Quote: سلامات عبدالعظيم يكفي محمود انه وبشهادة النقاد انه كسر قاعدة "حلو الغناء في خشم سيدو"
سلامات عماد
محمود دا حالة إبداعية لن تكرر وقدرات علي التطريب والسيطرة علي النغم عجيبة ... في أغنيات أتوقع أصحابها الأصلييين\ بكونوا خجلانين يغنوها بعده ... بالله شوف حب الناس للخالدي ياخي الحوت بصم عليها ومسخها للخالدي ما بقدر يطلع منها التطريب الطلعه محمود
08-08-2017, 07:34 PM
عزيز
عزيز
تاريخ التسجيل: 04-12-2002
مجموع المشاركات: 3290
الحبيب عبدالعظيم لك التحية قالوا الكاشف عبقرية لن تتكرر ! وقالوا الفرعون فنان أفريقيا !! وقالوا مصطفى سيد احمد لن يجود الزمان بمثله !!! وقالوا الحوت اسطورة لن تتكرر إلى قيام الدابة !!!!
لماذا لا يهتم المختصون بهذه التجارب ويحللوا خصائص كل منهم ليثبتوا لنا ما اشاعوه معجبيهم..
مودتي يا حبيب
08-08-2017, 07:28 PM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
اشتهر وصدح بلونيته وأعجب الملايين ولا يزال العمالقة أحياء من أيام محمد وردي
وأحمد المصطفى وعثمان حسين وزيدان إبراهيم وغيرهم كثير
تخيل تقليده صعب جداً حتى في الغناء الذي تغنى به لمن كان قبله من الفنانين
لا بد من موقع خاص بالانترنت يوثق ويحفظ للحوت صوره ومواقفه وألحانه ولونيتـه
أحمد الشايقي
محمود عبدالعزيز "الحوت" ضيعناه نحنا ديل "الشعب السوداني والمثقفين" حكومة السجم دي مارست عليه كل قبحها وكرهها للإبداع (محمود كان بجلدوه ناس النظام العام) أطرف عسكري كان بخت ليه قندول بنقو ويعمل ليه كمين .. محمود ظل صامد ويغني لجمهوره وإرتبط بطبقته من الفقراء والمساكيـن .. وكان يحب جمهوره (رغم بعض السلوكيات ) ولكنه كان يقدر جمهورة من البسطاء وضحايا الحرب , محمود حالة فريدة محمود ضحية مجتمع لم يقدر حجم موهبته وقدر شنو زول زي دا ممكن يستمر رمز خالد وواحد من صناع الإبداع في السودان ... الغريب في الأمر أن حير إبراهيم شبه محمود في إحدي مقالاته (بعجينة البؤس) وأنه ينفذ سياسات الإنقاذ في إلهاء الشباب وخلق حالة من اللامبالاة (عندها سقط دكتور حيدر سقوط لم أجد له مبرر حتي الآن!!)
محمود خلق ليكون فنان ومبدع لا أن يتحمل عبء قيادة التغيير والمقاومة رغما عن ذلك كان أيقونة الشباب في رفض الواقع التعيس وكان متنفسا لهم عندما يغني ( ما تبقي خوف أبقي الصمود) ...
لم نحسن التعامل مع هذه الحالة الإبداعية لم نحميه من تسلط النظام العام
رحم الله الحوت
08-08-2017, 07:36 PM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
Quote: ظاهرة واسطورة لن تتكرر نسال الله ان يرحمه ويغفر له بقدر ما اسعد واشجى وروح عن الناس في هذه الفانية ...
تحياتي : ياسر العيلفون ....
تعرف يا ياسر محمود دا كنا طلبة في الجامعه وننتظر نزول ألبوماته (شركة البدوي) قدرات تطريب عاليه جدا .. خلق حالة فريدة وشق طريقه بقوة وخلق جهور وإرتبط به بطريقه مجنونة .. مثلا البوم ماتشيلي هم
1- الفات زمان .. 2- ما تشيلي هم ... 3- بريدك .. 4- خاتم المني .... 5- أم كحيل .... 6- معقولة بس
له الرحمة
08-08-2017, 07:41 PM
نعمات عماد
نعمات عماد
تاريخ التسجيل: 03-08-2014
مجموع المشاركات: 11404
Quote: الحبيب عبدالعظيم لك التحية قالوا الكاشف عبقرية لن تتكرر ! وقالوا الفرعون فنان أفريقيا !! وقالوا مصطفى سيد احمد لن يجود الزمان بمثله !!! وقالوا الحوت اسطورة لن تتكرر إلى قيام الدابة !!!!
لماذا لا يهتم المختصون بهذه التجارب ويحللوا خصائص كل منهم ليثبتوا لنا ما اشاعوه معجبيهم..
مودتي يا حبيب
سلامات يا عزيز تعرف إنتوا ناس الموسيقي والمختصين ممكن تفلفلوا لينا مشروع الحوت الغنائي وحللوا لينا خصائصه وما أضافه الي الموسيقي والغناء السوداني ...
من وجهة نظري الحوت حالة فريــدة , وإرتباطه بجمهوره غير مسبوق ما وجههه محمود من صعوبات وتعقيدات إجتماعية وسياسيه لم يواججه فنان أو مطرب قبله ... محمود يا عزيز جلدوه ناس النظام العام
ستظل صورة الفنان محمود عبدالعزيز ممسكا بخشبة مركز الشرطة ويجلد في صورة مزلة ستظل هذه الصورة عار علي هذه الحكومة وعار علي المجتمع الذي صمت والنظام يقوم بجلد أحد المبدعيـن ...
محمود يا عزيز ما فنان بغني وبس .. محمود دا كان مصدر للفرح وكان نفاج الفقراء للسعادة , وكانوا بستمتعوا بالقصص وبالمساهات وكثير من الحكايات عن الحوت ود الحلة , الحوت اليبيشبه الشباب البيكونوا قاعدين تحت العمود ... لم يكن محمود فنان الأثرياء ولم يكن نرجسيا ولم يتعالي علي جمهوره ... محمود علامة فارقه وسطر جديد في تاريخ الغنا السوداني صعب المهمة كثيرا علي من هم بعده ...
تحياتي
08-08-2017, 08:03 PM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
البركة في السودان يا نعمات الحوت حالة وعبقرية ضيعناه وما قدرنا نحميه أو نوفر ليه الرعاية والحماية (كمجتمع) . الحكومة كسرت ظهره بالسياط وطاردته حتي مات ..
له الرحمة
08-08-2017, 08:08 PM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
وهو خارج من تسجيل في رجل طلب المساعدة محمود شغال يطلع من جيوبه كلها ويدي الزول دا .. العادة أن التصرف التلقائي عند العطاء أن تجود بأطرف ما في جيبك ... محمود كان ينهش جيوبه كلها ويخرج كل مافيها ويعتذر للرجل بأن هذا كل ما معه (وقد كان كل العداد) ....
المواقف اللإنسانية للحوت وما تتناقله الحكايات عجيب وغريب ..
رحم الله الحوت
08-08-2017, 08:20 PM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
ميزة محمود إنه جاء في الزمن الصاح .. الزمن اللي فعلاً كان محتاج لفنان من اوساط الشعب يشغلهم بفنه جاء في زمن ما ظهر فيه فنان غيره عندو تطريب عالي جداً وكان انتاجه غزير ونشيط جداً في التسجيلات عشان كدة قدر يحافظ على معجبيه لكن من 2002 بدأ في التنازل وتسجيلاته بعد البوم اكتبي لي ما كانت بنفس جودة البدايات محمود أهمل نفسه قبل ما تستقصده السلطة محمود معروف بإنه ما عندو زمن نهائي وعادي ممكن يربط حفلة ويجي الجمهور يقطع تذاكر وهو ما يجي أو يجيهم متأخر أنا شخصياً حضرت ليه حفلة جاء فيها متأخر وما غنى ذاتو ببدأ الأغنية وبخلي الموسيقى تشتغل براها لحدي ما تقيف محمود اتخبط بين التجارب السياسية مرة مع الحركة الشعبية ومرة مع الحكومة اتصور مع عمر البشير وغنى في احتفالات الكيزان وهو لابس كاكي
محمود الفنان حالة فريدة .. جاء باسلوب جديد في الغناء وربنا أداهو قبول غير طبيعي يعني الناس بتحبو ساااااي كدة .. وجمهوره دة مهما شراهم وعمل فيهم برضو بيجو حفلاته
آخر ايامه كان واضح إنه بعاني من شئ ما يا ريت لو طبيب يجي يحلل لينا وضعه الصحي في الفيديو دة
08-08-2017, 08:27 PM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
رحم الله محمود .. يا حليلو والله .. ياحليلو .. الفنان الجميل .. الراح سمبله ساي .. كان غنّا أي أغنية يبكي ويبكّي الناس معاه .. فنان يضيف لأي أغنيها يغنيها لمسة من عنده .. بصوته ذو المساحات الواسعة والشجن المتدفق .. ده جيلنا الجميل ياعظمة المعاه عرفنا قيمة الغنا السمح .. محمود عبد العزيز فنان استثنائي لن يتكرر .. من زمن جنة الاطفال .. وشوفوا دنيتنا الجميلة .. نشأنا على حب غنا محمود .. ومن زمن حضورنا لحفلات الاعراس عشقنا غناهو .. بكاه السودان كله وزرع فينا ألم وجرح لن يندمل ما حيينا .. ولن ننساه .. لن ننساه والله .. الا رحم الله محمود عبد العزيز وأسكنه فسيح جناته ..
08-08-2017, 08:31 PM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
Quote: محمود اتخبط بين التجارب السياسية مرة مع الحركة الشعبية ومرة مع الحكومة اتصور مع عمر البشير وغنى في احتفالات الكيزان وهو لابس كاكي
محمود الفنان حالة فريدة .. جاء باسلوب جديد في الغناء وربنا أداهو قبول غير طبيعي يعني الناس بتحبو ساااااي كدة .. وجمهوره دة مهما شراهم وعمل فيهم برضو بيجو حفلاته
تعرف يا محمد أحمد عمر محمود دا من غمار الناس .. وسوي البسووه الشباب في الزمن داك يعني ما تسمع حملة التشويه الإتعرض ليها محمود .... محمود دا عبقرية وحالة حب بين وبين جمهوره فريدة
08-08-2017, 08:35 PM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
Quote: ده جيلنا الجميل ياعظمة المعاه عرفنا قيمة الغنا السمح .. محمود عبد العزيز فنان استثنائي لن يتكرر .. من زمن جنة الاطفال .. وشوفوا دنيتنا الجميلة .. نشأنا على حب غنا محمود .. ومن زمن حضورنا لحفلات الاعراس عشقنا غناهو .. بكاه السودان كله وزرع فينا ألم وجرح لن يندمل ما حيينا .. ولن ننساه .. لن ننساه والله .. الا رحم الله محمود عبد العزيز وأسكنه فسيح جناته ..
تعرف يا جمال محمود دا كنا بننتظر شركة البدوي تطلع الإلبوم أيام وبنكون حافظين كل الأغنيات .. محمود دا كلام تاني عشان كدا محمود خط سفر جديد في تاريخ الغناء في السودان يمكن الكلام دا بكون غريب شوي علي بعض الناس بس محمودعبدالعزيز ما كان غناي وفنان وبس كان الولد الشقي المتمرد والشفت وكان الحريف والغناي جيب ليه المايك وأفتح أضانك
رحم الله الحوت
08-08-2017, 09:22 PM
جمال ود القوز
جمال ود القوز
تاريخ التسجيل: 01-25-2013
مجموع المشاركات: 5925
الانسان لن يستطيع أن يقول للمعاناة .. لا .. فهي قدر خطه الله عليه .. كما موهبته .. محمود كل مشاكله وتمرده أساسا كانت انعكاسا لآلامه ومعاناته .. فالمرض كان يتآكله من الداخل .. كل هذا التمرد .. كل هذه الأشياء التي كان ينكرها الناس على محمود عبد العزيز .. كان مردها إلى معاناته ومرضه .. فلو شاركه الناس في مرضه ومعاناته لشاركوه في تمرده ذاك .. ولفعلوا ماقد يفوق فعله نحن اخذنا فقط ابداعه وفنه الجميل .. وتركنا له هذا المرض العضال الذي أقعده ثم أفناه .. فكيف لنا بحكم صائب أو تحليل منصف .. وملم بكل أحوال ومعاناة محمود عبد العزيز الإنسان .. قبل حكمنا على ظاهرة محمود عبد العزيز الفنان الموهوب .. رحم الله محمود عبد العزيز ...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة