|
|
 يا بكري أبوبكر عذبتنا عذاب في أيقونة {عدل} يعنى ما نغلط ... ولو ... إملائيا؟؟؟؟
|
05:10 AM July, 02 2016 سودانيز اون لاين
HAYDER GASIM-كندا , مديرية أونتاريو, مدينة تورنتو
مكتبتى
رابط مختصر الشاهد ... أن صار تعديل ما نكتب, لتصحيح
خطأ فيه أو لتحسين صرفه اللغوي أو محتواه
... عملا إبليسيا ضروسا
فقد كان الأمر من قبل يتم بشكل طبيعي, نكتب
مداخلة ... نعرضها للناس ... نخرج منها, وأول
ما نفعل من بعد ... ندخل تاني, لنقرأ ما نشرنا.
فإن كان المكتوب صحيح تركناه يمر, وإن رأينا
فيه معيب أو خطأ ... عدلناه, ولم تكن من هناك
من عقوبة إلا ظهور عبارة { عدل بواسطة ...}
في قعر المداخلة المعدلة ... ما مشكلة
لكن ... وربما لعامين, أكثر أو أقل, فكلما تقوم
بتعديل مداخلة, وإن تغير فيها حرفا واحدا, فإذا
بالمنتوج الصادر قبيح مشوه
تأتيك المداخلة طويلة هبلة متداخلة الحروف والكلمات,
تفقد المداخلة {الإستايل} الذي إخترته لها في الأصل,
تغيب الفواصل بين الكلمات والجُمل ... بس قطر عفش,
وحين تحاول أن تعيد وضع المداخلة لحسب أولها في
مربع التعديل, ينبغي وأن تكون مستذكرا بالضبط لما
كتبت, كلمة كلمة وجملة جملة وشولة شولة, حتى تعيد
الأمر لنصبه ... لحسب تجربتي ... تصحيح مداخلة
من مائة كلمة في غرفة {عدل} تحتاج منك إلى 20
دقيقة تغريبا ... ولسبب خطأ في حرف واااحد
فأنا وغيري نخطئ بطبيعة قيضنا كبشر, ونحتاج
لأن نعدل أخطائنا لضمان سلامة نسق ومحتوى ما
نكتب ... وما نكتب ليس نصوصا مقدسة ولن نصلب
المسيح من جديد ... فقط نود أن نكتب صح وأخالك
تروم أن نكون صح ... فأعد لنا غرفة التصحيح كما
كانت
وسلامي
|
|
  
|
|
|
|
|
|
|
|
Re: يا بكري أبوبكر عذبتنا عذاب في أيقونة {عدل} (Re: HAYDER GASIM)
|
تحية طيبة لك أخي حيدر قاسم
فعلاً أنا حدث معي ذلك ذات مرة
إفتكرت الخرمجة دي مني أنا وما
اهتميت ..حاولت اعدلها تاني برضو
ماظبطت خليتها لي الله عديييييل
أها هسي كلامك ده جاب لي الرايحة تب
وياريت أولي الأمر ينظرو في الحكاية دي
رغم أن الحل هو في كوبي بيست لكن أصلا ماكان في داعي للجوء للحل ...ولا شنوووووووووو؟؟؟
| |
|
|
|
|
|
|
|
|
|
Re: يا بكري أبوبكر عذبتنا عذاب في أيقونة {عدل} (Re: سيف الدين محجوب)
|
Quote: يا حيدر، قبل تعمل كليك في "عدل" أعمل كوبي للمداخلة
بعد داك كليك "عدل" وأعمل بيست وبعد داك حتى تبدأ في التعديل |
شكرا لصاحي المستنير,
لم أجرب وصفتك عاليه, لكني أثق فيما زعمت لتواليه مع المنطق,
بس نفسي أعرف إنك عرفت الحل ده كيف؟ مع كفاية علمي
بكونك نجييض ... وكده ... عيد سعيد
| |
|
|
|
|
|
|
|
|
|
Re: يا بكري أبوبكر عذبتنا عذاب في أيقونة {عدل} (Re: HAYDER GASIM)
|
Quote: تحية طيبة لك أخي حيدر قاسم
فعلاً أنا حدث معي ذلك ذات مرة
إفتكرت الخرمجة دي مني أنا وما
اهتميت ..حاولت اعدلها تاني برضو
ماظبطت خليتها لي الله عديييييل
أها هسي كلامك ده جاب لي الرايحة تب
وياريت أولي الأمر ينظرو في الحكاية دي
رغم أن الحل هو في كوبي بيست لكن أصلا ماكان في
داعي للجوء للحل ...ولا شنوووووووووو؟؟؟ |
أخي معتصم سليمان ... تسلم,
نقول شنو عاد؟ ... فقط نرجو أن ينتبه أخونا بكري وعلينا إسهل
عيد سعيد ... ودنيا أحلى
| |
|
|
|
|
|
|
|
|
|
Re: يا بكري أبوبكر عذبتنا عذاب في أيقونة {عدل} (Re: HAYDER GASIM)
|
Quote: الأسوأ من ذلك هو الــــ injection بتاع المداخلات...
يعنى لو واحد تداخل في الصفحة التانية من بوست الدليب... دي إلا تفتشها بعد اسبوع
يا بكري ... ياخي امنع خاصية المداخلات المحشورة ... وخلي ترتيب المداخلات حتمي من الأخر وبس..
الشغيل |
شكرا أخي ... عبدالعزيز ... وتسلم,
رسالة أخرى ... للإدارة ... أرجو أن تجد
أذنا صاغية ... فشان نسهل على نفسنا جميعا
... وكل سنة وكلللكم طيبين
| |
|
|
|
|
|
|
|
|
|
Re: يا بكري أبوبكر عذبتنا عذاب في أيقونة {عدل} (Re: HAYDER GASIM)
|
Quote: اخونا حيدر
اؤيدك بشدة
دا كوم لو داير تعمل ليك خط تحت الكلام بس
داير ليك واسطة وقصة طوييييييلة
سيد الحوش
يسر علينا الله ييسر عليك في الايام الفضيلة دي |
شكرا أخي سيف الدين محجوب ... وتسلم,
يسر علينا الله ييسر عليك في الأيام الفضيلة دي,
... لا أضيف حرفا ... فيما أتحرى قيدا على دفتر
الحضور والمتابعة ... لمن يهمهم الأمر ... وعيد
سعيد
| |
|
|
|
|
|
|
|
|
|
Re: يا بكري أبوبكر عذبتنا عذاب في أيقونة {عدل} (Re: HAYDER GASIM)
|
أرى أن هذا البوست خدم غرضه,
وإن غياب أخونا بكري أبوبكر عن
إبداء وجهة نظره, أضعف الحصيلة
المرادة
فشكرا لكل من مر من هنا, وشكرا
لمن عرض فكرة ذات صلة بحل
ممكن, وشكرا لمن أضاف وهش
قوافله على سبيل متصل
وأكيد أكيد, سوف نلتقي في مقام
آخر وفي قضية غير ...
وكل سنة ... وكللللكم ... بخير,
... ودوام محبتي
| |
|
|
|
|
|
|
|
|
|
Re: يا بكري أبوبكر عذبتنا عذاب في أيقونة {عدل} (Re: HAYDER GASIM)
|
في كثير من الاحيان
اتراجع وجلا من التعديل
خوفا من الولوج في ميغة
ان ينتقض غزلي والرجوع
لي مربع واحد من جديد
فبتوكل على الله وارسل واقول
في نفسي صاحب العقل يميز
ههههههه
اكيد طبعا حتفقد ايقونة شاهد قبل
الارسال كثير من مزاياها
ده لو مابقت نافلة قول ساي
لانك لن تجازف بان تعمل اي تعديل
لي مداخلتك بعد مشاهدتها قبل ارسالها
حتى وان احتشدت بالاخطاء وعلى الاطلاق
لان امر تنسيقها من جديد امر جد مزعج
ويستهلك كثير من الوقت والجهد
عيدكم مبارك
| |
|
|
|
|
|
|
|
|
 Re: يا بكري أبوبكر عذبتنا عذاب في أيقونة {عدل} (Re: جمال ود القوز)
|
تحيه طيبه يا أخ حيدر
شاهد قبل النشر دى مفيده شديد
بتخليك تعدل قبل ما تدوس على زر اضف رد
...
وخيارك التانى انك
تكتب كلامك فى ملف ونقحوا وصححوا وبعد ينال رضاك
حولو للبوست المعنى وأضف رد
...
حكاية انسخ مشاركتك من قبل التعديل تم أضغط على زر عدل ثم ظلل المشاركه الجوه صندوق
ثم ألصق النسختو من بره
وعدل بمزاجك ثم أضف رد
دى اخترعتها أنا وعلقوا لى بيها البوست فوق
وهذا لحفظ حقوقى الابداعيه 
| |
|
|
|
|
|
|
|
|
|
Re: يا بكري أبوبكر عذبتنا عذاب في أيقونة {عدل} (Re: ملهم كردفان)
|
شاركت في بوست الصور
لكني غير متابع حريص لكتاباتك
هي كتابات وردية لا تستهويني وليس بها مجال لممارسة هوايتي في النظر للزاوية المختفية من الكتابة
كتاباتك واضحة ولها اتجاه واحد
موضوع التصويب بتاع المداخلات
أحلف ليك ما شفتو عندك
بعدين الفكرة دي ما فيهو مجهود ذهني كبير؛ عشان ما تصل ليهو.
عموما لو مصر
برجع اكتب ليك حقك الادبي في المشاركة المعنية
| |
|
|
|
|
|
|
|
|
 Re: يا بكري أبوبكر عذبتنا عذاب في أيقونة {عدل} (Re: أبوبكر عباس)
|
شاركت فى بوست الصور ... أيوه
ولمن قلت ليك ممازحا كترت المحلبيه مسحت الصوره
وفى الحقيقه الصور بالبدله
لو الواحد قعد فيها منجعص الصوره بتتكعوج والبدله بتتكعوج
....
ومادمت لاتحب البوستات الورديه فأنا بحترم رأيك
والوضوح عندى منهج وأقصر طريق لقول الحقيقه
....
وحقيقى انا كمان مابتستهوينى بوستات الناقه مشت والناقه جات والبعير مربوط في حوش العمده
دى بقرأ عناوينها وبجليها
بس بتابع ليك بوستات حلوه وورديه زى دينا خالد مشت وهنايه جات
وستار بوكس بالمحلبيه وكده
لعل وعسى
ألقى حاجه تنتزع البسمه من شفاه الغربه المرهقه
تعرف تقول تعبير زى ده ؟؟؟؟
ده تعبير وردى
....
ولاياخ مادايرك تكتب حقى الأدبى لأنو خلاص
لأنو قلبتها معاك وردى خالص
والحياه بقى لونها بمبى وإأنا قمبك وأنت قمبى 
| |
|
|
|
|
|
|
| |
HAYDER GASIM
أبوبكر عباس
معتصم سليمان
م. سيد احمد قدورة
سيف الدين محجوب
جمال ود القوز
ملهم كردفان
فيس بوك
تويتر
انستقرام
يوتيوب
بنتيريست