يحكي أن البشير قال لعبد الرحمن الصادق المهدي : ما تجي نمسكك رئاسة البلد دي ...... عبد الرحمن قال ليهو كدي يا ريس خليني أشاور الإمام مشي لي أبوه الصادق المهدي، وقال ليه يابا : البشير قال داير يمسكني رئاسة البلد دي رأيك شنو ؟ الصادق قال ليه : اوعك ح تبقي عليك حكايه جنازة الأبيض. .... عبد الرحمن قال لي أبوه كدي احكي لي حكايه جنازة الأبيض دي!!!! الصادق قال ليه : في الأبيض تلب حرامي في بيت عزابه،،،، مسكوهو ودقوهو لامن مات ..... العزابه رأسهم ضرب وقعدو جنب الجثمان لي قريب الصباح .... فجأه واحد من العزابه قال ليهم جيبو لي كفن ....وبدأ يغسل في الجثمان وكفنو وانتظرو لحد الشمس أشرقت وجاب عنقريب وقال للجماعة شيلو الجنازة وارحكم المقابر ..... وجاء شاقي بيهم سوق الأبيض ،،، جماعه السوق شبكوهم صلو علي النبي وواحد من ناس السوق يمسك رجل العنقريب وواحد من العزابه يتملص لامن وصلو المقابر 😳😳😳 الناس بقت ما عارفه الجثمان تبع منو ؟ ولا الميت منو ؟ ولا الحاصل شنو اصلا؟ فدحين يا عبد الرحمن يا ولدي اعتذر ليهو بي دبلوماسية كده وخليهو يدفن جنازتو
11-03-2016, 10:45 AM
walid taha walid taha
تاريخ التسجيل: 01-28-2004
مجموع المشاركات: 4244
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
almulaomar
walid taha
فيس بوك
تويتر
انستقرام
يوتيوب
بنتيريست