خذ على سبيل المثال ما فعله كلاب امن المؤتمر الوطني مع العم بدر الدين الزعيم
الموطن بدر الدين انسان سوداني معلم وواعي من لجنة اعتصام اهالي الجريف وقف ضد الظلم وتقدم صفوف الاهل لرد الحقوق من نظام اللصوص الحاكم. كلاب الامن اقتحموا اعتصام الجريف شرق وانهالوا بالضرب على العم بدر الدين ضابط الامن نبح بصوت عالي هوهو صائحا : ” كان تتخلصوا منو بي عربية ولا موتر وتريحونا منو” ويقصد تصفية العم بدر الدين باساليبهم المحفوظة ويقصد اخافة كل من يطالب بحقوقه من اهالي المنطقة . عمنا بدر الدين وامثاله من الاباء الشرفاء ربنا عالم بي حالهم ما بخذلهم الرسول صلى الله عليه وسلم استعاذ بالله من قهر الرجال ديل تربية مافيا المؤتمر الوطني الحاولوا يقهروا العم بدر الدين امام الناس ديل يا ابوي ما ربوهم على توقير الكبير ديل بتنمروا على المواطنين العزل لما يكونوا قطيع مسلح وجبناء من غير سلاح ديل ما اهانوك بل اهانوا رئيسهم معدوم الضمير ونظامهم البغيض وكل من حاورهم وشاركهم السلطة الفاسدة. انت البتاكل من عمل يدك وبي عرق جبينك يا ابوي عراقيك انظف من ضمير كل تاجر دين بلحية ضلالية اعتلى منبر مطبلا للفساد وظلم العباد انت الزيك ما بتذل الارض التى عليها فرشة المانجو هذه اشرف وانظف من عماراتهم الفارهة ومكاتبهم الفخمة. شكرا ليك ولكل يد سودانية شريفة نظيفة لم تمتد للمال العام ، حقك علينا ربنا يشفي جروحك ويفك اسرك. كونوا مثل بدر الدين لينتصر السودان
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
زهير عثمان حمد
فيس بوك
تويتر
انستقرام
يوتيوب
بنتيريست