|
دعواتكم لزميلنا المفكر د.الباقر العفيف بالشفاء العاجل
|
|
 Re: شوال الدقيق .. (Re: Hani Arabi Mohamed)
|
تحياتي ودالمشرف
وضيوفه
شوال الدقيق فهمي ليهو مختلف عن البرادايم
شوال الدقيق وهو اعتبار الشعب السوداني للحليفة بالمصحف كإدخال يدك في شوال دقيق .. فسيعلق بيك الدقيق حتما ولن تنجو من أثره . وذلك أثر ديني يتيعه غالبا
انو الصحابة كانوا لو واحد مسك قميصهم وطالبهم يحلفوا انو حقهم بملصو ليهم . لعظمة القسم
البارادايم هو انو نظرتك للامور وطريقة تفكيرك مربوطة بثقافتك وبيئتك وتراكم معارفك ومزاجك لحظتها . حتي مزاجك ورغبتك الشخصية
| |
 
|
|
|
|
|
|
|
|
Re: شوال الدقيق .. (Re: عبدالحفيظ ابوسن)
|
بمناسبة شوال الدقيق دي ..
بلدياتنا رجل مسكين شوية .. زوجتو قرصتها عقرب في المطبخ ..
ودخل المطبخ ومعاهو الجيران يفتشو في العقرب .. يقلبوا في الاشياء والاواني الموجودة .
قام رفع شوال الدقيق لقاهو فاضي .. وهو كان جاب الدقيق قبل يومين !
والجماعة يفتشوا في المطبخ .. صاح باعلى صوته ..
ياجماعة كدي العقرب خلوها .. نعلوا ده ما شوال الدقيق المليتو اول امس ؟ ههههه
| |
|
|
|
|
|
|
|
|
|
Re: شوال الدقيق .. (Re: محمد حيدر المشرف)
|
شكرا منى وهاني وحفيظ ..
الفكرة في استغلال مفهوم البرادايم لتفسير الخلافات بين الناس ..
البرادايم لا يفسر الخلافات وانما يوضح امكانية الرؤية المختلفة للحقيقة بتباين المرجعيات الفكرية والانسانية بالاضافة للخبرات المكتسبة ..
شوال الدقيق المجازي هنا هو الاستقامة والنزاهة الشخصية .. الوازع الاخلاقي بدلا عن الوازع الديني والخوف من المقدس والذي يمنعك من إمكانية ارتكاب التدليس في حق الآخرين .. هذا الوازع الاخلاقي بمثابة شوال دقيق ذاتي .. لا يمكن العبث في تفاصيلة دونما ان يتعلق به شيئ من الدقيق. هذه استقامة صارمة جدا كما اتصور .. من دونها يمكنك التنقل الحر بين المرجعيات والتلاعب بزوايا الرؤية لتبديل الحقائق كما تشاء ولا تلوي على شيء سوى الانتصار لذاتك.
مثال يا حفيظ ..
عندما تكتب مداخلة قبل 3 شهور في المنبر .. وأجد فيها أنا طريقة للتدليس فيها وتحويرها بما يتناسب اجندتي الشخصية تجاهك .. ثم ولا التفت مطلقا لتفسيرك الخاص وانت كاتب المداخلة التي كتبتها بمنتهى الوضوح والدلالات السليمة .. لا التفت لكل ذلك وانما انطلق ملوحا بها في دروب المنبر ومكررا ذات التدليس .. هل في ذلك برادايم ما واختلاف مرجعيات الخ ؟! .. لا اعتقد ذلك .. وارى في ذلك حالة فقدان واضحة للاستقامة والنزاهة الشخصية وبحيث أكاد ارى آثار الدقيق تلطخ يدي المدلسة وهي تغوص عميقا في شوال دقيقها الخاص والذي لا اخرج منه الا ملطخا.
بردايم VS محض تدليس ؟!!
هذا هو السؤال ؟!
| |
|
|
|
|
|
|
|
|
Re: شوال الدقيق .. (Re: محمد حيدر المشرف)
|
تعرف يا مشرف
شفت الحجر الضخم الواقع من قمة جبل
إلا يصل الواطة حتي يقيف
ولا يلاقيهو حجر اضخم منو حسب قوانين الفيزياء يتكس ليهو ويلزم مكانو
بالجد
في مداخلات بتصب في عضم المشكلة وتحللها تحليل يزيل غشاوة سوء ظنها . لكن كأنها غير موجودة
تعرف مرة بتونس مع ودالزبير
قلت ليهو في مداخلات بفهمها بي كم فهم . بسأل سيد المداخلة سؤال واضح وصريح ماذا يقصد وباخد كلامو
قال لي معاوية الزبير
طيب لو انت متأكد هو بقصد حاجة مختلفة
قلت ليهو
برضو باخد بي كلامو مادام قالوا علي رؤوس الاشهاد ومن في المنبر قادرين علي رؤية التناقض
ف شنو
بعض الخلافات تحتاج ان ننظر للماضي
| |
|
|
|
|
|
|
|
|
|
Re: شوال الدقيق .. (Re: عبدالحفيظ ابوسن)
|
عارف يا مشرف ..
الكلام ده مرات بيكون مرات حاصل ..
يعني تكون مداخله حمّالة اوجه ..
صاحبها يقوم يزوغ مع اول مزنق ..
ويلبس جناح جبريل ويقول انا ما قاصد الفهموهو الناس ..
ومرات بيكون فاتح لي مداخلته دي منفذ طوارئ ..
وفي اعتقادي ده منتهى الخبث وسوء الطوية ..
اها ده بيكون زايد من رفيقه الجاي مدماكـ ..
ومرات المنفذ بيكون موجود عفوياً ..
أها هنا الموقف بيعتمد على امانة الزول مع نفسه ..
يا يختار رضا نفسه وربه ..
يا يقوم جاري على رضا شيطانه وهوى نفسه وارضاء الناس ..
ويتلحّف بي حسن ظن الآخرين فيه .. ويتنصل من عملته ..
لحظتها نحن بنكون محتاجين شوال دقيق حقيقي ..
وقد لايجدي شوال الدقيق الداخل كل واحد منا نفعا ..
ومرات كتيرة بيكون شوال الدقيق الجواني داكـ ..
نافد وعديم الصلاحية ..
ومرات في ناس ما عندهم شوال دقيق أصلاً ..
وعادمين نفاخ النار ..
أها زي ديل أكيد إنت محتاج لي شوال دقيق حقيقي تقرعهم بيهو ..
وكل زول وقتها يشيل شيلته ..
ــــــــــــــــــــــــــــــــــــــــــ
قبيل ما حبيت أرد بي غادي ..
لكن والله الذي لا إله إلا هو ..
حبيبنا طلحة عبد الله ده ..
من اكثر الناس جمالاً وصدقاً في هذا المكان ..
فاعتبر كلامه من باب النصح لكـ ليس إلا ..
ولا تعتبر موقفه نوع من الاصطفاف المحض ..
بعدين أنا بعرفه في السايبر المطلوق ده من بدري ..
زول ولا أروع وحقاني ..
وارجو إنه شهادتي في حق طلحة عبد الله ما تكون مجروحة ..
ولكما محبتي الأكيدة ..
واخيراً إن تصادف لرؤيتي بعاليه أي ( تناص موقفي ) في أرض الواقع ..
لا اعتبار لذلك البته لانه غير مقصود ..
فأنا بتكلم بشكل عام وحسب فهمي لمقصدكـ ..
فالعفش داخل البص على مسؤولية صاحبه ..
لأني ممكن اكون غلطان في تحليلي ..
وإلا الناس وقتها حيكونوا محتاجين لي شوال دقيق للعبد لله يغمسوهو هو ذاتو فيه .. خخخخخخخخ
او كما يقول طلحة في نهاية كل مداخله من نفس الشاكله .. 
| |
|
|
|
|
|
|
|
|
|
Re: شوال الدقيق .. (Re: عبدالحفيظ ابوسن)
|
Quote:
رغم الحذر
شكلي خشيت في شوال دقيق
الافضل المتابعة بس
|
عن إذنكـ يا مشرف ..
ــــــــــــــــــــــــــــــــــــــــــ
ياتوا شوال فيهم ده ياحفيظ ..
يأخ بتبالغ ماتكون حساس زيادة ..
الحذر رغم محاسنه فعنده مساوئ برضو ..
اطلق لنفسك العنان ياحفيظ ..
فانت كلك ابداع وملان حاجات حلوة ..
والناس هنا ماشافت منك ربع الشفناهو ..
تدفق ..
تدفق يأخ ...
كل سنة وانت طيب ..
| |
|
|
|
|
|
|
| |
محمد حيدر المشرف
مني عمسيب
Hani Arabi Mohamed
عبدالحفيظ ابوسن
حمد عبد الغفار عمر
جمال ود القوز
فيس بوك
تويتر
انستقرام
يوتيوب
بنتيريست