|
دعواتكم لزميلنا المفكر د.الباقر العفيف بالشفاء العاجل
|
|
 Re: و بعدين مع هؤلاء الناس؟! (Re: المعز ادريس)
|
الي حين ظهور الفيديو
نتونس ب"الهترشات" دي!:
😩 *(هترشات واحد مجنون)* 😛
🔷 *سؤال وجيه جداً*
*صحي الكلام دا بحصل في السودان ؟*
1/ لما تشتري عربية بي مية مليون والجمارك تشيل منك مية وعشرين مليون يعني الجمارك تكسب اكتر من المصنع والوكيل
*إنت في السودان أيوة*
2/ لما يكون كل مؤهلات وزير الصحة انو قائد سابق في العدل والمساواة والبلد فيها ألف بروفسور وبروفسور
*إنت في السودان أيوة*
3/ لما يكون عداد ندى القلعة في حفلة واحدة 10 اضعاف مرتب بروفسير سمية ابو كشوة مدير جامعة الخرطوم
*إنت في السودان أيوة*
4/ لما تشتري كهرباء وتدفع مقدم ويدوك ليها بالتقسيط
*إنت في السودان أيوة*
5/ لما الوالي ومدير مكتبو يلحسو كل الاراضي في العاصمة ولما يمسكوهم يقولو خلاص بنتحلل
*إنت في السودان أيوة*
6/ لما تلاقي ليك بت الوش لون والايدين لون ويقولو ليك هو السرطان مالو انتشر كدا
*إنت في السودان أيوة*
7/ لما صحن سلطة الفول يكلفك 50 الف جنية كمان بدون بصل لانو شوال البصل بقا بي 80 الف
*إنت في السودان أيوة*
8/ لما نفشل في حل مشكلة المواصلات وبدون خجلة نشارك في معرض دبي للطائرات
*إنت في السودان أيوة*
9/ لما البت تقوم تتعاور وتقول لخطيبة دايرة حفلة في صالة و شيلة 8×8 يكون فيهم توب ابو القنفد
*إنت في السودان أيوة*
10/ لما الفساد يوصل ديوان الزكاة وهيئة الحج والعمرة
*إنت في السودان أيوة*
11/ لما وزير خارجية سابق يرجع لدرجة سفير
*إنت في السودان أيوة*
12/ لما تشوف ليك في شارع واحد خرتمية حفرة وحفرة وفي نفس الشارع كميرات مراقبة لقطع الاشارة
*إنت في السودان أيوة*
13/ لما كل المسوؤلين يجو من الولايات متزوجين بنات أعمامم البقطعو الخميرة من البيت ، ولما يرطبوا يعرسوا ليهم واحدات عمرهن 18 سنة
14/ لما *(المتعافن)* يقلع أراضي الناس *"ملك حر"* 20 فدان جنب جامعة أفريقيا *قال للصالح العام* ويبنوها أبراج سكنية وتجارية ليهم ويدي أهلها قطعتين كتعويض في المجاهًدين دا غير الأراضي الزراعية الشالوها بالغصب من أهلها وباعوها للأماراتيين عملوا فيها *(مدينة النخيل)* ولي هسا ما عوضوا أصحابها ..
*إنت في السودان أيوة*
15/ لما واحد تمرجي في بحري يعملوهو مراسلة بالموتر وبعدين يرقوهو لي سكرتير مكتب الرئيس ومسئول عن إحتياجات نسوانو ويدوهو رتبة فريق ومدير عام مكاتب الرئيس
وسمسار الصفقات المشبوهة !!
😡 *والله العظيم إنت في السودان*🙄
| |
 
|
|
|
|
|
|
|
|
Re: و بعدين مع هؤلاء الناس؟! (Re: المعز ادريس)
|
(1/ لما تشتري عربية بي مية مليون والجمارك تشيل منك مية وعشرين مليون يعني الجمارك تكسب اكتر من المصنع والوكيل )
*إنت في السودان أيوة*
دي غايتو مبالغه . .
(3/ لما يكون عداد ندى القلعة في حفلة واحدة 10 اضعاف مرتب بروفسير سمية ابو كشوة مدير جامعة الخرطوم )
*إنت في السودان أيوة*
لكن دي ما اظن خاصة بالسودان بس . .
| |
|
|
|
|
|
|
|
|
|
Re: و بعدين مع هؤلاء الناس؟! (Re: عمر سعيد علي)
|
الرسالة وصلت يا بت الناس
ولقد اسمعتي لو ناديتي حيا ولكن لا حياة لمن تنادي
لكل شيء نهاية وسيأتي يوم الحساب
و زي ما قلتي محل ما يخشوا ما يعرفوا
شكرا يا المعز لحمل الرسالة
ونرجو من بكري ابوبكر يرفع البوست لمكانه المستحق
| |
|
|
|
|
|
|
|
|
|
Re: و بعدين مع هؤلاء الناس؟! (Re: معاوية الزبير)
|
المفارقات كتيرة لامن تطمم البطن
اتخيل لما على عثمان محمد طه و هو يعتلى منصب النائب الاول يقول
الانقاذ ما جات عشان قفة الملاح .. جات عشان المشؤوع الحضارى
و الفاروق عمر بن الخطاب على ايام المجاعة يعطل شرع الله
حتى لا يقيم حدا على من سرق ليقتات
| |
|
|
|
|
|
|
|
|
|
Re: و بعدين مع هؤلاء الناس؟! (Re: المعز ادريس)
|
" لما واحد تمرجي في بحري يعملوهو مراسلة بالموتر وبعدين يرقوهو
لي سكرتير مكتب الرئيس ومسئول عن إحتياجات نسوانو ويدوهو
رتبة فريق ومدير عام مكاتب الرئيس "
عليك الله أخي معز الكلام دا صحي؟
| |
|
|
|
|
|
| |
المعز ادريس
احمد حمودى
عمر سعيد علي
معاوية الزبير
جلالدونا
Fatima Alhaj
فيس بوك
تويتر
انستقرام
يوتيوب
بنتيريست