|
Re: الي الشرفاء من ابناء السودان الكبير ارجو (Re: دينق عبد الله)
|
ياعرفات التوقيعات دي بلا أي فائدة ومضيعة للوقت .. وفوق كده هي بلا أي تأثير يذكر .. الحيشتغل بتوقيعاتنا ومطالبنا نحن ناس المنتدى منو ؟ .. انت اهتم بالموضوع ورسل نفس الشخص القلت بتعرفه بالجنوب .. وهو حيجيب ليك الحقيقة .. وحيتابع ليك تحرك الشهيد جادات .. خطوة بخطوة وسيأتيك بالخبر اليقين .. بعدين عندي ملاحظتين : الجهة أو الشخص القال ليكم بأن جنوب السودان .. أأمن على سلامة صلاح جادات من كينيا .. ضحك عليكم وخدعكم وربما كانت له يد في استدراج الشهيد .. لاختيار دولة الجنوب المكان الأنسب والخيار الأمثل .. أما حكاية حصوله على جواز سفر دي حجة مضحكة .. البيمنع يرسلوا ليهو الجواز في كينيا شنو ؟... ومن هناك يقدر يسافر لأي دولة اكثر امنا .. طبعا أكيد مش مصر زي ما قريت في مكان ما .. لانه دي ماعندها حسنة من دولة جنوب السودان .. بالذات من ناحية الانفلات الأمني .. وبها مخابرات أجنبية تسد عين الشمس .. وبتقدر تعمل العايزاهو .. بعدين حاول بقدر الامكان تبعد من حكاية إنه صلاح جادات .. كان عضو حكومة منفى أو ينتسب لها لانه طوال وجوده بالمنبر .. ماجاب سيرة كلام زي ده .. صحيح هو قال حيتجه للعمل السري .. لكن ماجاب ذكرة حكومة منفى دي فالافضل تترك الأمر ده .. لان حيكون مثار خلاف ونزاع وجدال .. وركّز جهدك في كشف ملابسات موته المريبة والغامضة .. وربما نجمت عن اغتيال فالشواهد على ذلك كثيرة ..
فعليه أوقع دعما لأي مجهود يكشف ويسبر أغوار .. فقد أخونا صلاح جادات بعدين يأخ رجاءا أبعد من الشتم والسب .. فهي خصما عليك ووالله كل الكلام الزعلك من أخونا ود البشرى .. جاء في خاطري وبعد ما كتبت المداخله مسحتها .. لاني عارفك حتجي تشتم وتسب فقلت مافي داعي .. انت بتدعي إنك تمثل حكومة ظل فحقو تكون أكثر عقلانية وتريث .. ولاّ شن قولكـ ..
| |
|
|
|
|
|
|
Re: الي الشرفاء من ابناء السودان الكبير ارجو (Re: عرفات حسين)
|
سلام
اللهم أرحم صلاح جادات و أجعل مثواه الجنة .
كان الله يرحمه حريص على تمليك الحقيقة للقارئ .
من هنا أوقع كرد لجميل المرحوم حتى تستبين حقيقة موته .
و أقول لأسرته نحترم حزنكم في فقدكم الأبن و الأخ البار و الذي
هو بالنسبة لنا شخصية عامة مؤثرة جدا و له أفضال على كل القراء.
اللهم ألهم أهله و زملاءه و قراءه الصبر و السلوان .
| |
|
|
|
|
|
|
Re: الي الشرفاء من ابناء السودان الكبير ارجو (Re: علاء سيداحمد)
|
الإجراء الروتينى هو التحرى للتحقق من أسباب الوفاة طبيعية أم بفعل فاعل خاصة والمتوفى معروف بنشاط سياسى معارض ومصدر معلوماتى خطير التحرى والمطالبة به لا يضير أهل الميت .. الصمت والتعتيم رغم الشكوك خيانة للمرحوم
أوقع ... موافقاً على مبدأ التحرى بغض النظر عن الجهة أو الجهات التى سييطلب منها التحقيق والتحرى
ومن التساؤلات لماذا غادر صلاح جادات قطر .. هل تم إبعاده؟ الجهة البمناسبة التى تحقق من هى؟ لا أعتقد مخاطبة رئيس جنوب السودان ستؤدى لنتيجة
| |
|
|
|
|
|
|
Re: الي الشرفاء من ابناء السودان الكبير ارجو (Re: عرفات حسين)
|
بالعشرة اوقع انا اول ما سمعت الخبر وفى جوبا كمان والله شكيت بل اتهمت كلاب الامن تحصلت على تلفون اخوه محمد سالته عن ملابسات الوفاه قال لى الوفاة طبيعى والسبب ملاريا هو طبعا صدق التقرير الطبى بتاع ناس الامن حينها تذكرت الشهيد الدكتور على فضل الملاريا ممكن تقتل الانسان ولكن مش فجاة زى سكتة قلبية
| |
|
|
|
|
|
|
|