تتقري على طريقة حمزة ود سليمان العوض"
                   |Articles |News |مقالات |بيانات

08-11-2016, 06:45 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    نترك حمزة جانبا ونجي لأخوهو الماحي و انس العاقب
    ديل ناس ابهة وهيبة وشىء بالجد مرعب
    بروف انس دا مرعب عديل .. وانا مع اني ما بخاف حتى من الشيطان زاتو
    اليوم داك مسكتني ليك ام رجافة
    انس العاقب قال لي انت من وين ؟ وبتعرف منو وشنو ووو
    بتعرف تغني؟
    قلت ليهو بعرف .. قال لي غني
    وختا يدواليمين في خدواليمين وصباع يدوالصغير كان ساحب جفن عينو اليمين لتحت
    يعني عينومفتوحة
    انا كنت خايف يقول لي غني لى ابوعركي او خليل اسماعيل او الجابري او الخالدي
    لان ديل غناهم صعب بالحيل وليهم اداء متفرد
    ودعيت جوة قلبي ان يبعدني عن اي واحد من ديل
    وبرضو من اغنية (فتنت بيه) حقت الكاشف ودي صعبة صعبة شديد
    قلت ليهو اغني أي غنية ؟
                   |Articles |News |مقالات |بيانات

08-11-2016, 06:48 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)


    التقول بقرأ الافكار وبعرفك بتخاف من شنو
    طبعا هو استاذ عظيم وخبرة
    قال لي حاجة للجابري .. (اخ) اهو دا الانا كنت خايف وعامل حسابي منو
    قلبي اصلا كان بدق ودقاتو زادت .. اتمالكت واتماسكت وسميت في سري
    وقريت ما تيسر من الذكر الحكيم .. نسيت اغاني الجابري كلها في اللحظة التاريخية المهمة تلك
    عشان يلطف الجو قال لي سيدالاسم وبروف الماحي قال اوهوج الرياح مثلا
    راسي قرب يلف وهواصلا لافي ... برضو عشان ينقذني قام صفر بى لحن
    ما عرفتو زاتو شنو ... الماحي قال (هااااااات يازمن)
    بس كانه رمى لي طوق النجاة
    وبديت اغني واطقطق بى الابهام في الوسطى وانا اتحاشى النظر لكليهما خاصة انس
    ويبدو من صمتهما او هكذا خيّل لي ان غناي لاقى استحسانا لديهما
    واستمريت وعقيرتي ترتفع بالغناء
                   |Articles |News |مقالات |بيانات

08-11-2016, 06:49 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)


    لغاية ما جيت في الحتة السببت واثارت موجة من الضحك لدى اللجنة الموقرة
    الحتة البقول فيها الجابري
    (فات قلبي شمعة وحيدة في هُوج الرياح)
    انا مع الخوف والربكة غنيتها كدة
    (فات قلبي دمعة وحيشة في هوج الرياح)
    هنا ازدادت عين بروف انس المفتوحة اصلا ...اتساعا
    وقال لي نعم؟؟
    ووقعوا في الضحك
    انا احتمال اتداخلت معاي (من الخوف طبعا) اغنية الكابلي
    كم دمعة سالت فوق خدود الشمعة

    للفنانين والبعرفوا يغنوا وكل من القى السمع
                   |Articles |News |مقالات |بيانات

08-11-2016, 06:55 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    الظاهر عندي مشكلة
    مرات اسمع الغنية ما بقدر افرزالفنان دا بقول شنو
    مثلا
    احمد المصطفى
    بالنسبة لي بقول :
    (زع موسى لو توكا)
    ترررري ريم ترررريم
    ومرات بتجيني
    (زعموطة لو توكا)
    وهي في الاصل
    ( زعموا سلوتك)

                   |Articles |News |مقالات |بيانات

08-11-2016, 06:59 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    برضو احمد المصطفى
    الدنيا تحلى صعابا ساهلة ..( بسرق ) وأحلا
    مع انها :ـ
    الدنيا تحلى .. صعابا ساهلة .. بس روق واحلا
                   |Articles |News |مقالات |بيانات

08-11-2016, 07:05 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    فنان شاب مندمج في خفلة اندماج صاح
    وبغني (يابنت النيل النيل احب النيل ياجميل)
    وقاعد يعبر تعبير صاح لابراز معاني الكلمات
    لامن يقول :
    آآآآه انا من عيونو الناعسات
    يقوم ياشر على جفونو ورموشو

    وانا .. آآآآآآه من ضفايرو السادلات
    قام (أشر على اضافرينو الفي ايدو)
                   |Articles |News |مقالات |بيانات

08-11-2016, 07:10 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    نواصل مع العميد
    يتعبنى تعب شديد..لى شديد .. شديد لى شديد (لوح الحلا)
    واكيد هي:
    لو حلحلها
                   |Articles |News |مقالات |بيانات

08-11-2016, 07:15 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    صلاح مصطفى
    اكتب لي يا غالي الحروف
    اتمنى في (لفة ) محب
    شال (الصقر) لما (الصقر) من ايدو طار
    اكتب لي خلي (الناس ) تموت و(الهلفوت)

    وهي طبعا:
    اتمنى في لهفة محب شال الصبر

    اكتب لي خلي النار تموت والهم يفوت
                   |Articles |News |مقالات |بيانات

08-11-2016, 07:20 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    البلابل
    (لوري ) المنقة .. يا الشايل المنقة
    وكنت كلما اسمع المقطع دا يبخيل لوري سفنجة شاحن ومليان منقة
    وهي
    لون المنقة
                   |Articles |News |مقالات |بيانات

08-11-2016, 07:23 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    عثمان الشفيع

    قولوا ليه حبيبك (أمسك ) المجنون
    وهي هناك :
    حبيبك أمسى كالمجنون
                   |Articles |News |مقالات |بيانات

08-11-2016, 07:57 PM

عزيز
<aعزيز
تاريخ التسجيل: 12-04-2002
مجموع المشاركات: 3273

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    مساء الخير ابو حميد

    انت ياتو دفعه يا احمد؟؟..

    ذكرتني المعاينات ورهبتها..
    كانت المعاينات لدفعتنا في قصر الشباب والأطفال في العام 86
    مع ان الطابق الخامس بالقصر مكان مألوف لدي لأنني درست به موسيقى قبل سنوات من ذلك اليوم الرهيب..
    دخلت المعاينة فوجدت عرابين الموسيقى أنس العاقب الماحي سليمان المنصوري علي ميرغني واثنين آخرين لا اذكرهم الآن..
    بعد الايقاعات والأصوات وتريد الجمل الموسيقية..
    سألوني بتغني؟؟ حاولت أنكر فحاصروني باصرارهم.. فهرب كل الغناء مني وبعد جهد كبير قفزت السنين للطيب عبدالله. وبسرعة ولدراستي للموسيقى انتبهت إلى أن الأغنية بها مناطق عالية فبدأت اغني في طبقة منخفضة وكانت دهشة اللجنة تدهشني كلما تمدد صوتي الباص فشعرت بالراحة وأكملت المعاينة بتمام الرضى لأنني دخلت من قبل معاينتين بقصر الشباب وأجتزتهما ولكن الأولي كانت لآلات نفخ فاعتذرت ورجعت بعد عام ودرست العام 79-80 ..
    عندما بدأت الدراسة ومعاينة اختيار التخصص وجدت أن اللجنة أوصت بدراستي الصوت .. دراسة الصوت من أصعب التخصصات في المعهد لأنه يعتمد على الحالة الصحية والمذاجية والتركيز الحاد حتى تستطيع أداء المحاضرة بصورة مرضية للأستاذ ولك كطالب.
    هي الذكريات يا احمد..
    لك التحية والود
    عبدالعزيز خطاب

                   |Articles |News |مقالات |بيانات

08-11-2016, 07:23 PM

Munir
<aMunir
تاريخ التسجيل: 11-02-2002
مجموع المشاركات: 10435

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    سلامات أحمد ..
    ده كلام روقة الظاهر .. الجدعات من طرف المغانى دى بتنتقل بينا من زمن لزمن ومن لحن للحن ..
    أكتر مقطع ضرسنى كان لأفراح عصام الما فارزة هى بتقول فى شنو أيام تحرير هجليج وجوغة الفنانين اللابسين جيش، حين غنت الفينا مشهودة .. فغنت بإصرار وكررت ــ بنخون الأمانة السيدها أمننَّا ــ بدلاً عن بنصون الأمانة .. وناس وليد زاكى الدين ينططوا ..
                   |Articles |News |مقالات |بيانات

08-11-2016, 07:28 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Munir)

    ههههههههههههههههه
    والله يامنير دي اتقطعت فوقا
    بنخون الامانة؟
    بس اوع الريس يكون قاعد
    في التلفزيون يا حبيبنا منير الفنان قاشر وممسحوبغني:
    غصن البان على بدر الكون نزل
    ويكرر
    غصن البان على بدر الكون نزل
    .....
    دي تجي كيف دي بس ؟ يعني عكس الجاذبية ولا كيف
    والصحيح

    بدرالكون على غصن البان نزل

                   |Articles |News |مقالات |بيانات

08-11-2016, 07:31 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    عثمان حسين

    عوشرة الأيام...( تاررررا) أأ عوشرة الايام لابس احسن ساعة
    وطلعت:
    عشرة الايام .. مابصح تنساها

                   |Articles |News |مقالات |بيانات

08-11-2016, 07:41 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    ابوعركي
    مرة لاقت في المدينة الحمامات الحزينة
    قامت (ادتا ) في حنانا
    وطبعا بعد سنين وسنين لقيت انو انا
    استبدلت حرف الجر (من) بـ (في)
                   |Articles |News |مقالات |بيانات

08-11-2016, 07:49 PM

Munir
<aMunir
تاريخ التسجيل: 11-02-2002
مجموع المشاركات: 10435

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    ههههه والله يا أحمد ياهو زى دا ياهو زى دى .. حتى أنا قلت يمكن أضنينى كانن مطششات لمن سمعتها زمان، لكين هسسسع مشيت سمعتها وإتأكدت من أضانى وكنت ناوى أجيب ليك الفيديو لكين قلت مافى داعى للفضايح .. 😄
                   |Articles |News |مقالات |بيانات

08-11-2016, 08:00 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Munir)

    انا يا منير الاضنيني مطششات لكن افراح دي بالغت

    زيدان ما بقول
    وراجل عين تلاقى العين ...واحضنى كالبطة

                   |Articles |News |مقالات |بيانات

08-11-2016, 10:19 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    الفنان الخلوق انور عبدالرحمن (عقدالجلاد)
    برضو بروف العاقب عمل ليهو معاينة وتقريبا غنى
    لى عثمان الشفيع (الذكريات) وهو يرتجف وارتعدت فرائصه
    وانور درس (صوت) وهو فنان متمكن
    وانور اذا قعد يمدح .. شىء عجيب ويمتلك صوت معبر وحنين
    طبعا لانه من بيت ديني وجدو كان شيخ كبير
    انسان مهذب وحيي وبهذه الطيبة وهذا الصفاء نادر جدا
                   |Articles |News |مقالات |بيانات

08-11-2016, 10:24 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    النور الجيلاني
    مدلينا .... مدليييييناااااا
    الشرفوتة .. والغربوتة
    الشرو غتس
    والغربو غتس
                   |Articles |News |مقالات |بيانات

09-11-2016, 05:32 AM

ياسر السر
<aياسر السر
تاريخ التسجيل: 06-08-2010
مجموع المشاركات: 2789

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    التحية لك استاذي احمد ياسين وانت تعيدنا لذكريات جميلة مازالت عالقة في ازهاننا فبحكم تجربتي المتواضعة في الغناء ذهبت لاجازة صوتي وعلى ما اذكر ان اللجنة في الفترة الاولى كانت تعمل في مقر الاذاعة السودانية فكان اعضاء اللجنة في ذاك الزمان الجميل اباطرة الموسيقى والفن في بلادي امثال الاستاذ على ميرغني رحمه الله ولا اذكر الباقين نسبة لطول المدة واذكر انهم نصحوني بان اتي بعد سنة لان صوتي لم يكتمل بعد نسبة لصغر سني في تلك الفترة حيث انني كنت ادرس في المرحلة الثانوية ولكن نسبة لانشغالي بعد بالدراسة في الجامعة وبعض مشاغل الحياة لم اذهب بعد سنة ولكن بعد فترة طيولة وبعد التخرج من الجامعة وبعد الالتحاق بفرقة موسيقى الدفاع الجوي فكرت مرة اخرى في الذهاب للجنة اجازة الاصوات وهذه المرة كانت تعقد في مقر لجنة المصنفات الفنية والادبية على ما اذكر وكان فيها ايضا الموسيقار الدكتور الماحي سليمان وشاعرنا الكبير مهدي محمد سعيد الذي نظم اغنية ( من غير ميعاد ) للعملاق الاستاذ محمد وردي وايضا كان فيها الاستاذ التجاني حاج موسى واعطوني موعد ان احضر بعد اسبوع ولكن نسبة لظروف لم اتمكن من الذهاب واعتزرت لهم تاني يوم واعطوني موعد بعد اسبوع واذكر انني ذهبت بدون عود فهناك وجدت احد الزملاء لا اذكر اسمه يحمل عود ووجدت الاخ الاستاذ بكري ابو عزبة عازف الاورغن المعروف جاء مع احد المطربات لا اذكر اسمها وطلبت منه ان يدخل معي لاجازة صوتي فوافق مشكورا ولكن كان هناك توجس من اللجنة حيث انني لم اقوم بعمل بروفه مسبقة مع بكري ابو عزبة وايضا قالو لي لماذا تاتي بدون عودك الخاص فبعد ان اقريت لهم بانني ساتحمل النتيجة مهما كانت وسارضى بحكمهم مهما كان وعلى مضض سمحو لي اقوم بالاختبار ولكن على ان انتظر ان يخلصو من الجميع وقد كان وف يالبداية طلبو مني ان اغني اغنية حقيبة ولا اذكر ماذا غنيت وبعدها طلبو مني اغنية حديثة فاذكر انني غنيت اغنيتة (حبيبي اكتب لي وانا اكتب ليك ) للهرم الفني الاستاذ ابراهيم الكاشف فكلما احاول ان اتوقف يطلبو مني الاستمرار وصرت محتار هل يريدون التاكد من صوتي ام ماذا واستمريت في الاغنية الى ان ختمتها وقفلت الاعنية فإذا بالجميع يصفقون بحرارة وكلهم يقولون لي مبروووك مبرووك فحمدت الله على استحسانهم واجتياز المعاينة والحمد لله ذهبت بعد اسبوع واستلمت شهادة اجازة الصوت ... ولكن نسبة لسفري للمملكة العربية السعودية ظلت هذه الشهادة حبيسة دولابي الى هذه اللحظة .. ولكن كلها ذكريات قد نبشتها لنا بهذا البوست الجميل ,,,,
    واسف للاطالة وواصل في هذا البوست الجميل يا جميل ..

    تحياتي : ياسر العيلفون .....
                   |Articles |News |مقالات |بيانات

09-11-2016, 12:07 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: ياسر السر)

    عزيز خطاب الفنان الشامل
    دفعة ( هههه) التسعينات عشان ما تقولوا حاجة
    انت مفروض يسموك عزيز (باص)
    على وزن احمد باص عازف الكمان المعروف
    صوتو باص .. طبعا انت في المسلسل صوتك كان مميز وواضح
    يعني من ضمن كوكبة العطبراوي ومحمدالامين وكابلي
    خبرتك في المعاينات هي النفعتك
    والله ياعزيز ياخي انت عندك شهرة كدة وسمعة طيبة
    بين الناس .... بس الا الاراضي المنخفضة دي حرمتنا منك

                   |Articles |News |مقالات |بيانات

09-11-2016, 12:08 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    ياسر العيلفون .. تصدق انا كنت عارف انك فنان
    وكمان صوتك مجاز وامام لجنة !!
    يعني انت مؤهل
    والاغنية الانت غنيتها (حبيبي اكتب لي)
    دي اغنية صعبة وفيها مناطق عالية كتيرة
    وعايزةصوت (تينور) حاد ودا معظم السودانيين بحبوهو
    لانه نحن شعب فينا عاطفة كبيرة عكس الغرب بفضلوا
    الاصوات (الباص) اومالغليظة لانهم ناس مهنيين
    وخلوك تكرر وتعيد ودي حالة نادرة في اللجان بتاعة اجازة الاصوات
    و تصفيق اللجنة بعني انك عبرت مناطق الجواب بسهولة جدا
    ولمعلوميتك معظم الاغاني البطلبوها وبتسقط الناس
    زي اغنية سال من شعرها الدهب فيها طلعتين جويتين
    صعبات شديد .. وابن البادية بكل اريحية بامكاناته الصوتية
    وصوته (التينور) بحلق فوووق وبجي راجع في:
    فاره .. مترف .. لدن .. فنن.. لا .. ولا فنن
    هزنى الوجد والشجن فى الهوى
    انت تعال يا ياسر شنو حكاية (اسمو راح لي)
    كويس ماقلت لي اسمك راح لي

                   |Articles |News |مقالات |بيانات

09-11-2016, 12:15 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    الفنان عبدالله محمد ..(قريب انور عبدالرحمن ) وقريبو شديد كمان
    عنده اغنية بقول فيها
    مالك مجافي الناس عايش براك في (غرفة)
    ما نحن ناس جيرانك
    ادينا حبة في علبة
    .....
    دي طلعت
    مالك مجافى الناس .. عايش براك في غربة
    ما نحنا ناس جيرانك قضينا عُشره وصحبه.
                   |Articles |News |مقالات |بيانات

09-11-2016, 12:22 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    مرت الايام
    مرت الايااااااام كالخيال احلام
    عبدالدافع عثمان
    انا بى شلاقتي وبى اضنيني الكوبار الكعبات ديل
    في الحتة دي بالذات وانا بسمع واعيد ستين مرة
    اسمعو بقول:
    او حين ارى التختخ
    (كنت قايلو بتاع المغامرون الخمسة الزول السمين) وكنت بتخيل انه عبدالدافع الله يرحمه شاف تختخ

    بدل
    او حين اراك تختال

                   |Articles |News |مقالات |بيانات

09-11-2016, 12:32 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    السمع الغلط قرب يودي حسين شندي في خبر كان

    حسين شندى حفلة في برى
    والحفلة عامرة وجميلة
    بغنى في الشوق والريد
    (تا لالالالا) لم
    (الشووووق والررييييد)

    قام وصل للحتة الفيها ايقاع سريع
    نعيد الكان.. ونعييد الكااان حليل الكان
    نعيد الكــــاااااان
    جا واحد عربى رافع سيفو فوووق
    حسين شندي قايلو جاء يبشر ويعبر عن شعورو
    اول ما جائ قدام حسين رفع سيفو فووووق
    وقام منزلو وقشط بيهو حسين شندى
    ربنا ستر وكانت رقبة حسين شندي حتتقطع وتطيرهناك
    الفنان وقع وهو غرقان في دمه وفقد الوعي والدنيا جاطت
    شالوحسين ودوهو المستشفى ورقد فيها شهور
    في القسم العريبي يحلف بالطلاق انه ما بخلي الفنان دا الا يقطع راسو
    ليه ؟؟؟ ضربتو ليه؟
    قال قال للبوليس
    دا بقول:ـ
    (يا التومة راجلك جبــان)
                   |Articles |News |مقالات |بيانات

14-11-2016, 11:21 AM

الطيب عباس
<aالطيب عباس
تاريخ التسجيل: 22-09-2015
مجموع المشاركات: 1861

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    Quote: او حين ارى التختخ
    (كنت قايلو بتاع المغامرون الخمسة الزول السمين) وكنت بتخيل انه عبدالدافع الله يرحمه شاف تختخ

    بدل
    او حين اراك تختال



    ههههههههههه

    ذكرتني كفاية اني هويت لمن نجوع بخش للوالده في المطبخ ونغنيا زمان انا واخواني التوأم هههههههههههه

    تحياتي بوست ظريف
                   |Articles |News |مقالات |بيانات

09-11-2016, 12:29 PM

awad okasha
<aawad okasha
تاريخ التسجيل: 15-07-2007
مجموع المشاركات: 3839

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    وشاعرنا الكبير مهدي محمد سعيد الذي نظم اغنية ( من غير ميعاد ) للعملاق الاستاذ محمد وردي
    _________________________________________________________
    افتكر انو صاحب قصيدة ( من غير ميعاد ) هو الاستاذ التجاني سعيد ..
                   |Articles |News |مقالات |بيانات

09-11-2016, 12:42 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: awad okasha)

    نعم يا ود عكاشة شاعرها التجاني سعيد وغناها وردي
    الشاعر والمربي الراحل له الرحمة مهدي محمد سعيد
    غنى له زيدان (جميل ما سالناه)
    وابوداؤد غني له (اذا حييته بسم)
                   |Articles |News |مقالات |بيانات

09-11-2016, 01:18 PM

Kabar
<aKabar
تاريخ التسجيل: 26-11-2002
مجموع المشاركات: 16502

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: awad okasha)


    احمد..حبابك يا صديق
    ياخي الواحد قر ب يركب ليك الوش اياه..!!
    انت صحي كده : جلالدونا شنو الدخلو في قراية اللوحة؟..
    مش كان يا احمد ، اخير ليك ن تقعد معانا في حكاية الإنتخابات الأمريكية ، وبالعدم شغلانة هلال ومريخ بتاعة ناس ود البشرى وطلحة..؟..
    كنت ، من غفلة ، قايل المووضع واقف في العميد (عليه السلام).. فشنو قمت جهزت اللوحة الكنت داير جلالادونا يقراها معايا بالتفاصيل المملة ( يلاك يا عصفور ، طار قلبي مني ، حاولت انساك).. ولمن سمعتهن التلاتة بصوت العميد..لقيت روحي ح ادخل في طلبات استغفار وسماح ما ليها حد ...!!
    شفت يا جلالادونا بهاء اللوحة ، ناس بتنادي عصفورها ، عشان تجيك زيارة ، وانت ما جايب خبر ذاتو لمن تمرقها في امطرقا عراض..!
    صرفت النظر عن اضافة (يلاك يا عصفور) مش لأنها تورت الحاجات اللئيمة اياها ، ولكن لأنو كتبها محمد عوض الكريم القرشي ، وهاك يا تطمين روح:هسع لو ختيتها يا كبر ، الناس ح يترسخ فيها مفهوم انك عنصري وجهوي وشنو كده ما عارف..!!
    وعلي قول عزيز خطاب: انت ياتو دفعة يا احمد ياسين؟..
    لمن جبت سيرة صلاح مصطفى..قلت : ايواتا ليك (على قول قريبي البقاري: عيال مصطفى الإتنين)..!!..ولكن..!
    شغلانتك جرت وجابت ليها عركي وعبد الله محمد (ياخي عليك الله اسمع للأيام سجية..وتعال اتفاصح بعد داك..!!)..
    عارف شنو.. قلت ملعون ابوها لوحات ياااااااااااااااااااااااااخ..عنو جلالادونا ما فهم لوحة..دي مشكلتي يعني..!!
    ثم..!
    لقيت روحي (مع السراب).. أي والله..!





    اكره الكمنجات يا احمد.. لأنها بتفضح حاجات كتيرة في دواخل الإنسان..!!
    عموما..
    لو اتذكرت ح ارجع تاني هنا..!!
    الزهايمر يا عمك..!
    كبر

                   |Articles |News |مقالات |بيانات

09-11-2016, 12:42 PM

علي عبدالوهاب عثمان

تاريخ التسجيل: 17-01-2013
مجموع المشاركات: 7748

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    حبيبنا أحمد ياسين .. بوست جميل .. خفيف على المعدة ..

    عارف عندنا هناك ريفي دنقلا في ضواحي الدنيا .. كان في تحريف لمعظم الاغاني
    لعدم الالمام بالعربية في ذلك الزمان ..

    حتى المديح كان فيه تحريف بس غير متعمد فمثلا :

    أهلا وسهلا يا منى بقدوم طه أمامنا
    كان أهلنا يرددوا :
    أهلا وسهلاً يا منى بقدوم بتاني نل كونا .. (بقدروم بتاني .. صغار الضفدع بالدنقلاوية )

    وفي الثانوي كان في واحد موهوب نسيت أسمو كان يترجم المديح :
    يارب بهم وبآلهم عجل بالنصر وبالفرج ..
    الترجمة ( Oh God with them their family quick with victory wa alfaragi )
    لم يترجم العبارة الاخيرة (وبالفرج ) لزوم القافية ..

    مودتي احمد .. ليت الشباب يعود يوماً ..
                   |Articles |News |مقالات |بيانات

09-11-2016, 01:14 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: علي عبدالوهاب عثمان)

    استاذنا علي عبدالوهاب
    الرجل الجميل والهميم والباحث الزعيم
    ياخ متعتني بالضحك
    عندنا فنان بناوي سمع اضاني بغني في حفلة لى منو ؟ تخيل بس
    لى محمد ميرغني
    والاورغن شغال وهو اخر انفعال وانا سمعت حاجة كدة قمت قلت اتاكد في الاول مشيت وقفت جنبو..... بس قصادو
    ولقيتو بقول
    شوفتك و (اتهجمت) وييييين يا غالي انتا
    وهو يبشر وشغال
    شوفتك واتهجمتا وين
    براحة جيت جنب اضانو وقلت ليهو
    شوفتك وابتهجت ... أأأ ؟ ابتهجت
    الظاهر ماسمعني ولا ما فهم ماعارف
    في سري قلت ليهو يهجمك اسرائيل
                   |Articles |News |مقالات |بيانات

09-11-2016, 01:37 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    يا الله .. كبر
    ياخي يشهد الله انت زول ماتع وسرك باتع وممتع
    بس الزمن الجاير ..الخلى الناس تبعد من ارضنا و زرّاع ارضنا
    ومداخلتك من شدة ما طاعمة وفيها نكهة زي سمعي للكلمة في
    الشوق والريد و (الحبهان) في لمسة ايد ...وياها (الحبوكان)
    جلالدونا شن عرفو بقراية اللوحات ؟؟ آآآ؟
    الا لوحات العربيات او كما قيل
    الكمنجات دي حسن خواض عالج بيها (الدوبيت) من شدة ما كان بارع
    وانت عارف يا حبيبنا كبر السودانيين عشان ناس عاطفيين شديد عشان كدة بحبو الاصوات الحادة اللي هي في منطقة (التينور)
    وبالتالي بعشقو الكمنجة عشان بدوزنو ليها في منطقة (السوبرانو)
                   |Articles |News |مقالات |بيانات

09-11-2016, 01:54 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    لغاية اللحظة دي ثنائي العاصمة عندهم اغنية بتقول
    ناس قوراب منك ..... .......عرفو (السر حسني)
    السر حسني دا منو؟
                   |Articles |News |مقالات |بيانات

09-11-2016, 02:03 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    طبعا انتوا ماعارفين انو اخونا ( د. منير) ايوة منير الواحد دا حقنا الهنا دا .. بتاع الشعبية
    انا الكلام دا ماكنت عايز اقولوا مع انو محلفني
    لكن طالما جات المناسبة .... كان بغني في المدرسة خاصة في الجمعيات الادبية والرحلات والمناسبات
    وكان بغني لى ترباس ... وكان عندو رق .... كش كشق ..... كشششششششششش
    ذات يوم من الايام السعيدة والمبهجة اعتلى مسرح المدرسة ووقف وكان الكورس من خلفه والناظر والاساتذة من امامه
    والايقاع .. تم تم قال

    نفسى في شية جمر ... وانت من حولي بتمر
    انت عارف و(انا) عارف

    بدل مايقول
    سيبنى في عز الجمر

    (عدل بواسطة Ahmed Yassin on 09-11-2016, 02:08 PM)

                   |Articles |News |مقالات |بيانات

10-11-2016, 05:03 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 12621

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    الفنان الجميل احمد يس و الضيوف الكرام ...

    بعد الاطراء على البوست و روعته ...

    من اجمل ذكرياتي حينما كنا نغنى على باب سفرة داخلية ترهاقا عام 1983
    و كان الحال قد مال بماليات الجامعة و دعم الوجبات في الداخليات و تدنى مستواها ...
    لم يبقى لنا سوى الفول السادة ...

    كانت السفرة تفتح أبوابها عند الساعة 9 صباحا للفطور ...
    و اذا تأخرت محاضرة 7-9 لاكثر من ربع ساعة ... فاحتمالات عدم الفطور واردة تماماً ...
    خاصة حينما نرى زميلنا الجميل ( بدر التوم ) ... و هو ممسك بصحن الفول بيده اليسرى و يهجره هجراً بقطعة رغيفة بيده اليمنى ...
    فنبدأ بالغنا و نحن في آخر الصف ...

    منظر صف طويل ... و يا بخت الأكل ..
    و بدر التوم على ... صحن الفول نزل ...
    شوفو كيف نزل .. شوفوا كيف نزل ...

    و هي طبعاً على وزن بدر الكون على غصن البان نزل ...
    او كما قال الفنان غصن البان على بدر الكون نزل ههههه

    اما السمعتها بي اضاني ... في حفلة في الزهور فتحت بي جاز الديوم ...

    كانت وقتها أغنية جيمس براون I feel alright طالعة السما ...

    اها اصحابنا ناس جاز الديوم يشيلوا و يسرخوا و شابكين الأغنية ( الفيل اورايت )

    تحياتي يا جميل ...

    شكرا لك على اهدائنا تلك البسمات ...
                   |Articles |News |مقالات |بيانات

10-11-2016, 05:22 AM

ياسر السر
<aياسر السر
تاريخ التسجيل: 06-08-2010
مجموع المشاركات: 2789

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: يحي قباني)


    اولا اعتذر وبشده عن الخطأ الغير مقصود في نسب اغنية من غير ميعاد لشاعرنا الاستاذ مهدي محمد سعيد ويبدو انه تشابهت علي الاسماء واكرر اسفي عن الخطا واشكرك اخي عوض عكاشة للتصحيح وفعلا انا هسة تاكدت انو الزهايمر اصابني ,,

    وثانيا لك عظيم شكري وامتناني اخي احمد ياسين واشكرك على كلماتك الطيبات ويا احمد يا خوي نحن جيل مخضرم لانو عاصرنا الجيل القديم والجيل الحديث والجيل الحالي وهذه لوحدها قصة ,,, الله يرحم السودان زمان والاشياء الحلوة الكانت فيه التي اندثرت وغربت شمسها ..
    واصل في هذا البوست الجميل ...

    تحياتي : ياسر العيلفون .....
                   |Articles |News |مقالات |بيانات

10-11-2016, 06:22 AM

جلالدونا
<aجلالدونا
تاريخ التسجيل: 26-04-2014
مجموع المشاركات: 6541

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: ياسر السر)

    ياااااه يا احمد و يس
    خلينا فى لوحة عشرة الايام
    و كأنو ما حبيتك و كأنو ما عشناها
    يمين الله يا ود يس
    لا يكتمل بهاء اللوحة و رعشةمعانيها
    الا حينما ترددها النفس بذلك الصدى المسكون بالعشق
    تكنّو ما حبيتك و تكنّو ما عشناها

    كدى اجعص جعيص حايم هنا خليهو يرسم اللوحة دى
    اشوف فيك صورة ماب تنشاف و اشم ريحة الكليت و الشاف
    تعرف الكليت ده ما عندو اى علاقة لا بالكلية و لا بالكلية
    النجيضة .. شكلك من المعاينة ديك ما غنيت تانى
    غايتوكان غنيت الا يسمعك كبر و بس
    و يجى ينزّل فيرشن هنا
    غايتو اوعاك من تيمان عطبرة و الحتة بتاعت بنّا بنّا بين يا بنينا هيى
    و بمناسبة ذكر اخونا كبر اهديكم ليها
                   |Articles |News |مقالات |بيانات

10-11-2016, 09:32 AM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: جلالدونا)

    يحي قباني وشركاه
    ياخي تعظيم سلام وبعدين بالاحضان من الاعماق يا حبيبي ياغالي زي ما قال صلاح مصطفى (اللحّان)
    ياجماعة يحي دا فنان فنان فنان وسلاحو الفن المأصل والمقعّد زي ما كرومة كان سلاحوالرق
    وبى ضربة الرق فكك واعاد تركيب كل الجمل الموسيقية القديمة
    بطريقة جديدة وجميلة ياهو كرومة ود مستورة بت عرضو الدخل لزمة تاريخية في الغنا السوداني
    في اغنية (الرشيم الاخضر) ولاول مرة في تاريخ غنانا
    تسمع (الله) بطريقة كرومة قبل (هم سبب آلامي)
    كدي خليني اكمل ضحك من (الفيل اورايت) قالوا يا ياخي لمن بوش الاب جاي زيارة للسودان
    وماشي معسكرات دارفور في برنامجوا
    الجماعة بتاعين الحكومة قبل الزيارة بى اسبوعين قعدوا يحفظوا ناس المعسكرات في wellcome Bush
    من الصباح قولو wellcome Bush لغاية المغرب تحفيظ
    اها بوش وصل وادوا الاشارة المتفق عليها عشان يبدوا
    الجماعة كلهم : والكمبوش .. والكمبوش .. الكمبوش

    (عدل بواسطة Ahmed Yassin on 10-11-2016, 09:49 AM)

                   |Articles |News |مقالات |بيانات

10-11-2016, 09:57 AM

Elmosley
<aElmosley
تاريخ التسجيل: 14-03-2002
مجموع المشاركات: 34418

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    بوستك بمزاج رايق ودم خفيف متابعة واهتمام
    -------------
    البنات زمان في الاعراس بغنن لي زيدان وبقولن
    "وتعبت تعب الموت" لي
    ,بأيد تداعب الموج هههههههه
    عشان كده علماء الاثنوميوزيكولوجي"
    بوصفوا الاغنية الشعبية بانها
    مجهولة المؤلف وتنتقل بين الناس سماعا وتتغير من شخص الى اخر
    تحياتي لك ولضيوفك عزيزي احمد
                   |Articles |News |مقالات |بيانات

10-11-2016, 10:02 AM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    ياسر ودالعيلفون
    Quote: اعتذر بشدة

    التجاني سعيد صاحب اجمل اغنية سودانية (ارحل)
    بعدين طبيعي جدا من العيلفون يعني انت اصلا ولدت فنان
    المفروض ما يعملوا معاينة ولا اجازة صوت زاتو
    موش في اغنية بتقول
    يابا هى الطلعت.. وانا كيف خلاصى معاك
    وانا كنت بتخيل في تخقيق وسين وجيم منو الطلع اول فيكم انت ولا هي؟
    ومرات بجيني وانا بسمع الاغنية انوالبنى ادمة دي فرتقت
    واتاريها طلعت:
    يا بهى الطلعة
                   |Articles |News |مقالات |بيانات

10-11-2016, 10:23 AM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    جلالدونا
    Quote:
    ياااااه يا احمد و يس
    خلينا فى لوحة عشرة الايام
    و كأنو ما حبيتك و كأنو ما عشناها
    يمين الله يا ود يس
    لا يكتمل بهاء اللوحة و رعشةمعانيها
    الا حينما ترددها النفس بذلك الصدى المسكون بالعشق
    تكنّو ما حبيتك و تكنّو ما عشناها

    كدى اجعص جعيص حايم هنا خليهو يرسم اللوحة دى

    والعجب لمن يغنيها عثمان مصطفى بارتون باص العصر
    ياخي انت عايزالجد يا جلجل ولا حاجة تانية
    انت زول حلو والله وطاعم وخفيف على القلب والمعدة
    وانت ويحي مشكورين على الهدية عارفكم ما بتجو فاضين
    بمناسبة عثمان حسين
    العازف اسامة المبارك قال لي في واحد بغني اغنية في هواك ياجميل قال:
    جوز نعام سكاني
    بدل مايقول
    جوز نواعسك راني
                   |Articles |News |مقالات |بيانات

10-11-2016, 10:45 AM

محمد أبوالعزائم أبوالريش
<aمحمد أبوالعزائم أبوالريش
تاريخ التسجيل: 30-08-2006
مجموع المشاركات: 13691

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)


    أحمد يس إزيك ....

    أوعدك ... حأرجع للبوست بمزاج .... بس من البداية لقيت دي وغلبني أفوت فيها ساكت:
    Quote: المهم انت راكب راسك و( خليهم يقولوا زي ما الناس يقولوا)
    " اها بدينا ودي تقروها على طريقة ترباس"

    الجمعة في شمبات حقت سيدنا (إبراهيم الكاشف) وتهجّم عليها وبشتنها كمال ترباس.

    وجب التنويه

    بجيك صاد
                   |Articles |News |مقالات |بيانات

10-11-2016, 11:11 AM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: محمد أبوالعزائم أبوالريش)

    استاذي وشيخي الموصلي بحرالعلوم
    اهلا وتسلم يا الحبيب تسلم
    Quote: -------------
    البنات زمان في الاعراس بغنن لي زيدان وبقولن
    "وتعبت تعب الموت" لي
    ,بأيد تداعب الموج هههههههه
    عشان كده علماء الاثنوميوزيكولوجي"
    بوصفوا الاغنية الشعبية بانها
    مجهولة المؤلف وتنتقل بين الناس سماعا وتتغير من شخص الى اخر
    تحياتي لك ولضيوفك عزيزي احمد

    ههههههه
    وتلقى الناس في العرس ترقص وتبشر
    وهي هناك تعبت تعب الموت
    انا طبعا حسن عطية دا ما بجي بى جنبو ولا بحاول
    عبدالرحمن عبدالله موش بول
    يا تومي فرينا .... باص السجانة
                   |Articles |News |مقالات |بيانات

10-11-2016, 11:29 AM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    استاذنا وحبيب الشعب محمد ابوالعزائم ابوالريش
    اسمع
    اوع تاخر بالله
    جيتك الميمونة دي وبما انواسمك دا اسم شيوخ كبار تلحقنا وتنجدنا
    في الصباح زمان في الراديو بتذكر ان الجو شتاء وصوت الكابلي
    بغني ( ليلة المولد)
    انا يوميا بسمعها وفيالمقطع دا وقدر ما اركز اضنيني
    وا..على سقط لقط ... الحقيقة
    جل جلال الله .. اللـــــــــه
    قريب دا عرفت ان الموضوع
    وعلى صوت صدى الطبل ... الحقيقة

    شيخي
    وفي انتظار عينيك
                   |Articles |News |مقالات |بيانات

10-11-2016, 11:40 AM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    الجابري
    سيب الاسم .. سيب الاسم
    محبوبي وكتين....
    يعني يا السامع انسى الاسم حق البت ومامهم وخليك في الموضوع
    والحكاية دي لانهانا عارف انالشعراء زمانب دسوا الاسم
    ومابفصحوا عنه ومرات بعملوا ليهو تورية وارقام
    والجابري زاتو غنا
    حبيبتي (بت مصطفى) ماداير زول يعرفا
    حبيبتي (بت مصطفى) ماداير .. وماداير ..ماداااااير
    واتعدلت وبقت حبيبتي (بستلطفا)
                   |Articles |News |مقالات |بيانات

10-11-2016, 02:02 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)


    قبل كدة جوني جماعة في البيت وقالوا عندهم مناسبة وعايزني احي ليهم الحفلة
    وقالوا جاينك بى توصية من فلان والحقيقة بشكر فيك وووو .. طبعا انا عملت فيها
    مهم وقلت ليهم مناسبتكم متين ؟ قالوا يوم كدة .. قمتا عملت نفسي اني زول منظم قلت
    ليهم دقيقة اطلع المذكرة واشوف جدولي .. قمت طلعت ليك دفتر كبير زي بتاع الدكاكين داك
    حق الوالد الله يرحمه لونوا احمر وقعدت اقلب ومديهم ضهري .. قلت ليهم يومك كم؟ يوم شنو؟
    وانا خاتي بالي في العداد والعربون بعد مسافة قلت ليهم والله حظكم كويس ياخ ما عندي أي ارتباطات
    ... استلمت العداد وقلت ليهم حاجيب معاي تلاتة كمنجات واورغن وساكسفون وتروميت وباص جيتار
    وايقاع .. والساوند نظام الود فنان صحي صحي. (هو زاتو الدلاهم علي دا منو؟) واكيد غلطانين
    ضربت العربون ... وكبيت الزوغة بقيت مابجي البيت نهائي ...والناس ديل بفتشوا فيني شهور ....
    ناس البيت زاتم زهجوا منهم ... المهم لموا ليك فيني يوم جمعة والامة مجتمعة الصباح .. وقالوا يلا . ....
    يلا وين ؟ مودني وين ؟ اركب ... ركبت وانا صاغر .... وانا ارتجف من الخوف قلت خلاص دي فيها علقة بت لزينا
    وانا حاتنخمش واتكسر حتة حتة. وقفوا جنب بيت قداموا ناس وحافلة وحلل وصحانة وخروفين وكيس عيش وليمون
    ، الجماعة عندهم رحلة ... رفعوني مع الحاجات واتحركنا ما وقفنا الا في ابوحليمة اوفي الخليلة ماعارف المهم
    لقوا حتة كويسة .. انزل.... نزل .. انزلك ..فرشو ولغاية اللحظة دي مافي زول بتكلم معاي كمواحد كدة جروا الخروفين
    واشوف ليك السكاكين طلعت وهي تلمع تحت اشعة شمس الصباح والصباح رباح اتذكرت قول الشاعر
    ذكرتك والسيوف لوامع
    وواحد منهم عاين لي ورفع لي السكين ... انا في هذه اللحظة كرهت العداد والقروش وقلت انا مالي كان مالي ياخ كنت في امانة الله هسي
    المهم

                   |Articles |News |مقالات |بيانات

10-11-2016, 02:40 PM

عزيز
<aعزيز
تاريخ التسجيل: 12-04-2002
مجموع المشاركات: 3273

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    الحبيب أحمد يسن
    لك التحية والتقدير
    ولك جميل الود على طيب حسن الطن
    عندما يقول لي أحد الأخوان بأنك كنت حاضرا بذكراك بيننا أفرح كالطفل وأتحسس وجودي في الكون وأحمد الله بأنني حي أمشي بين وجدان الأحباب

    أذكر في أيام الطفولة ومايو كان كثيرا المذياع يردد أغنية العملاق حسن خليفة العطبراوي ( يا بلادي ) وكنت أسمعها وأرددها معه (يا أبا الألير ) أيام كان وزيراً وأسمه يتردد كثيرا في التلفاز والراديو ههههههههه

    أما الأخطاء ما زالت تتكرر في كثير من النصوص التي أرددها أحيانا مثلا في أغنية المصير لعثمان حسن وظلك يتبعني في خطاي أحيانا تكون ظلمك يتبعنى في خطاي هههههه وكان باصرناها بتلفق ههههههه

    لك ولكل الأحباب في هذا البوست اللطيف الحب والأمنيات
    عبدالعزيز خطاب
                   |Articles |News |مقالات |بيانات

10-11-2016, 04:13 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: عزيز)

    مافي دقايق الا واحد مشى على عربية بوكس وجا شايل ليو دلوكة أي والله دلوكة
    من شدة ما كبيرة انا قلت دي بتكون حقت الفنانة (قسمة)
    الزول جا شايلة وجا قدامي وقعد يمسح فيها واداها ليك نقرة (تنق) وقال لي اتفضل
    قلت ليودا شنو دا ؟ قال لي : شنو؟ والله الليلة تنبح نبيح لامن تمغرب
    قلت ليهو انبح كيف يعني .. قال لي والقروش الاكلتهن في وهو (يأشر) بطنك دي نسيتها؟؟
    طوالي انا الشغلة وقعت لي .. ايوااااا دا انتقام والرحلة دي عاملنها للعريس الانا زوغت من حفلتو
    جا واحد تاني وتالت ورابع وعشرة اتلموا .. امسك يازول ها اضرب البتاعة دي وسمعنا
    قلت ليهم انا فنان محترم ياجماعة ما ممكن اغني بالطريقة دي وبالدلوكة جيبو لي عود
    واحد قال عووووود !!!!! باللاااي
    القاعد يضبح علي اليمين الشرر بطاير موش من عيونو من عراقيهو كمان
    قلت ليهم اوكي .. شلت الدلوكة وقعدت وبقيت اضرب .. كل واحد مشى شاف شغلتو البضبح والبولع النار
    والبلعب حريق .. وان بديت زي ما بدأ اخونا ياسر العيلفون (حبيبي اكتب لي) وانا اكتب ليك
    خلصت الاغنية .. الزول البضبح رفع راسومن هناك واشر لي بالسكينة (ان استمر)
    واستمريت ماخليت الكحلاوي واللحو وزيدان اتذكر غنيت (قصر الشوق وانهدا) ايا يا أي ي ي يا
    .. كل ما انتهي القى السكينة تتهوزز (ان استمر) واستمريت
    ومافي زول شغال بي .. والمصيبة كل ما انهي اغنية بدي الدلوكة ضربة قوية في نوصها (قفلة يعني)

                   |Articles |News |مقالات |بيانات

10-11-2016, 04:36 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    عبدالعزيزخطاب الزول السمح الفنان الخلوق
    عارف ياعزيز قالوا عنك (سمتك مع الناس التكاتف في الافراح والحطوب)
    اها في شىء تاني
    والواحد بفتخر بيك انت وموصلي وناذر خليفة وحمزة سليمان وكثيرون جدا
    فيهم الانسانية وتلقى الواحد فيهو رحمة كدة من جوة ..وصافي النفس
    و بيني و ما بين عيون القمرة عذابات المِهجر و وعثاء الطريق و حنين الرجوع
    احمدربشة كان بقول كدة ياعزيز
    قلت لي سمعتها (يا اباالير) ههههههههههههههه
    والله دي ما سبقك عليها زول اههاهاهاهاهاهاها
    اخير انا كان كدة
    انا اتحدى أي زول يسمع(صه ياكنار) حقت المجموعة ويجي يقول لي فهم شنو

                   |Articles |News |مقالات |بيانات

10-11-2016, 05:16 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    مرغني المامون واحمدحسن جمعة
    رقيص محاسن كمر
    رقيص محاسن كمر
    يا الدرة الما ليك تمن ....والله نور عيني ونورالزمن
    قدر ما اسمع في الراديووفي حقيبة الفن بتجيني كدة
    واتاريها
    اقيس محاسنك بمن
                   |Articles |News |مقالات |بيانات

10-11-2016, 07:22 PM

محمد على طه الملك
<aمحمد على طه الملك
تاريخ التسجيل: 14-03-2007
مجموع المشاركات: 9247

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)


    (الله خلق للنعجة ضلف والكوم بقرش والدقة بلاش)..
    نقولا ونحن آخر استمخاخ يعنى الولاد بغنو ههه..
    يا سلام يا أحمد رجعتنا سنين وطريتنا أحبابنا ..
    عمى عبد الله رحمه الله كان دايما بترنم ببعض الالحان بالذات أغاني رمضان حسن ..
    كان صوتو جميل خلاس ,,
    وزي حكاياتك دي كنا نقول أي كلام زي ما يجي المهم نجاري اللحن ..
    والموضع دا فايت الغنى زي ما قال أخونا علي عبد الوهاب..
    كان معانا وكيل نيابة حلفاوي لذيذ ..
    قال عمرو كلو ما كان عارف يعنى أيه ( همزة لمزة) الآية.
                   |Articles |News |مقالات |بيانات

10-11-2016, 07:56 PM

محمد أبوالعزائم أبوالريش
<aمحمد أبوالعزائم أبوالريش
تاريخ التسجيل: 30-08-2006
مجموع المشاركات: 13691

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: محمد على طه الملك)

    Quote: (الله خلق للنعجة ضلف والكوم بقرش والدقة بلاش)..

    بالله يا مولانا إنتو عندكم كانت (ضلف)؟ .... حقتنا نحن (ضنب)
    طبعاً دي ما فيها تحريف للغنية ..... لكن دي موسيقى أغنية (الزهور صاحية وإنت نايم .... داعبت شعرك النسايم ... وايقظك صوت الحمايم)
                   |Articles |News |مقالات |بيانات

10-11-2016, 08:44 PM

محمد أبوالعزائم أبوالريش
<aمحمد أبوالعزائم أبوالريش
تاريخ التسجيل: 30-08-2006
مجموع المشاركات: 13691

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: محمد أبوالعزائم أبوالريش)

    Quote:
    احمد المصطفى‎
    بالنسبة لي بقول‎ :
    ‎)‎زع موسى لو توكا‎)
    ترررري ريم ترررريم‎
    ومرات بتجيني‎
    ‎)‎زعموطة لو توكا‎)
    وهي في الاصل‎
    ‎)‎زعموا سلوتك)‎

    يا جماعة هل معقول يكون في تطابق زي ده؟
    قسماً بالله كنت بسمعها بنفس الطريقة (زعموطة لو تُكا)‏

    مسألة المعاينة الإتعرضت ليها دي ذكرتني بموقف مشابه ..... ويمكن أكون أخدت ليك حقك، بس ما ‏عارف الحادثة الأولى ياتا فيهم.‏

    أذكر إنو معهد الموسيقى كان يتيح للفنانين والعازفين الموجودين فعلاً في الساحة الإلتحاق كدراسات ‏إضافية.‏
    كنا مجموعة عازفين والجماعة أقنعوني نمشي نقدم في المعهد. مشيت مع المجموعة، مع إني قناعتي ‏إنو البسوي فيهو ده هواية فقط.‏
    أذكر إنو أجرى معاي المعاينة فطاحلة كبار، ولأني متقدم كعازف ساكسفون، إتخصص فيني محمد ‏عبدالله أميقو رحمة الله عليه. تمت المعاينة وطلعت في صالة كان فيها عدد كبير من المتقدمين ‏ومعظمهم بيعرف بعض.‏
    لقيت الأستاذ الماحي سليمان كان بيتكلم (مجرد دردشة) مع الجماعة وكان بيقول إنو يفترض في ‏العازف إنو يكون عندو إستعداد طبيعي حسب الآلة البيعزفها ... ضرب مثل وقال، حازف الجيتار ‏يجب أن يكون أصابعه طويلة حتى تساعده في الضغط على الأوتار ووضع الكوردات بشكل صحيح ‏‏... عازف الأورغ أيضاً أصابعه تكون بشكل يسهل الإنتقال بين المفاتيح ... آلات النفخ يجب أن ‏يتمتع عازفها بصدر واسع ونفس قوي .... قبل ما يكمل، واحد خبيث قال ليهو وهو بيأشر في ‏اتجاهي: يعني أخونا محمد أبوالعزائم ده ما عنده فرصة يعزف ساكس؟ أستاذ الماحي عاين في اتجاهي ‏‏(واحد سجيمان وجسمو نحيل) .... فأجاب بلهجة قاطعة: لا .. لا .. لا. عندها ضجت الصالة ‏بالضحك. الراجل عرف نفسو طبزها وحاول يصلح وقال وهو بيلخبط في الكلام: طبعاً دي القاعدة .... ‏لكن ممكن يكون هناك شواذ.‏

    الحمد لله ....... طلعنا شواذ
                   |Articles |News |مقالات |بيانات

11-11-2016, 04:05 AM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: محمد أبوالعزائم أبوالريش)

    مولانا ود الملك
    بحروفك ازدهت السطور زادت جمال ونضار وطيب

    Quote: الله خلق للنعجة ضلف والكوم بقرش والدقة بلاش
    نقولا ونحن آخر استمخاخ يعنى الولاد بغنو ههه..
    يا سلام يا أحمد رجعتنا سنين وطريتنا أحبابنا ..
    عمى عبد الله رحمه الله كان دايما بترنم ببعض الالحان
    بالذات أغاني رمضان حسن ..
    كان صوتو جميل خلاس ,,
    وزي حكاياتك دي كنا نقول أي كلام زي ما يجي المهم نجاري اللحن ..
    والموضع دا فايت الغنى زي ما قال أخونا علي عبد الوهاب..
    كان معانا وكيل نيابة حلفاوي لذيذ ..
    قال عمرو كلو ما كان عارف يعنى أيه ( همزة لمزة) الآية


    والله متعتني بالضحك .. الله يمتعك بالصحة والعافية يا مولانا
    اله يرحم والدنا وعمنا عبدالله ويرحم جميع من رحلوا عنا
    عمك عبدالله الله يدخله الجنة كان حلو المعشر مع الجميع
    وفعلا كان بدندن اكتر حاجة بى اغنية رمضان حسن (انا سلمتو قلبي) والكوبليه دا بالذات
    " في اول لقانا اظهر لي محبة "
    " والان مني صدا ولى هجراني (حبة) "
    وكان لمن يقول (حبة ) دي يقوم يقفل اصابعين ايدو في دلالة على (شوية)

    الاهازيج الشعبية دي لعبت دوركبيرواستعان بيها اسماعين عبدالمعين
    وعمل منها ايقاع (الزنجراب) وايقاعات المارش زي اهزوجة
    (انحنا قبيل شن قلنا ... ما قلنا الطير بياكلنا )
    واهزوجتك(الله خلق للنعجة) دا نوع الاهازيج و الغنا الماعندو سيد
    مثال كابلي (الموز روى .. قايم سوا .. فاطرِك ضوى .. أه بالنار قلبى إنشوى)
    وهسي (فاطرك) دي من الفطور ولا حاجة تانية ؟
                   |Articles |News |مقالات |بيانات

11-11-2016, 04:32 AM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    الفنان محمد ود ابوالعزائم
    الله يرحم (اميقو) ويدخله الجنة
    الكلارنيت وما ادراك ما الكلارنيت
    Quote: يا جماعة هل معقول يكون في تطابق زي ده؟
    قسماً بالله كنت بسمعها بنفس الطريقة (زعموطة لو تُكا)‏
    مسألة المعاينة الإتعرضت ليها دي ذكرتني بموقف مشابه
    ويمكن أكون أخدت ليك حقك، بس ما ‏عارف الحادثة الأولى ياتا فيهم.‏
    أذكر إنو معهد الموسيقى أذكر إنو أجرى معاي المعاينة فطاحلة كبار
    ولأني متقدم كعازف ساكسفون إتخصص فيني محمد ‏عبدالله أميقو رحمة الله عليه
    تمت المعاينة وطلعت في صالة كان فيها عدد كبير من المتقدمين
    ‏ومعظمهم بيعرف بعض. لقيت الأستاذ الماحي سليمان كان بيتكلم (مجرد دردشة)
    بيقول إنو يفترض في ‏العازف إنو يكون عندو إستعداد
    واحد خبيث قال ليهو وهو بيأشر في اتجاهي ‏‏(واحد سجيمان وجسمو نحيل)
    فأجاب بلهجة قاطعة: لا .. لا .. لا. عندها ضجت الصالة ‏بالضحك
    طبعاً دي القاعدة .... ‏لكن ممكن يكون هناك شواذ.‏
    الحمد لله ....... طلعنا شواذ

    اهههههههههههه

    كويس انك ما طلعت شذاذ افاق .. كان بقت مصيبة
    معاينتك دي في الات النفخ ذكرتني
    قالوا عازف (الترمبون) علي ابكر كان في نفس الصالة حقتك دي وفي امتحان التخرج
    الشباك كان مفتوح والهواء شال اوراق النوتة بتاعة امتحان معهد الموسيقى والمسرح
    وطيروا ليك فوق وعلى ابكر شغال ... قام ساكي الورق وهو مواصل في العزف
    مرة يرفع راسو فوق ومرة يعاين تحت و(شغال) ما وقف كلوكلو ساكي الورق في ارجاء الصالة
    ولامن كمل الامتحان ... ونفسو قايم ... اللجنة الصعبة دي ادتو (امتياز)
    قال ايه (عزفها طايرة)

                   |Articles |News |مقالات |بيانات

11-11-2016, 12:55 PM

محمد على طه الملك
<aمحمد على طه الملك
تاريخ التسجيل: 14-03-2007
مجموع المشاركات: 9247

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    سلامات يا محمد ..
    الزهور صاحية وإنت نايم .... داعبت شعرك النسايم ... وايقظك صوت الحمايم))
    المفارقة في النجرة ..
    يعنى الزول النجر لينا ألله خلق للنعجة ضنب أو ضلف جابا لينا من البيئة ..
    شفت كيف !
    :
    يا أحمد حركة الاصابعين مع (حبه) ملاحظة قوية ..
    لإنها دلالة تعبيرية عن المفهوم الطلع بيهو من اللفظ ..
    كلمة حب المنسوب ليها (حبه ) كانت بعيدة في التعاملات اللفظية الشائعة في بيئة الثقافة المحلية ..
    عشان كدا تلقى الكلمة البديلة (أريدك) مفهومة أكتر وأوقع أثرا في آذانا من أحبك ..
    نفس الحالة بتنطبق على كلام زميلنا الحلفاوي اللذيذ ..
    طبعا الغموض بالنسبة ليهو ما كان غموض لغة بس ..
    بل مفهوم ثقافي بعيد عن واقعه الريفي البكون فيه الناس كلهم عارفين بعض .
                   |Articles |News |مقالات |بيانات

11-11-2016, 04:42 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: محمد على طه الملك)

    مولانا محمد علي ود الملك
    صحيح المفهوم كان نقي وطاهر وحتى الاشعار كان فيها رمز اخلاقي وتصور وجداني ورؤية بصرية
    الخمائل والجداول والازهار وملاحة الوجه والسمات والبسمات
    يقال ان اول اغنية معاصرة غناها بشير الرباطابي بتقول
    (لو تجازي أو تمحي....منى ريدك ما بتمحي... )
    ودي قصيدة لابوصلاح
    وشوف سلطان العاشقين (يوسف حسب الله) كانت اشعاره في منتهى الرقة والادب
    ان التعبير بالاصابع كان تعبيرا في محله ويا له من تعبير
                   |Articles |News |مقالات |بيانات

11-11-2016, 06:52 PM

Munir
<aMunir
تاريخ التسجيل: 11-02-2002
مجموع المشاركات: 10435

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    Quote: طبعا انتوا ماعارفين انو اخونا ( د. منير) ايوة منير الواحد دا حقنا الهنا دا .. بتاع الشعبية
    انا الكلام دا ماكنت عايز اقولوا مع انو محلفني

    ههههه.. ياأحمد يسين غايتو بقيت لى زى أفراح عصام التى غنّت بنخون االأمانة السيدها أمننا ..
                   |Articles |News |مقالات |بيانات

12-11-2016, 06:13 AM

الفاتح ميرغني
<aالفاتح ميرغني
تاريخ التسجيل: 01-03-2007
مجموع المشاركات: 7488

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Munir)

    Quote: لغاية ما جيت في الحتة السببت واثارت موجة من الضحك لدى اللجنة الموقرةالحتة البقول فيها الجابري(فات قلبي شمعة وحيدة في هُوج الرياح)انا مع الخوف والربكة غنيتها كدة(فات قلبي دمعة وحيشة في هوج الرياح)
    بوست رايق ومصفى عزيزنا احمد يسين.طبعا الجميل في المواقف الفيها الربكات إنها بتزيد الإلفة وبتكسر الحواجز.
    مرة كان عندي حوار مع الموسيقار محمد الأمين في ابوظبي وحدث لي موقف طريف ومشابه لموقفك ده.مشيت للأستاذ في الموعد المحدد في جناحه بفندق نادي القوات المسلحة.واستقبلنا بصورة كريمة وودودة.
    واثناء الدردشة قلت اخلق مزيدا من الكيمياء والإلفة فقلت ليهو: يا استاذ انا ملاحظ إنك يمكن الوحيد من بين عباقرة الغناء الما عنده ثنائية مع شاعر لازمته عددا من السنين، زي ثنائية احمد شوقي ومحمد عبد الوهاب، وثنائية كريم العراقي وكاظم الساهر، ووردي وحسن اسماعيل، وطبعا اسماعيل حسن طار مني كلوكلو،ولمن استدركت وقلت ليهو اقصد اسماعيل حسن، كانت ضحكته ذات الرنين البارتوني قد جلجلت في ارجاء صالون الاستقبال، وبدت بيناتنا الفة ومودة ومحبة متبادلة.
    صابحني دايما مبتسم
    " تجد الأزاهر حبتك وماتت طرب حين شافتك"
    وهي " تجد الأزاهر حفتك ومالت طرب حين شافتك"
    الصاحي بالخمر انتشى
    الصاحي دون خمر انتشى
    أظن صابحني دايما مبتسم دي أكتر أغنية ممكن تتسمع بـ " أضان الحامل"، هههههه
    تحياتي لضيوفك الافاضل،،

    محبتي

    (عدل بواسطة الفاتح ميرغني on 12-11-2016, 06:26 AM)
    (عدل بواسطة الفاتح ميرغني on 12-11-2016, 06:35 AM)

                   |Articles |News |مقالات |بيانات

12-11-2016, 07:03 AM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: الفاتح ميرغني)


    منير
    السيدا امننا !!!!
    ههههههههههه
    دي بقت مدحة دي
    افراح دي بالمناسبة (تمتامة) ولامن تتكلم بتقطع في الحروف والكلام
    الغريبة اي مطرب عنده التمتمة دي لكن لامن يغني ما بتمتم ولا عنده تأتأة
    زي فنان في مركز شباب بحري اسمع (عثمان العامري) ما بتفهم كلامو لاكن يغني من الصباح لغاية تاني يوم
    ما بتجهو اي عوجة
    طبعا السبب (لان الغناء بجي من الجانب الايمن للمخ) عكس الكلام من الجانب الايسر
    لان الغناء (حفظ) والكلام (صناعة ) يعني انت البتصنعو ..وماسمعته قبل كدة
    افراح دي مرة في لقاء قالت انها بتغني شرقي لى ام كلثوم ومرات فيروز .. طلبوا منها تدندن بى حاجة مصرية
    قامت غنت لى فنانة اسمها نادية مصطفى عندها اغنية شهيرة
    افراح قالت .. احم احم وبدت:
    (الصول حسين ... الصول حسين)
    قصدها
    الصلح خير
                   |Articles |News |مقالات |بيانات

12-11-2016, 07:27 AM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    الفاتح ميرغني
    طَمَح النيل البِلالئ
    وجاني أب زيد الهلالي

    " علي الحرام ودي فوق البيعة "
    الجنزير التقيل، البِقلّها ياتو
    البيوقد نارها يدفابا هو
    يا وَلْدَ أم دَرَجَات
    المأصَّل من أبو
    كان الحارَّة جات الزّول بَلْقَ أخو
    بدل ما تقول اسماعيل حسن ، قلت للاستاذ .... حسن اسماعيل ؟؟؟ هههههههه
    اذا كان ماقادر اكتب من الضحك والله
    والله دي لوكان قلتها ليهو بالليل وقبل مايطلع المسرح .. كان بالضحك لغى الحفلة
    كابلي في التراث .. ودا قول للحميراء
    اتحدي اي زول اذا سمعها حيقول انا صاح:
    الخالق ما ليك تنين
    عرس دون الاربعين
    السيل بوبا
    وهي اصلا
    غير خالد ما ليك تنين
    وعَرَّش دود الأربعين
    السار بوبا
                   |Articles |News |مقالات |بيانات

12-11-2016, 07:33 AM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    محمد مرغني في اغنية (انا والاشواق) ودي لحنها حسن بابكر الله يرحمه ..ورشة الخرطوم جنوب
    ولاوز منى خلى الوفي
    واصبح حبيبى الما بعاين

    وهي اساسا في الاساس
    ولازمنى زى خلى الوفى
    واصبح حبيبي الما بعادى
                   |Articles |News |مقالات |بيانات

12-11-2016, 07:40 AM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    القررمش .. قرمش واتجنني
    دي اغنية عبدالعزيز المبارك
    ارخي الرمش فوق رمش واتدللي


                   |Articles |News |مقالات |بيانات

12-11-2016, 07:57 AM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    بالمناسبة الريس بكري ابوبكر (ابصلعة)
    في مدرسة بحري الحكومية كان عامل فيها بتاع رياضيات وغناء
    الرياضيات عرفناها لكن الغنا دا كيفن؟
    مرة جوة الفصل الحصة فاضية قال بدندن للكابلي
    وبدق فوق الدرج والناس متلمين حوله ... اها بى صوتو داك
    يا بني الــــوادي
    (الناس اتخلعت) وهو اخر انسجام ...واصل
    يا بني الوادي
    اهديتك حبي
    الناس كلها زحت من جنبو وخلتو في الفصل براهو ... بالله دي
    ياضنين الوعد ؟ آآآآآ؟؟
                   |Articles |News |مقالات |بيانات

12-11-2016, 04:13 PM

Ahmed Khalil

تاريخ التسجيل: 05-08-2003
مجموع المشاركات: 901

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    شكرا ابوحميد على البوست الظريف

    زعموطة لو توكا
    وراجل العين تلاقى العين ...واحضنى كالبطة

    ( بسرق ) وأحلا.. دي سمعتها باضنين ناس الحكومة؟
    الريس كان بيغني ليكم ..يا أضنين الوعد ؟

    تعاطفت بعد ضحكة مع الحمامات الحزينة الادوها في حنانا


    بعد الانتفاضة محمد الامين كان عندو نشيد فيه
    مارس ما سكة فبريل (مارس ماسك كتف ابريل)

    ان شاء الله قريب نغني
    اي شهر ماسك في كرعين الشهر البعدو...بس المجرمين يبعدو
                   |Articles |News |مقالات |بيانات

12-11-2016, 09:24 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Khalil)

    احمد خليل
    قلت لي مارس ما سكة فبريل
    هاهاهاهاها
    والله حلوة ... يعني ما انا براي البسمع صاح ؟
    انت الظاهر عندك قصص مع الغنا
    ( قصص) الدنيا عليا وجافى النوم عينيا
    هي: قست الدنيا
    في "وصف الخنتيلة" لابوصلاح ودي من بحر القصير السلس الجميل
    سمعت زيالكابلي بقول
    شوفة عارضك نعمة جزيلة .. ترد الروح و( الغمازيا )
    وبعد التدقيق والمراجعة لقيتها: و الغمة تزيلا
    عارف يا احمد في ط يا رشا ياكحيل" قفل القافية باربعة حروف
    دي ناس علم العروض وناس الخليل بن احمد الفراهيدي احتاروا فيها
    وممكن يخلي ابوالفرج الاصفهاني يراجع كتابه حق الاغاني
    و ليها عيون الصيد جفيلا
    عليها القافية وجب تقفيلا
    جمال تاجوج المافى متيلا
    هات يا زميل
                   |Articles |News |مقالات |بيانات

13-11-2016, 11:33 AM

ياسر منصور عثمان
<aياسر منصور عثمان
تاريخ التسجيل: 16-01-2013
مجموع المشاركات: 4485

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    استاذ احمد

    سلام لك ولضيوفك الاكارم

    بوست زي الشهد

    قبل ما نشوفو لقينا بوست مشابه فدخلنا

    وكل يؤدي للبهجة والحبور

    مع ودي
                   |Articles |News |مقالات |بيانات

13-11-2016, 02:08 PM

محمد على طه الملك
<aمحمد على طه الملك
تاريخ التسجيل: 14-03-2007
مجموع المشاركات: 9247

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: ياسر منصور عثمان)

    هههه وصف الخنفيلا أنا فاكرو بتكلم عن الخنفسان ..
    وأقول في نفسي بالله الزول دا عجبو شنو في الخنفسانه ..
    برضو من خيالات الطفولة يا احمد ..
    كنت فاكر الحكومة دي تمساح عشاري ..
    طبعا الخيال من البئة لإنهم كانوا بخوفونا من البحر والتمساح ..
    بعد كبرت لقيت خيال الطفولة عن الحكومة ما بعيد كتير من الحقيقة.
                   |Articles |News |مقالات |بيانات

13-11-2016, 07:06 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: محمد على طه الملك)

    ياسر منصور
    اهلا وكيفك ياخ
    Quote:
    قبل ما نشوفو لقينا بوست مشابه فدخلنا

    وكل يؤدي للبهجة والحبور

    مع ودي

    ونحن اسعد بى طلتك
                   |Articles |News |مقالات |بيانات

13-11-2016, 07:14 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: محمد على طه الملك)

    مولانا محمدعلي ودالملك
    Quote: ههه وصف الخنفيلا أنا فاكرو بتكلم عن الخنفسان ..
    وأقول في نفسي بالله الزول دا عجبو شنو في الخنفسانه ..
    برضو من خيالات الطفولة يا احمد ..
    كنت فاكر الحكومة دي تمساح عشاري ..
    طبعا الخيال من البئة لإنهم كانوا بخوفونا من البحر والتمساح ..
    بعد كبرت لقيت خيال الطفولة عن الحكومة ما بعيد كتير من الحقيقة.

    ههههههههههه
    طبعا لازم يخوفوك بالتمساح
    عارف حكاية الخيال ,, بجيك راجع ليها بعدين
                   |Articles |News |مقالات |بيانات

13-11-2016, 08:07 PM

Munir
<aMunir
تاريخ التسجيل: 11-02-2002
مجموع المشاركات: 10435

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    زى المرحوم عثمان حسين ـــ رحمه الله ـــ وهو يغنى فى الحفلة ... يوم يسألكم الله .. يالناسين حسابه ..
    والجمهور يهجج ويزداد هجيج ...


    معليش دى شوتة بعيدة من العراضة
                   |Articles |News |مقالات |بيانات

13-11-2016, 08:23 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Munir)

    والله يامنير دي ملاحظة قوية جدا
    بعيدة من العراضة شنو دي في الزاوية القريبة
    يوم يسالكم الله
    والناس تبشر وتخوجج
    برضو في غنا البنات
    المهيرة عروس بالجلالة
    عريسسك كتلو السماد

                   |Articles |News |مقالات |بيانات

13-11-2016, 08:32 PM

Munir
<aMunir
تاريخ التسجيل: 11-02-2002
مجموع المشاركات: 10435

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    عروس بالجلالة؟؟ .. هههه ..

    كتله السماد؟؟؟ .. الرماد الـ ... هههه
                   |Articles |News |مقالات |بيانات

13-11-2016, 09:21 PM

Munir
<aMunir
تاريخ التسجيل: 11-02-2002
مجموع المشاركات: 10435

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Munir)

    معليش يابوحميد .. عايز أشارك بهذه الأغنية للقامة عثمان حسين .. وتخيلتها أيضاً بأأداء المرحوم الذى أحبه خوجلى عثمان ـــ الله يرحمهما ــ ..

                   |Articles |News |مقالات |بيانات

13-11-2016, 10:14 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Munir)

    حبيبنا مينو .. دا طبعا دلع منير
    خوجلي عثمان عايزين يوم نفتح ليهو بوست خاص
    انت الظاهر عليك ما متعود تجي فاضي يد ورا و إيد قدام
    وجايب معاك عثمان حسين او (مقام فا الكبير) والخماسي الذي انقلب الى سباعي
    والحان عثمان حسين كانها قطعة نازلة من السماء
    تحريك الدرجة الرابعة (فا) الى الدرجة الثالثة (مي)
    والقالب الظهر في اغنية (عاهدتني) ومعها اغنية (الفراش الحائر) ودي بالذات
    استخدم فيها الموتيفة اللحنية وكان اول من ادخلها في الاغنية السودانية
    هو (التاج مصطفى ) في الملهمة
    الموتيفة اللحنية دي تعني (الخلية اللحنية)
                   |Articles |News |مقالات |بيانات

13-11-2016, 10:37 PM

Munir
<aMunir
تاريخ التسجيل: 11-02-2002
مجموع المشاركات: 10435

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    ياود يسين أناا عارف إنوالبوست ده على نمط ــ على خفيف ــ إحم إحم .. هههه هههه ..
    طبعاً يا أخواننا ما تشوفو الـ هههه و هههه دى .. دى أصلاً موسيقى تصويرية لجرجرة القارئ للضحك أو الإبتسامة،، فأنا غالباً لا أقهقه ... لكنى بسوم ساى ههه ـــ دى برضوموسيقى تصويرية ـــ أنا أكتب الـ هههه بدلاً عن الإسمايلى بتاعة الوجه الضاحك دى
    ــ لأن كتابة الـ هههه تجعلك تضحك فى سرك غصباً عنك عند قراءتها ، يعنى على الأقل تنتزع منك الضحكة وتلقنك إياها فتتحرك خلجات عقلك وخلايا خفية مرتبطة بمركز السرور .. وذلك ليس رؤية الوجه الضاحك المرسوم المصطنع .. واللا شنو ياأخواننا؟؟ ..
    الكلام الكتير ده كان جملة إعتراضية لكلامى الكنت داير أقوله ، وهو أن أحفزك يا أحمد على فتح بوست عن تحليل أغانى الفنانين وتقزقز لينا بطريقتك السلسة دى زى المناظر بتاعة أغنية عثماان حسين وخوجلى عثمان وستجدنى قاطع التذاكر لوج من العصر..
                   |Articles |News |مقالات |بيانات

14-11-2016, 03:43 AM

فاروق أبوحوه
<aفاروق أبوحوه
تاريخ التسجيل: 26-07-2008
مجموع المشاركات: 2235

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Munir)

    بوست أنيق و مريح جدا يا فنان..

    ياما طربت و غنيت مع الراحل محمد وردي رحمة الله عليه:

    - و العاشق الجمال معشوق
    وا سهرو و نشــــــاف ريقو

    وحاتك قررريب دا حتي عرفتها:

    العاشق الجفا المعشوق

    ...

    تحياتي
                   |Articles |News |مقالات |بيانات

14-11-2016, 06:28 AM

ياسر منصور عثمان
<aياسر منصور عثمان
تاريخ التسجيل: 16-01-2013
مجموع المشاركات: 4485

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    صدقني ما بقدر (اعيش) قصة غرام بالشوق مضت

    واحدة من تخيلاتي...لحدي ما عرفت انها (اعيد)..

    ههههههههههه
                   |Articles |News |مقالات |بيانات

14-11-2016, 10:44 AM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: ياسر منصور عثمان)

    فاروق ابوحوه
    قسما بالله
    انا يادوب منك انت عرفت الصاح
    وحاتك قررريب دا حتي عرفتها:

    العاشق الجفا المعشوق
                   |Articles |News |مقالات |بيانات

14-11-2016, 11:33 AM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)


    ياسر منصور
    ههههههههههه
    معقول هي طلعت ما بقدر (اعيد) ؟
    لا ياخ امشي اسمع كويس هي ما بقدر اعيش
    نفس ترباس دا
    ست اللهيج السكري
    يا (الراقدة ) حامدة و(تشخري)
    يا (الفقور) دي كل صوري
    وكيف حالا ما بتتصوري

    وهي اساسا في الاساس

    يا الرايقة حامد وتشكري
    يالفقتي كل تصوري
    وكيف حالي ما بتتصوري
                   |Articles |News |مقالات |بيانات

14-11-2016, 11:56 AM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    دكتور منير وشركاه
    الكلام الكتير ده كان جملة إعتراضية لكلامى الكنت داير أقوله ، وهو أن أحفزك يا أحمد على فتح بوست عن تحليل أغانى الفنانين

    يعني نظام دردقة وكدة طبعا الموصلي حيلعب دور كبير جدا في التحليل دا
    عارف حنبتدي كيف ؟ عثمان حسين ، محمد الامين ، ابوداؤد ، كابلي ، العطبراوي
    صلاح مصطفى ، محمودعبدالعزيز
    ولو لاحظت كلها اصوات (باص) غليظة مع نداوة وحلاوة
    وبعدين وردي ، خوجلي عثمان والجابري ، وابن البادية ، خليل اسماعيل
    ودي اصوات ليها ما لها في منطقة (التينور)
                   |Articles |News |مقالات |بيانات

14-11-2016, 12:03 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    شوفتا الملاك
    ترباس برضو

    انا شفت الملاك ..
    بأيدي سالمته..
    بهرني بنوره ..
    خلاني (مأسورة)
    مافي زول يجي يقول لي مامدة
    علي الحرام كدة ونص
    علي الكوباني دا قاصد شنو ؟ آآآ ؟

                   |Articles |News |مقالات |بيانات

14-11-2016, 01:00 PM

awad okasha
<aawad okasha
تاريخ التسجيل: 15-07-2007
مجموع المشاركات: 3839

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    بأيد تداعب الموج
    _____________
    كنت قايل انها وتطير تداعب الموج .. والمقصود الفراش طبعا ..
    لحدي ما قريت مشاركتك استاذ يوسف الموصلي ..
    لك التحية وللاخ احمد ياسين على البوست الجميل ..
    وشكر وتحية كمان للاخ الفنان ياسر العيلفون ..
    والنية في لعمل بوست لولدنا خالد عبد الرحيم ..
    بمشاركة الناس المتخصصة ومتبحره في الفن من امثالكم ..
                   |Articles |News |مقالات |بيانات

14-11-2016, 01:03 PM

محمد على طه الملك
<aمحمد على طه الملك
تاريخ التسجيل: 14-03-2007
مجموع المشاركات: 9247

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    أنا بأيد وأدعم وأبصم على مقترح منير ..
    يالا يا أحمد وألموصلي شدو لينا أوتار الأغاني دي وأصوات الفنانيين الأدوها وعلمونا مما علمكم الله ..
    أنا علي ترامس الشاي والقهوة منير قال يظبط الـ هههههه معاك ..
    ابوداؤد يا أحمد أبو داؤد بالاول يلا وقع اتفاق تنسيق سريع مع الدكتور نحن راجنكم .
                   |Articles |News |مقالات |بيانات

14-11-2016, 01:16 PM

جلالدونا
<aجلالدونا
تاريخ التسجيل: 26-04-2014
مجموع المشاركات: 6541

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: محمد على طه الملك)

    Quote: أنا بأيد وأدعم وأبصم على مقترح منير ..

    اثنّى يا مولانا الملك
    مع انّو قبل شوية شاكلنى بى غادى
    لكن الحاجات السمحة برررضو بنقيف معاها و غصباً عنّو كمان
    اها دايرين بنابر وللا كراسى
                   |Articles |News |مقالات |بيانات

14-11-2016, 04:31 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: جلالدونا)

    عوض عكاشة
    انا لغاية هسي ما مقتنع انها ما بـــ (تطير)
    عشة الفلاتية الصوت (الالطو) المتفرد عبر اثير الاذاعة
    والصوت (الالطو) زي ما قلنا قبل كدة اولهن كانت شريفة بت بلال وانتقل منها الى مهلة العبادية
    ثم فاطمة الحاج وبغدها عاشة موسى الفلاتية ومنى الخير
    وبالمناسبة عشة الفلاتية دي كان عندها اخت اسمها (جداوية) كانت عازفة عود
    اغنية عشة:
    عنى مالوم سدو مشوارم
    بكت العين والمنام بدري
    و(الهبايب) بي لوتدري
    وهى
    عنى مالم صدوا واتوارو
    والهبايب دي انا كنت بتخيل ان الجماعة كانوا جايين ورجعوا من المشوار حقهم
    وان الزول الماشين ليهو دا لامن ما جوهو يزوروهوا جاهو (نفاخ)
                   |Articles |News |مقالات |بيانات

14-11-2016, 05:48 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    اخونا العزيز محمدعلي ودالملك
    Quote: أنا بأيد وأدعم وأبصم على مقترح منير ..
    يالا يا أحمد وألموصلي شدو لينا أوتار الأغاني دي وأصوات الفنانيين الأدوها وعلمونا مما علمكم الله ..
    أنا علي ترامس الشاي والقهوة منير قال يظبط الـ هههههه معاك ..
    ابوداؤد يا أحمد أبو داؤد بالاول يلا وقع اتفاق تنسيق سريع مع الدكتور نحن راجنكم


    ابوداؤد ؟؟!! ما صعبتها كدة ياخ
    انت شكلك عايز تدخلنا في فنان حيّر علماء الصوت دا يا مولانا (بارتون باص) الكون
    واذا بدأنا بيهو انت حتدخلنا في صراع مع علم الصوت نفسه بفروعه الاثنين
    The acoustic phonetics
    and
    The articulatory phonetics
    ابوداؤد زي ما قالوا حنجرته بها ثمانية اوزان نغمات وهن كلهن حصروهن في عشرة اوزان
    ودا يحتاج اسحق الموصلي في مواجهة يوسف الموصلي
    عندي احساس يا محمد علي انك بتحب محمد ميرغني جدا وبتستمتع بى (انا والاشواق) اللحنها
    حسن بابكر الله يرحمه وبرضو بتسمع (حنيني اليك) ..مع ليل غربتك في الاراضي المنخفضة
    و(ماقلنا ليك) الحب طريق قاسي وصعيب
                   |Articles |News |مقالات |بيانات

14-11-2016, 06:01 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    جلالدونا
    ولد دا
    Quote: اثني
    كراسي ولا بنابر

    انا من رايي انك في حلقةابوداؤد وعثمان حسين وكابلي ووردي ومحمدالامين
    جيب بروش عشان البكا حيكتر

    تلقاك قصيدة يزيد بن معاوية الغناها كابلي قايلها
    نامت على يدها .. ومالم تنمهو يدى
                   |Articles |News |مقالات |بيانات

14-11-2016, 06:48 PM

Munir
<aMunir
تاريخ التسجيل: 11-02-2002
مجموع المشاركات: 10435

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    بالله عليك الله شوف جلالدونا .. ضربنى وبكى سبقنى اشتكى .. أمانةً فى ذمتك أنا هبشتك والـلـّ جبت سيرتك بهناك ؟؟ مو براك جيت حقرت بى ونطيت فوقى جوز ..
    عايز تبقى لى زى منى عمسيب كل مرة كانت بتجى ناطة لى باليمين والشمال لامن شردت منها حتين خففت شوية وشلت نفس .. لكين إنت الكعة معاك عجاجها لاوى 😏
                   |Articles |News |مقالات |بيانات

14-11-2016, 09:16 PM

محمد على طه الملك
<aمحمد على طه الملك
تاريخ التسجيل: 14-03-2007
مجموع المشاركات: 9247

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Munir)

    عارف يا ابو حميد في أصوات أنا بضارب فيهن ..
    وبفتكر للآن ما جا صوت يحل محلهن ..
    الغريبة طبقات صوتم ما ظنيتا متقاربة لكن أهي دي الاضان ودي حكمتو ..
    خد عندك من الفنانيين الجابري وخوجلي عثمان ومحمد ميرغني خليل اسماعيل ووردي..
    أبو داؤد وود الأمين والعميد ..
    في الاعلاميين حمدي بدرالدين وعبد الكريم قباني وليلي المغربي..
    يا جلالدونا غايتو انت لو نجحت تفرس منير معناتو بقيت أخطر من المستنير.
    لإنو الزي منير دا صعب تقوم نفسو بسراع.
                   |Articles |News |مقالات |بيانات

15-11-2016, 06:30 AM

ياسر منصور عثمان
<aياسر منصور عثمان
تاريخ التسجيل: 16-01-2013
مجموع المشاركات: 4485

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    صباحكم خير

    ولما لم أجد سلوى كسرت (ابريق) والدنا
    سكبت علي الثرى كأسي

    كسرت (ابريقي)

    ههههههههه

    (عدل بواسطة ياسر منصور عثمان on 15-11-2016, 11:33 AM)

                   |Articles |News |مقالات |بيانات

15-11-2016, 11:03 AM

عمر الفاروق عبد الله الشيخ
<aعمر الفاروق عبد الله الشيخ
تاريخ التسجيل: 19-04-2011
مجموع المشاركات: 3448

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: ياسر منصور عثمان)

    يا احمد ياخ بوست لون المنقة صوفرة وخوضرة زحمة الوان ههههههولا داك البغني الكون يراري يراري يراري بهجة ومسرة زعموطة لوتوك اضنينا كلنا سمعتها كده غايتو حسن عطية ليه حق ياكل الكلام اخير مما ياكلوه ديلده غير تاويل الكلام وتبديله الله خلق للنعجة ضنب الكوم بقرش والدقة بلاش ما عارف علاقة ضنب النعجة بالدقة شنو ... وتيييييت سيد اللبن جا انا مالي مرقت ليه

    ده غير اننا بنشتري النجده باغلي تمن في النشيد الوطني

    زهرة وانا مالي تاتيتتا تتا مايطلبه المستمعون اسمحلي اقسم معاك البوست ده عندنا بهناك في محموعة مشاهيرنا بالفيسبوك وبكتاباتك الساخرة دي ياريت لو تجينا

    (عدل بواسطة عمر الفاروق عبد الله الشيخ on 15-11-2016, 11:18 AM)

                   |Articles |News |مقالات |بيانات

15-11-2016, 11:41 AM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: عمر الفاروق عبد الله الشيخ)


    مولانا محمد علي
    حمدي بدرالدين وعبد الكريم قباني وليلي المغربي
    ياسلام عليك ياخ اصلا الاصوات الاذاعية هي اصوات غليظة محببة
    وعندك صوت صلاح احمد محمد صالح والراحل صالحين
    حمدي بدرالدين ربنا يشفيه قدم للسودان الكثيروالكثير جدا
    الراحلة عليها الرحمة ليلى هي الصوت الاذاعي الذي لن يتكرر
    في البى بي سي القسم العربي كان في مذيعة عراقية
    دي كانت تمتلك صوت خرافي تقرأ النشرة كأنها تغني
    لسمها مديحة رشيد المدفعي


                   |Articles |News |مقالات |بيانات

15-11-2016, 12:06 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    ياسر ود منصور
    اههاهاهاهاهاهاهاها
    ولما لم أجد سلوى كسرت (ابريق) والدنا
    من الزعل طبعا
    والله انت فعلا اضانك موسيقية
    الكاشف برضو في اغنية " غصبا عنك يلفت نظرك "
    بقول:
    تصبح (أسرع ان عصرك)
    وتملأ عيون كل من بصرك
    لكن هي ماكدة ..كدة
    تصبح أسعد أبناء عصرك
    وتملأ عيون كل من بصرك



                   |Articles |News |مقالات |بيانات

15-11-2016, 12:25 PM

Ahmed Yassin
<aAhmed Yassin
تاريخ التسجيل: 31-01-2013
مجموع المشاركات: 1770

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    عمرالفاروق
    جهجهتني جهجهة ههاهاهاهاهاهاهااهاهاه
    هههههههههههههههه
    لون المنقة صوفرة وخوضرة
    وما تنسى خيال رمانة
    قلت لي الكون يراري يراري يراري بهجة ومسرة
    نفس الاغنية دي فنان شاب بغنيها ويجي في الحتة البتقول
    حن في عمرنا .. عمرنا ,,,, شايفنو مر
    يقوم يأشر بى صباعو (العدد واحد)
                   |Articles |News |مقالات |بيانات

15-11-2016, 12:10 PM

جلالدونا
<aجلالدونا
تاريخ التسجيل: 26-04-2014
مجموع المشاركات: 6541

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: Ahmed Yassin)

    ما فى مانع تب يا ود يس
    و مع البرش و السباتة بجيب ليكم المناديل المنقوش جانبها و معاها مناديل ورق
    اصلو نفسى اشوف نخنخة مولانا الملك و شيخنا منير
    و نالت على يدها يستحيل اغلط فيها و بالذات حتة عضّت على العنبة بالمبرد
    _____
    يا مولانا الملك نسيت استاذنا احمد سليمان ضو البيت ياااخ
    سبحان الله يا مولانا
    قبل ايام كُت فى سيرة المذيعين مع اخونا معاوية المدير
    و جاء ذكر المذيع محمد وردانى .. انسان صاحب صوت دافى و عميق و هادى
    عادى نشرة الاخبار دى تطلع من حنجرتو زى الملحّنة
    و ايضا مقدم برنامج من الموسيقى العربية الاستاذ النور احمد صاحب صوت يدخل القلب قبل الموسيقى
    اخونا منير جيت قريب منّو و بى هأ واحدة هجمتو .. فرنب و وجرى جاب شركو و .. نصبلى
    الا بس لابدلو و ناوى ابقالو سهراجة
    عليك الله يا منير .. هسّى
    لابدلو و ناوى ابقالو سهراجة
    ما بتنفع مقطع فى غنوة
    انتا قايل الغنا دا بجى كيف ؟
    مو بى جنس ده

    (عدل بواسطة جلالدونا on 15-11-2016, 12:22 PM)

                   |Articles |News |مقالات |بيانات

15-11-2016, 01:04 PM

عمر الفاروق عبد الله الشيخ
<aعمر الفاروق عبد الله الشيخ
تاريخ التسجيل: 19-04-2011
مجموع المشاركات: 3448

للتواصل معنا

FaceBook
تويتر Twitter
YouTube


Re: للفنانين والبعرفوا يغنوا وكل من القى السم (Re: جلالدونا)

    يا احمد اخوي البوست ده باين ما حافوتوه

    لقيته وافق منتطر تشتاق عيوني لصلعته نفس الملابس والشبط والجزمة ذاتها ووقفته

    مامون نايل قال لزمنا قريب كان فاكر حلو ضرب الطير في سكينة اللي طلع حلو درب الطير في سكينة وما تنسي كمان حتي الطير رحل حلاني ما طيب لي خاطر ليه حق يرحل يخليه

    وصاحبنا بعد ماظبطت معاه الطشمة غني لابراهيم حسين انت ما شايف عيونك لما تكتح وين بودوا

    عني مالهم فاتوا واضاروا

    بوست لذيذ زي حلاوة جلاكسي
                   |Articles |News |مقالات |بيانات


[رد على الموضوع] صفحة 1 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de