|
دعواتكم لزميلنا المفكر د.الباقر العفيف بالشفاء العاجل
|
|
 Re: وهمات المغتربين الشباب ...!! (Re: ناذر محمد الخليفة)
|
أولا الشكر اجله لكن من افتقدني الفترات الماضية وظل يسال ويتصل ويستفسر .. معذرة ان لم اذكر اسماء فخشيتي ان يسقط اسما سهوا فاكون من الملومين .. وايضا اشكر الاخوة في بورداب الرياض على دعمهم اللامحدود ووقوفهم بجانبي
كي تتيسر لي سبل الاستقرار هنا في مهجري الجديد .. كنتم دوما اهل نخوة وحارة وكرم وجود وبشاشة ..
وايضا الشكر موصول للاخوة بورداب منطقة القصيم الاخ المهندس ايمن محمود والاخ الزبير صالح الزبير .. وايضا الاخ محمد درار . كنتم رمزا للتشجيع المستمر لي في غربة لم اكن انتظرها ولم اسع خلفها واشعر انني اجبرت عليها بخروجي
مغاضبا من وطني السودان والذي ساظل احمله في صدري ما دام في نفس يتردد رغم الضيم والتعسف الذي وجدته هناك . وحلمي كما يقولون ان نرجع يوما ونجد الاحوال تغيرت والوطن يسع الجميع ...
وطبعا الشكر موصول للاخ والزعيم بكري ابو بكر .. تتقاصر الكلمات دونك وتنحني الهامات لك .. ليس لي الا ان اقول لك .. شكرا ان جعلت هذا وذلك وكل شي ممكنا رغم الصعوبات ومهددات الوسائط الاخرى التي
اجتاحت كل شي . كل شي .. ولكن بفضل قيادتك الماهرة صمد هذا الحوش الذي عاصرنا وعاصرناه وانا ان شاء الله على وعد بقبض جمرة قضية هذا المكان ومستميتا عنها الى النهاية ..
دا كلام الفصيح المعسم .. نمشي للدارجي البراح لي قدام ونشوف البحصل شنو ...
| |
  
|
|
|
|
|
|
|
|
Re: وهمات المغتربين الشباب ...!! (Re: نادر النور آدم)
|
نادر- تحياتي
لا تكسر مجاديفك ومجاديف الشباب من هسع! الوهمات دي خليها تكون خطط؟ ليست كخطط عواجيز المغتربين! غربة بلا هدف
وأحيانا يأتي الهدف بعد العشرين أو الثلاثين سنة إغتراب؟ فأنصحك لوجه الله إجعل غربتك كملح الطعام! لا تكثر منها والبلد أي
السودان بخير وكل ما ترجوه فيه ينمو إقتصاديا بشكل متسارع فأنت من معك من الشباب فكروا في عمل كبير – شركة – شراكة
أيتها حاجة كبيرة مثلا نقليات! بواخر – طائرات- بصات سياحية، لماذا بواخر النقل مصرية؟ بالمناسبة هي مؤجرة وليست ملكا
للمصريين. مزارع كبيرة .. لا لا ليست فردية بل جماعية والله شجرة ليمون مخدومة في مزرعة ستحتارون من إنتاجها....
الشباب الكوري خلال خمسة سنوات أنشأ أحسن شركة لتصنيع السفن ورجع لبلاده سالما غانما.... لا تركنوا للظروف –
البنغالي براتب 400 ريالا إستطاع أن يمتلك أعمال كبيرة بالرياض العاصمة- البطحاء والهنود وآخرين! فلماذا لا يتجمع الشباب
السوداني وينافس في غربته ومن ثم ينقل جزء من مدخراته لبلدة؟ أعرف مصري كان سائق دينا تضامن مع آخرين وعملوا
مستودع مواد بناء ... اليوم شركتنا فقط تطلبة 11 مليون ريالا ومخزونه من المواد أضعاف ذلك ... فإن خفتم من السودان
ابدأوا هنا ولن تندموا إلا ما تكسروا مجادف بعض ولا تخونوا بعض وتوكلوا على الله.
| |
|
|
|
|
|
|
|
|
|
Re: إنتقلت إلى رحاب ربها شقيقة معاويه المدير (Re: حماد الطاهر عبدالله)
|
ناذر كيف اخبارك ياخ , شايفك جليت ناس جدة من الشكر مع انك عامل حسابك ما تنسي زول لكن لقيتك نسيت ركن اصيل يبقى عليك هدى
| Quote: ليست كخطط عواجيز المغتربين! غربة بلا هدف |
الاخ حماد تحياتى
المغترب هو الهدف نفسه من وجهة نظر جماعته فى السودان وبالتالى الهدف ما بقدر يكون عنده هدف
| |
|
|
|
|
|
|
|
|
|
Re: وهمات المغتربين الشباب ...!! (Re: ناذر محمد الخليفة)
|
هلا اخونا حماد ..
Quote: نادر- تحياتي
لا تكسر مجاديفك ومجاديف الشباب من هسع! الوهمات دي خليها تكون خطط؟ ليست كخطط عواجيز المغتربين! غربة بلا هدف
وأحيانا يأتي الهدف بعد العشرين أو الثلاثين سنة إغتراب؟ فأنصحك لوجه الله إجعل غربتك كملح الطعام! لا تكثر منها والبلد أي
|
ابدا يا حبيب .. انت فهمت مغزى البوست بصورة خاطئة .. المعنى الانا قصدتو في اوهام ووهمات كدة المغتربين الشباب البيجو بلاد الغربة دي
بيختو في راسم تصورات واشياء وسلوكيات معينة ولمن يجو بيصطدمو بي واقع تاني . ودي الانا حا اتكلم عنها من واقع تجربتي القليلة باذن الله
Quote: السودان بخير وكل ما ترجوه فيه ينمو إقتصاديا بشكل متسارع فأنت من معك من الشباب فكروا في عمل كبير – شركة – شراكة
أيتها حاجة كبيرة مثلا نقليات! بواخر – طائرات- بصات سياحية، لماذا بواخر النقل مصرية؟ بالمناسبة هي مؤجرة وليست ملكا
للمصريين. مزارع كبيرة .. لا لا ليست فردية بل جماعية والله شجرة ليمون مخدومة في مزرعة ستحتارون من إنتاجها....
الشباب الكوري خلال خمسة سنوات أنشأ أحسن شركة لتصنيع السفن ورجع لبلاده سالما غانما.... لا تركنوا للظروف –
البنغالي براتب 400 ريالا إستطاع أن يمتلك أعمال كبيرة بالرياض العاصمة- البطحاء والهنود وآخرين! فلماذا لا يتجمع الشباب
السوداني وينافس في غربته ومن ثم ينقل جزء من مدخراته لبلدة؟ أعرف مصري كان سائق دينا تضامن مع آخرين وعملوا
مستودع مواد بناء ... اليوم شركتنا فقط تطلبة 11 مليون ريالا ومخزونه من المواد أضعاف ذلك ... فإن خفتم من السودان
|
للاسف السودان ليس بخير ابدا .. قد يكون حديثك اعلاه سهل التطبيق نظريا ولكن عليما من سابع المستحيلات في سودان اليوم مع الانفلاتات
الحاصلة في السوق والتقلبات في جميع المجالات ..اضف الى ذلك كثرة المتربصون والحاقدون والحاسدون ومحطمي المجاديف بقصد او دونه .. حلمي ان يكون الكل
سعيدا في السودان ولكنه للاسف يبقلا مجرد حلم صعب المنال والتطبيق ..
تسلم حماد ..
| |
|
|
|
|
|
|
|
|
|
Re: وهمات المغتربين الشباب ...!! (Re: ناذر محمد الخليفة)
|
حبيبنا احمد التجاني ..
كيفك يا رجل وكيف الشباب الغالين بورداب جدة ؟؟
Quote: ناذر كيف اخبارك ياخ , شايفك جليت ناس جدة من الشكر مع انك عامل حسابك ما تنسي زول لكن لقيتك نسيت ركن اصيل يبقى عليك هدى
|
بورداب جدة مصدر عزي وتاج راسي ولم يقصرو معي ابدا في زيارتي الاولى للسعودية ولا انسى فضلهم علي والذي اذكره كثيرا في كل المحافل .. وقد اردت هنا
التحدث عن قدومي للاستقرار في السعودية للمرة الثانية وكنت اتمنى ان يكون مدخلي مدينة جدة وبوردابها لاستعادة ذكريات زيارتي الاولى معهم لكن للاسف لم يتسن لي
المرور بجدة وتاسفت لذلك ..
تحياتي للاخوة بطرفك
| |
|
|
|
|
|
|
|
|
|
Re: إنتقلت إلى رحاب ربها شقيقة معاويه المدير (Re: ناذر محمد الخليفة)
|
| Quote: وكنت اتمنى ان يكون مدخلي مدينة جدة وبوردابها |
حبيبنا ود الخليفة والله جدة وبوردابها راح عليهم خير كتير لكن برضو البركة فى كونك معانا فى السعودية و جدة اكيد بتجيبك ليها العمرة وبالميت الاقاشى وجلاليب وعمم باب شريف , جدة ياخ اكثر احتمالا مقارنة بالمناطق الاخرى او هذا ما تراءى لى بعد عقدين من الزمان لكن تصدق البورداب بقوا واتساب ساى والبورد نادرا ما يتطرقوا الى ذكره
| |
|
|
|
|
|
|
|
|
|
Re: وهمات المغتربين الشباب ...!! (Re: ناذر محمد الخليفة)
|
سلام احمد ..
| Quote: جدة ياخ اكثر احتمالا مقارنة بالمناطق الاخرى او هذا ما تراءى لى بعد عقدين من الزمان لكن تصدق البورداب بقوا واتساب ساى والبورد نادرا ما يتطرقوا الى ذكره |
حقيقة ما اتيحت لي فرصة ازور الكتير من مناطق ومدن المملكة لكن جدة اكيد عندها طعم ومذاق مختلف ...
وانشاء الله لو ربنا هون نجيكم عيد الضحيو دا نقعد معاكم كم يوم ..
فعلا معظم البورداب انتقلو للواتساب ولكن رغم ذلك يقيمون احتفالاتهم وتجمعاتهم باسم بورداب سودانيز ..
سودانيز اون لاين محطة مهمة ومؤثرة في الذاكرة التقنية لمعظم السودانيين في بداية الالفية ومن الصعب نسيانها من الوجود لمجرد هيمنة وسيطرة الوسائط الاخرى ..
| |
|
|
|
|
|
|
|
|
|
Re: وهمات المغتربين الشباب ...!! (Re: ناذر محمد الخليفة)
|
سلامات ياناذر، وأتمنى أن تتوفق فى غربتك وتنال كل الخير ..
بكل صراحة لمن شفتك إغتربت أصبت بإحباط جدعنى على قارعة الطريق ــ لا بالجد أُحبطت .. وأيقنت إنو طالما إنت شخصياً بمشروعاتك بتاعة الـ ثرى دى بانل كلها ما نفعت تانى البينفع شنو؟؟ والسبب التانى أنى كنت مؤمل فى إنك حتعمل ثورة كبيرة فى دنيا البناء ونمط السكن فى البلد بهذا الأسلوب المبتكر فى السودان، وخاصة عندما أنظر لكل النظم السكنية فى دول شرق آسيا وأرى إنتشار نظامك هناك .. وكان ممكن شركتك تكون أفضل خيار للمغتربين لبناء منازلهم فى السودان .. بس أنا برضو مقدِّر وعارف إنو السودانيين جبناء ومتوجسين وما ممكن يدخلوا فى تجارب غير معتادة، خاصة عندما يشوفوا سرعة التشييد وُسمْك الـ بانل فيعتبرونه لا يقوى على الهبوب .. الواحد مستعد يكب قروشه فى بناء عمارة يستغرق ١٥ سنة ولا يفكر فى بناء منزل أنيق يلم الأسرة بأقل التكاليف ..
عموماً يازول ربك يسهِّل ليك وترجع بلدك سالم وغانم ـــ ده لو كنت ناوى الرجعة ـــ ..
أها بعد كلامى الكتير ده بالله خش لينا فى الموضوع .. موضوع الوهمات ..
| |
|
|
|
|
|
|
|
|
|
Re: وهمات المغتربين الشباب ...!! (Re: ناذر محمد الخليفة)
|
طيب يا شباب ..
اي واحد فينا نحن الشباب ديل البدو غربتم متأخرة واضطرو للخروج تحت مختلف الظروف .. كانو وهم في السودان عندهم نظرات مختلفة للمغتربين وعندهم انطباعات لا تتزحزح
ورغم انو الكتير من الانطباعات قد تكون حقيقية ومشتركة الا انو من الصعب التعميم خاصة وانو اليدو في النار ما زي اليدو في الموية وما في زول بيدي العذر للاخوان المغتربين ديل الا لمن يجي بلاد
الغربة دي ويعيش الوهمة بي نفسو !!
كيف ؟!
بصفتي واحد من اصحاب الوهمات دي .. كنت من بدري عندي انطباع في مغتربين الخليج ديل .. تكون مع مرور الزمن واصبح واقع لا يتزحزح .. خاصة في طريقة تعامل ابناء المغتربين معنا عندما كنا صغارا
ومعايشتنا لسلوك ابائهم في الحي عند حضورهم للاجازات .. واذدادت قناعات معينة عند انتشار الوسائط المختلفة والصور القصص الكانت بتنزل في البفس بوك والواتساب والمنابر .. لكن لمن الواحد جا البلد دي
وشاف الحاصل عن قرب تهدمت في لحظات كل الوهمات التي تراكمت علي مر السنين .. وبقيت القليل من الوهمات التي ابت وعصت على الذوبان وهي التي قصدت بالحديث عنها في هذا البوست وان كنت قد تحدثت
عن بعضا منها علي صفحات الفيس بوك ..
| |
|
|
|
|
|
|
|
|
|
Re: وهمات المغتربين الشباب ...!! (Re: الحاج حمد الحاج)
|
صباح الخير برلومنا في اللغتراب والدردرة
| Quote: الغربة دي ويعيش الوهمة بي نفسو ! |
قتا لي سنة واحدة امنتا طيب سبعة وعشرين سنة مفروض شهادتنا في المحكمة مايقبلوها
ربي يوفقك ياناذر ونتلما في وطن اقل شئ فوقو قانون وعدالة
| |
|
|
|
|
|
|
|
|
|
Re: وهمات المغتربين الشباب ...!! (Re: حامد بدري)
|
الحبيب الرهيف الشفيف ناذر اخو عاطف صاحبي الزماااان داك ،، وش ضاحك ،،، ياخ اول شي سامحنا على التقصير واعفى لينا .. وتاني شي والله مشتاقين وكل ما سالت عليك صدوني حراسك ...
ومرحبا بك في غربة مفيده وغير طويلة اخي العزيز وسبحان الله المرة دي اجازتي ما حا القى زول استلف منو العود قطعت راسنا ياخي ,,, وش عبوس ،،،، معليش ما بعرف انزل الوشوش ,,
وتالت شي واصل في سردك الجميل فنحن في شوق لحكيك الطاعم المفيد ... ولك مني العتبى حتى ترضى ...
تحياتي : ياسر العيلفون .,,,,,
| |
|
|
|
|
|
|
|
|
|
Re: وهمات المغتربين الشباب ...!! (Re: حامد بدري)
|
زي ما بقولوا أهلنا الدناقلة الغربة بتكون صعبة
بس في العشرة سنين الأولى ههههههه
فشنوا ما تتبرم من الغربة يا ناذر لحدي 2026 .. أمنياتي ليك
بالتوفيق ياحبيب، وبعدين انت قريب من السودان نحن نقول شنوا؟
عندك هنود كتار هناك من لدن بومباي لحدي مدراس :)
| |
|
|
|
|
|
|
|
|
|
Re: وهمات المغتربين الشباب ...!! (Re: Ahmed Alim)
|
السلام عليكم ورحمة الله وبركاته ناذر وضيوفه
بعد اكتر من 24 ساعة من بداية البوست تم رفعه الى صدر المنبر مع انه مجرد وعد بمخاطبة "وهمة". مساهمات صاحب البوست الى الان اقل من 50% من جملة ما كتب وجاء جلها ردا
على مساهمات الاعضاء. بلاشك ان صاحب البوست من المنبريين القدماء وهو بذلك ليس في حاجة الى تطويل الموضوع لزيادة عدد مساهماته. نفس الشي تكرر في بوست قراره بالاغتراب.
| |
|
|
|
|
|
|
|
|
|
Re: وهمات المغتربين الشباب ...!! (Re: ناذر محمد الخليفة)
|
سلام الصادق ..
Quote: السلام عليكم ورحمة الله وبركاته ناذر وضيوفه
بعد اكتر من 24 ساعة من بداية البوست تم رفعه الى صدر المنبر مع انه مجرد وعد بمخاطبة "وهمة". مساهمات صاحب البوست الى الان اقل من 50% من جملة ما كتب وجاء جلها ردا
على مساهمات الاعضاء. بلاشك ان صاحب البوست من المنبريين القدماء وهو بذلك ليس في حاجة الى تطويل الموضوع لزيادة عدد مساهماته. نفس الشي تكرر في بوست قراره بالاغتراب.
|
سياستي في كتابة البوستات منذ بداية انضمامي لهذا المكان هي اعتبار المتداخلين ضيوف عندي ولا يجب تجاهلهم واهم من هذا هي ان مساهماتهم تغطي علي
جوانب كثيرة من الموضوع الذي اود طرحه لذلك فانا اهتم كثيرا بهذه المساهمات واقدرها حق قدرها واعطها نصيبا من الرد والاهتمام ..
وجئت الان لكتابة بعضا من الوهمات ووجدت متداخلين جدد وايضا ساقوم بالرد عليهم ولا استطع تجاهلهم وبعدها نرجع للموضوع ان شاء الله ..
لو مستعجل يا الصادق اخد لفة وتعال .. انا متمهل والله عشان الحلة تتسبك وكدة ...
| |
|
|
|
|
|
|
|
|
|
Re: وهمات المغتربين الشباب ...!! (Re: ناذر محمد الخليفة)
|
طيب كدي نشوف واحدة من الوهمات ونجي نرد على المتداخلين عشان اخونا الصادق مستعجل شوية ..
كنا نحن الشباب في السودان لمن واحد من اصحابنا او معارفنا يسافر وخاصة للسعودية بنشوف عندو وهمة عجيبة خلاص ..
طبعا السعودية تحديدا حلم هجرة الشباب حاليا وشايفنها هي الخلاص والمنطقة الاولى للعبور من الوضع الاقتصادي الهم فيه .. طبعا الحلم دا ما كان ليكون الهدف
لولا ان تضاءل وتلاشى املهم بالهجرة الى بلاد اليانكي ومعانقة القرين كارد .. هذه الهجرة اليانكية التي فقدوا الامل فيها بعد عشرات المحاولات بالتقدييم عبر اللوتري او عبر
مدخل اللجوء السياسي الذي اغلقت ابوابه تقريبا .. فصاروا ينظرون بتلهف للسعودية تحديدا على انها الحلم الموعود ..
فكان عندما نسمع ان احدهم تحصل على تاشيرة عمل لدخول المملكة نسارع اليه بالتهنئة ونضع عنده قائمة بالوصايا والهدايا المنتظرة تبدأ من المسجل البانسونيك ولا تنتهي بالاي فون
وبعضهم (يزيد العيار) ويطلب من صاحبه هذا ان يرسل له (اقامة) ..
كل ذلك والعريس المجرتق يرمي بالوعود وينثرها يسارا ويمينا بل ويحدد تواريخا للتنفيذ .. وانا اثق تماما انه صادق فيما يقول لان معلوماته عن السعودية جلها سماعية ولم يعشها بنفسه
وكان يثق في قرارة نفسه وهو لم يطأ ارض المملكة بعد بتحقيق كل احلامه واحلام اصدقاءه وكل عاشق عقبالو ..!!
وبمجرد وصوله ارض الاحلام وفي ايامه الاولى يحاول معايشة الوهمة التي وضع نفسه فيها باقصى ما يستطع فعله لاقناع نفسه بتغير الامور وبداية مرحلة جني الريالات واهم من ذلك ان يبعث صورة
لاصدقاءه واهله القدامى تبلغهم انه بخير وان الامور تحسنت وسيرسل لهم قريبا كل وصاياهم التي طلبوها...!
فكانت اهم وهمة للمغترب حديثا انه يستغل وسائط الميديا الحديثة لارسال الصور وجني اللايكات .. فنرى ان هنالك وهمة مشتركة بين المغتربين الشباب الذين ياتون للسعودية وهو انم يحرصون فور استلامهم عملهم على
ان يلتقطو صورة لهم ... الصورة دي غالبا في مكتب ما مكتبم .. تلقى الواحد فيهم قاطع نص بي كرفتة لونا كيف كيف وقميص جابو من وين ما تعرف ومتصور في المكتب وهو حاضن ليو مصري .. وقدامو نص كباية قهوة وسندوتش
ملفوف واهم شي شعار المطعم العالمي لازم يكون واضح في الصورة .. وتكتمل الصورة بانو هو والمصري المعاه يتبسمو بي هبالة وعوارة كدة والاتنين رافعين صوابعينم علامة النصر ؟؟؟؟!
النصر في شنو وضد منو الله اعلم !!
الصورة البعدا ..يعني بعد كم اسبوع ما بتختلف التفاصيل كتير لكن اهم تفصيل يختلف هنا انو زولنا دا بيظهر المرة دي لابس الشماغ السعودي بطريقة غريبة جدا .. وبرضو جمبو نفس المصري بتاع المرة الفاتت وبرضو
الاتنين رافعين علامة النصر ..!!
وانا الحقيقة ما عارف قصة اقحام المصريين تحديدا في صور الوهمات دي . امكن عشان هم اكتر ناس بيكونو متواجدين في مكاتب الشركات الخاصة بحكم ذيوع صيتهم في مجال المحاسبة والادارة .. والاعجب ليو اكتر انو
السودانين في السعودية بيشتكو من المصريين ويقولو المصريين (بيحفرو) للسودانيين ويحاولا الصاق صفة الكسل بهم لتطفيشهم واحتلال وظائفهم.. لكن بعد دا في اصرار على التلصق بهم عند التقاط الصور وهنا تكون علامة النصر
التي يرفعها المصري في الصورة مبررة .. لكن السوداني دا رافع العلامة دي فوق كم ؟!
الغريبة انو انا كمغترب شاب جديد الحركة دي غلبني اعملا تماما هنا .. رغم توافر كل المعينات من مصري قي المكتب وكوب قهوة وسندونش بيرقر من مطعم عالمي .. طبعا ما متاكد من توافر علامة النصر بالصباعين او بالصباع الواحد
.. لكن الحاجة الاذكرا اني نشرت منشورا بهذا المعني في الفيس بوك والغريبة بعد المنشور دا صادفت في الفيس العديد من الصور المماثلة .. سوداني لابس شماغ متصور مع مصري وقدامو او وراو قهوة وبيرقر ورافعين علامة
النصر ..!!!
دي غايتو وهمة في شكل غربة ارجو ان يحاول المغتربون الشباب القادمون ان يشوفوا وهمة غيرا ..!
| |
|
|
|
|
|
|
|
|
|
Re: وهمات المغتربين الشباب ...!! (Re: ناذر محمد الخليفة)
|
سلام يا منير .. كيفك يا رجل .. مشتاقين والله ..
Quote: سلامات ياناذر، وأتمنى أن تتوفق فى غربتك وتنال كل الخير ..
بكل صراحة لمن شفتك إغتربت أصبت بإحباط جدعنى على قارعة الطريق ــ لا بالجد أُحبطت .. وأيقنت
إنو طالما إنت شخصياً بمشروعاتك بتاعة الـ ثرى دى بانل كلها ما نفعت تانى البينفع شنو؟؟ والسبب التانى أنى
كنت مؤمل فى إنك حتعمل ثورة كبيرة فى دنيا البناء ونمط السكن فى البلد بهذا الأسلوب المبتكر فى السودان، وخاصة
عندما أنظر لكل النظم السكنية فى دول شرق آسيا وأرى إنتشار نظامك هناك .. وكان ممكن شركتك تكون أفضل خيار للمغتربين لبناء
منازلهم فى السودان |
شرحت الموضوع والسبب قبل كدة في بوست احمد الشايقي لكن الموضوع باختصار .. الجماعة دسو مني المحافير يا منير ..!!
والحمد لله الفكرة موجودة والان انا في السغودية متاحة لي الامكانيات وبدات في تنفيذ ذات المشاريع هنا والتي كان من المفترض تنفيذها في وطني السودان ..
طالما الانسان لديه افكار لتحقيقها فليحققها وليس من المهم اين يحققها ...!!
| |
|
|
|
|
|
|
|
|
|
Re: وهمات المغتربين الشباب ...!! (Re: ناذر محمد الخليفة)
|
سلامات ياناذز .. وبالجد مشتاقين ومتشوقين لكتاباتك المشوقة :) ..
وشكراً على الإجابة .. حقيقة وبدون مجاملة كنت دائماً متوقع إنو مشروعك داك يغير ملامح العاصمة، وتخيلت الشعبية مستقبلاً تبقى زى أحد أحياء شاه علم ..
لكن نقول شنو ؟؟ طالما الفكرة فى ننتظرإذا مد الله فى الآجال ..
نجى للوهمات .. ياخى علامة النصر الأفقية الفى الصور دى كرهوونا ليها الجيل الصاعد بتاع شباب السودان جوة السودان زاتو قبّال ما يطلعوا برّه البلد .. ماعارفين زاتو إنتصروا على شنو ، وهم الإنقاذ قاشطاهم ٦ــ٠ زى فريق قادسية نيالا بتاع حلة ناس دهب بلو داك ..
إلاّ لو يكونوا إنتصروا على الفيسبوك فى عضمه ده ..
| |
|
|
|
|
|
|
|
|
|
Re: وهمات المغتربين الشباب ...!! (Re: عمر السلمة)
|
| Quote: لو مستعجل يا الصادق اخد لفة وتعال |
مساك الله بالف خير باشمهندس ناذر
في الغالب امر على المنبر كل 12 او 24 ساعة واظنها مناسبة للحصول على شرح واف للفكرة. جاء تعليقي لاهتمامي بالموضوع لمعرفة موقعي من الاعراب،
خاصة واني سنة سابعة سعودية وعلى وشك فقدان وظيفتي في جامعة الخرطوم لاني الى الان لم انجز ما اغتربت لاجله مع زيادة كبيرة في الالتزامات بعد بداية
بعض الابناء لتعليمهم الجامعي.
| |
|
|
|
|
|
|
|
|
|
Re: وهمات المغتربين الشباب ...!! (Re: الصادق يحيى عبدالله)
|
ناذر تحياتي عبر البعد لشخصك الكريم ,,,, رجعت الي الوراء بالذاكرة وتذكرت لقائي السريع معك فى حفل الفنان محمد الامين بمدرسة دال للغات
اقامة سعيدة فى السعودية وان شالله العشرة سنين الاولي تكون بطعم العسل ههههههههههه ,,,
| |
|
|
|
|
|
|
|
|
|
Re: وهمات المغتربين الشباب ...!! (Re: ناذر محمد الخليفة)
|
هلا حامد بدري ..
وينك يا راجل ما ظاهر من ديك وعيك هههه
Quote:
قتا لي سنة واحدة امنتا طيب سبعة وعشرين سنة مفروض شهادتنا في المحكمة مايقبلوها
ربي يوفقك ياناذر ونتلما في وطن اقل شئ فوقو قانون وعدالة |
بي صراحة انتو كمان كترتو المحلبيو .. ما قدر دا كمان ههههه
الحسنة التانية في الاخوة المصريين غير انو يتصورو سيلفي ورافعين علامة الفكتوري مع المغتربين الشباب الجارين ورا الوهمة انو معظمم جاي بي خطة عمل واضحة المعالم ..
السنة الاولى بيعمل فيها كدة .. والتانية كدة والخامسة كدة وبعد داك بيرجع ..
في اول اياماتي هنا دخلت اكل في مطعم لقيت واحد منهم بيسال الجرسون سؤال منكر ونكير عن اسعار الوجبات .. الزول دا كان عاوز بالضبط ياكل ويشرب بي عشرة ريال
لا تزيد ولا تنقص .. انا قاعد براقب فيهو وهو يحاول يوزن الشغلانية .. طب لو نقصنا الرز تكون بكام ؟ بدل الرغيفة بلاش خلي نص طلب رز .. مافيش نص طلب طب بلاش منو .. عندكو بيض ؟؟
المهم عمنا دا يتلولو ويدور حول قائمة الأكل وانا براقب متمحن !! لحدي في النهاية بعمليات ترقيع هنا وهناك الجرسون جاب ليو تلاتة او اربعة صحانة بي 10 ريال .. عملا كيف دي الله اعلم !! قام في اثناء بياكل
نادى الجرسون .. فين المية ؟ الجرسون قال ليهو واحد موية واحد ريال !! عمك طوالي قال ليو بلاش منها .. وحشر ليو لقمة كبيرة في قدومو !! اتفضل ساي ماقالا لي ..!
| |
|
|
|
|
|
|
|
|
|
Re: وهمات المغتربين الشباب ...!! (Re: ناذر محمد الخليفة)
|
حبيبنا الفنان ياسر كيف اخبارك ..
Quote: الحبيب الرهيف الشفيف ناذر اخو عاطف صاحبي الزماااان داك ،، وش ضاحك ،،، ياخ اول شي سامحنا على التقصير واعفى لينا .. وتاني شي والله مشتاقين وكل ما سالت عليك صدوني حراسك ...
ومرحبا بك في غربة مفيده وغير طويلة اخي العزيز وسبحان الله المرة دي اجازتي ما حا القى زول استلف منو العود قطعت راسنا ياخي ,,, وش عبوس ،،،، معليش ما بعرف انزل الوشوش ,,
وتالت شي واصل في سردك الجميل فنحن في شوق لحكيك الطاعم المفيد ... ولك مني العتبى حتى ترضى ...
تحياتي : ياسر العيلفون .,,,,, |
لا والله لا تقصير ولا شي . ما قصرتو معاي والله .. وانا بي نفسي شفت ضغط الدوامات وجري الشغل .. وكنت متوقعك تجي في حفل الطلبة الماشين الجامعة السنة دي السودان ..
غايتو اجازتك حا تقضيها من غير عود .. استعين بي صحبك الفنان ابوبكر بتلقى عندو عود يمشيك هههههه
| |
|
|
|
|
|
|
|
|
|
Re: وهمات المغتربين الشباب ...!! (Re: ناذر محمد الخليفة)
|
أوووووو حبيبنا الصادق ..
كيفك يا رجل .. ياخي والله مشتاقين لي مناكفاتك مع صحبي الحبشي .. ههه
صدق سالت منو هنا قالو ساب البلد .. طفشتو وين الراجل دا ههههه
Quote: أهل بشاشا ديل منو يا ناذر
|
في وش في الواتساب عندو كمامة بيضاء مالاقيهو هنا والا كان ختيتو ليك مع سؤالك دا هههه
| |
|
|
|
|
|
|
|
|
|
Re: وهمات المغتربين الشباب ...!! (Re: ناذر محمد الخليفة)
|
هلا منير ..
Quote: سلامات ياناذز .. وبالجد مشتاقين ومتشوقين لكتاباتك المشوقة :) ..
وشكراً على الإجابة .. حقيقة وبدون مجاملة كنت دائماً متوقع إنو مشروعك داك يغير ملامح العاصمة، وتخيلت الشعبية مستقبلاً تبقى زى أحد أحياء شاه علم ..
لكن نقول شنو ؟؟ طالما الفكرة فى ننتظرإذا مد الله فى الآجال .. |
انشاء الله الفكرة تتنفذ .. بس في زمان غير دا ..
Quote: نجى للوهمات .. ياخى علامة النصر الأفقية الفى الصور دى كرهوونا ليها الجيل الصاعد بتاع شباب السودان جوة السودان زاتو قبّال ما يطلعوا برّه البلد .. ماعارفين زاتو إنتصروا على شنو ، وهم الإنقاذ قاشطاهم ٦ــ٠ زى فريق قادسية نيالا بتاع حلة ناس دهب بلو داك ..
إلاّ لو يكونوا إنتصروا على الفيسبوك فى عضمه ده .. |
ههههههههههه امكن انتصارم بالخروج من البلد ..
والله يا منير الخروج من البلد دا طعمو مر خلاص .. ما تتصور احساسي بالهزيمة والاندحار الكنت شاعر بيو .. قربت تجيني نفسيات او اجن ..
بس انشاء الله الامل بالعودة قريبا ومن هناك ان شاء الله بتصور مع واحد من شباب بلدي وانا رافع علامة النصر بكل اطمئنان ..
| |
|
|
|
|
|
|
|
|
|
Re: وهمات المغتربين الشباب ...!! (Re: ناذر محمد الخليفة)
|
أوووووووو الحبيب عمر السلمة رفيق البوست القديم (وهمات الفنانين الشباب) ..
ياخي قالو صحبك نيجيري بقى علم ومرجعية في عزف الاورغن لفنانات جنوب الحزام ..
| Quote: أسمها حبتين ...****ناذر ياخ ربنا يوفقك وأكيييد حا نفتقد صاحبك علي كدايس واخر اخبار القونات تحياتي |
انا صحبي علي كدايس ما فقدتو ابدا .. تتصور بعد جيتي بي شهر لقيتو جا لاحقني هنا بعد ما باع الهايس والقدامو والوراو واشترى ليهو اقامة مضروبة في شكل وهمة كدة ..
وحاليا بدل الهايس سايق ليو عربية تلاجة بيوزع بيها مواد غذائية في جخانين جدة ..
شفت الحكاية مؤلمة كيف ؟!
| |
|
|
|
|
|
|
|
|
|
Re: وهمات المغتربين الشباب ...!! (Re: ناذر محمد الخليفة)
|
هلا الصادق ...
Quote: في الغالب امر على المنبر كل 12 او 24 ساعة واظنها مناسبة للحصول على شرح واف للفكرة. جاء تعليقي لاهتمامي بالموضوع لمعرفة موقعي من الاعراب،
خاصة واني سنة سابعة سعودية وعلى وشك فقدان وظيفتي في جامعة الخرطوم لاني الى الان لم انجز ما اغتربت لاجله مع زيادة كبيرة في الالتزامات بعد بداية
بعض الابناء لتعليمهم الجامعي. |
موقعك من الاعراب ما بتلقاهو عندي هنا .. قلنا المغتربين الشباب .. الشباااااااب ههههه
وما ظنيتك اغترابك كان في شكل وهمة الا لوكنت في بداياتك اتصورت بالطريقة الانا شرحتها ليك فوق وانت رافع علامة النصر ...
واصلا البلد ضاقت اهو زي ما بقولو لي البورداب اني كجيتا عليهم .. اول جية لي هنا حرب اليمن دورت .. تاني جية لي بدت القرارات الضاغطة كل يوم تصدر
والى يومنا هذا ..
غايتو ربنا يوفق ويسهل انشاء الله ..
| |
|
|
|
|
|
|
|
|
|
Re: وهمات المغتربين الشباب ...!! (Re: ناذر محمد الخليفة)
|
هلا بالحبيب انس ..
Quote: ناذر تحياتي عبر البعد لشخصك الكريم ,,,, رجعت الي الوراء بالذاكرة وتذكرت لقائي السريع معك فى حفل الفنان محمد الامين بمدرسة دال للغات
اقامة سعيدة فى السعودية وان شالله العشرة سنين الاولي تكون بطعم العسل ههههههههههه ,,, |
اي والله اتذكرت اليوم دا تماما وحسستني بي كلماتك اني اشهر من ود الامين صاحب الحفل زاتو ههههه
نشوف طعم العسل دا باذن الله .. تسلم
| |
|
|
|
|
|
|
|
|
|
Re: وهمات المغتربين الشباب ...!! (Re: ناذر محمد الخليفة)
|
طيب نمشي لي قدام ...
قلنا قبل كدة انو الحالة الاقتصادية المتدهورة في السودان والتي تسير متدهورة كل يوم خلت معظم الشباب البيحلمو بالهجرة بختو في راسم المملكة السعودية كهدف هجرتهم لانهاء معاناة
ورهق عيش لازمهم واسرتهم كثيرا في السودان .. طيب .. شنو الخلى الشباب ديل من المغتربين الجدد يختو في راسم كلام زي دا بدون تاكيدات ملموسة ..؟!
السبب في نظري يمكن تسميته وهمات المغتربين الكهول !! وديل هم العاشو زمانا غير زماننا هذا الذي نعيبه .. هاجرو للمملكة منذ السبعينات واوائل الثمانينات وعاشو الحلم السعودي بكل تفاصيله
هؤلاء الكهول ومنهم ابائنا واجدادنا واعمامنا واخوالنا جاءوا في مناخ كانت فيه فرص العمل متوفرة جدا . وساهمو بجهدهم وخبراتهم في بناء المملكة وتاسيس بنيات تحتية بها وجنو من خلف ذلك مردودا ماديا
عظيما .. وبنو القصور والفلل في السودان واسسوا به شركات واعمال والكل يحكي ويتداول قصة نجاحهم ونقطة انطلاقتهم في السعودية ..
يأتون للاجازات ويساعدون اسرهم وعائلاتهم الممتدة ويهدون الغالي والنفيس للاقربون والابعدون .. والكل ينظر اليهم باعجاب ويشتهي مقامهم ويحلم بأن ينطلق مثلهم من بداياته .. هؤلاء يحكون القص ان بالمملكة رخاء
وبساطة عيش واموال متدفقة وشوارع اسفلت ذات الخمسة مسارات (الحقيقة مما جيت السعودية ما شفت لي شوارع ظلط بي خمسة مسارات للسيارات ) !! ..
ما علينا المهم حكايات الجماعة ديل كانت محفزا وبذرة للشباب من
الجيل الذي نشأ في زمن الانقاذ للهجرة بعد ان لفظ فكرة اللجوء لاوروبا وامريكا او ما وجد الفرصة دي اساسا ..
فكان في تسابق محموم للبحث عن عقود العمل وشراء التاشيرات وظهور سوق نخاسة كبير بالسودان والسعودية .. يبيعون ويشترون العقود والتاشيرات .. فكان الواحد منهم يقولوا ليهو من تصل السعودية حا تلقى القروش مرمية في الشارع
.. فظهرت قصة النزل مطار السعودية اول مرة ولقى خمسة ريالات واقعة فطوالي صر جلابيتو في سنونو وشال الخمسة ريال ختاها في التوب المصرور وقال بي همة ونشاط . بسم الله ابتدينا !!
بعد مرور عدة اسابيع ينصدم المغترب الشاب انو الحاجات الكانو بيحكو بيها الناس السبقوهو ما صحيحة او ما بتنطبق على مؤهلاتو ومقدراتو وطبعا ما بالضرورة انو حلم غيرك يكون حلمك .. فيبدأ التذمر والبحث عن مخرج
والجرسة مع العصرة والضيق من اتهام السودانيين بالكسل مع اني شخصيا اعتقد انو الاتهام دا صحيح في كتير من جوانبه .. فلمن جيت السعودية اي زول من المعارف متواصل معاي يقول لي عليك الله شوف لي شغل مريح !!
لاحظو كل الهم في شغل مريح ويا ريت لو قال شغل مربح مثلا !! وعشرات الشواهد التانية ....
المهم قبل ما الستة شهور تتم للمغترب الكان متوهم الوهمة بتبدا الجرسة والبكا والجعير مع اغنيات عبد الرحيم ارقي ودلوكة عمر الحواري واغاني عبد القادر سالم واغنية حمام الوادي يا راحل .. ويبدا يتذكر عقابو الخلاو بي وراو والحواشة المهملة
والسعية الفي الخلا .. ويذيد الالم والندم مع عصرة الكفيل في الشغل ومع الراتب الذي لا يكفي الرمق احيانا .. او يكفي لكن لا يكفي ليروي عطش الحنين لارض الامجاد والاجداد ..
قابلت صنوفا من البشر في السعودية خلال الفترة السابقة منهم المؤهل العندو شهادات جامعية عالية وشغال شغل متواضع جدة وبمرتب اقل من متواضع .. ومنهم الامي الذي لا يكتب ولا يقرا ولكنه اسس عملا في السعودية وصار لديه
اموال ومنقولات زاده الله مالا .. الكثير ممن انصدم بواقعه يفكر في العودة ولكن يخجل من مردود ذلك اجتماعيا .. والكثيرين اتغشو في سوق التاشيرات واشترو باموال كثيرة فيزا بمهنة لا تصلح هنا للتعديل او التحويل .. فرضو بما قسم
لهم علي مضض .. وحتى من وفقهم الله في حياتهم هنا صار يفكر في العودة بعد ان اسس لنفسه مرتكزا هنالك ولكنه يتردد ويخشي ان يضيع ما جمعه هياء مع وضع السودان الاقتصادي هذه الايام ..
ومع كل قرار جديد تصدره المملكة بشان اوضاع العمالة الوافدة يتوجس الجميع حذرا بمختلف فئاتهم ويحاولون مجرد محاولة التفكير في تاسيس نفسه في السودان تحسبا لعودة قد تكون فجائية وتكون المشكلة ان بعض هؤلاء ظل
طيلة حياته في الغربة يعمل موظفا ولا علاقة له بدنيا التجارة والاستثمار ولذلك يتوجس العودة والاستقرار ويطلب المشورة في كيفية استثمار المبلغ المالي الكبير الذي معه وكل يعطيه فكرة من واقع نجاح من يعطي هذه الفكرة وصاحب الاموال تلفه
الحيرة ولا يدري ما يصنع بامواله !!
| |
|
|
|
|
|
|
|
|
|
Re: وهمات المغتربين الشباب ...!! (Re: بكري عباس علي)
|
يا هلا بحبيبنا ناذر
نورت المملكة لي حدها وتشرفت بك القصيم وما حولها
طبعا أنا برضو زي ما قال استاذنا منير ما أحبطت لكن استغربت جدا
بشخص مثلك وصاحب مشروع رائد ومؤسس مثل مشروع الثري دي بانيل
وفي الفترة المتوقع انك تجني ثمار جهدك وصبرك ووقتك الذي انفقته في تأسيس
مشروعك, فجأة كدا تجي مارق
لكن بعد أن علمت بانك مازلت تعمل في نفس مجال الثري دي واكيد بامكانيات أفضل
أعتقد ان قرارك صائب - والتوفيق من الله - وان شاء الله تستفيد من وجودك هنا إلى أن تتحسن
الأمور في سوداننا الحبيب.
| |
|
|
|
|
|
|
| |
ناذر محمد الخليفة
نادر النور آدم
حماد الطاهر عبدالله
احمد التجانى احمد
Munir
الحاج حمد الحاج
حامد بدري
ياسر السر
Ahmed Alim
الصادق يحيى عبدالله
الصادق اسماعيل
عمر السلمة
Anas Babekr
سيف النصر محي الدين
محمد يوسف طه
محمد أبوالعزائم أبوالريش
Osman Musa
بكري عباس علي
فيس بوك
تويتر
انستقرام
يوتيوب
بنتيريست