|
Re: يا عمر دفع الله .. ياخي مافي مستوى أحسن من أ (Re: محمد جلال عبدالله)
|
كتب أبوبكر عباس
Quote: أعتقد انو مشكلة الكركتير دا القاتلة يا محمد جلال، انو نظافة الآخر داخل الحمام مربوطة في كل الثقافات بمرض أو عجز ، والذي يقوم بهذه النظافة يعتبر شخص نبيل!!
|
صحيح ... وبتظل حاجة مستورة وفي إطار الخصوصية مافي زول قاعد يتصور صورة على سبيل الذكرى مثل وهو شايل الابريق وواقف قدام الحمام عشان يغسل لمريض أو عاجز
| |
|
|
|
|
|
|
Re: يا عمر دفع الله .. ياخي مافي مستوى أحسن من أ (Re: محمد جلال عبدالله)
|
كتب محمد البشرى
Quote: لا يا مستنير .. شيل الإبريق في الثقافة السودانية عندو دلالة مختلفة و تناسب فكرة الكاريكاتير تماما |
ثم أردف الصادق إسماعيل
Quote: ايوه يا ود البشرى المستنير ما نقش الفكرة، الفكرة كلها في (شيل الإبريق). من عنصريات السودان الإعتقاد السائد أن اسم الزغاوة جاء من زاغ، وأن جد الزغاوة (زاغ بإبريق النبي (ص)) فتأملوا |
معلومة جديدة والله أول مرة أسمعها لكن هل قصد عمر دفع الله ذلك؟
| |
|
|
|
|
|
|
Re: يا عمر دفع الله .. ياخي مافي مستوى أحسن من أ (Re: محمد جلال عبدالله)
|
كتب جلالدونا
Quote: مالكم عايزين تعقدونا .. شلنا الابريق لامن فترنا .. نخدم فى جدونا و اعمامنا و ابونا الله يرحمهم اجمعين |
مافي تعقيد ولا حاجة عمل جميل ونبيل ولا غبار عليه لكنه يبقى في إطاره العائلي والخصوصي لكن تخيل كدي واحد رفع صورة في الفيسبوك مثلا وهو بغسل لوالده أو لزول عاجز!! وهو حيلتقط صورة زي دي من الأساس؟ دي الفكرة!
| |
|
|
|
|
|
|
Re: يا عمر دفع الله .. ياخي مافي مستوى أحسن من أ (Re: محمد جلال عبدالله)
|
الحبيب محمد جلال عساك طيب وان شالله غيابك يكون في ميزان حسناتك بإذن الله .
انت ما كلموك ما انا واخوي ود ابو إمتلكنا بوابة حوش بكرى دي بوضع اليد اي والله شلناه ذندية عدييييييل والعندو كلام يكون مع بكرى ما معانا يالحبيب وبيني وبينك الموضوع صعب تب غايتو يا تشيلوا بكرى من ادارة المنبر بتاعوا يا تعملوا ليكم منبر براكم يا تستغفروا وتقولوا ( الله يولي من يصلح ) .
يا عيب الشوم عليك يا ابوحميد خلاس نسيت المحبة البينا ! يشهد الله في غيابك اضنانا الالم وفقدنا للمنبر مذاق .
كان اقلها تسلم علينا وتسألنا من احوالنا وانت زاتك الدّخلك بالباب شنو ! ما كان تتلب بالحيطة زي ما بيعمل ودالباوقة مرات ويعمل فيها رايح من باب الحوش .
يا حبيبنا ابوحميد يا هو الحال في حالو والمنبر زي ما خليتو ناس تشتم في الجلابة وناس تشتم في الغرّابة وناس تشتم في الفلاتة وناس تشتم في الحكومة وناس تشتم في المعارضة والناس ياهُن الناس زاتن مافي زول جديد ناس ودالصايم وودالباوقة وودالبشرى وود ام زقدا وود ام ( ...... ) ياخي لو جاي وروحك محرقاك ما تفشها في الحبايب وصدقنى يا بوحميد انا عشان خاطر عيونك مثّلت فيها ضرير مع اني شايف هناك امام الحرم المكي حايم في خلاوي اهلنا الصوفية وكمان قالوا السعودية زاتا عايزا تعمل صيانة للقباب ومش كدا قالوا منعت شيوخ السلفيين من التعرض لشيوخ الصوفية . وانا عارف يا الحبيب انك بقول في سرك : ( الله ياجزي ايران الكانت السبب في دا كلو) .
اسمح لي يا ابوحميد ان اختم قولي ببيت المتنبئ :
ومن نَكَدِ الدّنْيا على الحُرّ أنْ يَرَى عَدُوّاً لَهُ ما من صَداقَتِهِ بُدُّ
أذُمّ إلى هذا الزّمانِ أُهَيْلَهُ فأعْلَمُهُمْ فَدْمٌ وأحزَمُهمْ وَغْدُ وأكرَمُهُمْ كَلْبٌ وأبصرُهُمْ عمٍ وأسهَدُهُمْ فَهدٌ وأشجَعُهم قِرْدُ ومن نَكَدِ الدّنْيا على الحُرّ أنْ يَرَى عَدُوّاً لَهُ ما من صَداقَتِهِ بُدُّ
دمت يا ابوحميد وما يغشاك شر ...... يا دينق اختشي !
| |
|
|
|
|
|
|
Re: يا عمر دفع الله .. ياخي مافي مستوى أحسن من أ (Re: عمر دفع الله)
|
حمل الإبرىق يماثل في حالتنا هذه = مسح الجوخ وحرق البخور والتطبيل ! وحمل الإبريق لحاكم طاغية في المرحاض ـ يؤكد مدي تذلل وتردي حامل الإبريق وحارق البخور! إنه يتبع ولي نعمته ويتمسح به حتي في المرحاض ! * فرق شاسع بين حمل الإبريق لإعانة عاجز ومريض وبين حمله تملقا وتذللا لطاغية يهيمن علي السلطة والثروة !
| |
|
|
|
|
|
|
Re: يا عمر دفع الله .. ياخي مافي مستوى أحسن من أ (Re: كمال عباس)
|
Quote: الحبيب محمد جلال عساك طيب وان شالله غيابك يكون في ميزان حسناتك بإذن الله .
انت ما كلموك ما انا واخوي ود ابو إمتلكنا بوابة حوش بكرى دي بوضع اليد اي والله شلناه ذندية عدييييييل والعندو كلام يكون مع بكرى ما معانا يالحبيب وبيني وبينك الموضوع صعب تب غايتو يا تشيلوا بكرى من ادارة المنبر بتاعوا يا تعملوا ليكم منبر براكم يا تستغفروا وتقولوا ( الله يولي من يصلح ) .
يا عيب الشوم عليك يا ابوحميد خلاس نسيت المحبة البينا ! يشهد الله في غيابك اضنانا الالم وفقدنا للمنبر مذاق .
كان اقلها تسلم علينا وتسألنا من احوالنا وانت زاتك الدّخلك بالباب شنو ! ما كان تتلب بالحيطة زي ما بيعمل ودالباوقة مرات ويعمل فيها رايح من باب الحوش .
يا حبيبنا ابوحميد يا هو الحال في حالو والمنبر زي ما خليتو ناس تشتم في الجلابة وناس تشتم في الغرّابة وناس تشتم في الفلاتة وناس تشتم في الحكومة وناس تشتم في المعارضة والناس ياهُن الناس زاتن مافي زول جديد ناس ودالصايم وودالباوقة وودالبشرى وود ام زقدا وود ام ( ...... )
ياخي لو جاي وروحك محرقاك ما تفشها في الحبايب وصدقنى يا بوحميد انا عشان خاطر عيونك مثّلت فيها ضرير مع اني شايف هناك امام الحرم المكي حايم في خلاوي اهلنا الصوفية وكمان قالوا السعودية زاتا عايزا تعمل صيانة للقباب ومش كدا قالوا منعت شيوخ السلفيين من التعرض لشيوخ الصوفية . وانا عارف يا الحبيب انك بقول في سرك : ( الله ياجزي ايران الكانت السبب في دا كلو) .
اسمح لي يا ابوحميد ان اختم قولي ببيت المتنبئ :
ومن نَكَدِ الدّنْيا على الحُرّ أنْ يَرَى عَدُوّاً لَهُ ما من صَداقَتِهِ بُدُّ
أذُمّ إلى هذا الزّمانِ أُهَيْلَهُ فأعْلَمُهُمْ فَدْمٌ وأحزَمُهمْ وَغْدُ وأكرَمُهُمْ كَلْبٌ وأبصرُهُمْ عمٍ وأسهَدُهُمْ فَهدٌ وأشجَعُهم قِرْدُ ومن نَكَدِ الدّنْيا على الحُرّ أنْ يَرَى عَدُوّاً لَهُ ما من صَداقَتِهِ بُدُّ
دمت يا ابوحميد وما يغشاك شر ...... يا دينق اختشي ! |
إنت زعلت يا فنان؟؟ لا والله ما روحي محرقاني ولا شي .. بس بالجد الكاريكاتير (قرفني) واعذرني على الكلمة ما سلمت ما قصدي عدم السلام لكن لو كنت جيت في بوست كنت انت فاتحو كنت بسلم! إن شاء الله بس الكـلـب والقرد ديل ما أكون فيهم أنا :)
| |
|
|
|
|
|
|
Re: يا عمر دفع الله .. ياخي مافي مستوى أحسن من أ (Re: محمد جلال عبدالله)
|
أذُمّ إلى هذا الزّمانِ أُهَيْلَهُ فأعْلَمُهُمْ فَدْمٌ وأحزَمُهمْ وَغْدُ وأكرَمُهُمْ كَلْبٌ وأبصرُهُمْ عمٍ وأسهَدُهُمْ فَهدٌ وأشجَعُهم قِرْدُ ومن نَكَدِ الدّنْيا على الحُرّ أنْ يَرَى عَدُوّاً لَهُ ما من صَداقَتِهِ بُدُّ
الحبيب ابوحميد الله يسامحك برضو تاني فهمتنى غلط وانا كنت قايلك بتفهما طايرا
يا ابوحميد انا اوردت اشعار المتنبئ بمناسبة المصالحة - القسرية - بين اهلنا المتصوفة والجماعة السلفية بوساطة سعودية وقد اوردتها على سبيل المشاغلة والممازحة اما اذا اوردتها مع غيرك - مثلا مع عماد حسين - ستكون من باب الشماتة _ .... شفت معزتك عندنا كيف !
ﺃﺧﻮﻙ ﻳﺎ ابوحميد ﺃﺧﻮﻙ ﻭﻛﺖ ﺍﻟﺨﻴﻮﻝ ﺑﺪﺑﻜﻦ ﺃﺧﻮﻙ ﻳﺎ ابوحميد ﺃﺧﻮﻙ ﻭﻛﺖ ﺍﻟﺮﻣﺎﺡ ﻳﺘﺸﺒﻜﻦ ﺃﺧﻮﻙ ﺟﺒﻞ ﺍﻟﺜﺒﺎﺕ ﻭﻛﺖ ﺍﻟﻘﻮﺍﺳﻲ ﺑﺤﺒﻜﻦ................... دمت بخير ولا تنسى كلماتك الى دينق ستكون في ميزان ذنوبك ....اللهم فأشهد ...
| |
|
|
|
|
|
|
Re: يا عمر دفع الله .. ياخي مافي مستوى أحسن من أ (Re: عمر دفع الله)
|
الكاريكاتير بيوصل الفكرة تماماً .. لحامل الابريــق.. لكن مع وجود المتغوط في حمام افرنجي حديث بسايفون يبقى الابريـق كان يكون كلينيكز ..:) الابريق بيشيلوهو ناس الادبخانات والمُستراح - الدلع حمامات بلدية- حيث تحتك حُفرة وفوق منك السماء وحواليك الجنادب وابو الجعرانات وحامل الابريـق رافع ضُروة الباب كان خيشة او ملاية ومادي يدو بالابريـق ويتكشم :) :)
عموماً الاحلى من الكاريكاتير قصة سماح السلفية بتعمير القباب دي وإخراج طائفة الصوفيـة من زمرة الفرق الهالكة
ايران السوتو ما شوية واحد سعودي معلق قال اصبحنا في زمن انفض من حولنا الأقوياء وضعفت تالفاتنا مع دول المركز واصبحنا نتحالف مع الضعفاء وندفع لهم لشراء أصواتهم.. هذا زمن عجيب !
| |
|
|
|
|
|
|
Re: يا عمر دفع الله .. ياخي مافي مستوى أحسن من أ (Re: HAIDER ALZAIN)
|
اتنين من اصحابنا لونهم اخدر شديد مشو القاهرة فسحة وهناك حبو يتصوروا في استديو صورة تذكارية الصورة طلعت داكنة وباهتة وما عجبتهم فقالوا للمصور ياخي عيد الصورة دي لانها باهتة فالمصري عاين ليهم وقال ليهم : انتو كدا ... أعمل ليكو إيه؟ هههه فالمستوى دا مستوى البشير والسنوسي ... ود دفع الله يعمل لكو ايه
| |
|
|
|
|
|
|
|