|
Re: مسدار الوهيط من طيبة الخواض الي شندي (للش� (Re: عمر صديق)
|
مابي الغمدة بصري من اللجاجة مدبستراريلي وأتب مخلوع قدر ما أكبـــــــسالخلاني فوق ضهر الوهيط متيبــــــسمهيرة الفارس الدخل المحاص متلبـس***شدوهو المنسل من حرارة الجـــــدالعاتي المجنزر بالحديد مو قـــــــــدبدل اللوري والقطر اب تمانية بســد بسوي فعايلو من بعد المسافة تمد***الحر الوهيط الحلوة لي مي هيلـــــــــومشطوط سيدو بي الريد والبنط مابقيلوبعد شدوهو ديداب المسافة بكيلـــــــوبسعف سيدو بالدكتور يداوي عليلـــــو***طربان الوهيط لي السفرة تب نتقتــــوقلبي بشاشي فرحاناً غريمي عتقتــوريداً كنت داسو وبي السنين عتقتــــو فضحو غناي بي سيرة العطيرة فتقتـو***مشغول بالسفر لي شندي طاري فلانهقصدي زيارة لي البي الغي غرامو بلاناالخّل النفس بي ريدتو زاعت اعلانــــــااكحل وافزر المربوع فنايدو ملانـــــــــه***قاصد شندي من طيبة وهبر في ضيققافاها الضحي رويان وفاك الريـــــــــقعلي الملبوسا فردة وفوقا ختت زيـــقدق الكيتة يا فالت كنو اب ابريــــــــــق***الطاحونة والسوق في جفلةً جابــــــــاعداها الوهيط لمحة ودخل في الغابــةجاب في قوز عمر صرمة ومعاها صلابةقاصد كاملة الادب ام جمال ونجابـــــــة***من القوز جفل خرت الرسن واتماديزي لمح البصر حصلبي في العقــادةعلي الكباية الكيف ديمه في بـــرادهعجلان ماغشي الدكان وشالـو زواده***خاتم حلة النقراب وشّور فاتـــــــــــاماغي يمينو بي شمالو البقت كفاتهجوهرة اليمانية البديعة صفاتـــــــــاعانيها الوهيط اللي النجف خفاتــــه|***عقب حوش الخضر وجه حليلة البــــــــانجاها يسوي قمزي الاريل الدركـــــــــــانيارب العباد الواحــــــــــــد المــــــــــــناننشوف العرضو وافر وفي السماحة ملان***فوق قوز الهزيلاب السيالو معلــــفطرب الراوي فوق جملو وبدالو يولفاب زوقا طبيعي معاهو مو متكلـــفمو معقول نواعدو ولي وعدنا نخلف***ميعة قمبر الفيها الخلوق متكتـــــــلهفيها اتخيلا الفوق السرير منحتـــــــلهست المحفل الفي عطورا حتلت حتلهجاها برنجي مو كنجي التلاوي التتلى***الصفاره اولاد عز اهلنا نسابــــــــــــــهقلنالن سلام بي الكفه والسبابـــــــــهاسفين جينا بي فوق يا القوى وحسابهعندنا دعوه في شندي الغمرنا تسابــه***من قمبر مرق فوق حلة النوراب وظــــــهرتلو البنيه وقبة البادرابحشيم المنطق الماقالو ود وجابطويل دربو بيكتلك ويأكل السلاب***جوير ودضبعة عقبو وقفى منو الخاترتريرو بيبعد الشــــــك البقولك فاتــرمشتول القريرات اب وضيباً داتــــــر ضماناً عندو مرواح بي قدرة الساتـر***ميعة ود حسوب شقاها جاري مزودسوّ تدردق الكتحي الكلاب متعـــودوجهاً طابق الاسبوع وديسو مسـوّدنيتي اشوفو قبال الدماس ما يهــوّد***بخيت الختوه قيزان الكمير شقاهــنناطح التم شكرات الغناء وحقاهــــنبعد الدلكة رماناتو خمره سقاهــــن عصراً بدري في بلوزة الحرير وقاهن***فوق القوز شرف واتجوجا جابلو مديدةوالصهريج ظهر شندي القربلو بعيــدا الفي كفيلا مهرة وفي عيونا الصيدةليك اكرام ولي سيدك محنة وريـــدة***ختم جبل الكدركول اب حدايد وفاتــــــوبي زوع النعام الحارسو من اماتـــــــــوفي العقدة ام سلم ولعان وسوّ سواتوقاصد التبــــري لــــونو وبرتكانة حلاتــو***العاتي الخرير دوماتو جاري مسيـــــلصبح الليله يضرع في المسافه واكيلالخلاهو شايل الهاجرة مابي اقــــــيلمكلوف عرضو مو الخام الكرش متفيل***خور الكردة والرحماب وحللو المـــدّنوخرن البصر سرجو الوهيط ماهــدّنعرك الطاقة لي الدوماتو سالن وندّنجباهو الادعج البي كلو راقي اتمدّن***ختم الكردة من قدام وجـــاها يـــــــزوعهدّن لي شراب سيدو وقلملو فــــــروععلي المضمورة خلقه لو عطش لو جوعدومتك كبّت البكري السمح في النــــوع***دومات الحميراب والترس والسمـرةبانن لي ووطيتو الوهيــــــط الجمـــرةالموصوفة بي تقل الرداف والضمـرةنصباها العشا وبنضوق حلاوة التمرة***فات سيال كريم الدين ووجه شندياتخيــــل خيــــالاتا وفتــح لي بنديالخلاني دافق كل موجـود عنــــديفرحان قلبي قرب لي الفريرو بيندي***البحر البخيت خير القدام والجــــــــدوفيهو وردنا كملنا العطش لا حــــــــدوصرفولنا الاوامر قالو روقو وهـــــــــدوبنطون خمسة لي ناس الزوامل يعدو***البنطون وقف قدت الوهيط ودخــــــلتمشغول قلبي بي سيد الجمال الفلتهود الابيض النسل العنانيف خلتـــــــــهلا أتلس وقف لا دارلو جدوة غلــــــــته***عدينا البحر ختوه وبخيته عديـــــــــــلهحنستو وقمز فوقو الفرقتو بكيـــــــــلاسيد المحفل الفصل اللبيق بي التيلههجمو الهايج الكمل شروط الحيــــــله***الباب المبروز بي الحجر والجيـــــــــــــــر جينا وجانا سيدو المالفحلو هـجيــــــــــربي قلدي المحنة الما بسيها اجيـــــــــرعزمنا علي الصراية المي قطاطي حجير***قادوهو الوهيط لي محلة التنظيـــــــماهتموبو غايه ادوهو زايد قيـــــــــــــمفي الحوش المضلل بي النخل والنيمنسفولو العلوق وارتاح وقنب يزيــــــم***نزلو الاقربون متل الصقور الخــــــرّتزولنا يتاتي بي طربة وبسمةً فــــرّتانا وجيرانو عند العودو خلقه مخرّتاتمسينا فوق قهوة وونسةً جــــرّت***اهوقي وجسمي بينات الطلق والصر فايراً سمي زي كافر الدبيب في الحر كترة شوقي والزمن التقيل ينجـــــــرخلن عقلي يحسب وقلبي طاير فـــر***زولاً زوقو فنّي وبي الســماحه مقدّرفرّشن السراير وفوق حريرن ســـدّرفوق العالي جداً وغير مخده محـــدّرارتح راحه تامة وهمي زاح واتــــودّر***هوّد ليلنا واندرجن نجومو وساقن اتقبلن ضمايرنا وصفن واتلاقــــنليلاً كان طويل منو الموايق ضاقنالليل انمحق ساعاتو جت ما حاقن***بكره اصبحت مبسوط عند فلانة العاجـبـةدخلت السوق وقضيت اللوازم الواجبـــــةالسمحة السماحتا لي السماحات حاجبةاكرمناها بي اسبوع المهيرة الناجبـــــــة
| |
|
|
|
|
|
|
Re: مسدار الوهيط من طيبة الخواض الي شندي (للش� (Re: عمر صديق)
|
Quote: مابي الغمدة بصري من اللجاجة مدبس تراريلي وأتب مخلوع قدر ما أكبـــــــس الخلاني فوق ضهر الوهيط متيبــــــس مهيرة الفارس الدخل المحاص متلبـس |
حبيبنا عمر .. إنت عارف في ناس من غير الناطقين ( ههههههههه) يا أخي أنا أول بيت ما فهمت منو شيء .. لازم ترجمة على الشريط عشان نعيد قراءة القصيدة .. أو يا اخي ملخص عن المقصود من القصيدة ..
حبيبنا عمر .. أنا متأكد من القولد إلى حلفا القديمة ما في واحد فاهم القصيدة دي .. عشان كده الحوار الوطني مهم .. مودتي بلا حدود ..
| |
|
|
|
|
|
|
Re: مسدار الوهيط من طيبة الخواض الي شندي (للش� (Re: علي عبدالوهاب عثمان)
|
حبيبنا عمر .. وينك البوست رفعناه ليك .. طيب .. عايزين أبو نسب .. شيخنا المسلمي .. عشان يشرح لينا الموضوع .. وفي حالة الاعتذار حبيبنا الرائع أبوحسين
ملحوظة : أنا شخصياً احب هذا النوع من القصائد لمعرفة المزيد من هذه المفردات زمان كان برنامج المرحوم ( الطيب محمد الطيب ) وكمان الكابلي ما كان بيقصر زمن الاذاعة فيها فن وإبداع ..
في أنتظار .. مودتي للجميع البوست مهم ( هلموا الناطقين بها )
| |
|
|
|
|
|
|
RE: (Re: علي عبدالوهاب عثمان)
|
يا علي الكلام ده ما ساهل و مكتوب بي لغة المسادير القديمة ديك اسي لو جبت نص ناس شندي ما بفهموهو ، دي لغة اندثرت خلاص لكن انا بحاول معااك شوية قدر قدرتي لحد ما يجي عمر والبقية .. ايزي يا عزيزي مابي الغمدة بصري من اللجاجة مدبس تراريلي وأتب مخلوع قدر ما أكبـــــــس الخلاني فوق ضهر الوهيط متيبــــــس مهيرة الفارس الدخل المحاص متلبـس ----- مابي الغمدة يعني ماقدر انوم ، لا استطيع اغماض عيني والسهر تعب عيوني تراريلي : يعني تتراءى لي او بتخيلا قدامي ، واتب مخلوع ، أي اقف منتصبا كأنما بي خوف ، قدر ما أكبس : يعني كل ما احاول النوم الخلاني : أي ما جعلني ، فوق ضهر الوهيط متيبس : يعني راكبا على ظهر حصانه الضخم كأنه ملتصق عليه مهيرة الفارس الدخل المحاص متلبس : شبه محبوبته بالمهرة الاصيلة التي يركبها الفارس وهو بكامل زيه للحرب (المحاصة ) ، وقال ان شوقه لمحبوبته التي تشبه المهرة الاصيلة هي التي دفعته للركوب والسفر .. .... قصيدة قوية جدا من ناحية البناء والنظم ، لكن يبدو ان بها بعض الاخطاء في الطباعة .. هنالك بعض المقاطع ليست موزونة تماما ، او ربما احتاج لقراءتها مرة اخرى
سلام يا عمر وعلي
| |
|
|
|
|
|
|
Re: RE: (Re: Abdullah Idrees)
|
حبيبنا عبدالله إدريس .. لك أزكي التحية والشكر .. هكذا جعلت لي مدخل في هذه القصيدة لأنني أحب معرفة التراث السوداني وأحاول دائماً أن أربط هذه القبائل والشعوب مع بعضها من خلال المفردات والمسميات .. لأننا مهما إختلفت مفرداتنا تجدنا متشابهين في الغالب الأعم تحياتي ومودتي ..
التحية لحبيبناعمر ..
| |
|
|
|
|
|
|
Re: RE: (Re: علي عبدالوهاب عثمان)
|
معليش صاحب البوست .. إحتلال ناعم ..
حبيبنا عبدالله .. لقد توقفت عند بعض العبارات التي لها رمزية ودلالة وهي في أعماقنا وتعود بنا إلى الزمن الجميل .. زمان .. فهدذه المجتمعات متشابهة تماماً .. ونسخ مكررة على شريط النيل ..
Quote: علي الملبوسا فردة وفوقا ختت زيـــق |
فردة ( توب نسائي ) معروف ربما من صناعه شندي أذكر انه كان باللون الأرزق والزيق الابيض .. كمان كان في توب ( التيرقا) وأذكر أحد الشعراء من أعمامنا العرب ( عبدالسيد ) في منطقة دنقلا قال قصيدة يهجو فيها بعض البنات :
يا بنوت سجمكمن تيرقا توب كفنكن
على عكس الفردة كان التيرقا توب خشن ذو منظر كئيب .. والغريبة أن اللون الابيض كان لون الحداد والحزن لدى أهلنا في دنقلا فكانت المرأة في فترة الحداد تلبس التوب الابيض .. على عكس الكرب الاسود السادة ( وارد مصر) كان يرمز الفخامة والزينة ..
Quote: ختم جبل الكدركول اب حدايد وفاتــــــو |
الكدركول كلمة نوبية .. ( كدر) الحصحاص تلك الحجارة الصغيرة الصلبة فبعض الجبال تكون حجرية أو الغالب فيها الصلابة كما لدينا في صحاري المحس ( كول ) مستخدمة بكثرة في عموم السودان وهي في النوبية ( تشير الى ملكية الشيء ) كما يقال في العربية ( ذو ) أو في العامية السودانية (أبو) فمثلا لفظ ( كدكول ) صاحب الكسوة ( أبوكساوي ) (كرمكول) صاحب الجروف عند النيل ( كرما ) نبات نيلي (كوسكول) كووس ( القدح ) صاحب القدح ( سيد القدح ) دلالة الكرم (أمبكول ) أمبو ( ساق النخيل) أو صاحب النخيل والجناين دلالة على الثراء وتستخدم هذه العبارة في المجتمع الزراعي (كملكول) كام ( الإبل ) أو صاحب الابل والقوافل دلالة على الثراء في المجتمع الرعوي (كلكاكول) ورد في شعر إسماعيل حسن .. هو الغار .. (كلو) حجر او جبل (كا) المقام أو البيت أو السكن .. ومقصود عزلة الصوفية الغار
مودتي أخي عبدالله والتحية لصاحب البوست حبيبنا عمر آسف للاحتلال الناعم ..
| |
|
|
|
|
|
|
Re: RE: (Re: Abu Baker Ahmed Abdel Rahman)
|
شكراً حبيبنا أبوبكر .. هذا البوست كنت منهمك معه لفترة .. قرأت هذه القصيدة مرات عديدة والشاعر متمكن جداً .. أنا شخصياً أحب هذا النوع من الشعر رغم صعوبة فهمه مما يدفعني إلى البحث والتعمق في واقعنا السوداني
الأمر يحتاج لمنصور مفتاح
مودتي للحبيب عمر صديق صاحب البوست
| |
|
|
|
|
|
|
Re: RE: (Re: عفاف أبو حريرة)
|
Quote: هوّد ليلنا واندرجن نجومو وساقن اتقبلن ضمايرنا وصفن واتلاقــــن ليلاً كان طويل منو الموايق ضاقن الليل انمحق ساعاتو جت ما حاقن |
يا سلااااااام دا شاعر متمكن وموهوب هود ليلنا واندرجن نجومو وساقن اتقبلن ضمايرنا وصفن واتلاقن
يا سلام
| |
|
|
|
|
|
|
|