|
دعواتكم لزميلنا المفكر د.الباقر العفيف بالشفاء العاجل
|
|
 Re: اول حب في حياتي (Re: حيدر حسن ميرغني)
|
Quote: ده الإندياح المنتظرنو يا فردة
اندياح ليهو شطور |
حيدر سلام
بمناسبة كلمة اندياح اول مرة امشي مدينة المناقل تبع الخدمة المدنية عشان ناسس فرع للبنك اها قلته استكشف المدينة
بعد حوامه في سوق المناقل قلته اشرب لي كباية شاي لقيت لي ست شاي مطرفه جقه كبيرة قلتا اختا البنات الصغار الكبار بجودو شغلهم قعدته في البنبر
عملت لي الشاي بشرب في الشاي وسارح بعد شويه لاحظته الزوله قاعده قعده ما طبيعيه العفش برا اخت لي نظره وعملت نايم .
قمت اديتها القروش وقلت ليها اديني الباقي
عاينت لي باستخفاف واشرت لي تحت قالت لي تعاين ((منداح ومنشرح)) من قبيل هنا انت قايل دا تلفزيون السودان يلا شتت بلي باقي معاك.
| |
 
|
|
|
|
|
|
|
|
Re: اول حب في حياتي (Re: عباس الدسيس)
|
| Quote: عملت لي الشاي بشرب في الشاي وسارح بعد شويه لاحظته الزوله قاعده قعده ما طبيعيه العفش برا اخت لي نظره وعملت نايم . |
ريكس ...
لو بنظرة .. حتى عابره .. قول احبك ...
العفش خارج القعدة على مسئولية السواق ....
عالم بطاااله ,,,,,,,
| |
|
|
|
|
|
|
|
|
|
Re: اول حب في حياتي (Re: محمد مجيدو)
|
تحياتي عباس
***
الله كرعي بردن واضني وقفن وضهري اتملي عرق فتحت خشمي وقعدته اعاين ليها معقوله تتكلم معاي بت ......
صديقنا مربي الاجيال قال لي (( الشرك قبض يا فرده)) قعد ازن لي في راسي لما صدقته ...
***
بالله شوف زمان الشرك بيقبض بياتو تكتيك ، مقارنة بمختلف أنواع الشرك في وقتنا الحاضر ....
***
أضحك الله سنك يا حيدر
واصل يا عباس
| |
|
|
|
|
|
|
|
|
Re: اول حب في حياتي (Re: الهادي الشغيل)
|
| Quote: اسمهم ناس سنة ساتة يا زول ما تزور التاريخ |
حبيبنا نادر اخبارك
حكاية التاريخ خلاس اتزورت واطمست مدرسة القسم الثالث اولاد سموها ابوذر الغفار والبنات سموها فطمة الزهراء والامور اشقلبت كلها
تحياتي وتقديري
| |
|
|
|
|
|
|
|
|
|
Re: اول حب في حياتي (Re: الهادي الشغيل)
|
Quote: ركس يا حبيب ...
منتظرين الاقامة تطلع .. تقوم تجيب لينا حب ..
اريتك بي قطر مجيدو ... |
ود علم الهدي يا صديق اخبارك
حظك الليلة الخميس
قلنا ننوع كلو يوم ام فتفت نخليها يوم كبدة ابل
| |
|
|
|
|
|
|
|
|
|
Re: اول حب في حياتي (Re: الهادي الشغيل)
|
أيام مراهقتنا ونحن في الثانوي مشينا أنا وصاحبي مع حبيباتنا كازينو البلدية بعطبرة وكانت جلسة رومانسية حالمة تبادلنا فيها طعم الحب مع الجكس وأنا كنت بشتغل في الاجازات في الدكان مع أبوي رحمه الله وكان جيبي عمران وصاحبي ده ماشي ملح أنا البصرف .. المهم شربنا بارد وتعشينا مشاوي في كازينو البلدية واقترحت عليهم أن نذهب لللاستديو لنأخذ صورة تذكارية .. في البداية الجكس خاف وبعد أن أصريت عليهن ذهبنا لاستديو النصر والذي يجاو كازينو البلدية وأخذنا صورة رهيبة ...
طبعاً زي ما هو معروف أن بتاع الاستديو يقوم بتعليق بعض الصور الجميلة كـ ( Sample) في البترينة في الاستديو وقام بتعليق صورتنا الجماعية مع الجكس ... شاء الله أن يأتي عمي - رحمه الله - للأستديو وهو معروف بأنه شرس والحايل المايل ما بيعجبه لأخذ صورة فووغرافية للباسبورت لاعتزامه القدوم للحج ولسوء حظي لمح الصورة وطلب من صاحب الاستديو أن يمنحه اياها أو يستخرج له منها .. المهم خرج وهو يحمل الصورة في جيبه وأتي الى بيتنا وأجلسني والوالد والوالدة - رحمهما الله - وعرض عليهم الصورة وانهال علي ضربا مبرحاً بالبسطونة لحدي ما بقيت أنصار سنة في تلك اللحظة .
.. معليش يا عبس واصل ما نخرب عليك البوست الجميل ... بس الشيء بالشيء يذكر .
| |
|
|
|
|
|
|
|
|
|
Re: اول حب في حياتي (Re: الهادي الشغيل)
|
Quote: ريكس ...
لو بنظرة .. حتى عابره .. قول احبك ...
العفش خارج القعدة على مسئولية السواق ....
عالم بطاااله ,,,,, |
الوجيه مجيدو اخبارك
الزولة كتو بس ....
بكره الكوب مجاني... احلي من العفش داخل البص
| |
|
|
|
|
|
|
|
|
|
Re: اول حب في حياتي (Re: الهادي الشغيل)
|
Quote: بالله شوف زمان الشرك بيقبض بياتو تكتيك ، مقارنة بمختلف أنواع الشرك في وقتنا الحاضر ....
***
أضحك الله سنك يا حيدر
واصل يا عباس |
يا ريس اخبارك يا حبيبنا
الزمن الفات كان جميل..... تلقي الزمن غير ملامحنا واحنا بفينا ما احنا
تحياتي واشواقي
| |
|
|
|
|
|
|
|
|
|
Re: اول حب في حياتي (Re: عباس الدسيس)
|
| Quote: هههههههههههههههههده بوست تحفة وجميل ...الغريبة إنه ركس من الابتدائي ( يعني طفل) وجاري وراء الحب والبنات وبتقدم ليهن عطور وزهور .. |
الشغيل يا حبيبنا سلام
الزهور والورد الشتلوها جوه قلبي احنا ناس جميلين من قمنا بنحب الحب والجمال في واحده تانية علي وزن بتاعتك التحت دي بقولا ليك
| |
|
|
|
|
|
|
|
|
|
Re: اول حب في حياتي (Re: عباس الدسيس)
|
حبيبنا عبس عودا حميدا مستطاب يا حبيب ,,
غايتو حبك ده اظنو القال فيهو الشاعر اغنية الاستاذ صلاح ابن البادية ( اول حب واخر حب ومنو بقول انا اه يا رب ) ههههههههههههههه
واصل يا حبيب ونحن منتظرين نعاين ,,
تحياتي : ياسر العيلفون .......
| |
|
|
|
|
|
|
|
|
|
Re: اول حب في حياتي (Re: ياسر السر)
|
هههههههههههه والله يا عبس أنت حياتك كلها تحف
دائما تذكرني كتاب
مذكرات الولد الشقي بتاع محمود السعدني
غايتو عمنا الدسيس والحاجة الله يرحمها كنت منضجدم نجاض قبورة
لسع في حكاوي نحن سمعناها شفاهة ( ما عارف حتقدر تكتبها للجماعة ديل ) ولا ما بتتكتبش
بس عليك الله ما تنسى لينا حكاية بت الجزار
| |
|
|
|
|
|
|
|
|
|
Re: اول حب في حياتي (Re: Munir)
|
حبيبنا وزميلنا عبس
فى الزمن العرفناك فيه ما كنت من انصار الحبوكانات واى سيرة لعرس من بت فى لحظة ونسة جميلة كان بتعمل ليك طمام هههههههههههه
واصل يا عزيزى فى حكاويك الطاعمة
| |
|
|
|
|
|
|
|
|
|
Re: اول حب في حياتي (Re: خالد حاكم)
|
Quote: Quote: حبيبنا عبس عودا حميدا مستطاب يا حبيب ,,
غايتو حبك ده اظنو القال فيهو الشاعر اغنية الاستاذ صلاح ابن البادية ( اول حب واخر حب ومنو بقول انا اه يا رب ) ههههههههههههههه
واصل يا حبيب ونحن منتظرين نعاين ,,
/QUOTE]
حياتي : ياسر العيلفون ..
حبيبنا وصديقنا الزول الراقي ياسر
اخبارك والاسرة الكريمة
خلينا نقول للدنيا بحالها ولكل قلبي بدقته حس
يا دنيا حبي وحبي وحبي دا العمر هوه الحب وبس
حليل زمن الحب
| |
|
|
|
|
|
|
|
|
|
Re: اول حب في حياتي (Re: خالد حاكم)
|
Quote: هههههههههههه والله يا عبس أنت حياتك كلها تحف
دائما تذكرني كتاب
مذكرات الولد الشقي بتاع محمود السعدني
غايتو عمنا الدسيس والحاجة الله يرحمها كنت منضجدم نجاض قبورة
لسع في حكاوي نحن سمعناها شفاهة ( ما عارف حتقدر تكتبها للجماعة ديل ) ولا ما بتتكتبش
بس عليك الله ما تنسى لينا حكاية بت الجزار |
ابو الدر يا صديق ا
خبارك والاسرة
الشفاهه لو وثقنا ليها ناس قصي برجمونا رجم
امكن كمان تجيب لبها احكام شرعية بالجلد
مشتاقين يا ابو الدر
| |
|
|
|
|
|
|
|
|
|
Re: اول حب في حياتي (Re: عباس الدسيس)
|
Quote: الله يا دسيس
نستمتع معك بالدفاتر القديمــة
أحمد الشايقي |
ود الشايقي يا زوق اخبارك
الدفاتر الجميلة في الزمن الجميل
شاكر ومقدر للمتابعة
| |
|
|
|
|
|
|
|
|
|
Re: اول حب في حياتي (Re: عباس الدسيس)
|
Quote: حبيبنا وزميلنا عبس
فى الزمن العرفناك فيه ما كنت من انصار الحبوكانات واى سيرة لعرس من بت فى لحظة ونسة جميلة كان بتعمل ليك طمام هههههههههههه
واصل يا عزيزى فى حكاويك الطاعمة |
أوووووووو ابوالزمل خالد حاكم
اخبارك وبلد الخواجات
ياسلااام يا خالد قضينا ايام جميلة كانت في البنك
يا حبيبنا تذكر انت الفترة ديك البنات كان جنهن عرس
انت عارف سيرة العرس كانت بتقوم علي القولون وبجيني صداع نصفي
وخاصة ينات البنوك الواحدة لو جبت ليها قزازة بارد تجرجرك للعرس
بتذكر كانت اجمل صحبة مع البايركس والمتزوجات
زمن يا خالد
| |
|
|
|
|
|
|
| |
| |
عباس الدسيس
حيدر حسن ميرغني
نادر النور آدم
ادريس خليفة علم الهدي
محمد مجيدو
ابو جهينة
ياسر السر
أحمد الشايقي
Munir
خالد حاكم
فيس بوك
تويتر
انستقرام
يوتيوب
بنتيريست