كابتن جمال القوز أزيك يا زول يا فنان صوت أليشا في أغنية نيويورك يفتفت الحجر . عجيبة ياخ الحلاوة لما تتخلط بالحمار والرقة . مشكور كتير علي جلب الشغل النضيف
03-23-2017, 08:23 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
يا عبدالمنعم دي نعومة عجيبة والسبب قالوا عدم حش قش التناقير والركض علي التريد ميل لزيادة الرشاقة . ياخ الكشنة بصل . وعطر نيويورك الفايح الما بنقطع سببو من ديل .كما قال الشاعر البورتاريكي .
03-24-2017, 09:02 PM
عبد المنعم سيد احمد عبد المنعم سيد احمد
تاريخ التسجيل: 10-13-2003
مجموع المشاركات: 11824
سلامات أخ عبدالمنعم شوف الناس دي بتحب نيويورك قدر شنو . الغناء في نيويورك يختلف عن الغناء في أي مكان وخاصة في باحة التايم اسكوير الرهيبة . شوف دخول جيزي علي اليشا وشهقان الناس في بداية الربة العالمية . أليشا أجمل زول في الواطة كلها . كب الفديوهات يا منعم خلي الناس تعرس و تنبسط .. تحياتي
03-25-2017, 06:08 PM
عبد المنعم سيد احمد عبد المنعم سيد احمد
تاريخ التسجيل: 10-13-2003
مجموع المشاركات: 11824
يا منعم ياخ شوف لحظة دخول الوعلة بي فستان المريخ الاصفر . شوف لما صفقت ودخلت في أغنية NO ONE LIVE ON LETTERMAN عان مطر الصفقة و سيل الصفافير و كمية البهجة الرتعت في المسرح الرحيب . دواخل الفنانة اليشا يا منعم تحفل بالكثير . وتعال شوف سكر الناس طرب والهياج لما تقعد في البيانو وتعرض القدرة الفايقة والمهارة في العزف . يلعن أبو السلع المصرية ياخ ويلعن أبوصره زاتو وأبو جلمبو برضو .
03-25-2017, 08:38 PM
عبد المنعم سيد احمد عبد المنعم سيد احمد
تاريخ التسجيل: 10-13-2003
مجموع المشاركات: 11824
غايتو يا عثمان يوم بتكتل فينا زول هنا ... ياخي مالك بتبحت لينا في معاقل الجمال ,,, انا غايتو غناها ما سمعتو لانو بدخل من المكتب وهنا قسم الاي تي موقف كل الفيديوهات يعني ما شفت ولا فيديو واحد لكن وجت مشيت بحثت عن الصور لقينا ماشا الله اسم وجسم الله يحفظ هذا الجمال ياخي البت سبحان ابدع من خلقها مقسمة تقسيم ياخي ... على العموم مشكور على ازيتنا دي بس راعي نفسياتي واخشى عامل السن ....
تحياتي : ياسر العيلفون ......
03-26-2017, 12:46 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
الأخ الفنان ياسر السر سلامات هو أنت لسع عايش ياخ نحن أتكتلنا من أول ما كحلت عيونا التايم أسكوير .. متنا وشبعنا موت من أول ما شاكيرا عملت ديك الحركة . والموت أتكرر بعد ما هلت أليشا الرهيبة . غايتو كان أهلك ناس العيلفون شافوها بي قميص المريخ كان الثيامة قامت . اليشا يا عمك هي حنك الغناء العاضي .. ربك يحفظ وعليك الله في أجازتك لو جبت معاك شوية بركة من الشيخ حسن ود حيسونة طباب المجمومة عشان نشتتو تحت جمب البيانو يكون والله ليك الاجر .. ياخ عيون الخلق كلها مصبوبة بين البيانو وبصل الحلة . أشهر مجلة جمال قالت دي كراع من النوع أبوكديس . غايتو لمان فديو عبدالمنعم الجاي يختو خلي جمبك حبة علاج جلطة و فتيل RAMIPRIL 20 MG . تحياتي يا عزيز
عارف يا منعم فوق للسماحة دي وفوق للفن ده برضو أتعرف عنها أنها أكتر الفنانات الشباب البتتبرع بالمال والوقت لصالح المشردين والاطفال والكوارث في العالم . أرجو أن لا تتوقف عن دعم بوست اليشا البنت الحدبقة .
06-18-2017, 04:39 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
الأخ منعم سلامات عليك الله خلي بوست أليشا فوق طوالي أنا ح أكون بعيد شوية مش عارف قدر شنو . ولو لقيت أي فرصة أدخل سودانيز من ديك البلد ح أمر علي ديار أليشا . تحياتي وشكري
03-31-2017, 05:38 PM
الفاتح ميرغني الفاتح ميرغني
تاريخ التسجيل: 03-01-2007
مجموع المشاركات: 7488
عزيزنا عثمان تحية لهذا الاختيار الرهيب وتحية للأخ جمال ود القوز على "جلب الشغل النضيف": أغنية New York . ما عارف لكن الأغنية دي الواحد لمن يسمعها بجيهو احساس بالشجن وكأنه من سكان New York! أليشيا أدتها بشجن عالي وإحساس خرافي! أدهشتني وسحرتني طفلة عمرها تسع سنوات اسمها Abigail في برنامج المواهب الاسترالي،لأنها أدت هذه الأغنية بصورة مبهرة وآسرة حتى أن الفنان Joel قال :" ده أفضل Show في الكون كله"! نهديها ليك و لجمال ود القوز وضيوفك ذوي الوزن الجميل. البت دي ما كان يسموها Abigail كان يسموها Nightengale!
بجيك صادي للديفا وسمرية، اليشيا لأنها هبشتني في حاجات كده!.
محبتي
04-01-2017, 00:23 AM
عبد المنعم سيد احمد عبد المنعم سيد احمد
تاريخ التسجيل: 10-13-2003
مجموع المشاركات: 11824
الزولة دي في مسيرة النساء في واشنطن سوّت البِدع، والقت الشعر الماخمج، واستهلته بالابيات الأخيرة من خالدة مايا آنجيلو " Still I Rise"، رغما للظروف والحال الحرن! اليوم داك شفت Rachel Maddow ، و لو بتعرف تزغرد كان زغردت من الفرح بالمسيرة والمشية والقدلة واستايل الشَعر والقاء الشعِر! وراتشيل دي ما حصل شفتها قريب ده في حالة طربية وفرح إلا اليوم داك، ولمن سحب الجمهوريون مشروعم لبديل لمشروع "اوباما كير"من الكونجرس في آخر لحظة ! ورغم البرد القارس والإحساس بكآبة شتاء واشنطن، إلا أن اليشيا ألهبت الحماس في الجمهور بكلمتها التي جسّدت معاني الإخاء والمساواة والحرية ووحدة المصير المشترك للإنسانية، وغنت وبقّت واشتعلت، وكانت: A Girl on Fire
محبتي
04-02-2017, 09:15 AM
Osman Musa Osman Musa
تاريخ التسجيل: 11-28-2006
مجموع المشاركات: 23082
سلامات أستاذ الفاتح الكاتب الكبير والرجل الناشط في شامل المفيد . طبعا يا الفاتح تلك الو علة الشاردة . الو علة أبو عيون كحيلة . قلبت ليل واشنطن نهار . وخالفت الطبيعة لحظة أعتلت المسرح . والله يا الفاتح البرد دأك مكان راح ما أتعرف . البنية عقدت الأمة كلها فوق اللهب . صعب جدا عليك الله تابع . تحياتي
04-02-2017, 08:26 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
نعم يا استاذ الفاتح في وقفة النساء كانت هي حديث الوا طة . كانت في عناوين الصحف الكبيرة والبرامج الشهيرة كانت قمر بي كر أعين . والشعر ألافرووووو النفو ش كان يلالي و يلصف . صدق شاعرنا أبو آمنة حامد لما ن كتب في جدتها ( سأل من شعرها الذهب )
04-03-2017, 06:57 AM
Osman Musa Osman Musa
تاريخ التسجيل: 11-28-2006
مجموع المشاركات: 23082
"بعض النساء وجوههن جميلة وتصير أجمل عندما يبكينا" أظن اليشيا كانت واحدة من المذكورات في كلام نزار قباني ده، لأنو الزولة دي في قداس الأسطورة ويتني هيستون حتى الحزن كان فيها جميلاً! حكت للناس عن علاقة المحبة التي كانت تربطها بالديفا ويتني..وكيف كانن بنادن بعض بـ" Mima". وغنت " Send Me an Angel " ودخّلت الناس، المعزين والكفروا، في حالة شجن عجيبة! واحد قال " رغم حالة الحزن وأثر الفقد، آهات اليشيا كانت قادرة على الوصول لطاقم مركبة فضائية على سطح القمر"! زولة عجيبة في الفرح والكره!
محبتي
04-05-2017, 07:23 AM
Osman Musa Osman Musa
تاريخ التسجيل: 11-28-2006
مجموع المشاركات: 23082
بارك الله فيك اخي أستاذ الفاتح وجبرالله كسر العالمين . ا ليشا الجميلة ارسلت للعالم صورة حزن الفنان في دأك الملم الطامح بالوجع . أرسلت للعالم صور الإخلاص و المحبة و الوفاء للراحلين .و تني في القلب .
04-05-2017, 01:09 PM
عبد المنعم سيد احمد عبد المنعم سيد احمد
تاريخ التسجيل: 10-13-2003
مجموع المشاركات: 11824
عزيز نا الفنان ياسر سلام مربع وتقبل سلام كل أصوات المزامير الطالعة من نواحي التايم ا سكوير . الناس هنا يا شيخ السر مافي زول ما صاحي والجميع في انتظار ا ليشا . تحياتي
04-08-2017, 00:13 AM
عبد المنعم سيد احمد عبد المنعم سيد احمد
تاريخ التسجيل: 10-13-2003
مجموع المشاركات: 11824
مشكور يا اخ منعم دأك اليوم العالم نام فرحان بي دخول أشر في بدايات تعليم الطيران الي سلالم الضو . وكان الانبهار أشد لحظة دخول ا ليشا و هي لا بسة ربع البا لطو بتاع جلد الثعبان . كانت رهيبة في الليلة ديك لما غنت لي في المسالمة غزال بالانجليزي . عاشت الديمقراطية المنتجة للابداع و عاشت العوالم الحرة .
04-17-2017, 07:59 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
زوجها انسان فاهم مشهور بصناعه موسيقي او hits وهو برضه من نيويورك ومشهور بالاسم Swizz Beatz
تصور انه درس في هارفود . قبل فتره تم استضافته في الجامعه بعد تخرجه ..
في منافسه خفيه بين اليشا وبيانسي ولكن اليشا افضل في نظري .. اليشا عندها عمق في الكلمات وبتكتب موسيقه وبتعزف ..اليشا عبقريه موسيقيه ..لما كانت سبع سنوات اليشا انتهت من تعلم كل الكلاسيكيات في البيانو ( شقيه الحال دي بدت في تعلم البيانو قبل تعلم المشي والكلام ) .تصور دخلت مدرسه خاصه لتعلم الغناء والعزف في سن الثانيه عشر وتخرجت الاوله في فصلها في سن ال السادسه عشر
05-04-2017, 05:40 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
عزيز نا موهب . سلامات يا ابو الشباب . والله يا موهب لو قلت لي ا ليشا اتعلمت عزف البيانو وهي في بطن أمها انا أصدقك . عشان البتسوي فيه ده ما شغل نصاح . ياخ تمسك الجيتار تحير تمسك الكلارنيت تجنن . لا لا .
05-07-2017, 09:27 AM
Osman Musa Osman Musa
تاريخ التسجيل: 11-28-2006
مجموع المشاركات: 23082
عليك الله يا عبدالمنعم جيب صورة وجه الغناء . جيبها زي ما كانت في حلقات ذا فويز . زي ما كانت . بي سروال و مر كو ب و جبه و صد ير ي و ا نأمل رقيقة . وعمة الكاريبي . الزولة يا منعم من عندنا مافي شك .
06-01-2017, 01:27 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Osman Musa
جمال ود القوز
عبد المنعم سيد احمد
ياسر السر
الفاتح ميرغني
Muhib
حامد عبدالله
فيس بوك
تويتر
انستقرام
يوتيوب
بنتيريست