|
|
|
 Re: يا جماعة هؤلاء بتاعين المنبر ديل منو؟ (Re: عمر الفاروق عبد الله الشيخ)
|
ليه زمن بكورك في الهؤلاء وبقى مافي زول شغال بيه عشان كدة قال يكورك للجيران معاهم
ماااااا عندو التكتح
بلقط ليه في حاجات بتاعة اثارة تغضب الناس وتعمل ليه قيمة لكن ما عندو عقلية حوار ومخاطبة
هسة الحديث الجابو دة لو كتبوا زول غيره علي الحلال قيامة البورد تقوم | Quote: عن أنس رضي الله عنه قال: قال رسول الله صلى الله عليه وسلم: ((حب قريش إيمان وبغضهم كفر، وحب العرب إيمان وبغضهم كفر، فمن أحب العرب فقد أحبني، ومن أبغض العرب فقد أبغضني)). |
| |
 
|
|
|
|
|
|
|
|
Re: يا جماعة هؤلاء بتاعين المنبر ديل منو؟ (Re: سيف النصر محي الدين)
|
Quote:
والله يا دكتور كنت قايلك مفتح!! معقول ما قادر تفرز بيناتم
1. هؤلاء الاولانيين = اليساريين والعلمانيين والكفار والملاحدة والليبراليين
(وانت منهم والعياذ بآمون) :)
2. هؤلاء التانين = اي زول ما عربي :)
والله أعلم |
هو بذات نفسو قال ليكم ما عربي ، كمان الشمال ده حقهم براهم... شوفوا ليكم بلد تانية امشوا ليها ... ؟!
| |
|
|
|
|
|
|
|
|
 Re: يا جماعة هؤلاء بتاعين المنبر ديل منو؟ (Re: عثمان عووضة)
|
بالرغم من أن علماء الليبرالية الحديثة قد قسّموا سلوك البشرية من حيث الجماعية إلى: (out-group and in-group)
وبالرغم من أن جوزج بوش الابن قد داس أبنص على مقولة معنا أو ضدنا! في أحداث 9/11.
إلا أنهم -علماء اللبرلة والساسة حسب تتبعي لم يتوصلوا نجرًا للهاؤلائية حتى الآن.
وبهـــــذا:
نعلن، أن هذا هو أول نجر ظرفي لمصطلح دلالي جديد يتم حفظ حقوقه لد. سيف النصر
الحقوق محفوظة.
حتى لا يأتي بكرة من ينط ليك ويقول أنا أول من مشى على القمر يا هؤلاء!
| |
|
|
|
|
|
|
|
|
|
Re: يا جماعة هؤلاء بتاعين المنبر ديل منو؟ (Re: آدم صيام)
|
ههههه
نحكي ليك دي يا سيف محبة فيك
مجموعة من الكبار البهتمو للغلمان بقعدو يوماتي في دكان واحد منهم . مرة واحد ما منهم قاعد معاهم .. وجاء غلام وديل بغازلو فيهم .. وعمنا من الضمن رمي ليهو كلمة كلمتين
الغلام اندهش وقال ليهو
اتا يا عم فلان من اهلك ذلك
قال ليهو
انا ذلك زاتو
| |
|
|
|
|
|
|
|
|
|
Re: يا جماعة هؤلاء بتاعين المنبر ديل منو؟ (Re: جلالدونا)
|
ههههههه
ود اب سن
نكتتك دى ممكن عادى تحول اوراق صاحب البوست للمفتى
وحالتك ما فاهم موضوع البوست
يعنى لو دخلت وانتا فاهم كان اعدمتنا كلنا ههههه 😇
بخصوص الشخص المعنى بالبوست يا دكتور
الا ترى انه يحتاج الى مساعدة طبيب نفسى ؟
| |
|
|
|
|
|
|
|
|
|
Re: يا جماعة هؤلاء بتاعين المنبر ديل منو؟ (Re: عباس محمود)
|
والله يا علي ما عارف شت بس .. عندي شهية كتابة والسوق واقف والجو يغري بالفساد !! مطر ورطوبة والشمش متغتية ومتبلمة بكسر السحاب .. زي البت المتضارية وراء الباب .. مرات تشوفها ومرات تحجبها الخجلة
اها سيف دة من الذين اودهم والله شاهد . بعد كلامك دة تاني اخدت لي دوحة .. ولفيت المنبر افتش بوستات اولئك وعناوين هؤلاء .. وخشيت محلاتن كنت ببراها .. ومرقت ملوص صفر معاك الصفرين . الا يكون البوست دة بي ذاكرة استرجاعية . من الموبايل لامن دمعت . قريت جنس قراية .. وضحكت لامن انشرقت والله .. ياخ لقيت متعة ما عادية .. قررت اباريهم تاني بالطوالة
ورد لي جلالدونا والله بضحك فيهو عشرة دقايق .. ياخ جنس ردم هو .. اتردم ردم ما اتردمو حرامي في بيت عزابة
غايتو
اشكر سيف لانو فتح عيني علي طاقة للمرح
| |
|
|
|
|
|
|
|
|
|
Re: يا جماعة هؤلاء بتاعين المنبر ديل منو؟ (Re: مني عمسيب)
|
دكتور سيف ورهطه ,,,,,, سلام
قنا نزكركم ,,,, ختو الكورة واتا ,,,, موسي في دينو وعيسي في دينو ,,,,
الزول دا داعي جنس دُعا أسالو منو عووضه وجلالدونا.
http://sudaneseonline.com/board/490/msg/%D9%8A%D8%A7-
%D8%B1%D8%A8%D9%90-%D9%8A%D8%AC%D9%8A-
%D8%AA%D8%A7%D9%86%D9%8A-...-1460371177.html
http://sudaneseonline.com/board/490/msg/%D8%A3%D9%86%D8%A7-%D8
%BA%D8%A7%D9%8A%D8%AA%D9%88-%D9%87%D9
%8A%D8%B1%D9%88%D8%B4%D9%8A%D9%85%D8
%A7-%D8%B9%D8%AF%D9%8A%D9%84--1460732216.html
| |
|
|
|
|
|
|
|
|
|
Re: يا جماعة هؤلاء بتاعين المنبر ديل منو؟ (Re: سيف النصر محي الدين)
|
Quote: وبهـــــذا:
نعلن، أن هذا هو أول نجر ظرفي لمصطلح دلالي جديد يتم حفظ حقوقه لد. سيف النصر |
سلامات يا ادم و شكرا على براءة الاختراع ههههههه
في اللغة الإنجليزية أي تعبير مستحدث يحفظ اسم من استحدثه و هناك فعلا اهتمام بهذا الجانب
و حتى تلك التعبيرات التي لم تحظ بالتوثيق و التي انتشرت قبل سنوات لم يكن فيها هذا الاهتمام
الموجود اليوم سائدا فيها تجدهم يبذلون مجهودات كبيرة في السعي لتوثيق كل تعبير و ربطه بصائغه
و لعلك تعلم انهم يستخدمون الفعل coin للدلالة على صياغة مفردة او عبارة جديدة.
اخونا حافظ خير لذي يكتب هنا باسم فردة هو من صاغ مفردة اسفير و اسافير للدلالة على
الفضاء السايبري.
| |
|
|
|
|
|
|
|
|
Re: يا جماعة هؤلاء بتاعين المنبر ديل منو؟ (Re: سيف النصر محي الدين)
|
سلامات يا هذا وهؤلاء المشاركون وهؤلاء هؤلاء المشاركون بالقراءة ..
هؤُلاَءِ سَيُحَارِبُونَ الْخَرُوفَ، وَالْخَرُوفُ يَغْلِبُهُمْ، لأَنَّهُ رَبُّ الأَرْبَابِ وَمَلِكُ الْمُلُوكِ، وَالَّذِينَ مَعَهُ مَدْعُوُّونَ وَمُخْتَارُونَ وَمُؤْمِنُونَ.
سفر الرؤيا ( 17 :14 )
الاخ احمد محمد عمر ..
| Quote: عن أنس رضي الله عنه قال: قال رسول الله صلى الله عليه وسلم: ((حب قريش إيمان وبغضهم كفر، وحب العرب إيمان وبغضهم كفر، فمن أحب العرب فقد أحبني، ومن أبغض العرب فقد أبغضني)). |
لبراءة هؤلاء من كلام هذا الذلك اقول لك ان ما جلبه من حديث هو في الاساس مستضعف من اولئك هؤلاء العلماء ..:)
انا لا أدري يا هؤلاء هل ينطبق كلامه عن هؤلاء الهؤلاء ممن ينادون بالقومية العروبية من البعثيين ومن شابه هؤلاء من القوميون العلمانيون ام ان حبهم ذلك للعرب حب كفر و سيورد هؤلاء مورد الهلاك والعياذ بالله ..
اخيرا..
لم اعرف من هو هذا المقصود من هؤلاء الاعضاء صاحب هذه الهؤلائية؟؟؟؟
| |
|
|
|
|
|
|
|
|
|
Re: يا جماعة هؤلاء بتاعين المنبر ديل منو؟ (Re: فيصل محمد خليل)
|
سلامات يا حفيظ
Quote: اتا يا عم فلان من اهلك ذلك
قال ليهو
انا ذلك زاتو |
قبال فترة بتكلم مع جماعة من سودانيين أمريكا من أجيال مختلفة و احدين طال بهم العهد من السودان
و واحدين ما طولوا و فيهم المواصل و بسافر بانتظام و فيهم المنقطع ، المهم من ثوابت السياسة
الامريكية هي حكاية الموقف من زواج المثليين و قضاياهم عموما و كما تعلم يطلق على المجتمع المثلي
هنا اختصارا LGBT و هي الحروف الأولى لمكونات ذلك المجتمع و حرف B يشير لما يعرف بالbisexuals
و هم الجماعة الما عندهم قشة مرة هههه و بتاعين الصنفين. اها انا قلت انو هذه الفئة موجودة بكثرة في السودان
و دليلي هو قصص فيها زي ناس عمك "ذلك ذاتو" ده . و حقيقة انا أرى أن هذه الظاهرة موجودة بصورة
مزعجة و شباب كثر قد تعرضوا لمواقف بايخة ابطالها ناس متزوجين او غيريي الجنس ظاهريا. هل تصدق
أن معظم الحضور اتخذوا موقف الدفاع و حاولوا يطلعوني غلطان!
يمكن يوما ما نناقش الموضوع ده.
| |
|
|
|
|
|
|
| |
سيف النصر محي الدين
ناصر حسين محمد
عمر الفاروق عبد الله الشيخ
عبداللطيف حسن علي
Ahmed Alim
حمد إبراهيم محمد
عثمان عووضة
آدم صيام
عبدالحفيظ ابوسن
جلالدونا
على محمد على بشير
عباس محمود
مني عمسيب
Salah Zubeir
Hani Arabi Mohamed
HAIDER ALZAIN
فيصل محمد خليل
معاوية الزبير
MOHAMMED ELSHEIKH
فيس بوك
تويتر
انستقرام
يوتيوب
بنتيريست