وجاءت سَكْرَةُ ما كُنتُم منه تَحِيدُون! بقلم فتحي الضَّو
كامل إدريس لن يصبح جزولي انتفاضتنا القادمة بقلم كمال الهِدي
منبر التجانى الطيب للحوار بواشنطن يقيم ندوة بعنوان الازمة السودانية و افاق التغيير يتحدث فيها على الكنين
بيان من نصرالدين المهدي نائب رئيس الجبهة الثورية بخصوص اعلان قوات الدعم السريع بطلب مجندين
سقف العصيان ، زوال النظام ..هكذا يقول فقه الثورات !
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-06-2016, 00:45 AM الصفحة الرئيسية

المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

فريد زكريا On Donald Trump (فيديو)

08-15-2016, 06:27 PM

abubakr salih
<aabubakr salih
تاريخ التسجيل: 12-27-2007
مجموع المشاركات: 8633

للتواصل معنا

FaceBook
تويتر Twitter
YouTube

كيف احذف مداخلة من بوستى
فريد زكريا On Donald Trump (فيديو)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

08-15-2016, 07:09 PM

زينب محمد عبدالله
<aزينب محمد عبدالله
تاريخ التسجيل: 12-25-2010
مجموع المشاركات: 1113

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: فريد زكريا On Donald Trump (فيديو) (Re: abubakr salih)

    سلام يا بكور
    تعال شوف القصير بوتن فى الفديو دا ادب ليك فريد زكاريا ادب المدايح كيف
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

08-16-2016, 12:43 PM

abubakr salih
<aabubakr salih
تاريخ التسجيل: 12-27-2007
مجموع المشاركات: 8633

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: فريد زكريا On Donald Trump (فيديو) (Re: زينب محمد عبدالله)

    سلام يا زينب،
    بوتين قاعد يطربق ساكت و يخلط الاوراق. الجزء المعروض فى الفيديو دا زكريا ساله سؤال محدده و هو مشي يطربق و يطربق عن سياسات امريكا. طبعا امريكا دولة عدوانية مافي ذلك من شك، لكن السؤال حق ذكريا كان حول راي بوتين فى ترمب. طبعا بوتين داير ياثر علي الانتخابات الامريكية لكنه يعمل فى الاتجاه الخطاء. لانو لو جاب الجمهوريين ح يكون شرسين جدا معه و عدوانيين و هو ح يضطرد للتراجع. احسن له و للعالم كله ان تكون السلطة فى امريكا في يد الديمقراطيين لانهم اقل شرا من الجمهوريين.

    ترمب لو فاز لن يحكم بالبلد دي مسألة مفروغة منها. هو بس داير يقولوا هو الرئيس غير كده ما عندو اية نية او حتي معرفة حقيقية بقضايا الحكم و السياسة و لا يصبر على قراءة صحيفة دعك عنك تقارير حكومية طويلة و مملة. اثناء بحثهم عن شخص لموقع نائب الرئيس، اتصل ابن ترمب موظف لدي طرف حاكم اوهايو جون كيسك و عرض عليهو يكون running mate لترمب و ان فازوا فبامكانه يشرف على السياسية الخارجية و الداخلية للبلاد. الراجل اندهش و قال لولد ترمب اها و ابوك ح يسوي شنو؟ قال ليهو He will focuse in making America great again

    فتأملي!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

08-16-2016, 08:44 PM

زينب محمد عبدالله
<aزينب محمد عبدالله
تاريخ التسجيل: 12-25-2010
مجموع المشاركات: 1113

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: فريد زكريا On Donald Trump (فيديو) (Re: abubakr salih)

    Quote: لكن السؤال حق ذكريا كان حول راي بوتين فى ترمب

    طبعا السؤال فى حد ذاتو سؤال ساذج !
    وكان رد بوتن كالاتى :
    You're a very famous person in our country, you personally.
    Not only as a host on a major media corperation, but also as an acedemic

    But why are you juggling with what I said؟
    Your 'Journo' side is prevailing over your 'Analyst' side.

    المهم فى الامر يا بكور دى حال الميديا اللبراليه عندنا هى التشويش على القضايا المهمه والتركيز على سفاسف الامور
    عايزين كل الناس يكون عندهم نفس النظره للاشياء ومحاوله شيطنه الاخر المختلف معهم فى الراى
    المشكله شنو انو الرئيس بوتن يقول عن ترامب انو انسان ذكى ؟!!
    Quote: طبعا بوتين داير ياثر علي الانتخابات الامريكية

    ده كلام غير صحيح.. لكن اذا افترضا جدلا انو هو عايز يأثر على الانتخابات اين المشكله ؟ ما كل دوله بتفتش على مصالحها .. حلال على امريكا حرام على غيرهم !!
    مستر ترامب قال عايز يرجع العلاقه بين الدولتين القويتيين ( امريكا وروسيا ) نحن مفروض نشجع اى مبادره للسلام .. العالم اصبح قريه صغيره واى
    حرب بتأثر على الجميع ...
    نجى لى موضوع الانتخابات الامريكبه ومستر ترامب ... اولا انتو يا هولنديين شن عرفكم بى الانتخابات الامريكيه ههههههه Just kidding
    Quote: اثناء بحثهم عن شخص لموقع نائب الرئيس، اتصل ابن ترمب موظف لدي طرف حاكم اوهايو جون كيسك و عرض عليهو يكون running mate لترمب و ان فازوا فبامكانه يشرف على السياسية الخارجية و الداخلية للبلاد. الراجل اندهش و قال لولد ترمب اها و ابوك ح يسوي شنو؟ قال ليهو He will focuse in making America great again

    تم ترشيح ثلاثه اشخاص لى منصب نائب الرئيس ويتم الاجتماع بهم وزيارتهم كل على حدا وفى حضور المسؤليين من الحمله الانتخابيه وبعدها يتم اختيار من تم الاتفاق عليه.....
    يعنى السيناريو بتاع ولد ترمب وقالو وقلنا دا فبركه وما حقيقه......
    عيب ترمب الوحيد فى رأيى وممكن يكلفوا منصب الرئاسه ...هو العلى قلبوا على لسانوا طوالى .. لكن هو رجل عملى جدا يعنى ( امسك لى واقطع ليك )
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

08-16-2016, 09:26 PM

abubakr salih
<aabubakr salih
تاريخ التسجيل: 12-27-2007
مجموع المشاركات: 8633

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: فريد زكريا On Donald Trump (فيديو) (Re: زينب محمد عبدالله)

    Quote: المشكله شنو انو الرئيس بوتن يقول عن ترامب انو انسان ذكى ؟!!


    المشكلة يا زينب في انو ترمب ما راجل ذكي ولا حاجة. هو راجل وقح اكثر منه شخص ذكي. و لمن سالوا بوتن عن هذه النقطة فضل يطربق فى موضوع اخر. سالوه قالوا ليهو انت شايف فوقوا شنو عشان تقول انه ذكي؟ اشرح علل يا بوتين رجل المخابرات السابق!! ترك السؤال و بقي يتكلم في موضوع مختلف.

    Quote:
    ده كلام غير صحيح.. لكن اذا افترضا جدلا انو هو عايز يأثر على الانتخابات اين المشكله ؟ ما كل دوله بتفتش على مصالحها .. حلال على امريكا حرام على غيرهم !!
    مستر ترامب قال عايز يرجع العلاقه بين الدولتين القويتيين ( امريكا وروسيا ) نحن مفروض نشجع اى مبادره للسلام .. العالم اصبح قريه صغيره واى
    حرب بتأثر على الجميع ...


    مافي مشكلة انو بوتين يحاول يأثر في الانتخابات الامريكية. لكنه يحاول ان يؤثر عليها فى الاتجاه الخطاء. لانو الجمهوريين تيار عنيف و متطرف و اذا عادوا للسلطة سوف يكونوا شرسين مع بوتين نفسه و مع العالم من حوله. هل هذا غائب عنه؟ من الافضل له و للعالم ان تكون امريكيا تحت حكم الديمقراطيين لانهم نسيبا احسن من جماعة اليمين الجمهوري.

    ترشيح ترمب دا هو عبارة عن حركة ردة من قبل المجتمع الــ privileged في امريكا - البيض، الاثرياء و المتطرفين- ضد التقدم البطيئ الذي يحدث لصالح الاقليات فى المجتمع الامريكي (السود، اللاتينو، النساء، المثليين ... الخ). اليمين يريد ان يرجع عجلة الزمن للوراء لزمن امتيازات الرجل الابيض المطلقه. ترمب هو "التعبير الاظرط" عن هذه الحركة الارتدادية في المجتمع الامريكي. يشبه الشئ الذى حدث في السودان ايام نيفاشا، ترمب بالضبط يشبه جماعة الطيب مصطفي التى ظهرت عندما حدث تقدم قليل فى حقوق الاقليات -الجنوبيين فى حالة السودان- علي اثر اتفاقية نيفاشا. كنت تلك ردة الجماعة التي ظلت ترضع فى شطر الامتيازات السلطوية منذ الاستقلال. وجدت تعبيرها فى الطيب مصطفي. سبحان الله يخلق من الشبه اربعين بين الطيب مصطفي و دونالد ترمب. نفس الغباء و نفس الجاهلية و الوقاحة و الجراءة على الكلام الفارغ.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

08-20-2016, 03:32 AM

زينب محمد عبدالله
<aزينب محمد عبدالله
تاريخ التسجيل: 12-25-2010
مجموع المشاركات: 1113

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: فريد زكريا On Donald Trump (فيديو) (Re: abubakr salih)

    Quote: لانو الجمهوريين تيار عنيف و متطرف و اذا عادوا للسلطة سوف يكونوا شرسين مع بوتين نفسه و مع العالم من حوله. هل هذا غائب عنه؟ من الافضل له و للعالم ان تكون امريكيا تحت حكم الديمقراطيين لانهم نسيبا احسن من جماعة اليمين الجمهوري.

    سلام ابا بكر
    كلامك الفى الاقتباس اعلاه غير صحيح ... اولا نظام الحكم فى امريكا لا يعتمد على من هو الرئيس.. لان الرئيس لا يحكم بى مفرده والا اصبحت دوله دكتاتوريه
    قد يكون الرئيس جمهورى ولكن يكون الكونغرس ( مجاس الشيوخ + مجلس النواب ) مهيمنيين عليه ديمقراطيين او قد تكون المحكمه العليا ( The U.S. Supreme Court )
    معظم قضاتها ذو ميول لبراليه او العكس صحيح وهنالك بعض القرارات مثل الحرب تخضع لى موافقة مجلس الشيوخ بأغلبية الثلثين
    Quote: ترشيح ترمب دا هو عبارة عن حركة ردة من قبل المجتمع الــ privileged في امريكا - البيض، الاثرياء و المتطرفين- ضد التقدم البطيئ
    الذي يحدث لصالح الاقليات فى المجتمع الامريكي (السود، اللاتينو، النساء، المثليين ... الخ)

    ايضا الكلام اعلاه غير صحيح
    دونالد ترامب رجل اتى من خارج المؤسسه الحزبيه وصعد صعودا صاروخيا رغم عداء كل مؤسسات الحزب الجمهورى له ولما يمثله
    وقد حاز على اعلى نسبه اصوات فى تاريخ الحزب الجمهورى فى انتخاباته التمهديه والكلام دا بيضحد كلامك عن انو ( ترشيح ترمب دا هو عبارة عن حركة ردة من قبل المجتمع الــ privileged في امريكا - البيض، الاثرياء و المتطرفين )
    Quote: التقدم البطيئ الذي يحدث لصالح الاقليات فى المجتمع الامريكي (السود، اللاتينو، النساء، المثليين ... الخ). اليمين يريد ان يرجع عجلة الزمن للوراء لزمن امتيازات الرجل الابيض المطلقه

    الديمقراطيين والجمهوريين وجهين لى عمله واحده ما يغرك كلام الديمقراطيين عن حقوق الانسان والاقليات الخ الخ
    عندما طالب السود بالتعويض عن العبوديه الاتعرضو ليها ومازال السود يعانون من اثارها الى يومنا هذا
    اعترض الديمقراطيين والجمهوريين على السواء فى مساله الاعتذار او التعويض ... فى الوقت اللى فيهو اليهود الامريكان بيطالبوا بى التعويض عن الهوليكوست يوميا
    ويتم تعويضهم واذا اى زول قال بغم يصفوهوا بى معاداة الساميه
    يا سيدى السياسه فى امريكا يتحكم فيها ناديين كبيريين وهما المؤسسسه الحزبيه سواء كانت جمهوريه او ديمقراطيه ..
    الناس كفرت بى الاحزاب التى لا تعمل من اجل الذين انتخبوهم بل من اجل الشركات الكبرى واصحاب النفوذ واللوبيات
    دونالد ترامب الناس احبته لانو مافى زول بيقدر يشتريهو
    انا شحصيا بصوت للديمقراطيين كل الوقت لكن المره ديل صوتى لى دونالد ترامب سواء فاز او لم يفز
    تحياتى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

08-22-2016, 06:50 PM

abubakr salih
<aabubakr salih
تاريخ التسجيل: 12-27-2007
مجموع المشاركات: 8633

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: فريد زكريا On Donald Trump (فيديو) (Re: زينب محمد عبدالله)

    Quote: دونالد ترامب رجل اتى من خارج المؤسسه الحزبيه وصعد صعودا صاروخيا رغم عداء كل مؤسسات الحزب الجمهورى له ولما يمثله
    وقد حاز على اعلى نسبه اصوات فى تاريخ الحزب الجمهورى فى انتخاباته التمهديه والكلام دا بيضحد كلامك عن انو ( ترشيح ترمب دا هو عبارة عن حركة ردة من قبل المجتمع الــ privileged في امريكا - البيض، الاثرياء و المتطرفين )


    يا زينب افتكر نحن على اتفاق. ترمب جاء من المجتمع انا بس لخبطت شوية باضافة الاثرياء و هم القلة التى ترتبط مصالحها مباشرة بالمؤسسة السياسية للحزب الجمهوري (ديل كانو مفضلين جيب بوش او ماركو روبيو، لكن فى النهاية بيدعموا المرشح الجمهوري فى كل حال). ترمب جاء من المجتمع من القاعدة. قاعدة الحزب الجمهوري. و دي هى القاعدة القوامها الاساسي هو الخواجات. و كتير منهم عنصريين معاديين للمهاجرين و معاديين للسود و بقية الاقليات. القاعدة الجابت ترمب دي وريثة العنصريين بتاعين الجنوب من زمن الحرب الاهلية. معجبين بترمب فى شنو؟ لانو من اول يوم شتم ليهم المكسيين و قال ليهو ببني حيطة و بمنع المسلميين الخ. دي قاعدة من الغوغاء المتطرفيين و فيهم ناس جاءوا لتجمعاته الانتخابية شايلين علم الكونفدريشن و اظنك تعليمين ما يرمز له.

    الديمقراطيين كانوا هم الحزب العنصري حتي بداية القرن الماضي مقابل انو الحزب الجمهوري حزب ابراهام لينكولن هو الحارب من أجل تحرير الرقيق. لكن حصل تحول فى مواقف الحزبين، بالضبط تبادلوا مواقعهم من القضايا العنصرية فى البلد. من اليوم الذى وقع فيهو الرئيس جونسون وثيقة الحقوق المدنية فى الستينات قال لمن حوله we have lost the south for a generation و توقعه كان اقل مما حدث لانو الديمقراطيين خسروا الجنوب حتي الان.

    ترمب لو فاز ما ح يحكم البلد، سوف يحكمها شخص اخر من الباطن. ترمب ما عندو صبر على القراية ام دق دي. دي شغلة شيبت بالولد الشاب اوباما. بعدين هسة زول بهرطق زي هرطقت ترمب دي انتي بتديهو صوتك عشان هو ح يعمل ليك شنو؟ دا زول بتكلم ساكت و كذاب محترف من قديم الزمان.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

08-22-2016, 09:34 PM

Ahmed Alim
<aAhmed Alim
تاريخ التسجيل: 06-14-2007
مجموع المشاركات: 2424

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: فريد زكريا On Donald Trump (فيديو) (Re: abubakr salih)

    بكور النيجيري سلامات،،



    http://tinypic.com/player.php؟v=1116ujdands=9Original Video - More videos at http://tinypic.comTinyPic
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

08-23-2016, 05:59 AM

زينب محمد عبدالله
<aزينب محمد عبدالله
تاريخ التسجيل: 12-25-2010
مجموع المشاركات: 1113

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: فريد زكريا On Donald Trump (فيديو) (Re: Ahmed Alim)

    Quote: هسة زول بهرطق زي هرطقت ترمب دي انتي بتديهو صوتك عشان هو ح يعمل ليك شنو؟

    طيب بى نفس المنطق انت عايزنى اصوت لى هيلارى عشان هى تعمل لى شنو ؟ كدى نورنا عليك الله بى ميزات هيلارى
    عشان انحنا القاعدين فى البلد دى اكتر من 25 سنه ما عارفيين السستم ماشى كيف
    انا بالنسبه لى الكافر عديل ولا المنافق
    اما بالنسبه لى مساله العنصريه انت قاعد تعمم وبتفتكر اى خواجه هو بالضرورى يكون عنصرى
    اولا لى تعلم انو كتير من الامريكان البيض صوتو لى اوباما ولولا اصواتهم لما فاز بالرئاسه
    بعدين العنصريه دى موجوده فى اى مكان فى العالم خاصه فى مجتمعات ذات طابع قبلى مثل السودان
    ومحاربه العنصريه تكون بالتدريج والخواجات ديل قطعوا فيها شوط كبير المشكله فينا انحنا
    لى يوم الليله بعض السودانيين بصف الافركان امريكان بالعبيد !! وانت لو شفتو ما بتفرزو منهم
    تحياتى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

08-28-2016, 09:29 AM

abubakr salih
<aabubakr salih
تاريخ التسجيل: 12-27-2007
مجموع المشاركات: 8633

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: فريد زكريا On Donald Trump (فيديو) (Re: زينب محمد عبدالله)


    سلام يا احمد عالم،
    هاك شوف الراجل دا. دا زول بعرف ترمب جدا هو الصحفي الذي كتب كتاب عن تجربة ترمب فى مجال الاستثمار.

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

08-28-2016, 10:14 AM

abubakr salih
<aabubakr salih
تاريخ التسجيل: 12-27-2007
مجموع المشاركات: 8633

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: فريد زكريا On Donald Trump (فيديو) (Re: abubakr salih)

    Quote: طيب بى نفس المنطق انت عايزنى اصوت لى هيلارى عشان هى تعمل لى شنو ؟ كدى نورنا عليك الله بى ميزات هيلارى عشان انحنا القاعدين فى البلد دى اكتر من 25 سنه ما عارفيين السستم ماشى كيف انا بالنسبه لى الكافر عديل ولا المنافقاما بالنسبه لى مساله العنصريه انت قاعد تعمم وبتفتكر اى خواجه هو بالضرورى يكون عنصرى


    يا زينب انا ما قاعد اعمم، بالعكس ان شرحت ليك التحولات التي حدثت فى مواقع الحزبين من القرن التاسع. الحزب الجمهوري دا اصلا وريث حاجة سابقه اسمها الــ whig كان هو الجسم السياسي المنافس للديمقراطيين. اتفرتق فى منتصف القرن التاسع عشر و قاموا whigs الولايات الشمالية اسسوا حزب جديد سموه الحزب الجمهوري بقيادة ابراهام لينكن. و هو الحزب الذى قاد الحرب الاهلية بسبب مسالة تحرير الرقيق. الكلام دا واضح انو في ناس من البيض مناصريين لحقوق السود و في الوكت داك المعبر عنهم هو الحزب الجمهوري. بالمقابل فى قطاع اخر من البيض متمركزين فى الولايات الجنوبية عنصريين و كان المعبر عنهم هو الحزب الديمقراطي. لكن الحزبين تبادلا مواقعهم من الموضوع دا من بدايات القرن العشرين و منتصف الستينات وقع الرئيس الديمقراطي جونسون وثيقة الحقوق المدنية و من يومها خسر الديمقراطيين الجنوب. وجدت جماهير الجنوب في الحزب الجمهوري المعاصر صوتها السياسي. هسة لمن تصوتي لترمب حتلقي نفسك انتي و David Duke مصوتين لنفس المرشح.

    عموما السياسة الامريكية دي الفرد ما عندو فرصة ياثر فيها كثير. اقصي شئ انك ممكن تعمليهو تصوتي ضد التيار العنصري. Not much than that . شفنا هسة كيف الديمقراطيين زاتهم عملوا على زحلقة ساندرس و مشروعه الاشتراكي الديمقراطي.

    (عدل بواسطة abubakr salih on 08-28-2016, 10:19 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

08-28-2016, 10:49 AM

الصادق عبدالله الحسن
<aالصادق عبدالله الحسن
تاريخ التسجيل: 02-26-2013
مجموع المشاركات: 2124

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: فريد زكريا On Donald Trump (فيديو) (Re: abubakr salih)


    Quote: وصف حاكم ولاية ماين الأميركية الجمهوري لو بيدج، مساء الجمعة، الأميركيين الملونين وذوي الأصول اللاتينية بأنهم أعداء أميركا، مطالباً بقتل أعداء البلاد من الأقليات، سواء السود أو من المسلمين والمكسيكيين.
    وللمفارقة فإن هذا الموقف الذي أثار ردود فعل واسعة في وسائل الإعلام ومواقع التواصل الاجتماعي، جاء خلال مؤتمر صحافي عقده الحاكم، كان من المفترض أن يقدم خلاله اعتذاراً أو توضيحاً عن رسالة مسجلة، بصوته تضمنت عبارات عنصرية وشتائم، حفظها المسجل الآلي لهاتف النائب الديمقراطي في برلمان الولاية درو غاتن، الذي سبق له أن اتهم الحاكم بالعنصرية.
    وقال بيدج (حاكم ولاية ماين وهو من الجمهوريين القلائل المؤيدين بشدّة للمرشح الرئاسي دونالد ترامب) في معرض تبرير مواقفه التي اعتبرت عنصرية، إنه لا يهتم للون المجرمين "المجرم هو مجرم بمعزل عن لون بشرته، عندما تذهب إلى الحرب، إذا كنت لا تعرف عدوك، والعدو يلبس الأحمر وأنت تلبس أزرق، نحن الآن نحاول تحديد هوية العدو، الغالبية العظمى من القادمين الجدد إلى الولاية هم من الملونين واللاتينيين، وهؤلاء هم العدو الذي يجب القضاء عليه".




    تحياتي يا أبابكر وضيوفك
    ...
    ..
    .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

08-29-2016, 04:42 AM

زينب محمد عبدالله
<aزينب محمد عبدالله
تاريخ التسجيل: 12-25-2010
مجموع المشاركات: 1113

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: فريد زكريا On Donald Trump (فيديو) (Re: الصادق عبدالله الحسن)

    كتب ابوبكر

    (( الحزب الجمهوري دا اصلا وريث حاجة سابقه اسمها الــ whig كان هو الجسم السياسي المنافس للديمقراطيين. اتفرتق فى منتصف القرن التاسع عشر و قاموا whigs الولايات الشمالية اسسوا حزب جديد سموه الحزب الجمهوري بقيادة ابراهام لينكن. و هو الحزب الذى قاد الحرب الاهلية بسبب مسالة تحرير الرقيق. الكلام دا واضح انو في ناس من البيض مناصريين لحقوق السود و في الوكت داك المعبر عنهم هو الحزب الجمهوري. بالمقابل فى قطاع اخر من البيض متمركزين فى الولايات الجنوبية عنصريين و كان المعبر عنهم هو الحزب الديمقراطي. لكن الحزبين تبادلا مواقعهم من الموضوع دا من بدايات القرن العشرين و منتصف الستينات وقع الرئيس الديمقراطي جونسون وثيقة الحقوق المدنية و من يومها خسر الديمقراطيين الجنوب. وجدت جماهير الجنوب في الحزب الجمهوري المعاصر صوتها السياسي.))

    شكرا ابا بكر على حصه التاريخ دى .. لكن دى ما نقطه اختلافنا
    السؤال او النقطه التى اثرتها انت هى لماذا اعطى صوتى لى دونالد ترامب واوبى التحديد انت قلت ( هسة زول بهرطق زي هرطقت ترمب دي انتي بتديهو صوتك عشان هو ح يعمل ليك شنو؟ )
    وحاولت تلصق صفه العنصريه بى مستر ترامب وتشبيه بى الطيب مصطفى
    وهسى حشرتا David Duke من غير اى مناسبه عشان تقول انو ديفيد ديوك العنصرى قال حيصوت لى ترامب
    طيب شنو يعنى لو انا وديفيد ديوك صوتنا لى ترامب guilty by association يعنى ولا شنو!!!! ديفيد ديكوك مواطن امريكى ومن حقه ان يعطى صوته لمن يحب
    انا يا ابوبكر انسانه ما مؤدلجه ولا يستطيع اى حد ان يؤثر على رائيى ولا اتبع اى جهه ولا يؤثر فينى الاعلام الموجه من امثال CNN و BBC
    والله يا ابوبكر كنت مفتكراك انت من اصحاب التفكير الحر لكن لقيتك انسان اكاديمى تتاثر بى ما يكتب ويقال من غير تفكير
    هذا مع تقديرى واحترامى الوفير


                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

08-30-2016, 05:11 AM

زينب محمد عبدالله
<aزينب محمد عبدالله
تاريخ التسجيل: 12-25-2010
مجموع المشاركات: 1113

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: فريد زكريا On Donald Trump (فيديو) (Re: زينب محمد عبدالله)

    تحياتى يا ابوبكر
    اتمنى ان تستمع لى هذا الفديو لى تعرف الحقائق الغايبه عليك وخليك من الاشياء البرفعوها
    فى وجه البلاك من عنصريه وغيرها عشان يحافظو على البلاك جو الحظيره بتاعت الحزب الديمقراطى
    الناس صحت وموضوع العنصريه دى بقى ما بجيب حقو .. لانو لسان حالهم بقول انت الماعنصرى عملت لينا شنو؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

08-30-2016, 05:22 AM

زينب محمد عبدالله
<aزينب محمد عبدالله
تاريخ التسجيل: 12-25-2010
مجموع المشاركات: 1113

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: فريد زكريا On Donald Trump (فيديو) (Re: زينب محمد عبدالله)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

08-31-2016, 07:26 PM

abubakr salih
<aabubakr salih
تاريخ التسجيل: 12-27-2007
مجموع المشاركات: 8633

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: فريد زكريا On Donald Trump (فيديو) (Re: زينب محمد عبدالله)

    Quote: تحياتي يا أبابكر وضيوفك


    شكرا عزيزي الصادق على الاضافة و اثراء البوست. الجمهوريين ديل مجانيين، الله لا كسبهم.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

08-31-2016, 07:36 PM

abubakr salih
<aabubakr salih
تاريخ التسجيل: 12-27-2007
مجموع المشاركات: 8633

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: فريد زكريا On Donald Trump (فيديو) (Re: abubakr salih)


    شكرا يا زينب على الفيديوهات،
    طبعا فيها كلام كتير ممكن نتفق عليهو، صحيح انو الديمقراطيين كانوا هم الحزب العنصري و هم الاسسوا الــ KKK في الجنوب. لكن زي ما قلنا الحزب موقفه تغيير. عشان كده خسر الناس العنصريين فى الجنوب. فى نائب شهير كان فترة طويلة ديمقراطي و بعديها قلب بقا جمهوري بسبب انو الديمقراطيين تغييروا و استلم محلهم الجمهوريين.

    ممكن اتفهم موقف اي زول يقول الديمقراطيين ما قاعدين يخدموا الافريكان امريكان ولا غيرهم من متوسطي الدخل و الفقراء. و ممكن افهم موقف زول ما يصوت عديل او يصوت لحزب الخضر رغم ضعف فرصته و انعدامها. دا كلو مفهوم. لكن الما بقدر افهمه ان تصوتو لترمب او الجمهوريين. لانو ديل ما ممكن تصوت ليهم الا اذا كنت very rich او مجرد شخص عنصري معادي للسود و المهاجرين الجدد. ديل ناس فسلين ساكت، هم جدودهم جاؤا من كل بقاع اوربا و سفكوا دماء السكان الاصليين و هسة دايرين يمنعوا الناس من الهجرة؟ جدودهم شالوا فيزا من منو؟ ما قلعوا اراضي الناس بالعنف و الابادة.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

08-31-2016, 10:00 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 07-02-2008
مجموع المشاركات: 7265

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: فريد زكريا On Donald Trump (فيديو) (Re: abubakr salih)

    سلامات يابكور
    ترمب ده مازى الطيب مصطفى ترمب زى البشير
    بس فضل ليهو يقول لينا الحسو كوعكن ويتم الناقصة
    اما حكاية تحت جزمتى دى ترمب قالها لينا بس دلعها شوية
    قال :
    Vote for me what do you have to lose
    اها دى ما ياها تحت جزمتى زااااتا
    زنوبة ,, اللمركان ديل وكت تجى للسياسة احمد وحاج احمد
    وان ضلَم الليل حاج احمد احسن على الأقل يمكن الحج يهذِّبو شوية.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

09-01-2016, 05:22 AM

زينب محمد عبدالله
<aزينب محمد عبدالله
تاريخ التسجيل: 12-25-2010
مجموع المشاركات: 1113

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: فريد زكريا On Donald Trump (فيديو) (Re: عبدالعزيز الفاضلابى)

    تحياتى يا بكور
    اكيد نحن متفقيين على الكثير وانا شخصيا اتفهم غضب الكثيريين من المرشح الجمهورى دونالد ترامب
    لكن هذا الرجل ( دونالد ترامب ) رجل مختلف عن كل السياسيين المعروفيين
    ومعروف ان النفس البشريه تستكين على ما اعتادت عليه وترفض الشئ الجديد عملا بى مقوله ( الجن التعرفو ولا الجن المابتعرفو)

    كتب ابوبكر:

    (( لكن الما بقدر افهمه ان تصوتو لترمب او الجمهوريين. ))

    الاجابه القصيره وزى ما قال البرلمانى السودانى ( حسبو ) كيتا فى الديمقراطيين ههههههه
    لكن انا صراحه عن نفسى لا احب الخداع والنفاق -- اقتلنى بى صدقك ولا تسعدنى بى كذبك --
    السياسه فى امريكا محتكره بواسطه الحزبيين الكبيريين ( الديمقراط والجمهوريين ) ومن صالحهم ان يستمر الوضع
    كما هو دا يرمى الكوره فى ملعب التانى و مصعبينها على اى حزب اخر لانهم هم الذين يضعون الشروط وهم الذين يختارون قضاة المحكمه العليا
    ممكن اذا عندك وقت تطلع على القضيه المشهوره Citizens United against the Federal Election Commission
    عشان تعرف احتكار اصحاب ال Big Money لى اللعبه السياسه فى امريكا
    السياسه الخارجيه فى امريكا ما فيها اى اختلاف بين الحزبيين .. اى رئيس سواء كان ديمقراطى او جمهورى لازم يعلن فروض الولاء والطاعه لى اسرائيل
    بالنسبه للاختلاف بين الحزبين فيما يتعلق بالسياسه الداخليه كالاتى
    1. حق الاجهاض مقابل حق الحياة
    2. حق امتلاك السلاح
    3. حقوق الشواذ
    4. الحد الادنى للاجور
    5. الضرائب
    6. وال Death Penalty
    وهكذا امور .. وصدقنى الاختلاف بيناتهم ليس اختلاف نوع ولكنه اختلاف مقدار
    عشان كدا يا بكور الامور محكمه بى قوة وعصيه على التغيير.. لذا انحنا عايزين زول
    من خارج المؤسسه الحزبيه زول لئيم لا يعرف المجامله يخبت يمين وشمال عسى ولعل
    تحصل هزه او انقلاب يوزن الامور بعض الشئ لكن لو الناخب الامريكى ما شايف اى مشكله فى الوضع الحالى
    عليه بى انتخاب هليرى كلنتون ويا دار ما دخلك شر

    الاخ العزيز الفاضلابى

    كلامك صاح ما فى فرق.. ياهو احمد وحاج احمد
    بس الفرق انو مستر ترامب محارب حتى من الجمهوريين لانو يختلف عنهم وما بقدروا
    يختوا تحت اباطهم نحن غايتو بنشجع الرجل والتحدى مستر ترامب


                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de