|
دعواتكم لزميلنا المفكر د.الباقر العفيف بالشفاء العاجل
|
|
 Re: مهزلة حسين خوجلي..... يا سلااااااااااااااا� (Re: حيدر حسن ميرغني)
|
Quote: ياعبس البباري الجداد .....
27 سنة ياخ ..
-
يساهر بي عقرب ولا الجوز ديل
|
حبيبنا حيدر سلامات
قاعد مع الشافع ممكسكني ليهو شايفو ماسك الايباد مشغول مني امو بتقري في الاولاد
قلتا نكسر الزمن قلبتا القنوات كلها لقيتا افلام معاده
اتوكلت علي الله ومشيت الجوز
عليك امان الله رفسوني رفسه لي حسي بطني طامة
تاني توبه يا حبوبه
| |
 
|
|
|
|
|
|
|
|
Re: مهزلة حسين خوجلي..... يا سلااااااااااااااا� (Re: ود الباوقة)
|
أخ عباس ... تحية طيبة
وأنا من القاطعين - للقنوات والصحافة السودانية .... قلت .. ياخي أسمع (عسي ولعل)...
كنت أشعر بأن (حسين خوجلي) - يحاول - الدخول في مواجهة مع (البشير) من جهة ومن جهة ثانية (الخروج ببشارة للمواطن الغلبان) - (( يعني عايز يعمل من الفسيخ شربات ))..
ولكنه لم يفلح في مسعاه - فبينما كان (( يقوم بلف السؤال وعجنه وتزيينه )) - (( كان البشير يرد )) بعدم مبالاة - أو يعمل نايم - والانتكاسة الكبري وخيبة الأمل كانت في (ثلاثة نقاط ) :-
** حديثه عن المزرعة لزيادة الدخل (أصابتني بالأحباط )....
** حديثه عن قدامي (المحاربين) ...(( أوشكت علي السكتة القلبية)) .
** وحديثه عن (الطفرة الاقتصادية - والعمارات - وأن هناك من اٍرتقي نتيجة للنهضة - ولهذا اتسعت الهوة - والعلاقات الخارجية ) - يعني مافي فقر .... (( تلك كانت قاصمة الظهر )) -- فلو كان حواره عن ((السياسة فقط)) -- وهو يري أن الاقتصاد معافي - وأن العلاقات الدولية في أفضل حالاتها - وأن تقلص عدد (الرؤساء) كان بسبب بيع (الفلل الرئاسية - وكأن الرؤساء جايين يبيتوا عندنا )) !!! - فلم يبقي معني لمخرجات الحوار غير أن مضيعة وقت - ومحاولة للترضيات والتشبث بكرسي السلطة .
| |
|
|
|
|
|
|
|
|
|
Re: مهزلة حسين خوجلي..... يا سلااااااااااااااا� (Re: عمار قسم الله)
|
Quote: دسدسة
حقيقة من اجمل الحوارات التي شاهدتها
اتسم الحوار بالصراحة والوضوح والمصداقية من قبل سيدي
الرئيس كما عودنا دائما
نسال الله ان يحفظه من كيد الكائدين وبربرة المبربرين
وشكرا
|
بق بق سلام
والله العظيم مهازل ندمت ما تابعت قناة جابت تقرير عن سرقة كيم كاردشان
البربة البتقولا انت الواحد لو صاقر ليهو جردل مريسه في ليلة الدبدوب والكذاب كان عاش مبسوط من مصاقرة الكلام الفارغ دا
سمعت انت بالنكته بتاعت الطشامي الما بدفع قروش ومصاقر ابو المرأة واخوها كل يوم اداقرهم في قزازتهم
اها يوم زهجو منو والابو راجل حنين ما عايز ازعل زوج بنتو قال لي ولدو ياخ كل يوم الزول دا مداقرنا ما تشوف ليهو طريقه
الولد قال ليهو خلاس يا ابوي كان جاء قال ليك كب لي كاس قل ليهو انا نصي التحت الفوق حق الولد بعدين انا بتصرف
الراجل جاء قعد معاهم الابو قال ليهو والله حقي النص التحت الفوق حق الولد
اها الولد قطيم معاهو وما بريدو قعد افط فيهو في الكاسات وهو قاعد منتظر النص بتاع الولد انتهي لما النص انتهي
قال لي عمك أها نص ولدك انتهي ادونا كاس
الولد قال ليهو ابوي غلط النص الفوق حقو والتحت حقي انا
الراجل قام صفق ايديهو واتنفض وقال ليهم بعد كدا نقوم علي بتكم
| |
|
|
|
|
|
|
|
|
|
Re: مهزلة حسين خوجلي..... يا سلااااااااااااااا� (Re: عباس الدسيس)
|
لمن لقينا كورة المريخ ما متلفزة ، قلت النضيع وقتنا مع سحس وبشة..
كلام مكرر منذ ربع قرن .... وحسين خوجلي لم يدر اللقاء إلا حسبما تشتهيه قيادة المؤتمر الوطني...
حقيقة المواطن ما استفاد أيتها حاجة ....
لم يتجرأ حسين خوجلي على سؤاله عن المحاسبة وإرجاع الحقوق ...
حديثه عن الصادق المهدي وحزب الأمة وفي الوقت نفسه كان يطبل للميرغني ... والرسالة وصلت يا بشة...
ما أدهشني حقا هو:
علاقاتنا الأفريقية والعربية واللاتينية في أوج مجدها ( أي علاقات يا بشة بعد أن صرنا مكب للنفايات والمراحيض الدولية)
بعنا الفلل الرئاسية ..؟؟ ( ياخي بعتها ليه .. ولي منو ..)
يمتلك مزرعة ... والمزارعون هجروا مزارعهم ... ياخي الثوم بنستوردوا من الصين .. بعدما كان مزروع في منطقة الحفاب شمال بربر
مزرعته دي مثل بعير إبن عمرو بن العاص .. يأكل ولا أحد يسألها ( طبعا بدون ضرائب وزكاة وخلافه )
انتقال جزء كبير من الناس من خط الفقر إلى أعلى ( ياخي ما هو المطلع زيت الشعب زاتو ) اغتناء أناس على حساب الأخر..
تحياتي يا ركس
الشغيل
| |
|
|
|
|
|
|
|
|
|
Re: مهزلة حسين خوجلي..... يا سلااااااااااااااا� (Re: عبد العزيز محمد عمر)
|
Quote: أخ عباس ... تحية طيبة
وأنا من القاطعين - للقنوات والصحافة السودانية .... قلت .. ياخي أسمع (عسي ولعل)...
كنت أشعر بأن (حسين خوجلي) - يحاول - الدخول في مواجهة مع (البشير) من جهة ومن جهة ثانية (الخروج ببشارة للمواطن الغلبان) - (( يعني عايز يعمل من الفسيخ شربات ))..
ولكنه لم يفلح في مسعاه - فبينما كان (( يقوم بلف السؤال وعجنه وتزيينه )) - (( كان البشير يرد )) بعدم مبالاة - أو يعمل نايم - والانتكاسة الكبري وخيبة الأمل كانت في (ثلاثة نقاط ) :-
** حديثه عن المزرعة لزيادة الدخل (أصابتني بالأحباط )....
** حديثه عن قدامي (المحاربين) ...(( أوشكت علي السكتة القلبية)) .
** وحديثه عن (الطفرة الاقتصادية - والعمارات - وأن هناك من اٍرتقي نتيجة للنهضة - ولهذا اتسعت الهوة - والعلاقات الخارجية ) - يعني مافي فقر .... (( تلك كانت قاصمة الظهر )) -- فلو كان حواره عن ((السياسة فقط)) -- وهو يري أن الاقتصاد معافي - وأن العلاقات الدولية في أفضل حالاتها - وأن تقلص عدد (الرؤساء) كان بسبب بيع (الفلل الرئاسية - وكأن الرؤساء جايين يبيتوا عندنا )) !!! - فلم يبقي معني لمخرجات الحوار غير أن مضيعة وقت - ومحاولة للترضيات والتشبث بكرسي السلطة .
|
عمار سلام يا حبيبنا
دا كلو كوم وحكاية بتاع اثيوبيا قال عايز اعمل التجربة بتاعت الحوار الوطني هناك لانو المرحلة بتاعت اثيوبيا بتطلب ذلك كما قال الرئيس
ثم ثانيا خلي جنوب افريقيا وباقي الدول الافريقيه التي تنعم بالحكم الرشيد والديمقراطية وقال التجربة بتاعت الحوار الوطني تعتبر فريده اول تجربة في العالم دول كثيرة عايزة تعمل زيهم ...ياخي لا
| |
|
|
|
|
|
|
|
|
|
Re: مهزلة حسين خوجلي..... يا سلااااااااااااااا� (Re: عباس الدسيس)
|
تعرف يا عباس ياخوى عندى حبوبتى الله يرحما كانت بتقول " مضارفة المؤمن على رقبته حسنه" دحين يا خوى اتضارف على باقى عمرك و زى ما بقولوا اهلنا فى ولاية نهر النيل " ما ترش الجحار" بفتح الجيم والحاء.. ابعد من الناس ديل ما يبقن عليك اتنين غربه و احتمالات هارت اتاك .. ما تعمل كده تانى .. تحياتى لك و ضيوفك..
| |
|
|
|
|
|
|
|
|
|
Re: مهزلة حسين خوجلي..... يا سلااااااااااااااا� (Re: ود الباوقة)
|
اقتباس-دسدسة
حقيقة من اجمل الحوارات التي شاهدتها
اتسم الحوار بالصراحة والوضوح والمصداقية من قبل سيدي
الرئيس كما عودنا دائما
نسال الله ان يحفظه من كيد الكائدين وبربرة المبربرين
وشكرا-انتهى الاقتباس
قلت شنو يا ود الباوقة
اذا كان عمر البشير يتكلم عن احترام الدستور وانه اي زول مل يلتزم بالدستور خارج الشرعية ..نرجع ليها هو ذاتو
مفروض يحترم دستور 2005 الموقع عليه والذى انهى ولابته من 2015 بالمادة 57 وكمان يحترم كلامه القالو في صحيفة الراية 2014 لنه ما بترشح تاني
يا اخوى اللف والدوران ما بنفع
الحل في السودان من 1956 هو "الديموقراطية"..عارف ليه ؟؟
لانها لا تاني بالحثالة السياسية لحكم السودان والكلام ده عرفو الانجليز البصنعو الطائرة الايرباص ودغمسو المصريين البصنعو الكشري لي يوم الليلة
بعدين علم مصر والورا البشير ده شنو في المقابلة..ممكن تورينا؟؟
| |
|
|
|
|
|
|
|
|
Re: مهزلة حسين خوجلي..... يا سلااااااااااااااا� (Re: عباس الدسيس)
|
مخرجات لقاء حسين خوجلي :
حسين خوجلي : سعادة الرئيس انت زول مزارع وناجح ونظرتك شنو للزراعة والمزارعين؟؟
وما شفنا صندوق عنب ولا طبق بيض من المزرعة .
الرئيس : أنا زول مزارع ود مزارعين والزراعة فيها رحمة لأنو بياكل منها الطير والإنسان
والحيوان ، وبعدين أنا بزرع لأنو محتاج دخل إضافي ( يا رااااااااااااااااااااااااااااجل ) لأنه
مرتب الدولة ما بكفي ( يا راااااااااااااااااااااااااااااااااااااااااااااجل )
حسين خوجلي يضيف : وكمان راجل مرتين
ضحكة تملآ الأستوديو وأنا ذاتي ضحكت معاهم على قنبورنا الطوييييييييييييييييييييييييييييييييييييييل
| |
|
|
|
|
|
|
|
|
|
Re: مهزلة حسين خوجلي..... يا سلااااااااااااااا� (Re: الامين موسى البشاري)
|
لمن لقينا كورة المريخ ما متلفزة ، قلت النضيع وقتنا مع سحس وبشة..
كلام مكرر منذ ربع قرن .... وحسين خوجلي لم يدر اللقاء إلا حسبما تشتهيه قيادة المؤتمر الوطني...
حقيقة المواطن ما استفاد أيتها حاجة ....
لم يتجرأ حسين خوجلي على سؤاله عن المحاسبة وإرجاع الحقوق ...
حديثه عن الصادق المهدي وحزب الأمة وفي الوقت نفسه كان يطبل للميرغني ... والرسالة وصلت يا بشة...
ما أدهشني حقا هو:
علاقاتنا الأفريقية والعربية واللاتينية في أوج مجدها ( أي علاقات يا بشة بعد أن صرنا مكب للنفايات والمراحيض الدولية)
بعنا الفلل الرئاسية ..؟؟ ( ياخي بعتها ليه .. ولي منو ..)
يمتلك مزرعة ... والمزارعون هجروا مزارعهم ... ياخي الثوم بنستوردوا من الصين .. بعدما كان مزروع في منطقة الحفاب شمال بربر
مزرعته دي مثل بعير إبن عمرو بن العاص .. يأكل ولا أحد يسألها ( طبعا بدون ضرائب وزكاة وخلافه )
انتقال جزء كبير من الناس من خط الفقر إلى أعلى ( ياخي ما هو المطلع زيت الشعب زاتو ) اغتناء أناس على حساب الأخر..
تحياتي يا ركس
الشغيل
.....................................................................................................................................................................
الشغيل سلام يا حبيبنا
مالك قلبت عبدالعزيز
الواحد لو شاف اسبيستون كان احسن ليهو تقول شنو الشلاقة ودتنا لبشة والدبدوب قلنا ممكن تكون اقرب لسبيستون فعلا ما خيبو ظننا
تحياتي وتقديري
| |
|
|
|
|
|
|
|
|
|
Re: مهزلة حسين خوجلي..... يا سلااااااااااااااا� (Re: عباس الدسيس)
|
سلامات عباس وضيوفه
غايتو النصيحة الديكور كان أنيق ومرهف خاصة الاضاءة البمبية
أما الكراسى وهيطة بشكل مااعتيادى
المسرح دة كان فى كافورى ولا فى المزرعة؟!!
تحياتى
.................................................................................
مهيره كيف حالك واخبارك
الكراسي كانت وهيطه فعلا المحيرني حسين مضيقا علي روحو وقاعد مفنوس لي بره شنو
تحياتي وتقديري
| |
|
|
|
|
|
|
|
|
|
Re: مهزلة حسين خوجلي..... يا سلااااااااااااااا� (Re: عباس الدسيس)
|
تعرف يا عباس ياخوى عندى حبوبتى الله يرحما كانت بتقول " مضارفة المؤمن على رقبته حسنه" دحين يا خوى اتضارف على باقى عمرك و زى ما بقولوا اهلنا فى ولاية نهر النيل " ما ترش الجحار" بفتح الجيم والحاء.. ابعد من الناس ديل ما يبقن عليك اتنين غربه و احتمالات هارت اتاك .. ما تعمل كده تانى .. تحياتى لك و ضيوفك..
..................................................................................................................................
دكتور محمد بابكر سلام يا حبيبنا
تجربة واجتزتها خطيرة جد
اخر مرة توبا يا حبوبة
غايتو الزول خرب ليلو
تحياتي وتقديري
| |
|
|
|
|
|
|
|
|
|
Re: مهزلة حسين خوجلي..... يا سلااااااااااااااا� (Re: عباس الدسيس)
|
حبيبنا السديس .. تحيات معطرة ..
انتوا اقعدوا باروا لي في كلام المسؤولين لما
تموتوا فاجأة ونحن في حوجة ليكم وبعد الشر هههههه .
تحياتي للجميع ,,,
.....................................................................................
مني اخبارك
قعدته للقاء بنية الاكشن لقيتو كومديا من الدرجة الاولي داريت بيها خيبتي
تصدقي القولون قام علي يومين
تحياتي وتقديري
| |
|
|
|
|
|
|
|
|
|
Re: مهزلة حسين خوجلي..... يا سلااااااااااااااا� (Re: عباس الدسيس)
|
قلت شنو يا ود الباوقة
اذا كان عمر البشير يتكلم عن احترام الدستور وانه اي زول مل يلتزم بالدستور خارج الشرعية ..نرجع ليها هو ذاتو
مفروض يحترم دستور 2005 الموقع عليه والذى انهى ولابته من 2015 بالمادة 57 وكمان يحترم كلامه القالو في صحيفة الراية 2014 لنه ما بترشح تاني
يا اخوى اللف والدوران ما بنفع
الحل في السودان من 1956 هو "الديموقراطية"..عارف ليه ؟؟
لانها لا تاني بالحثالة السياسية لحكم السودان والكلام ده عرفو الانجليز البصنعو الطائرة الايرباص ودغمسو المصريين البصنعو الكشري لي يوم الليلة
بعدين علم مصر والورا البشير ده شنو في المقابلة..ممكن تورينا؟؟
.......................................................................................................................................................................................................
عادل سلام
الزول دا جليهو ديل ناس تاكل عيش
علم مصر دا تنسيق بين سيد ود الباوقه والفراوله المصريه
تحياتي يا حبيبنا
| |
|
|
|
|
|
|
|
|
|
Re: مهزلة حسين خوجلي..... يا سلااااااااااااااا� (Re: عباس الدسيس)
|
مخرجات لقاء حسين خوجلي :
حسين خوجلي : سعادة الرئيس انت زول مزارع وناجح ونظرتك شنو للزراعة والمزارعين؟؟
وما شفنا صندوق عنب ولا طبق بيض من المزرعة .
الرئيس : أنا زول مزارع ود مزارعين والزراعة فيها رحمة لأنو بياكل منها الطير والإنسان
والحيوان ، وبعدين أنا بزرع لأنو محتاج دخل إضافي ( يا رااااااااااااااااااااااااااااجل ) لأنه
مرتب الدولة ما بكفي ( يا راااااااااااااااااااااااااااااااااااااااااااااجل )
حسين خوجلي يضيف : وكمان راجل مرتين
ضحكة تملآ الأستوديو وأنا ذاتي ضحكت معاهم على قنبورنا الطوييييييييييييييييييييييييييييييييييييييل
............................................................................................................................................
عثمان سلام يا حبيبنا
طبعا دبدوب كان ما دخل البيض وراجل مرتين نفسيا ما بكون مرتاح فقه السنة
تحياتي
| |
|
|
|
|
|
|
|
|
|
Re: مهزلة حسين خوجلي..... يا سلااااااااااااااا� (Re: عباس الدسيس)
|
مسا الخير
ده كلو مفهوم ومعلوم الرقصة دي لي براهو وحدو لا انيس لا ونيس هسة دي حالة راجل مرتين
غايتو دي اخر وثبة تاني تبلوها وتشربو مويتا
الله اكببببببببببببببببببببر الله اكببببببببببببببببببببببببببببببببببببر
................................................................................................................................
حامد يا حبيبنا اخبارك
كان شوفتا صورة لبشة في الحرم النبوي بصلي قاعد قال الركب مفارقات عجيبة صلاة قاعد وثبة انطط
حتي في حكاته الجسديه لا تخلو من النفاق
تحياتي يا وجيه
| |
|
|
|
|
|
|
|
|
|
Re: مهزلة حسين خوجلي..... يا سلااااااااااااااا� (Re: عباس الدسيس)
|
يا عبس اكبر مهزلة هي وضع علم مصر بدل العلم السوداني
..................................................................................................
اخبارك يا باش مشتاقين
كيف اخبار العيال
تصدق يا ايمن اللقاء كلو ما لاحظت للملاحظة دي هبالة الدبدوب ولتاخت بشة ما خلت لينا فرقه حاجة مخجلة
تحياتي
| |
|
|
|
|
|
|
|
|
|
Re: مهزلة حسين خوجلي..... يا سلااااااااااااااا� (Re: عباس الدسيس)
|
غايتو يا عبس قدر ما حاولت القى ليك عذر لفعلتك الشنعاء دي ما لقيتو دحين يا خوي ما تجهجهنا نحن محتاجين ليك ياخي كدليل لينا في الغربة دي فشنو ما تجازف بحياتك تاني ياخي الله يرضى عليك .......
غايتو انا شايف اكان احسن ليك تمسك الشافع وتلولي بدل العملتو ده ،، لوووووووولز
تحياتي : ياسر العيلفون .....
| |
|
|
|
|
|
|
| |
عباس الدسيس
حيدر حسن ميرغني
عمار قسم الله
ALWALEED ALSHEIKH
مهيرة
د.محمد بابكر
مني عمسيب
adil amin
Othman Al-Hasan Babikir
حامد بدري
امجد الجميعابى
حمد عبد الغفار عمر
الامين موسى البشاري
ياسر السر
فيس بوك
تويتر
انستقرام
يوتيوب
بنتيريست