|
دعواتكم لزميلنا المفكر د.الباقر العفيف بالشفاء العاجل
|
|
 Re: ► ود اب سن .. مرحب بيك فى الدردشة الرماضاني (Re: جلالدونا)
|
كما قال ودالمدير العضو المخلوع تقرأ بجميع حركات التنوين والاشارات
قال
بطاقة شنو كمان في رمضان دة
عبدالحفيظ محمد علي ابوسن احمد عوض الكريم جلي
امي
فاطنة حسب الرسول مليك شهيرة بي
فاطنة بت حليمة واشهر من تعمل ملاح الشرموط حتي لقبت به
ملاح شرموط فاطنة بت حليمة
كوستي المولد والنشأة والسكن والذكريات والوجع
متزوج احمد الله وضد التعدد
لي خمسة اطفال
اكبرهم تهاني الشهيرة ب توتا تانية طب واصغرهم علاء الدين المشرف البروفايل
عيوني ساحرة وعسلية
| |
 
|
|
|
|
|
|
|
|
Re: ► ود اب سن .. مرحب بيك فى الدردشة الرماضاني (Re: جلالدونا)
|
سلامات الاخ جلالدونا
معاوية الزبير اخبارك و صحتك و ان شاء الله تعود مُعافي
المحتفي به او المدروش ود اب سن من المعجبين بطريقتك في الكتابة و اختيارك للمواضيع
و بعدك عن التهاتر , و احترامك لنفسك و للاخرين
ربنا يحفظ الوالدة و الاولاد و تفرح بيهم ان شاء الله..
رمضان كريم تصوموا و تفطروا علي خير
| |
|
|
|
|
|
|
|
|
|
Re: ► ود اب سن .. مرحب بيك فى الدردشة الرماضاني (Re: جلالدونا)
|
والله يا معاوية كثير من الاحلام المجهضة بطول العمر . احلام بتتجدد وتجدد الاحزان
الحالم ل البير كامو مش كدة .. وصخرة سيزيف تحملها صاعدا بحلمك نحو قمة سعادتك حتي تكون قاب قوسين .. خطوة واحدة نحو القمة فترتد الصخرة علي رأسك محطمة قفصك الصدري متدحرجة نحو السفح . تعطي جلابيتك بعد ان تنهض من عثرتك متحملا وجع الصدر مهرولا لاهثا خلفها فلا تدركها والا قد قرت في سفح الجبل .. تشيلها تاني
فكانت حياتي قلقا لقلق
حلم يطارد حلم ليتعثر بآخر
اقول
تمنيت لو انني لم افارق دار ابي لأهيم في دروب الدنيا
لو صالونا بيتنا يضيق بنا وبنوامسينا . بدون نت ولا قنوات . نتسامر واخوتي
لو ان الصحاب لم تباغتهم شهوة الغجر بالرحيل
يا معاوية
احلامي بسيطة جدا
جد والله
سبر الروح الكلمة الزينة
ونفسا طيب مالي الجتة
وسبر العاشق
كتر الليمة
ولم الشمل الروح شت
احلامي لازالت
اخاف الفراق
| |
|
|
|
|
|
|
|
|
|
Re: ► ود اب سن .. مرحب بيك فى الدردشة الرماضاني (Re: محمد حيدر المشرف)
|
سؤال
اذا عاد بك الزمن للوراء هل كنت ستسير في نفس طريقك الذي
تسير فيه الان؟؟
هل انت الذي تختار تخصص ابناءك في الدراسة...يعني انت
الاجبرت بنتك تقرا طب وهي كانت عايزة تقرا قانون مثلا ؟
مع وافر الاحترام مع التحيات لصاحب البوست ومع الاقتراح
لاستضافة الغالية بت عمسيب بعد عبد الحفيظ ابو سن
| |
|
|
|
|
|
|
|
|
|
Re: ► ود اب سن .. مرحب بيك فى الدردشة الرماضاني (Re: عبدالحفيظ ابوسن)
|
السؤال صعب امتثال
صعب جدا فأنا الان نتيجة قرارات سابقة .. ابن مواقفي
أكيد لو عاد بي الزمان لرفضت اول سجارة واول سفة
وما حبيت البت ديك
وما كان كلمت صحبي بالسر الداسيهو
ابدا امتثال
بتي الكبيرة ما فرضت عليها ولا غيرها
بدعمهم بعقل منفتح بخياراتهم
وبناقشهم
لكن ابدا ما بفرض عليهم
| |
|
|
|
|
|
|
|
|
|
Re: ► ود اب سن .. مرحب بيك فى الدردشة الرماضاني (Re: امتثال عبدالله)
|
يعجبني في ود ابوسن انو زول راسي وبيقعّد الكلام كويس قبل يدلقوا
ثقافته عالية واكيد هي محصلة او تراكم معارف فرضتها ظروف الحياة
مناضل من الداخل على طريقته الخاصة في وقت يجبن فيه الكثير من التفوه بما يتفوه به من رأي ومحاججة
لعل اكثر ما يحببني فيه انه يعلي من شان حقوق المرأة في المجتمع
مستنير .. لايصرف مساهماته في المنبر في ما لايفيد
مهموم بقضايا مدينته .. مسرح كونه الصغير
تحية ليهو ولامثاله من المجالدين الصابرين
شكرا جلالدونا انك استنطقته
| |
|
|
|
|
|
|
|
|
Re: ► ود اب سن .. مرحب بيك فى الدردشة الرماضاني (Re: جلالدونا)
|
لا والله ما حنبكت ولا قربت انزل من الطيارة بل تعاملت باريحية شديدة وانضباط تكتيكي عالي ..
..
تعرف يا حفيظ ..
تاريخيا كل ما اتعامل باريحية مع الاصدقاء في هذا المجال ... لا ينتهي الامر بسلاسة ولكن .. التعامل باريحية وحميمية مع الاصدقاء مطلوب في ذاته لانو مسالة جميلة وقرقراب اجمل في السياق الاليف..
مودتي للجميع
| |
|
|
|
|
|
|
|
|
|
Re: ► ود اب سن .. مرحب بيك فى الدردشة الرماضاني (Re: محمد حيدر المشرف)
|
حبابك حيدر
تشكر لحسن ظنك
بعدينك مستنير دي بتجيب الدواس والعكلتة
هسة يلم فيني سيد الاسم يطلعني بي قد القفة
تعرف يا حيدر
واحدة من ميزات كوستي انها تزخر بالحيوات .. وضجيج الحياة آنذاك .. لامة كل شئ
النوبات والذكر بتاع الصوفية
حلقات علم شيخ الطاهر ومولانا عرمان ومحمد المهدي ومولانا الكتيابي
ومحمود ود شريف ومزار سيدي الحسن
وظار مريسيلا
وغنا التومات
وبار ابونجمة وبار الضلمة
حلواني محمد عمر
ومطعم المعمل
وقهوة ابوشاخورة
القمار
والنوامات وطرة وكتابة وملوص
وبيوت الدعارة
البتخش ليها بالدس
والبتقيف ليها صف في وضح النهار
وعرقي حجر وحامدين
والجروف
والسينماء
ودار الرياضة والليق
ووو
ديل كلهن في مكان ضيق وناس شوية
بتعارفو
كل التناقض دة في تناغم
| |
|
|
|
|
|
|
|
|
|
Re: ► ود اب سن .. مرحب بيك فى الدردشة الرماضاني (Re: عبدالحفيظ ابوسن)
|
كويس انك ما حنبكت يا مشرف
اداني احساس الحنبكة قباني .
ياخ الامر لا يستحق عموما . بالذات مع مكايدات الصحاب
تعرف انا هدف لمكايدات اخواني
ما عارف ليه
علموني تحمل الاخر . فقد كنت ضيق الصدر في الهظار وهم كاويين جنس مكاواة ولازالوا
يرفعو الجرعة كل مرة . وكل مرة اصل مناطق جديدة من ضبط النفس وعدم الانفعال .
بكون عارف هدفهم ولكني انساق له دون ارادة
لي معهم حكايات وقصص ولازالت
حين نجتمع نستعيد تلك الذكريات والمناكفات
الذكريات عطر المحبة
التحية لاشقائي الاصغر
دكتور ابوبكر بالحرس الوطني بالرياض
باشمهندس معاذ بجياد
واطلب اغنية
خريف العتة
ل مصطفي سيداحمد
واهديها ل...
| |
|
|
|
|
|
|
|
|
|
Re: ► ود اب سن .. مرحب بيك فى الدردشة الرماضاني (Re: عبدالحفيظ ابوسن)
|
Quote: شاحد ربي يلم فيكم عبداللطيف يفرتق ليكم بوستات الونسة دي في راسكم ..
|
ههههها كدى بل راسك
عبد اللطيف هيّن
بعدين حاول ارتقي بينا ياااخ
فى حاجة اسمها خدود
و كمان كان ما اخاف الكضب
شاربة من لون الشفق عند المغارب
___
حفيظو وينك انت ياخ
فى النشاط المدرسى .. اين تجد نفسك
اساتذة و زملاء فى الذاكرة
مواد تحبها و مواد لا تطيقها
مواقف لا زالت عالقة
اكيد علاقتك حميمة مع حصص تسميع المحفوظات و جداول الضرب و الاسبلنق
زى اخونا زهير كده
| |
|
|
|
|
|
|
|
|
|
Re: ► ود اب سن .. مرحب بيك فى الدردشة الرماضاني (Re: جلالدونا)
|
Quote: يعجبني في ود ابوسن انو زول راسي وبيقعّد الكلام كويس قبل يدلقوا
ثقافته عالية واكيد هي محصلة او تراكم معارف فرضتها ظروف الحياة |
و عفيف اللسان و لا تصدر منه الشينة ابداً ...
طيلة السنوات التي قرأت له فيها .. لم تصدر منه كلمة نابية ...
حقيقة اتشرف بمعرفته ايما شرف ...
رجل ( مكرّب ) اموره تمام ...
| |
|
|
|
|
|
|
|
|
|
Re: ► ود اب سن .. مرحب بيك فى الدردشة الرماضاني (Re: يحي قباني)
|
Quote: و عفيف اللسان و لا تصدر منه الشينة ابداً ...
طيلة السنوات التي قرأت له فيها .. لم تصدر منه كلمة نابية ...
حقيقة اتشرف بمعرفته ايما شرف ...
رجل ( مكرّب ) اموره تمام ...
|
كتاباتو صادقة و مريحة
حتى فى تشريحو للحالات المؤلمة
يحتطب لنا وقود المعرفة و يبتسم للفرار عشقه الابدى و صانع بهجته
| |
|
|
|
|
|
|
|
|
|
Re: ► ود اب سن .. مرحب بيك فى الدردشة الرماضاني (Re: جلالدونا)
|
شكرا جلالدونا لهذا الالق الجميل
عبدالحفيظ من الجميلين الذين تمنيت الجلوس بين يديهم
ومتعة الاستمتاع لاحاديثهم الرائعة واكثر ما يعجبني فيه
التواضع الجم وتناول الموضوعات ببساطة مبنية على الق زاهي
قل ان يجود الزمان بمثله فلغته جميلة كجمال روحه
كسرة
اخي الاكبر عبدالحفيظ استميحك عذرا ان تسوح بنا فى رحاب
جامعة الخرطوم فى تلك الايام الجميلة والمستحيلة تشع ضياءا
يملا الافاق نورا ولابد ان تعرج بنا عبر المناشط الثقافية فى المستحيلة
وانا من محبي شعر والقاء الدكتور محمد بادي العكودابي وارتحل معه
واتسامي فى عودة الدراويش واتحسس جمال السودان وصفاء النفوس
فى (انا اخو البت اللكعت قرن الخمرة النازة على وردان الصبو الراكزة)
وتصوايره البديعة للجمال وانت شاهد على هذا الالق الجميل حدثنا وباستفاضة
عن زفة ود بادي
جلالدونا عبدالحفيظ رجل يجسد هذا الوطن الجميل باسلوبه الخاص فشكرا
لك بهذه السياحة الجميلة فى بستان الوطن من خلال ابسن
عامر
| |
|
|
|
|
|
|
|
|
|
Re: ► ود اب سن .. مرحب بيك فى الدردشة الرماضاني (Re: عبدالحفيظ ابوسن)
|
حباب عامر حسين
زعلالان منّك يااخ .. الراكوبة ماب تتشكّر فى الخريف... لكن بنمشّيها ليك
و كوست يا عبد الحفيظ .. احياها و اسواقا و شوارعا
غايتو انا سمعت بى الرديف و حى الموظفين و حى الشايقية
شخصياتا و ناسا و قهوة حامد
فول اعمامن الزين و تبورى
سوق السمك و سوق الملجة
كوستى صلاح كوستى
اها نبدا من وييييييين
من وييييييين
من القشّارات احسنك
و كوستى الهمبريب و القعاد فوق العناقريب
| |
|
|
|
|
|
|
|
|
|
Re: ► ود اب سن .. مرحب بيك فى الدردشة الرماضاني (Re: عبدالحفيظ ابوسن)
|
حبابك قباني
انت النسعلك القبابين الفي الاذاعة ضكور واناتي ديل هولك
كنت بسمع زمان يقدمه منو كدة قباني
تشكر يا صديقي علي طيب قولك
عندي من الاصدقاء والاهل من يتابعون ما اكتب وفيهم بتي زاتا
وبعدينك هسة تطبيق نبض دخل معاهو سودانيز
اي موضوع جديد يجيك ناطي
ونبض موقع عالمي مشهور
ف شنو عف لسانك تكون في السليم
السلاح ياهو الكلمة
نضفها ياخ
نسة لو سلاحك مسدس مش بتراجعو ما يقوم فيك ولا يركن
اها في بالي ناس اكتر اعرفهم ويقرأون فلا ارغب ان اكون موصوفا عندهم بالفحش او غلظة قول
| |
|
|
|
|
|
|
|
|
|
Re: ► ود اب سن .. مرحب بيك فى الدردشة الرماضاني (Re: عبدالحفيظ ابوسن)
|
حبابك عامر
وتشكر لطيب حديثك
ذلك الزمان جامعة الخرطوم تزدهي بكل انواع النشاط .. صباحا و ظهرا في المين رود ومساءا بالميدانين الشرقي والغربي ودار الاتحاد ونادي الاساتذة
نشاط ترفيهي رياضي فني ثقافي سياسي
كنت اميل للنشاط الثقافي والسياسي .. ليالي الشعر الثوري والغناء واركان السياسة
استمع لوردي وعركي وعقد الجلاد واسمع للقدال وحميد وغيرهم
اشهد اركان القدال و دالي واسماء والحاج وراق والمرحوم نزار ومامون سيداحمد والمرحوم محمد طه ووو
ود بادي كان له طريقة مختلفة الشعر جزء منها وله بداخلية حسيب حيران وطريقة وهو اقرب لحلمنتيش
لم اكن احب حلمنتيش كثيرا ولا السخرية الفكهاية من التباين الثقافي والمدني الذي هو موضوعها المفضل . التباين بين اهل الخرطوم والاقاليم
لكن في ملاحظة
ليه معظم شعراء حلمنتيش دار بهم الزمن ليصير جلهم تبع المؤتمر الوطني
| |
|
|
|
|
|
|
|
|
|
Re: ► ود اب سن .. مرحب بيك فى الدردشة الرماضاني (Re: عبدالحفيظ ابوسن)
|
تعرف جلال
زمان قبل المشروع الحضاري 1981 البداهو نميري بمشورة الاخوان
كانت المدن لها طعم ونكهة ورائحة
كوستي مدني عطبرة سنار الابيض كسلا الجنينة الخ
كل مدينة لها نكهة مختلفة وصورة متخيلة لو لم ترها
يقول ليك مدني تقعد في الواطة طوالي
سنار تمسك جيبك
كوستي الرديف
سأحاول رسم صورة متخيلة لكوستي حينها
لا اعد بذلك
لامر مربوط
| |
|
|
|
|
|
|
| |
جلالدونا
عبدالحفيظ ابوسن
معاوية الزبير
Nasser Amin
زهير عثمان حمد
محمد حيدر المشرف
حيدر حسن ميرغني
يحي قباني
Aamer Hussin
فيس بوك
تويتر
انستقرام
يوتيوب
بنتيريست