الشباب السوداني بالتنسيق مع القوى السياسية السودانية بولاية كولارادو يدعون لوقفة يوم الأحد ٤ ديسمبر
أرقام قياسية سودانية: مرشحة لموسوعة جينيس العالمية Guinness World Records!
التفكير الاستراتيجي و التفكير الآني - بين العصيان المدني و المقاطعة الجزئية آراء و مقارنات
الوقفة الاحتجاجية الكبرى بفلادلفيا لدعم العصيان المدنى فى السودان
سقف العصيان ، زوال النظام ..هكذا يقول فقه الثورات !
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-03-2016, 11:54 PM الصفحة الرئيسية

المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

ونسة التكاسة والحلاقين

08-16-2016, 04:53 PM

درديري كباشي
<aدرديري كباشي
تاريخ التسجيل: 01-08-2013
مجموع المشاركات: 4190

للتواصل معنا

FaceBook
تويتر Twitter
YouTube

كيف احذف مداخلة من بوستى
ونسة التكاسة والحلاقين

    05:53 PM August, 16 2016

    سودانيز اون لاين
    درديري كباشي-
    مكتبتى
    رابط مختصر

    ونسة التكاسة والحلاقين
    معروف أكثر اصحاب مهن وناسين هم سائقي التاكسي والحلاقين .. لا أدري السر في ذلك .. ربما هو واجب أفترضوه على أنفسهم لجذب الزبائن أو شعورهم أن الزمن الذي يقضيه معهم الزبون طويل وممل ولا فائدة ترجى من غير التوصيل أو قص الشعر . أولا الحلاق تسلمه رأسك وتقعد خاضع ذليل لمدة ربما تصل لساعة كاملة .. لا عندك فرصة تشاهد التلفزيون ولا تقلب الجوال لأنه أصلا يكون غطى يديك بالفوطة البيضاء .. فلحظة الملل والفراغ هذه يحاول يعبيها هو بالونسة والحكي . أولا يبدأ يقلب فيك مثل موجة الرادي ليعرف هواك هل أنت بتاع كورة ولا مسلسلات ولا سياسة ولا معايش تهمك الأسعار وغلاء المعيشة وغيره .
    عندما يبتدرك الحلاق بعد ما يربط الفوطة ويبخك بالماء الذي يجعلك تشهق متفاجئا رغم أنك متوقعها وشايف البخاخة في يدو يمد لك السؤال الفخ وهو :
    ( أها الليلة حا تعملوا شنو ؟)
    هذا السؤال المركب والمفخخ معناه أنه الليلة في هلال مريخ ستلعب في المساء .. وأنه هو عاوز يعرف هل أنت هلالابي ولا مريخابي .. لو قلت له الليلة الرشاشات ديل كان ما خليناهم يفهموا حاجة حا يعرف أنك مريخابي .. ويقف لصفك على طول حتى لا يخسرك كزبون وتغور المبادئ في ستين داهية ويبدأ يرص لك تاريخ المريخ من زمن ناس بشرى وهبة و عبد الوهاب الصادق وسليمان عبد القادر ومش عارف مين .. وكل مرة يقول يا سلام ياخ إذانا بإنتهاء حقبة ويبدأ في حقبة جديدة .. ناس عبدو الشيخ وناس مش عارف مين . لامن يصل ناس أبراهومة وخالد أحمد المصطفى يكون وصل مرحلة القطعية خلاص ينفض جسمك من الشعر تخرج من عنده دايخ ولا في فرصة تعاين في المراية لتشوف حجم الزعمطة والدمار الذي ألحقه برأسك أو حتى قول حلاقة سمحة غير مهم المهم تتخارج وتمشي. أها ولو قلت له الليلة الدلاقين ديل كان ما قطعناه معاهم ناشف عشان يعرفوا مين أسياد البلد دي . كدا حا يعرفك هلالابي ويدور لك من زمن ناس جكسا وقاقرين وكأس الدهب ونميري . ويكرك لغاية ما يصل مرحلة ناس تنقا وطارق .. بعد يصل مرحلة ناس هيثم مصطفى يكون وصل مرحلة القطعية يطلع الفوطة و ينفض جسمك من الشعر الطائر ويقول لك نعيما .أها تتخارج بنفس الدوخة .
    لكن الحق يقال أن الحلاقين في حالهم ما عندهم غير ونستهم التي ينتزع استماعك لها انتزاعا .. لكن ما عنده شغلة أنت رتبتك شنو ولا وظيفتك شنو ولا ممكن تنفعوا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

08-16-2016, 04:53 PM

درديري كباشي
<aدرديري كباشي
تاريخ التسجيل: 01-08-2013
مجموع المشاركات: 4190

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ونسة التكاسة والحلاقين (Re: درديري كباشي)

    في شنو غير دفع حق الحلاقة .. ومعهم الحق لأنه الحلاق لو بدأ يسأل في الزبون وطلع ضابط شرطة ولا أمن .. أكيد راح يرتبك وما يعرف يركز ويمكن يجرحه ويقع في ورطة . أحسن حاجة هي سياستهم هذه وهي يعامل الزبون كرأس مليان شعر عليه أن يهذبه ويقبض الثمن بغض النظر عن هوية أو عن الذي يحويه هذا الرأس .
    كذلك بتاعين التاكسي عندهم نفس الصفة وهي تونيس الزبون حتى يصل .. ومرة ركبت مع واحد بتاع تاكسي معلق علم الهلال وفي يوم مباراة الهلال مع الأهلي المصري .أنا جايي من كسلا الساعة ثلاثة ظهرا والشمس حارة ومصدع من رجة البص .. غلطتي حاولت اتملغه قلت يمكن يخفض ثمن المشوار وانا رايح مشوار طويل من السوق الشعبي لشمبات ( تعرف أنا أخترتك عشان انت معلق علم الهلال ) وعلى قول عادل أمام بس هي العبارة الوحيدة الأنا قلتها وعينك ما تشوف الا النور هذا الرجل لم يسكت عن تاريخ الهلال من زمن أسود وابيض .. ولمن وصلت البيت حلف ما يعمل الخصم المرجو منه . وندمت لولا الصداع كان خصمت منه حق الاستماع على الأقل .. لكن نزلت أحمل شنطتي في أسرع فرصة و اتخارجت منه .
    لكن في ذات المشوار وفي مرة مختلفة ركبت مع بتاع تاكسي يختلف عن الكل وحكايته مختلفة تماما هي تجربة يعتبر كل ما ذكر سابقا مقدمة لها . قصته رومانسية لكنها ( معشكبة شوية ) ..
    في البداية شكله كان شابا له شعر طويل ممشط على طريقة بوب مارلي .
    من أول المشوار مشغل شريطا لحمد الريح ظاهر جديد وقتها .
    بالذات أغنية ( شال هم فرقتك قلبي )
    كل ما تخلص الأغنية أعاد تشغيلها .
    وهو يغني معه بطرب وانفعال تحس أن الأغنية تمس جرحا في قلبه .
    في بداية المشوار ما كان شغال بي وأنا كذلك .. وخاصة صداع السفر المعتاد كان ينقح علي في رأسي .
    لكن لاحظت له لم يمشي بالدرب المعهود للمشوار .أنما توغل في شوارع داخلية بحي الخرطوم أتنين الشهير ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

08-16-2016, 04:54 PM

درديري كباشي
<aدرديري كباشي
تاريخ التسجيل: 01-08-2013
مجموع المشاركات: 4190

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ونسة التكاسة والحلاقين (Re: درديري كباشي)

    وصلنا قرب بقالة وقف السيارة وقال عن إذنك يا كابتن ممكن تسمح لي بخمسة دقائق .
    قلت له :أتفضل ,, أفتكرت راح يشتري سجائر من البقالة أو أي شئ آخر .. لكن لاحظت قدام البقالة كانت تقف بنت شابة فارعة الطول متبلمة بالتوب السوداني تغطي وجهها عدا عينيها .
    وقف معها مدة ليست هينة ربما عدت العشرة دقائق .
    بعد شوية عاد واعتذر على التأخير ... قلت لابأس خلنا نمشي بس .
    لكن بعد عودته كان أكثر انفعالا مع الأغنية ولازال يعيد تشغيلها . ويتأوه بصوت عالي .. الظاهر ليحسسني بأنه مغرم ومتيم أو ربما ليزيد فضولي واسأله .. لكن أنا تبالدت معه أكثر من الازم لم أتأثر بكل هذه الحركات .ربما الصداع اخمد حاسة الفضول عندي .
    وعندها لم يجد بد من إقحامي عنوة في همه ..تطوع هو قائلا .
    - عايز آخد رأيك يا أبو الشباب .
    - تفضل .
    - شفت البت الأنا وقفت معاها قبل شوية دي .؟
    - أيوة شفتها .
    - بحبها شديد ياخ وهي كمان تحبني .
    - طيب ما تتزوجها ياخ .
    - كنت عاوز أتزوجها لكن أهلي ما وقفوا معاي ياخ ورفضوا .
    - طيب حاول أقنعهم أو هددهم بأنك ما راح تتزوج غيرها أي ضغط قوي منك يمكن يوافقوا .
    - لكن ما ينفع بعد كدا.
    - ليه ما ينفع ؟
    - لانها هي خلاص أتزوجت .
    - يا راجل ؟ وطيب أنت عاوز منها شنو؟ .
    - ياخ اهلها جبروها وزوجوها لراجل غني أكبر من أبوها .. لكن هي حا تطلق منه ونتزوجني .
    - طيب أنت كيف تضمن أنه أهلك يوافقوا بعد ما تتطلق ..أنت تقول هي لامن كانت بكر ما وافقوا بيها حا يوافقوا وهي مطلقة ؟
    - تفتكر كدا .
    - أنا ما جبت حاجة من عندي دا من كلامك أنت .
    - طيب أنت تفتكر الرأي شنو .
    - أنا رأيي أنك تبعد من حياتها خالص ولا تظهر لها في أي مكان .. ياخ أديها فرصة تعيش حياتها ويمكن تلاقي في زوجها شئ يخليها تقبله ..أما أنت راح تخرب حياتها وما راح تلم فيك وحتى لو تزوجتها بعد طلاقها غصبا عن أهلك راح تعيشوا في عزلة وجحيم تدفع ثمنه هي المسكينة .ثم أنت حتكون علمتها شئ جديد يمكن تلاقي شاب آخر تحبه أكثر منك وتكرر نفس التجربة معاك يعني تطلق منك وتروح له ما المانع طالما في سابقة ....أنا رأيي أنك تسيبها في حالها وتبحث عن عدلك زي ما بيقول أهلنا في مكان تاني .
    صمت هذه المرة ونظر الي بغيظ . وساق السيارة بعد أن أخرس صوت المسجل وبدأ يخبط الدركسون بيده في كل مرة ويرمقني بنظرته الغاضبة. يبدو أنه دخل في صراع عنيف مع نفسه .
    أنا على الأقل أرتحت من صوت المسجل ومن ونسته حتى باقي المشوار .
    الحمد لله وصلت دون ما يقلب بي السيارة في كبري النيل الأزرق أو الحمد لله كبري النيل الآزرق فيه درابزين حديد والا كان فعلها .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

08-16-2016, 05:00 PM

Mohd Ibrahim
<aMohd Ibrahim
تاريخ التسجيل: 01-19-2004
مجموع المشاركات: 1378

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ونسة التكاسة والحلاقين (Re: درديري كباشي)

    عملية ماانسانية .....خت نفسك محل السمكة ح تقول شنو
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

08-17-2016, 05:10 AM

درديري كباشي
<aدرديري كباشي
تاريخ التسجيل: 01-08-2013
مجموع المشاركات: 4190

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ونسة التكاسة والحلاقين (Re: Mohd Ibrahim)

    Quote: عملية ماانسانية .....خت نفسك محل السمكة ح تقول شنو


    سلام يا محمد ابراهيم

    صراحة ما فهمت حاجة من مداخلتك

    من أمس أقلب فيها
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de