|
دعواتكم لزميلنا المفكر د.الباقر العفيف بالشفاء العاجل
|
|
 Re: مجــرد إقــتراح .. (Re: محمد كابيلا)
|
كلام منطقي وإقتراح واقعي فكل الرجلين أرقاماً لا يمكن تجاوزها في التاريخ السوداني. والمصيبة أن المعنيين بالأمر لا يفقهون في الأمر شيئاً والحال كذللاك لا يستقيم الظل والعود أعوج أو ربما لا تجني من الشوك العنب.
كثر هم من طال الجحود في حياتهم أو بعد رحيلهم فلم تتكرم السلطة بتكريمهم بوضع إسمائهم في شوارع تراب داخلية لحارة.
حتى الموائي والمطارات والمستشفيات الحكومية يجب أن تخلد مثل هؤلاء بوضع إسم من أسماء الأعلام هؤلاء بدلاً عن مطار الخرطوم وميناء بورتسوان على سبيل المثال.
| |
  
|
|
|
|
|
|
|
|
Re: مجــرد إقــتراح .. (Re: almulaomar)
|
الملا عمر
تحياتى وتقديرى ..
وشكراً للإضافات والرأى السديد ، الانظمة دائما ما تمجد بعض الشخصيات
حسب قربها لمشروعهم وليس وفقا لدورهم التاريخى ومساهمتهم فى بعض
الأحداث التى شكلت واقعنا لذلك نجدهم يصنفونهم حسب هوائهم.
-----------------------
مودتى
| |
|
|
|
|
|
|
|
|
|
Re: مجــرد إقــتراح .. (Re: محمد كابيلا)
|
حكاية تلميذ..
ول ابا كابيلا..حبابك يا صديقي
وحباب ضيوفك هنا..
وليه يا صاحب ما نعمل جامعة جديدة ونسميها (جامعة السلطان عجبنا)؟..
فالدلنج ليست مجرد اسم مدينة وانت سيد العارفين يا صاحب..المهم..
لمن دخلت المدرسة اول مرة ، التحقت بمدرسة في لقاوة.. ناس لقاوة وكت داك كان عندهم ازمة تسمية الأشياء.. فالمدارس الإبتدائية اربعة.. الغربية ، الشرقية ، الجنوبية..ثم مدرسة نبقاية (وده حي بتاع اهلنا الداجو/اصلا كان قرية ثم صارت جزء من المدينة الحالية)..
التحقت بمدرسة لقاوة الجنوبية.. بعد شهرين.. تبعا لظروف عمل الوالد.. كنا في مدينة الدويم..والتحقت بمدرسة بخت الرضا الإبتدائية..وكانت ست انهر بعض اسمائها (الماظ ، الخليفة ، المهدي ، دينار)..والصدفة رمتني في نهر دينار ، حيث اكملت السنة الأولى والثانية.. ثم مدرسة الدويم النموذجية..قعدت فيها لغاية سنة خامسة..!
ثم عدت الى لقاوة.. بالطبع ناس تسمية الحاجات بالإتجاهات.. فالتحقت بمدرسة لقاوة الشرقية..وقضيت فيها السنة السادسة.. ثم مدرسة لقاوة الثانوية العامة.. قعدت فيها شهرين.. ثم الى الدلنج..!
اها في الدلنج ..المدرسة كان اسمها الدلنج الأميرية للبنين..وبالطبع هناك الدلنج الأميرية للبنات.. وح تلقى الإسم ده شايع في مدن كثيرة في السودان ، خصوصا المرحلة المتوسطة..!
الفصول ، برضك كانت بتعاني من ازمة تسمية وابداع في التسمية .. فكانت رموز غريبة (أ ، ب ، ج) وكنت في نهر (ب) ..خير الأمور اوسطها يا عمك..ثلاث سنوات اسم الفصل (ب).. مجرد (ب)..!
الثانوية في كادقلي الثانوية الحكومية.. اسمها الشعبي السائد (تلو حجر الطير).. وتلو اسم جبل في مدينة كادقلي.. ونفس ازمة تسمية الأشياء.. تلو شرق (بنين) تلو غرب (بنات)..!
في مدرسة تلو الثانوية (بالمناسبة عندها خريجين كتار اعضاء في المنبر ، منهم الأصدقاء بريمة وفضل الله خاطر)..اها في تلو.. الداخليات.. كانت..قدير ، شيكان ، فتح ، عجبنا..ونحن كنا في عجبنا..!
اسماء الفصول في كادقلي الثانوية كانت من شاكلة (عمر) ، (ابوبكر) ، (طارق ) ، (المهدي) ، (نيوتن)..الخ..اجمل حاجة في مدرسة كادقلي الثانوية بنين انها كانت اربعة انهر.. يعني اطناشر فصل ، كل فصل عندو اسم خاص..!!
داخليات معهد التربية الدلنج..الحتة الوحيدة المرقت من ازمة تسمية الحاجات.. وكانت..تندية ، النتل ، التكمة ، ثم الشرقية والغربية..!
(تندية ، النتل ، التكمة) اسماء قرى حول مدينة الدلنج..!
لمن دخلنا الجامعة.. سنة اولى (قاعة بابكر عبد الحفيظ) سنة تانية (قاعة ابورنات).. سنة تالتة من غير اسم ، سنة رابعة من غير اسم..!
ايام الدراسة بالجامعة اشتغلت مدرس متطوع في مدارس الدلنج الثانوية بنين وبنات..مدرسة البنين اسمها (عمر بن الخطاب) مدرسة البنات اسمها (حفصة)..!
ان لم تخني الذاكرة..في مدرسة حفصة (وهي مسماة على مواطنة من الدلنج)..سالونا نختار اسامي للفصول..الجماعة ماخلوا اسم صحابية لافي والإ قالوهو.. لمن جاني الإقتراح.. قلت ليهم (جميلة)..!
الإصطاف سألني: جميلة دي منو؟..
قلت ليهم : جميلة بوحيرد..(مناضلة جزائرية)..!
الجماعة هرشوا.. وقالوا فليكن..!
كانت (اولى جميلة ، ومن هنا التحية لبنياتي المشاغبات في ذلك الفصل)..!
السنة التانية.. حضرت افتتاح مدرسة نسيبة الثانوية (قامت على انقاض مدرسة الدلنج الأميرية للبنات)..وكانت ثلاث انهر.. بدأنا بسنة اولى (ثلاث فصول سنة اولى)..!
اها تسمية (نسيبة) ما حضرناها..ولكن حضرنا تسمية الفصول..!
وبرضك اجتماع مدرسين ومدرسات..ياخي اسامي اسكت ساكت خليها (عفراء ، شيماء ، حميراء..الخ)..!
وكنت اصغر المدرسين سنا توظيفا (حتة متطوع ساكت)..اقترح ان يكون اسم الفصول (مندي)..وكنت مصر ان اسم المدرسة يتحول الى (مندي) بدل نسيبة..!!
المهم..كان اسم احد الفصول (مندي).. وهي بت السلطان عجبنا ، وكان لها دور كبير وقادت الثورة بعد قبض الإنجليز على ابوها السلطان عجبنا.. !!
اللذيذة.. تواصلت معي احد طالباتي من فصل مندي ، عبر الفيس بووك.. وهي تخرجت وتعمل الآن طبيبة..!!
في اخر زيارة للدلنج (2015)..زرت الجامعة.. اسامي القاعات كتيرة.. لكن رسخ في ذاكرتي اسمين (قاعة محمد الأمين القرشي) وقاعة ( كربوس)..وهي اسماء معروفة في تاريخ المنطقة..!!
افترحت على بعض اصدقائي وصديقات في بعض المنظمات المدنية الشغالة في الدلنج بان آن الآوان لتسمية شوارع الدلنج (هل تصدق شوارع الدلنج من غير اسماء..!!)..
صديقة قالت لي اها نسميها شنو؟..
قلت ليها: فليب غبوش ، اسوسه ، الأمين علي عيسى ، رمضان طيارة ، كربوس ، عجبنا ، سلاطين ، دارجول ، دارفور ، صارمين ، اللكة ،استرليني..!
طبعا الناس كلها وقفت في (اللكة) و (استرليني)*..!!
ووعدوا خيرا (الكلام ده قبال مخرجات الحوار)..!
هل تصدق يا كابيلا.. وانا تجاوزت الخمسين .. لغاية الآن ما عارف حكاية ( ألأميرية دي شنو)؟؟؟؟!!!!!
وليس ترويجا لبعض مخرجات الحوار الوطني ، لكن القضية اصبحت قضية سودانية.. وتم نقاشها في لجنة الهوية والناس قدمت عنها توصيات جيدة للغاية ونتمنى ان نراها واقعا..!
ودمتم..
كبر
__________________
*محمد اللكة هو اول نائب لإتحاد عام جبال النوبة .. وذكره ابونا في فليب في لقاءه مع عمر الجزلي في برنامج (اسماء في حياتنا)..
استرليني ، النور استرليني ، لاعب فريق الموردة السوداني ، وهو من ناس الدلنج.
| |
|
|
|
|
|
|
|
|
|
Re: مجــرد إقــتراح .. (Re: Kabar)
|
الزول السمح
وكلامو طاعم .. حبيبنا كبر
لعلكـ طيب يا صاحب ..
وشكراً للحكي الطاعم والذكريات الجملية التى
تحكي عن مدينة الدلنج وتفاصيلها وكادقلي وذكرياتها ..
طبعا ليس المقصود تغيير اسم الجامعة(الدلنج أو غيرها) خصوصاً لو كان بالإمكان
إنشاء أخرى ويكفى ما تفضلت به عن تلك الأمكنة.
----------------------
تقديري
| |
|
|
|
|
|
|
|
|
|
Re: مجــرد إقــتراح .. (Re: محمد كابيلا)
|
كما فعلوا بتسمية جامعة الامام المهدى والازهرى
ــــــــــــــــــــــــــــــــــــــــــــــــــــــــــــــ
مربط الفرس كلو ،في كلمة (فعلوا) دي..
الأقاليم مستلسمة للمركز ومستسلمة للكسل،ودايرا المركز براهو يجي يتصدق عليها،ودا طبعا مستحيل..
الطريقة البيدار بيها السودان ،هي طريقة موروثة من الإنقليز وقبلهم الأتراك،يعني طريقة مركزية استعمارية ..
والناس بقت ماشة عليها وماحاولت بطريقة جادة تغيرا..
الجرايد تطبع في الخرطوم وتوزع من بورتسودان لغاية الجنينة،ومن حلفا لبحيرة الأبيض..
ومافي ولاية واحدة أظن عندا جريدة معروفة ناجحة ومستمرة..
شندي منطقة إنتاج بطاطس،لحدي قريب دا ،ماكان فيها تلاجات بطاطس،المحصول لما يطلع،يجوا يشيلوهوا تجار الخرطوم بتراب القروش،
ويخزنوهوا في تلاجاتم،وفي وقت الندرة ناس شندي يمشوا يشتروهوا من ناس الخرطوم بأسعار مضاعفة...
الخرطوم...الخرطوم...الخرطوم... مدينة عجوز،ضعيفة،فقيرة،عائشة على أمجاد فترة الاستعمار،و ضعف الأقاليم وعدم مبادرتا..
تسمية الجامعات دي حاجة هينة،ولو طالبيها اتحاد الطلاب بحققوها ليهو..
لكن حصل في ولاية طالبت بإنها تعمل دستورا براها،إن شاء الله بطريقة تعملوا وترسلوا للمركز عشان ينقح ويدخل ضمن الدستور العام..
ولو كلمة دستور دي مخيفة،حقوا تحاول تكتب ليها لوائح ساي وقواعد ،تظهر فيها نفس اهل البلد،وتطلعاتم الذاتية في إدارة بلدم،
بالكيفية البتحفظ بيها اختلافم وتنوعم من باقي الناس..
ماممكن زول يمص في الآيسكريم،وضارب كندشة القصر الجمهوري،يجي ينظر لي زول قاعد في أم برمبيطة..وهو ماعارف أم برمبيطة دي
أغنية وللا طاقية وللا فتيل ريحة..
لكن الغلط الكبيرمامنو برضو،من زول أم برمبيطة..
| |
|
|
|
|
|
|
|
|
|
Re: مجــرد إقــتراح .. (Re: عليش الريدة)
|
Quote: مثل جامعة الزعيم الأزهرى ، جامعة
الإمام المهدى ، جامعة الإمام الهادى وووووإلخ
|
يا كابيلا وبقية الزملاء...
أنا عموما لا أري اي ضرورة لتسمية الجامعات باي واحد
من الاسماء االتى ذكرت اعلاه. السبب انه ما شايف اي
علاقة بين الجامعة كمؤسسة تعليمية وبين قادة السودان التاريخيين. الجامعات هي أمكنة للتعليم والبحث والدراسة.
والعطاء فيها بمقدار مجهودات البحث والتطور العلمي والادبي
والثقافي..الجامعات يجب ان تكون ملكا للشعب السودانى وليست
عنوانا لشخصيات سياسية او وطنيه بعينها قد نختلف او نتفق علي مواقفها مما يؤدي الي تفتيت المجتمع اكثر من ان يوحده.
افتكر تسمية الجامعات بالمدن كجامعة كسلا او كادوقلي او الفاشر او جوبا اشمل وواوسع. لكن لا إعتراض لدي بتسمية مبانى جامعية مثل المجمعات او المعامل او القاعات باي اسم آخر اذا وجد نظام متعارف ومتفق عليه لتسمية هذه المبانى...
يمكن ايضا تسمية المراكز التخصصية باسم الاشخاص حسب العطاء والتخصص. مثلا مركز عبد الله الطيب لدراسات اللغة العربية. مركز ترهاقا للآثار...مركز منصور خالد للعلاقات الدولية..
مجرد راي...
| |
|
|
|
|
|
|
|
|
|
Re: مجــرد إقــتراح .. (Re: سيف اليزل سعد عمر)
|
سيف اليزل
تحياتى ...
بالتاكيد ماف علاقة بين الجامعة كــ مؤسسة تعليمية وقادة
السودان التاريخيين كما تفضلت لان ذلك يمكن ان يعمل على
تفتيت المجتمع ولكن فى حالة المثال الذى ذكرته أعلاه يجب علينا
التوقف لأبداء الملاحظة.
-----------------------------------------------------
(افتكر تسمية الجامعات بالمدن كجامعة كسلا او كادوقلي او الفاشر او جوبا اشمل وواوسع. لكن لا إعتراض لدي بتسمية مبانى جامعية مثل المجمعات او المعامل او القاعات باي اسم آخر اذا وجد نظام متعارف ومتفق عليه لتسمية هذه المبانى...
يمكن ايضا تسمية المراكز التخصصية باسم الاشخاص حسب العطاء والتخصص. مثلا مركز عبد الله الطيب لدراسات اللغة العربية. مركز ترهاقا للآثار...مركز منصور خالد للعلاقات الدولية..)
رأى فى محلو واتفق معكــ ..
-------------------
تقديرى
| |
|
|
|
|
|
|
|
|
|
Re: مجــرد إقــتراح .. (Re: عليش الريدة)
|
عليش الريدة
تحياتى ....
هناكــ عوامل كثيرة أدت إلى سيطرة المركز
على الاقاليم ولكن تلك العوامل لا تعطيها الحق
فى مسح بعض أحداث التاريخ خصوصاً تلك
المرتبطة بالوطنية ..تركيز التنمية فى مدن دون
أخرى هو الذى يجعل الخرطوم فيها كل شىء
حتى تلاجات البطاطس.
-----------------------
تقديرى
| |
|
|
|
|
|
|
| |
محمد كابيلا
Gaafar Ismail
اسماعيل عبد الله محمد
almulaomar
Kabar
احمد حمودى
عليش الريدة
سيف اليزل سعد عمر
فيس بوك
تويتر
انستقرام
يوتيوب
بنتيريست