هتافاتا كما زغرودة الفجر صباحاتك بشارات الامل والفال يا بلد العديل والصح جنياتك عشا البايتات كتوفا ليك متراصة ايادي ليك متشابكة عشان تحلق تجز دقن الفساد وضلال خلاص نجضت وما بنديها لي طيرا بعد لبن حشاها هدير صباحاتك سنى الفجر المخرف يوت سحاباتا ملانة الخير غماما ليك اتراكم تقيل ومطير خلاص وقفت صفوف اولادك الصابرين علي ضيم الاضاعو الدين وخلو بلدنا غرقان دين يا عثمان يا فتحي ويا زهرة ونجم الدين ياحاج الفضل ما تخاف ويا باشكاتب الدولة اعصى ووكل ربك الشواف كمان يا ظابط التمنة الفي الحلة ديل اعمامك الشالوك زمن جهلك وديل خالاتك اليوم فرحتك كانت زغاريدهم تشق الكون يا الدياشي خليك واعي ديل ناسك صحاب الشلة والفرقان اوع تخون يا فتحية ما تمشي تخافي كمان من الرفدية نحن خلاص وقفنا ترس بلدنا نشيلها زندية صباحاتك صباحات فال عشان كرامة غالية ما بتنداس نثور بي صمت نعلم كل شعوب الدنيا اننا ناس من زمن تهراقا ما هينين تاريخا كما فلق الصباح باين ونيلا بحكي عن روعة بطولاتنا وشعبا للعروض صاين والثورة انطلقت كل الاناشيد ليك يا اجمل وطن كل الكلام ثورة وكل الشعور ثورة وانتهى العهد الفساد والضياع كان التمن صباح الخير والثورة صباح الفال خلاص ولى زمن تلك الدقون وضلال
12-11-2016, 09:03 PM
د.محمد حسن د.محمد حسن
تاريخ التسجيل: 09-05-2006
مجموع المشاركات: 15194
ةيشرفني جدا كغنان مواطن ومواطن فنان انا داخل الاستديو بعد يومين لتنفيذ عمل صغير يلحق العصيان اسمو ياجمرة يامعصوبة العينين وبتشوفي تحياتي وباذن الله نبقى عشرة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
د.محمد حسن
Elmosley
فيس بوك
تويتر
انستقرام
يوتيوب
بنتيريست