|
دعواتكم لزميلنا المفكر د.الباقر العفيف بالشفاء العاجل
|
|
 Re: وهم الحلم الامريكي ................ واللوتري (Re: singawi)
|
يعني ورطه ياسيد سنجاوي
ان كانت هجرتك لامريكا لتحسين وضع او من اجل مستقبل اسرة
الاولي يمكن ان تجدها وان تحسن في وضعك المادي او الاكاديمي
لبعض الاخوه من محبي العلام
لكن تستبعد موضوع الاسره ده خالص
لانو الحيغتس حجرك ياها الاسره دي
اكان من الوليدات ولا اكان من امهم
مع الاخذ في الاعتبار !!!!! شفع زمان ماشفع الليله
وحريم زمان ماهن بنوت الليله
| |
 
|
|
|
|
|
|
|
|
Re: وهم الحلم الامريكي ................ واللوتري (Re: عمر عثمان عبد الوهاب)
|
حتي امريكا الزمان ماياها امريكا اليوم
ايام كان يستقبلوك في المطار بالعصائر البارده والكلمات
المنمقه وحرارة الاستقبال وكان ينقلوك من عالم لي عالم
لامن راسك يلف
هسع وصلتك تنضرب بالجزمه القديمه مجرد قراءه حرف عربي تحمله
في جوازك وتحريات وطالع ونازل في المطار ويمكن مكلبش لامن
ريقك ينشف تقعد تفتش في موية الله دي ماتلقاها
والنظره الحنينه الراقيه في اعين مسئولي المطارات تحولت الي ريبة وشك
وفظاظه عسي ولعل يلقو فيك فرقة يرجعوك بي طيارتك الجيت بيها
زمن الحريات في امريكا الحلم قد ولي عهده وتغيرت نظرتهم لكل ماهو عربي ومسلم
بل لكل ماهو غير امريكاني
| |
|
|
|
|
|
|
|
|
|
Re: وهم الحلم الامريكي ................ واللوتري (Re: عمر عثمان عبد الوهاب)
|
بلد النواقض والتناقضات
تخشها صبي محترم بعد خمسة سنه تبقي خرده يتكلوك تتكل وبرضو محترم
شغل كرف من امو وعشره ساعات معناها عشرة ساعات
بابور طحين
لاتقولي صلاة لاتقولي كباية شاي بالنعناع وراها تظبط سفه
خاصة لو الشغل بنظام الساعه
ترجع البيت جنازه و كرعينك ورمانات وحالتك حاله
كان فيك قدرة تستحمه و تجمع فروض صلاة اليوم بي حالو
كان مرضته وماعندك تأمين اكتب وصيتك وشوفلك سفوفه
ولا فص توم واتصل علي الوالده
عل وعسي تطيب خاترك بي كلمتين سمحات تشد من ازرك
وتقيف علي رجليك
الاكل سمح بالحيل لكن وينه النفس؟؟
| |
|
|
|
|
|
|
|
|
|
Re: وهم الحلم الامريكي ................ واللوتري (Re: عمر عثمان عبد الوهاب)
|
تبهرنا اميركا بمسمياتها الضخمه والتي لها رنينها في الاذن العربيه
البيت الابيض والكونغرس والشيوخ وكلهاعروش جوفاء خاوية
الشعب الامريكي شعب غبي ومترف ومترنح الواحد ان عرف اتجاه
بيتو ماخلي شي والواحد همو كلو يشتغل كل الاسبوع عشان في الويك اند يرفه عن
نفسو ويتصرمح
كما فيهم العالم الذي لايشق له غبار فمعظمهم جهله الواحد فيهم مابيعرف غير الحروب
التي يخوضها ابناءهم واماكنها والتي يشاهدها في التلفاز فقط
وليداتوم قولالات ادب وجريئين والتلميذ الامريكاني لا يتورع يفضي
ليهو علبة بيبسي بي حاله في راس زميلو طالب معاهو غير امريكي ومن باب الهظار
| |
|
|
|
|
|
|
|
|
|
Re: وهم الحلم الامريكي ................ واللوتري (Re: عمر عثمان عبد الوهاب)
|
قعدته واخدته الجنسيه ليك ولي عيالك وامهم
دخلتهم مدارس كبرو وصلو سن معينه
اوتوماتيكلي فقدته اهليتك عليهم وعلي امهم وبعدما كنت رب
الاسره اب شنبات بقيت لا تهش لاتنش واي قرار تنفرد بيهو
براك فيما يخص سفر الاسره تبلو وتشرب مويتو
وحسك عينك تعمل فيها احمق تحمر بي طرف عينك ساي لي واحد فيهم
تمد ايدك يطقطقوك زي الترتيب ويلبسوك الدموريه ويتربسوك
| |
|
|
|
|
|
|
|
|
|
Re: وهم الحلم الامريكي ................ واللوتري (Re: عمر عثمان عبد الوهاب)
|
Quote:
قعدته واخدته الجنسيه ليك ولي عيالك وامهم
دخلتهم مدارس كبرو وصلو سن معينه
اوتوماتيكلي فقدته اهليتك عليهم وعلي امهم وبعدما كنت رب
الاسره اب شنبات بقيت لا تهش لاتنش واي قرار تنفرد بيهو
براك فيما يخص سفر الاسره تبلو وتشرب مويتو
وحسك عينك تعمل فيها احمق تحمر بي طرف عينك ساي لي واحد فيهم
تمد ايدك يطقطقوك زي الترتيب ويلبسوك الدموريه ويتربسوك |
وبالقانون
| |
|
|
|
|
|
|
|
|
|
Re: وهم الحلم الامريكي ................ واللوتري (Re: عمر عثمان عبد الوهاب)
|
أخي عمر .. هل عشت جزء من حياتك في أمريكا؟؟؟
أمريكا يا الحبيب بلد الأحلام اللي ممكن تتحول لواقع بي مثابرتك و أجتهادك..
أمريكا يا عزيزي بلد كل العالم..بمختلف الثقافات و السحنات.. الكل عايش مع بعض بسلام
أمريكا يا أخي بلد الحرية حيث لا يملى عليك أحد ماذا تفعل و ماذا لا تفعل... تعيش حياتك بلطريقة اللي تعجبك
أمريكا يا عزيزي بلد الفرص
الحديث عن أمريكا يطول و يطول... وما علينا الا أن نقول God bless America
| |
|
|
|
|
|
|
|
|
|
Re: وهم الحلم الامريكي ................ واللوتري (Re: Deng)
|
Quote:
ايام كان يستقبلوك في المطار بالعصائر البارده والكلمات
المنمقه وحرارة الاستقبال وكان ينقلوك من عالم لي عالم
لامن راسك يلف
هسع وصلتك تنضرب بالجزمه القديمه مجرد قراءه حرف عربي تحمله
في جوازك وتحريات وطالع ونازل في المطار ويمكن مكلبش لامن
ريقك ينشف تقعد تفتش في موية الله دي ماتلقاها
والنظره الحنينه الراقيه في اعين مسئولي المطارات تحولت الي ريبة وشك
وفظاظه عسي ولعل يلقو فيك فرقة يرجعوك بي طيارتك الجيت بيها
زمن الحريات في امريكا الحلم قد ولي عهده وتغيرت نظرتهم لكل ماهو عربي ومسلم
بل لكل ماهو غير امريكاني
|
الأخ عمر عثمان عبد الوهاب
انا كنت بزور أمريكا قبل ما أستقر فيها منذ عام 1984، ولم يكن هنالك أستقبال بالطريقة التي تتحدث بها أنت هنا.
أي زول يتم الأشتباه فيه بيتم التحقيق معه، ولكن بطريقة محترمة وحضارية جدا، يعني مافي زول بيتم ضربه لمجرد أنه شخص مشتبه فيه.
أمريكا بلد كبيرة ومستهدفة فمن الطبيعي أن يكون هنالك تشدد في موضوع الجوازات في المطارات، ولكن بيتم ذلك بطرق ووسائل حضارية جدا.
الحريات مازالت هي نفس الحريات التي يكفلها الدستور الأمريكي.
| |
|
|
|
|
|
|
|
 Re: وهم الحلم الامريكي ................ واللوتري (Re: Deng)
|
اذا مشكلتك كلها انك عايز تتحكم في زوجتك و اولادك و تمشيهم بنظام لا اريكم الا ما أرى
فــ نعم أمريكا ليست المكان المناسب لك.
اذا بتخاف من ضلك و بتفتكر انو أي زول اسود ماشي في الشارع يمكن يملاك جبخانة
أمريكا ليست المكان المناسب لك.
اذا تعودت على الا تكون لك حقوق دستورية و مستعد لتحمل أي إهانة من ضابط جوازات او جمارك
و تعتقد انك متهم حتى و لو لم تثبت ادانتك
أمريكا ليست المكان المناسب لك.
و إن كنت تريد أن تتوظف و لا تعمل و لا تؤدى واجبات العمل بما يرضي الله و رؤوسائك
أمريكا ليست المكان المناسب لك.
اذا عايز تتدين و ما ترد دينك و عايز تؤجر او تشتري بيت بالاقساط ثم تماطل في السداد
فنعم أخير ليك تشوف بلدا آخر.
| |
|
|
|
|
|
|
|
|
|
Re: وهم الحلم الامريكي ................ واللوتري (Re: إدريس البدري)
|
Quote: حتي الزنوج الامريكان الزمان كان يقولو ليك ماي بروظر و الاصل واحد والدم بيحن
بقو يفرزونا وان لاقاك في شارع الله ده ولا في مكان عملك وشكلك ماعجبو
يملاك جبخانه من راسك لي كرعيك يمرقوهو معتوه ولا سكران تروح فطيس ساي
|
الأح عمر عثمان عبد الوهاب
لمن تكتب زي الكلام الفوق ده الناس بتفتكر أنك غير جادي في ما تكتبه في هذا البوست.
ده كلام لا يعقل أبد.
أما إذا كنت تتحدث عن حوادث مقتل 3 سودانين مؤخرا في ولاية كارولينا الشمالية، فأن تلك الحوداث تعتبر فردية، ولا يوجد هنالك أستهداف للسودانين من جانب الأمريكان الأفارقة.
للأسف الشديد هنالك بعض السودانين يعملون في بعض المناطق التي تعتبر خطرة ونسبة الجريمة فيها عالية نسبيا، وأي زول بيختار الولاية أو المدينة التي يسكن ويعمل فيها بإرادته.
| |
|
|
|
|
|
|
|
|
|
Re: وهم الحلم الامريكي ................ واللوتري (Re: Deng)
|
Quote:
اذا مشكلتك كلها انك عايز تتحكم في زوجتك و اولادك و تمشيهم بنظام لا اريكم الا ما أرى
فــ نعم أمريكا ليست المكان المناسب لك.
اذا بتخاف من ضلك و بتفتكر انو أي زول اسود ماشي في الشارع يمكن يملاك جبخانة
أمريكا ليست المكان المناسب لك.
اذا تعودت على الا تكون لك حقوق دستورية و مستعد لتحمل أي إهانة من ضابط جوازات او جمارك
و تعتقد انك متهم حتى و لو لم تثبت ادانتك
أمريكا ليست المكان المناسب لك.
و إن كنت تريد أن تتوظف و لا تعمل و لا تؤدى واجبات العمل بما يرضي الله و رؤوسائك
أمريكا ليست المكان المناسب لك.
اذا عايز تتدين و ما ترد دينك و عايز تؤجر او تشتري بيت بالاقساط ثم تماطل في السداد
فنعم أخير ليك تشوف بلدا آخر. |
سيف النصر سلام عليكم
ياخوي مافي زول عاقل بيمشي ام عيالو ووليداتو بهذه الدكتاتوريه وهذا
شيء معلوم لدي الجميع
لكن كمان مايجي اليوم اللي يتنمرو عليك الام ووليداتها ويفرضو رايهم عليك
ونحنه معروفين بي حماقتنا وايدنا الطويله مهما عملت فيها الود بتاع تربية حديثه
تقوليهم يمين يقولو ليك لا شمال , وشمال يعني شمال تكتر تقلل يشتكوك يهردو مصارينك
وفي هذه الامريكا انت في مكان عملك او ماشي في الشارع توقع ان تكون هدفا اومشروع جنازه
والكلام ده في معظم وغالبية الولايات الامريكيه
اما الدستوريه واهانة الشرطه فالكلام ده كان زمان ياللخو
هسع اتفه شرطي امريكي يمسكك يبطحك ويمسح بيك الواطه
مجرد شك او مزاجيه وعنقله منو ساي فطالما فيك ملامح افريقية
او عربيه فانت بالتاكيد وراك مصيبه
عمرنا ما سمعنا زول رجع لينا من امريكا دي بي عقاد نافع
نفع بيها البلد, الا اكان ولدنا الاخترع الساعه وفرحنا بيها كم يوم وعيييك
حتي اولئك الذين هاجرو الي اوربا ونالو جنسياتها, بماذا افادو البلد؟
مشو جاهزين وعملو فيها واخدو الجنسيه وقعدو
فلاحتوم يجو يتفرشخو ويتحكرو في التلفزيونات ويتفوصحو
يملونا فقر ويرجعو , ويملا خشمو ودون خجل يقوليك خريج جامعة الخرطوم,
طيب جامعة السجم وفي البلد الرماد دي ماصرفت عليك دم قلبها
| |
|
|
|
|
|
|
|
|
|
Re: وهم الحلم الامريكي ................ واللوتري (Re: عمر عثمان عبد الوهاب)
|
لا يمكن أن تزور نيويورك دون أن تحاول زيارة تمثال الحرية، فتمثال الحرية ليس
هو الرمز الأكثر شهرة للمدينة فحسب،
بل لعله الرمز الأكثر ارتباطا بأمريكا بأسرها..
أمريكا التي هي أرض الأحلام، والتي هي أحيانا العالم بأسره، يمكن أن تختصر
بالنسبة للكثيرين إلى كونها أرض الحرية..
يقع تمثال الحرية في جزيرة أيلس Ellis Island الواقعة في فم نهر الهدسون عندالتقائه
بميناء نيويورك المطل على الاطلسي، كانت هذه الجزيرة حتى خمسينات القرن الماضي
هي المدخل الرسمي الوحيد لكل المهاجرين
الذين جاؤوا إلى أرض الأحلام.. اليوم لم يعد المهاجرون يأتون عبر البحر، ولم يعد
يقصد الجزيرة إلا السياح الذين يأتون للفرجة على نصب تمثال الحرية والمتحف الملحق بها.
سؤال الحرية في التراث الإسلامي ارتبط دوما بالمسؤولية الإنسانية، هذه هي حقيقة جدل التسيير
والتخيير في التراث الإسلامي، والإنسان في الإسلام له حق الخطأ حتما، لكن عليه في الوقت نفسه
أن يتحمل مبدئيا نتيجة خطئه أخرويا إذا كانت حدود خطئه قد بقيت ضمن حدوده الشخصية، ودنيويا
إذا كانت حدود الضرر قد تجاوزت فرديته الى الآخرين و لو على المدى البعيد..
ربما كان الإنسان بطبيعته مبرمج على “عبودية” ما… وربما سيكون خياره الوحيد الحر حقا هو اختياره لعبوديته:
أن يكون عبدا لمجتمعه وأعرافه وتقاليده، أو أن يكون عبدا لمنظومة جهنمية عالمية تعيد تشكيل أفكاره ورؤاه، أو
أن يكون عبدا لخالقه، أن يمارس عبوديته التي خلق من أجلها
لكن الاستثمار الكبير للسدنة لم يكن هذا حتما، بل كان في أنهم أقنعوا الجميع بأن يرتدوا أغلالا وقيودا غير
مرئية كتب عليها “الحرية”، تتغلغل في رؤوسهم وعقولهم، وتعيد تشكيلها وبرمجتها، حتى بدا لهم كل
خيار خيارا حرا شخصيا، وهو في الحقيقة ناتج لعملية معقدة من غسل الأدمغة التي سيكون لديها مهمة
الخيار بين مجموعة سلع، أو مجموعة أفلام، أو بين مرشحين للرئاسة الفرق بينهما كالفرق بين البيبيسي كولا والكوكا كولا،
وكل مناظراتهما لن تكون إلا كحلقة مصارعة حرة معدة مسبقا بكل لكماتها وسقطاتها.. والرابح الوحيد
في النهاية هو الملأ الذي يوظف المتصارعَين ويمولهما على حد سواء..
منقول
د. احمد خيري
| |
|
|
|
|
|
|
|
|
|
Re: وهم الحلم الامريكي ................ واللوتري (Re: الشيخ محمد ودالكباشي)
|
المهاجر تلاقيهو اولما دخل امريكا يمشي يشتريلو اكبر علم امريكي
يرفعو في بوابة بيتو تاكيدا لامريكانيته
وهو في بلدو عمرو مافكر يرفع علم بلادو في راس بيتوم ولا علي قاعدة بوابتوم
علم السودان ده ياكافي البلا مانشوفو الا في القصر الجمهوري والمؤسسات
الحكوميه المعنيه ومراكز الشرطه وبعض الوحدات والسكنات العسكريه
لا ونصها مشرط ومليان تراب وباهته من ضربات الشمس
كتب شعراؤنا وتغني فنانونا عشرات الالاف من الاغاني الوطنيه للوطن والعلم,
وهم ونحن لانحمل في دواخلنا ذرة منها غير النطيط طربا علي ايقاعاتها
ترفع علم البلاد والذي ينحني الرؤساءامامه في راس بيتكم يقولو ليك خلاس قلبتها انداية ياعمك؟؟
كدي سمع النشيد الوطني السوداني كاملا
| |
|
|
|
|
|
|
| |
Deng
Sharif Nasirladeen
سيف النصر محي الدين
Mohamed Foto7li
إدريس البدري
الزبير بشير
الشيخ محمد ودالكباشي
فيس بوك
تويتر
انستقرام
يوتيوب
بنتيريست