|
دعواتكم لزميلنا المفكر د.الباقر العفيف بالشفاء العاجل
|
|
 Re: ***** نكات واقعية للسر عكاز أظرف طرفاء عطبرة (Re: الهادي الشغيل)
|
ذات مره وعكاز راجع مع شلة الأنس من حي المطار في آخر الليل وبعد أن خربوا الروؤس (وزنو الدماغ) لم يجدوا فلوس عشان يشتروا السم الهاري زواده يشيلوها للبيت .. وكان احد الندماء شايل قروش فاشترى قزازه ودساها في كم الجلابيه دون أن يعلم الباقين .. وهم يترنحون في طريق العوده وقعت القزازه من صاحبهم اندفق الشر في الارض ... علق عكاز بقوله : وقد خاب من دساها
==
وعندما اتخذ النميري (رحمه الله) قراره الشجاع بتطبيق قوانين الشريعة الاسلامية وتم كسر القزاز وسالت الأرض أودية من الخمر ... همس عكاز لرفقاء مجونه : نميري دا صاحب مزاج قديم وهسع تلقاهو حاسد الواطه على الكميات الكبيره الشربتها دي وتلقاهو يقول
في سرو : يا ليتني كنت ترابا
==
شيخنا عباس الخضر قبل الانقاذ كان رئيس النقابة وزعيم ثوري للعمال وكان إمام العمال في سجون مايو وكان بيحكي ليهم قصص الطغاة وصمود الانبياء منذ عهد سيدنا صالح وقوم ثمود ... بعد الانقاذ شيخ عباس بقى مدير صندوق دعم الشريعة وركب الفارهة ليلى علوي (مطية الشيوخ بعد التمكين) .. شيخ عباس وقف بالفارهة قدام بوابة السكه حديد وفي اللحظة دي جا عكاز ماري والعربيه بت علوي قافله مدخل البوابه .. فخاطب شيخ عباس : كدي يا مولانا زح لينا ناقة سيدنا صالح دي لي غادي
| |
  
|
|
|
|
|
|
|
|
Re: ***** نكات واقعية للسر عكاز أظرف طرفاء عطبرة (Re: الهادي الشغيل)
|
مرة كان السر عكاز جاي الساعة 2 صباحاً من حفلة في الموردة والمشوار طويل وعطش فقام نط في الجامع عشان يشرب من المزيرة بتاعة الجامع .. أها قام الغفير صحى واتخلع بعد ما شاف السر عكاز فوق الباب من فوق .. فصرخ خائفاً .. أعوذ بالله من الشيطان الرجيم .. فقال له السر عكاز ( إقرأ يا محمد هههههههه (الغفير اتوهم وظن أنو جاهو الوحي
==
السر عكاز طبعاً شغال عطشقي في السكة حديد .. كان في بورتسودان وجاي عطبرة يحضر عيد الأضحى مع أهلو .. أها في سنكات لقى ليهو خروف سمح خلاص .. اشتراهو وطبعاً زي ما عارفين محطات السكة حديد بين بورتسودان وعطبرة خلوية . والخروف جاع شديد وبقى ما عندو شغلة غير (باع باع) .. المهم السر عكاز لقى ليهو في محطة من المحطات كنتين صغير واشترى منو (شعيرية) وأداها للخروف .. الخروف من الجوع قرمش ليك الشعيرية كلها (4-5 أكياس) .. أها انتهت الرحلة ووصل السر عكاز لبيتهم وأبوهو فرح فرح شديد بالخروف .. وقام ركب ومشى القشاشة وجاب القصب للخروف .. الخروف شمّ القصب وأبى ياكل كلو كلو .. استغرب والد السر وقال ليهو : إنت يا السر خروفك ده مالو مابي القصب وماراضي ياكل .. قام السر قاليهو وهو يتمتم (يا أبوي خروفي ده بياكل نواشف بس)
| |
|
|
|
|
|
|
|
|
|
Re: ***** نكات واقعية للسر عكاز أظرف طرفاء عطبرة (Re: الهادي الشغيل)
|
واحد من ظرفاء كسلا يا الشغيل برضو بدخل الآيات فى حتات عجيبة .. زي حامد بريمة ده  وهو شغال حلاق .. قام جاب خطاط ورسام رسم ليهو فى ضلفة الدكان زول قاعد يحلق والمقص فى شغال تش فى الشعر .. اها قال ليهو نكتب ليك شنو جمب اللوحة دى ؟
قال ليهو اكتب (نحن نقص عليك احسن القصص)
ياخ السر عكاز ده مبدع عدييييل .. شكرا يا الشغيل على البوست الخفيف ..
| |
|
|
|
|
|
|
|
|
|
Re: ***** نكات واقعية للسر عكاز أظرف طرفاء عطبرة (Re: محمد البشرى الخضر)
|
أخونا مصطفى البشاري :
مما لاشك فيه ان لكل مدينة ظرفاء واهل فرفشه وقفشات مضحكة دوما تجدهم حاضرى البديهه وسريعى النكته لاتمل مجالستهم .. لك تحياتي ويا ريت توثق لهذا الكوميديان
| Quote: واحد من ظرفاء كسلا يا الشغيل برضو بدخل الآيات فى حتات عجيبة |
ود البشرى الراجل الظريف .. الشوق بحووور ... معليش على الغياب حبسنا حابس وسنكون حضوراً دوماً في هذا المنبر
Quote: سلامات يا الهادي
وين غايب الفترة الفاتت
متابعين حكاوي عطبرة باستمتاع |
| |
|
|
|
|
|
|
|
|
|
Re: ***** نكات واقعية للسر عكاز أظرف طرفاء عطبرة (Re: الهادي الشغيل)
|
قال ليك برضو بالليل جو ضيوف كتار ونزلوا في بيت السر عكاز وهم ما عاملين حسابهم مرتو (زوجتو) قالت ليه سجمى يا السر ديل بيبيتو ؟
قال ليها لا لا رماريو
===
اب عكاز كان ذات مرة راكباً مواصلات الحصايا بالشرقي التى كانت أخر محطة فيها عند القبطي بتاع تنجيد السيارات وحتى وصول البص آخر محطة لم ينزل احد فصاح أب عكاز بتهكم :
البص دا بص سيرة ولا شنو ؟!
=====
اب عكاز مرة فى عيد الأضحى كانت بايتة معاه ّسكراان صحي من النوم وقبل أن يضحى إمام الجماعة فى المسجد تناول اب عكاز الخروف وتكاه على غير جهة القبلة وذبحه واستعرض فيه جنس استعراض وأتلف الجلد وخرمه وعندما حضر والده من صلاة العيد ورأي مافعله اب عكاز استشاط غضباً وأنبه تأنيباً شديداً
فأجاب أب عكاز وكأنه قد اراد المساعدة وأجاب كأنه قد أنجز أمراً وقضى غرضاً برغم مافعل في الخروف
الأمور جاهزة ياحاج أي شئ جاهز !!
| |
|
|
|
|
|
|
|
|
|
Re: ***** نكات واقعية للسر عكاز أظرف طرفاء عطبرة (Re: الطيب عباس)
|
اضحك الله سنك ياعطبراوى حتى النخاع
Quote: وقام ركب ومشى القشاشة وجاب القصب للخروف .. الخروف شمّ القصب وأبى ياكل كلو كلو .. استغرب والد السر وقال ليهو :
إنت يا السر خروفك ده مالو مابي القصب وماراضي ياكل .. قام السر قاليهو وهو يتمتم (يا أبوي خروفي ده بياكل نواشف بس) |
عمنا صديق ودالبشير ولده راح سوق الدامر إشترى عِجل
تانى يوم جاب قصب ,, العجل ,, ابى يدنقِر عليهو ,,
غير ليهو القصب بـ لوبيا ,, العجل حانِف وِشِيهو,, جاب ليهو
برسيم العجل ,, التقول صايم ,, الولد قعد قدام العجل ممحَّن
ابوهو جاء مارق لقى الولد متمَحِّن ,, قال له مالك يالعوض قاعد ممَحَّن كدى؟
قال ليهو والله يابا مِحتار فى العِجل ده أى حاجة جبتها ليهو ابا ياكلها,
ابوهو قال ليهو : إنت نان ما كان تشتريهو بى كَتَلُوجو
| |
|
|
|
|
|
|
|
|
|
Re: ***** نكات واقعية للسر عكاز أظرف طرفاء عطبرة (Re: عبدالعزيز الفاضلابى)
|
الشغيل
كيف حالك واحوالك..
بركة الرجعت لينا طيب..
Quote: اب عكاز كان ذات مرة راكباً مواصلات الحصايا بالشرقي التى كانت أخر محطة فيها عند
القبطي بتاع تنجيد السيارات |
معقولة يا الشغيل تنسي (ماريو) الزول السمح. مع انو ما بسمع كلو كلو لكن ممكن يحكي ليك اي فيلم خشاهو في اي سينما..
مع خالص الحب والتقدير
| |
|
|
|
|
|
|
|
|
|
Re: ***** نكات واقعية للسر عكاز أظرف طرفاء عطبرة (Re: الهادي الشغيل)
|
===
مرة السر عكاز كان نايم في بيتو في أمان الله في فصل الشتاء وكان البرد شديد مبالغة ونص الليل دقوا عليهو شباب الحي الباب وقالوا ليهو (فلان جارنا ده مات وعايزينك تمشي معانا المقابر عشان نحفر القبر) ... فقعد يطنطن بعد ما شال الكوريك والطورية وهو يقول ( والله يا جماعة المرحوم ده بالغ عديل كده ... دي ساعة يموت فيها زول ؟!!!!
===
طبعاً السر عكاز كان عطشقي في السكة حديد وفي مناورة في محطة عطبرة تعرضت عربة القطار لحادث خفيف واصطدم رأسه بقوة بجدار عربة القطار من الداخل وعمل ليهو ارتجاج في المخ مع فقدان مؤقت للذاكرة .. المهم جات خالتو من أم علي بلدهم عشان تزوروا وتطمن عليهو ... وبقت تبكي وتقول (والله السر ده كدي حننني والله ما عرفني أنا خالتو أخت أمّو ؟ كدي أنا بعمل ليهو اختبار أشوفو عيان ولا لا .. فقام أشرت على التربيزة ببراءة وقالت ليهو (يا السر دي شنو ؟ قام السر عكاز عاين ليها بطرف عينو وهو يبتسم وقال ليها (ما للدرجة دي يا خالة)
====
مرة كنا ايام الصبا في حفلة في الإمتداد الشرقي وكان معي صديق دراسة إسمو (الباقر الباقر) وسبب تسميته على أبيه لأنو أبوه إتوفى وكان في بطن أمه .. فقام سموهو على أبيه تخليداً لذكرى والده الراحل .. المهم قابلنا السر عكاز وكان مولع ومشعلل وبيمشي سبعة ثمانية ، فقام سلم علينا وقال لي : ما عرفتنا بالأخ ياالهادي .. فقلت له : ده أخونا الباقر الباقر .. فضحك ووجه الكلام للباقر وقال ليهو ... ( عليك الله ده إسم شنو ؟ أبوك ده مجنون ولا شنو ؟ الأسامي كملت ؟ أنا ما أستبعد يكون سمى أخوك الثاني (عبد القادر عبد القادر )
| |
|
|
|
|
|
|
|
|
|
Re: ***** نكات واقعية للسر عكاز أظرف طرفاء عطبرة (Re: الهادي الشغيل)
|
مره السر عكاز دخل على جارو يبارك ليهو مولودة جديدة .. وكان هذا الجار ده شيوعي مسمي أولاده ( الشفيع) والثاني مسميهو (عبد الخالق) فقام بارك ليهو المولودة وسألو : حتسميها منو ؟ فقال ليه الجار : حا أسميها (فاطمة) .. فقام قال ليهو السر عكاز : حتسميها على فاطمة محمد إبراهيم مرة الشفيع ولا شنو ؟ قال ليهو : لا على فاطمة أمي الله يرحمها ... ضحك عكاز وقال ليهو : على هامان يا فرعون ... برضوا ما مشيت بعيد .. أمك الله يرحمها جانا خبر إنو كانوا بيقولوا ليها (فاطمة لينين) .
====
مرة السر عكاز قاعد قدام بيتهم بكرسي وجات جارتهم ومعاها أولادها الصغار مارين بالشارع .. وكان جارتهم دي شينة شناة مرة تقطع الخميرة من البيت .. المهم مجرد ما شافها قبل كرسيهو على الجنبة الثانية .. فقام سلمت عليهو وقالت ليهو (شنو يالسر بقيت أنصار سنة ولا شنو ؟ إنت ما عرفتني ولا شنو ) فقام قال ليها عرفتك إنتي أم الصبيان وأولادها .
مرة السر عكاز ركب معاهو واحد من محطة مسمار هدندوي ماشي على عطبرة .. فقام السر سألو : إسمك منو .. فرد : أوهاج عيسى أدروب أوهاج عيسى أدروب ... ضحك السر عكاز وقال ليهو : إسمك ده مالو زي قل يا أيها الكافرون
| |
|
|
|
|
|
|
|
|
|
Re: ***** نكات واقعية للسر عكاز أظرف طرفاء عطبرة (Re: الهادي الشغيل)
|
Quote: منهم حاتم عبد القادر الفاضلابي وهو ابن استاذي وملاذي الفيلسوف المتمكن في اللغة العربية صاحب السمت والوقار عبد القادر الفاضلابي .
كذلك عبد الله القاسم الفاضلابي وهو أيضا والده كان أستاذ في المدرسة الثانوية القديمة وقد سلك نفس درب أبيه وهو الآن معلم في المدرسة الثانوية الجديدة .
كذلك قريبهم هشام عمر يوسف الفاضلابي جهبذ شاطر لمن غلط كان يسكن في بيوت الحكومة بجوار مقابر الأقباط وخلف مدرسة العمال مباشرة .أرجو الافادة |
الهادى سلامات ,,
بلحيل ديل ابناء عمومتنا ,, والاستاذ عبدالقادر ايضاً درسنى فى العمال
انا درست فى العمال زمن الاستاذ خواجة بتاع الرياضيات والناظر كان
المخضرم محمد بابكر ,, واستاذ التاريخ اظنه عبدالرحمن وكنا نلقبه بـ بعانخى ,,
| |
|
|
|
|
|
|
|
|
 Re: ***** نكات واقعية للسر عكاز أظرف طرفاء عطبرة (Re: ست البنات)
|
اووووووو،
الشغيل يا بابور 179
وين الغيبة ؟.
كان عندنا وآحد بلدياتنا من الباوقة إسمو الدبان عامل فيها حارس مرمى،
ؤُ هو بيني وبينك ما علي قدر كدا . مرّة حارس المرمى والسر عكاز لآعب
مدافع، أها، قام السر عكاز إزنق في كورة بين المهاجمين، والدبان يكورك
لعكاز، قرِشا، قرِشا، يا عكاز . السر عكاز قال ليهو علي نهج الغنوة، ماليك
امآن يا دا الدبان ...
| |
|
|
|
|
|
|
|
|
|
Re: ***** نكات واقعية للسر عكاز أظرف طرفاء عطبرة (Re: معاوية المدير)
|
Quote: عرفتك إنتي أم الصبيان وأولادها !!!
شكرا لك اخي الشغيل فقد أعدت لنا الابتسام .
ست البنات. |
أختنا ست البنات ... تأكدي نحن بحاجة الى الابتسامة في ظل ضغوطات الحياة وعصبيتها والأكدار التي تعكر صفو الحياة ... أضحك الله سنك أختي
Quote: اووووووو،
الشغيل يا بابور 179
وين الغيبة ؟.
كان عندنا وآحد بلدياتنا من الباوقة إسمو الدبان عامل فيها حارس مرمى،
ؤُ هو بيني وبينك ما علي قدر كدا . مرّة حارس المرمى والسر عكاز لآعب
مدافع، أها، قام السر عكاز إزنق في كورة بين المهاجمين، والدبان يكورك
لعكاز، قرِشا، قرِشا، يا عكاز . السر عكاز قال ليهو علي نهج الغنوة، ماليك
امآن يا دا الدبان ... |
والله يا ود المدير السر عكاز ده تقعد معاهو وجها لوجه بيفقع مصاريتك بالضحك حتى قبل أن يتكلم ... الله يحفظه وسنواصل سرد نكاته الجميلة
| |
|
|
|
|
|
|
|
|
|
Re: ***** نكات واقعية للسر عكاز أظرف طرفاء عطبرة (Re: الهادي الشغيل)
|
مرة السر عكاز كان راجع من صلاة عيد الاضحي هو وأبوهو (طبعاً ابوهو هو اللي ساقو للصلاة) المهم واثناء الصلاة كان في واحد جارهم ماصلي مع الناس وضبح خروفو بدري بدري .. أثناء مرور عكاز وأبوهو بالشارع لاحظوا إنو جارهم معلق الخروف قدام بيتو في شجرة مسلوخ وبيقطع فوقو .. فقال عكاز لأبوهو وهو يتمتم ( تعرف يا حاج الزول ده لو كان سيدنا ابراهيم كان سيدنا اسماعيل راح فيها)
==
قاليك مرة السر عكاز راكب عجلتو وشاف ليهو فتاة (صينية) الظاهر تبع الجماعة الصينيين العاملين في الشركات اللي ملت البلد اليومين ديل ... الصينية عجبتو وعايز يعبر عن مشاعرو
مشى عليها وقال ليها : اهلاً made in china
==
| |
|
|
|
|
|
|
|
|
|
Re: ***** نكات واقعية للسر عكاز أظرف طرفاء عطبرة (Re: الهادي الشغيل)
|
مرة السر عكاز كان زعلان شديد من ضابط إداري (شايف نفسو حبتين) في مجلس عطبرة لأنو رفض ليهو طلب قبل كده بتعالي وغطرسة ..... في أحدي الايام قابلو في عقد زواج في حلة الحصايا وكان الضابط الإداري لابس مركوب جلد نمر (كرت) من النوع الغالي الثمن و يتمخطر ويتبختر في مشيته ويقصد بيها التعالي و أظهار العظمة متخطيا الجلوس بصورة لافته للنظر و هو يتقدل وعاجبو مركوب النمر الجديد الذي أبتكر له مشيه مخصوصة ... فما كان من عكاز إلا و أن قال للجلوس بصوت عالي ... والله النمر سيد الجلد زاتو ما بمشي كدة ...
معروف للجميع بأن السر عكاز هلالابي على السكين و صاحب مزاج رايق! و له ( صديق لدود) مريخابي وكان السر عكاز حريص دوماً أن يحضر المباراة في وسط تجمع وجمهرة في نادي التضامن اللي قريب من بيتهم الصديق اللدود ده يصر دائما أن يجلس جنب عكاز عشان يغيظو .. أها في مرة في النادي كانوا الاثنين بيحضروا مباراة (هلال مريخ) و الهلال كان ضاغط المريخ (لمن جاب الزيت). في كل هجمة خطرة على مرمي المريخ ، يقوم صديقه المريخابي ينده: يا سيدي على .. يا سيدي على .. يا سيدي على .. تقوم تفشل الهجمة ، عكاز ينظر ليه بغضب و بدون تعليق و تكررت العملية لعدة مرات و في النهاية طلعت المباراة تعادل بدون أهداف ، خرج الصديق اللدود من النادي (كابس) بس بدون أي تعليق. صباح اليوم التاني إتقابلوا وكان الصديق ده مهموم وحزين وهو يردد للسر عكاز ما سمعت الخبر المحزن ده بالله؟
فأجاب عكاز : خبر شنو؟ - طبعا لسع زعلان من نتيجة المباراة أمس –
ما سمعت يا عكاز : سيدي على مات !!
فكان رد عكاز سريعا و ساخراً :
ليه ما يموت إذا امبارح ملعبو شوطين كاملين وهو راجل عجوز زي ده !!!!
===
مرة السر عكاز مرة كان بيتفرج في تمرين كورة قدم وكان تاكل عجلتو جنب العراضة .. المهم في مهاجم هدف تهديفة قوية جلّت القون وجات في عجلة السر عكاز لحدي ما اتفتلت .. فردد السر عكاز مباشرة وبروح النكتة ( بأي ذنب قتلت(
===
كان السر عكاز ذات مره واقف في محطة عطبرة يشاهد قطار فى بداية تحركه فظهرت حسناء رائعه من شباك احد العربات..ثم ظهرت حسناء اروع جمالاً من نافذة عربه تاليه فعلق قائلا (والآخره خير لك من الأولى )
| |
|
|
|
|
|
|
|
|
|
Re: ***** نكات واقعية للسر عكاز أظرف طرفاء عطبرة (Re: Ashraf El Bagir)
|
Quote: سلام اخونا الشغيل
الاستاذ طلحة وازهري هل عندهم صلة قرابة بالسر عكاز ؟ لما ذكرت جبل ام علي قلبي اكلني |
كيف يا أخي ... والله عندك قوة ملاحظة .. بالمناسبة السر عكاز ود عمتهم طوالي ونحن ما اتعرفنا على السر إلا عن طريقهم وطبعاً خالد ده دفعتي درس معي 6 سنوات في المزاد الابتدائية و 3 سنوات في الجديدة الثانوية وطوالي نحن ساكنين في بيتهم ومعظم التوثيق المذكور هنا لخالد وطلحة وأزهري القدح المعلى وطبعا كتير بنجلس مع السر عكاز في منزل ناس خالد جلسات ما منظور مثيلها ..
| |
|
|
|
|
|
|
|
|
|
Re: ***** نكات واقعية للسر عكاز أظرف طرفاء عطبرة (Re: الهادي الشغيل)
|
تحية طيبة للجميع
ما عارف يا اخ الهادى هل ما تحكيه حقيقة ام انك بتزيد من عندك شوية، لانو حكاية الجامع و ست العرقي دى نكته معروفه ، حتى خارج السودان لدى جنسيات آخرى ، ما قصدى التقليل من شأنك او شان البوست و لكن في قصص من الذكرتها متعارف عليها و لا اظن انها ل شخصية البوست السر عكاز ، و لربما نسبها له البعض بحسن نيه
| |
|
|
|
|
|
|
|
|
|
Re: ***** نكات واقعية للسر عكاز أظرف طرفاء عطبرة (Re: الهادي الشغيل)
|
مرة السر عكاز ماري بعجلتو وشاف ليك إثنين مشكلين ونزل عشان يحجزهم من بعض (عامل فيها حجّاز) واحد منهم كان زبدو طالع من خشمو بصورة مبالغة زي الجمل من الزعل الشديد وصوتو يلعلع في السماء ، فقام الشخص الآخر أدى صاحبنا أبو زبد مدفّق ده كف قوي من النوع ابو كديس لحدي ما احتمى وراء ظهر السر عكاز .. فعاين ليهو السر عكاز وراء ظهرو وأخذ يردد وهو يبتسم (فأما الزبد فيذهب جفاءاً ) وعاين ليك لأخونا الثاني اللي ضرب الكف وربّت على كتفه وقال ( وأما ما ينفع الناس فيمكث في الأرض )
====
وذات مره كان يلعب كرة قدم جناح..فكشّاه الباك كشّه عنيفه اوقعته ارضاً فعلق قائلا "والتفت الساق بالساق"..!
===
وكان عادة يأتى الى المنزل متأخرا فيدخل دراجته بالمقلوب فيبدو وكأنه خارجا للتو...وعندما يسأله والده ماشى وين يرد عليه وهو يدخل الدراجه:أها خلينا المَرْقه !!!!!
===
كان ساخرا من الفقر فحكى ذات مره ان زوجته تضع له الصينيه وبها صحن فول وعيشتين..التقول عايزه تلعب معاهو "صفرجت "...!
| |
|
|
|
|
|
|
|
|
|
Re: ***** نكات واقعية للسر عكاز أظرف طرفاء عطبرة (Re: الهادي الشغيل)
|
الجماعه كلهم متلمين يوم الجمعه فى بيت كمندان في البوليس والحريق مدور والكمندان ماسك ليهو دو اسود دبل ماعايز يفكو والفى يمينو قافل على دو الاسود من تانى جره ، فى هذه اللحظه دخل السر عكاز ومعاهو صاحبو ولدو مقبوض في شرطة الحصايا اللي في محطة النقطة فى مشاجره وحضر للكمندان ليتوسط له لاطلاق ابنه من الحراسه ، والكمندان مازال ممسكا بدو الاسود حتى ادكت الكتشيته ، فقام السر عكاز قال لصاحبو وهو يتمتم ( أرررح ياااااخى , ده ما فكّ دو الاسود عايزو يفك ليك ولدك !!!!!!!!)
===
عكاز مرة سألوه : " يا عكاز لو امريكا جاتنا انت ح تعمل شنو ؟ قال حا استقبلهم بي " طلع البدر علينا " هههههههههه
==
مرة عكاز معزوم في حولية خاصة بالطريقة القادرية الصوفية .. المهم كل مرة يجي داخل واحد يشبكوهو الناس وين يا مقدم ... تعال يا المقدم .. جيب الموية للمقدم ... زهج قام طالع وقال ليهم بصوت عالي .. أها القيادة دي طلعنا منها
| |
|
|
|
|
|
|
|
|
|
Re: ***** نكات واقعية للسر عكاز أظرف طرفاء عطبرة (Re: الهادي الشغيل)
|
عكاز عنده ود اخوه جاء من البلد عاوز يطلع جنسية ... قال ليهو امشى براك قول ليهم انا ود اخو عكاز
الولد جاهو راجع قال ليهو يا عمي قالو إلا تجيب جنسية عمك وعمك زاتو عشان يشهد ليك
عكاز زعل زعل شديد ... مشي للضابط قاليهو
ياخي ( كليتشي بتاع المريخ ) ... أديتهو جنسية .. بقت على ود اخو ي دا
.
| |
|
|
|
|
|
|
|
|
|
Re: ***** نكات واقعية للسر عكاز أظرف طرفاء عطبرة (Re: الهادي الشغيل)
|
تذكرت قصة حقيقة حدثت مع الاخ عكاز وعكاز من العطبراوين الذين اشتهروا بالنكتة السريعة ، فمرة أرسل احدا يجيب لهم العشاء وهم جالسين في نادي العاصفة اخر الحصاية شمال وفي الطريق مرة على نادي مجاور يلعبون الورق فلعبه معهم وخسر قروش الفول والعيش وشاهد واحد من اصحاب عكاز عجلة المرسل امام النادي المجاور وعندما مشى نادي العاصفة وجدهم منتظرين المرسل للعشاء وقال لهم عجلته واقفه امام النادي التاني ، وعندما رجع المرسل بدون العشاء سألوه وين العشاء؟ قال القروش وقعت مني !!! وعلى طول باغته عكاز ( ليه ما جبت لينا معاك جوكر )...
ههههه يمكن الزول ده يالسر عكاز قصدو يلعب بقروشكم ويكسب ويزيد القروش ويجيب ليكم شيات وكباب وباسطة هههههه
| |
|
|
|
|
|
|
| |
أيمن الطيب
مصطفى البشارى
محمد البشرى الخضر
الطيب عباس
عبدالعزيز الفاضلابى
جمال المنصوري
بكري الخير
ست البنات
معاوية المدير
Ashraf El Bagir
محمد الامين احمد
علي دفع الله
فيس بوك
تويتر
انستقرام
يوتيوب
بنتيريست