|
دعواتكم لزميلنا المفكر د.الباقر العفيف بالشفاء العاجل
|
|
 Re: وسط اهتمام اسفيري غير مسبوق.. الخرطوم تشهد (Re: زهير عثمان حمد)
|
المشكلة وين يا ابوالزوز؟
زول مسلم تزوج بمسلمة ,, فيها حاجة دى.
الفيصل هو توجيه الرسول صلوات الله عليه وسلامه
{إذا جاءكم من ترضون خلقه ودينه فزَوِّجوه}
بعدين ما تراهو السودانيين ديل بتزوجوا من البنات فى القبل
الاربعة فى زول قال ليهم حاجة؟
اقولها تانى : المرأة السودانية نِعمة ,, ويجب عليه شكر المنعم.
والإستثناء لايقاس عليه لأنه قليل.
| |
 
|
|
|
|
|
|
|
|
Re: وسط اهتمام اسفيري غير مسبوق.. الخرطوم تشهد (Re: وضاحة)
|
Quote: زيك يا مك
ليش ايش بي الاماراتى ؟ |
إنتى كده ياملكة بتأكدى رأيى فى المرأة السودانية وهذه ميزة من ميزاتها
تجلَّت فيك ,, وهى الإخلاص لمن تعاشر ,, فها انت عاشرتِ الخليحيين
واظنك حاصلة على جنسية احدى دولها ,, فلم تهن عليك العشرة فجئت
لتنافحى عنهم وتبرزى فضائلهم وهذا الصنيع لأنك سودانية.
بعدين انا ماعندى مآخذ على الاماراتيين بس شايف بنتنا غالية
وهو المفروض يكون فرحان اكتر منها ,,
| |
|
|
|
|
|
|
|
|
|
Re: وسط اهتمام اسفيري غير مسبوق.. الخرطوم تشهد (Re: وضاحة)
|
يا مك
وليه مستغربين زواج اماراتي من سودانية
والجامع بينهم كبيير
اللغة والدين وكثير من عادات المجتمع وثقافتو متقاربة
وفي رجال سودانيين كثيرين اتزوجو من خواجيات
رغم فرق اللغة والثقافة والمجتمع ويمكن الدين
والناس ما بتستغرب
هل لانو رجل وليهو حق الاختيار حتى ولو كان بعيد عن ثقافتنا وعاداتنا
ويا عبد العزيز السودانية كزوجة مميزة جداً
فهي ملتزمة ووفية وتحفظ وتحافط على زوجها واسرته ونفسها
وتحترم وتقدر الزوج واسرته
وتحفظ العشرة
هي زوجة مثالية بكل المقاييس
وفعلاً سعيد ومحظوظ البتزوجه
| |
|
|
|
|
|
|
|
|
|
Re: وسط اهتمام اسفيري غير مسبوق.. الخرطوم تشهد (Re: وضاحة)
|
عزيزي ... زهير والاحباب المشاركين - سلام واحترام ...
هذا العرس يطرح سؤال واجب وهو هل يمكن لرجل سوداني مثقف ومقتدر ان تقبله اسرة اماراتية او خلينا
نقول خليجية بصفة عامة، اذا تقدم يطلب يد واحدة من فتياتهم ...؟
اطرح هذا السؤال وفي الذاكرة قصة احد الاصدقاء صادق وخاوى في الله اخ خليجي زار السودان بدعوة من الزول ، عدة مرات،
واقسمت الاسرة السودانية على صديق ولدهم ان لا يسكن في فندق بل هيأوا له سكن مريح وشرعي في بيتهم ، وكان ممشاهم للدعوة
متلازمين ولم يفترقوا في الصلوات الخمسة، ومطعمهم ومشربهم سويا، وفراقهم فقط عند منامهم... توثقت
هذه العلاقة فاصبحوا كالتؤم السيامي.
لكن الصدمة ويا لهول الصدمة ؛ عندما اراد الزول السوداني القرب اكثر من عائلة صديقه وتقدم بطلب القرب
منهم وطلب يد واحدة من اخواته ، عندها ووجه الزول السوداني باستنكار وتقريع وتحذير من ان يعود لمثل هذا الطلب
مرة اخرى...؟!!!
وسؤال اخر هل الثروة هي التي ينظر من خلالها الخليجي لكل سوداني مهما اكتسب من العلم والمعرفة ، ام استعلاء النسب ..؟
وهل المرأة السودانية في نظر الرجل الخليجي هي سلعة للمتعة والتلذذ، ..؟
أنا لا اعمم لكن مثل الزول السوداني مع صديقه الخليجي هناك غيره الكثير، كما اعرف سودانية تزوجها خليجي، كانت تعامل
كخدامة حتى بعد ان انجبت ابنا... وبعد ان ضاق بها الحال رجعت لقريتها بولاية الجزيرة تاركة الجمل بما حمل ....!!!!
تحياتي
| |
|
|
|
|
|
|
| |
زهير عثمان حمد
عبدالعزيز الفاضلابى
وضاحة
حمد إبراهيم محمد
فيس بوك
تويتر
انستقرام
يوتيوب
بنتيريست