|
|
|
 Re: بت مزة (Re: حمد عبد الغفار عمر)
|
أعتقد المقصودة المزة الواحدة دي بتاعتنا الزمان
و الواضح إنو أصبح في شيوع للمصطلحات بين الجنسين
زمان في كلمات خاصة بالأولاد وغيرها خاص بالبنات هسه المسألة دي انتهت
أنا غايتو خائف يوم أقرأ بنت تكتب زووووط
| |
 
|
|
|
|
|
|
|
|
Re: بت مزة (Re: أحمد محمد عمر)
|
| Quote: أنا غايتو خائف يوم أقرأ بنت تكتب زووووط |
زوووط دي ذاتها أول بدايات استخدامها هنا الناس كانوا ملاوزين منها
لكن حصل ما أسماه قيقراوي باستئناس المصطلحات .. ودة السودانيين يعجبوك فيه
يبدأ المصطلح جنسي والناس تتناوله بالدس بعد شوية تلقى حتى كبار الصحفيين دوروا فيه ونسوا قصته الأصلية
زي مصطلح الماسورة مثلاً والقالو حمد
| |
|
|
|
|
|
|
|
|
|
Re: بت مزة (Re: امجد الجميعابى)
|
هلا بيك أحمد محمد عمر
مُزّة بالضمة كلمة دارجية مصرية
هل تصدق أنا قايلها مزة بالفتحة
ما دام بالضمة احتمال كبير يكونوا قاصدين موزة مسرّعة
المهم نحن آخر مرة طلعنا من السودان كانت في بت لقطة وشطة الخ
مرة في بت في الكلية جات من الشمس وكانت عرقانة واحد قال ليها أنا عارف الآيسكريم الشمس بتسيحو
انا اليوم كلو كنت خجلان
| |
|
|
|
|
|
|
|
|
|
Re: بت مزة (Re: حمد عبد الغفار عمر)
|
تعرف زووط دي أنا أول يوم قريتها هنا شعر جسمي دا وقف قرون قرون
قلت ناس المنبر ديل ببالغوا وأهو عادي الواحد بقى يكتبها زي الما حاصلة حاجة
| |
|
|
|
|
|
|
|
|
 Re: بت مزة (Re: حمد عبد الغفار عمر)
|
هلا الفاتح علي التوم
قطعو ناشف )[/U
هي بالله ممكن يكون عندها معنى تاني غير القطع الواحد دا
أنا فهمي ليها إنو الزول يقطع ليهو حاجة جافة مثلا ودي بكون فيها صعوبة شوية
محن غايتو 
| |
|
|
|
|
|
|
|
|
|
Re: بت مزة (Re: حمد عبد الغفار عمر)
|
الكلام ما في إستسهال التعابير الموحية دي يا حمدوف
الكلام في الإستلاب الحاصل حتي في هكذا مفردات ..
عندنا نحن جكس نسوها وقعدوا يلوكوا في بتاعت المصريين
عرفناهو الانبهار بثقافة الغير وتفضيلا على ثقافاتنا ... كمان
لغة الشارع دي ناقلنها لينا من برة لشنو ..
من قلة أزقتنا يعني ؟
| |
|
|
|
|
|
|
|
|
|
Re: بت مزة (Re: طلحة عبدالله)
|
كيفك يا طلحة
والله أن زعلت يا طلحة لما عرفتها كلمة مصرية
ياخ نحن بقينا ما مقتنعين بأنفسنا ول بمقدراتنا
الزفة مصرية والغنية مصرية الخ
نحن عندنا ثراء لغوي دارجي كبير جدا
المشكلة يوم تلقط ليك حاجة دارجة من بلد تاني وتكون غميسة المعنى
الفيسبوك دا عجيب
| |
|
|
|
|
|
|
|
|
|
Re: بت مزة (Re: حمد عبد الغفار عمر)
|
أيوة الفيس بوك عجيب وأعجب منو الواتس
وأعجب منهم الأسافير عموما ..
ياخ هسة في المنبر دا في ناس الواحد يكتب كأنو في مسابقة بتاعت
تعبير زي الزماااااااان البدونا ليها في سنة خامسة إبتدائي ديك يحشد ليك
موضوع عادي جدا بأفخم وأعقد العبارات والمفردات ومع دا كلو
لا يقول أي شىء .. خخخخخخخخ
مع انو أسرع طريقة لايصال فكرتك للمتلقي هي بساطة وجزالة
الأسلوب .. كالسكين في الزبادي أو كما قيل .. هههههه
| |
|
|
|
|
|
|
|
|
|
Re: بت مزة (Re: طلحة عبدالله)
|
حمد الفنان
ممكن أشارك
أحكي لك حكاية مزة أسمها ( الشفاف)
الشفاف
الجسم الشفاف هو الجسم الذي يمر الضو من خلاله ولذلك يسمح برؤية الأشياء التي تقع خلفه بوضوح كلوح الزجاج مثلا . وبالتالي سيكون الشخص الشفاف الى حد ما يحمل هذه الصفة . وانا لا استطيع ان اوصف الشفاف وصفا يقرب صورته لكم .. ولكن ساتركه يروي حكايته لكم لتستقوا المعنى منها .. او بمعنى اصح واكثر شفافية ساروي لكم حكايته بلسانه هو . يقول
صحيح انا انسان حساس ولا اتحمل اي نوع من الحرج لذلك ماعندي اي جراه حتى اتقدم او اعمل علاقة مع بنت حتى لا اتعرض لكلمة لا او آسفه .. الا ان ظهرت هي .. انسانة من ضمن طلاب الصف الاول برلومة انسانة منحت من كل شئ اوسطه لونها وسط بين لونين وطولها وسط وحجمها وسط ووسطها وسط وعيونها وسط وصوتها وسط انا بسببها اصبحت احب الشرق الاوسط جريدتي المفضلة والبحر الابيض المتوسط وكل شئ يحمل كلمة وسط .. كنت اقف اتاملها اما ذاهبة مع زميلاتها او حتى لوحدها اشيعها بنظري حتى تدخل في مكان ما سوى كان مكتبة او معمل .. انا يخيل لي هي لاحظت نظراتي .. بل اصبحت لاتتضايق منها ابدا واحيانا احس بانها ترد باتسامتها المتوسطة التي تبين نصف اسنانها البيضاء المتوسطة الحجم ..
الى ان كان يوما كنت واقف امام كافتريا النشاط الطلابي مع احد الزملاء ولحظتها هي جاءت ووقفت امام اللوحات المخصصة للجرائد الحائطية . ونظرت ناحيتي وابتسمت ابتسامة صريحة هذه المره بكامل اسنانها يبدو اننا تخطينا مرحلة الوسط .. بل اكثر من ذلك رفعت يدها حيتني .. في الاول ترددت ولكن في الاخر تيقنت انها لي ورديت باحسن منها بل كدت اخلع كفي وارميه لها كغصن يحمل وردة . واكثر من ذلك اشرت لي بان آتي نحوها .. شكيت في الامر مترددا واشرت ناحية صدري بمعنى هل تناديني انا .. اجابت بإمائه متوسطة من راسها اطارت صوابي .. تحركت نحوها بكل شفافية بل حسيت باني اصبحت اكثر شفافية من انظف لوح زجاج صنعه الانسان.. تحركت نحوها بابتسامة تعرض فيها ضرسي العقل للشمس لاول مره في تاريخ البشر . بل حتى ظنيت ان فمي لن يعود الى طبيعته مره اخرى .. الى ان وصلت قريب منها ولاحظت انه نظراتها لم تكن مركزه على وجهي الى ان نطقت قائلة : شنو يامازن بقيت ما بتشوف ساعة انا اأشر لك .. تلفت خلفي اذا بمازن يحضر من خلفي هو من كان مقصود بكل هذه الحركات .. لكن لاني انا انسان شفاف كما ذكرت هي لم تكن تراني على الاطلاق انما كانت ترى مازن من خلالي ويبدو انه هو التعيس اقصد السعيد لحظي العاسر كان يقف من خلفي تماما .. وهذا هو شاكوش الشفافية .. ماقلت لكم انا انسان شفاف .. فقط لو الاقي واحد عنده بوهية بخاخ يبخها فيني لاني كرهت الشفافية في ذلك اليوم.. وبقدر ما حبيت الشرق الاوسط فيها كرهت الامم المتحده لان مازن كان رئيس الاتحاد .
هههههههههههه
| |
|
|
|
|
|
|
|
|
|
Re: بت مزة (Re: درديري كباشي)
|
Quote: نحن عندنا ثراء لغوي دارجي كبير جدا
|
غايتو أنا لسه بستعمل كلمة ( فرسة ).... وإن أردت التطويل يمكننا القول ( نار منقد )...
ما لقيت في قواميس الشارع ما يبريء ذمة شعوري تجاه إحداهن غير هاتين ..
تحية للجميع
| |
|
|
|
|
|
|
|
|
|
Re: بت مزة (Re: عبد العزيز محمد عمر)
|
زوووط مافيها شي اللهم إلاّ لو كان السياق من الأساس فيه شي
ودا ينطبق على اي كلمة عادية ممكن تختها في سياق معيّن تؤدي لفهم غير عادي
كلمة "أكل" و " يأكل" هل فيها حاجة؟
أها ايه رأيك أنّها تستخدم وبكثرة في سياقات معينة بمعنى ممارسة الجنس , هل نحذفها من القاموس يعني عشان البعض اخترع ليها سياق مختلف
| |
|
|
|
|
|
|
|
|
Re: بت مزة (Re: محمد البشرى الخضر)
|
مرحبا درديري كباشي
| Quote: ماقلت لكم انا انسان شفاف .. فقط لو الاقي واحد عنده بوهية بخاخ يبخها فيني لاني كرهت الشفافية في ذلك اليوم.. وبقدر ما حبيت الشرق الاوسط فيها كرهت الامم المتحده لان مازن كان رئيس الاتحاد . |
الشفافية واحدة من مكونات الإنسانية
قبل شوية كنت بحضر في فيلم البطل برتكب جرائم عشان في النهاية عايز يحقق العدل واحد انتقدوا قال ليهو طريقتك لتحقيق العدالة ما عادلة
البطل رد ليهو قال إنو الحياة الحرب وإنو الله خلقنا وتركنا في ساحة حرب كل الأسلحة مشروعة فيها
الشفافية مهمة لكنها احيانا قد تكون معبر لضعاف النفوس للنفاذ منها لتحقيق مقاصد غير شريفة
شكرا للحكي الشفيف
| |
|
|
|
|
|
|
|
|
|
Re: بت مزة (Re: حمد عبد الغفار عمر)
|
مرحبا عبد العزيز
فرسة كلمة حلوة نحن زمان وفي نطاق شلتنا الضيقة في الجامعة بنقول الهنابر جمه هنبر للجكس النظيف
ما عارف معناها بالضبط لكن سارت وكنا محافظين عليها في حدودنا بس ولأنها كلمة فيها شوية خشونة وخالية من الدلع ما كان في زول بنتبه ليها
يعني مثلا نكون قاعدين تجي واحدة يقوم واحد يقول الهنبر شديد
من هنا سلام لبكري محمود مؤلف الكلمة
| |
|
|
|
|
|
|
|
|
|
Re: بت مزة (Re: حمد عبد الغفار عمر)
|
مرحبا ود البشرى
أنا مافي استخدام الكلمات بس لاحظت إنو الاستخدام بقى مختلط يعني الكلمات البقولوها الأولاد للبنات بقن البنات يقولوها لبعضهن والعكس صحيح
بت تقول لبت بقيتي مزة يعني دي معناها اتفحصتها من رأسها لكرعينها.
أما كلمة زوووط دي استخدمناها كتير وخاصة في الكتشينة خاصة لما ورقك يجي قافل ومن أول بايظ تفتح والناس كلها هبابات وواحدين البونط حقهم حيصل 30
هنا مافي كلمة مناسبة غير زوووط بكل حمولاتها
| |
|
|
|
|
|
|
| |
حمد عبد الغفار عمر
)
الفاتح علي التوم
امجد الجميعابى
عبدالعزيز الفاضلابى
طلحة عبدالله
محمد البشرى الخضر
فيس بوك
تويتر
انستقرام
يوتيوب
بنتيريست