|
Re: جامعة الخرطوم ما بين الطوطم والمؤسسة الت� (Re: بدر الدين اسحاق احمد)
|
تحياتي بدر الدين وحبابك نعم بناها المستعمر لغرضه وبني معظم مدارس الاساس بالسودان .. وخرج المستعمر منذ ما يقارب ال 60 عام !! وفعلا جامعة الخرطوم كانت قبل 1989 مقياسا للعلم والمعرفة فقد كانت تنافس كبري جامعات العالم في ريادة المراكز الاولي في التقييم كانت منارة للنضال فمنها انطلقت اكتوبر وابريل ومن داخلها تخرج معظم قيادات المجتمع السوداني .. لا اقصد الساسة فأولئك صنيعة الاستعمار ولازال من بقي منهم .. ولكن امهر الاطباء والادباء والعلماء من لدن هذه الجامعة فحق لنا ان نجعلها طوطما ورمزا ولو وليت الامر لجعلتها رمزا للسودان ضد بيع جامعة الخرطوم ضد ترحليها ضد بيع تاريخ الوطن مع اكيد المودة
| |
|
|
|
|
|
|
Re: جامعة الخرطوم ما بين الطوطم والمؤسسة الت� (Re: عبدالحفيظ ابوسن)
|
الأخ بدرالدين تحية و احتراما و ذلك بالطبع يعلي من شأنها لأنها رمز و لا يعيبها. فالدول تحتفي برموزها التعليمية... أو العسكرية.... أو الآثارية. و كونه يكون عندنا رمز بمثل هذا الصيت و الزخم و الفعالية و الإمكانات..... فما يضير في ذلك؟ هل نريد أن نحطمها؟ مقابل ماذا؟ ألا يكفي تحطيم و تدمير الرموز الأخرى؟ ..... :الخطوط الجوية و الخطوط البحرية و مشروع الجزيرة و السكة حديد و وطن يفتخر مواطنوه به أمام كل الدول.
| |
|
|
|
|
|
|
Re: جامعة الخرطوم ما بين الطوطم والمؤسسة الت� (Re: حامد بدري)
|
Quote: الاصل فيها انها مؤسسة تعليمية من تصميم وتنفيذ المستعمر الانجليزى لتلبية احتياجات حكم البلاد وتكريس هيمنته الاستعمارية وعمل المستعمر ان يشكل خريجي هذه الجامعة بكل مكوناتهم الثقافية والفكرية هم النخب السودانية التى ستقود وسيقوم عليها النهضة والحكم الوطنى بعد خروج الاستعمار .. كل هذا والدولة الوطنية السودانية فى رحم التشكل والتخلق عند المستعمر الذى وظف كل المؤسسات الاستعمارية لاعادة تشكيل نخب سودانية تواصل المشروع الاستعمارى فى جوانبه الثقافية والفكرية . واصبحت هذه النخب نتاج هذه المؤسسات التعليمية هى المكون الرئيسي للدولة القطرية السودانية |
عندما نال السودان استقلاله كانت هنالك مساجد في كل المدن السودانية بناها الاستعمار الإنجليزي
انتظروا .. حملة هدم المساجد الاستعمارية
كانت هنالك خزانات مياه على نهر النيل
انتظروا حملة هدم خزانات نهر النيل الاستعمارية
كانت هنالك مشاريع زراعية كبرى
جاري الهـــدم بنجاح كبير
...................................................................................................................................... ؟؟؟؟
من هذا الخيط فليعلم الجميع حقيقة هدم مباني جامعة الخرطوم وبيع أراضيها
أحمد الشايقي
| |
|
|
|
|
|
|
Re: جامعة الخرطوم ما بين الطوطم والمؤسسة الت� (Re: أحمد الشايقي)
|
يا بدر الدين أسحق ما تتشوبر...الحديث عن دور وقيمة وعراقة ورسالة مؤسسة أكاديمية مثل جامعة الخرطوم أكبر بكثير من فهمك وأعمق من معارفك المتواضعة... يعني ممكن تتكلم عن سوق الناقة وقندهار ولمة بورداب الخرطوم والإفطار الجماعي ....الخ، ولكن ليس عن جامعة الخرطوم بأية حال !!
| |
|
|
|
|
|
|
Re: جامعة الخرطوم ما بين الطوطم والمؤسسة الت� (Re: بدر الدين اسحاق احمد)
|
قوة دفاع السودان وضع اساسها المستعمر الإنجليزي ...
فالجيش السوداني أيضاً للبيع.... أسف ما أصلوا البشير باعوا في اليمن وكمان راح يبيع مصادر تجنيد أفراده للبحرين
بدون لف ودوران جامعة الخرطوم كانت الشرارة التي أسقطت دكتاتورتين والثالثة خايفة على نفسها من هذا البعبع..
نقترح ترحيل جامعة الخرطوم لحلايب ولا من شاف ولا من درى..
| |
|
|
|
|
|
|
Re: جامعة الخرطوم ما بين الطوطم والمؤسسة الت� (Re: muntasir)
|
Quote: بسم الله إنتو سودانيز دا الحصل فيها شنو !!!!
شايت وين .. البوست دا بمثابة اعلان بيع الجامعة والموضوع دا اكبر من امكانياتك مبررات تفتقر للموضوعية |
شايت وين لانك معروف لدي الكل بس كلام الشيوعية ده جبتو من وين قصة الجامعة لخدمة اهداف استعمارية والحنك العاضي ده . شارع الدكاترة كيف طيب اكتب يااخوي نفس التوقيت ده وزير الصحة بقفل مستشفى حكومي واخر خاص وبقنعنا محمد احمد الغلبان انو دي لي مصلحتكم شعبي الفضل بقت على جامعة المستعمر الخرتوم
| |
|
|
|
|
|
|
Re: جامعة الخرطوم ما بين الطوطم والمؤسسة الت� (Re: Adil Ali)
|
قال بدر الدين
Quote: اهرب من شنو !!! اهرب لي وين !!!
هو ذاتو البيهربوا منو منو !! |
طيب ما تواصل في النقاش وإنت رسالتك الأساسية لسه ما وصلتها وبعد توصلها ونعرف إنت بالضبط داير تقول شنو في جامعة الخرطوم وليه في الوقت دا تحديدا جاي تقول إنها مؤسسة بناها الإستعمار وصارت طوطم (وبالمرة أشرح لينا طوطم دي يعني شنو) وبنرد عليك وناخد وندي
| |
|
|
|
|
|
|
|