مولانا الجميل اليومين ديل معاي امين اخوي وحكيت ليه قصتنا لما سألنا الكحلاوي عن سر الوحوحه في الغنا وضحكنا من إجابته المهم بعدها سالت نفسي قلت ياربي الشاه ده مختفي وين دخلت لقيتك عايز تدرب تأهيليا احذر التعدد
تحياتي مرتضي وضيوفه حكي لي صحبي حضر دكتوراة في ماليزيا انو بدوهم كورس حول الزواج وامتحان بعدو . حتي يدوك ورقة نجاح وممكن تعرس سألتو قال لي بدرسوهم حقوق الزوج والزوجة من ناحية اسلامية وكيفية تعامل الزوج والزوجة والعلاقة الحميمة ناسنا ديل ختفوها ساي ومشطوها بي قملها شان طالعين نازلين من ماليزيا
سلام عزيزنا درديري، أنت تحلم بعوالم متخصصة حتى في تعريف المصطلح.. يا سيدي نحن ما زلنا نندهش لدى (الباب).. يا ودكباشي يقتلني الفضول لأعرف مضمون ما قيل.. مودتي.
09-04-2016, 02:09 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
لا شك يا هيثم وإلا ستكون المسألة نظريه فقط ، يعني لازم يدربوا الزوج على المراسيل وجيب والصبر وعذاب الهدهد والقوائم التي تقاس بالمتر أما بالنسبة للنساء فيجب عليهن التدرب على حِلل الكمونيه النوويه ونظافة أم فتفت المشِعه والعوازيم المفاجئة ومعها تربيزة كوتشينه..
تحسبو لِعِب؟
09-05-2016, 09:51 AM
عمر أبوعاقلة عمر أبوعاقلة
تاريخ التسجيل: 04-11-2016
مجموع المشاركات: 1321
،، ههه،، حقيقة نظرات ( الفراودة ) فيها كلام !!! بالنسبة لسؤالك - يختَلِف المُحتوي،، حسب ( جِنس) المُستَهدفّ .المُتدرب /المُتدرَبة ،،، أعتقد بأن ( المُدَرِبّ) بشرح في أيهما أكثر إيلاماً:- الهجرُ في المَضاجِعّ ؟ أم الضربُ غير المُبَرِحّ؟؟ لا أعتقد أنه بِشرَح في مقولة برنادشو:- (تقلق المرأة علي مُستقبلها حتي تٓجِدّ زوجاً،، ولا يقلق الرجُلّ علي مُستٓقبله،،، إلا بعد أن يجِدّ زوجة !! )،، ،، تحياتي ،،
09-05-2016, 02:19 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
)ناسنا ديل ختفوها ساي ومشطوها بي قملها شان طالعين نازلين من ماليزيا ( أبوسن ، أضحك الله سنك .. حبوباتنا وجدودنا وأبهاتنا وأماتنا زمان مافي زول دربهم وعاشوا حيوات زوجيه سعيده النقه فيها بالكاد تصل ل 3 درجات بمقياس ريختر وكانوا بيعشقوا بعضهم جد. في ظني أن رخاء العيش - على بساطته - كان سببا في استدامة الود والسكن والرحمه ، مشاكلم كانت بسيطه بالريده بتحل.. هسه الجماعه ديل مفروض يدربوا المقبلين على الزواج على سبل كسب العيش الشريف عشان يعالجوا 70% من أسباب الفشل المرتقب.. لكن لا أظن أن (المدربين ) عرضوا لأهم أسباب الإستمرار والإستدامه، ول كيف يا عبدالحفيظ.. طبعا التنظير ساهل عند الجماعه ديل.. الآن الرغيف عامل أساس للإستمرار والحؤول دون الطفشان..
قلت لي كوالا لامبور..
09-05-2016, 03:54 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
قباني عزيزنا صاحب الحلول الهندسية المجيده وتركيب أبواب الخروج من الأزقة والمآزق . عبدالرحمن الأبنودي في إحدى قصائده ، قال الرجال نوعين رجال هاديه ورجال حاميه ، في ظني أن الرجال الهاديه هي المسؤولة عن القرارات الكبيرة اللي قلت عليها.. والرجال الحاميه برضو ..
-
قلت لي لو رضين عنك فأقصى ما يفعلنه يرمن ليك طعميه؟
ياخ دي مبالغه..
09-05-2016, 06:00 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
)بالله يا يا ود المرتضى لو سخى الزمن يوماً ورونا الكحلاوي قال شنو بخصوص الاسمو ايه دا( يا عمر، د. محمد حسن مرات لامن يكتب في المنبر بينسى أو يتناسى أن هناك غيرنا تحت اللمبه، صديق الكحلاوي ، عليه الرحمة، كنا من المواظبين على حضور حفلاته أيام الجامعه بت اللزينا زي ما بقول العمده الله لا عادو، عندو تعليقات أثناء الغناء من عيار (البابور) و (أنا بالنيني) يتبعها بتمتمات وهمهمات لا يتبينها إلا من يجاور ال stage زي زيدان واحد، الكحلاوي أول مغني راب بجلابيه انصاريه شمال خط الإستواء.. كان عندما يستبد به الطرب وسط الحسان يقول كلاما مما أشار إليه محمد حسن يحسبه العامة خروجا عن النص ونراه شفافيه وصدقية عيار 22،
ود أبو عاقله إنت ما صايم اليومين دي؟
09-06-2016, 01:53 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
الذي يجلس على يمين الصورة كأنه يردد في سره ( لم نتفق على هذا) وبعبارة أخرى ( طمبجتها).. أما الذي يجلس على يسار الصورة فقد اتخذ وضعية الهروب .. الله يستر.. (تقلق المرأة علي مُستقبلها حتي تٓجِدّ زوجاً،، ولا يقلق الرجُلّ علي مُستٓقبله،،، إلا بعد أن يجِدّ زوجة !! ) ،، ،، المرأة لاتقلق يا عزيزي بلال.. الرجال فقط كتب عليهم أن يقلقوا ، بل منهم من نال لقب (قلق) عديل كدا .
09-06-2016, 03:57 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
(يكون قال ليهم : بالله المرا دي زول .......تشيل ماهيتك وتقسم معاك السرير !! )
يا لطيف، قدر ما حاولت أنزِّل وجه ضاحك أبت كلو كلو . تقنيات بكري خذلتني.. ياخ بكري أبوبكر دا ضيَّق علينا حرية التعبير ويبدو أن ذلك مرجعه إلى تردده الكثير على البلد. زمان نشيل في الملفات الصوتيه وننزل والصور ما ليها حد ما ليها قيد ، هسه .. غايتو. . يا سيدي ، طالما ارتضيت أن يشاركك زول في حاجاتك العزيزه ( المال والسرير) كتر البتابت عيب.. المسأله بكج واحده لاتتجزأ.. بالله لو بتقدر نزل لي وجه ضاحك كي نتشاركه..
قلت لي الماهيه كلللها؟
هههه
09-06-2016, 11:39 PM
Elmuiz Haggaz Elmuiz Haggaz
تاريخ التسجيل: 11-04-2009
مجموع المشاركات: 630
مولانا محمد المرتضي ، كدي خارج النص وبوستك الكله كتاحة دا حاولت ارسل ليك رسالة داخلية لسبب ما ابت تمشي!!، بفتش لي تسجيل أغنية (يا نسيم الليل )، رمية وأداء عاصم البنّا لو جبتها لينا هنا(رغم البوست المفخخ دا) او في المسنجر أكون شاكر وممتن أشد ما يكون الامتنان.
09-07-2016, 05:15 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
من شفت البوست دا وأنا محتار وفكرة الزول دا عاجباني المهم ياخ لما يفتحوا وظائف أنا عايز أشتغل مدرب مع الجماعة ديل موش المدرب هو أول زول بضرب الكورة للاعبين؟
09-07-2016, 05:49 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
(ما قادر تنساها يا مولانا ) هي بتتنسي! يا هندسه، ذلك التعليق كان * من الخرائد التي تستحق أن تعلق بأستار المنبر.. وزي مابقولوا لخص السالفه كلها كخير الكلام ..
د. معز سلام وكل سنه وانت ومن تحب بخير. ارجو لو تتكرم وترسل رقم هاتفك في المسنجر. والشكر موصول لعزيزي قباني.. التسجيل اعلاه خصصت له بوست سابق بعنوان هذه هي الأغنية.
09-11-2016, 06:58 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
د. معز سلام وكل سنه وانت ومن تحب بخير. ارجو لو تتكرم وترسل رقم هاتفك في المسنجر. والشكر موصول لعزيزي قباني.. التسجيل اعلاه خصصت له بوست سابق بعنوان هذه هي الأغنية.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد المرتضى حامد
د.محمد حسن
عبدالحفيظ ابوسن
يحي قباني
عمر أبوعاقلة
بلال زكريا
عبداللطيف حسن علي
Elmuiz Haggaz
حمد عبد الغفار عمر
فيس بوك
تويتر
انستقرام
يوتيوب
بنتيريست