|
دعواتكم لزميلنا المفكر د.الباقر العفيف بالشفاء العاجل
|
|
 Re: حذفت مداخلتي يا ع. سناري ، وهذا دليل غياب � (Re: د.محمد حسن)
|
دكتور محمد، بعد السلام..
الرجل واضح إنه عمل مجهودا كبيرا في كتابته. و ربما ما كتبته أنت قد إعتبره هو إهانة مباشرة له فقام بمسحه!
حقيقة أنا شخصيا مرات كثيرة أعثبر أي كتابة في الوقت الراهن لا تتحدث عن محنة الشعب السوداني في الإنقاذ، هي لغو! و لكن مع ذلك لا بد من إحترام قناعات الآخرين.
إهتمامات الآخرين قد تكون فلسفة او لاهوت أو فنون أو لغويات وربما لهم شعورهم النبيل و رأيهم الناضج عن ما يعنانيه هذا الشعب و لكن لا يرون بأنهم ملزمون بالكتابة عنه او حتى الكفاح من أجل إزالته. هكذا..
ربما ، و الله أعلم!
| |
 
|
|
|
|
|
|
|
|
Re: حذفت مداخلتي يا ع. سناري ، وهذا دليل غياب � (Re: Omer Abdalla Omer)
|
اخي عمر عبد الله
مثل هذه الدراسات مكانها قاعات جامعات الامم الراقية التي انتهت من الاكل والشراب والمعاناة اليومية عشان ترتقي اكتر
لكن نحن معلماتنا بتقع بيهم الادبخانات
في عهد احد اخلفاء جاء رجل لكي يري مهارته للخليفة فساله الخليفة ما هي مهارتك فقال له رمي الابار ( ابرة الخياطة)
وابتدأ الرجل في رمي الابار رمى الابرة الاولى ثم رمي في خرمها الابرة الثاني ورمي في خرم الثانية الابرة الثالثة حتى اكملهن عشرة ابار
فامر له الخليفة بالف دينار ومائة جلده
فاستعجب الحاضرون لما المائة جلدة والالف دينار
فقال الالف دينار لمهارته
والمائة جلدة في اضاعة الوقت فيما لايفيد الناس
| |
|
|
|
|
|
|
|
|
|
|
Re: حذفت مداخلتي يا ع. سناري ، وهذا دليل غياب � (Re: د.محمد حسن)
|
غلطان يا دكتور عايز الجد ولاّ الجمبه
هذا منبر عام (ههههه) ما مخصص لمناقشة مواضيع معينة دي واحدة و التانية الق نظرة على الصفحة الأولى فقط باستثناء موضوع البحث توجد عشرات المواضيع لا علاقة لها بالسياسة
فا ما بقت على موضوع واحد ليشنقل الريكة ولا شنو؟
واخيرا انت براك تتحدث عن الوعي الديمقراطي ودي اكثر ما شتر ليك موضوعك دا :)
كان تخليها سليقة ساي كدا
| |
|
|
|
|
|
|
|
|
Re: حذفت مداخلتي يا ع. سناري ، وهذا دليل غياب � (Re: محمد البشرى الخضر)
|
لا حول ولا قوة إلا بالله
بقيت المنبر حقك تضع سياساته وتحدد مواضيعه وتجيز للناس تكتب شنو وما تكتب شنو !
لا وكمان تزعل كان قالوا ليك سيبنا في حالنا !
انت بتاع سياسة ومعارض في ناس بتاعين كورة وغناء أها قوم امشي عليهم اهرشهم قول ليهم كورتكم دي مكانها الجرايد الرياضية وغناكم مكانه برنامج اغاني واغاني
أسوأ وجهة نظر لاقتني في المنبر من عرفته
باقي لي بس لقيت الزول مسكين وقلت تتفسح فيه
| |
|
|
|
|
|
|
|
|
|
Re: حذفت مداخلتي يا ع. سناري ، وهذا دليل غياب � (Re: Haytham Ghaly)
|
٠٠سلمات اخ محمد الحسن لا مصادرة الراي الاخر ولا تكميم الافواه وسلب حرية التعبير مع الحذف في حده الادني ( في حالة الاغراق المتكرر والمتعمد او الاساءة الشخصية ) يجب تحمل الراي الاخر المختلف وتحمل النقد وحتي القسوة والخشونة القانونية ( بلا فاولات)
**هناك من يكتب وفي ذهنه انه امتلك ناصية الحقيقة والمعرفة وان من يتداخل مهمته هي فقط الاشادة والتصفيق وان المحاور ماهو تمومة جرتق يزين المكتوب والكاتب ويمجده ! ٠٠ :
| |
|
|
|
|
|
|
|
|
|
|
|
|
|
Re: حذفت مداخلتي يا ع. سناري ، وهذا دليل غياب � (Re: د.محمد حسن)
|
يادكتور سلامات .. ياخى مداخلتك دى بضبانتها هسه لاقتنى فى بوست ع.السنارى قــــاعدة وليست ممسوحة ..أسه أنا جيت من هناك ..أم ياربى أنا شفت لى صفحة من الماضى .. 😐
الحقيقة أناشفت إسم صلاح جادات آخرمداخلة فتملكنى الفضول قلت أكيد فى كعة حاصلة .. ولم يخب ظنى .. الكلام بدأ بـ لك التحية وإنتهى بـ تلف وتدور .. 😁
| |
|
|
|
|
|
|
|
|
 Re: حذفت مداخلتي يا ع. سناري ، وهذا دليل غياب � (Re: أيمن محمود)
|
طيب أدّيكم تفسير لما حدث لأخونا د. محمد حسن .. وهو:-
لأخينا السناري بوستين بعنوانين متقاربين والاثنين بخصوص ابني آدم عليه السلام ...
فالحصل إنّو د. محمد حسن ردّ في أحدهما ثمّ تشابه عليه البقر فدخل على البوست الآخر وبحث عن ردّه ولم يجده :)
دي كل الحكاية :)
| |
|
|
|
|
|
|
|
|
|
Re: حذفت مداخلتي يا ع. سناري ، وهذا دليل غياب � (Re: محمد البشرى الخضر)
|
وحاة الله من أمس بحاول القى مخارجة لي روحي 
شغال ابرر بين نفسي بإني رديت على وجهة النظر بغض النظر عن حدوثها من عدمه ..
لكن ما قدرت أحنكني
أقول لي روحي وانت آ العشا بلبن العامل لهم فيها بتاع كمبيوتر مالك ما بحثت قبل تشيل عكازك !
موضوع إني بقيت بتاع مشاكل دة مؤزمني شديد
يعني هسة جيت داخل بنفس حار واشيل واكورك في الدكتور في موضوع كان ممكن اتكلم فيه بهدوء وحنية
والعذبني وطلع زيتي أكتر ردو المهذب
غايتو الله يجازيك يا الاونلاين
| |
|
|
|
|
|
|
|
|
|
Re: حذفت مداخلتي يا ع. سناري ، وهذا دليل غياب � (Re: أحمد محمد عمر)
|
يا أحمد محمد عمر سلامات ياخ زى عندى إحساس طشاش طشاش كده كأنما مرة عملت معاك فاول .. ماعارف إن كان إنت أم لا .. أصلو فى بعض الأسماء الثلاثية المسطحة ــ يعنى مستوية السطح مافيها حرفى الألف واللام ــ بتلخبطنى ..لكين إنت مميزك بمهاراتك التقنية .. المهم بعد التطويلة دى أرجو العفو لو يوم أذيتك والمزاج كان عكران .. بصراحة أنا ما متذكر المناقرة كانت فى شنو ،لكين زيما قلت ليك فالأمر طشاش طشاش .. 🙂
| |
|
|
|
|
|
|
|
|
|
Re: حذفت مداخلتي يا ع. سناري ، وهذا دليل غياب � (Re: أحمد محمد عمر)
|
بصراحة ده بوست الموسم ..
والمواسم الجاية كمان ..
يا احمد محمد عمر ..
انت زول روعة يشهد الله ..
قلت لي حاولت ( أحنكني ) ..
غايتو اخير للضمان كده الزول يجد لأخوه العذر ..
ويجلي الرد على كثير من المواضيع ..
بالذات المتشابهات الزي دي ..
لانه فيها مواسير زي ما قال ود البشرى ..
وفعلاً السترة والفضيحة متباريات ..
فأخير الزول ينستر ..
وزي ما قالت حبوبتي ..
يا خشم جاكـ عضم .. ..
حبيبنا أحمد محمد عمر ..
غايتو انت ما بتاع مشاكل ..
لكن كان اندرعت في الزول .. يحلو منك الحلا بله ..
تذكر لمن اتعكلت فيني داكـ ..
غايتو بقيت في التخارجني ..
اللذيذة في النهاية قمت مرقتني من الجدل داكـ كسبان ..
مع إنه وحسب حساباتي إني كنت خسران .. وبالضربة الفنية ..
فدي .. مقابل رد الدكتور اللطيف ..
بوست فيه تداعي جميل ..
ولا يخلو من طرفه ..
هسه كان قاصدين بوست زي ده ما بيتلقي لينا ..
فرب صدفة خير من ألف ميعاد ..
| |
|
|
|
|
|
|
|
|
|
Re: حذفت مداخلتي يا ع. سناري ، وهذا دليل غياب � (Re: جمال ود القوز)
|
جيمي يا حنين
أيوة متذكر الكعّة بالحيل 
عارف يا جمال قعد اتذكر مقولة مارك توين دي كل ما أدخل البورد
(الحرب هي قتل مجموعة من الأغراب الذي لا تشعر نحوهم بأي عداء شخصي، ولو قابلتهم في ظروف أخرى لقدمت لهم العون، ولساعدوك لو طلبت منهم ذلك)
تاخدك حماسة النقاشات ثم فجأة تلقى نفسك في عداء مع ناس ما بتجمعك بيهم أي ظروف في الحياة الواقعية ولو جمعتك بيهم احتمال كبير جداً تكتشف إنهم ناس رائعين يتختوا في الجرح يبرى
غايتو من يوم طردني زهير من البوست بتاعه اتعلمت الهوبان وبقيت بكتب وامسح ومرات أقفل الصفحة كلو كلو عشان ما أرجع أغير رأيي
بس عضم الشقي في الكبدة بتلقي .. وقعت في البوست دة وما سميت
عجبني لي روحي .. تبقى لي أدبة
| |
|
|
|
|
|
|
|
|
|
Re: حذفت مداخلتي يا ع. سناري ، وهذا دليل غياب � (Re: أحمد محمد عمر)
|
الله يجبر بخاطرك يابوحميد وشكراً برضو على الروح المسامحة .. لكين فى طولة البال د.محمدحسن مابتصاقع هههه.. تجيهو بنفس حار طوالى يفتح ليك قزازة حاجة باردة .. لكين مداخلته الجاء قنطرها هنا دى إتلوم فيها غايتو..
مع إنو أنا زاتى ع.السنارى مابهضم بحوثه المخستكة التى لاتساوى الحبر المدلوق فيها، ومرة تداخلتمعاه قام إستهزأ بكلامى .. ولذلك ختيت محله صفر، وبقيت ما شغال بالرغى بتاعه .. لكين طبعاً الشمارساقنى لمن شفت إسم جادات فى آخر مداخلة وقلت كدى أشوف الزبون ده حيهبب شنو فى الموضوع الدينى ده ــ أصلو أنا حاسى إنو جادات فيهو ريحة كوزنة مستترة ــ المهم وأثناء ما أنا كاسح سكرول داون عترت لى المداخلة الماسورة دى ، وجيت سريع سريع نفّست البوست والجميع طلع فى حالة تسلل .. حتى إنو صاحبى فرانكلى جاء يفرك يدينه على حس المسح😎، ولسان حاله يقول ـ بت الكلب المداخلة ما كانت فى بوستى حتى أمسحها بدون أن يطرف لى جفن 😈 ــ
| |
|
|
|
|
|
|
|
|
|
Re: حذفت مداخلتي يا ع. سناري ، وهذا دليل غياب � (Re: نعمات عماد)
|
يانعمات حافظ جاى جارى مشاقق بين البوستات وجاء هابر بى جاى والأنكل بتاعه ينزف زى كعب أخيل ــ واللـ منو داك ؟ــ لأنو فى البوست المخوّر ، أخونا ده عمل فيها بتاع تحقيقات .. فقام قال إنو قرأ البوستات كلها والردود كلها وشنو كده كلها وكتب ردود هنا كلها وهناك كلها ،، وماعارف شنو وشنو تفاصيل كتيرة عن الموضوع ماممكن زول يتفرغ ليها إلاّ يكون عديم شغلة زيو😁 .. قمت أنا لأنى زوول صريح وماعندى صاحب نبهته لعدم الشغلة دى .. فالمسكين إتعوق وجاء جارى زيما شايفة .. 😜😂😁😄
| |
|
|
|
|
|
|
|
|
|
Re: حذفت مداخلتي يا ع. سناري ، وهذا دليل غياب � (Re: أحمد محمد عمر)
|
ههههه .. غايتو ياأحمد ود ودعمر جضمت صاحبى حافظ ونجضته نجاض ..لامن حنيت عليهو ــ كمان ما تشوفنى كده لو قمت للحنية صعب لامن كعب ــ.. هسه تلقاهو بيدردم ليهو فى قنصة جديدة ..
لكين أقول ليك سر أنا برضو الزوول ده عندى ليهومودة ساى كده، رغم أنى خلقته زاتها ماشفتها وماعارف الجابو فى طريقى شنو.. أكيد تكون ملابسات شكلة إسفيرية..😎
| |
|
|
|
|
|
|
|
|
|
Re: حذفت مداخلتي يا ع. سناري ، وهذا دليل غياب � (Re: د.محمد حسن)
|
الحمد لله ان هذا المنبر محايد ومن هنا نشكر الاخ الفاضل بكري على هذا المنبر ومن ساندوه
اي منبر يكون ذو توجه وما من منبر كتبت فيه واتضحت رويتي السلفية الا وكُنست انا وعفشي خارج المنبر الا هنا
وجدنا الترحاب والتعبير بحرية وديمقراطية وليس بجديده على المنبر فمنذ ان كنا نناظر فيه الشعيه
او اصحاب التوجه الشيعي شكرا الاخ الفاضل بكري ومن معه
اما بخصوص مسح المداخلات ما هي الا عجز من صاحب البوست على مجاره الردود
واعتاف ضمني منه بالعجز وضعف الفكر وحذفت لي الكثير من الردود هنا
وما يهم فقط ما يهم ايصال الراي لصاحب البوست وايصال الفكرة
تحمل وتجلد برايك وسير نحو الامام بفكرك ومنهجك
| |
|
|
|
|
|
|
|
|
|
|
|
| |
د.محمد حسن
Omer Abdalla Omer
محمد البشرى الخضر
Frankly
أبوبكر عباس
كمال عباس
عبدالعزيز الفاضلابى
Munir
أيمن محمود
جمال ود القوز
Hafiz Bashir
نعمات عماد
محمد مجيدو
فيس بوك
تويتر
انستقرام
يوتيوب
بنتيريست