02:48 AM November, 22 2016 سودانيز اون لاين جلالدونا- مكتبتى حبوبتى لمياء .. تذّكروها صاحبة القول الشهير مصيبتى فى الدنيا دى انى ذكية .. الناس البلخبتو بين الذال و الزين بقول ليهم فرق كبير بين زكية و ذكية
قال شنو !!! قال من مسكة خنيصرو المو شديد لاواى بتفهّد بلا القبل الحقن ناواى ده كلّو ساهل المشكلة فى ال يادوب قهمتها امبارح دى و بعد استعمال خاصية حبوبتى لمياء و بى تركيز شديد بى حكم التوارث الجينى قلبى المنشوهو للبنات هوّاى بت الكلب يا المنشوهو لكين ما عذبتينى عذاب
11-22-2016, 04:33 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
هوي يا جلال ثم هوي جني وجن البوستات المحتاجة لي حاشية وشرح شايفكم الليامات دي بوستاتكم تتوالد من بطن بوستات فقعو لينا الكلام عديل ما تخلونا ننقز برة الدارة
11-22-2016, 05:05 AM
جلالدونا جلالدونا
تاريخ التسجيل: 04-26-2014
مجموع المشاركات: 9661
يا الف مرحب ود اب سن يمين الله البوست ده قايم لى ذاتو بى ذاتو و عشان اوكّد ليك الحتّة دى ..هاك التداعى ده نعمنّو قبل ده ما حكيتا لى زول استاذنا الكابلى فى التمانينات طلعت ليهو قطعة ارض فى ابو آدم و كتيها كان راجع فى اجازة من غربة فى السعودية مشى مضلحة المساحة عشان يستلم الارض على الطبيعة من حسن الحظ المساح الطلع معاهو الحبيب و صديق العمر ابراهيم اب شنب ... ابراهيم الان مقيم بالامارات ... اها بعد خدّدو ليهو قطعتو و بطيبة روحو السمحة قال لى اب شنب ياخى انتا و اصحابك ما دام من المعجبين عندكم عندى يوم اغنى ليكم زى ما دايرين ياخى فرحنا جنس فرح وسريع كمان قطعنا اليوم و بقينا زى المنتظرين هلال عيد رمضان
على اواخر ايام نميرى يا حفيظو ظهرت موجة الحفلات النهارية جامعة الفرع كان ليها السبق فى ذلك وشالت الفكرة اللذاعة و ظهرت حفلات حدايق اللذاعة النهارية يوم حفلة الكابلى قمتا مشيت فى معية عمّى الله يرحمو قعدنا مطرفيّن فى اخر كراسى و قدّامنا ممر للدحول و المروق العازفين جو ماشين بى فوقنا حركة يبدو العزف و الفنان يجى داخل ديك اذا بالكابلى ماشى علىّ قمتا على حيلى و سلمت عليهو حكيت ليهو عى قعدة اصحابى المفروض اكون فيها و الليلة جيت هنا عشان اسمع لو بتصدّق قال لى اب شنب ده وين قلت ليهو هاجر الامارات قال يا خسارة و رجع من حيث اتى الفرقة الموسيقية فهما كمل و نزلت من المسرح بعد شويتين جو راجعين و دخلو فى لو تصدّق وجا الاستاذ بى فوقى تانى وقفت حيّتو بى ابتسامةردّ بى ابتسامة احلى و سبحان الله نسيت أسألو من المنشهوهو هو كده ليهو هيبة و حضور ينّسوك حالك
11-22-2016, 05:52 AM
جلالدونا جلالدونا
تاريخ التسجيل: 04-26-2014
مجموع المشاركات: 9661
تثبّت يا حفيظو و ياها هى ذاتا المن ما انشأوهو عليك ربك الخلقك زولنا ده ما طرشق عين الابداع و اتجكّر قى قلبو ياخى ده قال لى عيون المها بين شنو و شنو انتى شنو
11-22-2016, 05:57 AM
جلالدونا جلالدونا
تاريخ التسجيل: 04-26-2014
مجموع المشاركات: 9661
حتى الكلام لوجيتنا ما .. بنحكيه بي نفس الحروف كلماتنا تتفجر غزل بين كل فاصلة تعيش ظروف والشوق دوام يغري الخيال يسرح و بى حسنك يطوف احلامنا تتناثر أمل في كل روضة تضوع قطوف _____________________________
الله يسامحك يا جلّي ...
11-22-2016, 01:51 PM
جلالدونا جلالدونا
تاريخ التسجيل: 04-26-2014
مجموع المشاركات: 9661
جلالدونا اه لو بتعرف كيف تهش أشواقنا تهتف لعيونك كيف يلح الشوق ويسأل في حفلة جاء شاب نحيف .. لطيف وخجول وكان صغيرا في نفس عمر جلالدونا ودس ورقة في يد الكابلي وعاد من حيث اتى في البيت كابلي فتح الورقة وجد فيها قصيدة .. واسم ورقم تلفون فورا اتصل على الرقم ... قال الكابلي فلان ؟ جاء الرد من الجانب الاخر : نعم قال الكابلي: احبك يا اخي وكانت قصيدة (لوتصدق) لشاعرها عبدالعزيز جمال الدين
11-22-2016, 02:25 PM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
شاعرنا الكبير المرحوم اسماعين ود حد الزين جاب ضقلاا يكركب سوّاهو درب عديل كدة
في درب البنات يا يمه أنا إتبشتنتا وإتبهدلتا واتغربتا دابي وأنا إتوكرتا في بلدن بناتها بلا المهور الجامحة فوق الريح تشابي وجوهن يمه كان شفتي القمر لجلج يضاحك في الروابي عيونن يمه زي بحر المحيط والموج يولول والعرق لافحني فايت وآ خرابي ... و كمان مصيبتو وين انو نفيستو فيهن غايتو جنس بكى هو
11-22-2016, 04:34 PM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
يا مدير ياخى مخملية زهير وسط الازاهر تختلف تماما عن مخمليتك اها جنس الاختلاف ده اسمو التوتاليزم الاختلاف الكامل فى الخجم و الحركة و الاتجاه توتاليزمك جبان ياخ و مشاتر كمان من طبظوك الطبّازة ديك بقيت ماك ياكا
11-23-2016, 04:39 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
يمين الله يا قبانى لو تصدق مداخلتك دى امشى و اجيها و اكوس سبب للزوغة منّها ياخى ربنا يسامح شاعرا و مغنيها و يسامحك ثم يسامحنى انت قايل نبع الاحساس بجى من وين ما ياهو من جنس ده صدق فى الكلمة و صدق فى اللحن و صدق فى الاداء تعرف يا قبانى ... الشغل ده ما طالع من الاعماق و بس ده طالع من ضفر الاصبع الكبير بتاع الكراع داك ... الشمين ما اليمال ...
معقولة يا قبانى انا بس جبت سيرتا فى الكلام تقوم تكبّها كلها ياخى ده وجع ضرس عديل كده إلّا بجيك بالترياق و من خشم سيدا ذاتو شن اسو حىّ انا الجنيت و قلتا هو هوهو باقى ليلك يا صاحب برضو موز و قايم سوا ثم ساهر قرير العين هانيها يا صاحب و اعلانا باقى على انقطاع و نرجوك عدم الانقطاع
بسم الله الرحمن الرحيم ود قبانى ده ابليس عديل كده يا ود يس الزول لو مرق من أهأهات لو بتعرف يمرق من نمّات يا ليل كيف نرسم الليل بالبعاد دى رسمتها زولة نجمة وبتسلّق الريح عشان اصلا اخونا كبر قدس الله خرخرتو قال شن عرّفنى بى قراية اللوحة ياخى دى رسمتها و محسوبك لسه ككة بلّا عواليق اى حاجة كعبة امل بتى .. واليوم فى الجامعة .. لمّا اقولا ليها و هى صغينوينة طفيسونة ترد على .. انتا ده و لا يوم الليلة .. لمّا اداعب بيها طفل ... تزعل جد جد و تقول لى يا ابوى دى حقتى تقول لى لوحة عربات ياخى لمّا جات خ 6 صاحبنا قال خسكا فى حط ستّة شفت جنس الرسم ده
11-25-2016, 01:21 PM
جلالدونا جلالدونا
تاريخ التسجيل: 04-26-2014
مجموع المشاركات: 9661
اهلين مولانا الملك كمان عاوز تغالطنى فى حبوبتى قول القول زى قولك ده البيجيك عشان تمشى ليها منو بى نضارتك و شالك ديل نرسل ليها ود البشارى بى خرتيتو ده و بالعدم ود المدير و أكيد بالسفنجة
11-25-2016, 01:33 PM
جلالدونا جلالدونا
تاريخ التسجيل: 04-26-2014
مجموع المشاركات: 9661
تصدّق اتلّمو يا حفيظ و الغريبة خلّو موضوع البوست و مسكو فى حبوبتى لمياء واحد صاحبنا موجوع شديد و يقرا فى الكلام ده قال لى دى تسمعا بالصباح اليوم كلو تكون مبّكم تسمعا بالليل يفارقك النوم دحين لاقاك جنس الوجع ده
(عدل بواسطة جلالدونا on 11-25-2016, 01:38 PM) (عدل بواسطة جلالدونا on 11-25-2016, 01:45 PM)
11-25-2016, 03:17 PM
جلالدونا جلالدونا
تاريخ التسجيل: 04-26-2014
مجموع المشاركات: 9661
يا ود البشارى ياخى درب البنات ده من دخّلونى عش الزوجية فارقتو تب بس محتار فى الشهلتة الواقعة على صاحبك ده و احبابنا الشعرا ديل ياخى بالمناسبة .. اخوك الود مفقود بينو وبين الواتساب .. ياخى قدر ما عافرتو غلبنى .. الولد قال لى احتمال النمرة تكون غلط اتصل غليهو عشان تتأكد قلت ليهو حيلك يا حبّة .. و لو طلع تلفون ولى ولى العهد .. البحلّنى شنو تانى
12-13-2016, 12:31 PM
Amira Hussien Amira Hussien
تاريخ التسجيل: 11-26-2016
مجموع المشاركات: 1812
تعرف يا أبو الازاهر مافى اى مشكلة انو نقع في حبهن المشكلة في افتراهن بعد نحبهن استاذنا الكابلى بى ذاتو مشى جاب لينا واحدة تقطع المصارين قال فيها شنو فقلت كما شاءت وشاء لها الهوى قتيلك قال ايهم فهمو كثر و قالت لقد ازرى يك الدهر بعدنا فقلت معاذ الله بل انت لا الدهر و بعدا تعال شوف شاعرنا الحنكوش قال شنو و عدت الى حكم الزمان و حكمها لها الذنب لا تجزى به و لى العدر __ عليك النبى حبوبتى لمياء لاقتك حايمة في الفيس عملتا من وراى يعنى النقوم نلحقا قبل ما تووتر و تووسب دى مصيبة شنى دى الوقعنا فيها دى
يا الف مرحب بى اميرتنا بت السيد متابعة بس ماب تنفع دايرين مشاركة فعالة أي نعم حبوبتى اسما لمياء ___ قبل يومين كنت بتكلم معاها عن حبوبة صلاح غريبة قالت دايرة الحاجات دى كريم أساس بتاع ناس ماك و احمر شفاه بتاع ناس ديور و معاهم ماسكرا شانيل بتاع الرموش داك قلت ليها طيّب الحاجات دى بتعمل شنو لى حبوبتو قالت لى يا ولد ده شغل صبايا و ما عندك ليهو فهم غايتو لى البعرفو كان لمّت فيها يحلّها ربنا
12-13-2016, 06:50 PM
جلالدونا جلالدونا
تاريخ التسجيل: 04-26-2014
مجموع المشاركات: 9661
يا سلاااام يا ود اب سن يا بدر شاكر السياب عندو قصيدة اسمها انشودة المطر كت حافظا صم مع الهوايل الوقعت علينا دى غير كلمة اذناك ما متذكّر فيها حاجة شفت محن الزمن كيف
اووووو حبيبنا ود الصاوى فعلا كلامك صاح ..شبابنا بى هناك حزم امرو و منتظر يومو و نحنا بى جاى في غاغ يغوغ و بينى و بينك الحنكشة مطلوبة اليومين دي و الأيام القادمات كمان انشودة المطر شغل ما عادى لى زول ما عادى قرايتنا ليها الزمن داك حاجة وطنية اكتر من انها عاطفية ... بعدين شنو جيتنا ايدك فاضية !!!! اجدعنا بى اى حاجة ان شالله تشف من قبانى شايفو اليومين ديل قايم على ندامى الحى اللهم اجعله خير و مع المداخلة دى هاك الهدية دى ]/
12-13-2016, 09:05 PM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
الله يجازيك يا جلال هيجت ذكريات كتيرة ياخ دي من الاغنيات التي كانت سيدة القعدات في الزمن الجميل دي كلمات قمة في الروعة
أيُها الرافل في مجدٍ من الحسن دوامــــــــــــــــــــــــــا ماست الأغصانُ لما عشقت منك القوامــــــــــــــــــا تتحدي البــــان ميلاً و اعتدالاً و انقسامـــــــــــــــــــــــــــــــا وتفوقُ البدر حُسنـــاً و و ضياءاً و ابتسامـــــــــــــــــــــــــــــــــــــا
في مصر الطلبه كانوا بطشموا و يغنوا الاغنية دي البواب بتاع العمارة قال ليهم: "طَبْ انتو لما بِتِندمو بتِشّربو ليه"
المحزن انو سمعت انو كل الاغاني دي تم اتلافها من مكتبة الاذاعة و التلفزيون ما عارف مدي صحة الكلام ده البوست دة لو استمر بالطريقة دي ح يجيب ليك سُقَاة الكأس من عهد الرشيد انا بَررررره
01-06-2017, 02:41 AM
جلالدونا جلالدونا
تاريخ التسجيل: 04-26-2014
مجموع المشاركات: 9661
سلام جلال لقد كُتِب علينا السفر و فراق الوطن عشان كدة اغاني الفراق عندها وقع خاص عندي و كل مره بشوفها بي زاوية مختفه تابعت الاغاني و الشعر دة من الأسكلا او الأسكله و دموع ود الرضي وسفر البابور لي الكاشف و رحله بين طيات السحاب تجي لي حمام الوادي و الاغتراب وقبلها هاجر طير الرهو و بدل مليم براها و د الرضي صاح الجميع حليل الراحوا و خلوا الريح تنوح و دي هجرة جماعية و ما زالت البيوت و الناس بتسأل عن صبية فارقت حلتنا ...... واصل يا جلال في البوست ده طلعنا من دبرسة البرد ال جننت ود المدير
01-08-2017, 07:47 AM
يحي قباني يحي قباني
تاريخ التسجيل: 08-20-2012
مجموع المشاركات: 18742
شكراً يحي علي هذا التسجيل الجميل الاغنية دي مكسرة فيني كم ضُلعَة كدة يا جلال الغنا ال فيه بِكَا شديد نخليهو لي أبو صلاح الموسيقي اللفظية لقصيدة اجسامنا ليه جسمين و قصيدة في اخوجلاب يا قلبي واحدة لاحظ في اجسانا ليه جسمين قال
من المنام ما معاي ولا السته من ستين عندي التلت من عقلي وعندك التلتين شي عجيب في غرامك يافريع ياسمين
في الخوجلاب يا قلبي قال
برزن نهوده وعامن في الهواء مجاهدين وعـلي هـلاك العاشق ديمه مجتهدين صاح وهبه فاقد عقله كم جريح وطعين الـناس جروحن تسعة انا لي جروح تسعين
الارقام عنها معاني كتيرة في غنا الحقيبة و ترمز للاسماء في كتير من الأحيان لكن جروح ٩٠ دي بالغ فيها
متابعين
01-09-2017, 09:04 PM
جلالدونا جلالدونا
تاريخ التسجيل: 04-26-2014
مجموع المشاركات: 9661
حبك للناس خلانى أحبك تانى فيك الإحساس نسانى أعيش احزانى ما انت نغم رنان فى خيالى ما انت عشم فنان زى حالى عارفك ساحر أزمان قبالى وتسحر أزمان جايات ولياً لى كيف ما أريدك لو كان احوالى
بيك تتباهى وتزدان وتلالى يا روح سر الألوان يا غالى يا صاحب عظمة وسلطان ومعالى كم فى معناك حنان متوالى كم دنياك أمان يا خالى يا الحسنك بيك فرحان متعالى كم فرحت بيك أحزان يا حالى
02-12-2017, 04:39 PM
جلالدونا جلالدونا
تاريخ التسجيل: 04-26-2014
مجموع المشاركات: 9661
بدأت الأغنية - الموز روى - وهو يقصد نبات فاكهة الموز المرتوى ماء وعندما أضاف كلمتى -قائم سوا- جعلنا نفكر فى انه ربما قصد كل المجموعة التى كانت تحيط بالمحبوبة من الفتيات الجميلات اللائى أشبهن نبات الموز المشبع بالرى نضارة ولونا ومقاسا لأن من خاصية نبات الموز التساوى فى الطول حتى يتراءى للناظر أحيانا بأنه يرى نبتة واحدة وقد تكررت مئات المرات, ثم ينتقل الى خطاب المحبوبة واصفا فاطرها - وهو مفرد فواطر وهى الأسنان التى تقع بين الأسنان الأمامية والأضراس من فم الإنسان - بالضياء واللمعان ثم يشهد الناس على ان جسمة قد إشتعلت فيه النيران من حرقة الحب, ويواصل شاعرنا وصفه للمحبوبة يأنها ما زالت صغيرة وغضة وقد أحاط بها الحراس من كل جانب بـ المرتين الذى عوى, ثم قطعو لها خط الاستواء, فما بصارته من قلبه الذى شوته نار الحب, أما المقطع الثانى الذى نلمح فيه هذا الجناس المتكرر فواضح المعانى ولا يحتاج الى تفسير, وكذلك المقطع الثالث واضح المعانى اللهم إلا الجزء الأول منه الذى يجعلنا نذهب إلى أن الشاعر ربما أراد أن هذه الجميلة لا تصلح إلا أن تكون زوجا وزينة لبيت الزناتى أو هلال, ويختتم شاعرنا الذى عاش فى أواسط القرن التاسع عشر أغنيته هذه بقوله- لو تانى عاد الإنفصام بشكيه عند قاضى الغرام, أوريه - أى أريه- ناره الفى العضام -العظام- سراجه حامياه المنام, لقد جعل شاعرنا للغرام قاضيا يحكم بين أهل الحب من المتخاصمين, رحم الله شاعرنا ورحم محبوبته ورحم كل من تغنى بهذا الغناء فسعد وأسعد به. كلمة (مرتين) تعني بندقية قديمة. قصد الشاعر بقوله – قطعوا له (خط الإستواء) أى أهدوها ثوبا جديدا مما نسميه بالفردة ولها زيق بلون مثلما تسمى ثياب النساء هذه الأيام بثوب الإستقلال أو أبو قجيجه أو العظمة أو الدش. فى المقطع الثالث ورد اسما (الزناتي) و (هلال), الزناتي خليفة و أبو زيد الهلالى وهما ممن يضرب بهم المثل فى الفروسية ويجدون رواجا بين البسطاء فى البلاد العربية. وردت فى المقطع الاخير كلمة إنفصام وهو انفصام الشخصية والعياذ بالله.
02-14-2017, 10:10 AM
جلالدونا جلالدونا
تاريخ التسجيل: 04-26-2014
مجموع المشاركات: 9661
يا سلام يا اللميرة بت حسين رقة الاحساس و لهفة الشوق عندكابلينا ده شوفيهو هنا دودرنا كيف ====== يا نسيم الصبا النجدي اريجك لمدى الأزمان يداعب خصلك الأوزان و طيب أنفاسك الوردي يريدني سباك لي عهدي القبيل ضمخني بالإحسان و كان لي كل حين إنسان تزيد افضالو من سعدي بدورك لو تقيف عندي عشان اوصيك بتحنان وصاية تشيلا في الأجفان لناس عند هم كبدي مكانم مني في بعدي و ديارم في عيوني رهان و لون يختال على الألوان و حسنو بالجمال يعدي تشيل عيني و تسيب سهدي و معاك عناية الرحمن ترافقك في الدجى العتمان تحرسك و لي خطاك تهدي و تنزل بوفى الوعد على الحي الحكى و نعسان ُبال ما ينبه الآذان لى درب الرحمة و الرشد و تملا بطيبك الهندي صدور ناساً ظُراف و حُنان تهاتي النجد على الشأن وحاتك مثال للحيا بيجدي و تابع عيني بتودي على الحي الحلى النعسان تقودك فوق على الأغصان لى نبعاً حاشا مو غسنان وحاتك فاق على الشهد
02-14-2017, 09:12 PM
Amira Hussien Amira Hussien
تاريخ التسجيل: 11-26-2016
مجموع المشاركات: 1812
يا بت الحسين طلبتك بالرسول كان ما اتحكرتى فى البوست ده بالنتيجة عمايلكم فينا صعبة خرس هشى شوفى جنس المحنة دى قاليها شنو !!! خطواتك وقع الالحان هاك ليها من خشم ابوداوود كمان الله يحمو و يحسن إليهو ... رقدّنا سلطة فى هوى البنات
02-21-2017, 03:48 AM
جلالدونا جلالدونا
تاريخ التسجيل: 04-26-2014
مجموع المشاركات: 9661
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
جلالدونا
عبدالحفيظ ابوسن
محمد مجيدو
زهير عثمان حمد
معاوية المدير
يحي قباني
Ahmed Yassin
الامين موسى البشاري
محمد على طه الملك
حمد عبد الغفار عمر
Amira Hussien
محمد حيدر المشرف
Hamid Elsawi
فيس بوك
تويتر
انستقرام
يوتيوب
بنتيريست