يا حليلك يا استاذ حسين خوجلي بقيت تجليها واقفة لي فترة توقفت عن مشاهدة برنامج مع حسين خوجلي ويوم االسبت المنصرم اراد حظي العاسر ان يبهجني قليلا فمصادفة فتحت قناة امدرمان لقيت عمط حسين متجدع قلت ياخ ما بطال اهو الواحد يرتاح شوية من رهق اليوم ونفس الكلام مكرر شتيمة في المعارضة والحركة الشعبية وبكاء على الكوادر التي ابعادها قسرا من السودان بدعوى التمكين واحلال اهل الولاء والذي تم تحت سمع وبصر الاستاذ حين من يوم 30/6/1989 ولم يفتح الله عليه بكلمة الابعد نف\ كل شيء في السودان انسانا ومواردا ما علينا الذ حاجة بقيت تناقض نفسك بنفسك في الحلقة الواحدة كتير جدا ، تاني بالله ذاكر الحلقة كويس انا هنا حاذكر ليك حالة تناقض واحدة ولانخا بصراحة حامضة طبعا امتعتنا بسيرة الاستاذ حسن نجيلة وذكريات البادية وكان ذلك في زمن للمعلم قيمته الادبية والاجتماعية والمادية وكان التعليم رسالة الى ان جاء الرساليون فنسخوها وطالبت المدرسين يمشو مع المراحيل ويعلمو الناس وقمت يا حلو قلت انو في فجوة في ولاية الخرطوم 6000 معلم الخرطوم محتاجة لعدد ستة الاف معلم وانت دقيت التربيزة وقلت 6000 استاذ فقط في الولاية طيب اها دي يفشروها كيف؟ يعني هسة نجيب اساتذة لولاية الخرطوم والا نشيل الاساتذة الموجودين نوديهم للمراحيل؟ سيبنا من حزب السودانيين بتاع قوالين وفعالين نحن زهجنا من الشمارات والقوالاات خلينا في حزن السودانيين الماكث منذ 27 عاما
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
د.محمد حسن
فيس بوك
تويتر
انستقرام
يوتيوب
بنتيريست