كتاب جديد للكاتب ناصف بشير الأمين:التعذيب في السودان 1989 - 2016م
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 23-11-2017, 09:38 AM الصفحة الرئيسية

مدخل أرشيف للعام 2016-2017م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

// ناكل لوبة //

26-09-2017, 10:44 AM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 728

للتواصل معنا

FaceBook
تويتر Twitter
YouTube


// ناكل لوبة //

    10:44 AM September, 26 2017 سودانيز اون لاين
    دفع الله ود الأصيل-
    مكتبتى
    رابط مختصر/ ناكل لوبة //
    [] ناكل .. لوبة ؛؛؛ و مالو ن ما ناكل لوبة![]
    http://sudanelite.com/vb/showthread.php/20952-%D9%86%D8%A7%D9%83%D9%84-%D9%84%D9%88%D8%A8%D8%A9http://sudanelite.com/vb/showthread.php/20952-%D9%86%D8%A7%D9%83%D9%84-%D9%84%D9%88%D8%A8%D8%A9
    تنويه لمن يهمه الأمر:/
    ® ي جماعة الخير بصراحة متناهية كدي،
    عشان "عيون المها ما بين الرصافة و الجسرِ
    ما يقومن يجلبن لينا الهوى من حيث ندري و لا ندري"، فالعبد لله زول واسع الانتشار في القروبات عبر أثيرالأسافير؛ و بأسامي ظاطو ما تديك الدرب ، وحيثما وُجِدَتْ الأجواء الرطبة: ففي الراكوبة/ محسوبك كان/ ابن البادية و حاليا ود الأصيل؛و في ولاية نهر النيل و ود حامد/ ود العزتين ، الخمج الحلتين؛ في الغريبة شمال عطبرة/ باسم حقيقي؛ في العريجاء ريفي العزازي/ود الأصيل ، ثم سنمار ؛ في الواطس/ ود الحيشان التلاتة ؛ في الفيس/Sinymmar / aabersabeel و أخيرن، في ود مدني والعريباب / aabersabeel. لأنو ياخي شايف النقة كترت .فأي حاجة تلقوها ملطوشة كدي و لا كدي فهي من حر بنات أفكاري . يعني لو سراق بسرق من جُزْلاني براي. بس شغال بيهن طواقي؛ من هنا لي هني . ترا متل حكاية {أبو الدرداق و عرسو لستي قمرة}.

    *****(((((1)))))*****
    @ أهااا، بعد الفواصل،
    ممكن نرجع لموضوعنا، اللي هو "ناكل لوبة"
    عدييييل كدي!! نان و تيب،و مالو ياخي؟! موش ترا
    قالولنا بروتين(برمائي)؟! أخير لينا من حاجة قرففف اسمها: (جلافيط القعونج) اللهو ظاطو لمن سمع تصريحات عمك/ مامون حِمَّيْدَة النارية إياها ديك. و قام يتعزز الليمون، و صابو هلع جري الخلا لبد اندس عمل نظام بيات شتوي قبال أوانو. أها ملاحظين إنو و رغم عنف الخريف دا و كترت الطمل
    في حلتنا و لا قعونجاية واحدة ما سمعناها تاني قالت (غوووغ)، تحين ما قلتو نوبة؟! أها عاد
    تحين جنس دا ما خير منو ناكل نيم
    و نحلي قرض راسو عديل!!؟
    *****(((((+)))))*****

    (عدل بواسطة دفع الله ود الأصيل on 26-09-2017, 07:21 PM)
    (عدل بواسطة دفع الله ود الأصيل on 27-09-2017, 10:05 AM)

                   |Articles |News |مقالات |بيانات

26-09-2017, 11:02 AM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 728

للتواصل معنا

FaceBook
تويتر Twitter
YouTube


Re: // ناكل لوبة // (Re: دفع الله ود الأصيل)

    اقتباس المشاكسة الأصلية كتبت بواسطة أبو صديق مشاهدة المشاركة.
    * صباح الخيرات ود الأصيل يا ود العزتين و يا عابر السبيلين يعني هسي اللوبا دي بايته ( قصدي من الأرشيف يعني ). دا أولاً.ثم ثانيا إنت ما تركز ليك علي إسم واحد ماااالك زي التقول مساكك ليك في شيك طاير.

    (2)
    ® بو صديق و مساكم بكل صباحاتٍرابحاتٍ و أماسي بكل خيرٍ نافحاتٍ.حللت أهلاً و نزلت سهلاً بهذه الاستراحةالنفاجية الخالصة والمتواضعة على طريقة أهلك ناس ود مدني على طريقة راكوباب ناس ود التهامي؛ يا حليلم و حليل أيام زمانم الخرافي في (العنقريب).
    *****(((((+)))))*****
    @ و أما بالنسبة لسوعالك عن اللوبة ؛فلو قصدك بايتة هي،فلازم تحدد. لو زول جروف عندنا الفوك(لوبة عفن)دي نفاخا قبض أيد.و كان زول تقانت عندنا لوبة عدسي دي لبليلة رمضان؛ غايتو مع الصيام ما بتنفع ، علا كان تربطلك( كوز ) موية غليد كدا في صرتك مع حقة الصعوط و محكاكة الملود .

    *****(((((+)))))*****

    © و أما لو قصدك الزول الماكلا يكونبايت القَوَىْ ، فذاك شأن آخر. خسوسن كمان،لو رقد ليك رقدت الشيح و عكس مراقد الريح؛لأنها بتفرز حامض (Lobic Acid)؛ و دا بقى أخطر من غاز ثاني أوكسيد اللعوتيك الفتاك. و محرم تداوله دولياً باعتباره سلاح دمار شامل و تناوله و قد يرقى إلى جريمة ضد الإنسانية.و أما عن كترة الأسامي ففعلا أنت تاريك ناقشا كويس شكلك مجرب ياخوي ، و بتنفع لشغل الطواقي و الشيكات الطايرة.و لو ملاحظ حتى الانتماء العرقي برضو صحن فتة.دا كلو لزوم سهولة المناورة ،عند حالاتالضرورات التي تبيح المحظورات.ياخ، و لا خليــك؛ أنت ماكعارف الباقية ساكت!!***(((((+)))))***

    (عدل بواسطة دفع الله ود الأصيل on 26-09-2017, 07:13 PM)

                   |Articles |News |مقالات |بيانات

26-09-2017, 07:07 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 728

للتواصل معنا

FaceBook
تويتر Twitter
YouTube


Re: // ناكل لوبة // (Re: دفع الله ود الأصيل)

    المشاكسة الإصلية كبتبت
    بواسطة / بشير ود تهامي:
    يا عمك هو اللوبا هين ...؟!
    هسع دحين (ملوة) اللوبا بي كم؟!
    ٪٪٪٪٪٪٪٪(((+3+)))٪٪٪٪٪٪٪٪
    ® بشة ي عمگ، يعني مداقرننا حتي في اللوبة عفن دا؟؛ ياخ دا قاعدين يداعونا بيهو. وكتين يشوفوگ مطنقر عامل زعلان و ما دايرين بهببوگ، ترا يقولولك: "إن شاء الله نوفاخ اللوبةالفوك الما ينفك"

    © أها عاد كان كدي علا الواحد تاني يضرب الخلا و الصيسااه ؛ يعيش نباتي مع الطبيعة؛ يعني كان يشوفلو ضريصاء و لا بيت نمل؛ يتعشا بشوية رشوشة من(صلب) نملة، مگشنة بي بصل كلاب؛ و عليها تلاتة (كيزان) موية گدي غولاد من ترس الحقنة، يطفحا بيهن. بعدين يظبطا ليك بي شاي مدنگ گدا ، و گمان مقنن بلبن عوشر. و يلا من ثمة يمش ينبطح يرقد ليگ تحت الشدرة ، مراقد الريح ؛ و يسويلگ عاد ، سوات( الشيح) و مراقد الريح.
                   |Articles |News |مقالات |بيانات

26-09-2017, 08:01 PM

muntasir

تاريخ التسجيل: 07-11-2003
مجموع المشاركات: 2832

للتواصل معنا

FaceBook
تويتر Twitter
YouTube


Re: // ناكل لوبة // (Re: دفع الله ود الأصيل)

    سلام ود الأصيل الفرق شنو بين اللوبا واللوبا واللوبا عفن والجريف واللوبيا والبتكوفر أكتر ياتا
                   |Articles |News |مقالات |بيانات

26-09-2017, 09:09 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 728

للتواصل معنا

FaceBook
تويتر Twitter
YouTube


Re: // ناكل لوبة // (Re: muntasir)

    {4} أولن، تعظبم سلام ليك ي منتصر يا زول حبابك في دارنا المتواضعة.و يا ريت تگون متابعنا دائما، و فالگ طيب. تانيا:معقول ياخ ماگ عارف أنواع اللوابي و لا ياتي فيهن البتنفخ أكتر ، و لا بتمتحن فيني؟!!*****(((((4)))))*****@ ياخ و الله بالجد القلوب شواهد،،، أنا جيت هنا ساكي لي زولن بقولولو ود التهامي علا فعلاً لقيت روحي رايح وسط أخوان من أطعم النفاجية في نخبة النخبة .. طيب على حس اللوبة و الحديس طبعن دايمن بجيب باقي الحديس!!فتعال نگرم مثواگ بشوية طرايف من حلتنا.*****(((((4)))))*****ناكل لوبة با سليقة بي مهيوبة!![] فمن شر البليلة ما يضحك!!! و قبال ما نخش في غريق اللوابي و كدي، قالگ: واحد من عروبنا ديل( معطرب) و شالق متل صاحبي قشير دا، جايب أبناهو و جاي من الخليج كرت كرتونة ؛ و مخلي رحاب الحرمين الشريفين وراه و قال داير يقضي العشرة اللواخر وسط العشيرة في ربوع تاس )أم صفقن عوراض)، غادي من تبول واتا مصبح على جبل اللبايتور .∆ فتاني يوم بدا يدق جرس. قال جاهو ملل شديد من ثالوث المعاناة:(عطش+ كتاحة + نمطية حياة ريفية). العصار يقوم من نص صنقورك ؛ مع جو الرتابة موت بطيء، من كثرة التكرار في كل شيء. *****(((((+)))))*****فلاحظ إنو الحلة دي عن بكرة أبيها تقريباً، عدا من رحمه و فتح عليه ربك بقرشين حلوين ، يصومون و يفطرون علي صنف واحد فقط لا غير، هو/ (السليقة): يمرقو كل صباح على الجزارات ريقان ريقان، يجيبو ربع أو تمن الكيلو دا شايلنو مصرور مضارينو في تيابم ، متل (فسحة الفحص) عند الدكتور، و عليه فرطاقة بصلة و سلقة ملحة و شوية موية . والبعدم خالس، ممكن يضبحو لوبة تمشي حاجتين( بليلة + ملاح) يضربوه مع جك من الشيء وضده آبري /(حلو مر). و يلا عليها!! *****(((((+)))))*****¶ بعد داك يا التراويح جوك ناس ، متعودين يصلوها بالفاتحة و معاها بس سورة فرد واحدة من الخفايف متل ناس/ الإخلاس (قل هو الله أحد ) أو الكوثر ( إنا أعطيناك ا لكوثر ) عشان يرجعوا فسراع فسراع يتكاملو النوم دايخين متل جداد سمير. الساعة تمانية دي شفتا لو في جنازة ما تلقى طفاي النار البسترا . ياخي ديل قال ليك : مرة كدا عمك إمامن الراتب شكلو تقل ليك العيار في السليقة شوية و (بطنو مگركبة).∆ فقامو بالعدم ، جبدولم واحد أظنو ضيف جايبو الدرب ساه قالولو يصلى بيهم. عمك داقس كدا ، ما كان ناقش النظام عندهم: إنو كل الركعات من قولة تيت للنهاية بنفس الوتيرةفقام هبش ليك راس ( و الضحى و الليل إذا سجى). فتعالت أصواتهم محتجين من خلفه يزجرون و كادو يضربونه لامن اتلخبت ظاطو. قام اتنحنح و نضم فب الصلاة قال ليهم: في شنو يا جماعة مالگم ؟! فردو ليك بي حس فرد گورالي واحد " " يا زول ،دي مي ياها السورة القريت بها مع الفاتحة دي".*****(((((+)))))*****

    (عدل بواسطة دفع الله ود الأصيل on 27-09-2017, 04:51 PM)

                   |Articles |News |مقالات |بيانات

27-09-2017, 10:16 AM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 728

للتواصل معنا

FaceBook
تويتر Twitter
YouTube


Re: // ناكل لوبة // (Re: دفع الله ود الأصيل)


    (5)
    ® ناگل لوبة بي دغلوبا))

    المداخلة التالية كتبها/ بشير ود تهامي ،
    وحسب معلوماتي الرهيفة (المريسة
    في الغرب تعتبر وجبة فطور وكدي)
    ***** (((+++)))*****
    ® قشير يا حامل المسگ، المعلومة أعلاه
    شكلك لاطشة حااارة بالشوكه و الشنكار
    من عمتك (حوا بت عبد النبي) لو بتطراها؟!

    © أها قت لي جماعتك ظابطنها على(الاخلاس) و بس.
    لأنو قل تأخير، نفاخ اللوبة بشوف شوغلو و بعدين نبقى
    في(حاو و تر). ههههاي من البساطة البتفقع المرارة.

    @ عشان كدي ياخي كل ما تهل بشاير
    الخير.. رمضان دايمن أحلي في السودان
    حيث بالجوع و العطش الله بيعظم الأجر لينا أكتر.
    و عشان كدا بالجد "وا شريري نا و يا حليلي نا النايم على حيلي،
    لو ما كنت سوداني؛ و ناس أمحمد و عطانا ديلا ظاطو ماهون أهلي".

    ¶ فياريت ي بشة تجونا كل شوية تغيرو معانا جو في نفافيج (أم صفقن عراض ).
    و خلك من الجماعة ديل اللي رمضان دا فرصتنا الوحيدة يضوقو معانا (الحلو مر)
    و بعداك تاني يواصلو باقي فصول السنة هم حلو (بس) و نحن مراير (بس).

    ¶ متلما برضو الضحية بياكلو معانا المرارة،؛ و يفكونا عكس الهبباي،
    نرجع تاني: نحن لوبة لوبة؛ هم توبة توبة؛ و دهن النغانغ دا تلقاهو
    سايل البسداغات لحدت الكيعان) ناس مرطبة ياخي، و ناس مهببة.
    *****(((((+)))))*****
    فَمَنْزِلِيَ الفَضَاءً و سًقْفُ بًيْتِي** ‏سَمَاءُ الله أو كٌتًلُ السَّحَابِ
    فأَنْـتَ إذا أردْتَ دخـلتَ بَيْتِي *** عَلَيَّ مُسَلِّمـاً من غَيْـرِ بـابِ
    لأني لَمْ أجِدْ مصـراعَ بابٍ*** يَكُوْنُ من السَّحَـابِ إلى الترابِ

                   |Articles |News |مقالات |بيانات

27-09-2017, 07:22 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 728

للتواصل معنا

FaceBook
تويتر Twitter
YouTube


Re: // ناكل لوبة // (Re: دفع الله ود الأصيل)

    اقتباس المشاكسة الأصلية كتبت
    بواسطة بشير ود تهامي مشاهدة المشاركة:
    يازول مساكگني انا مالي گمان....؟! مدين منك قريشات و علمتا ظغبير وماشفتني تاني...؟!انا متلي متل (ود شلعي) بجي داخل تووووووش وبمرق جب جلب جنبلغ لأنو (يد في الموية ) و (يد في النار)..؟!
    ٪٪٪٪٪٪٪٪٪٪(((6)))٪٪٪٪٪٪٪٪٪٪٪
    علا ي ود ااتهامي و الله ياها ، كان قالولك سمين،. بس تقول يامين. هي و نان آعشا البيتات البدرج العاطلات. و مقنع الكاشفات هي و نان أنا عندي قريشان بزوغو بيهن. كونتا مستني ضحيتي سواكني يجيني من أخوانا (المعطربين) عايم گاطع بحر المالح من طرفگ و لا من عبدو؟!
                   |Articles |News |مقالات |بيانات

28-09-2017, 12:09 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 728

للتواصل معنا

FaceBook
تويتر Twitter
YouTube


Re: // ناكل لوبة // (Re: دفع الله ود الأصيل)

    (7)
    اقتباس المشاكسة الأصلية كتبت
    بواسطة أبو صديق مشاهدة المشاركة:
    ربنا يمتعك بالصحة و العافية يا ود الحيشان التلاتة
    و أحب اطمنك تب أنا اللوبا ظاطا نعم اأا ظول شرق
    اتدثر ضفاف الأزرق الوهاج و استظل ل تبش و موليتا
    و سينات البلدات هيييييع أنا أخوك آت
    (6)
    لا عاد كان بتعرف جنس ديل طب ما عندك
    عوجة.
    عمومن سمح كدي هاك ديل

    ما في فيلا في راكوبة
    في وسط الهجير منصوبة
    بي شوك الكتر مزروبة
    بي دغلوبة ناكل لوبة
    بابها حصير وعادمه سرير
    و السوسيو وقع في الزير
    و الحماره ليها هدير اخوك
    بي غادي ليهو شخير
    برضو كمان نكون عايشين
    اتاريكم انتو يا الحلوين
    اساميكم تدقر العين
                   |Articles |News |مقالات |بيانات

29-09-2017, 01:05 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 728

للتواصل معنا

FaceBook
تويتر Twitter
YouTube


Re: // ناكل لوبة // (Re: دفع الله ود الأصيل)

    المشاركة الأصلية كتبت
    بواسطة ياسر عمر الامين:
    ده ما بيات يا استاذنا عابر..
    اناسمعت انو الصينيين يممو
    وجوهم شطر السودان لتوطيد
    العلاقات القعونجاويه..
    (8)
    أولاُ1000مبروك،
    و تعذرني يا اغلي من غالي ،
    لومي معاك البل ما يشيلنو .
    تعبان مع الكيبورد . والمتابعة مشكلة.
    ورغم عنف الخريف دا وكترت
    الطمل في حلتنا ولا قعونجة
    واحدة ما سمعناها تاني قالت
    غاغ، ما قلتو نوبة؟!
    []ههههههه[]
    ***(((+)))***
    القعونج يكون سمع
    بكلام وزير الصحة ياعابر
    بانه مفيد وبه بروتينات بالكوم ,
    عشان كدا لبَد مشاققة :ياخ هو قاليك
    فوائد اللوبة شوية ؟خاصة في الخريف .
    ***********(((((+)))))**********
    []شكرا يا أمير الناس []
    و برضو معليش الكي بورد
    حق موبايلي مخستك معانا.بس
    مش الضفادع براها الفهمت الرسالة ،
    إحنا ذاتنا مفروض الكلام يكون ليك أنت
    يا المشتح اضنيك أيوة و مال قايل شنو؟!
    دي مش تعليمات طبيب ، دا وزير صحة.
    و يا وزير الصحة هوووي قوم أصحى!!
    *********(((((+)))))********
    []
                   |Articles |News |مقالات |بيانات

01-10-2017, 06:43 AM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 728

للتواصل معنا

FaceBook
تويتر Twitter
YouTube


Re: // ناكل لوبة // (Re: دفع الله ود الأصيل)

    (9)باشري جناين ويحيد أمو . ترا عايشين بالكفاف..
    اها لهمة الكسرةيوم بي بصارة، دوقة ملحة و شطيطة يَتِفًّو فوقا بصلة.
    و كان غيروا خلااااسعلا بي ملاح لوبة. حيلتم معزاية تقرةلطنوب اللبينة ،
    و دحيش نعير يركبوبو لي (طــاحونة الأنيــن). و عندهم حبيبات فتريتة زي
    اردبين مدفونات في مطمورة جنب البيت.فيوم أمو مرقت ليها ليناس بكا
    فانتهز الفرصة غفلا قام يتشوبر قلع المطمورة مشى جلب العيش باعو
    في سوق تمبول. فا جات أمو سعلتو . قال داير يحفر ليهم مستراح
    (لزوم طلوع زي الناس)قال يرتاحو ساااه من مزازاة الشدر.
    أها زعلت قالتلو:" هي و نان آلدخري الخزين، عشا البايتات ،
    يا البدرج العاطلات، تحين أدبخانتك البدور تحفرا دي بتملاها
    بي شنو ،و كتين بعت مونتنا و قمحتنا مرة واحدة؟!!"

    (عدل بواسطة دفع الله ود الأصيل on 01-10-2017, 06:45 AM)
    (عدل بواسطة دفع الله ود الأصيل on 02-10-2017, 10:16 AM)

                   |Articles |News |مقالات |بيانات

02-10-2017, 10:40 AM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 728

للتواصل معنا

FaceBook
تويتر Twitter
YouTube


Re: // ناكل لوبة // (Re: دفع الله ود الأصيل)

    اقتباس المشاكسة الأصلية كتبت
    بواسطة بشير ود تهامي مشاهدة المشاركة:
    لالا ما فاكر شئ ابداعلا بس في بوستن كان حق zekra ،
    اسمو (خالتو آمنة ست العرقي غلبت البوليص)؟؟!!
    بعدين (ام طرقا عراض) دي الظاهر عليهو كان عندكم واحدة
    (فالحة في العواسة) وطرقتا عريييييييييييييضة ومن هنا اتي الاسم..؟!
    (هو انتا قايل اي إمرأة بتعرف تعوس) ههه اسكت ساااي (جنس خرمجة
    هي لكن) ولا في طرقة من اصلو في شلاتيت وشراميل طرقة وكدي .؟!
    حليل (طرقة الكسرة البترحمن ديك) طرقة واحد بس يعطنوها لي في
    (كورية الروب) تاكل وتشبع وتشرب الباقي وتتكرع كمان وتحمد
    سيدك حمدا يوالي نعمه ..واحات الله وماك رايدني حليفه لما
    كان الناس عقيدتهم سمحه وقلوبهم منشرحه (كان الغنم
    عندنا تلد اثنين جوز جوز) (سخلة وعتود)..
    علا هسع دي حدث ولا حرج ...؟!
    حسبنا الله ونعم الوكيل
    *****(((((10)))))*****
    لعلك تقصد أيام ربع الرطل يدفس القزازة لي حلكَّا،
    و متر مصران العرنون فيه سبع ياردات، تحين مو كدي ي بشة؟!
    عمومن ،لا أملك سوى الوقوف مشدوهاً أمام هذا اليراع النابض بالحيوية
    وهو دافعني دفعاً للخروج من عزلتي المجيدة ولاجمني لجماً بلجام من نار لأقول
    خيراً أو لأصمت. فيبدو أنني واقع و لا محالة في شر أفعالي إذ أجاري خيولاً عربيةً
    أصيلةً في عنفوان صباها و قد هرم قلمي و سقطت أسنانه في حلق محبرتي بعد أن
    نضب مدادها..و لكن فضولي يدفعني أيضاًلسؤالكم فيقول: إنتو يا بشر؟! جيتي من
    وين يابنية و ناوية على وين السفر؟ قلت من بلدي الوديعة؟ مدني يا أجمل خبرْ!
    فيك قضيت الطفولة فيك شاب عمري وكبر ..عايشة في حدقات عيونى و باقية
    فى جواي أثــرْ.. تلهم الكــــاشف يغنى و تلهم المساح شِعِرْ.السلام شيليه منى،
    و ذكرياتى مع الصُّوَرْ.. بلغي ناسي و صحابىقولى فرقنا القدرْ إن نأيت لابد
    راجع حتى لو طال السَّفَرْأذكر ايامنا الجميلة و مجلس النيل فى العصر
    الحنينيا مدني ليك صحا فى نفسى الوَتَرْ..(مع اعتذاري للتطاول
    على شاعر:"مدني يا أجمل خبر"و مغنيها ود الرفاعي).
    *****(((((+)))))*****
    بخاطري شيء: حين يكون البوح درراً مما نتبارى به عن معاني الألفة
    سنبدأ معكم من هنا ، كنوع من أعطاء الخبز لخبازيه و لنتمتع بما تخبزون
    و نستوصي خيراً بما تطرحون كي نعود منتفعين. في خاطري أن نضم أصواتنا
    لمهرجان واقعنا الذي بين أياديكم ؛ لنغرس معاً فسائل حنطةٍ و شعيراً بصحارينا اليباب ؛
    فلنسكب عليها حوضاً من نبل عطفكم الجياش . في خاطري شيء: أن نَمُدَّ إليكم صحافنا بيضاً
    من غير سوءٍ "تحتضن "ترانيم "أقلامكم و دوزنات حروفكم مدرارةً بمعنى أن المجال مفسوحٌ
    أوراقاً وقراطيس ليزرف الكل عليها الحبر إضاءاتٍ و" إشراقاً " بكل ما يجول " بخلدكم" فلتكتبوا..
    لنا ما يدور بخُلْدِكم "ولتهمسوا لنا بما يتردد بطبول آذانكم ..فهنا القراطيس لا تزال عذراء بيضــاء دوماً
    لم يغزو أرضها "وجع"العتمة فقط .. أكتبوا لنا ما يحلّق بفضــاء " خواطركم " وأن كنتم ترونه " لا شيء"
    في نظركم فذاك منكم تواضع كحُبْلَى السنابل حين تنحني بقطافها؛ و الفارغات رؤوسهن شوامخ و هو بنظرنا
    يبقى" كل شيء" ننتظركم ... فبارك الله فيكم أعزائي وزادكم بسطة في العلم و رفعكم شموخاً في الهمة. اسمحوا
    لي أن أضيف فواصل متواضفةً بعد نقاطكم في أؤلئك الذين يعلقون سلبياتهم و ينأون بنائحة اللومفي قٍَصَرِأنظارِهم
    لفضائل الحب على مشجب ثبت على جدار الزمن من باب الحفاظ على بعض ماء الوجه ،و لسان حالهم يقول:
    نعيب زماننا والعيب فينا ..ومال زماننا عيب سوانا ..ونهجو ذا الزمانبغير ذنب ..ولو نطق الزمان لنا هجانا..
    وليس الذئب يأكل لحم ذئب.ويأكل بعضنابعض عياناً. لقد أقعدنا حطام دنيايا كثيراً عن غاياتنا النبيلة
    والحب أسماها.و تسكعنا طويلاً نلهي أنفسنا بمناظر الطريق حتى وجدنا أنفسنا نحبوا
    في زمان الكبار. ... فأصبحنا نعيش في عالم "افتراضي "
    بعيد عن قيمنا ورسالتنا الخالدة حتى صار كل شيء
    عندنا منقلباً عقباً على رأسه. أرجو
    ألا أكون سرحت من الموضوع.
    *****(((((+)))))*****
                   |Articles |News |مقالات |بيانات

03-10-2017, 07:20 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 728

للتواصل معنا

FaceBook
تويتر Twitter
YouTube


Re: // ناكل لوبة // (Re: دفع الله ود الأصيل)

    (11)
    اقتباس المشاكسة الأصلية كتبت
    بواسطة بشير ود تهامي مشاهدة المشاركة:
    لالا بقصد (ام رطلين و ربع) بتاعت عصير الكرستال الزمان داك؟! يا اخي البعملوا فيها يعني المعني يعني (يحقنوا فيها السمن البلدي) سمن المعوز و كدي. هوي، لكن سرحت سااااي سرحت عدوك. تيب قول ياود الأصيل من هي تلگ الحسناء التي تناجيها بقولگ أدناه: ( جاية من رنية و ناور. عل. وبن اليفر؟! فبارك الله فيكم عزيزتي و زادك بسطة في العلم و رفعكم شموخاً في الهمة. و اسمحوا لي أن أضيف فواصل متواضفةً بعد نقاطكم في أولئك الذين يعلقون سلبياتهم و ينأون بنائحة قصر نظرهم لفضائل الحب على مشجب ثبت على جدار الزمن من باب الحفاظ على بعض ماء الوجه).
    من هي هذه العزيزة ياخ ....؟!
    ٪٪٪٪٪٪٪٪(((+++)))٪٪٪٪٪٪٪٪٪
    يا بشة ربما تگون رمزية بس. ثم
    ياخ دي بالذات أكان تفطها ما تنسخا.
    أصلكن بالله ما بتفوتو لا شاردة لا واردة
    بس الشقي بس يعتر في قبدگم. مجرد لتغة
    لسان من الگيبورد زلقت لينا تأء تأنيث مشرقطة
    سهواً من السما. و هي طبعن ، دايماً متعودة كان
    ساكنة و لا متحركة تىاعة باقيالنا متل شوك
    الحوت. غايتو نحنا علا نقيف لها بس
    (عود عشر)؛ و الباقي براك عارفو!!
                   |Articles |News |مقالات |بيانات

04-10-2017, 03:57 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 728

للتواصل معنا

FaceBook
تويتر Twitter
YouTube


Re: // ناكل لوبة // (Re: دفع الله ود الأصيل)

    (12)
    اقتباس المشاكية الأصلية كتبت
    بواسطة بشير ود تهامي مشاهدة المشاركة:
    ذكرتني ياخ لما كنا في المرحلة المتوسطة (حليل المتوسطة)؟!كنا في حصة الخغرافية بجيبوا ليها (اطلس) وبوزعوا كل اثنين في كتاب اها انا وزميلي الان (عميد شرطة) كان بجيناكتاب اطلس مكتوب فيهو وبين الخرائط بخط جميل جدا (عصيدة حااارة ومعاها كوز مريسة)؟؟! كل الاطلس مكتبوب بهذه الطريقة اها في كل توزيعه بجينا الاطلس ده لدرجة انو لو حصل غلط مشى عند ناس تانين بجيبوا لينا (هوا) وياخد الما مكتوب فيه مننا ...؟! وحسب معلوماتي الرهيفة (المريسة في الغرب تعتبر وجبة فطور وكدي)؟!!
    ٪٪٪٪٪٪٪٪٪(((+12+)))٪٪٪٪٪٪٪٪٪
    تخريمة سريعة كدا و نقطة نظام بالله،،،
    ® علا إتا يا ود التهامي اللخو ، تحين قوت لي لامن كنتو في المرحلة المتوسطة مو گدي؟!. يا زول ما تخاف الله و تقوم تلف يا عمگ ما تشبحا شديد گدي ، يقوم ينگطع فيگ طايوق، و لا تنزلق لگ صابونة مخروقة. ياخي المتوسطة دي نحنا ظاطنا الأصغر منگ ما رجيناها.حاضرين السانوي العام ، و گان ليگ إتا آبو ضراع، عاد تگون من الوسطى و زات الراسين و لي غادي.
    و لا عاد گان گدي أخير نرجعگ مرحلو الأساس راسو عدييل!!

    © عارف ، ذگرتتي عمگ الجاگ الگضاب. مرة في لمة فراش بگا ماسگ لگ المجلس مگطع الناس النفس. بس الدورابة و را الدورابة. فگان جنبو ود عمن ليو، قاللو إتا آالجاگ گلو ما تگبر الگضبة أنا بديگ قرصة و بقولگ الجاگ ، أنبهگ و گدي، عشان تباقصا شوية. قاللو سمح أتفقنا.

    ∆ و يلا قبل علي اللمة ، و بدا يحگيلو في مغامرة بطلا هو مع تومساح عوشاري ، قال صدناهو في بحر أزرق جيهة الصعيد. قال ضنبو دا برايو بجيبلو خمسطاشر متر؛ أها و د عمو بدا يقارص فيه و هو بدا يباقص في طول الضنب ، لحدت ما وصلو نص متر بس. و داگ لسة يقارص فيه لامن گطع جلدو تگطع، و يسويلو : الجاگ ، الجاگ. فلامن خلاس زهج منو ، قاللو تطير عيشتو الجاك ، أها عاد علا گان أخليه ليگ أملط ، برا ضنب؟!
    و يلا انگطعت انشمطت و راحت الحگاية شمار في مرقة.

    (عدل بواسطة دفع الله ود الأصيل on 04-10-2017, 05:43 PM)

                   |Articles |News |مقالات |بيانات

04-10-2017, 06:03 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 728

للتواصل معنا

FaceBook
تويتر Twitter
YouTube


Re: // ناكل لوبة // (Re: دفع الله ود الأصيل)

    (13)
    اقتباس المشاكسة الأصلية كتبت
    بواسطة سيف الاسلام مشاهدة المشاركة:
    الليلة عاد طريتني خالي ود المطامير وو نفاخ
    اللوبا أثناء رحلته إلي ابو ظبي بالطيارة.
    ٪٪٪٪٪٪٪٪٪٪(((+13+)))٪٪٪٪٪٪٪٪٪٪
    خالك ود المطامير ياخوي زولي تب. و ود حفرتي.
    شايفو مصنقر محگر وسط كبار رجالا ت النخبة،
    علا الناس ديل بي صمتم رحبوبي، علا هو اللي
    هسي عامل تقيل، و لا فتح خشمو هبهبني. يعني
    متغابي فوقي العرفة ، مع إني برايجايب سيرتو
    كم مرة هنا.
    © أها قتا لي هسي هو منقكع في جزيرة نائية ،
    أها للعبادة و لا للتأمل الإيحائي' و لا گمان تلقاه
    شغال يصطاد في (اللحم الأبيض المتوسط؟!!)
    أها و إن ساء الله بس تگون السنارة غمزت؟!!!

    ¶ طبعن گنا شلة گاربة فيها هو والعبد للله عابر سبيل،
    و أبو إيثار ، و السواح ، و عاشق الترحال و الحلبي
    البشبه أوگامبو داگ، اسمو التنين ،نفاخ النار؛ گتا ياخ عاملين ثورة گونية عدييل. علا باهو حال الدنيا فراقة.
                   |Articles |News |مقالات |بيانات

05-10-2017, 08:43 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 728

للتواصل معنا

FaceBook
تويتر Twitter
YouTube


Re: // ناكل لوبة // (Re: دفع الله ود الأصيل)

    (14)
    (Aya Omer Sinnar)
    منقول:
    [} دا عشان تآمن بس إنو نحنا قاعدبن نتعاطى ذاگ الأفيون القاتل ، بل و مدمنين علية. و لگن ، إنما على على طريقة :"إياگ أعني واسمعي يا جارة" و لگل شيخ طريقته.

    ® ذى ماانتو..ياالحلوين وذى ماانتو ياالحلوين خالين بال و مرتاحين تأكلو رغيف وكلو خفيف وكلو ظريف نحنا هناك كمان عايشين نضرب خضرة بالكاتو نتمها مويه بالمرغوبة نأكل لوبة تخلى الزول يقيف انبوبة تستفو تب تبرشمو تب توقفو تب تبقى انفاسنا فيها صعوبة.

    © و برضو استايل نكون عايشين. ذى ماانتو يا الحلوين فى جو القصور ساكنين هناك الناس كمان ساكنين ولو فى ضل راكوبة بشوك الكتر مزروبة وفى حر الهجير موكوبة بابها حصير و عادمة سرير و السوسيو وقع فى الزير و الخماره ليها هدير وابوك بغادى ليهو شخير وكان زرتونا ياالحلوين بدل لفدور تشمو لعود وتلقو هناك طقم بنوت .

    @ و ديك شافعة ميرودة ناشفة تقول كراع شرموط تشوفها تقول هسى تموت واريتها تموت مااصلو الناس كتير بتموت وديك بيغادى تتونس وواحدة كمان بتتحنن وشوف السمحة ديك مخطوبة قاعدة تفلى فى الحبوبة وتلقى الحاجة بقرقوبة قاعدة هناك تهز فى روبه و شافع لونو ذى الطوبة فى نص راسو قامت غوبة وشافع هناك يقلب الهوبة.

    ∆ و برضو ستايل نكون عايشين اساميكم: ديك ياسمين وداك نزار وديك سوزان وداك امجد وديك هزار .. نحنا هناك اسمونا كتار: اخوك حنكوك وابوك قرجة واختنا عوجة وودعقربا وام بلى وام الطور وام كابور وجبر الدار وعوض الجيد وود سفار وبت تيه وأسامى كتيرة منسية.

    ¶ اصلكم انتو ياالحلوين اكلتو حقوقنا ذندية وطرتو هناك على النفحة الأوربية. نسيتو الكعة وام دلدوم بقيتو تضربوا كارتيه وقلتو دى هى المثاليه.

    ¶ الاإنتو ياالحلوين حياتكم مرة مابتندار حياة النفخة والبوبار وابدا مابتكرمو الضيف و مابتعرفوا حق الجار.. وعاد يوم يقطع التيار نلقاكم كبار وصغار تقولوا صبرا ضرب حجار
    .......
                   |Articles |News |مقالات |بيانات

08-10-2017, 10:08 AM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 728

للتواصل معنا

FaceBook
تويتر Twitter
YouTube


Re: // ناكل لوبة // (Re: دفع الله ود الأصيل)

    \(15)
    المشاركة الأصلية كتبت بواسطة أبا إيثار
    تمنياتي لك دوماً بالصحة والعافية أستاذي الرائع ..
    باللول بدور أسعلك إنت القعونج ده حرام ولا حلال ؟؟
    زمان عندي أخوي دخل القوات الخاصة وتخرج برتبة ضابط
    وكان بجينا البيت وبحكي لينا إنو أكل كم قعونجة كدة وكان
    بشرح طريقة سلخها وقتلها و للأسف بتم كل ده في ثواني
    عن طريق جوانب البوت اللابسو ؟؟ تخيل كم مسكينة هي اللوبة
    ياا أستاذ اللوبة سمحة و مشهية ومفيدة بس والله أنا مابحبها لأنو بتتعبني ؟؟
    مش لأني حنكوش والله أكلتها لمن بقيت برويتيناريا بس عشان جواي في ماكنتوش ؟؟؟؟
    لك المودة وكل التقدير ياوريف ..
    مشلعيب :
    ******************(((+15+)))**********************
    و الله الواحد بقي يتوقع أي شي من جماعتك ديل بس ربك المستعان .
    كدي اول تبادي تفسر لي مشلعيب دي اسم حركي ، كان كدي حاشاك الحنكشة.
    اما اكل القعونج تستفتي عمك /محمد حسن، لكن كتلو حرام دي علي حسابي.
    بس لسة ما شفتو حاجة ، الغريق جاي.
    المشاركة الأصلية كتبت بواسطة أبا إيثار
    ههههههه مشلعيب دي حركية إبتدعوها حبوباتنا للملمة
    ماتبقي من طعام بايت. التلاجة هسة يعني بالعربي ؟؟
    المقصود ماعارفين بكرة البعلّقو شنو في مشلعيبهم ..
    مساك عافية ..
    **************************************
    مشلعيب بعرفا بلحيل ، وكمان ازيدك في الشعر بيت
    مسمنو دوا كلب ودوا كديس. بس الداير اعرفو ، اذا كان
    اسم حركي لشحصكم الكريم . و لو ما الكيبورد معصلج
    كنا هريناك تراتيات و كنوز من سحارة حبوبتي . علي
    الاقل اللوبةالقاعد تنفخك دي براها ليها براها مية اسم!
    كن كصندلة ٍ ، تعطر فأس قاطعها
    كن وردةً ، عطرها حتى لسارقها
    لا دمنةً ، خبثها حتى لساقيها
                   |Articles |News |مقالات |بيانات

10-10-2017, 07:23 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 728

للتواصل معنا

FaceBook
تويتر Twitter
YouTube


Re: // ناكل لوبة // (Re: دفع الله ود الأصيل)

    .......المشاركة الأصلية كتبت بواسطة أبا إيثار
    وهادي وهيطة والغريق منك إنتشال دررتشتهيها
    الأنفس ماتطول علينا بس ؟؟في الإنتظار يازول يا
    رائع ..لِم كلّما أوغلت في عينيك يقتلني الظمأ.
    ٪٪٪٪٪٪٪٪٪(((16))))٪٪٪٪٪٪٪٪٪٪٪٪٪
    تشتهيگ العافية ، أبا إبثار ؛؛؛؛ طؤب اسمع: أهلنا ناس تنوب من أرض اىمكنة وفي قلب الجزيرة (ودي فرصة برضو الواحد بحييهم من هنا و بترحظ على روخ أعمامنا الراحلين/ اللمين عبد الغفار و الخالدي)
    [} الحلة مقسومة على خشم بيتين: كناباب و منللَّاب يعني (عيال كنان) و (أولاد من الله). و عايشين فيما بيناتم حرباً
    باردةً شعواء. فيها مداقرات و مناقرات و سجالات تقيلة تقول بالله و لا في (سوق عكاظ) و معاهم شوية بويتات مجدعات متل الأباريق، نازحين من قرى مجاورة زي ناس شادلي ومريود و ود حسين ود أب لقمة، عاملين (جبهة بوليساريو) وجنبهم كمبو شُركيلة معصور هنوووك دقار سفة بين الحلة و الترعة متل الزايدة الدودية.

    [} الشاهد بقى حبيبنا/ الحاج كنان عربي ممسوخ لسانو فلقة و قاعد يقرق على الفريق المنافس يقول: ديل يوم تجي مطرة دا هو اليوم الوحيد الممكن يضوقو فيه دعة اللحم. فيقومو يجيبو ليهم عديد(ابن العنز) بجغور كدا و يمرقو بيه يصنقرو فوق ضهر الترعة الجاية من المناقل، و يلا يبدو ينخسو ليك في الواطة و هم يتفاوضون حول قضية تقسيم اللحم و العفشة قبال الضبيحة ظاطا ما تتم.

    [} و بهنا ، و السخيل المسكين تلقاه واقف منتظر حيران و متملل يحدر جاي و جاي، ليس خوفاً من شفرة ذابحه بقدرما هو قرفان من كترة النقة و اللت و العجن و مفاوضات شرق أوسطية لا تنتهب ، و لا تودي لا تجيب. و ذلگ لعلمه علم اليقين أنها ستنتهي بفشل محتوم و لامحالة. ثم ينفض السامر، بعدما يدوه قشطتين على صلبه و ينكشح ؛ ليعلنها كبير القوم صرخة مدوية إنو: الليلة مافي لحمة، إذاً ، عاد (يلا ناكل لوبة)، فسرعان ما تصظح بها حناجر الغاشي و الماشي و تنطلق الهتافات بطرؤقة كورالية تشق عنان الافق وتطوف بها المظارات هادرة عبر أزقة ونفافيج تنوب: ناكل لوبة!! ناكل لوبة!! و بالنسبة للنفاخات بعدين: نلعب عيتنوبة و نقلب هوبة!!!

    كن كصندلة ٍ ، تعطر فأس قاطعها
    كن وردةً ، عطرها حتى لسارقها
    لا دمنةً ، خبثها حتى لساقيها
                   |Articles |News |مقالات |بيانات

18-10-2017, 05:05 PM

دفع الله ود الأصيل
<aدفع الله ود الأصيل
تاريخ التسجيل: 15-08-2017
مجموع المشاركات: 728

للتواصل معنا

FaceBook
تويتر Twitter
YouTube


Re: // ناكل لوبة // (Re: دفع الله ود الأصيل)

    المشاركة الأصلية كتبت بواسطة سواااح:
    يا ود الأصيل و أنت عابر سبيل ..التصريحات
    المدوية والتي هي اغرب من الغريب حاجة
    غريبة ..
    تعريجة ..قالوا السودان انعدم فيهو نفاخ النار ..
    معليش قصدي صوت القعوي

    (17)
    زي ما قلنا
    الغريق لسة جاي! غايتو ربك يجيبو قوي ويستر علينا من القمل بعد الضفادع! أقلو هذه الاخيرة مدبرة حالها أخير مننا، لديها مخابي بيات شتوية سرية ، بس قول لي احنا نقبل وين؟!!! سوااح ياخ بالجد مشتاقين ، و متمنين لينا لمة كدا تجمعنا ليك تلاتة : العبد لله /عابر سبيل و سوااااح وعاشق ترحال و ود المطامير و التنين نفاخ النار لنحدث انتفاضة گونية.

    كن كصندلة ٍ ، تعطر فأس قاطعها
    كن وردةً ، عطرها حتى لسارقها
    لا دمنةً ، خبثها حتى لساقيها
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de