|
دعواتكم لزميلنا المفكر د.الباقر العفيف بالشفاء العاجل
|
|
 Re: عرس البلولة ود علوبة من التهجة بت جاد الرب (Re: عبدالله ود البوش)
|
| Quote: دخلت الفتاة راكوبتهم مرعوبة فخرج ابوها فشاف البلولة منكرب عليهم |
ابقدوما عسل اتا من الراكوباب
نحنا فوق للكرور حبة
ياود البوش مركب النقص والهويتو مزعزعه هو البتنكر لاصلو او بخجل منو
اخوك من العفناب كاب الجضاض مياكل ميلوحة بي ويكاب
مشتاقين والف مبروك ليكم زواج الوليد
| |
 
|
|
|
|
|
|
|
|
Re: عرس البلولة ود علوبة من التهجة بت جاد الرب (Re: معتصم سليمان)
|
معتصم سليمان يا حبيب
الله يجبر بخاطرك ياخ بركة من جعل محمد نبي
بسط ادو منو زي ما قال خالي البلولة .... تسعل منك العافية
عاين جاي
خالي البلولة دا اسعل منو صاحبك ود العيس
على الطلاق يا معتصم تدخل بيت البلولة وتقول داير تمرق ساهي علا أركبك ضقلة
قت ليك ناس ما بتصاقعوا كلو كلو اتقول محرشين
| |
|
|
|
|
|
|
|
|
|
Re: عرس البلولة ود علوبة من التهجة بت جاد الرب (Re: ود الباوقة)
|
سلام آآآآآآالنشمي ... ود البوش فارس الحوش ..
اها قت اجي ابارك لي التهجة بت جاد الرب
وعريسها البلولة .. حالهم ان شاء الله حال
الجميع بعد التكنلوجيا دي .
عندي فيديو دايرة انزلو بمناسبة التهجة لانها
عندي احساس بتشبها لكن ما قدرت بحاول في
مداخلة اخري ,,
تسلم يا ود البوش علي اللحظات الجميلة زي دي .
مع وافر الود ,,,
| |
|
|
|
|
|
|
|
|
|
Re: عرس البلولة ود علوبة من التهجة بت جاد الرب (Re: مني عمسيب)
|
منى عمسيب سماحة الطلة بت العم
| Quote: عندي فيديو دايرة انزلو بمناسبة التهجة لانها |
في انتظار الفيديو وكنت بشرح ليك كيف تنزليهو لكن لقيت نفسي غريب في المكان
ويبدو ان تغيرات كبيرة حدثت .... لا عرفت انزل فيديو ولا حتى الصورة العفينة دي ما عرفت انزلها
.
.
تحية وشوق
| |
|
|
|
|
|
|
|
|
|
Re: عرس البلولة ود علوبة من التهجة بت جاد الرب (Re: muntasir)
|
| Quote: ناس خالك وباقي عقابوا انو أهلك ديل ما دخل ولا نبتت ليهم مزعة من مال حرام |
والله يا منتصر مرة ونحن شفع صغار ختو لينا اللقمة في القدح ومنتظرين ملاح نادي ابوك (اسمو كدا ) عشان بجهز سريع
قبل يجهز بقولوا ليك نادي ابوك ويتكون من لبن وبصلة وملح وشطة وويكة ديل كلهن بكبوهن سوا وفوق نار البعر
يفور في دقيقتين تلاتة
اها فوق راس اللقمة ( ناس البندر بسموها عصيدة ) كان مختوت شيط اسواااااد
قام ابوي الله يرحمه ويغفر ليهو اكل الشيط دا وخلا فيهو شوية
وقال اكل الشيط بشهد ليكم يوم القيامة وبحرم النار تاكل البطون البتاكل الشيط
فتخاتفنا تلك الشيطة الشوية ونافسناهو في الشيط في مقبل الايام
.
.
شفت الزهد دا كيف ؟
قالوا ما لدنيا قد علمنا .........
| |
|
|
|
|
|
|
|
|
|
Re: عرس البلولة ود علوبة من التهجة بت جاد الرب (Re: عمر أبوعاقلة)
|
| Quote: ملاح اللبن ياخ .. أصلو ما بغباني |
والله يا عمر ابوعاقلة كان تصدقني كان تكضبني ولليوم العلينا دا
لا يمر الاسبوع والا كان ملاح اللبن او ملاح اللوبا سيد مائدتي وادفر ليك باقي الطماطيق هناك
اوعى يكون بقى ليك ذكرى جميلة ؟
تحية وشوق ليكم يا السمحين
| |
|
|
|
|
|
|
|
|
|
Re: عرس البلولة ود علوبة من التهجة بت جاد الرب (Re: عبيد الطيب)
|
وسلامي وتحياتي مطبوقة مية مرة فوق سلامك يا سيد الفنجرة والبرنجية
العزيز عبيد الطيب
ياخي مشتاقين لطلتك ولطلاوة حديثك يا ايها الكاتب المبدع الجميل
ارحكاكا ونسة وحكي نقطع الفرقة الطويلة دي
زمان يا عبيد وانا شافع صغير بركب وراء خالي يوسف فوق الجمل
اقوم اقول لي نغني عشان نقطع الفرقة
.
.
غني يا عبيد غني ياخ
| |
|
|
|
|
|
|
|
|
|
Re: عرس البلولة ود علوبة من التهجة بت جاد الرب (Re: عبدالله ود البوش)
|
Quote: ياخي مشتاقين لطلتك ولطلاوة حديثك يا ايها الكاتب المبدع الجميل
ارحكاكا ونسة وحكي نقطع الفرقة الطويلة دي
زمان يا عبيد وانا شافع صغير بركب وراء خالي يوسف فوق الجمل
اقوم اقول لي نغني عشان نقطع الفرقة
.
.
غني يا عبيد غني ياخ |
إهداء لروح البلولة الفنجرية، ولأم عروض التهجة بت جاد الرب ولودالبوش وضيوفه، ولدرديري كباشي وتعليقه الجميل
Quote: يا سلام عليك يا ود البوش ياخ والعافية تلاحقك محل ما تقبل
شوف سهولة الحياة وبساطتها كيف
والسعادة شاينلها في جيوبهم .
نظرة فإعجاب فزواج
|
الشاعر العجب، من بطانة الخير والعز والجمال،يرثي أحد "عُمَّار"، قرية ودعركي، وهم أهل فراسة وجود وسمتة فقال:
ياحليل أم رقاريق الجنينها اتنقُّو
ناس فرَّاج كربت الضّيق وسلفاق حقُّو
قبَّال الزمن يمسخ ويكتر لقُّو
بي خمش النِّقُود بسط المحدَّق دقُّو
والله من قافيتها واستهلالها تعرفها من نجائب الدوبيت وشوارده
مربوعة كتبت بمداد النفل السمح
(ياحليل ام رقاريق الجنينها اتنقُّو"
هذه المفردة الشاعرة"إتنقُّو" لوحدها " تزين الممدوح نفلا
ولكن الشاعر مدهش جدا وملأ "جنيان ام رقاريق" سماحة حد الوكاء من مدح العربان المعتق عندما قال:
(ناس فراج كربت الضَّيق وسلفاق حقُّو)
والله في هذا الربع الشاعر جمع كل خصال الاسلام ومدح العرب من إغاثة الملهوف وتفريج الضيق والهم وجود "اروش" و........الي حاتم ومعن...الخ
ثم كأنه طلع سناف الغيب وركب "آلة الزَّمن الهوليودية" عندما نعي زمننا هذا حيث، ووصف مقطوعين الطَّاري قال:
(قبال الزمن يمسخ ويكتر لقُّو)
دي مربوعة من الدوبيت الدُّخري مضمون وقافية نادرة جدا وشوش لا يمتطيها إلاّ أمثال العجب ودعبدالحيم
حيا قبره مزن البطانة الهاطل وضحوي كردفان الهتون
وواجب علي ان اقرأ الاخلاص 11 مرة
لروحه الفنجرية ولروح البلولة وجارب الرب والتهجة وأمثالهم
معزتي بلا حدود
| |
|
|
|
|
|
|
|
|
 Re: عرس البلولة ود علوبة من التهجة بت جاد الرب (Re: عبيد الطيب)
|
| Quote: ناس فرَّاج كربت الضّيق وسلفاق حقُّو |
الشاعر العجب ما بتصاقع في كلامو دا كلو كلو
لكن انقوليك كلام يا عبيد
علي بالطلاق ناس صقية سلامة ما بتصاقعوا طاااب في انزال هذا الكلام ارض الواقع ارضا سلام
على الليمان والرحمن الواحد فيهم من اكرامو ليك تقول خير الدنيا كلو في بيتو
علما بانه لايملك الجدادة ام حلقا مر
يا زول هووووي شوف العين الشفناهو حرم اخليك تدردق بالوطا زي ما قالت بت البطانة بت ابو حريرة
.
.
غايتو يا ود الطيب ورطت روحي معاك وانا لاقدرك في الفصحاة ولا لحم سدرك في حلاوة الحكي وطلاوة الونسة
لكن منك نتعلم ونستفيد ايها البدوي القارح وملجم الكلام وفنه
ما عندي كلام غير اتفن واتوهط في الوطا دي والزم الجابرة عشان ننضف اضنينا ديل بالكلام السمح وزين
| |
|
|
|
|
|
|
|
|
|
Re: عرس البلولة ود علوبة من التهجة بت جاد الرب (Re: عبدالله ود البوش)
|
Quote: الشاعر العجب ما بتصاقع في كلامو دا كلو كلو
لكن انقوليك كلام يا عبيد
علي بالطلاق ناس صقية سلامة ما بتصاقعوا طاااب في انزال هذا الكلام ارض الواقع ارضا سلام
على الليمان والرحمن الواحد فيهم من اكرامو ليك تقول خير الدنيا كلو في بيتو
علما بانه لايملك الجدادة ام حلقا مر
يا زول هووووي شوف العين الشفناهو حرم اخليك تدردق بالوطا زي ما قالت بت البطانة بت ابو حريرة
. |
وأنت سليل هذه البقعة المباركة، أسس بنيانها علي الكرم والجود والتراحم والتكافل الجبلِّي،
| Quote: ي يا عبيد فقد اثرت شجنا اخلي الزول يعضي ايديهو |
العجب قال سلفاف حقذُو
وشوف هني سليمان ودعبدالله "خرّاب جرابو"
زَمًناً قِبيل خَمَجُوْ وعاشُو فيهو رِجال
زَمَنًّا قبيل زمان البُرْق بنات نبَّال
سِيدْهِن مِنمَهل مابراعِي لي المُرسال
وياحليل الدَّليلْهِن سالم ودْ رحَّال
أبو سرجاً عَفَسْ نوتيَّة الرَّقَّال
خميجان..بِنْقُرْ القُلَّة وكرَفْلُو حِيال
وفي ايَّام الدَّهارِيب لقَّحْ الأترار
طبَقْ الهيجِي في اللَّقحة ووقَف نبَّال
ؤوقَعِنْ قشَّت الجادولْها فيهو زوال
السَّعدان مِفرَّش والمَطر هطَّال
والبَاطْلِي اللِّ قبيل مَدِّنْ سِراها عِدال
الحشَّاوْ إنشبك في فَدرة العَجَال
وفي شِقْ المِراح بِصَرْعَن اللَّعتَال
الهِرْديمي..لي المخوَّل قصَّر الدَّنبال
بِرحَب بي الضِّيوف موهُو المِدِنقِر ضال
والزَّاد بي السناديك ماعَبَر بي رطال
دَمَر في التُّرْدَة لامن طارت أم بشَّار
وجي حَاك الجَبل وادَّا الدَّميري يسار
ووقعن قشّت البَضْرَة المِشابكي النَّال
وأصبح بي المَقَامة وجَلْوَلْ الأفكار
ولي دور العَرب رسلُّو ليهو عِيال
وما شالو الرَّسَن قجُّوه في أبوخلال
أبو دوماً بِهَتِّفْ في الفِقَر سَيَّال
وقاموا مع الصباح أوْكْت النِّهار أَندَار
وقالوا: دور العرب اللّيلي جنُّو جمال
الكوراك طقَّ قَطَع الشَّك علي أبو خلال
وضيل الفَروة ينسِف في البِطان الجال
وبعد مانزَّلُوا النَّاس العِزاز وإصال
إتْلمُّوا لي الكرامة وقسَّموهُو الفال
وحلَّق بي الفريق الخَشْمُو مو نجَّال
وقال ليهُن: السفر..قالولوا: ماشٍي الحَال..!
مادانُوا اللَّزوم اللَّي الرَّحَل شَيَّال
وإنْ حضَّتُو الحويَّة مِنُّو مو مَلمَال
والبِرام دَق صغيرة وصابرة.مو حَلاَّل
وأبو خُرْس من بكانُو الفيهو مابنْشال
وبَسَطُوا العاطِل الحارْس الفريق وَكَّال
واللَّحاقة قامت من حَريم لي رِجال
نزلوا في العُلُو وأم شورة جات مُقْبال
الواواي المَعَرْجَل داك حِسْ جَروال
وحليمي ناس سَعَد عشّوها في اللَّبهال
والدنيا خربانة مابِضلِّي العُمر كان طال...
بِرحَب بي الضِّيوف موهُو المِدِنقِر ضال والزَّاد بي السناديك ماعَبَر بي رطال
| |
|
|
|
|
|
|
|
|
|
Re: عرس البلولة ود علوبة من التهجة بت جاد الرب (Re: عبيد الطيب)
|
| Quote: بِرحَب بي الضِّيوف موهُو المِدِنقِر ضال |
خالد ود سكين الجوع ... اي والله اسمو كدا شوف سماحة الاسم دا كيف ؟
سكين جخخخخ تضبح الجوع ضبح
خالد دا لمن يقولوا ليهو جاء ضيف وفات اتا كنت ماف
اقوليك سجم امك يا خالد الضيوف اجوا الحلة وافوتو وانت ما عارفم
خالد دا كان راكب لوري مع ناس صقية سليمة ماشين على السافل واللوري انقلب
وكانت اكبر اصابة في الحادث اصابة خالد
دمو يدفق جاتو صحية شاف الناس واقفين فوق راسو
قام كف علي طولو واكورك فوقم اتفضلوا اتفضلوا اتفضلوا جيتو متين حرم تتفضلوا
| |
|
|
|
|
|
|
|
|
|
Re: عرس البلولة ود علوبة من التهجة بت جاد الرب (Re: عبدالله ود البوش)
|
النشمي .. صباح الخير عليك ومن معك ..
قت ارد عليك :
Quote:
في انتظار الفيديو وكنت بشرح ليك كيف تنزليهو لكن لقيت نفسي غريب في المكان
ويبدو ان تغيرات كبيرة حدثت |
قدر ما حاولت انزل الفيديو ابا لي يا ود البوش !
كلنا غرباء ياود البوش طيلة مو قاعدين بالايجار
هههههههههههههه ات قايل دا حوش الصقيعة ؟
ولك وافر التحية والاشواق ..
بحاول انزل الفيديو .
| |
|
|
|
|
|
|
| |
عبدالله ود البوش
اسامه العريفي
حامد بدري
عبد الباقي الجيلي
علي دفع الله
معتصم سليمان
عبدالحفيظ ابوسن
منتصر عبد الباسط
محمد حامد
عبدالعزيز الفاضلابى
مني عمسيب
عمر عثمان
نادر النور آدم
عبدالمنعم الطيب حسن
عمر أبوعاقلة
محمد عبد الله حرسم
عبيد الطيب
د.محمد حسن
فيس بوك
تويتر
انستقرام
يوتيوب
بنتيريست