06:44 AM October, 27 2016 سودانيز اون لاين ابراهيم عبد الوهاب- مكتبتى رابط مختصرهناك فئة من الناس في استطاعتها تحويل التراب الى تبر وهناك فئة من الناس (كشخصي الضعيف) خلقنا الله لكي نكون موظفين ، مهما فعلنا لن نصبح تجاراً ولم نكسب قرشاً في مجال التجارة ، ومائلنا الفشلهي تجارب شخصية منذ عام 94م لمحاولات الولوج في عالم البزنس وكلها بائت بالفشل والخسارة ، ومما احمد الله عليه بانني خرجت من كلتجربة وانا اضحك من الفشل الذي اصابني او الذي اصبته بالاحرىاسباب الفشل كثيرة منها ما هي متعلقة بسياسات الدولة الاقتصاديةوعدم صحة النظرية الاقتصادية في السودان من عرض وطلبوخلافه من النظريات التي قمنا بدراساتها في الجامعات وكذلك هناك اسباب شخصية سلوكية ونفسيه من نتيجة التربية اذ ان اغلب اهل السودان ليس لديهم روح المغامرة اعتقد ان السببالرئيسي يرجع لامهاتنا وذلم بتخويفنا بي (امبعلو) ويا ود ما تطلعالشارع الكلب بعطيك أو يا ولد انزل من الشباك بتقع تكسر يدك هذه التربية قد جعلتنا نفتقد لروح المغامرة ، طبعا هي كانت بدون قصدوبحسن نية وكذلك هناك اسباب ارجعها (للكج) الحظ هناك مشاريع كانت متوفرة فيها كل اسباب النجاح وفجاة فشلت فيها لاسباب اني حظي حظ كلب لذلك فشلت
اول تجربة استثمارية قمت بها كانت في عام 94م وذلك بشراء ركشة ، وكانت في ذلك العهد او الوقت قيمة الركشة بسعر اربعة مليون (بالقديم) ، ونسبة لعملي كموظف في بنك فكان من الصعوبة العمل بنفسي على الركشة ، لذلك قمت بالاتفاق باحد المعارف العاطلين عن العمل للعمل بالركشة ونسترزق انا وهو ويخرج من دائرة العطالة ، وكان الاتفاق ان يقوم بتوريد مبلغ عشرين الف يوميا وباقي الايراد حق له واصدق القول بانني قد حلمت احلام كثيرة وحلمت بانني خلال ثلاثة سنوات سوف ابني بيتي واتزوج فتاة جميلة واخذت ورقة وقلم (الركشة في اليوم حتجيب لي 20الف يعني في الشهر 600 الف وفي السنة سبعة مليون ومئتين) وسوف اقوم بشراء ركشة جديده والركشة حتجيب لي ركشة والقروش حتجري في يدي زي الرز) وو عشره ايام لم ارى فيها سائق الركشة ولم ارى اي ايراد بام عيني ونسبة لعدم وجود تلفونات في ذلك الوقت او موبايلات ذهبت لسائق الركشة لمنزلة اكثر من سبعة مرات ولم اجده وبعد (لايقة) مني لاهل بيته وامه ، اتاني سائق الركشة في العمل وهو يناولني مفتاح الركشة واخبرني بعدم رغبته في العمل وذلك لان الركشة كثيرة الاعطال وان كل ايراد العشرة ايام قد قام بصرفها على الركشة فاسقط في يدي ، واعتقدت بان هذا الشخص (حرامي قاعد ياكلني) وتكرر الامر مع اكثر من سائق للركشة فقمت ببيع الركشة باقل مما اشتريتها هناك حقائق لا بد ان اسردها 1- من باعني الركشة (ركبني ماسورة) وهو قريبي وهناك يجب الانتباه من الاقرباء في المعاملات التجارية والمالية (لانو بركبو ماسورة وا بتقدر تعمل ليهم حاجة ) 2- ان مبلغ اربعة مليون في ذلك الزمان كان (بتجيب لي قطعة واطه في كافوري ، اي كافوري محل الريس الواحد دا، ) وكان حيكون استثمار ناجح بكل المقايس ولكن نسبة لسماعي اراء الزملاء والاقرباء ايضا بان منطقة كافوري زرعية (البيوت بتشقق) ( والحاج يوسف اغلى منها ليه ) لذلك اصابني الخوف ولم اقم بشراءها وهنا يجب الانتباه اذا اردت شراء ارض او الدخول في استثمار (ما تسمع كلام اي زول اتوكل وخش طوالي )
10-27-2016, 08:36 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: وهناك فئة من الناس (كشخصي الضعيف) خلقنا الله لكي نكون موظفين
كلنا ذلك الرجل يا ابراهيم و كذلك هناك فئة من الناس ربنا حباهم بجرأة و قدرة على اقتحام السوق و مختلف مجالات التجارة بلا خوف, عندي قريبي من صغير جريئ يخش في اي شي و اومورو سلكت عمل راس مال كويس فجاة في شغل مع الكيزان اتورط في شيكات بمبالغ خيالية ودخل السجن جاي جاي الناس حلحلوه ومرق قلنا تاب يازول من تاني يوم دقش السوق و تاني شيكات وتجارة و كيزان وبتاع القصة طلعت ادمان خلي بالك
http://هههههههههههههههههههههههههههههههههههههههههههههههههههههههههههههههه كدي اتم ضحكي وارجع ليكhttp://هههههههههههههههههههههههههههههههههههههههههههههههههههههههههههههههه كد...ي وارجع ليكhttp://هههههههههههههههههههههههههههههههههههههههههههههههههههههههههههههههه كد...ي وارجع ليكصباح النور ست مني اضحك الله لك سنك مع انو غسمن ما عارف معني اضحك الله سنك دي شنو
مرة ماشي بالليل وشايل موبايل اريكسون ابيض القديم داك خطفوا مني كلب جاري وراهو من شارع لشارع زنقة زنقة لمن الكلب احتار فيني زاتو
سلام
يا الله جميلة جميلة فرجت فينا الخلق لو ما الخوف نمشي ندعو ليك تنقبل كمان وتجهجهك في الاستوظاف كان قلنا اصلو ما ينجح ليك مشروع عشان يطلع الكلام السمح دا ياخ الاقتباس الفوق دا استثمار وناجح جدا
انشاء الله يا رب تنفتح عليك وتتوفق وتحقق كل الفي مرادك
10-28-2016, 07:59 AM
محمد إبراهيم علي محمد إبراهيم علي
تاريخ التسجيل: 08-10-2009
مجموع المشاركات: 10032
سلام اخ ابراهيم وضيوفه الكرام مدير ادارة كبيرة جدا في مشروع الجزيرة بعد نزلو المعاش اشتري بمستحقات نهاية الخدمة بصين وشغلهم مواصلات بعد فترة باعهم بعد ان خسر كثيرا من راسماله قال (انا كان عندي كم الف موظف وعامل تحت ادارتي ما غلبوني زي السواقين والاربعة كماسرة ديل ) عندي خالي ختا حصيلة اغترابه في فرن وهو موظف (سالتو هسي يا خال شوال الدقيق بيجيب كم رغيفة ) قال لي (والله ما عارف) قلت ليهو استثمارك ده الله يعوضك فيهو وفعلا قد كان فشل الاستثمار فشلا ذريعا لانو دخل في حاجة ما بعرفها الحاجة المهمة عايز تخش في استثمار حاجة لازم تشتغل فيها يعني داير تشتري ليك حافلة ولا ركشة سوقها براك لفترة حتى تعرف تكتيكات السواقين عايز تعمل فرن اشتغل اول فراني المهم لازم تفهم الحاجة اول عشان تعرف بيشتروها بي كم وبيشتروها من وين وبيبيعوها بي كم وبيبعوها وين وبيبيعوها كيف اهم شئ خطة العمل قبل ما تخت قروشك في حاجة وتدرس السوق بنفسك وما تعتمد على شهادة شخص واحد لا تعمل دراسة تسويقية محترفة حتى لو تدفع لناس يعملوها ليك وتحاول تجيب شريك معاك عشان تقسم الخسارة لو لا قدر الله حصلت خسارة يعني ما تجازف براسمالك كلو او لو ما عايز شريك ما تخش كلك في البحر شوية شوية خش وخلي باب للرجعة
10-29-2016, 07:19 AM
ابراهيم عبد الوهاب ابراهيم عبد الوهاب
تاريخ التسجيل: 08-20-2015
مجموع المشاركات: 609
سلام اخ ابراهيم وضيوفه الكرام مدير ادارة كبيرة جدا في مشروع الجزيرة بعد نزلو المعاش اشتري بمستحقات نهاية الخدمة بصين وشغلهم مواصلات بعد فترة باعهم بعد ان خسر كثيرا من راسماله قال (انا كان عندي كم الف موظف وعامل تحت ادارتي ما غلبوني زي السواقين والاربعة كماسرة ديل ) عندي خالي ختا حصيلة اغترابه في فرن وهو موظف (سالتو هسي يا خال شوال الدقيق بيجيب كم رغيفة ) قال لي (والله ما عارف) قلت ليهو استثمارك ده الله يعوضك فيهو وفعلا قد كان فشل الاستثمار فشلا ذريعا لانو دخل في حاجة ما بعرفها الحاجة المهمة عايز تخش في استثمار حاجة لازم تشتغل فيها يعني داير تشتري ليك حافلة ولا ركشة سوقها براك لفترة حتى تعرف تكتيكات السواقين عايز تعمل فرن اشتغل اول فراني المهم لازم تفهم الحاجة اول عشان تعرف بيشتروها بي كم وبيشتروها من وين وبيبيعوها بي كم وبيبعوها وين وبيبيعوها كيف اهم شئ خطة العمل قبل ما تخت قروشك في حاجة وتدرس السوق بنفسك وما تعتمد على شهادة شخص واحد لا تعمل دراسة تسويقية محترفة حتى لو تدفع لناس يعملوها ليك وتحاول تجيب شريك معاك عشان تقسم الخسارة لو لا قدر الله حصلت خسارة يعني ما تجازف براسمالك كلو او لو ما عايز شريك ما تخش كلك في البحر شوية شوية خش وخلي باب للرجعة
وعليكم السلام الاخ محمد المشكلة في السودان القرارات الاقتصادية ما ثابتة عشان ان تقدر تبني عليها مشروعك كل يوم قرار وفعلا حاجة ما عارفها ما تشتغل فيها لانك حتخسر اتذكر مرة مشيت لي عرس في مدينة سودانية وفي العرس اتعرفت بي شاب اقنعني انو (القرض) في الخرطوم غالي واني لو اشتريت (القرض ) وبعتو في الخرطوم حاكسب وطبعا حكي لي مجموعة من القصص لاشخاص بقوا اغنياء من القرض ، وعشان انا ماعندي المام (بالقرض) فاقتنعت بكلام الزول ، اشتريت لي 16 شوال (قرض) ودفعت كل ما في جيبي للشاب دا ، وجيت الخرطوم مشيت سوق بحري محل محل عشان ابيع القرض دا ، ال16 شوال عرضو علي مبلغ تافه بل اتفه من التافه ، زعلة ساكت جبت شولات القرض ختيتها في البيت ، قايتو من التسعينات لحدي قريب كدا ناس البيت كانوا بتبخرو بيهو وبلكوهو للقحه
10-29-2016, 07:03 AM
ابراهيم عبد الوهاب ابراهيم عبد الوهاب
تاريخ التسجيل: 08-20-2015
مجموع المشاركات: 609
سلام يا الله جميلة جميلة فرجت فينا الخلق لو ما الخوف نمشي ندعو ليك تنقبل كمان وتجهجهك في الاستوظاف كان قلنا اصلو ما ينجح ليك مشروع عشان يطلع الكلام السمح دا ياخ الاقتباس الفوق دا استثمار وناجح جدا انشاء الله يا رب تنفتح عليك وتتوفق وتحقق كل الفي مرادك
جميل انت يا حامد اها مش قلت ليكم حظي حظ كلب حتى الدعوات ما عاوزين تدعو لينا ههههههه اللهم امين وينفتح عليك انت كمان
10-29-2016, 07:01 AM
ابراهيم عبد الوهاب ابراهيم عبد الوهاب
تاريخ التسجيل: 08-20-2015
مجموع المشاركات: 609
عليكم السلام سيد ياسر اصلا بتفشل بتفشل المرة الاولي والتاني والعاشرة بس الناس البتنجح هي المدعومة تلقى ابوهو مرتاح عندو قروش لمن يقع بساندو، الان اي زول عندو شركة ناجحه تلقي من وراهو اسرتو (الثرية) او كيزان
كلام الاخ محمد ابراهيم ده حقيقي . . واحد رجع من الاغتراب فتح محل اسبيرات عربات . . ستف ليك المحل اسبيرات يابانبه . . واتفاجأ بانو ناسنا ما بنفع معاهم الاسبيرات اليابانيه . .
10-29-2016, 08:49 AM
ابراهيم عبد الوهاب ابراهيم عبد الوهاب
تاريخ التسجيل: 08-20-2015
مجموع المشاركات: 609
كلام الاخ محمد ابراهيم ده حقيقي . . واحد رجع من الاغتراب فتح محل اسبيرات عربات . . ستف ليك المحل اسبيرات يابانبه . . واتفاجأ بانو ناسنا ما بنفع معاهم الاسبيرات اليابانيه . .
المشكلة يا اخ عمر اننا بنحب المحاكاة ، واحد لو فتح محل لقيمات وشافوهو شغال الامة دي كلها تجي تفتح جنبو محل لقيمات وتلقى البلد كلها محلات لقيمات من غير دراسة ، مافي روح المغامرة عاوزين الحاجة الجاهزة
10-29-2016, 09:39 AM
وضاح عبدالرحمن جابر وضاح عبدالرحمن جابر
تاريخ التسجيل: 10-11-2012
مجموع المشاركات: 1986
[ وفعلا حاجة ما عارفها ما تشتغل فيها لانك حتخسر اتذكر مرة مشيت لي عرس في مدينة سودانية وفي العرس اتعرفت بي شاب اقنعني انو (القرض) في الخرطوم غالي واني لو اشتريت (القرض ) وبعتو في الخرطوم حاكسب وطبعا حكي لي مجموعة من القصص لاشخاص بقوا اغنياء من القرض ، وعشان انا ماعندي المام (بالقرض) فاقتنعت بكلام الزول ، اشتريت لي 16 شوال (قرض) ودفعت كل ما في جيبي للشاب دا ، وجيت الخرطوم مشيت سوق بحري محل محل عشان ابيع القرض دا ، ال16 شوال عرضو علي مبلغ تافه بل اتفه من التافه ، زعلة ساكت جبت شولات القرض ختيتها في البيت ، قايتو من التسعينات لحدي قريب كدا ناس البيت كانوا بتبخرو بيهو وبلكوهو للقحه ]
ههههههههه
يازول انت ما تخش في التجارة !! ههههههههه
زى ما قال محمد إبراهيم .. الزول كمان قبل ما يشتري ويتورط لام يدرس السوق
10-29-2016, 09:53 AM
الصادق عبدالله الحسن الصادق عبدالله الحسن
تاريخ التسجيل: 02-26-2013
مجموع المشاركات: 3244
Quote: زعلة ساكت جبت شولات القرض ختيتها في البيت ، قايتو من التسعينات لحدي قريب كدا ناس البيت كانوا بتبخرو بيهو وبلكوهو للقحه يا خي حكايتك عن القرض كانت بطعم العسل هههههه
مبدع والله يا إبراهيم منذ التسعينات وأنت وأسرتك تلوكون القرض؟! وأكثر من عشرين عاماً وأنت وعشيرتك تمضغ وتتذوّق ذلك الطعم "الاستثماري" المُر؟!!! وهل كانت عنزتكم (كِريت) تأخذ نصيبها من ذلك "الاستثمار" الطاعم أم أنكم تآمرتكم عليها مثلما تآمر هؤلاء على أشهر مستثمر في كل المنطقة العربية:
لماذا لم تمنحوا عنزتكم حِفنة منه، أو تتركونها لتسِّف ما شاء لها أن تسف وتلهط هي الأخرى من ذلك القرض وتستفيد بما تبقى منه باستعماله كِريماً أو لوشن تدهن به جلدها. ولأنك سألتنا أن ندعو لك: فسوف ندعو الله يوفقك في "مضارباتك" مع الكلاب التي تخطف "الاستثمار" في عضمه الذي يشبه الموبايل. وأن يمنحك المزيد من "القروض" جمع قرض وليس قرض. فيا نار "الاستثمار" كوني برداً وسلاماً على إبراهيم عبد الوهاب.
مبدع والله يا إبراهيم .. فقد أضحكتني كما لم أضحك من قبل. وتحية لك وضيوفك ... .. .
10-29-2016, 02:50 PM
ابراهيم عبد الوهاب ابراهيم عبد الوهاب
تاريخ التسجيل: 08-20-2015
مجموع المشاركات: 609
إبراهيم يا ( خطير )... بدل تتعب ساكت ... كلما تجيك ( المرضة ) دي ... اديني خبر أشيل قروشك بدون ما تجيك مغصة .. دا اسمه ( النهب الرحيم )...
اها كمان يا عزو لو حكيت الناس حكاية الناس البشيلو لي قروشي دي دا عاوز ليهو بوست تاني نسميها (يامحمد زين تديني بالدين ولا اجيك بعدين) النوع البقول ليك بكررررره دي ارجع ليك قروشك تاني ستة سنه ما تشوفوا وهو بكون جارك لق لق لق قال اشيل ليك
10-29-2016, 03:10 PM
ابراهيم عبد الوهاب ابراهيم عبد الوهاب
تاريخ التسجيل: 08-20-2015
مجموع المشاركات: 609
في عام 2009م و 2010م كان في هيجة بتاعت عربات تجارة العربات كانت منتشرة وفيها مكاسب كبيرة وبالذات لمن تبيع بي شيك مؤجل لشهر او شهرين لو العربية بي 20 مليون بتبيعها بي 25 مليون جيت من الغربة وكل الحصاد كان 14 مليون ما بتجيب لي اي حاجة ، اللهم الا عربية (اتوس) لم فيني صحبي سلني عندك كم قلت ليهو 14مليون (بالقديم) قال لي في عربية اتوس تشتريها ونبيعها ليك بشيك يستحق الدفع بعد شهر ، قلت ليهو يا زول ما تورطني قال لي من طرفي ، وصحبي دا كان تاجر عربات مشيت استخرت واديتو القروش ، مع التوصية انو القروش دي كل ما املك ويعمل حسابو وماعرف شنو ، لمن شافني خايف كدا قال لي خلي قروشك معاك اتا ما بتنفع في التجارة وانا كنت عاوز انفعك قلت ليهو لالالا ياخي شيل القروش ، وفعلن اشترينا العربية وبعنها لواحد واستلمت الشيك ودخلتو في ظرف والظرف دخلتو في بلاستيك والبلاستيك جبتو لابوي عندو شنطة بتاع حديد تقيلة فيها خمسة طبل النوع الكبير داك والشنطة تحت سريرو رابطو بطوق مع كراع العنقريب عشان ما يسرق
10-29-2016, 03:22 PM
ابراهيم عبد الوهاب ابراهيم عبد الوهاب
تاريخ التسجيل: 08-20-2015
مجموع المشاركات: 609
في عام 2009م و 2010م كان في هيجة بتاعت عربات تجارة العربات كانت منتشرة وفيها مكاسب كبيرة وبالذات لمن تبيع بي شيك مؤجل لشهر او شهرين لو العربية بي 20 مليون بتبيعها بي 25 مليون جيت من الغربة وكل الحصاد كان 14 مليون ما بتجيب لي اي حاجة ، اللهم الا عربية (اتوس) لم فيني صحبي سلني عندك كم قلت ليهو 14مليون (بالقديم) قال لي في عربية اتوس تشتريها ونبيعها ليك بشيك يستحق الدفع بعد شهر ، قلت ليهو يا زول ما تورطني قال لي من طرفي ، وصحبي دا كان تاجر عربات مشيت استخرت واديتو القروش ، مع التوصية انو القروش دي كل ما املك ويعمل حسابو وماعرف شنو ، لمن شافني خايف كدا قال لي خلي قروشك معاك اتا ما بتنفع في التجارة وانا كنت عاوز انفعك قلت ليهو لالالا ياخي شيل القروش ، وفعلن اشترينا العربية وبعنها لواحد واستلمت الشيك ودخلتو في ظرف والظرف دخلتو في بلاستيك والبلاستيك جبتو لابوي عندو شنطة بتاع حديد تقيلة فيها خمسة طبل النوع الكبير داك والشنطة تحت سريرو رابطو بطوق مع كراع العنقريب عشان ما يسرق
قبل الشهر ما يخلص صحبي دا سافر الجنوب عندو شيكات بي 3 مليار باع عربات في الجنوب بشيكات مؤجله وعاوز حقو ، وانا بي جاي قاعد خايف الشيك ما ينصرف وقبل موعد الشيك بي اربعة ايام اثناء ما انا في الحمام بستحمى ن الوالده جابت لي التلفون في الحمام وقالت لي يا ولدي تلوفنك دا بضرب من قبيل ن شلت التلفون القي رقم صحبي قلت ليهو الو ، وهو قال لي الو ، طوالي قال لي تعرف كلامك فعلا مضبوط الزول البعنى ليهو عربيتك زايغ وعليهو كمية بتاعت شيكات قلبي دا اشتغل لمن عاوز يقع ، 14 مليون دي حصاد سنتين من الغربة طلعت من الحمام قعدت في الصالون وخلفت رجلي وقاعد اتكلم مع صاحبي اها العمل شنو هسه ، صحبي قال لي ما في اي عمل غير انك تمش تعسكر ليهو جنب بيتوهم ، اثناء ما بتكلم مع صحبي اشوف ليك اي زول بخش الصالون بقوم جاري كدا بخلعه انا قلت في شنو قمت عاينت لي نفسي لقيت ليك نفسي قاعد عريان بسسسسس جري للحمام لبست هدومي وجري لبيت الراجل دا كون الواحد يكون مخو لحد هسه كويس دي نعمه من الله
10-30-2016, 07:51 AM
ابراهيم عبد الوهاب ابراهيم عبد الوهاب
تاريخ التسجيل: 08-20-2015
مجموع المشاركات: 609
الجاتك في مالك سامحتك من الامثال الغريبة ما عارف القطع المثل دا من راسو منو هو لمن تجيك في مالك بتجيك في محلات تانية المال مهم جدا عصب الحياة اذا ما كان العصب كلو ما بتقدر تتحرك من بيتكم لو ما عندك حق المواصلات لذلك الجري في الدنيا دا كلو عشان المال
10-30-2016, 10:14 AM
نادر النور آدم نادر النور آدم
تاريخ التسجيل: 04-29-2010
مجموع المشاركات: 1126
المشكلة يا عزيزي ما في كج ولا في عدم معرفة المشكلة في تقلبات السوق وللأسف دي ما عايزة دراسة بقدر ما هي عايزة زول يكون مرن وسريع المراوغة ههههههههههههه عندنا اسعار العربات مثلا فجأة تنط بدون مقدمات يعني لو كنت شايل قروشك وبتفتش احتمال في يوم واحد تلقاها ما ح تشتري ليك .. وقس على ذلك والأسف الأكبر انو الموضوع دا ما ليهو حلول الا باقتصاد قوي ومعافى وإلا حتى الدراسات الرسمية ح تكون حبر على ورق فقط
10-30-2016, 02:39 PM
ابراهيم عبد الوهاب ابراهيم عبد الوهاب
تاريخ التسجيل: 08-20-2015
مجموع المشاركات: 609
حبيبنا ابراهيم .. بوست راااااائع وهام جدا المشكلة يا عزيزي ما في كج ولا في عدم معرفة المشكلة في تقلبات السوق وللأسف دي ما عايزة دراسة بقدر ما هي عايزة زول يكون مرن وسريع المراوغة ههههههههههههه عندنا اسعار العربات مثلا فجأة تنط بدون مقدمات يعني لو كنت شايل قروشك وبتفتش احتمال في يوم واحد تلقاها ما ح تشتري ليك .. وقس على ذلك والأسف الأكبر انو الموضوع دا ما ليهو حلول الا باقتصاد قوي ومعافى وإلا حتى الدراسات الرسمية ح تكون حبر على ورق فقط
السيد نادر الروعه انت والله طبعا اهم سبب كما ذكرت سابقا هي تقلبات السوق الفجائية السريعة بسبب وبدون سبب
لكن قسمن بالله الكج في ياخي احكي ليك اشتريت خمسه حملان قلت اربيهم وابيعهم في عيدالضحية ، العيد فضل ليهو اسبوع قاموا ماتو الخمسة بسبب انهم اكلو عيش(خبز) لمن اشقوا ولا واحد ما فضل لي اها دا كج ولا ما كج
أنا شايف معظم الناس بتخلط بين الاستثمار كفكرة وبين الاستثمار في السودان البيعتبر حاجة تانية خالص سميها مجازفات أو ماشئت لأنو بلدنا دي بالجد حاجة براها وماممكن نظريات الاقتصاد والاستثمار تتطبق فيها. حالياً مع وضع السودان الراهن الأفضل الواحد ما يجازف باستثمار مبلغ كبير، ولو عندك فائض مالي أحفظو كوديعة بالدولار أو اشتري بيهو عقارفي محل إقامتك أو في أماكن مثل دبي أو البحرين للمقيمين في الخليج لأن مع تدهور العملة المريع الحاصل الآن ده رأسمالك بيتآكل وأي عائد بيكون غير مجزي بالإضافة إلى التغيرات المستمرة في قوانين بنك السودان والجمارك والضرائب وغيره ناهيك عن الفهلوة والنصب وسيطرة التماسيح الكبار المسنودين من نافذين في الدولة يعني بالمختصر كدة unfair game.
10-31-2016, 11:57 AM
حماد الطاهر عبدالله حماد الطاهر عبدالله
تاريخ التسجيل: 06-29-2006
مجموع المشاركات: 2159
تحياتي التجارة أنواعوخليك حريف. مثلا- تاجر في القراية، القراية أم دق دي مالها؟ عيبها شنو؟ لحدي الوقت دا كان بقيت بروفسير. مثلا- باريت المساجد وحفظ القرآن الكريم وعلومه ... وقت دا كان بقيت شيخ كبير .. والنتيجة تأتيك الفلوس زي ما عايز. المعني شوف طريق تاني وبس، لا تباري الكلـــب ولا يباريك.
10-31-2016, 06:28 PM
ابراهيم عبد الوهاب ابراهيم عبد الوهاب
تاريخ التسجيل: 08-20-2015
مجموع المشاركات: 609
تحياتي التجارة أنواعوخليك حريف. مثلا- تاجر في القراية، القراية أم دق دي مالها؟ عيبها شنو؟ لحدي الوقت دا كان بقيت بروفسير. مثلا- باريت المساجد وحفظ القرآن الكريم وعلومه ... وقت دا كان بقيت شيخ كبير .. والنتيجة تأتيك الفلوس زي ما عايز. المعني شوف طريق تاني وبس، لا تباري الكلـــب ولا يباريك.
ههههههههه ولا الواحد كان ينضم للموتمر او شمال كان رطب ههه ديل برضو ممكن تخسر فيهم يا اخونا حماد
لكن حكاية الواحد يبقي فكي دي ما جربناها هههههههه
10-31-2016, 06:24 PM
ابراهيم عبد الوهاب ابراهيم عبد الوهاب
تاريخ التسجيل: 08-20-2015
مجموع المشاركات: 609
تسلم يا حبيبنا إبراهيم على البوست الطريف......... أنا شايف معظم الناس بتخلط بين الاستثمار كفكرة وبين الاستثمار في السودان البيعتبر حاجة تانية خالص سميها مجازفات أو ماشئت لأنو بلدنا دي بالجد حاجة براها وماممكن نظريات الاقتصاد والاستثمار تتطبق فيها. حالياً مع وضع السودان الراهن الأفضل الواحد ما يجازف باستثمار مبلغ كبير، ولو عندك فائض مالي أحفظو كوديعة بالدولار أو اشتري بيهو عقارفي محل إقامتك أو في أماكن مثل دبي أو البحرين للمقيمين في الخليج لأن مع تدهور العملة المريع الحاصل الآن ده رأسمالك بيتآكل وأي عائد بيكون غير مجزي بالإضافة إلى التغيرات المستمرة في قوانين بنك السودان والجمارك والضرائب وغيره ناهيك عن الفهلوة والنصب وسيطرة التماسيح الكبار المسنودين من نافذين في الدولة يعني بالمختصر كدة unfair game.
الله يسلمك اخونا طارق كلامك مضبوط مية المية ودا نفس كلامي الذكرتو فوق
11-01-2016, 06:56 AM
ابراهيم عبد الوهاب ابراهيم عبد الوهاب
تاريخ التسجيل: 08-20-2015
مجموع المشاركات: 609
حتى البنوك ما بتستثمر اموال المودعين داخل البلد ، وبحكم السابق في بنك رايت البنك يقوم باستثمارات في مزارع البن في البرازيل ، والشاي في الهند لانهم يدركون بانه يوجد مخاطر بالاستثمار داخل البلد مع العلم انهم هم سبب رئيسي في خلق مناخ عدم الثقة لانهم اذا قاموا بعمل تنمية داخل البلد لكان هناك انتاج ونعلم ان الانتاج هو اهم سبب في تقدم البلدان والشعوب
11-01-2016, 01:29 PM
Munir Munir
تاريخ التسجيل: 02-11-2002
مجموع المشاركات: 10496
بوست جميل .. وأسلوبك جذاب .. قلت لى إستثمرت فى القرض؟ ههه .. باين إنت من ناس أمسك لى وأقطع ليك .. عندى صاحبى زمان قال يشتغل فى البراويز وأجّر أستوديو وظبطه تمام وجاب عدة نجارة وإبتدأ الشغل ؛ فكان يمشى يشترى البراويز ـ المذهبة المنقوشة ـ بالمتر ويجى يقطعها ويركبهاحسب المقاسات المطلوبة .. بعد فترة بسيطة كده الظاهر بتاع البراويز لمن شافه بيجى يشترى كتير قام طمع وزاد ليهو سعر المتر لغاية ما الشغلة بقت ما بتغطى معاه فبطّل الشغلة وقفّل الأستوديو.. لاحظ زوول قنوع قال يشتغل حاجة نظيفة وراقية يسترزق بيها يقوم الطمّاع تاجر الجملة بدلاً عن أن يخفض ليهو الأسعار تحفيزاً ليهو لأنه زبون جديد مشّى ليهو بضاعته قام عمل العكس وزاد السعر .. عشان تعرف نفوس البنى آدمين ديل تختلف إختلاف السما من الأرض ــ يا عملات الراعى السودانى ــ ... تجار يشوفوك زبون مثابر يهاودوك فى البيع ، وواحدين يطمعوا فيك ..
دنيا ..
11-01-2016, 01:38 PM
Munir Munir
تاريخ التسجيل: 02-11-2002
مجموع المشاركات: 10496
فى قصة الإستثمار بتاع تشترى حافلة وتشغلها فى الخط .. وهى الفكرة التى كانت تراود أى زول زمان لمن بتاعين الحافلات يجوا يقولوا ليك بنصفى فى اليوم عشرة ألف .. نفس الصديق قال لى ما ممكن ياخ تشترى حافلة بعشرين مليون ــ الزمن داك ــ وتجى تلقطها فكّة جنيه جنيه .. غير وجع الدماغ ..
أما لو قلت تديها سواق حيعمل ليك دغت من وجع الكتاوت والبلوتين الضارب ..
11-01-2016, 02:09 PM
ابراهيم عبد الوهاب ابراهيم عبد الوهاب
تاريخ التسجيل: 08-20-2015
مجموع المشاركات: 609
فى قصة الإستثمار بتاع تشترى حافلة وتشغلها فى الخط .. وهى الفكرة التى كانت تراود أى زول زمان لمن بتاعين الحافلات يجوا يقولوا ليك بنصفى فى اليوم عشرة ألف .. نفس الصديق قال لى ما ممكن ياخ تشترى حافلة بعشرين مليون ــ الزمن داك ــ وتجى تلقطها فكّة جنيه جنيه .. غير وجع الدماغ .. أما لو قلت تديها سواق حيعمل ليك دغت من وجع الكتاوت والبلوتين الضارب ..
نحنا يا اخ منير شعب بتاعين محاكاة واحد يجيب حافة الناس دي كلها تجيب حافلات تفتح محل اتصالات الامة دي كلها تفتح محل اتصالات ياخ مشيت مدينة الرياض في السعودية كلما اخش بيت القي في تربيز مدورة كدا في الركن لدرجة اني قلت بكون الموزع واحد ياخ ما ممكن المحاكاة تصل للدرجة دي
تخريمة التربيزة المدورة دي مشروع بوست والله ههههههههه
11-01-2016, 02:06 PM
ابراهيم عبد الوهاب ابراهيم عبد الوهاب
تاريخ التسجيل: 08-20-2015
مجموع المشاركات: 609
الأخ ابراهيم عبد الوهاب سلامات .. بوست جميل .. وأسلوبك جذاب .. قلت لى إستثمرت فى القرض؟ ههه .. باين إنت من ناس أمسك لى وأقطع ليك .. عندى صاحبى زمان قال يشتغل فى البراويز وأجّر أستوديو وظبطه تمام وجاب عدة نجارة وإبتدأ الشغل ؛ فكان يمشى يشترى البراويز ـ المذهبة المنقوشة ـ بالمتر ويجى يقطعها ويركبهاحسب المقاسات المطلوبة .. بعد فترة بسيطة كده الظاهر بتاع البراويز لمن شافه بيجى يشترى كتير قام طمع وزاد ليهو سعر المتر لغاية ما الشغلة بقت ما بتغطى معاه فبطّل الشغلة وقفّل الأستوديو.. لاحظ زوول قنوع قال يشتغل حاجة نظيفة وراقية يسترزق بيها يقوم الطمّاع تاجر الجملة بدلاً عن أن يخفض ليهو الأسعار تحفيزاً ليهو لأنه زبون جديد مشّى ليهو بضاعته قام عمل العكس وزاد السعر .. عشان تعرف نفوس البنى آدمين ديل تختلف إختلاف السما من الأرض ــ يا عملات الراعى السودانى ــ ... تجار يشوفوك زبون مثابر يهاودوك فى البيع ، وواحدين يطمعوا فيك .. دنيا ..
الله يسلمك الاخ منير شكرا ليك الزمن داك شايف ليك البيوت كلها راشين قرض شئ بخور وشئ علاج فقلت بكون مربح ههههههه الطمع مشكلة كبيرة جدا بتصف بيها التجار السودانيين عاوزين يغنوا بسرعة وفي ضربة واحدة وهسه بتاع البراويز دا حاسد والحسد دا مدمر حسد الراجل لمن قفل المحل
11-01-2016, 02:16 PM
Munir Munir
تاريخ التسجيل: 02-11-2002
مجموع المشاركات: 10496
يازول لو رزقك فى القرض لو زارعها فى الحجر بتقوم ... ومافى زوول يقدر يقلّعها .. هههه .. زمان واحد حكى لى قال واحد مغترب رجع شاحن أكياس نايلون بس، بقى مليونير .. تقول لى شنو ؟
11-01-2016, 03:43 PM
عليش الريدة عليش الريدة
تاريخ التسجيل: 08-17-2015
مجموع المشاركات: 1709
زمان واحد حكى لى قال واحد مغترب رجع شاحن أكياس نايلون بس، بقى مليونير .. ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ واحد معرفة ،قدر مايتاجر بخسر،آخر قروشو اشترى بيها عدسية وخزنا لرمضان، متوقع لو الحظ حالفو يربح 25%..لكن أعصابو كانت بايظة شديد.. قوموا يالهنود تعالوا اشتروا العدسية الحايمة في السوق كلها... زولنا دا أظنو ربح اكتر من 100%.. إتكشم وقال قولتو الصارت مثل : ربنا دا ،كان داير يجيه زول بجيهو..
11-01-2016, 05:44 PM
ahmedona ahmedona
تاريخ التسجيل: 01-08-2013
مجموع المشاركات: 6562
طبعاً أنا لا أتفق مع رؤية صاحبى عن شراء الحافلة وتشغيلها فى الخط حيث يراها إنفاق للملايين ليتم تحصيلها بالملاليم .. لأنو أعتقد شراء الحافلة هو تسييل ــ من سيولة ــ لهذه الملايين لتحريك الحياة بحيث كل جنيه سائل من هذه الملايين يستولد جنيهاً والحياة تسيل وأمل الحياة ينشرَّ لقدام بدلاً عن أن تقعد هذه الملاييين زى العضم بلا فائدة وعرضة للمحقة ــ يعنى الإستهلاك السريع ــ أوالضياع أو أأو .. إذن فى هذاا النوع من الإستثمار فالغرض الرئيسى ليس الربح وإإنما إنشاء مشروع كسب الرزق بأن يفكفك المرء دقشة أمواله لتسيل قدامه ويعيش عليها .. وعلى أى حال ماهو كنه الإستثمار إن لم يكن إنفاق أموال وفيرة فى مدة قصيرة للحصول على فائدتها شوية شوية فى طول الأمد .. ؟؟.. أما أن تنفق مليون الآن لتسترده مليونين بكرة ده إلاّ فى القمار .. :)
10-10-2017, 05:19 PM
ابراهيم عبد الوهاب ابراهيم عبد الوهاب
تاريخ التسجيل: 08-20-2015
مجموع المشاركات: 609
واحد معرفة ،قدر مايتاجر بخسر،آخر قروشو اشترى بيها عدسية وخزنا لرمضان، متوقع لو الحظ حالفو يربح 25%..لكن أعصابو كانت بايظة شديد.. قوموا يالهنود تعالوا اشتروا العدسية الحايمة في السوق كلها... زولنا دا أظنو ربح اكتر من 100%.. إتكشم وقال قولتو الصارت مثل : ربنا دا ،كان داير يجيه زول بجيهو..
التجارة حلوة جدا لو ضربت معاك
نان تضرب كيف بس هههههه
11-02-2016, 10:41 AM
ابراهيم عبد الوهاب ابراهيم عبد الوهاب
تاريخ التسجيل: 08-20-2015
مجموع المشاركات: 609
يازول لو رزقك فى القرض لو زارعها فى الحجر بتقوم ... ومافى زوول يقدر يقلّعها .. هههه .. زمان واحد حكى لى قال واحد مغترب رجع شاحن أكياس نايلون بس، بقى مليونير .. تقول لى شنو ؟
بالتاكيد رزقا تكوسو ورزقا يكوسك انا بعرف واحد كان شغال سبح وطواقي في عام 92 راس مالو كان 50مليون
11-07-2016, 06:23 AM
ابراهيم عبد الوهاب ابراهيم عبد الوهاب
تاريخ التسجيل: 08-20-2015
مجموع المشاركات: 609
لمن يحصل تعويم للجنية اي زول (مدكن) قروش سودانية فقيمتها بتقل ، الا الناس الخاتنها بالعملات الاجنبية الحكومات المحترمة والبنوك بتنشئ حاجة اسمها الصناديق الاستثمارية وبترفع سعر الفائدة عشان تخفف شوية عن المواطنين تجيب ليهو الفرق الخسرو لكن قسمن السودان دا ما بنفع معاهو لا نظرية اقتصادية لا ميزان مدفوعات ، لا صمغ عربي
11-15-2016, 06:06 PM
ابراهيم عبد الوهاب ابراهيم عبد الوهاب
تاريخ التسجيل: 08-20-2015
مجموع المشاركات: 609
بحضر قبل كم يوم برنامج في تلفزيون s24 سودانية برنامج عن مشروع مكافحة سرطان الثدي جايبين رجال الاعمال عشان يتبرعو وقاعدين في القاعة رجال الاعمال مع اسرهم اولاد وبنات زي الشكولاته لكن ما عرفت اي زول من القاعدين زمان رجال الاعمال معروفين هسه جاء جيل جديد من رجال الاعمال اولاد صغار كدا
02-19-2017, 05:06 PM
ابراهيم عبد الوهاب ابراهيم عبد الوهاب
تاريخ التسجيل: 08-20-2015
مجموع المشاركات: 609
استثمار مضمون انك تبني ليك طابقين اربعة شقق تعيش في شقة وتاجر التلاتة الباقيات بكون ليك مصدر دخل ثابت ان شاء الله المشكلة انك تبني طابقين كيف زي العصرت عليكم
02-22-2017, 07:16 AM
عباس الدسيس عباس الدسيس
تاريخ التسجيل: 10-11-2012
مجموع المشاركات: 3403
Quote: استثمار مضمون انك تبني ليك طابقين اربعة شقق تعيش في شقة وتاجر التلاتة الباقيات بكون ليك مصدر دخل ثابت ان شاء الله المشكلة انك تبني طابقين كيف زي العصرت عليكم
ابراهيم سلام انت كجك مع نفسك انا مشكلتي عندي كج وبكج المعاي الاسهم في السعودية كانت كل يوم طايره فوق عملت فيها الود بتاع بنوك وبعرف فيها اقنعت ليك مراة قريبتي عندها شغل هنا قروشها بتختها في الدولاب وتكره البنوك تخش معاي في الاسهم اها يا الحبيب لميت معها كم زول تاني جملة المبلغ كان 300 الف ريال عندي فيهم 120 الف ريال تصدق المبلغ صفي لي 70 الف ريال فيهم واحد مشارك معاي كان نزل نهائي عندو عربية كورلا ومعاها 250 الف ريال زوجتو طبيبة مشي الخرطوم اجر بيت وعمل بقالة كبيرة السماسرة لمو فيهو عشان اشغل البقالة كل يوم عرض للعربية باقل منها وفرق قروش في النهاية ال250الف والكورلا صفو علي مكنة تصوير ما شغالة جاء راجع السعودية تاني اها دا المألم قلبي وحزنان ليهو بعد سنة من المعفرة ختا قروشو معاي السمسرة المجانا بتغلب زول انا غلبتني مع صاحبي اشتغلنا فيها واحد عايز ابيع عربيتو لقينا المشتري وخشينا المفاوضات طلع المشتري ماشي السودان نهائي وزوجتو عندها سرطان حمانا الله وياكم تصدق دفعنا حق المعرض وتسجيل السيارة زول ادوهو بضاعة مجانا بخسر فيها واحد سعودي صديق قفل مؤسستو اداني براميل صغيره بتاعت موية النار المركزة هديه جبتها ختيتها تحت السلم في العمارة وكنت ماشي اجازة قلت ارجع من السودان مفلس ابيعها واتصرف بيها ربك رب الخير ستر ما لقيت الحارس اوصيهو عليها واقول ليهو حقتي لحكمة يعلمها الله سافرت السودان بعد رجعت جري لي تحت السلم لقيتو فاضي افتش في الحارس قلتا سرقا اسألو الحارس صعيدي وانتهازي ببيع لينا الموية والغاز لو قلت ليهو السلام عليكم بقول ليك جيب عشرة ريال وزول فضيحه اخبار العمارة كلها فاكيها السهلة بالله سألتو منها نطط عيونو يا ابن النيل ما تقول لي حد بتاعتك دا الهيئة والشرطه والمباحث كلها كانت هنا شالوها ابادوها وقالو في حد بصنع خمور هنا قلبو العمارة قلب تحقيقات قطعت فيهو 100 ريال عشان اسكت وكل ما اقابلني عايز عشرة ريال كرهني العمارة وما برجع لي باقي الموية والغاز
02-22-2017, 07:39 AM
عباس الدسيس عباس الدسيس
تاريخ التسجيل: 10-11-2012
مجموع المشاركات: 3403
ابراهيم اقول حاجة تانية قلنا نشتغل في اوقات الفراق بتاعتنا مع صاحبنا بتاع مكتب عقاري اول شغلة مسكناها واحد قال عايز ليهو فيلا في حدود 2 مليون ريال وحدد لينا الاحياء التلفونات اشتغلت والعربات بعد الدوام دورت وهاك يا جري دا اوديك لي دا التلفونات حمتنا النوم ربك رب الخير لقينا الفيلا والراجل عجبتو وكلو تمام يوم البيعه دكينا الشغل ومشينا قالو حق الوسطاء البايع قال عندو 3 اشخاص شغالين معاهو فيها من بدري انا معاي خمسة غير المكتب قلنا كويس انشاءالله تطلع لينا الواحد 2000 ريال او 5 الف ريال برضو نعمه البائع سأل الثلاثة المعاهو قال ليهم معاكم زول تاني واحد منهم قال ليهو ايوا معانا ناس واقفين بره عاينا بالشباك تصدق لقينا حافلة واقفه ملانه ناس
02-23-2017, 08:00 AM
ابراهيم عبد الوهاب ابراهيم عبد الوهاب
تاريخ التسجيل: 08-20-2015
مجموع المشاركات: 609
ههههههههههههه والله يا الدسيس حكايات العقارات دي كمان مسخوهها تلقي 500 ريال مشتركين فيها تزعه سمسارة وكمان نصب تقيل بفتش في شقة سوداني وراني شقة سممممحه وسعرها لقطه بس قال لي ادفع عربون تلاتة الف (الحمدلله ما كان عندي غير الف ريال ) طبق الالف ريال وتاني لي تلاتة سنه ما شفتو نصاب معروف بقي ، ومرة قالو نفس الزول دا اجر لي لبناني فيلا بدون علم اصحاب الفيلا خلي ليك اللبناني خشمو ملح ملح
02-23-2017, 07:46 AM
ابراهيم عبد الوهاب ابراهيم عبد الوهاب
تاريخ التسجيل: 08-20-2015
مجموع المشاركات: 609
سلام أخونا إبراهيم وضيوفك لكرام ياخى أضحك الله سنك بوست أكثر من رائع بس أسمح لى فكرة الركشة دى بداية غير موفقة أخير منها (قرض وضاح ) على الأقل بشرب فيهو سنين ههههه أنا دخلت فى تجربة فريدة مع التترون أشترى من كسلا وأسافر به مدنى أو الخرطوم بأوراق رسمية مع زميل لى وزميلنا هنا فى المنبر الأخ / صالح أشواك وكانت أول شحنة لينا بمبلغ متواضع على ماأذكر فى حدود الأربع مليون تقريباً وفى أول نقطة تفتيش خارج المدينة سألوا عن صاحب الطرود وطلبوا منا النزول ودار الحوار : ياشباب معاكم تصريح ؟ بكل ثقة مد زميلى تصريح البضاعة ولا حظت عليه الختم . دقق الرجل فى الورقة ولاحظ عليها كشط ومن المعروف أى كشط يلغى الشهادة ( تقول ممتحنبن ) المهم الباص سافر وأول شىء خسرنا التذاكر دخلنا مع الرجل للمكتب وأنا متوتر وألعن حظى وأقول (دى بداية شنو دى ) زميلى يتمتع بطول البال طلب منى الإنتظار خارجا وهو يتولى المفاوضات وأنا أستمع بالشباك . ماشين وين ؟ أجاب زميلى الخرطوم سعادتك المهم بعد كم سؤال جاء فى المهم طيب حقنا وين ؟ مد زميلى بالموجود معه (حق الفطور ) رفض الرجل إستلام المبلغ لقلته زميلى قال له ياخى دا المعانا ونحن يادوب يافتاح ياعليم طيب صلحها شوية أى زيدها شوية ؟ أراد زميلى أن يلطف الجو فقال له أصلحها كيف أصلو هى فول ؟ غضب الرجل وحجز البضاعة ولقانا عصرا فى مكتب المكافحة حيث الجرجرة والتحقيق وبالأخير طلعنا بضاعتنا وبعنا براس مالها أظرف شىء كان تعليق الوالد (رحمه الله) عندما قال لنا ياشباب إنتو ماشبه التلتلة والبهدلة أرجعوا لى غربتكم ومن دييك نحن موظفين فى السعودية ةالحمدلله بس ياإبراهيم (19) سنة فى ثانوى (وظيفة) وأخونا وضاح أبوقرض خلانا فيها لحدى الآن ومن هنا أحييك ياباشمهندس . أظرف حاجة بعد التترون قلنا نجرب العضة وفتحنا مطعم أنا وزميلى( الكج) الحقيقة الإثنين (كج) بالصباح شية وفول وبالظهر (ملاحات وكسر ) وأنا سافرت لغرض إلى الخرطوم وخليتو فى المطعم بعد أسبوعين رجعت لكسلا وانا فى دكان الوالد ـشوف ليك( عدة المطعم المابغباها الحلل وصاج اللحمة والصحانة وكيزان الموية ) وهاك ياخلعة وسؤال مباشر للوالد (يابوى فى شنو؟) ضحك الوالد وقال لى أسأل صحبانك أنا هنا بس مخزن لعدتكم زميلى جاء العصر قاشر سألته فى شنو يافردة ومالك سمنت كدة فجأة قال لى من( بورت الأكل مغسة كدة نتهرى برانا ) ياخى تاكل القرض أخير نشوف غربة تانية ومن ديك وعييك
حاولت كم مرة يا وضاح امسك قروشي علي لكن مرضه هي ، كلما الم قروش اخش لي في مشروع افشل فيهو وابداء تاني من اول جديد انه الامل ان (تضرب) معاي
عندي قريبي و معاهو صديقين كانوا شغالين في السعودية . كل ما يعملوا شغل في السودان، الشغل يفشل. بعد زي 5 محاولات فاشلة ..واحد منهم قال ليهم يا جماعة تاني اوع تجوني لبزنس، اذا عايزين صدقة ، حسنة ، انا معاكم.
02-23-2017, 04:45 PM
Sayed Bekab Sayed Bekab
تاريخ التسجيل: 09-21-2006
مجموع المشاركات: 1543
ابراهيم عبد الوهاب السلام عليكم و بوسط جميل و بصراحه كده صحيح فى ناس خلقووو موظفين و لكن ليس هناك حرج علي المحاولة و اهو فشلت تجرب تاني و تالت لكن عن خبره التجربة تكون فى مبلغ زايد عن حاجتك و ب ١٠٪ من المبلغ بس ربنا وفق الحمد الله ما سهل برضو الحمد الله ترجع تعيش مستور ب ال ٩٠٪ تحياتي و تقديري لك و لضيوفك الكرام
في بداية التسعينات كان عندنا بقالة اشتغلنا صاح وكانت بتجيب دخل كبير ولكن القززة دي يا منير غتست حجر البقالة ناس البيت يجو (يقزوز) باللبن والشاي والزبادي والطحنية والجبنة والبيض والزيت ما خلوا حاجة في البقالة ما قزقزو بيها لمن الواحد قررررب يقزقزو بيهو في السجن
04-25-2017, 03:12 PM
ابراهيم عبد الوهاب ابراهيم عبد الوهاب
تاريخ التسجيل: 08-20-2015
مجموع المشاركات: 609
شفت في التلفزيون لقاء من جنرال متقاعد من جبال النوبة ، بعد ما خلي الجيش عمل ليهو مزرعة بتاعت فواكهة ، حاجة جميلة وقال انو المزرعة الان تنتج له كميات كبيرة من الفواكهة وكمان بقي يصدر وعمل ليهو مشتل بتاع فواكهة
عندي ارض 1000م في ام كتر الواحد مفكر انو يزرعو كلو ليمون بس
04-25-2017, 10:37 AM
Mohammed Abdullah Mohammed Abdullah
تاريخ التسجيل: 04-18-2017
مجموع المشاركات: 129
ماكنت عاوز احكي الموقف ده للاخوان هنا لكن شايفك عاوز تبريء نفسك وترجع كلامك للحظ
ياجماعة هذا الكوج اشتري جهاز تركي كاشف للذهب وفي اخر لحظة وقبلما يسافر السودان غير رايو وباعو باكثر من سعرو لي واحد اخونا واقنعو بفائده التنقيب عن الذهب
اخونا نزل اجازة وشال معاهو الجهاز من الدمام بالشرقية
في اول عملية الجهاز اطلق صافرة هنا يوجد المعدن الاصفر
غتيسة يدو في الواطه مرقتلو عقرب صفرا بعدها ماصحي الا وهو في المستشفي
من دربو شال الجهاز وتركه عند اهل ابراهيم في السودان وجا راجع قال لابراهيم رجع لي قروشي
اهلو هناك باعو الجهاز في التو واللحظه و قبل اخونا يصل هنا
وصاحبنا لي يوم الليله سا كي ابراهيم في قريشاتو
يعني طلع كوج وحرامي
04-25-2017, 03:14 PM
ابراهيم عبد الوهاب ابراهيم عبد الوهاب
تاريخ التسجيل: 08-20-2015
مجموع المشاركات: 609
اقنعت ليك مراة قريبتي عندها شغل هنا قروشها بتختها في الدولاب وتكره البنوك تخش معاي في الاسهم اها يا الحبيب لميت معها كم زول تاني جملة المبلغ كان 300 الف ريال عندي فيهم 120 الف ريال تصدق المبلغ صفي لي 70 الف ريال فيهم واحد مشارك معاي كان نزل نهائي عندو عربية كورلا ومعاها 250 الف ريال زوجتو طبيبة مشي الخرطوم اجر بيت وعمل بقالة كبيرة السماسرة لمو فيهو عشان اشغل البقالة كل يوم عرض للعربية باقل منها وفرق قروش في النهاية ال250الف والكورلا صفو علي مكنة تصوير ما شغالة جاء راجع السعودية تاني اها دا المألم قلبي وحزنان ليهو بعد سنة من المعفرة ختا قروشو معاي السمسرة المجانا بتغلب زول انا غلبتني مع صاحبي اشتغلنا فيها واحد عايز ابيع عربيتو لقينا المشتري وخشينا المفاوضات طلع المشتري ماشي السودان نهائي وزوجتو عندها سرطان حمانا الله وياكم تصدق دفعنا حق المعرض وتسجيل السيارة زول ادوهو بضاعة مجانا بخسر فيها ................................ بوست رهيب حضور ومداخلات
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ابراهيم عبد الوهاب
محمد البشرى الخضر
مني عمسيب
ياسر منصور عثمان
حامد عبدالله
محمد إبراهيم علي
عمر سعيد علي
وضاح عبدالرحمن جابر
الصادق عبدالله الحسن
نادر النور آدم
Munir
عليش الريدة
ahmedona
عباس الدسيس
Sayed Bekab
Mohammed Abdullah
باسط المكي
فيس بوك
تويتر
انستقرام
يوتيوب
بنتيريست