|
|
|
 Re: ونسة مع المغتربين حول بيت العمر (Re: أيمن محمود)
|
Quote:
موضوع انك تبني كم طابق وتسكن تحت وتأجر فوق ده موضوع فاشل تماما(نقطة)
|
كيف فاشل يعني أتمنى الشرح يا باشمهندس ؟!
مع العلم عندي أقارب وأصدقاء عملوا بي نظرية يبنوا ويسكنوا ويأجروا الفوق دي والحمد لله نجحت معاهم وأمورهم ماشة باسطة !!
| |
  
|
|
|
|
|
|
|
|
Re: ونسة مع المغتربين حول بيت العمر (Re: أيمن محمود)
|
سلام أخي ايمن ..
بوست ظريف..
موضوع هام ومزعج وهاجس كبير
بالنسبة للمغترب، وهونقطة ضعف
يتعرض فيها المغترب لكثير المشاكل.
أنا لا أحبذ مسألة شراء الجاهز، كأنك تشتري
بطيخة مغفولة. أحسن تبني على مزاجك.
المساحة كحد أدنى 300 م أقل من كدا بيكون
صغير.
كبر المسحات الداخلية مهم الغرف يعني ودي
يتحكم فيها المساحة الكلية للبيت.
أذا في إمكانية لجزء استثماري يكون أفضل
لكن يجب أن يكون منفصل تمام من البيت.
تحياتي
| |
|
|
|
|
|
|
|
|
|
Re: ونسة مع المغتربين حول بيت العمر (Re: Fatima Alhaj)
|
فاطمة وعليكم السلام
البيوت الجاهزة (التجارية) بصراحة منها خوف شديد - ما عايز اعمم عشان ما اظلم - عندي دايما الزول يبني تحت مسئوليتو !
اغلب المقاولين شغلهم تجاري الا القليل جدا - عموما وحسب الظروف الحالية في السودان الافضل الزول يتفق مع المقاول مصنعيات فقط - اشتري المواد بمعرفتك - هم ذاتو بقو يفضلو كده بسبب تقلبات السوق
| |
|
|
|
|
|
|
|
|
|
Re: ونسة مع المغتربين حول بيت العمر (Re: محمد البشرى الخضر)
|
الأخ أيمن
تحياتي ، بوست يتطرق لموضوع هام و يكاد يكون هو و تعليم الأبناء هو أكثر موضوع يؤرق المغتربين.
بداية ذكرت
| Quote: عندي وجهات نظر في مواضيع مختلفة متعلقة بمسألة بناء او شراء بيت احلام المغترب وحبيت اشاركها مع الزملاء المغتربين وحتى الما مغتربين على وجه العموم من اجل تبادل وجهات النظر والفائدة العامة |
و لكن نسفت جزء من فكرة البوست بأنك قد قررت فشل أن تبني كم طابق و تأجر بأن ذلك موضوع فاشل ، و بما أنك قد ذكرت أعلاه أن فكرة البوست مشاركة و تبادل لوجهات النظر:
| Quote: موضوع انك تبني كم طابق وتسكن تحت وتأجر فوق ده موضوع فاشل تماما(نقطة) |
و لذلك سأل الأخ محمد البشرى: ليه؟؟
و سأعود مرة اخرى ، تحياتي و شكري
| |
|
|
|
|
|
|
|
|
|
Re: ونسة مع المغتربين حول بيت العمر (Re: Al Sunda)
|
محمد البشرى سألتني عن وجهة نظري ليه انو موضوع انك تبني كم طابق وتسكن تحت وتأجر فوق ده موضوع فاشل تماما
من زاوية تجارية استثمارية بحتة - تكلفة البناء الحتأجرو لو اودعتها في البنك بتجيب ليك عائد اكثر من الايجارات وبدون صداع وجرجرة مع المستأجرين - رغم انوالودائع من اقل الاستثمارات عائدا!
ببساطة نسبة الفائدة في السودان اعلى بكتير من عائد ايجار العقارات (السكنية) وبالتالي مافي اي منطق انو الزول يستثمر في العقارات من اجل التأجير
| |
|
|
|
|
|
|
|
|
|
Re: ونسة مع المغتربين حول بيت العمر (Re: أيمن محمود)
|
Quote:
محمد البشرى سألتني عن وجهة نظري ليه انو موضوع انك تبني كم طابق وتسكن تحت وتأجر فوق ده موضوع فاشل تماما من زاوية تجارية استثمارية بحتة - تكلفة البناء الحتأجرو لو اودعتها في البنك بتجيب ليك عائد اكثر من الايجارات وبدون صداع وجرجرة مع المستأجرين - رغم انوالودائع من اقل الاستثمارات عائدا! ببساطة نسبة الفائدة في السودان اعلى بكتير من عائد ايجار العقارات (السكنية) وبالتالي مافي اي منطق انو الزول يستثمر في العقارات من اجل التأجير
|
ممكن مثال بالأرقام ...
| |
|
|
|
|
|
|
|
|
|
Re: ونسة مع المغتربين حول بيت العمر (Re: أيمن محمود)
|
شكراً أخي أيمن على الموضوع المهم والشاغل لكل مغترب.
في رأيي أن اتخاذ خطوة جادة حول بيت العمر ينبغي أن تكون فقط عندما يكون المغترب محدد وعارف تاريخ عودته النهائية للسودان والأفضل حفظ مالك إما في قطع أراضي رخيصة أو عملة صعبة في محل غربتك أو حتى عقار خارج السودان حتى العودة (إن حدثت) وبعد كدة ممكن تصفي أمورك برة وتتفرغ لموضوع البيت سواء حتشتري جاهز أو تبني وحتوفر كتير جداً من المال والشلهته. أقول الكلام ده وأمامي تجارب كثيرة للعديد من المعارف بنوا البيوت وهم في الغربة ولما رجعوا اضطروا لصرف مايقارب من سعر البيت مرة أخرى على الصيانة والتجديد وفتح المجاري وغيره وهم بالمناسبة يعتبروا محظوظين لأنهم بنوا بيوتهم عندما كانت أسعار الأراضي ومواد البناء رخيصة ومقدور عليها بعكس الحال في أيامنا هذه التي بلغت فيها أسعار العقارات مستويات خرافية وتدهورت العملة بشكل غير مسبوق مما لا يجدي معه أسلوب تشتري الأرض وتبني بالتدريج لأنك حتكون اشتريت بالغالي وأعتقد أن أسعار العقار في السودان وصلت الذروة والفقاعة سوف تنفجر قريباً، إلا لو كنت سوبر مغترب وبتغرف من بحر في الحالة دي مابتفرق :)
ومتابعين،،،
| |
|
|
|
|
|
|
|
|
|
Re: ونسة مع المغتربين حول بيت العمر (Re: طارق عبد الله)
|
السلام عليكم ايمن وضيوفه
بوست موفق وفعلا ونسة وفضفضة تلامس كثيرا من المغتربين لان معظم المغتربين يجد نفسه في هذا البوست من خلال تجربته الخاصة فمنهم منو وفق على اكمال مشروع البيت وسكن واجريعني ضرب عصفورين بحجر واحد ومنهم من تسببت بعض المشاكل في بلاد الاغتراب من الوقوف في منتصف الطريق وعجز عن اكمال ما تبقى من البناء وبالتالي ارى وجهة نظر ايمن صائبة في الحتة بتاعت انو الواحد يبني قدر الاستطاعة ولا يشطح وفوق ده يضع كل الظروف الممكن تحصل ليهو وما يقدر يكمل بناء بيته
تحياتي
رحال
| |
|
|
|
|
|
|
|
|
|
Re: ونسة مع المغتربين حول بيت العمر (Re: طارق عبد الله)
|
السلام عليكم ايمن وضيوفه
بوست موفق وفعلا ونسة وفضفضة تلامس كثيرا من المغتربين لان معظم المغتربين يجد نفسه في هذا البوست من خلال تجربته الخاصة فمنهم منو وفق على اكمال مشروع البيت وسكن واجريعني ضرب عصفورين بحجر واحد ومنهم من تسببت بعض المشاكل في بلاد الاغتراب من الوقوف في منتصف الطريق وعجز عن اكمال ما تبقى من البناء وبالتالي ارى وجهة نظر ايمن صائبة في الحتة بتاعت انو الواحد يبني قدر الاستطاعة ولا يشطح وفوق ده يضع كل الظروف الممكن تحصل ليهو وما يقدر يكمل بناء بيته
تحياتي
رحال
| |
|
|
|
|
|
|
|
|
|
Re: ونسة مع المغتربين حول بيت العمر (Re: الصادق عز الدين)
|
مع شروحات الاخ ايمن... يبدو انه ما قدر يوصل المعلومة بالطريقة الصحيحة
هو بيقصد العائد على الاستثمار ... خبراء العقارات ونظرياتهم بتقول أنه العائد المجزي هو 8% من رأس المال كحد أدنى
في السودان العائد على الاستثمار غالبا يتراوح ما بين 3-5 %..
لكن مع الوضع الراهن ... يعتبر مناسب ...
.
| |
|
|
|
|
|
|
|
|
|
Re: ونسة مع المغتربين حول بيت العمر (Re: عبد العزيز محمد عمر)
|
صبري طه
مع العلم عندي أقارب وأصدقاء عملوا بي نظرية يبنوا ويسكنوا ويأجروا الفوق دي والحمد لله نجحت معاهم وأمورهم ماشة باسطة !!
من حيث انها نقاطة فهي لا شك نقاطة
لو بتعتبر ان 3 مليون جنيه كايجار شهري لشقة كلفت 600 -700 مليون هو باسطة - فانت زول عسل عديل 
| |
|
|
|
|
|
|
|
|
 Re: ونسة مع المغتربين حول بيت العمر (Re: أيمن محمود)
|
Quote:
لو بتعتبر ان 3 مليون جنيه كايجار شهري لشقة كلفت 600 -700 مليون هو باسطة - فانت زول عسل عديل
|
يا أيمن طبعاً ما ممكن أكتب ليك عبارة ماشة معاهم باسطة دي إلاّ وأنا متأكد منها تماماً !!
قريبي شيّد عمارة من أربعة طوابق دور أرضي سكن فيه مع أسرته بالكامل وبقية الأدوار في كل دور شقتين يعني المجموع = 6 شقق يقوم بتأجيرها بنظام الشقق المفروشة والكلام دا في حي درجة أولى من الأحياء المعروفة في الخرطوم ...
أها يا الحبيب إيجار اليوم في الشقة المفروشة بتاريخ اليوم لا يقل عن 200 ألف جنيه (بالقديم) يعني قول 6 مليون في الشهر
و 36 مليون لجميع الشقق في الشهر
أضربها في 12 حتكون 432 مليون (بالقديم) في السنة
يعني تكلفة الشقة لو افترضنا انها على حسب ما قلت هو 600 مليون يعني سنة ونص إيجار لي كل الشقق بيجيب تكلفة الشقة الواحدة يعني تكلفة الشقق الستة كلها بتطلع في 9 سنوات !!
وسلّم لي على الباسطة معاك ياخ :)
| |
|
|
|
|
|
|
|
|
|
Re: ونسة مع المغتربين حول بيت العمر (Re: صبري طه)
|
يا صبري اخرست جميع دارسي الجداوي (بالله جمع جدوى شنو؟؟)
والله لو الحسابات بالبساطة دي ما كان حد غلب ابدا
انت اسقطت حاجات كتيرة
- تكاليف الفرش
- التأجير اليومي ما بالمثالية دي بحيث ان نسبة الاشغال فل لمدة 9 سنين
- تكاليف الصيانة والتشغيل
- تكلفة الارض في الحتة الهاي دي !!
الشقق دي لو طلعت حقها في 20-25 سنة يكون ما قصرت
| |
|
|
|
|
|
|
|
|
|
Re: ونسة مع المغتربين حول بيت العمر (Re: أيمن محمود)
|
Quote:
يا صبري اخرست جميع دارسي الجداوي (بالله جمع جدوى شنو؟؟) والله لو الحسابات بالبساطة دي ما كان حد غلب ابدا انت اسقطت حاجات كتيرة - تكاليف الفرش - التأجير اليومي ما بالمثالية دي بحيث ان نسبة الاشغال فل لمدة 9 سنين - تكاليف الصيانة والتشغيل - تكلفة الارض في الحتة الهاي دي !! الشقق دي لو طلعت حقها في 20-25 سنة يكون ما قصرت
|
بالمناسبة يا أيمن العمارة باعتبارها (أصل ثابت) وقيمتو في الحي اللي هي فيهو ماشة في زيادة دا ولو افترضنا قيمناها بسعر الدولار يعني بي دولارها دا ماشة زايدة .. يلا قيس أفضل القروش دي تكون وديعة في بنك بتأخد عليها فوائد سنوية حتى ولو قلنا بمعدل 6% ولا أحسن تكون عمارة بتلقى فيها فائدة من قيمة تكلفة بنائها بمعدل 12%
أما بالنسبة للأصول المتداولة طبعا إنت ما حتشتري كل شهر عفش جديد !!
وقيمة الأرض التي شيّدت عليها العمارة لو كان سعرها في وقتها مثلاً عشرة آلاف دولار فحالياً لا يقل عن 100 ألف دولار
ــــ
وعندي قريبي تاني عندو فيلا في حي درجة أولى وقريب من السوق العربي ومأجرها غير مفروشة لي "سفارة بلد أجنبي" .. وماشة معاهو باسطة وقشطة كمان :)
| |
|
|
|
|
|
|
|
|
|
Re: ونسة مع المغتربين حول بيت العمر (Re: صبري طه)
|
هموم المغترب كثيرة فيما يتعلق ببيت العمر :
1- قطعة الأرض : الحصول على قطعة الأرض المناسبة و في المكان المناسب و بالسعر المناسب هي أول الهموم خاصة مع ارتفاع أسعار الأراضي في السودان عامة و الخرطوم خاصة ، و لكن اضطر الكثير من المغتربين التنازل عن طموحاتهم بخصوص الموقع المناسب نسبة لارتفاع السعر مما أدى الى اتجاه المغتربين للشراء في أماكن أخرى و عن طريق الأقساط.
2- ارتفاع و تذبذب أسعار مواد البناء مما يعقد عملية تخطيط موازنة للمبالغ المطلوبة و الفترة اللازمة للتشييد.
3- صعوبة الحصول على المقاولين و العمالة التي تقوم بالتنفيذ بأسعار مناسبة و كفاءة عالية.
4- صعوبة المتابعة لمراحل التنفيذ بين المغترب و المشرف على التشييد سواء أكان من الأقارب او مقاول و وجود عوائق اجتماعية لتعاقدات قانونية ملزمة للطراف.
| |
|
|
|
|
|
|
|
|
|
Re: ونسة مع المغتربين حول بيت العمر (Re: الحاج حمد الحاج)
|
سلامات أيمن
غالباً البيبنو شقق و يأجروها ، طبعاً لما تكون القدرات المالية عالية
أسر بتعمل حساب البنات أو الأولاد لما يكبرو و يتزوجو لأنهم عاوزنهم جمبهم
يعني مصاريف آنية و في نفس الوكت ضمان سكن جاهز للأسرة متى ما إحتاجو ليهو
الحاجة التانية وجود مصدر دخل مستقر و مستمر ده هاجس لكتير من الأسر خصوصاً مع الوضع السئ الآن
| |
|
|
|
|
|
|
|
|
|
Re: ونسة مع المغتربين حول بيت العمر (Re: الحاج حمد الحاج)
|
Quote:
هموم المغترب كثيرة فيما يتعلق ببيت العمر :
1- قطعة الأرض : الحصول على قطعة الأرض المناسبة و في المكان المناسب و بالسعر المناسب هي أول الهموم خاصة مع ارتفاع أسعار الأراضي في السودان عامة و الخرطوم خاصة ، و لكن اضطر الكثير من المغتربين التنازل عن طموحاتهم بخصوص الموقع المناسب نسبة لارتفاع السعر مما أدى الى اتجاه المغتربين للشراء في أماكن أخرى و عن طريق الأقساط.
|
لو وفّر قروشو عليهو واشتراها بالكاش حيلقى إنّو وفّر الكثير .. عن تجربة !!
Quote:
2- ارتفاع و تذبذب أسعار مواد البناء مما يعقد عملية تخطيط موازنة للمبالغ المطلوبة و الفترة اللازمة للتشييد.
|
بالنسبة للمغترب طالما العملة عندو دولار الزيادة والنقصان في المواد ما حتفرق كتير .. الدولار بيرتفع والمواد بترتفع في علاقة طردية ...
Quote:
3- صعوبة الحصول على المقاولين و العمالة التي تقوم بالتنفيذ بأسعار مناسبة و كفاءة عالية.
4- صعوبة المتابعة لمراحل التنفيذ بين المغترب و المشرف على التشييد سواء أكان من الأقارب او مقاول و وجود عوائق اجتماعية لتعاقدات قانونية ملزمة للطراف.
|
في دي واحدة من اتنين يا إمّا تعتمد على شركة تسلمك تسليم مفتاح يا إما توكّل شخص يكون أمين وثقتك فيه عالية عشان يقوم ليك بالإشراف على موضوع البناء ...
لكن لو عايز تشرف بي نفسك غايتو إلاّ تمشي السودان نهائي !!
| |
|
|
|
|
|
|
|
|
|
Re: ونسة مع المغتربين حول بيت العمر (Re: صبري طه)
|
الأخ صبري ردك على أيمن ما وضح النقطة...... يعني في حالة قريبك مثلاُ انت محتاج تعرف كم كانت تكلفة الأرض والبناء عشان تعرف العائد مجزي أو لا. يعني لو كان قريبك ده اشترى الأرض بسعر رخيص أو جاءته في توزيع أراضي أو غيره ممكن العائد يكون مجزي أما لو اشترى الأرض وشيد العمارة بأسعار اليوم فهو لا محالة خسران. النقطة الثانية انك حسبت الايجار كاجمالي بس في مصروفات تانية داخلة في الموضوع زي الصيانة وتجديد الأثاث وغيره وهي خصم على الايجار، وبرضو ما ممكن تفترض ان الايجار مستمر 365 يوم في السنة. النقطة الأهم من ده كلو العملة السودانية نازلة شديد والايجار مامجزي الا في حالة أن تكلفة البناء وشراء الأرض كانت بالوضع القديم كما ذكرت.
وتقبل مروري،،،،
| |
|
|
|
|
|
|
|
|
|
Re: ونسة مع المغتربين حول بيت العمر (Re: طارق عبد الله)
|
Quote:
الأخ صبري ردك على أيمن ما وضح النقطة...... يعني في حالة قريبك مثلاُ انت محتاج تعرف كم كانت تكلفة الأرض والبناء عشان تعرف العائد مجزي أو لا. يعني لو كان قريبك ده اشترى الأرض بسعر رخيص أو جاءته في توزيع أراضي أو غيره ممكن العائد يكون مجزي أما لو اشترى الأرض وشيد العمارة بأسعار اليوم فهو لا محالة خسران. النقطة الثانية انك حسبت الايجار كاجمالي بس في مصروفات تانية داخلة في الموضوع زي الصيانة وتجديد الأثاث وغيره وهي خصم على الايجار، وبرضو ما ممكن تفترض ان الايجار مستمر 365 يوم في السنة. النقطة الأهم من ده كلو العملة السودانية نازلة شديد والايجار مامجزي الا في حالة أن تكلفة البناء وشراء الأرض كانت بالوضع القديم كما ذكرت.
|
باختصار أضف عوائد إيجار ثلاث سنوات إضافية لمصاريف الصيانة والتأثيث ...
أو يمكنك قراءة مُداخلة الأخ Al Sunda
ومن مداخلته خصص مبلغ من العائد من استثمار عوائد الإيجار لمصاريف الصيانة وتجديد الأثاث للشقق :)
يعني باختصار آخر .. أفضل بكثير من وضع قروشك في بنك كوديعة تأخذ عليها فوائد !!
| |
|
|
|
|
|
|
|
|
|
Re: ونسة مع المغتربين حول بيت العمر (Re: Al Sunda)
|
Quote:
في الأصل فترة الاسترداد ( pay back period )في المشروعات العقارية طويلة مقارنة بالمشروعات الصناعية او الخدمية كما وان الايجارات الشهرية بتضخ ليك سيولة يمكنك الاستفادة الفورية منها مقارنة بشهادات الاستثمار او ودائع البنوك والتي تقيدك بفترة زمنية لصرف عوائدها او حتى أصل الوديعة
|
الله يفتح عليك يا السندا !!
حسب علمي بعوائد الإيجار يقوم بالبيع والشراء في العقارات وغيرها .. يعني ماشة معاهو برضو باسطة :)
| |
|
|
|
|
|
|
|
|
|
Re: ونسة مع المغتربين حول بيت العمر (Re: صبري طه)
|
شهادات شهامة (ما عارف لسا شغالة والا وقفت) ارباحها السنوية 17-18 % وكانت مضمونة - ما عارف فشلت برضو والا شغالة
بالرغم عن ذلك ما مختلفين انو الودائع والشهادات استثمارات جبانة وعائدها ما دايمن كويس
حاجة تانية مهمة جدا وهي ان يفرق كتير بين انك تكل باسطة من عقار قيمته مليون دولار وتاكل باسطة من عقار قيمته خمسين الف دولار!!
| |
|
|
|
|
|
|
|
|
|
Re: ونسة مع المغتربين حول بيت العمر (Re: أيمن محمود)
|
Quote:
في نظري برضو اي زول عايز يبني طابق واول فقط يبني حوائط حاملة بس - الاعمدة حا تخسرو 20+25 زيادة على الاقل بدون اي فايدة كبيرة تذكر! الحوائط الحاملة بالطريقة الصحيحة ممتازة جدا وموفرة
|
معقولة بس يا باشمهندس .. مافي حاجة اسمها (أبني) للمستقبل لي ولـ (ابني) ...
أها يا الحبيب الأولاد كبروا وعايز تبني دور تاني ليهم حتكسّر ولا الفهم شنو ؟!
الأفضل تبني بنظام الأعمدة للحاضر وللمستقبل .. وحتى ولو عايز تبيع بضاعتك أعمدة حتكون مقيمة وحتتباع أسرع !!
| |
|
|
|
|
|
|
|
|
|
Re: ونسة مع المغتربين حول بيت العمر (Re: صبري طه)
|
red]تحياتي الأخ ايمن وضيوفك الكرام
لست متبحراً كثيرا في الدين
ولكن في رايي المتواضع ان التخطيط السليم لايتعارض مع الدين
ويقال ان سيدنا نوح بدا في صناعة مركبه قبل 400 عام من الفيضان !!!
أنت كأب عليك أن تعمل الشيء الصحيح الذي فيه منفعة لك ولأبنائك
ومايحدث في المستقبل فأمره متروك لله عز وجل ..
************
لنبدا المداخلة بشراء بيت جاهز ..
بحكم أنه لدينا وكالة عقارية فإننا نمر بالكثير من التجارب ..
سواء تجارب شخصية وهذا قليل ..
أو تجارب من عملاء اشتروا اراضي وعايشنا معهم مراحل البناء
************
حيث ياتي الكثير من المغتربين وهم يبحثون عن بيت جاهز نسبة لضيق الزمن ..
إن كنت تخاف الله فلابد ان تنصح المغترب ..
بأن يكون شراء بيت جاهز هو آخر الخيارات ..
لأن الكثير من البيوت تحتاج الى فحص فني واجراء الكثير من التعديلات الداخلية ..
هذا لايعني انه لاتوجد بيوت جاهزة عرضت للبيع وهي بيوت متعوب عليها ..
وبناها اصحابها بمواصفات محددة ..
ولكن للأسف أحيانا سبب البيع في هذه البيوت الجميلة وعلى حسب ما مر من تجارب ..
يكون إما لعدم توافق البرستيج
أو مغادرة الأسرة للإغتراب مرة أخرى ..
موضوع البرستيج ادى لحالتين من البيع لبيوت في قمة الروعة ..
ولكن يكون اصحابها مستاجرين بالرياض أو العمارات ..
وفجأة تجد الأسرة نفسها وسط حي الجامعة بامدرمان الاسلامية ..
رغم ان القطعة في هذا الحي لاتقل عن 900 مليون ..
بعضهم نفسيا لايتاقلم مع الحياة هنا رغم انه بذات الحي يوجد سكان قادمون من احياء راقية !!!
وآخر باع لأنه قرر ان يرجع لوظيفته بدولة خليجية بعد ان استقر بالسودان عشرة سنوات ..
بعض المقاولين يبني البيت لأجل البيع وليس السكن ..
وهنا حينما تريد ان تشتري فلابد ان يكون معك اشخاص مختصين ..
وبعد ان تتاكد من الأحمال والأمور الفنية الأخرى ..
تأكد من خزان الصرف الصحي
في بعض احياء ام درمان الخزان يتم حفره حتى 60 متر ليصل للعمق المطلوب
ولو كان العمق اقل من ذلك ربما تحدث مشكلة في عمليات الصرف
****************
لو افترضنا لديك 3 بنات وولدين ..
هؤلاء يحتاجون لشراء 5 قطع اراضي في المستقبل ..
لأنهم بالطبع لن يظلوا اطفالاً يلعبون البلي استيشن ..
بل سياتي اليوم الذين يكونون فيه اسر وعوائل ..
ولو افترضنا انه الى ذلك الوقت وصل سعر الأرض الى مليار ونصف بالقديم ..
هنا يمكن ان تضيف مبالغ بسيطة على بيت العائلة الذي ستبنيه انت والدهم ..
بحيث تؤسس البيت لخمسة طوابق ..
رغم انك تدرك جيدا ان امكانياتك ولغربة ربما استمرت 30 عاما لاتسمح الا بالطابق الأرضي ..
لو قدر لك وفعلت ذلك تكون هنا وفرت على ابنائك اربع طوابق
ومبالغ لاتقل عن 7 مليار جنيه سوداني
يعني يمكن كل واحد فيهم ان يسكن في طابق
والى ذلك الوقت تكون انت ابو القدح وحكومتك قد دخلتم مرحلة القروود .. يقوم ليك شعر في الرقبة وشعر في الأضان بدون ذنب
وممكن تشوفوا ليكم غرفة وصالة تقعدوا فيها باقي عمركم
شريطة ان تتوفر فيها { السبح وسجاادات الصلاة }
وتعطوا الطابق الأرضي لأحدهم !!!!
*****************
بالله نصيحة ثانية لوجه الله ..
قبل ماتجمع قروش البيت والتشطيب وخلافه ..
اول شيء تفكر فيه هو البدروم .. البدروم .. البدروم
فهذا هو الشيء الوحيد الذي يصعب الرجوع اليه وعمله مرة اخرى بعد بناء البيت ..
هذا البدروم سيكون بمساحة مسطح البناء ..
وله عشرات الفوائد في المستقبل ..
ومئات الناس قد تحسروا عليه ..
رغم ان الواحد منهم قد بنى عمارة مكونة من خمس طوابق ..
البدروم تستفيد منه مستودع للإيجار ..مع بوابة مستقلة خارجية في هذه الحالة
ويمكن ان يكون صالون استقبال خاص بضيوف البيت ..
يمكن ان تعمل فيه كل مناسباتك ..
يمكن ان يكون قاعة افراح
ويمكن ان تفرشه نجيلة صناعية ويكون مساحة للترفيه ..
ولو عاوز تكون زي ود الباوقة ويكون ليك بيت في الجنة يمكن ان يكون مسجد ..
.أضف مبلغ بسيط لتكاليف الطابق الأرضي ليكون بدروم ولن تندم مطلقاً
*************
موضوع تبني فوق وتقوم بتاجير الشقق .. افكروا في هذه الخطوة قبل التنفيذ ..
لو عاوز تمشي تقابل زميلة البورد أختنا الدكتورة امل محمد الحسن في التجاني الماحي
او تمشي الشكينيبة وام ضوا بان وابوحراز
وتبقى تضحك براااااك اليوم كله ..
بس فكر و اعمل ليك شقق مفروشة فوق راس بيتك ..
اقسم بالله استاجرنا من دكتور في المهندسين اشفقت عليه
الراجل نص الليل شايل المفاتيح ويفك في الدينمو
الدينمو توقف ولم يرفع الماء
مرات تجي انت كمستاجر طالع يوم الجمعة مثلا
والله يجوك اصحاب البيت طالعين وعيونهم مغمضة ..
عشان تسلمهم المفتاح
واحد مرة من المستاجرين اتصل عليه الساعة 3 صباحا
وقال ليهو ياعمو الشقة مافيها كبريت !!!!
الايجار 200 الف في اليوم لو حسبتها بالريال السعودي 40 ريال ..
طيب عشان تبني شقتين تحتاج لأقل شيء 800 مليون
ولو حولتها دولارات وتركتها وديعة بالبنك تاتي ليك بارباح لاتقل عن 6. 6%
اما لو كانت بالعملة السودانية فان ارباحها ستكون 120 مليون في السنة
مع الوضع في الاعتبار عمليات التضخم ..
لهذا الأفضل ان تكون بالدولار وديعة بديلا للشقق ..
و لو كنت هاو ومدمن ايجارات وعقارات
عليك ان تترك بيتك للعائلة وتستمر في مكان آخر !!!!
وفي كل الأحوال وحفاظاً على ضغطك وسيولة الدم ..
دع مهمة التاجير والتعامل مع المستأجرين لمكتب او وكالة عقارية
****************
شايف الأخ ايمن محمود اضاف غرفة للضيوف .. ب
جانب الآتي : صالون + حمام + هول+ غرفة اولاد + غرفة بنات وحمام + حمام وغرفة ابوالقداح وحكومته الرشيدة + المطبخ
طيب اغلب مساحات الدرجة الأولى 500 متر ..
واذا افترضنا مسطح البناء 260 متر
فلابد ان تحذف احدى الغرف اعلاه حتى لاتكون خصما على المساحات الداخلية
وبالتالي يكون لديك مساحات امامية وخلفية في الحوش
ويمكن عمل غرفة خارجية مع دورة مياه ومغاسل وهول مسلح مكيف طويل تكون للضيوف للنوم فقط
حيث ان هذه الجهة تكون بمساحة 25 في 3 كاقل تقدير وممكن تكون 25 × 4
على ان يكون الهول النسائي الكبير والصالون للجميع في الفترة الصباحية
من المستحسن ان تكون غرفة الأولاد مربوطة مع الصالون وبينهما دورة مياه
اما غرفة البنات وغرفة الزوجين فالأفضل ان يكون هناك جدار فاصل بينهما والهول
لمزيد من الخصوصية { الملكية الفكرية وبراءة الاختراع لداعش } !!!!! وش ضاحك
احيانا يكون في بنات عاوزات يتونسن مع البنات في غرفتهم
ويمكن انت وضيوفك الباقين تكونوا في الهول
الجدار حتما سيكون خصما على مساحة الهول ولكنه مهم
في الجهة الأمامية ومقابل الصالون يمكن ان تجد مساحة لعمل دورة مياه خارجية مع مغاسل
واذا وفقك الله وعملت البدروم فلا تحتاج اطلاقا لغرفة لكي تكون مخزن ..
ونحن شعب حبانا الله بخاصية عجيبة جداً وهي الاحتفاظ ب { الكرور }
ونقله معنا من مكان لآخر وكانه جزء من حياتنا وتراثنا
*****************
قبل اسبوعين نقلت من شقة الى شقة في السعودية
واتصلت المدام واخبرتها بانني سانقل لشقة اخرى لأن صاحب الشقة طلب ذلك
اها اول وصايا الرحيل {{ اعملووا حساب للعدة ماتكسروها }}
أقسم بالله وجدنا ما لم يخطر على بال تحت السراير
شي صحون وشيء سكاكين وشيء مقاشيش من سنجة وشيء حرجل من ام ضبيبينة
وشيء حلبة ومباخر من كسلا ..
والمشكلة مكسورة
براريد شاي لاتوجد بها رقبة ولا ادري لماذا الاحتفاظ بها ؟؟؟
والله انا في البيت وهذه الأشياء لم اكن اعرفها الا بعد بدانا نرفع السراير
حتى في السودان بالحصاحيصا نواجه نفس المشكلة
رغم انه كل يوم يمر بالبيت واحد عمك كبير بكورك { خردة .. خردة .. خردة } !!!
وحينما فتحت هذا الموضوع مع نسوان الفريق يوم الصندوق
ضحكن ضحكة مانعة وقالن والله حقوا بتاع الخرد دا نبيع ليهو الرجال الكحيانين ديل ..
وهن الغريبة ياكافي البلاء ماعارفت نفسهن بقن كلهن زي لواري التراب !!!
اها طلعنا خردة في النهاية على قول عمك عبد الوهاب
قال مسنين البورد قال !!!!
والله مشكلة كبيرة لمن تكون في عز شبابك ويقولوا ليك انت عجوز
معناها انت بالليل وراقد مع المدام اماك خيارين لاثالث لهما :
أما أن { تكلكل وزارة الداخلية وتخليها تضحك وتنبسط }
واما تجر السبحة وتذكر الله لحد ما الآذان يؤذن وتتوكل تحرس الجاااامع !!!
عجبني لي بكري ابوبكر ان شاء الله تكون في القائمة الأخيرة دي
******************
معليش بريناكم كتير
خزان الصرف الصحي قيسو براااااك
ولازم يكون في مهندس مشرف على الموضوع دا
بعض الجماعة بيكونوا حفروا ليك 36 متر وبيقولوا ليك حفرنا 60 متر
************************
مع تمنياتي للجميع بالتوفيق
ولو اردتم الاطلاع على بعض التجارب قبل ان تشرعوا في البناء
بامكانكم مراجعة ابن اخي بوكالة حي الجامعة
ماعاوزين منكم اي مبالغ لقاء الاستشارات خدمة للبورداب وخاصة المغتربين منهم
توجد بيوت في طور التأسيس
وتوجد بيوت قد اكتمل تاسيسها
وتوجد خرائط حينما تم تنفيذها احتاج الأمر لبعض التعديل
وتوجد ايضا بعض الأخطاء في التنفيذ
والتي بامكانكم تلافيها حينما تودون شييد بيت المستقبل
واي استشارة لن نبخل بها على تلفوني 00966507063205
او ابن اختي ايمن وكالة حي الجامعة 00249123099427 00249912399427 المصدر : [/red
المصدر : http://sudaneseonline.com/cgi-bin/sdb/2bb.cgi
| |
|
|
|
|
|
|
|
|
|
Re: ونسة مع المغتربين حول بيت العمر (Re: أيمن محمود)
|
التاجر أو صاحب الفكر التجاري ينظر للعائد على الإستثمار
أما الوضع الطبيعي للغنسان العادي لا يفكر في العائد على الإستثمار بقدر ما بفكر في مبلغ شهري يستره باقي حياته
بالتالي الشقق الأعلى للإيجار أعتقد حل مريح لكل واحد يرغب في توفير مصدر دخل بعد العودة للسودان
بس البناء لازم يكون بتفكير زي ما بدأ البوست توسع قدر إمكانياتك
| |
|
|
|
|
|
|
|
|
|
Re: ونسة مع المغتربين حول بيت العمر (Re: أيمن محمود)
|
..
سلام..
خلاصة ماعندى .. صاحب المشروع لو موجود فى السودان .. باشر البناء بنفسو .. لقط إيجارتو بنفسو .. اى عقار سيكون مفيدا له.. ومقدار الفائدة حسب حجم وموقع وحالة العقار..
السكن فى الأرضى وتأجير الطوابق العلوية ناجح .. فقط لابد من مراعاة ذلك عند التصميم.. الموجود فى الغربة يستهون قيمة الايجار رغم ان العقودات تتضمن نسبة زيادة سنوية مقدرة..
اللودبيرنج .. ما تبدأ فيهو إلا تكون موجود بنفسك وإلا ستخسر المواد.. وقد تقتل بشر.. والحاصل فى السودان فى هذا النوع من البناء خطير للغاية..
تصميم وبناء وفرش العقار حسب موقعه وحسب إمكانيات الزبون المتوقع.. فى المناطق الشعبية يمكن تجاهل السراميك وأشياء كثيرة وعرض العقار للإيجار بشبابيك وأبواب وبوهية غامقة (او بدون بوهية) بدلا من صيانته كل عام .. التشطيب الديلوكس لا يزيد قيمة الإيجار فى بعض المناطق الشعبية..
نظام أربعة شقق فى الدور الواحد فى منزل بمساحة عادية ظاهرة جديدة فى السودان مع أزمة السكن ولكن لا أعرف نجاحه من فشله..
..
| |
|
|
|
|
|
|
|
|
|
Re: ونسة مع المغتربين حول بيت العمر (Re: فؤاد إبراهيم)
|
تكلفة الأرض فى الحتة الهاي دي
الاخ ايمن
تحياتي
تكلفة الارض اصلا لاتدخل فى تكلفة الشقق لشخص يريد ان يبني شقق فوق مسكنه الخاص لان الارض اصلا هى أرض مسكنه ولا تعتبر تكلفة اضافية للشقق
فهي فى كل الاحوال تم شرائها للبيت الرئيسي
اما اعتبار تكلفة الشقة مابين 600 الى 700 مليون فهي تكلفة مبالغة جدا فتكلفة الشقة لاتصل حتى لنصف هذا المبلغ
وهذا كلام عن تجربة
ودمت
| |
|
|
|
|
|
|
|
|
|
Re: ونسة مع المغتربين حول بيت العمر (Re: معاوية محمد الحسن)
|
تحية وتقدير الاخ أيمن محمود
والتحية للضيوف الافاضل
بوست موفق جدا
فكرة الادخار النقدي في السودان عن طريق الايداع بالبنوك السودانية او شراء شهادات شهامة او سندات من أي نوع ليست فكرة جيدة لأن الارباح تتراوح بين 14 الى 18 % في أفضل الاحوال , وتجد أن التضخم بالسودان يلتهم ضعف هذه الارباح أي أن النقود يزيد عددها وتنقص قيمتها , اللهم الا اذا كان الادخار بالعملة الاجنبية هنا الوضع يختلف مع أن عائد ارباح الصناديق بالعملة الاجنبية بالسودان عائد ضعيف جدا .
موضوع البوست وهو بناء بيت العمر وهو أمر لا بد منه بعد الاستقرار الذي سيأتي طال الزمن أم قصر , ولكن يأتي استثمار جزء من البيت كضرورة , وأتفق مع الرأي الذي يقول بتأجير شقق في الدور أو الادوار العلوية وليس بالضرورة أن يكون ايجار ( مفروش ) فالايجار العادي أيضا عايده جيد جدا , اضافة الى أن الاستثمار في العقار بالنسبة للمغتربين هو الاستثمار الأمن ( الجبان ) فهو قليل أو معدوم المخاطر , فكل المشاريع الاستثمارية تتطلب متابعة ودراسة وادارة , ولكن ايجار او شراء العقارات يحتاج جهد أقل في الادارة والمتابعة كما أن المخاطر فيه أقل .
لي صديق مغترب بقطر له فلسفة أخرى أنه الى الأن لم يبنى بيت العمر , ولكنه بنى عمارة لتكون شقق لتأجير فقط وليس للسكن , ويتقاضى منها عايد محترم جدا على حد تعبيره , وأضاف انو ما عاوز يهدر مليار ونص او تنين مليار في بيت هو ما ح يسكن فيه الآن , يعني طالما هو مغترب فهو ما متاج للبيت للسكن ولكن محتاج لعقار للاستثمار , وفي اجازاته ينزل في احد الشقق بعمارته وانتهى الامر .
| |
|
|
|
|
|
|
|
|
|
Re: ونسة مع المغتربين حول بيت العمر (Re: البشير دفع الله)
|
شكرا حبيبنا أيمن وضيوف البوست
الموضوع مهم ومؤرق جدا جدا
قررت ابدأ مشوار البناء متوكلا على الله وطالبا عون الاخوان والاخوات فى المنبر وفى البوست
والعندو اى خريطة او حتى اسكيتش صمم او نفذ فى السودان يمدنى بيه على سبيل اخذ فكرة اولية
فقط ولن تستخدم فى التنفيذ لاختلاف المطلوبات فى كل حالة .
شاكر ومقدر لكم جميعا
[email protected]
| |
|
|
|
|
|
|
|
|
|
Re: ونسة مع المغتربين حول بيت العمر (Re: البشير دفع الله)
|
أضاف انو ما عاوز يهدر مليار ونص او تنين مليار في بيت هو ما ح يسكن فيه الآن , يعني طالما هو مغترب فهو ما متاج للبيت للسكن ولكن محتاج لعقار للاستثمار , وفي اجازاته ينزل في احد الشقق بعمارته وانتهى الامر
ده كلام حكيم اى حد بعيد
| |
|
|
|
|
|
|
|
|
|
Re: ونسة مع المغتربين حول بيت العمر (Re: البشير دفع الله)
|
أضاف انو ما عاوز يهدر مليار ونص او تنين مليار في بيت هو ما ح يسكن فيه الآن , يعني طالما هو مغترب فهو ما متاج للبيت للسكن ولكن محتاج لعقار للاستثمار , وفي اجازاته ينزل في احد الشقق بعمارته وانتهى الامر
ده كلام حكيم اى حد بعيد
| |
|
|
|
|
|
|
|
|
|
Re: ونسة مع المغتربين حول بيت العمر (Re: البشير دفع الله)
|
البشير دفع
انا متبنى وجهة نظر صديقك وده رايي من زمان وما متبنى وجهة نظرك في كلامك التاني
غايتو لو الزول اولاده كبار ممكن يؤسس البيت عشان خلال فترة عشرة سنين مثلا ممكن يبنو ويسكنو فوق لكن لو كانو صغار جدا بتبقى المسألة فيها مبالغة شوية
| |
|
|
|
|
|
|
|
|
|
Re: ونسة مع المغتربين حول بيت العمر (Re: أيمن محمود)
|
طالما انت مغترب .. تمسك قروشك عليك لغاية ما توفر قيمة عقار في الامارات (دبي بالتحدبد) .. اشتريه واجرو .. قدرت على واحد تاني .. اشتريهو وأجرو .. وهكذا
اها قمت رجعت السودان ..
كل الخيارات بيدك ..
عاوز تبيع الفي الامارات وتبني .. انت كسبان
عاوز تخلي الفي الامارات .. قروش الايجار بتأجر ليك احسن بيت او شقة ويتبقى معاك مصاريف الاكل والشراب الخ ..
وهكذا ..
| |
|
|
|
|
|
|
|
|
|
Re: ونسة مع المغتربين حول بيت العمر (Re: سفيان عثمان قرضيه)
|
تحياتي للجميع
نقطة المقارنة بين وضع الأموال في بنك للإستفادة من العائد الأعلى من عائد الإيجار وجيهة لو أخدنا المقارنة كدا بشك ارقام فقط دون أخذ العوامل الأخرى النفسية و الإجتماعية
قصة ان يكون لك شقق اعلى بيتك تستثمرها بالإيجار لها جوانب أخرى يجب أخذها في الإعتبار, منها ما أشار له الزملاء كنظرة مستقبلية في توفير الوقت و المال على أبنائك في المستقبل وغيرها
بدين بصراحة كدا في عمر معين - بعد المعاش مثلا - قصة مباراة الشقق و الإيجارات و الصيانة و السماسرة برنامج في حد ذاتها :)
| |
|
|
|
|
|
|
|
|
|
Re: ونسة مع المغتربين حول بيت العمر (Re: أيمن محمود)
|
شكرا اخونا ايمن على كريم الاستجابة شاكر ومقدر
انا بفكر في بناء يلمنا بعد هجير الغربة وانت عارف
بصورة عامة زى مواصفاتك القلتها قبيل :
Quote:
غرفة للزوج والزوجة
- غرفة للاولاد
- غرفة للبنات + حمام
- غرفة ضيوف + حمام
- صالون + حمام
- هول
- مطبخ
- يا سلام لو في مخزن صغيرون
- يا سلام لو في غرفة طعام |
كمان لازم يكون في مساحات خضراء
لازم مكتبة
البدروم برضو مطلوب
بس ماعارف ابدأ من وين واللا وين
وكاش للكلام ده كلو مرة واحدة ماعندى
القطعة ناصية ومساحتا 500 متر
| |
|
|
|
|
|
|
|
|
|
Re: ونسة مع المغتربين حول بيت العمر (Re: Abdalla Hussein)
|
سلام يا ايمن وضيوفه ..
عايز اخش بمدخل جديد ومختلف لفكرة البناء دي ... وبرجع ليها بعد النكتة دي
ونحن في الابتدائي كان عندنا مدرس رياضيات وهو زول ظريف
يوم سألنا في الفصل لما تكبر عايز تبقى شنو؟
أول واحد قال ليهو عايز ابقى مهندس
استاذنا قال ليهو : لشنو يعني؟
عشان تبني اووضه شبه منحرف مثلا
دا باعتبار زمان البيوت كانت اوضتين وبرندتين خلف خلاف :)
يا ايمن في واحدة من اجازاتي للسودان لقيت اثنين جيران ولا يفصلهم الا جدار
وكل واحد فيهم كان عايز يحفر سايفون .. وكانت التكلفة حوالي 35 مليون
اقترحت عليهم يعملو واحد بالشراكة بينهم وبكدا سوف يوفر كل واحد منهم حوالي 18 مليون
في لحظتها وافقا ورحبا بالفكرة
وال 35 مليون وال 18 مليون كانت قروش في ذلك الزمان ...
اتخيل!
الاثنين رفضو الفكرة لاحقا بحجة ان ذلك سوف ينقص من قيمة العقار :)
الشاهد يا مان ما عندنا ثقافة التعاون في البناء او ما يسمى البناء الجماعي
خصوصا بعد تغير الثقافة واصبح البناء بدل افقيا اصبح عموديا
اوضح اكتر
اخونا عبد لله حسين دا عنده قطعة مساحتها 500 م م
وهي اكتر من حاجته طالما ناوي يبنيها رأسيا (اعمدة)
تكلفة 20 عمود بس (قواعد) يعني العمود مارق متر واحد فوق مستوى الارض بعد صب القاعدة
تكلفتها 165 مليون تقريبا... للعشرين عمود
في حين انو ال 500 متر ممكن يشتركوا 2 او 3 انفار لبنائها وتسكنهم مرتاحين
يعني هو وواحد من اخوانه او نسابته يتشاركوا ويبنوا القطعة دي وبتسكنهم مرتاحين لو اداروا الامر بطريقة صحيحة
لو هم 3 مثلا وقرروا يبنوا 3 طوابق
كل زول يشيل طابق والطابق ممكن يكون فيه شقتين او 4 شقق وبكدا يكون وسكن عياله
او يبنو 6 طوابق وكل زول طابقين ..
او يبنوا اربعة ابراج في ال 500 متر وكل زول يسكن في برجو
اتمنى اكون وصلته الفكرة ...
البناء الجماعي يخفض التكلفة بنسبة 50 % تقريبا
يعني يا عبد الله لو اخوك عندو قطعة زي حقتك دي ممكن تتباع ويتم استخدام سعرها في تغطية البناء
وكل زول فيكم يوفر قروشو ويشتري شهادات شهامة دي او يعمل بيها اي مشروع
تحياتي
| |
|
|
|
|
|
|
|
|
|
Re: ونسة مع المغتربين حول بيت العمر (Re: الامين موسى البشاري)
|
شكرا الامين على المداخلة القيمة
كلامك صحيح لكن فى اعتبارات بتخلى الناس يتفادوا المشاركة فى الحاجات دى وخاصة مسالة النزاع على الملكية
ولذلك يحبذ كل انسان ان يستقل بنفسه فى السكن حتى اخوك ما من الساهل تتشارك معاه فى البناء لانو ملكية الارض
مشكلة ولو جو الاولاد مستقبلا برأى مختلف برضو مشكلة .
المساحة الكبيرة جميلة لانو انا زول ضهارى لازمنى كم شجرة فى البيت وشوية خضرة كمان اضافة لمساحة للعب
الاطفال ونطيطهم . النية انو اؤسس لعدة طوابق لكن ابنى قدر البسكننى واعمل نايم .
ولك كل التقدير
| |
|
|
|
|
|
|
|
|
|
Re: ونسة مع المغتربين حول بيت العمر (Re: Abdalla Hussein)
|
الامين البشاري اتفق مع جميع ما ذكرته وكل الذكرته هو رأيي من زمان في النواحي المذكورة
ولكن اختلف معاك ومع استاذك في حته الاوضتين خلف خلاف ... ياخ دي حاجة مريحة جدا وتلبي المتطلبات الاجتماعية والبيئية لانسان السودان البسيط بصورة ممتازة
فصل منطقة الرجال عن النساء والبرندات دي مطلوبة جدا لتوفير الظل في مكان شبه مفتوح والبرندات ذاتها بتبرد حوائط الغرف
| |
|
|
|
|
|
|
|
|
|
Re: ونسة مع المغتربين حول بيت العمر (Re: Abdalla Hussein)
|
Quote:
شكرا الامين على المداخلة القيمة
كلامك صحيح لكن فى اعتبارات بتخلى الناس يتفادوا المشاركة فى الحاجات دى وخاصة مسالة النزاع على الملكية
ولذلك يحبذ كل انسان ان يستقل بنفسه فى السكن حتى اخوك ما من الساهل تتشارك معاه فى البناء لانو ملكية الارض مشكلة ولو جو الاولاد مستقبلا برأى مختلف برضو مشكلة .
|
سلام يا عبد الله
زمان كان في مشكلة في التشريعات فيما يخص الاراضي والعقارات
الآن اعتقد الحكاية دي خلصت ... حيث بامكانك تملك شقة في عمارة عادي
بالنسبة للاولاد اي زول مسكو عقد شقته في يدو
اتعايشو اهلا وسهلا ...
ما اتعايشو اي زول يقفل باب شقتو ويعمل نايم
| |
|
|
|
|
|
|
|
|
|
Re: ونسة مع المغتربين حول بيت العمر (Re: Abdalla Hussein)
|
الأخ أيمن
موضوع الونسة احد الهموم الكبيرة للكل سواء مغتربين او مقيمين في السودان، لكن اعتقد ان تحليلك اغفل جانب مهم جدا وهو العامل النفسي واعتقد ان إتجاه المغترب لامتلاك بيت بمواصفات استثمارية لا يخضع كثيراً لحساب عائد تكاليف بقدر ما يشبع حالة نفسية آنية ومستقبلية في دواخل المغترب وبصبح البيت هو في حد ذاته عائد وانجاز قايم يغسل كثير من وجع الغربة وبتلبي متطلبات ثقافة سودانية سائدة البيت اول اولوياتها.
غير كدة بعض الامثلة التي ذكرها صبري في هذا البوست بتدلل على ان هذا الإستثمار قادر على ضمان الحد الأدنى من الآمان المادي ويعتمد عليه في مواجهة متطلبات الحياة ودا ياهو الجارين ليهو الناس وبالنسبة لمغترب مخطط يردع ما بكون داير اكتر من كدة.
| |
|
|
|
|
|
|
|
|
|
Re: ونسة مع المغتربين حول بيت العمر (Re: محمد عيسي محمد)
|
شكرا أخ أيمن
بيت العمر موضوع مهم ودا المكان الـ بنزل الواحد من المطار يمشي ليهو شايل مفاتيحه في جيبه والأولاد بيقولوا دا بيتنا
هناك تجارب مختلفة من أميزها تجربة أخونا ناذر محمد الخليفـة وهو زول رائد في البناء بنظام ثري دي بانيل
وطبعا ناذر عنده تجارب عميقة من بينها بناء بيت المهندس بكري أبو بكر صاحب الحوش شخصيا من خلال هذه التقنية
ليكم التحية
أحمد الشايقي
| |
|
|
|
|
|
|
|
|
|
Re: ونسة مع المغتربين حول بيت العمر (Re: أحمد الشايقي)
|
موضوع جميل أثار نقاط كتيرة اكيد الناس حتشتفيد منها
أتفق مع الباشمهندس أيمن في أغلب النقاط الذكرا بالذات في موضوع الشقق بغرض الايجار
الملحقة بالبيت فهي غير مجدية ماديا" ومتعبة في المتابعة والصيانة وأهم شئ تعتمد على المقدرة
المالية ومكان العقار بصورة كبيرة.
حسب رأيي شايف مفروض الناس تتقسم مجموعتين :
مجموعة عندها اراضي غير مبنية ومجموعة لسه ما إشترت الأرض
فلو عندك قطعة أرض ممكن بطريقة سهلة تشوف متوسط الأيجار في المنطقة وفي طلب على الايجار ولا لا
وبي حسابات بسيطة ممكن تقدر تاخد فكرة عن هل ايجار الشقق مجدي ام لا فلا يتساوى من يملك قطعة ارض
في حتة عليها طلب وحته تانية مع انو تقريبا" نفس مصاريف البناء.
أما الناس الما عندها قطعة أرض مقدرتم المالية مهمة شدييد لو كان عاوز يستثمر في العقار وزي ما قال أيمن لو
عاوز تبني عمارة فيها ستة شقق وعليها طلب عالي في الايجار اكيد سعر الارض في المنطقة بكون عالي شديد
وقد تحتاج لي قروش قريب المليون الدولار شان تتحصل شهريا على 3 الف دولار غير العقبات التانية فاعتقد انو
غير مجدي واكيد في ناس كتيرة مشى معاها الموضوع كويس لكن على اقل تقدير ممكن نقول فيهو مخاطرة
| |
|
|
|
|
|
|
|
|
|
Re: ونسة مع المغتربين حول بيت العمر (Re: عثمان الأمام)
|
Quote: فلو عندك قطعة أرض ممكن بطريقة سهلة تشوف متوسط الأيجار في المنطقة وفي طلب على الايجار ولا لا
وبي حسابات بسيطة ممكن تقدر تاخد فكرة عن هل ايجار الشقق مجدي ام لا فلا يتساوى من يملك قطعة ارض
في حتة عليها طلب وحته تانية مع انو تقريبا" نفس مصاريف البناء.
|
| |
|
|
|
|
|
|
|
|
|
Re: ونسة مع المغتربين حول بيت العمر (Re: ناذر محمد الخليفة)
|
ايمن مساء الخير عليك والمتداخلين
طبعا انت هبشته بيت القصيد فى زمن الطرد بالبارد وترحيل الاسره على اقل تقدير
واكيد مشكلة البيت من الاشياء المرهقه للاسره اذا لم تمتلك حتى الان وهناك مثل يشتهر
به اخواننا السودانيين وهو انهم يفكرون فى لحظه الحوجه ثم يتناسون حتى تقع الفاس فى
الراس ويعود المغترب ويتجهجه فى اى مكان ليستقر واكيد بيت الاسره لا يحتمل اكثر
من المولودون فيه وينحشر المغترب فى مشاكل الايجار وصعب المعيشه وربنا يسهل للجميع
راودتتنا فى شركة دلائل وقلنا نفيد ونستفيد ونتمنى ان يكتمل العقد الذى هو الان على وشك
النهايه وهو البناء السريع الرخيص باخر تقنيه فى العالم وهى ال 3dp وكما ذكر اخونا احمد الشايقى
ان منزل الاستاذ بكرى ابو بكر قد نفذ بهذه التقنيه وان اخونا ناذر خليفه يبنى به الان فى السعوديه
فى منطقة القصيم وباذن الله سوف تعرض هذه التقنيه للمغتربين فى مقبل الايام وربنا يوفق الجميع .
تحياتى
سيد سيدنا
| |
|
|
|
|
|
|
|
|
|
Re: ونسة مع المغتربين حول بيت العمر (Re: سيد محمد احمد سيدنا)
|
سلام للجميع..
بالتأكيد هموم البناء فى السودان تسبب وجع الدماغ.. وهى تحتاج رأسمال كبير وزمن طويل يقارب زمن فناء المغترب وهو غافل ..
إذا كان البناء من الصفربالريموت يسبب هذا الإرهاق المالى والذهنى الذى لا يعرف له مدى زمنى ؛ ألايمكن أن يتشارك المغتربون فى شراء شقق فى بلاد غربتهم ويؤجرونها فتكون نقاطة مستقرة للشركاء ؟ وذلك لأن المعاملات فى بلاد الغربة أكثر نظاماً وشفافية ؟ ..
هذا خاطر خطر لى وقلت يمكن يكون مفيد..
| |
|
|
|
|
|
|
|
|
|
Re: ونسة مع المغتربين حول بيت العمر (Re: Munir)
|
تحياتي منير, فكرة التشارك هي الحل الأسلم مقروءة مع حديث سيدنا و أحمد الشايقي عن تقنيات البناء الرخيص
لكن مع تعديل بسيط ان يكون التشارك في السودان, بمعنى يتشارك حتى لو عشرة مغتربين تكلفة شراء قطعة أرض وبناء بناية من عشرة أو عشرين شقة
أو نماذج اخرى مثل بناء الفلل الصغيرة المتلاصقة, قطعة الأرض الكبيرة نسبيا 600 م وأكثر ممكن تبني ثلاثة أو اربعة فلل كل واحدة بدروم وأرضي وابق أول أو حتى طابقين, الفلل مستقلة بخدمات مشتركة كخزّان ماء ارضي كبير واحد وبئر سايفون واحد و ربّما حديقة أو سطح مشترك للمناسبات مثلا
الحلول و التصاميم كثيرة و المجال واسع بس الناس تتقبل فكرة المشاركة التي ستسهم في تقليل التكلفة و تضمن الحصول على ملكية مستقلة في نفس الوقت
| |
|
|
|
|
|
|
|
|
|
Re: ونسة مع المغتربين حول بيت العمر (Re: محمد البشرى الخضر)
|
المكسب النفسي لاقتناء منزل افضل من اي مكسب مادي
بنيت بيت خلال عشرة سنوات باعمدة مؤسس لاربعة طوابق شوية شوية قدر قدرتي حتى اكتمل الطابق الارضي بحمد الله
يتكون من شقتنين مؤجر للطلاب مع وجود اولادي الطلاب حتى تخرجوا من الجامعات
والباقي لي واحد سنة واتخرج
وكنت مرتاح لسكن اولادي مع الايجار لمصاريفهم
.
.
العقار ابن بار
والعمار والموأى اصلو مافيهو ندم
ما تحسبوها بعائد الاستثمار بل اصتحبوا معكم عوامل اخرى ذات قيمة اكبر من عائد الاستثمار
تحياتي لراعي البوست وضيوفه
| |
|
|
|
|
|
|
|
|
|
Re: ونسة مع المغتربين حول بيت العمر (Re: محمد البشرى الخضر)
|
مرحبتين محمدالبشرى .. كلامك طبعاً عقلانى ومنطقى وهو الشئ المثالى .. العقبة الأساسية هى التوجس وإنعدام الثقة بين الناس والمتابعة بالريموت فى تلك البلد الفوضى .. أما فى الغربة فالنظام محكم والأمور بتكون قدام عينك .. ثم أنى قلت شراء شقق جاهزة يعنى تتخطى وجع دماغ البناء فى البلد بينما الزول مايكون عارف نفسه راجع متين .. وبرضو إذا الزول تحصل على عائد إيجار ولو قليل بالعملة الخارجية أخير من منازعة تحصيله فى الداخل من مستأجرين مماطلين ..
طبعاً السعودية كان ممكن تكون أفضل مكان لمثل هذا الرأى.. لكين أبوحراز أحبطنى ..
أما قصة البناء الرخيص فأنا كنت معوِّل على الأخ ناذر الخليفة يعمل ثورة فى نمط البناء فى السودان لكين الظاهر نظام الـ3D بتاعه ما أقنع الناس العايزة تؤسس لـ ٥ طوابق ويخلوها على الله .. :) ..
| |
|
|
|
|
|
|
|
|
|
Re: ونسة مع المغتربين حول بيت العمر (Re: Munir)
|
تحياتي صاحب البوست وضيوفه
الفقرة الاولى من مداخلة البوش الاخيرة مهمة جدا
Quote:
المكسب النفسي لاقتناء منزل افضل من اي مكسب مادي
|
واضيف عليها ..
واهم من ظن أن البناء في أي مكان وخاصة في السودان خسارة
وفي السودان بالذات لا يمكن قياس المكاسب بسعر التكلفة التاريخي والعائد الشهري الحالي
بل يجب اضافة القيمة المستقبلية المضطرده للمبنى وفقا لقوى السوق بالاضافة للقيمة الاجتماعية والنفسية
وأضرب مثال باسعار مواد البناء عند البناء وعند الايجار، فعندما بدأت مثلا ببناء بيتي قبل حوالي 6 سنوات
كان سعر طن الاسمنت 400ج ،صرفت عليه 250 طنا على ثلاثة طوابق شطبتها 6 شقق قبل 4 سنوات .
مقارنة ايجارها الان بقيمة المبنى السوقي قد تكون ضعيفة ، لأن القيمة السوقية غير حقيقية
ولكن عند مقارنتة بالقيمة الدفترية أو المستقبلية يتضح أنه مكسب لا يقارن بأي أداة مالية أخرى
| |
|
|
|
|
|
|
|
|
|
Re: ونسة مع المغتربين حول بيت العمر (Re: البشير دفع الله)
|
الحبيب المهندس ايمن محمود
وضيوفه الكرام
طاب يومكم بكل خير
حقيقة ونسة حلوة تعبر عن هموم وتفكير كل رب أسرة حمل عصاه وغادر أرض آبائه يبحث عن فرص أفضل للعيش
وفي تخطيطه أن يعود يوما حاملا معه ما يعينه علي بناء بيت يأويه هو واسرته ..
في الحقيقة وبمعطيات الزمن الحاضر
نجد أننا كسودانيين مغتربين نفتقر كثيرا لآليات التخطيط السليم لقضاء حياة طبيعية من بداية الاغتراب حتى نهايته
سواء كان النهاية فجائية بأي سبب من الأسباب أو كانت النهاية اختيارية كالعودة الطوعية لأرض الوطن
أشير هنا الي أن العمر محدود ( وربنا طول عمر الجميع في الخير والصلاح )
ولكن كنا نريد أن تغترب ونعمل ونجمع المال .. ونعيش في الغربة متجدعين نحن وأولادنا وعايزين نبني بيت كويس في السودان
وكمان فيه طوابق عشان نأجر الشقق الفوق ونسكن تحت
من وين نجيب عمر عشان نعمل دا كلو ..
خاصة وأنو في السودان عشان تبني ليك حوش ساكت بالطوب والمونة العادية عايز ليك اغتراب لمدة عشرة سنوات ..
المهم
أنا شخصيا لي الأن في الاغتراب ثلاثون عاما ...
كنت محظوظ أنني اشتريت قطعة أرض تجارية ناصية علي شارع ظلط مساحتها 600 متر مربع
وكنت قبلها مشتري لي كم قطعة كدة في اماكن اخري متفرقة أقل سعرا
وكنت قد بدأت في بداية الالفية الثانية في استثمار مبلغ مقدر في البنوك السودانية بالعملة المحلية ..
وبدات في التخطيط لبناء مشروع تجاري بحت يدر علي مبلغ مقدر شهريا
وبدت ذلك في العام 2005م
بعد أن بعت كل القطع الجانبية التي أملكها واستخدام المبالغ المستثمرة ..
لا حظو من 2005 الي الان 2017 انا فقط اكملت الطابق الأول والثاني
الطابق الاول عبارة عن محلات تجارية وشقة أرضية
الطابق الثاني عبارة عن 4 شقق مختلفة الاحجام
اثرت طريقة الشقق المفروشة في الأيجار
المبني الان يدر حوالي 30 الف جنيه سهريا
يغطي مصاريف بنتين تدرسان الطب في الخرطوم ساكنات في داخليات وحدة تدرس مجانا والأخرى قبول خاص ..
باقي الايراد الشهري ينصرف في مواصلة البناء بطريقة سلحفائية طبعا و في الصيانة والضرائب والعوائد
الفكرة اراها جيدة لكن لابد من امكانيات كبيرة في البداية وأن تكون مواصلا عملك في الغربة بدون انقطاع
ولكن أذا حدث أي طاري فستكون مواجها بمشاكل عدم انتها ء البناء ووجود أبناء آخرين في المراحل الدراسية المختلفة
غايتو
الحكاية يا ايمين ياعزيزي عايزة ليها شوية مباصرة .. بل مباصرة مباصرة
أسال الله أن يوفق جميع المغتربين .. وأن يجمعهم الي وطنهم سريعا سالمين غانمين
نعيش في غربة ممتدة
لا ندري متى نعود
المسئوليات تكبر عام بعد عام
والاسعار تزيد .. وما كنت تستطيع عمله اليوم لا تستطيع عمله غدا
وشكرا ...
| |
|
|
|
|
|
|
| |
أيمن محمود
Fatima Alhaj
محمد البشرى الخضر
الحاج حمد الحاج
Al Sunda
أشرف الرحال
kamal omer
ابوحراز
ياسر السر
فؤاد إبراهيم
معاوية محمد الحسن
ودقاسم
البشير دفع الله
محمد حيدر المشرف
سفيان عثمان قرضيه
الامين موسى البشاري
ناذر محمد الخليفة
سيد محمد احمد سيدنا
Munir
عبدالله ود البوش
عمر التاج
جمال عبد الناصر محمد
فيس بوك
تويتر
انستقرام
يوتيوب
بنتيريست