إييييييييييييييييييييييييييه برضو بحري أحلا في منتصف تمانينات القرن الماضي وبعد غربة سنتين تم زواجي علي بت (أم أحمد) من بنات أمدرمان (ال 13) ,,, كان ذلك يوم جمعة إلتقي فيها منذ منتصف النهار باصين قادمات من نجوع نهر النيل ,,, باص من الشرق أهل العروس وباص غرب النيل ديل أهل العريس ,,,,, بادي محمد الطيب وسيف الجامعة كانو من تغني ,,,, غايتو سيف الجامعة غنا الفاصل الأول تلاتة أغنيات فيهم الأغنية الأولي رحلة في طيارة رقص فيها العرسان بعد داك إعتذرو ليهو بي حجة الناس ناس بطان وعرضة ,,,, وظل بادي يغني إلي ما بعد أذآن الفجر ,,,, وناس أمدرمان اليوم داك عرفو حاجة ,,,, بعد شهر العسل قعدت إسبوع قبل سفرنا إلي حيث أعمل ,,,, غايتو صاحي كدا ما قدرتا أقعد ساعتين متواصلات في أمدرمان المقولة بتقول ناس بحري ما بحبو إلاّ بحري. تخريمة :- جدي التوم الزبير الله يرحمو بعد ما جيت من شهر العسل منتصف النهار وبعد الغدا ناداني وقعدني جنبو في عنقريبو بتاع المخرته وقال لي أرفع الجلابية دي أنشوف ركبينك (ركبك جمع ركبة) ,,, وأنا مستغربا" رفعتا الجلابية مظهرا" ركبين نضاف وسليمات ما فيهن ولا خدشا ,,,, جدي مصفقا" بيديه متحسرا" وغضبان أسفا" وقال ,,,, علي الطلاق يا ولدي إتا لا عرستا ولا شفتا العرس ,,, يا ولدي العريس في إسبوعو الأول لازمن ركبو تكون ماشا دم ,,,, وبنظرة تحدي أااااااي الدم الواحد دا ,,, وتقول لي أمدرمان ,,, ياخي قوم لف ,,,, طبعا" مافي طريقة تقول ليهو إنو عنقريب الحبل والبرش المفروش فيهو بتاع زمان إستبدلوهم بي عناقريب كنق سايز ومراتب إسفنج ,,, تاكلا في حنانك وتمشي
وكما قال :- تحياتي وإحترامي.
08-03-2016, 01:44 AM
نادر الفضلى نادر الفضلى
تاريخ التسجيل: 09-19-2006
مجموع المشاركات: 7022
Quote: بالملازمين احتفلنا وقدلنا في ود آرو وتمشينا لي ود البنا وكم دندنا مع الفرجوني وود البنا وصوت المغني : (امتى أرجع لي أم در وأعودها) ** اتسامرنا في (( بيت المــال )) .. واستبشرنا بحسن الفــال واتحكرنا قعدنا لعبنا (كونكان عشره ) ** تحت (الدومه) و (ســوق الشجره ) صغار وكبار وبهجة وفال .. وكان في النيــه .. يبقي مقيلنا في دار (الهجــره
قوم لف ما حلوة في أم درمان أمدرمان أصالة وتاريخ وثقافة ، ما تقدر توصف أم درمان في عجالة القصيدة جميلة ورائعة الغريب مع كل كلمة وإسم وحي تلقى ذكرى يا سلام على أم درمان
08-03-2016, 04:28 AM
عثمان عووضة عثمان عووضة
تاريخ التسجيل: 06-02-2004
مجموع المشاركات: 461
ود الزبير ابو حسين دا ما تضيع وكتك معاهو دا ماكل الزغنبوت ياخ😉اصبحنا واصبح الملك لله ... ملحوظة: الزغنبوت هو العصلج المخلوط مع الكفنجيخ وهو مادة شبيهة بالشبنكار
Quote: الليمون في حي البوستــه وباسطــه ( بيِّن) و (باباكوستا) ..
عارف محل الليمون ده وين ؟!
تعرف في الزقاق الورا عمارة محمد حسين .. جنب معمل الباسطة بتاع أخونا الاكبر ولاعب كرة القدم الفذ عادل الأطرش .. في محل ليمون أظنه ولست متأكدا لعمنا قرشي (والد عصمت/عصام قرشي) ...
أهو ده يا خال أحلى ليمون ربنا خلقو .. أحلى حتى من ليمون بزنس والحبيبة تغني لينا وكده :)
08-03-2016, 05:13 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39370
صلاح الزبير إنت متزوج في منتصف ثمانينات القرن الماضي .....؟؟؟ طيب سوق معاك مين كدا عووضة دا بالله و دار المسنين بالشارع الجايي يمين ... قال بحري قال ...
08-03-2016, 05:14 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39370
Quote: قوم لف ما حلوة في أم درمان أمدرمان أصالة وتاريخ وثقافة ، ما تقدر توصف أم درمان في عجالة القصيدة جميلة ورائعة الغريب مع كل كلمة وإسم وحي تلقى ذكرى يا سلام على أم درمان
أقوم ألف في بوسطيني ....؟؟؟ ياخ إنت زول جريئ خلاص .... حا أخليك للزمن ... ياخ أم درمان الكلام عنها ببكي ناس و بغيظ ناس تانين ... صاحبنا زمان سافر مشى بورتسودان قال يمشي يشوف ليه رزق و يلعب كورة هناك بعد ما وصل و ريح شوية كدا طلع المساء مشى ليهو قهوة ... طلب شاي و قبل ما يجيبو ليهو الشاي سمع من أم در يا ربوع سودانا قعد يبكي لم القهوة كلها قعدت تتفرج فيه تاني يوم من الصباح شال شنطتو و على القطر ....
08-03-2016, 05:33 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39370
Quote: ود الزبير ابو حسين دا ما تضيع وكتك معاهو دا ماكل الزغنبوت ياخ😉اصبحنا واصبح الملك لله ... ملحوظة: الزغنبوت هو العصلج المخلوط مع الكفنجيخ وهو مادة شبيهة بالشبنكار
يا زول هوي أنا مستلب ... ثقافتي عربي ....
08-03-2016, 05:35 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39370
Quote: صباح امدرماني دافي جدا وأغبش وحنِيييين يا خال
Quote: الليمون في حي البوستــه وباسطــه ( بيِّن) و (باباكوستا) ..
عارف محل الليمون ده وين ؟!
تعرف في الزقاق الورا عمارة محمد حسين .. جنب معمل الباسطة بتاع أخونا الاكبر ولاعب كرة القدم الفذ عادل الأطرش .. في محل ليمون أظنه ولست متأكدا لعمنا قرشي (والد عصمت/عصام قرشي) ...
أهو ده يا خال أحلى ليمون ربنا خلقو .. أحلى حتى من ليمون بزنس والحبيبة تغني لينا وكده :)
فول عمك صالح و باسطة عادل طروشة ... أخخخخخخخخخخخخخخخخخخخخخخخخخخخخخخخ في الركن الجنوبي الغربي لميدان الحرية كان في عمك بتاع ليمون و شعير .... (الكلام دا كان زمان يعني إنت تكون شافع الزمن داك يمكن لسه ما ولدوك ) تشرب منو كباية بعدها إلا تقعد و تتشهد و تاخد ليك إنجمامة كم دقيقة كدا .... لو ما عملت كدا بتقع في نص الظلط .....
08-03-2016, 05:32 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39370
Quote: قوم لف ما حلوة في أم درمان أمدرمان أصالة وتاريخ وثقافة ، ما تقدر توصف أم درمان في عجالة القصيدة جميلة ورائعة الغريب مع كل كلمة وإسم وحي تلقى ذكرى يا سلام على أم درمان
أقوم ألف في بوسطيني ....؟؟؟ ياخ إنت زول جريئ خلاص .... حا أخليك للزمن ... ياخ أم درمان الكلام عنها ببكي ناس و بغيظ ناس تانين ... صاحبنا زمان سافر مشى بورتسودان قال يمشي يشوف ليه رزق و يلعب كورة هناك بعد ما وصل و ريح شوية كدا طلع المساء مشى ليهو قهوة ... طلب شاي و قبل ما يجيبو ليهو الشاي سمع من أم در يا ربوع سودانا قعد يبكي لم القهوة كلها قعدت تتفرج فيه تاني يوم من الصباح شال شنطتو و على القطر ....
08-03-2016, 05:45 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39370
الحبيب أبو حسين .. مودتي بوست جميل مفعم بالذكريات .. رغم أنني من ضواحي الدنيا ( ضهاري الضهاري ) ومعرفتي محدودة بجغرافية العاصمة .. في وقت مضى زمان .. حضرنا إلى كورس تدريب المعلمين في أمدرمان .. أريد أن أسألك عن مكان كنا نركب منه المواصلات إلى المعهد الحارة الثانية بالنص .. إسمه ( العدني ) هل مازال موجود ؟ هل العدني منسوب لشخص ؟ لأنني كنت استغرب من هذا المسمى ..
مودتي أبوحسين
08-03-2016, 11:32 AM
ياسر منصور عثمان ياسر منصور عثمان
تاريخ التسجيل: 01-16-2013
مجموع المشاركات: 4496
بمناسبة سوق امدرمان في حاجة محيراني المحطة الوسطى دي زمان كانت شايلة بصات وطراحات وناس وصينية في النص مالا هسه بقت صغيرة كده؟؟
كل ما امشي لازم اقيف واحاول القى حل
ههههههههههههههه
أخونا ياسر منصور أهلاً و سهلاَ بيك ف رحاب أم در ..... ياخ المحطة الوسطى د حكايتا حكاية .... قبل سنة تقرباً في أول أيام عيد الفطر مريت بيها الصباح ما تتخيل جبال الزبالة اللي فيها ....!!!!! و في نص الشارع يعني العربات تتزاوغ منها .... المحطة الوسطى دي كانت آية من النظام و النظافة و الجمال ....
أهو بقينا عايشين على الذكريات ....
08-03-2016, 02:28 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39370
Quote: الحبيب أبو حسين .. مودتي بوست جميل مفعم بالذكريات .. رغم أنني من ضواحي الدنيا ( ضهاري الضهاري ) ومعرفتي محدودة بجغرافية العاصمة .. في وقت مضى زمان .. حضرنا إلى كورس تدريب المعلمين في أمدرمان .. أريد أن أسألك عن مكان كنا نركب منه المواصلات إلى المعهد الحارة الثانية بالنص .. إسمه ( العدني ) هل مازال موجود ؟ هل العدني منسوب لشخص ؟ لأنني كنت استغرب من هذا المسمى ..
مودتي أبوحسين
أخونا و حبيبنا علي شرفت أم در يا راجل يا طيب ... العدني في أول شارع كرري و اللي بعض الناس بقولو عليهو شارع العدني و عدني نسبة إلا عدن في اليمن و هو إسم الراجل صاحب المحل.... في الموقف دا كانت باصات الثورة بالنص باللون الوردي و باصات ودنوباوي ود البصير باللون الأخضر الغامق و باصات ود نوباوي شارع الدومة بالله شفت الدلع دا كيف ...؟؟؟؟ شارع ود البصير و شارع الدومة المسافة بيناتهم حوالي 350 أو 400 متر كان عندهم مواصلات منفصلة ......!!!!!!!!!! و الموقف دا في سوق الجلود غرب موقف الباصات مباشرةً و أكيد في زمنكم داك كان موجود ....
تحياتي و إحترامي
08-03-2016, 02:57 PM
جلالدونا جلالدونا
تاريخ التسجيل: 04-26-2014
مجموع المشاركات: 9665
يا جلجل استاد المريخ و سوق الشجرة ديل جيتم بي هيلوكبتر ... ؟؟ اكيد مريت بي واحد من الكباري و شارع الموردة و شارع العرضة و المجلس البلدي ابو ساعة ... و دار الرياضة ام درمان و حوش الخليفة و بيت الأزهري ... و عيييييييك ...
و ياخ قوم لف
08-03-2016, 09:10 PM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
Quote: صلاح الزبير إنت متزوج في منتصف ثمانينات القرن الماضي .....؟؟؟
يابني أنا كتا قدام خالك قباني بي سنة ,,,, والحمد لله أكبر حفيد (عندي تلاتة) في تانية إبتدائي عقبال حسين يعرس إنشاءالله وتشوف جني جناك وهي متعة لاتحدها حدود. لكن برضو بحري أحلي ,,,,,,
08-04-2016, 05:49 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39370
Quote: يابني أنا كتا قدام خالك قباني بي سنة ,,,, والحمد لله أكبر حفيد (عندي تلاتة) في تانية إبتدائي عقبال حسين يعرس إنشاءالله وتشوف جني جناك وهي متعة لاتحدها حدود. لكن برضو بحري أحلي ,,,,,,
طمنتني ياخ ......
08-06-2016, 06:26 AM
عثمان عووضة عثمان عووضة
تاريخ التسجيل: 06-02-2004
مجموع المشاركات: 461
جلالدونا یاهذا ارعی بي قيدك ياهذا هذا البوست للمثقفين المستنيرين وليس المونساتية يا هذا اعرض عن هذا ياهذا اتق الله الذي خلقك فسواك ياهذا قوم لف ياهذا. يلا نجري قبل. الزول المطرطش. دا يجي👅💃🙋
08-04-2016, 10:15 AM
ياسر منصور عثمان ياسر منصور عثمان
تاريخ التسجيل: 01-16-2013
مجموع المشاركات: 4496
بالرغم من اني ود الخرطوم في السبيعنات ونحن لسه طلبه .... كنا بنمشي نقعد في حديقة الريفيرا .. ايام الزمن الجميل ... ( ونعم الطلبة ) وتقولي شنو ..وتقولي منو ....
08-04-2016, 11:42 AM
ياسر منصور عثمان ياسر منصور عثمان
تاريخ التسجيل: 01-16-2013
مجموع المشاركات: 4496
الليلة يا ام درمان بشوف كل المدن في توب سماحتك تنهجك وعشق المدن توّر علىّ جرح الغرام كل المدن في توب سماحتك تنهجك زهت الفتيحاب بالشمش واتبسمت بانت على وش أب كدوك والعرضة غنت من مطامير الحقيبة الصادحة هم ما بشبهوك ..... واتلملمن بنوت فريق القلعة غنن من شعر ناس ابو صلاح يا الله لزمني الجراح واجعلني مطلوق السراح نحن في الضفة الشرقية للنيل البفصل بينا وبين ابروف .. وانت طالع كبري شمبات يمينك مباشرة شمبات وما ادراك ما شمبات
08-04-2016, 01:01 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
تبدأ من وين ؟ من بقعة المهدي ودا كان اسم امدرمان القديمة .. ونهضت بجيلها واتفكفكت من حصار ومقص عبدالله التعايشي الكان مانع الغناء والحفلات والسجاير والسعوط بدأت فيها الرميات والدوباي ورميات محمد ودالفكي سليل كبوشية واحمد ودبعشوم ودخلنا الى (مرجان) مبتدع ومؤسس (النقرزان) ورويدا رويدا الى سرور وحادثتو في (ودالبنا) وكان راجع من الحجاز بعد اداء فريضة الحج .. وقابلوا الملك عبدالعزيز طيب الله ثراه واهداهو ساعة دهب ومسدس و(بشت) جبة يعني والحفلة عجاجة في السماء كل الناس في اتبساط .. وسرور بى صوته (البارتون) كان بياسر الاسماع والقلوب شوية الحفلة هدأت والناس ارتبكت وسكتت زي كأنو مطرة صبت .. دخلوا ناس غير مرغوب فيهم وهم عتاة مجرمي ورباطة والهمباتة بتاعين امدرمان القديمة .. كانوا بفرتقوا اي حفلة وبعملوا الدايرنو .. وفيهم العتاولة ناس ( اللبخ ) و ( كبس ) وجماعتهم وهو يدخلوا فاردين صدورهم وعصيهم واحجامهم المهولة .. وسرور مواصل في الغناء وساعته الدهبية تلمع .. واول ما الهمباتة ديل استلموا الدائرة اوقف الغناء واخرج مسدسه واطلق رصاصة في الهواء .. ومن يومها لم يظهر اي من الرباطة في اي حفلة من حفلات امدرمان
حبيبنا أبوحسين .. بوست جميل .. الحبيب سوف أخوض في موضوع غريب شوية : كانت هناك علاقة بين جزيرتي في ضواحي الدنيا ( أرتقاشا) وبين أمدرمان وهي علاقة في غاية الحميمية وخاصة مع الموردة .. حيث دائرة الادارسة .. لأن الشيخ الحسن الادريسي كان قصره في أرتقاشا ومقامه هناك وتزوج من ملوك ارقو وخلف كل ذريته هناك .. ولا اعرف لماذا إختار هذا الشيخ الجليل تلك البقعة النائية من الدنيا في ريفي دنقلا للاقامة فيها مع أن جده السيد عبدالعال كان في دنقلا المدينة ومازال مسجده هناك ( ربما للخلوة والاعتكاف ) .. فكان السيد الحسن يتنقل بين أمدرمان وارتقاشا .. فكهذا أصبحت هناك حميمية بين الموردة وارتقاشا .. وفي الموردة ( دائرة الادارسة ) وخاصة ضريح ( سيدي الحسن ) ومازال قصرهم في وسط جزيرتنا ( أرتقاشا ) واملاكهم وسواقيهم والجنائن النخيل .. وإنتقلت الخلافة إلى ابنه محمد الحسن الادريسي ( رحمه الله ) فكان أهلنا على دوام في ذلك زمان من موقف بصات ولواري دنقلا في أمدرمان إلى الموردة دائرة الادارسة مباشرة .. وأذكر كان هناك كثير من إخواننا طلبه في المعهد العلمي ومدرسة محمد حسين الثانوية ( إذا صح المسمى ) وكان السيد/ محمد له باع طويل في الدولة وفي تسهيل أمور أهلنا في دوائر الحكومية والمدارس وغيرها .. لم نكن نعرف باقي أمدرمان ولكن إرتباط أهلنا كان بتلك الدائرة .. وبالمناسبة قبل سنوات قليلة توفيت ( الست إللقية ) أم الادارسة وزوجة السيد حسن الادريسي ربما عاشت فوق المائة عام وآلت الخلافة بعد محمد إلى عبدالعال والآن ربما هناك الدكتور عبدالوهاب التازي إبن الادريسي .. المهم كان أهلنا يحضرون بكثرة إلى مدرمان حتى الحجاج أيام نميري خاصة كان يجمعوا جوازات سفرهم عند السيد محمد وتأتي التأشيرات جاهزة إليهم .. وكان هناك أهل كرماء ورجال من ذوي المروءة من محبي الادارسة من أبناء منطقة قري .. لا ننسي فضلهم وكرمهم حتى أصبح إسم (قري ) معروفة لدى أهلنا وبرمزية الكرم والاصالة ..
الحبيب أبوحسين .. تغيرت الأحوال .. ولكن مازال الادارسة في وضعهم .. فقط ضاع زمن الاباء وأصبح الاجيال الحديثة في وادي آخر .. كنت مرة في حديث جانبي مع أحد الاخوة المتواصلين مع الادراسة وقال لي : أن منزل فوز تلك المناضلة التي جمعت الثوارومنهم خليل فرح دخلت ضمن دائرة الادارسة بالشراء ..
مودتي أبوحسين .. هذا السودان عجيب وغريب .. وهذه علاقة جزيرة نائية داخل النيل مع أمدرمان ..
08-04-2016, 05:06 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39370
Quote: خيرات الظافر الحاج نقد الله اجزخانة لطفي اجزخانة ابو نخلة اللحوم الافريقية ميامي استديو امين بنك الوحدة
و... و...
ايااااااااااااااااااام
ياسر ما تخم الناس ياخ.... وين التمنة ....؟؟؟؟؟ من الناحية الشمالية فاتحة جنوب .... واحد من الجزارين جاهو واحد عامل فيها قليل أدب الجزار بي جوه و هو بي بره مفتكر نفسو في مأمن يقل في أدبو الجزار طول ليهو بالو كتيييييييييييييييييير و داك يقل في أدبو الجزار عارف لو مشى ليه بي بره داك ما بقيف... الجزار مسك مركوبو (ماشاء الله ) و فكاهو فيهو خبتو ليك في راسو .... الراجل وقع غمران ... مافي أي حركة الجماعة خمو الراجل و جري للتمنة ... قعدوا في كرسي قدام المتحري و يصحصحوا فيه لكن بدون فايدة ... الجماعة حكوا للمتحري الحصل ... قال ليهم بجي أسي براهو .. دقيقتين الجزار جاء داخل ... العسكري سلم عليه و سألو في شنو ...؟؟؟ الجزار قال ليه الزول قليل أدب يشتم فيني بدون سبب... زعلني شلت المركوب ضربتو بيه أخونا الغمران فتح مع شلت المركوب ضربتو بيه دي قام يكورك... و الله ما ضربني بالمركوب ....!!!!!! العسكري قال ليهو ضربك بي شنو ...؟؟؟؟ و الله يا جنابو ضربني بالدرج ....
08-04-2016, 05:13 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39370
و المحطة الوسطى برضو فيها موقف الطرحة بتاعة الخرطوم الخرطوم بحري أبو روف الثورة بالنص الثورة بالوادي و فيها محلات الأقمشة من الناحية الجنوبية ستوديو الدار البيضاء كافتيريا فيتال و في أول شارع أبو روف ستوديو الوادي
كانت نضييييييييفة و ترابة واحدة ما فيها ....
08-04-2016, 05:36 PM
عثمان عووضة عثمان عووضة
تاريخ التسجيل: 06-02-2004
مجموع المشاركات: 461
بالرغم من اني ود الخرطوم في السبيعنات ونحن لسه طلبه .... كنا بنمشي نقعد في حديقة الريفيرا .. ايام الزمن الجميل ... ( ونعم الطلبة ) وتقولي شنو ..وتقولي منو ....
و عليكم السلام يا مجيدو أقول ليك حاجة إنت زاتك ما بتشبه ناس أمدرمان ناس أمدرمان سمحين ياخ و إنت زول شين .....
عالم بطالة شديد ... الرفيرا دي زمان كان بتتعمل فيها الإحتفالات المدرسية بتذكر مرة في شتاء قارص كانت فيها واحدة من الإحتفالات و خاتين كمية مهولة من البراميل مولعين فيها نار للتدفئة .... أسي البلد خيران لتصريف مياه الخريف ما فيها ....
عالم بطالة فعلاً...
08-04-2016, 06:30 PM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
عمك قرشي يا ياسر والد الصديق عصام قرشي (معروف لدينا كذلك بعصمت قرشي) وعصمت هذا رجل كارثي بصورة جميلة جدا .. كثيرا ما كان يزورنا في كلية الصيدلة .. واذكر له موقفا ما زال يضحكني كلما تذكرته .. فلقد كان صباحا خانقا جدا والسخانة الف عندما صادف عصمت أحداهن وكانت بارعة الجمال يا شيخنا وفي زيارة لنا في الكلية .. اصابت هاء السكت صاحبنا عصمت فلم ينبس ببنت شفه وحتى أعلنت تلك الجميلة عزمها الذهاب لمستشفى الخرطوم .. من (خفتنا الشديدة) آنذاك قمنا كلنا نقدمها لى خشم باب الكلية .. (هل ذكرت لكم أنها بارعة الجمال ؟) .. المهم تبادلنا تحايا الوداع وهمت الفتاة بقطع شارع القصر المزدحم جدا, فما كان من عصمت الا أن تقدم ووقف في نص الشارع كأمهر عسكري للمرور وأجبر كل العربات على الوقوف قبل أن ينحني بطريقة مسرحية جدا للفتاة ويشير لها بأن تعبر !!!!
طبعا لن تكتمل القصة قبل الاشارة للكم الهائل من السباب والبوري والنرفزة التي أصابت اصحاب العربات
بار عبير ده أحد اجمل ضحايا قوانين سبتمبر كما كان ليصفه رواده .. وكان قائما في الناصية الجنوبية الغربية المقابلة لبوستة أمدرمان .. وما زلت أذكر لافتته .. فبجواره تماما كانت هناك مكتبة عامرة .. (كشك حديدي ولكنه يعدل بموازين هذا الزمان مكتبة جرير ) ولقد اقتنيت اغلب كتب طفولتي من تلك المكتبة يا أستاذنا .. فما زالت رائحة مجلاتها ورواياتها عالقة بانف قلبي !!
08-06-2016, 11:22 AM
عثمان عووضة عثمان عووضة
تاريخ التسجيل: 06-02-2004
مجموع المشاركات: 461
حبيبنا أبوحسين .. مودتي ===== حفيد الشيخ ( شودانتود ) عووضة .. سيرناقمي شوف يا عووضة جزيرتنا أرتقاشا لها عمق في أمدرمان من ناحية الادارسة .. إنتو ( شودانجي والزياداب ) معقول ما عندكم علاقة بأمدرمان .. ===========
أبوحسين الحبيب أنا شرحت هذه التوأمة في مداخلة فوق علاقة جزيرتي في الضواحي الدنيا مع أمدرمان عن طريق الادارسة طال الزمن مما زرنا الادارسة في الموردة لكن الجميل أن هذا الوطن مترابط مع بعضه مودتي .. المداخلة فوق ========== مودتي بوست جميل لنتعمق فيه ..
08-07-2016, 11:44 AM
ياسر منصور عثمان ياسر منصور عثمان
تاريخ التسجيل: 01-16-2013
مجموع المشاركات: 4496
مقهى (قهوة) يوسف الفكى مرطبات الدانوب جوار بنك الخرطوم مواجه المحطة الوسطى محل باسطة الطيب سيد المكى بمكى (باسطة وكنافة بالسمنة اليلدية) محل ياسطة وردى بشارع أبوروف قرب ود أرو .. (نفسه وردى أحد ظرفاء دار الرياضة أمدرمان) محل مرطبات برعى المصرى بمكى ود عروسة بشارع أبورروف (شعير وأيسكريم ما حصل) فول أحمد سعد قصاد القسم الشمالى (فول حتى ساعات متأخرة من الليل) فول الجان .. خلف جامع السيد عبد الرحمن المهدى بوفية السليمى بود أرو . الفول المصلح
معهد القرش الصناعى بالملازمين وكلية المعلمات ومستشفى الدايات وفاربيتر بالملازمين
العدنى منسوب لعدن (يمنى) ويا حليل اليمانية وسيرة السوق: سوق النسوان سوق العناقريب سوق الصاغة سوق الأناتيك سوق الزنك .. اللحمة والخضار محلات الجملة ناس الظاهر محلات رسمى أخوان للأقمشة
08-07-2016, 07:09 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39370
حبيبنا علي عبد الوهاب ياخ إت عارف مكانتك عندنا و عارف إحترامنا و تقديرنا لي كل حرف تخطه يدك .... كل بوستاتي و بوستات أصحابي حلالك .... كتير من أهل أمدرمان يا علي مربوطين بي جذورهم و أجدادهم إنت قايل الحنية و الطيبة دي الناس بتتعلمها من وين.....؟؟؟؟ ياها خنية الحبوبات و طيبة الأجداد يا حبيبنا ....
الله يديك العافية
تحياتي و إحترامي
08-07-2016, 08:03 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39370
Quote: فبجواره تماما كانت هناك مكتبة عامرة .. (كشك حديدي ولكنه يعدل بموازين هذا الزمان مكتبة جرير ) ولقد اقتنيت اغلب كتب طفولتي من تلك المكتبة يا أستاذنا .. فما زالت رائحة مجلاتها ورواياتها عالقة بانف قلبي !!
الكشك دا شالوه من محلو داك قبل 50 سنة إنت كنت بتمشي ليه و عمرك كم ....؟؟؟؟؟
Quote: فما زالت رائحة مجلاتها ورواياتها عالقة بانف قلبي !!
و الله كنا زي المدمنين ..... المجلة إلا تشتريها جديدة و أول ما تشتريها تشمها و تجر ليك نفس عمييييييييييييييييييييييييييق .... و الله أيام يا زمان ...
08-07-2016, 09:36 PM
محمد نور عودو محمد نور عودو
تاريخ التسجيل: 01-08-2013
مجموع المشاركات: 6325
سلامات الاخ ابوحسين وضيوف البوست امدرمان مدينة معالم وتاريخ اسمحوا لي اضيف بعض معالم امدرمان لبوستتك الجميل .
الطابية إذاعة امدرمان مسجد النيلين جامعة امدرمان الاسلامية البرلمان المجلس الوطني السلاح الطبي سلاح المهندسين مركز شباب امدرمان قصر الشباب والاطفال ميامي بنك الخرطوم ترزي المهداوي مركز فيصل الرياضي ترزي توتو في سوق الموردة الكوتش خور ابوعنجة الكرنتينة الملجة وزريبة العيش مطعم الرياضيين للصحفي ميرغني ابوشنب مطعم القرشي للقراصة لناس عصام قرشي البوستة استديو الافراح استديو مصطفي جنب مستشفي التجاني الماحي مرطابات الباذار شارع الموردة حلويات يوسف الفكي حلويات قنجاري حلويات حجير ميدان المولد في البحيرة ميدان الربيع ميدان المولد حوش الخليفة الطيب خوجلي للعجلات عمارة كباشي عمارة الجزلي عمارة محمد حسين عمارة المحاميين وكالة سام مدرسة المؤتمر الثانوية مدرسة بيت الامانة الثانوىة مدرسة محمد حسين الثانوية مدارس الدوش مدارس الضو حجوج مدرسة اسماعيل الازهري مدرسة الكتيابي مدرسة حي العرب مدرسة الاهلية نادي المريخ نادي الهلال نادي المورد نادي التاج نادي الزهرة نادي العرضة نادي ابو روف نادي الضباط نادي الربيع نادي بيت المال نادي الهاشماب محلات الصعوط سورج الجوهرة النو
وتحياتي ودمتم بخير انت وضيوف البوست
08-08-2016, 05:05 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39370
Quote: حبيبنا أبوحسين .. مودتي ===== حفيد الشيخ ( شودانتود ) عووضة .. سيرناقمي شوف يا عووضة جزيرتنا أرتقاشا لها عمق في أمدرمان من ناحية الادارسة .. إنتو ( شودانجي والزياداب ) معقول ما عندكم علاقة بأمدرمان .. ===========
أبوحسين الحبيب أنا شرحت هذه التوأمة في مداخلة فوق علاقة جزيرتي في الضواحي الدنيا مع أمدرمان عن طريق الادارسة طال الزمن مما زرنا الادارسة في الموردة لكن الجميل أن هذا الوطن مترابط مع بعضه مودتي .. المداخلة فوق ========== مودتي بوست جميل لنتعمق فيه ..
حبيبنا علي و الله مترابطين و طيبين و ناس حنااااااااااااااااااااااااااااااااااااان ..... ملعون أبو السياسة الزرعت فينا المشاكل و المحن ... لكن الحمد لله الطيبين لسه في و الناس الفيهم المحنة الكتيييييييييييرة ديك لسه موجودين و ديل هم اللي أملنا فيهم يرجعونا لي أيام زمان ...
تحياتي و إحترامي يا زول يا طيب
08-08-2016, 05:08 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39370
Quote: الطوخي الزيات عباس رشوان هريدي اجزخانة النصر ود الاغا جوج مشرقي المكتبة الوطنية
بـاتـا فاتحة على الجامع الكبير من الناحية الغربية و عندك ناس الحاج أبو ورقة أبو سلامة و الساعاتية في البرندات من الناحية الغربية و تجي جنب جورج مشرقي إجزخانة إبراهيم و فوق ليهم مطعم السطح
08-08-2016, 05:22 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39370
عشان نكمل ميدان الحرية كانت فيه مكتبة الحرية من الناحية الشمالية فاتحة جنوب و جنبها كان بقيف عمكم بين بتاع الباسطة و كان في زقاق جنب مكتبة الحرية بدخلك في إتجاه الشمال فيه مطاعم و مقاهي و في الطرف كانو أولاد ملاح و برضو في عدني (صلاح سالم) كان في الجهة الجنوبية في الركن و إنت طالع على الإرسالية و كان عمك عبدالسلام الحلاق و عمك عبدالمجيد في الكشك بتاع الجرايد في الركن الجنوبي الغربي
08-08-2016, 06:29 AM
ياسر منصور عثمان ياسر منصور عثمان
تاريخ التسجيل: 01-16-2013
مجموع المشاركات: 4496
سلام مجددا يا احباب بيت الزعيم اسماعيل الازهري نادي الخريجيين كلية الاحفاد الجامعية جامعة الاحفاد الارسالية شيوخ الطرق الصوفية الشيخ حمد النيل الشيخ ابوكساوي الشيخ ابوزيد الشيخ الهدية الشيخ التقلاوي
08-08-2016, 11:47 AM
ياسر منصور عثمان ياسر منصور عثمان
تاريخ التسجيل: 01-16-2013
مجموع المشاركات: 4496
محمد نور تحياتي ... يازول انت داير مشاكل :) خاتي شيخ الهدية و شيخ ابو زيد مع شيوخ الطرق الصوفية ؟ شيل شيلتك .. و غير انك نسيت الشيخ الفاتح قريب الله و الشيح دفع الله الصائم ديمة و كمان شيخ الامين :)
08-08-2016, 09:35 PM
محمد نور عودو محمد نور عودو
تاريخ التسجيل: 01-08-2013
مجموع المشاركات: 6325
سلامات وليد دواش وين يا رجل يا طيب يا اخوي نعتذر ونطلب العفو والعافية من شيوخ وناس الطرق الصوفية في امدرمان وربنا يديهم الصحة والعافية ودمت بخير انت اسرتك تحياتي
08-08-2016, 12:14 PM
ياسر منصور عثمان ياسر منصور عثمان
تاريخ التسجيل: 01-16-2013
مجموع المشاركات: 4496
حبيبنا أبوحسين .. مودتي .. بوست جميل .. يمكن إضافة حكايات عن الشخصيات في أمدرمان .. ( غير المشهورة ) ظرفاء المدينة .. مشجعي الكورة .. فنانين الاحياء .. شخصيات شعبية ... إلخ لأن هناك من امثالنا من لم يعايشوا مثل هذه المجتمعات .. حتى اذا كانت قصص الدراويش والمتفلتين .. الفنانين غير المعروفين .. ( خلاصة الحواري )
واصلوا ونحن متابعين
08-08-2016, 04:45 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39370
سينما الوطنية سينما أمدرمان و بيناتم طلمبة أجب غايتو سينما الوطنية في واحد كان بتاع تسالي أسود بقيف قدام البوابة لو ما إشتريت منو تسالي زي كأنك ما دخلت السينما زاتو كان عندوا طبق التسالي بتاع السعف و الطبق قاعد في مقعد طوووويل يعني الراجل بكون واقف و التسالي في مستوى سدرو قريب منهم عمارة محمد حسين و عمارة الحرية و قدام شوية مدرسة وادي سيدنا و الأميرية و جوه شوية عيادة دكتور مكي الشيخ
08-08-2016, 09:25 PM
waleed dawash waleed dawash
تاريخ التسجيل: 06-04-2007
مجموع المشاركات: 1541
علي عبد الوهاب تحياتي مقترحك جميل ..لانه هناك الكثير من القصص و الحكاوي و الطرائف بنسمعها من اهلنا ا لكبار و اصدقائهم لكن في اطار ضيق و تحتاج لجمعها و نشر ما يصلح منها للنشر ... و ايضا كما قلت فقد كان هناك افداد في الكرة و موهوبين في الفن لكنهم لم يشتهروا و دلك لاسباب مننها مواقف تستحق الوقوف عندها و منها ظروف حالت دون ظهورهم
08-08-2016, 11:04 PM
elsawi elsawi
تاريخ التسجيل: 06-13-2003
مجموع المشاركات: 4340
سلام يا ابوحسين و سلامات لضيوفك و شكراً على البوست الممير الذي يحمل الكثير من الزكريات اللأم درمانية الجميلة
كان في مكتبة (دكان عديل ما كشك) تقع شمال عمارة محمد حسين و قصاد البار البعد سينما الوطنية، ما متذكر اسم المكتبة لكن اشتريت منها اول علبة هندسة في حياتي، المكتبة عاملة زي النفق و رفوف الكتب و الأدوات المكتبية عالية وعلى اتساع الحائطين
08-08-2016, 11:44 PM
جلالدونا جلالدونا
تاريخ التسجيل: 04-26-2014
مجموع المشاركات: 9665
هوى يا ناس دقيقة و كدى زحّو لى من ود عودو الكلام ده جبتو من وين
Quote: امدرمان مدينة معالم وتاريخ اسمحوا لي اضيف بعض معالم امدرمان لبوستتك الجميل .
ياتو مدينة و ياتو تاريخ ده .. انت قايل امدرمائيل دى عمرا كم .. كلها 132 سنة و سبعة شهور و 15 يوم و تلاتة ساعات و كم دقيقةو حبة ثوانى فقط لا غير و مال البركل و نورى و البجراوية و دنقلا القامت عليها حضارة كوش يقولو عليها شنو غايتو يا ود عودو عاد ما بالغتااااااااااا .. حتى فى التاريخ عايزين تتسلّبطو شوف يا ود عودو ان عدتم لى كلامكم الما ياهو ده عدنا و بأيدينا الطوب اللخدر قال تاريخ قال _____ يا ريت اخونا الاستاذ عادل امين لو يمر بى هنا و يوريكم المكشن بلا بصل يا مستزرعين __ صاحبنا ود عووضة الذّ ما فى انقليزيتو حواجبو و تنكرو البقى ليهو ذى حذاء الطمبورى
08-09-2016, 09:46 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39370
اعتقد توكيل العجلات كان حق ناس سليمان صالح خضر لو ما كورتي فكت
ههههههههههه
قي دي ما أقدر أقييم كورتك ... انا ما بعرف إسمو أصلاً لكن متذكر كنا بنجي نشتري منو العجلات و كانت الرالي الحمراء دي قمة المنجهة .... كنا بنشتغل في الإجازات و قبل نزول المدارس بنشتري بي قروشها العجلة طبعاً بعد مساعدات من الأهل ...
و جنبو الطوخي كنا بنشتري منو شختك بختك العلب الصغيرة و جواها الهدايا و برضو بنشتري منو الكرتلة
08-09-2016, 10:41 AM
ياسر منصور عثمان ياسر منصور عثمان
تاريخ التسجيل: 01-16-2013
مجموع المشاركات: 4496
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ABUHUSSEIN
Salah Zubeir
نادر الفضلى
عثمان عووضة
عزالدين عباس الفحل
محمد حيدر المشرف
ياسر منصور عثمان
علي عبدالوهاب عثمان
جلالدونا
محمد مجيدو
Ahmed Yassin
اسامه العريفي
محمد نور عودو
waleed dawash
elsawi
فيس بوك
تويتر
انستقرام
يوتيوب
بنتيريست