|
|
|
 Re: خليل بيك (Re: محمد البشرى الخضر)
|
مسّكة زوجتو قالت لجارتها في ونسة قهوة ضحوة في ضل نيمة قدام بيوت النقل النهري بكوستي:
تعرف يا ست البنات، يا أخوي، خمسة وستين لمان القطر جابني هنا كوستي دا، العربي دي كنت بعرف فوقو غير الحمدو وقل هو الله أحد، بس كلمة واحد
ست البنات قالت ليها قول زول متابع: شنو الكلمة السعيدة دي؟
- كنت بعرف فقط كلمة الحمار
ست البنات ضحكت لحدي ما سكر القهوة عشرقها، بعد قشت دموعها قال ليها بلكنة المحس:
محس دا حقار خلاص، إشمعنا يا أخينا بس الحمار؟
| |
 
|
|
|
|
|
|
|
|
Re: خليل بيك (Re: أبوبكر عباس)
|
مرحب بالحكم بشرى،
وأنا بكتب قلت حقو أعمل لي (قلطة) إملائية أجهجه بيها رمل توقعك "الإلحادي" وأديك فرصة مداخلة متماسكة تضيف لمكتبة "زوووط الرمضانية" مشاركة جديدة.
| |
|
|
|
|
|
|
|
|
|
Re: خليل بيك (Re: أبوبكر عباس)
|
أبدا والله ما كدا
القصّة وما فيها من ما لخّاك كمال عباس في بوست المحكمة وجلطة بوستك عن كوزنة عمر دفع الله لرشاقتك مع ملهم وغيرهن قلت أكيد يا ح يرفع بوست دينا يا يطلع ببوست حكاوي و حجى جديد كنوع من الدامج كنترول بعد الأداء التعبان المخيّب للآمال دا
وما خيّبت توقعاتي 
| |
|
|
|
|
|
|
|
|
Re: خليل بيك (Re: أبوبكر عباس)
|
تعود علي برنامج زي القطر، النقل النهري البيت النقل النهري. يوم واحد في الشهر بمشي بار زوزو بجيب ليهو اطناشر قزازة جن.
كل يوم بعد العشا أو العشا - أيهما سبق الآخر- بتمّر كبايتو وبطلع القزازة وبشرب نص وينوم في الحوش.
ستة يوم في الاسبوع نفس البرنامج.
يوم الجمعة البرنامج: تجمع محسي في الفطور على انغام التيركينج، العصر بشرب الشاي مع مسكة وأخوها محمّد صالح البرهاني وبالليل السنة بضم السين.
| |
|
|
|
|
|
|
|
|
|
Re: خليل بيك (Re: أبوبكر عباس)
|
يوم خميس نص النهاركغير العادة محمد صالح دقّ الباب لأختو، فتحت ليهو وقالت ليهو بالرطانة:
وا شليلي مهمد ساليه، أمي ماتت؟!
قال ليها: يا وليه فال الله ولا فالك، جيت استلف منك شويّة عدّة، الليلة عندنا عشا بالزاوية علي شرف مولانا محمّد عثمان عبدو البرهاني شخصيا
قالت ليهو متمتمة: صلى الله عليه وسلم
| |
|
|
|
|
|
|
|
|
|
Re: خليل بيك (Re: جلالدونا)
|
اتمنى نشوف اخرة طعامة الحكي ما نلقاك قفلتو او سحبتو ..
من دقارات الجميعابي البي فوف ونبيل علي البي تحت..
واصل يا اخي ايه الدنيا غير حلاوة وطعامة الحكي المبهول بي تلقائية ..
| |
|
|
|
|
|
|
|
|
|
Re: خليل بيك (Re: علي دفع الله)
|
| Quote: عندنا عشا بالزاوية |
بالزاوية ؟
انا ما قلت ليك يا بكور كلام الخلايجة ده خلو ...
لما تجي تألف ياخي حاول تفكر بالسوداني ...
| |
|
|
|
|
|
|
|
|
|
Re: خليل بيك (Re: يحي قباني)
|
أحداث هذه القصة حقيقية
حكاها لي زول في الدوحة عن أبوهو
أضفتا ليها بعض الرتوش وتغيير في الاسماء
محمّد صالح رجّع أختو بيتها وفي الطريق كانوا كاضمين.
دخلت البيت لقت صاحبنا طلع سريرو وبتمّر في الكباية
جلست في عنقريب بعيد تتابع فوقو
كبّ الكاس الأول
قرّب الكاس من خشمو ورجع عاين ليهو وكشحو في التراب.
مشى مصمصم الكباية، ورجع تمرا وشال الجن فحصو في النور
ملا الكباية، قربا لخشمو، رجعا ومشى عاين ليها في النور، كف كشحا في التراب
تكرر الموقف لحدي ما كمّل قزازتين جن.
بعد القزازة التانية كملت في التراب؛ قعد يتلفت بخوف، ثم تحصن، وجرّ بطانيتو.
لأول مرّة من عشرة سنين ينوم يوم خميس بايت القوى في كوستي الرديف!
كلما يكشح ليهو كاس في التراب، مسكة تمتم ب:
حي قيوم
حي قيوم
| |
|
|
|
|
|
|
|
|
|
Re: خليل بيك (Re: حيدر حسن ميرغني)
|
نسيت اقول انو قبل كده في واحد قال لشاعرنا المجيد فضيلي جماع مقللا من شأنه " لو ما سودانيز اونلاين دي .. ماكنت اعرفك شاعر زاتو "
واصل
| |
|
|
|
|
|
|
|
|
|
Re: خليل بيك (Re: أبوبكر عباس)
|
من الستينات لحدي التسعينات كان البيك هو المنشد الأول للأحباب البرهانية بكوستي،
جابو ليهو محمد عثمان، شيخ إبلراهيم وشاذلي وشاذلية
وظل مواظب حضور الحولية السنوية في إبريل لسيدي مولانا الشيخ محمد عثمان عبدو البرهاني جنب ميدان سباق الخيل بالخرطوم.
الغريبة يا شيخ علي، الشقة الحكوا لي فيها السالفة دي، هي نفس الشقة الكان ساكن فيها قبل أربعة سنين كادر خطابي من أولاد الجبهة الديمقراطية أيام الديمقراطية بجامعة الخرطوم، اسمو عبد اللطيف
حكي لي قصتو الغريبة الخلتو يتحول لصوفي ومريد للشيخ المكاشفي سيد القوم أبو عمر.
بعد عزم لي في موية جايبنها من السودان من حفير سيدي الشيخ وأوصاني أوصلها لشقيقي المريض،
قلت ليهو: الحصل شنو يا عبد اللطيف؟
قال لي: أقعد أحكيك قصتي، ما بتصدقها، لكن بحكيها ليك.
| |
|
|
|
|
|
|
|
|
|
Re: خليل بيك (Re: امجد الجميعابى)
|
| Quote: واستعين بأهل العلم الزيكم يكتبوا لي الحوار بالرطانة |
بكور بطل زعل ياخ نجي متابعين ومشاركين ليييك وانت حبيبينا
وبعدين ياخ الرطانة ماعندنا بيها علم ولا بحوث شغلت بيوت وتعليم اجباري . ياخ ناس احمد واخوانه في البيت محتاج لي مترجم معاهم عدييل
| |
|
|
|
|
|
|
|
|
|
Re: خليل بيك (Re: أبوبكر عباس)
|
عبد اللطيف من الكوادر الخطابية للجبهة الديمقراطية جامعة الخرطوم أيام الديمقراطية.
إلتقيته قبل خمس سنوات بالدوحة
أصبح صوفيا مخلصا من أحباب سيد القوم الشيخ المكاشفي
حكى لي نقطة مفترق طرقه التي جعلته يسلك الطريق، قال لي:
ذهبت إلى الاردن (أو سوريا لا اتذكر) بصحبة مريض للعلاج
| |
|
|
|
|
|
|
|
|
|
Re: خليل بيك (Re: muntasir)
|
حا أحكي قصتو كما أتخيلها أنا وليس كما حكاها.
في النهاية بحافظ على نفس المعنى.
لو حكيت لي قلت لي لاقيت صديقنا المشترك عوض الزين في السوق الجديد.
ظوالي الحادثة دي بترسخ في خيالي ب:
الزول دا لاقى عوض الزين جنب زنكي الخضار الجنب العياشة، وعوض قايد عجلتو الرالي الدبل، شايل ليهو كيس ورق فيهو تبش
لابس مركوب بني مترّب، يحلف عليك لازم تشرب شاي في قهوة محمّد نور
| |
|
|
|
|
|
|
|
|
|
Re: خليل بيك (Re: أبوبكر عباس)
|
كنت والمريض الذي بصحبتي في الداون تاون نبحث عن عنوان الطبيب الجاين ليهو من السودان. واحد من أهل الدار كتب لينا العنوان في ورقة، ركبنا تاكسي للعنوان.
كان بيتا أرضيا، دخلنا من الباب للإستقبال، البيت عبارة عن صالة فاتحات فيها غرفتين، جخلنا الغرفة الفاتح بابها، لقينا لينا رجل كبير لابس جلابية بيضا وفي راسو طاقية بيضا.
قعدنا وجاب لينا شاي ومسح بيدو في رأس صديقي المريض.
كتب لينا العنوان الصحيح بتاع الدكتور الكايسنو
| |
|
|
|
|
|
|
|
|
|
Re: خليل بيك (Re: أبوبكر عباس)
|
بعد أن قابلنا الدكتور؛ تحسن صديقي واستجاب للعلاج بصورة مدهشة.
لم تغب صورة الرجل أبطاقيه عن ذهني
ركبت تاكسي وذهبت لنفس العنوان
لم أجد البيت ووجدت معالم مختلفة
رجعنا للسودان وفي نفسي شيء من حتات كتار؟؟
| |
|
|
|
|
|
|
|
|
|
Re: خليل بيك (Re: أبوبكر عباس)
|
يوم بالصدفة لقيت صورة زولي ابطاقية بتاع الاردن معلقة في صالون، قلت لاصحاب البيت: دا منو؟
قالوا لي: مكاشفي القوم ابو عمر
قلت ليهم: المكاشفي الكبير المتوفي؟
هزوا راسم، قعدت في الواطة أبكي، ومن ديك ماسك
------
عضم القصتين حقيقيات، تغيير في الاسماء ما عدا عبد اللطيف وهو دفعة عصام جبر الله بالاقتصاد، ممكن الناس تستوثق منو عن عضم القصة.
تحيرني مسيرة الناس في الحياة؟!
حينما ترجع لنقاط مفترقات طرقك؛ تحسب لنفسك آلاف المساير كان يمكن أن تسلكها!!
| |
|
|
|
|
|
|
|
|
|
Re: خليل بيك (Re: muntasir)
|
| Quote: عوض قايد عجلتو الرالي الدبل |
| Quote: مكاشفي القوم أريتو يمسح لحفيده المسلمي |
طالما العجلة المن زمن زنكي الخضار ممكن تكون رالي و دبل في نفس الوقت ما كتيرة علي المسلمي يكون حفيد الكباشي و المكاشفي في نفس الوقت
| |
|
|
|
|
|
|
|
|
|
Re: خليل بيك (Re: muntasir)
|
المشكلة الناس هنا بتقتع حبل الافكار ..فاانا ارفع البوست بدون تعليق لحد ماالفكرة تظهر ...........
| |
|
|
|
|
|
|
|
|
|
Re: خليل بيك (Re: Mohd Ibrahim)
|
وقت سيرة عبد اللطيف كادر الجبهة الديمقراطية الخطابى بقت اثرا بعد عين يبقى زمنا اندثر واندحر , لكن البخلى الناس تتذكر عصام جبر الله وتنسى عبد اللطيف شنو ؟؟؟ عصام ذاته خلى الكتابه هنا وقالوا تاب وبقى متعهد مساويك مكاوية فى زيورخ
الجماعة بيحكوا قالوا عبد اللطيف جا يتكلم فى ركن معقبا على كلام المرحوم محمد طه قام زح الميكرفون وقال للناس ما بقدر اتكلم بيه عشان محمد طه بتفل مع الكلام
| |
|
|
|
|
|
|
|
|
|
Re: خليل بيك (Re: احمد التجانى احمد)
|
| Quote: حينما ترجع لنقاط مفترقات طرقك؛ تحسب لنفسك آلاف المساير كان يمكن أن تسلكها!! |
ياخي المساير دي تسريحة شعر للبنات في قديم الزمان، يقول ليك،
مضفرا شعرا مساير .
شوف ليك طريقة غيرا، قول، المعابر مثلاً، أو الطُرقات، أو ايّ حاجة ياخ .
بَس ...
| |
|
|
|
|
|
|
|
|
|
Re: خليل بيك (Re: معاوية المدير)
|
يا أحمد التجاني،
عصام جبر الله، مناضل اسفيري معروف،
أنا مناسبم، هو في الحساب جد أولادي
خيلان أولادي المباشرين مناضلين كبار زي عصام، ناس ياسر، مازن، وحمادة
| |
|
|
|
|
|
|
|
|
|
Re: خليل بيك (Re: معاوية الزبير)
|
خلينا يا معاوية من ناس العبيد
خضر (الطيب) دا، موش لمان جا من حلتم للخرطوم كان مناضل اغبش يشبه ناس حاج الطاهر؟!
شفتو لمان بقى مناضل خارجي عمل شنو؟
سمى روحو خدوري، وصبغ حواجبو!
| |
|
|
|
|
|
|
| |
أبوبكر عباس
محمد البشرى الخضر
عباس محمود
امجد الجميعابى
محمد المسلمي
جلالدونا
علي دفع الله
يحي قباني
حيدر حسن ميرغني
محمد على طه الملك
معاوية الزبير
Hafiz Bashir
Mohd Ibrahim
احمد التجانى احمد
معاوية المدير
فيس بوك
تويتر
انستقرام
يوتيوب
بنتيريست