يا بريمة: بنات سعدان ، هاشم بابنوسة..!!

مرحبا Guest
اخر زيارك لك: 03-28-2024, 10:03 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف للعام 2016-2017م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
09-24-2016, 11:54 AM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
يا بريمة: بنات سعدان ، هاشم بابنوسة..!!

    11:54 AM September, 24 2016

    سودانيز اون لاين
    Kabar-كـــندا
    مكتبتى
    رابط مختصر


    ليك ولك العطاوى جملة ، وكل من يحب (بنات سعدان)..!!

    شكرا داوؤد مؤمن ، المليح يعقوب ، الفاضل النور..





    يا ول ابا هاشم ، لو عينك وقعت في الخيط ده ، عليك ابو فاطني ياخي.. تعيد انتاج ..حرة مؤصلة ، جميلة مفصلة ، بيت امكي يا حوه ، مدينة منورة.. وكمنجة استاذنا قاسم ادم مقدمة..!!

    عيييييييييييييييييييييييييييييييييك..!


    مركندو ام بريش ، جرحا ما بنضم..!!


    كلوه يا دار اماه..!!

    تحية للحببيب الأستاذ هاشم بابنوسة..

    كبر
                  

09-24-2016, 12:06 PM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا بريمة: بنات سعدان ، هاشم بابنوسة..!! (Re: Kabar)

    ناس كتيرة ، في شعورها الباطن انو غنية (راقصين التويا) هي بتاعة المرحوم الحوت..ولكن..!

    الأصل ان غنية (راقصين التويا) كلمات والحان هاشم بابنوسة.. وكان يتغني بها حينما كان يعمل مع فرقة مركز شباب بحري..!!







    كبر
                  

09-24-2016, 12:27 PM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا بريمة: بنات سعدان ، هاشم بابنوسة..!! (Re: Kabar)

    ثم..
    حاجة امنة ناس الموية جوك..غنية عقد الجلاد..
    طلعت حاجة آمنة هي فاطنة احمد ابراهيم..

    ناس البعث عندهم (مستورة)...

    اما (عشة بنية الفكي) فهذه سرها باتع خلاص..!!




    كبر
                  

09-24-2016, 02:43 PM

أيمن نواى على
<aأيمن نواى على
تاريخ التسجيل: 05-02-2015
مجموع المشاركات: 4327

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا بريمة: بنات سعدان ، هاشم بابنوسة..!! (Re: Kabar)

    وآل أبا كبر
    ولض أمى ما عند غنية البنية فى خشما لبان.... البنية ساكنة امدرمان
    الغنية دى كاسرة فينى ضلعة ولض أمى .
                  

09-24-2016, 03:10 PM

Ali Abdalla
<aAli Abdalla
تاريخ التسجيل: 10-18-2015
مجموع المشاركات: 495

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا بريمة: بنات سعدان ، هاشم بابنوسة..!! (Re: أيمن نواى على)

    كبر يا ذوق
    ليك التحية
    وعبرك
    تحياتنا الخاصة جداً لبريمة
    افتقدناه كثيراً.
    .................
    سيد الحوش:
    نلتمس
                  

09-24-2016, 04:59 PM

سيف اليزل سعد عمر
<aسيف اليزل سعد عمر
تاريخ التسجيل: 01-11-2013
مجموع المشاركات: 9476

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا بريمة: بنات سعدان ، هاشم بابنوسة..!! (Re: Ali Abdalla)

    بوست بإيقاع المردوم...
    الواحد ما باقي لا إلا يضرب الإرض دي يخلي العجاجا تقوم..

    نفتقد مشاركات بريمة في بوست زي ده....

    من هن بنات سعدان؟ هل المقصود الخيل؟
                  

09-28-2016, 09:05 AM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا بريمة: بنات سعدان ، هاشم بابنوسة..!! (Re: سيف اليزل سعد عمر)


    ول ابا ايمن..دندنق يا قــٌص..
    حبابك يا صديقي..
    كتر خيرك يااااخ ، ذكرتني مدينة حبيبة وجميلة ، واعتقد جزما انها من جنان الله في الأرض..بس ربنا يسترها من عيون الحاسدين والحاقدين.. مدينة اسمها الدلنج يا صديقي..
    عارف يا ايمن من اسرار الدلنج ، يكون عندنا حزب البعث العربي الإشتراكي.. ولغاية هنا مافي مشكلة أو مفارقة..!
    في اخر انتخابات شرعية في امسودان ، انتخابات 1986 ، عارف ناس الدلنج قدموا درس التسامح الما بعد المليون ذاتو..عملوا شنو؟..
    مرشح حزب البعث في المدينة كان استاذنا وصديقنا نصر اللازم ، ونصر من قبيلة الدلنج النوبية..شفت الجمال ده كيف؟..البعثيون ، العروبة ، القومية ، من وين كده ما عارف لغاية الخليج ، مرشحهم من قبيلة نوبية ، والناس وقفت معاهو ، لكن ما بتدي حريف..!
    لكن منو الفاز في الدايرة؟؟؟
    فاز ، استاذنا وصديقنا الحبيب : حبيب سرنوب الضو ، اخر وزير صناعة فيدرالي في الحيكومة بتاعة سيدنا الصادق المهدي الذي يحدثنا بانه اخر رئيس وزراء شرعي في امسودان..!
    شفت البهاء كيف؟
    حبيب سرنوب ، من قبيلة الدلنج النوبية ، ولم يتهيأ له الفوز لو لا اغلبية عرب القوز في شمال الدلنج ، أي والله.. عروب ترشح زول من قبيلة نوبية وتقيف معاهو لغاية ما يصل البرلمان..!!
    وهنا يا صاحب ، انتا بتفتش عن غنية ، وانا كدت ان اضيف فناننا الأول ، فنان الفنانين.. استاذنا وعمنا قصاص (قساس/جساس)..عليه السلام..شايف البهاء كيف يا صديقي؟؟!!
    ده السودان الضاع من بينا ايدينا ، وبنحاول نلحقو ونرجع لو القليل منو..!!
    غايتو الغنية القاصدها ، يا ايمن ، شكلها غنية جراري او طمبور..ويا ريت تدينا معلومات اكتر وبنجيب ليك خبرها ، ونشوف الموضوع : يعني نظام ماوراء السطور وكده..

    نديك حاجة من اختيارنا ويا ريت تنفع معك..!

    بالطبع يظل رهاني ، انو الكرنك ، مفروض تكون رقصة السودان الأولى (لإعتبارات تخصني)..

    خليك مع الساكن ام عردة ، ده الزول الظريف العندو (وجنة) وفي رواية العندو (فلجة)..!!



    متذكر يا ولد ابوك : اخر مرة شفت فيها زولة عندها فلجة كان متين؟..

    باقي الحاجات (ناس طيزك عوض النور..الخ) انا ما مسئول منو..!!!!!!!

    كتر خيرك على المرور يا صديقي..
    كبر
                  

09-28-2016, 09:14 AM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا بريمة: بنات سعدان ، هاشم بابنوسة..!! (Re: Kabar)



    علي عبد الله..حبابك يا صديق
    كتر خيرك على المرور هنا..
    ابدا يا علي ،
    الذوق الجد جد.. ذوق البسطاء في البقاع والقرى والأرياف والفرقان ، وهم يصنعون الحب والجمال احتفالا بالحياة على طرائقهم الخاصة..!!
    ليتك يا صديقي ، مثلنا ، تحب الحاجات على اصولها وتلقائيتها وبساطتها ووضوحها ، وهي اشياء تنتهي بمحصلة واحدة فقط : الجمال ولا شئ غير الجمال..!!!!
    هذا نموذج طمبور من كردفان يا علي، الأصوات جميلة ، المعاني جميلة ، القيم التي يتحدثون عنها اجمل ، ومش مهم..!!
    دي ناس يا علي بتغني من غير ساوند سيستم..!!..شفتا الإبداع ده كيف؟
    هسع ، لو دايرين نحرج ناس الغنا في امسودان ، نقول ليهم غنوا في فضاء مفتوح من غير ساوند سيستم ومهندس كهربا وشنو كده ما عارف..!!
    هل تصدق ، الزول الوحيد الممكن اتخيلوا ينجح في هكذا امتحان ، فنان من عيال مدني اسمو صديق سرحان..!!..والله صحي..!
    التحية لأستاذنا الفنان صديق سرحان اينما كان كيفما كان ..وهو عندنا ، بعد اشتغال اغاني الكاشف بصورة لم يسبقها عليهو الكاشف في ذات نفسو ، فهو عندنا يشبه الطمبارا في دار الجوامعة ، ودار حمر ، ودار حامد ، ودار الكبابيش ، لا ساوند سيستم ولا يحزنون..!






    عيونك تشبه عيون الصيد ، يوم هبن نسايم الليل ، زي السحابة الراحلة..
    عيونك صاحية..!!





    لك الود يا صديقي..
    اهديك هذا العمل ، ليته يرضي ذوقك..
    كبر
                  

09-28-2016, 09:20 AM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا بريمة: بنات سعدان ، هاشم بابنوسة..!! (Re: Kabar)


    ول ابا سيف اليزل..حبابك ياصديقي
    ياخي مرقتها في ضواحي ابشي ، انجمينا ، بانقي ، نيامي..الخ..!!
    يعني بقت على دق رجلينك في المردوم؟..
    ما فوكا حاجة يا قريب ، انزل البيزمنت بتاع بيتك ، واكتل البلاط لمن يتشقق ذاتو.. فالبهاء لحظة نادرة ، فلماذا نكتم انفاسها ونقمعها؟!!

    كتر خيرك يا صاحب..

    وليك الخاطرة الخاصة دي ، وهي عضم الحاجات التي كنت اريد ان يشهد عليها ول ابا بريمة ويراجعنا فييها كثيرا..!!

    بنات سعدان يا سيف ، ياهن الخيل..!!
    نعم..الخيل ، المعقود على نواصيها الخير ياااااااااااااخ..!
    وهي كائنات جميلة ، واهلك هناك عندهم حنين خاص ليها ، احترام اخص..ولكن..!

    اهديك يا سيف ، وده كلام جديد للغاية اول مرة يتقال (كنت ناوى اشهد فيهو صديقنا صهيب حامد ، صاحب الحزام كما يظن..!!)..

    نقارة اهلنا الجمع..في حوافي بحر ابيض..!

    الجمع ، جدهم ، القائد الثوري الجميل ، جدنا وابونا عساكر النكاس.. احد قوات المهدية..!!






    ياترى ، كم منا ذكر عساكر النكاس؟!!..المهم..!
    هذي النقارة يا سيف ، ايقاعها ، ياهو نقارة ام بقو ..التي تجدها في ديار بقارة كردفان..حوازمة ، ولاد حميد ، مسيرية ، حــُمر ، الخ..!
    لكن طريقة الرقص المعقدة هي التي تحدث الفرق..!!

    عارف يا سيف..طريقة الرقص في نقارة الجمع ، واحد من اكثر طرق الرقص في السودان وافريقيا..!!!!!!..والله صحي .. ولو لميت في ابكر ادم ، خليهو يتفرج على العمل ده..!

    التعقيد في الرقص في نقارة الجمع (قرية سليمة/ضواحي بحر ابيض/عيال جدي عساكر النكاس عليهو السلام دينا واخرى)..انها بتشبه لعبة الكراسي الواحدة ، والتعقيد الأكبر ، ان لعبة الكراسي ، هي التي نتجت عنها رياضة البيسبول المعروفة..!!

    نقارة الجمع ، يا سيف ، وطريقة الرقص فيها ، ياهو فكرة لعبة البيسبول الحايمة في العالم اليومين ديل..!!!..والله صحي.. (يا سيف الخواطر دي مافي زول قالها في الدنيا بتاعتتنا دي.. فشنو ابقى عشرة عليها ، احفظها هكذا ، والتنظير لو لقينا فرقة ح نتمو ، بخلاف ذلك..خلي ابكر ادم يبقى شاهد عليها ، وح يشرح ليكم الحاجات اكتر واكتر..!!)..

    ساحة نقارة الجمع ، في حوافي بحر ابيض ، قرية سليمة (بالمناسبة سليمة محطة قطر ، في خط السكة حديد الماشي على الرهد ابو دكنة غربا ، وهي غرب مدينة كوستي ، اصلا هم محطتين بين كوستي وتندلتي ، وهما سليمة والوساع ، ولا ادري كيف يجري الترتيب..!!)..
    ساحة النقارة دي يا سيف ، الغريب فيها ، انو الناس بتتقسم لمجموعات.. وحسبت في هذه الساحة في فيديو كليب اقل من خمس دقايق ، انو فيها قرابة السبعة مجموعات ، وكل مجموعة لا يقل عددها الراقصات والراقصين فيها عن خمسة..!!

    الرقص ، وفقا للفيديو ، كان عصرا ، اول مجموعة فيها صاحب الجرداق (مجموعته تتجه نحو الجنوب) بعد الجرداق مباشرة ينطلق في الرقص وهو يتجه جنوبا ، ثم مجموعة مجاورة له تنطلق في نفس الإتجاه (جنوبا) يهرول الراقصون والراقصات وفقا لإيقاع النقارة (الكسرة تحديدا) ، ثم تفسح الساحة لمجموعة تنطلق من الشرق وهي متجهة غربا ، تقودها المرأة الجميلة التي ترتدي توب (برتقال ، اصفر ..الخ ، والتوب : بلوزة سوداء)..هذه المجموعة هي السحر يا صديقي ، هي الماجيك .. طريقة حركة المرأة التي تقود الروق (الصف) تشبه حركة الخيل الجامحة ، خيل السبق ، خيل الكرامة والعزة..والفرح..!!



    هكذا تبدو بنات سعدان ، يا سيف..وما تبقى من حكي سنواصله لاحقا ، بعد ظهور صديقنا صهيب حامد.. هذه هي الحلقة قبل الأخيرة يا صهيب في الحزام..!!!!!

    شرحو يا سيف: الرقصة الوحيدة في السودان التي تشبه حركة الخيل ، هي نقارة الجمع في بحر ابيض..!!!!!!..وهي الرقصة الفريدة على مستوى الكون..!!!!!!

    جنون ، مش..؟؟؟؟؟؟؟

    كبر
                  

09-28-2016, 02:28 PM

محمد المسلمي
<aمحمد المسلمي
تاريخ التسجيل: 08-08-2009
مجموع المشاركات: 11831

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا بريمة: بنات سعدان ، هاشم بابنوسة..!! (Re: Kabar)

    ول أبا سلام ياصديقي ومن العائدين ولعلك والاسرة بخير

    قابلت ول أبا الهادي مرجان صاحب رواية الحكامة ام عزين

    ويبلغك التحايا وذكركم بخير كثير وذكري للماضي الجميل
                  

09-28-2016, 03:25 PM

علي عبدالوهاب عثمان
<aعلي عبدالوهاب عثمان
تاريخ التسجيل: 01-17-2013
مجموع المشاركات: 12467

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا بريمة: بنات سعدان ، هاشم بابنوسة..!! (Re: محمد المسلمي)

    حبيبنا كبر .. خليك هنا .. يا رائع ..
    بوست جميل وحشتنا بالغيبة الطويلة ..
    واصل هذا الجمال .. والاصالة ..
    أعشق مثل هذه البوستات وأظل فيها طوال اليوم ..
    سلام من الاعماق يا جميل ..

    مودتي الحبيب كبر ..
                  

09-28-2016, 03:55 PM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 03-04-2014
مجموع المشاركات: 10314

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا بريمة: بنات سعدان ، هاشم بابنوسة..!! (Re: علي عبدالوهاب عثمان)

    لك التجلة والاكبار
    دومآ رائع ي كبر


    بريمة حاتل وين قوليهو اظهر وبان عليك الامان
                  

09-28-2016, 03:56 PM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 03-04-2014
مجموع المشاركات: 10314

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا بريمة: بنات سعدان ، هاشم بابنوسة..!! (Re: علي عبدالوهاب عثمان)

    لك التجلة والاكبار
    دومآ رائع ي كبر


    بريمة حاتل وين قوليهو اظهر وبان عليك الامان
                  

10-01-2016, 04:59 AM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 03-04-2014
مجموع المشاركات: 10314

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا بريمة: بنات سعدان ، هاشم بابنوسة..!! (Re: اخلاص عبدالرحمن المشرف)

    الكبير دومآ كبر
    اين بريمة

    ان تكون حرآ ان تكون نفسك
                  

10-01-2016, 06:25 AM

أبوبكر عباس
<aأبوبكر عباس
تاريخ التسجيل: 03-04-2014
مجموع المشاركات: 3389

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا بريمة: بنات سعدان ، هاشم بابنوسة..!! (Re: اخلاص عبدالرحمن المشرف)

    اول مرّة أسمع الراقصين التويا سنة 88 في رحلة طلابية لشمال كردفان ضمن نشاط جمعية أصدقاء الرحل، كان يتغني بها لنا فني بيطري مرافقا لنا وهو من أولاد سودري.
    قمر التي حكيت لكم عنها سابقا كانت تحب هذه الأغنية بجنون، وأنا كنت بحب قمر والأغنية والفني
                  

10-01-2016, 07:06 AM

إسماعيل ببو

تاريخ التسجيل: 05-17-2013
مجموع المشاركات: 347

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا بريمة: بنات سعدان ، هاشم بابنوسة..!! (Re: أبوبكر عباس)

    الأخ الأستاذ كبر
    لك التحية والتقدير في نقطتين:
    1- افتقادك لأخ عزيز فارس ... فارس ... فارس لا يُجاري في حلبة سودانيز أونلاين مدفوعاً بغيرته على أهله .... ساكباً الكثير من المداد لتوثيق مآثرهم وعاداتهم وتقاليدهم وأعرافهم، عرفته مقارعاً بالحجة والدليل والمنطق والبيان وتارةً ضارباً يمنى ويسرى غير آبه بمصير بل ماضياً بقناعة تمثل قناعتنا ومدافعاً عن حجة هي حجة البقارة عموماً والحوازمة خصوصاً.
    ذلك الفارس هو: بريمة آدم بلل
    2- سعيك الدؤوب لإبراز تراث أهلك البقارة على واجهة تراث السودان والتعريف به واحتفاظك بأرشيفه وعرض ما تبقى منه. أقول ما تبقى منه لأني أراه يتآكل من التلابيب وأخشى اليوم الذي لا يعدو أكثر من مجرد ذكريات على دفاتر الماضي. يجب على من يهمهم الأمر من بيننا العمل على توثيق ونشر وأرشفة تراث وتاريخ أهلنا.
                  

10-01-2016, 10:44 AM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا بريمة: بنات سعدان ، هاشم بابنوسة..!! (Re: إسماعيل ببو)


    ول ابا محمد المسلمي..حبابك يا صديقي..
    قريت الإشارة من قبل ، وشاكر ليك تكرارها..
    بالمناسبة يا المسلمي (الحكامة ام عزين) شخصية حقيقية..!
    اما ول ابا الهادي ، بعد ان تقريهو السلام ، قول ليهو: أو تذكر اذ كان لحافك مرتبة في (تلو) ، وعلى قول حكامات دار جواد: تلو حجر الطير..!
    ثم ، او اتذكر ان كانت زاملتك: بص عتيق يأن ويحن في المضارب بين كادقلي والفولة..!!!
    وربما كجيرة في ذات نفسها..!!!!
    ايام يا الهادي ياخي ، ولك كل الحب والسلام يا صاحب..!!
    كتر خيرك يا المسلمي ، واهلك البقارة بيقولوا: الصراع بالفينات ، ونحن اليوم نقول الحنين:لحظات ياااااااااااااخ..
    كبر
                  

10-01-2016, 10:45 AM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا بريمة: بنات سعدان ، هاشم بابنوسة..!! (Re: Kabar)


    ول ابا علي عبد الوهاب..حبابك يا صديقي
    والتحية عبرك لصديقنا الهميم عمر دهب ، ولم انسى الفكرة بعد يا عمر ، لكن المعايشة جبارة ، والنقة في البورد كثيرا ما تنحرف نحو مضارب ما انزل الله بها من سلطان..!
    (الفكرة يا علي ، عشان ما تشبكنا انا من الشمال وشنو كده ما عارف ، تتعلق بصديقنا محمد عبد الله حرسم ، وسوف اكتب لك في الخاص تفاصيل اوفى)..!!
    اما بعد..
    ياخي امسودان دي سرها باتع يا علي.. وفيها حاجات ، يتخيل لي محتاجين سنوات ضوئية عشان نفهمها..!!
    وسوف نكتب يا صديقي ، سوف نتبين لحظات البهاء كلما تيسر لنا..!!
    كبر
                  

10-01-2016, 10:46 AM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا بريمة: بنات سعدان ، هاشم بابنوسة..!! (Re: Kabar)


    بت ابا اخلاص..حبابك يا صديقتي..
    كتر خيرك على المرور هنا..
    حتلة بريمة ، ما بيمرق منها الإ زول يطالبوا مبارزة (صراع)..!
    هل تصدقي يا اخلاص ، المصارعة الأمريكية المفتون بيها الشعب في امسودان ، اصلها ناس بريمة..!!
    الفرق ، هناك ، عند ناس بريمة ، الشغلانة فيها حكامات وفتايل ريحة..وهليمانة ما انزل الله بها من سلطان..!
    غايتو لو بريمة لسع مصر يحرد.. يبقى ده موضوع تاني..
    كبر
                  

10-01-2016, 10:48 AM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا بريمة: بنات سعدان ، هاشم بابنوسة..!! (Re: Kabar)


    ههههههههههههه..
    ول ابا ابكر الطويل (برواية قمر عليها السلام)..كويس انك سمعتها سنة تمانية وتمانين بتاعة امبارح دي..!!
    الشغلانة كانت منفستو المستنيرين والمستنيرات في بقاع لا يعلم عنها حناكيش وحنكوشات امسودان (عليهم السلام)..!
    الدونكي ، كان مزار ، زي كافتيريا الداون تاون في البركس بتاع داخلية البنات في جامعة الخرطوم..!!
    علي بالحلال ، يا ابكر ، قمر تقرا الهجايص دي ، الإ تقول ليك : طلقان طلاق تلاتة ورابعتها المشاطة..!!
    ككيف يعني تشبكني حبكانة معضية متل ده ، والكون ده فيهو ناس كبر..!!!
    كتر خيرك على المرور يا صديقي..
    كبر
                  

10-01-2016, 10:53 AM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا بريمة: بنات سعدان ، هاشم بابنوسة..!! (Re: Kabar)


    ول ابا اسماعيل ببو..حبابك يا صديقي..
    لينا طولة يا ول ابا..
    كتر خيرك على المرور هنا ، وعبرك نفتقد صديقنا عبد الكريم الأحمر..!!

    بالنسبة للنقطة نمرة واحد يا اسماعيل..

    امسودان ما محظوظ يا حبيب ، لو محظوظ ، نلاقي اخونا ول ابا بريمة في التراب هناك، ونمشي نتصارع في تراب المنطقة الشرعية ، كبادرة للسلام والتسامح ، صراع شياب يا حبيب.. وندق باخونا بريمة الدلجة ، لمن يرجع تاني يراجع ابجديات الصراع من اول..!!!..بريمة زول ما ساهل يا اسماعيل..!!

    بالنسبة للنقطة نمرة اتنين ، نحي اهل التوثيق جملة ، وعلى رأسهم صديقنا العطوي الجميل الأستاذ المكي اسماعيل قادم ، وهورجل انتبه لفكرة التوثيق ، وعمل توثيقات كتيرة لتراث اهلنا (المكي عندو قناة في اليوتوب وثق فيها اندر تراثات البقارة )..!!

    واهديك يا صديقي ، عمل حبيب لذاتي ، لأن المعاني والفكرة فيهو كبيرة لحد المفارقة..
    غنية (حوالي الساعة خمسة) ، واخترتها بصوت زولة (زحل ادم) لأن الغنية اصلا قالتها زولة..!!






    المدهش ، الزولة صاحبة الغنية ، قالتها الساعة خمسة مساءا ، وفي السادسة انتحرت..!!
    كتر خيرك يا حبيب على المرور..
    كبر
                  

10-01-2016, 11:26 AM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: يا بريمة: بنات سعدان ، هاشم بابنوسة..!! (Re: Kabar)


    اخر ارسال ، الى نعود كن ربنا حيانا..
    هدية خاصة لعشاق ايقاع المردوم..غنية بت ابا شادن حسين (سجالى)..الغنية كانت في سهرة عيد الفطر ، ولكن ، صديقنا (ملك التوثيق) سمبتيكو هفت عليهو ينشرها في يوم 30 سبتمبر/ايلول 2016 ، يعني امبارح من تاريخو..!!
    الشغل جميل للغاية..





    من ناحية التفكيك:
    النص ممكن نديهو سبعة من عشرة .. وكلمة (سجالي) تعني الأنداد ، أي الأفراد المتقاربين في السن.. وهو خطاب شايع في ثقافة البقارة .. عادي الحكامة ممكن تخاطب صديقتها المقاربة لها في السن (يا السجيلة) ، وايضا شايع ان يوجه الخطاب (للذكور والإناث) من نفس السن بقولها (يا السجالى) أو (سجالى) مع حذف صيغة النداء..
    المزيكا والأداء اللحن: خمسطاشر من عشرة..!!!
    الجيتارات مبالغة ، لحد الإمتياز..!
    الأهم استخدام النقاقير: في الغنية بنلاحظ عازف درمز (سبع نقاقير) ثم ايقاع (ثلاثة نقاقير) ثم (نقارتين) ثم نقارتين (بتشتغل عليهن شادن)..المجموع اطناشر نقارة..!!
    ليه؟..
    لأنو المردوم يقوم على ايقاعين: ايقاع الضرب بالأرجل على الأرض (غالبه ايقاع الشباب مع مشاركة متفرقة من النساء) ، وايقاع صفقة النساء.. يعني فكرة التعدد في الأدوات التي تحدث ايقاع المردوم ، لذلك كانت محاولة شادن لإلتقاط هذه الجزئية بتوظيف هذا العدد من النقاقير لتوضيح هذا الشغل..!!
    الكستيوم (الأزياء) سمحة تب ومافي كلام: السلسل (الخناق) متوافق مع فكرة بنات المردوم ، الألوان في الزي ، بتؤدي نفس الفكرة ، الحلقات على الأذن (الخُروس) بتؤدي نفس الفكرة.. فقط جزئية صغيرة للغاية وغير مؤثرة (ربطة طرحة في الرأس).. طريقة الربطة دي يا شادن ، واسألي الصادق لو متذكر ، بتشبه شغل اخواتنا وعماتنا وهن فازعات للضرابة (البامية البرية) او طق الصمغ أو الحراتة ..يعني صورة الزولة العاملة..!!

    في المجمل: شغل ممتاز للغاية ، والتحية للشباب الأشتغلوا جيتارات ، تحية اكبر لبتاع الأكوستك جيتار..!!!

    شغل جميل ، ولي قدام يا شادن..


    طبعا لأول لحظة: ح يتبادر للناس أن الريتم مخلوط: عدني ، خليجي ، حبشي ، لكن الآساس مردوم..!!


    بالمناسبة دي صورة عالمية المردوم..!!

    كبر
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de