|
دعواتكم لزميلنا المفكر د.الباقر العفيف بالشفاء العاجل
|
|
 Re: وداعا أصدقائي (Re: زهير عثمان حمد)
|
لا يا أبوالزوز ما تزعل يا أخوي أي زول في وسط إجتماعي قد يتعرض للظلم أو فاحش القول لكنك صنعت مكاناً متميزاً لك في خارطة سودانيزأونلاين وثغرتك لا يسدها أحد أرجوك أبقى معنا ولنا
| |
 
|
|
|
|
|
|
|
|
Re: وداعا أصدقائي (Re: عبد الصمد محمد)
|
الكلام دا عيب منك يا زهير
وخسارة أن تغادر المنبر بهذه الكلمات التي لا تليق بك
قبل أن تكون غير لائقة بحق زميل لنا يحظى بتقدير الناس هنا
أرجو أن تعتذر عن ما كتبته وتسحب البوست
كما أرجو من صاحب المنبر أن يقوم بسحب البوست في حال لم يقم صاحبه بذلك
| |
|
|
|
|
|
|
|
|
|
Re: وداعا أصدقائي (Re: معاوية الزبير)
|
الأخ زهير
رغم عدم معرفتي بما حدث و من تقصد من الزملاء الذي جعلك تتخذ هذا القرار المتعجل و لا أعرف ماذا قال و لكني أقول:
أنت من أكثر الأقلام التي لمسنا منها أدب جم و احترام للجميع. و كذلك قلمك من أكثر الأقلام التبي نقلت المفيد و ليس الغث و لا الخارج من القول.
لذلك خروجك سيكون خسارة كبيرة و هذا الوقت نحن أكثر ما نكون للأقلام المفيدة و المحترمة و المهذبة.
لذلك نطلب منك بكل صدق أن تسحب فكرة ابتعادك عن المنبر و أن تعلو على جراحك فوق جهل الجاهلينا و أن لا تلتفت للأقلام الهادمة.
أرجو ذلك و في انتظار مراجعتك العاجلة لها القرار الذي لا يشبهك أنت كذلك فأنت أكبر من تهتز لبعض عبارات أو كلمات.
| |
|
|
|
|
|
|
|
|
|
Re: وداعا أصدقائي (Re: محمد عبد الله الحسين)
|
أبو الزوز
ياخي أنت من الأقلام التي تحظى بحب عدد كبير من الزملاء هنا أنا واحد منهم.
حبنا لك لا يمنعنا أن نخالفك و هو ما يدفعنا في أحيان كثيرة لكتابة رأينا المخالف لك.
ما كتبته في هذا البوست محسوب عليك و عيب كبير منك أتمنى أن تراجع نفسك فيه و تقوم بمسحه و الإعتذار عنه.
| |
|
|
|
|
|
|
|
|
|
Re: وداعا أصدقائي (Re: معاوية الزبير)
|
السلام عليكم
أخوي زهير ...
تعرف يا ابو الزهور ، اكثر من مرة حاولت ارسل مثل رسالتك هذه واغادر الى مرافئ اخرى
لكن تحداني اصرارك على بث ما يبقى في الارض وينفع الناس.
فقلت في نفسي يعني ابو الزهور يتحداني ويبحر فاردا شراعيه رغم الظلمة والظلم وهوج الرياح المتوحشة - وكور الحداد -
عندها قبلت تحديك واستمريت اتاتي في جهد المقل عسى ان اتمسح في اكمام قفطانك الذهبي ويلفحني انهمال نبعك الفياض معرفة
تضيء عتمة الطريق.
معرفتي بك من خلال كتاباتك عندها كنت المتلقي فقط ... المرة الوحيدة لي كانت مداخلة عن خطأ وقع بشان كلام المولى عز وجل - القران الكريم
ظننت ان كاتبها ذاك الاشتر، لكنك تداركت الخطأ وكان التصحيح باضافة (لو) التي سقطت وغيرت معنى الفقرة تماما .
عندها زاد يقيني انك ناصع السريرة.
فلا تحرمنا من جهودك في بذل المعرفة التي تجمع شتاتنا في المنبر العام.
كل التقدير والاحترام ...
| |
|
|
|
|
|
|
|
|
|
Re: وداعا أصدقائي (Re: Arif Nashed)
|
يا زهير ارفض تماماً ما كتبته بحق زميل المنبر
تجدنى مع موقف الاخ معاوية فى الاعتذار و سحب البوست
و فى نفس الوقت تسوءنى مغادرتك للمنبر
| |
|
|
|
|
|
|
|
|
|
Re: وداعا أصدقائي (Re: د.محمد حسن)
|
أشكر الجميع علي هذه المشاعر ولكم مني كل الامتنان
وأظن أكثر من عشرة سنوات بالمنبر كفاية الفرصة الان للشباب علهم يقدمون الانفع
أحمد الله علي الهزيمة ومن منكم منتصر حتي علي أبسط طبائعه وسلوك اليومي
جلال
تمت ما وددت ولن أعود يا صديقي دنيانا صغيرة سوف نلتقي لو أمد الله في الاجل
مع تحياتي للكل
| |
|
|
|
|
|
|
|
 Re: وداعا أصدقائي (Re: د.محمد حسن)
|
تحياتي يا زهير
مسألة المطالبة بمصدر الخبر يا زهير مرتبطة بمدى مصداقية هذا الخبر
يعني مثلاً بوستات سقوط الدولار امام الجنيه السوداني هل تتمتع بأي مصداقية
سواء من الواقع او من سمعة كاتبها
القاريء يضع نسبة المصداقية لأي خبر حسب المصدر والكاتب وصدقه فيما يكتب
وانت لا يخفى عليك كل هذا
خبرك الجبتو مهم وكلام مترابط ومتوقع حدوثه وانا برضو هناك طالبتك بالمصدر
لا لشيء غير التيقن من صحة الخبر
ولا اجد داعياً للغضب او الزعل ومغادرة المنبر الذي يتابعك فيه الكثيرن وانت تعلم ذلك
مخاشنة العضو المعني لك في ذلك البوست مدانة من جانبي
ولكن ما خطه قلمك في هذا البوست والبوست المعني في حق ذلك الزميل
مدان بكل ما تحمله الكلمة من معنى ويستوجب الاعتذار عنه فما هكذا الاختلاف يا زهير
ارجو ان تلبي رغبتي وجميع الاعضاء العلقو قبلي بعدم المغادرة
تحياتي
| |
|
|
|
|
|
|
|
|
|
Re: وداعا أصدقائي (Re: Haytham Ghaly)
|
شكراً زهير على التعديل
و يظل العشم فيك أن تراجع البوست بأكمله فربما هي لحظة ضيق عابرة و تعود كما عهدناك بقدرتك على تحمل الرأي المخالف.
| |
|
|
|
|
|
|
|
|
|
Re: وداعا أصدقائي (Re: Hafiz Bashir)
|
شكراًيا زهير اخوى على التعديل و ياها المحرية فيك
الآن اسحب ادانتى و اتراجع عن المطالبة بسحب البوست
و تظل امنبتى فى عدم مغادرة المنبر كما هى
و ح نتلاقى ان شاء الله و قريب جدّاً كان ربنا مد فى الآجال
| |
|
|
|
|
|
|
|
|
|
Re: وداعا أصدقائي (Re: Ali Abdalla)
|
زهير ازييك
والله لو شفت بوستات تم زعمطة ريشي فيها لهانت لك قضيتك ولاعتبرتني
ولي من اولياء الله الصالحين
برغم أنني كنت محقا وصادقا
الان انا صديق حميم لكل من أعمل يده في زعمطة ريشي لانني اكتشفت ان قلوبهم صافية
وهي خلافات تلعب فيها العوطف الصادقة دورا سلبيا
لك المحبة
زابق معنا
| |
|
|
|
|
|
|
|
|
|
Re: وداعا أصدقائي (Re: Elmosley)
|
تحياتي زهير
وضيوفه
انت صحفي اولا
وعارف انو الصحافة مهنة المتاعب وجربتها هنا . ممكن تدخلك ابسجن لا ايدك لا كراعك
ف شنو
مثلك لا يترك مقعده لأحد
خليك ياخ
| |
|
|
|
|
|
|
|
|
|
Re: وداعا أصدقائي (Re: عبدالحفيظ ابوسن)
|
يبدو لي فاتني شي
ارجو من الصديق زهير
ان يقر في مكانه
ويعتذر لمن اساء له
فظني فيه طيبة القلب
اعتذر يا صاحب
لن يزيدك الاعتذار إلا طولا
ان سمعت رجاءات الاصدقاء او ركبت راسك ولا اظنك تخيب ظن الاخوان فيك
| |
|
|
|
|
|
|
|
|
 Re: وداعا أصدقائي (Re: محمد على طه الملك)
|
ابو الزوز يا زول يا جميل
وين فايت مروح
خليك موجود وصامد
وهل لازم نرضي الجميع
اكيد صعب
وبوستاتك ليها رواده وقراءها
وانت صحفي والصحفي ما برمي سلاحو ويهرب من الميدان وانت سلاحك قلمك وحرفك
فعشان خاطرنا خليك موجود
وكون الصمود ما تكون الزيف
تحياتى
| |
|
|
|
|
|
|
|
|
|
Re: وداعا أصدقائي (Re: محمد على طه الملك)
|
يهمنا امرك ياز هير
انت انسان نبيل مهموم بحال البلد
حتة عتاب ماتزعلك
البورض ده بعلمنا حاجات كثيرة
اقلها ان نتحمل ونجمل للحزن ممشى
ود المدير زول عنقالي طيبان ومابقدر يتحمل هذا القرار المحزن
خليك بالبورض
| |
|
|
|
|
|
|
|
|
|
Re: وداعا أصدقائي (Re: حيدر حسن ميرغني)
|
تحياتك لك ايها الطيب الجميل زهير اينما حللت وهطلت
الحقيقة وحدها تشهد خلافا بيني وبينك في الكثير من الافكار والافعال
غير اني احببتك بصدق عبر هذا الاثير .. وتمنيت ان أقرأ لك بدون توقف
بل وأن أكون في معية صدقك واحاسيك النبيلة اينما وكيفما كنت ..
وان استبدل كل خلافي معك حبا وقربى
| |
|
|
|
|
|
|
|
|
|
Re: وداعا أصدقائي (Re: MOHAMMED ELSHEIKH)
|
أخونا زهير ..
ماتبقى زول حساس زيادة عن اللزوم ..
وتتسرع في حكمكـ وفي قراراتكـ ..
وتفتكر انه النقد لما تكتب موجه لك شخصياً ..
أو به ما يمس شخصك من احترام وتقدير بنفوسنا ..
وأعتقد الاخوان الانتقدوا الخبر الخالي من المصدر ..
وانا منهم قطعاً لمن ننتقص من احترامكـ ..
أو تقديرك الشخصي بدواخلنا..
وحتى إن كنت زعلان من كلام اخونا المدير عن كثرة مشاركاتكـ ..
فده نقدر نعتبره مزاح بين الاخوان ..
ولا أعتقد معاوية المدير يقلل من شخصكـ أو يستهين بكـ ..
فدي حاجة . ودي حاجة تانية خالص .. فلا يختلط عليك الامر ..
والله انت زول حبيبنا وتقديرك واحترامك محفوظ بيننا ..
وتمنياتي بأن تبقى .. لأن الناس هنا كلهم أخوان وأحبه ..
فحتى إن تازعلنا واحتدينا قليلاً ..
حتماً ستجدنا باقين على المحبة والأخوه ..
فلتبقى يأخ ..
تقديري ...
| |
|
|
|
|
|
|
|
|
|
Re: وداعا أصدقائي (Re: عمر التاج)
|
زوزو
فايت مروح وين؟
باقي الجميل تمه أصلو العمر مرة
ونحن كم وقفنا معاك في الحلوة والمرة
---
يا اجمل الحلوين يا أحلى ياسمينا
ما لينا غيرك أهل إنت الأهل لينا
---
فايتني رايح وين..لسه الزمن بدري
خليك شوية عشاان جنبك بطول عمري
وأجبر بخاطري أنا وريح تعب عمري
عارف الولف كتال وأنا قلت ليك عذري
(فايتنا رايح وين؟)
اقراها باللحن بالله
| |
|
|
|
|
|
|
|
|
|
Re: وداعا أصدقائي (Re: Ahmed Yassin)
|
لمان شفت العنوان:
"وداعا أصدقائي"
قلت:
أبو الزوز قرر أخيراً الزواج
بسري قلت:
يستاهل فقري
يا زول، لو لا بد من اتخاذ موقف مفصلي؛
أحسن لينا تعرس
| |
|
|
|
|
|
|
|
|
|
Re: وداعا أصدقائي (Re: أبوبكر عباس)
|
الواحد يغيب من المنبر دا كم ساعة..
يجى يلقى العجاجة للسما..
هسى يا زهير دا و كتو ؟!
و لا أت فاكر الحكاية سااااهلة كدا..
تخش و تطلع على كيفك..
حق القراء عليك حتعمل فوقه شنو ؟
و بعدين أت ما قريت الحصل لينا فى المنبر دا ؟ و لا فى الصفحة المجاورة ؟
صعاليك وصعلوقات ما أنزل الله بهم من سلطان..
شى جداد الكترونى وشى معارضة..
و أهو لسة قاعدين..
عشان القعاد ما بى كيفنا..
فى قضية بلد..
وفى دين فى رقبتك للربوك عشان تقوم بدورك فى الحياة..
فشنو ؟
بالله يا اخ بطل البتعمل فوقه دا و نور الصفحة مرة تانية...
| |
|
|
|
|
|
|
|
|
|
Re: وداعا أصدقائي (Re: nour tawir)
|
فعلاً الزول مابيكَرِّموه فى البلد دى الا بعد يموت.
يعنى هسع زهير ده يكتب ليهو عشرة سنوات زى ماقال
مافى زول قاعد يكتب فى بوستاتو اول ما قال ماشى
جيتوا تكتبوا؟ عشان كدى يا ابوالزوز ماتمشى .
| |
|
|
|
|
|
|
|
|
 Re: وداعا أصدقائي (Re: عبدالعزيز الفاضلابى)
|
| Quote: *مبسوط كدا يا ود المدير |
هههههههههههههههههه،
طبعاً لا يا ابو الزوز.
يأخي يشهد الله العظيم يا دابي دخلت البوست دا ؤ مدآخلتك المحزوفة وحات الله
ما شُفتها، لكن بأمِن علي كل حرف كتبتو فيها وأقولك يا زول لآفقة 100% والكلآم
القلتو فيها كُلو صُح، يأخي رُشني رشّة الضب في الحيطة. يا زهير يأخي نحن هنا
قاعدين عشان نكسب أصدقاء مُش عشان نكسب عداوات وانا زاتي ما صدقت أكون
صاحبك يا حبيب، جاي تقول لي خُوّة فرتِك ! تلقاها عند الغافل وألعب غيرا يا رفيق.
يعني نتوقع بوست من ياسر الشريف والآخرين واللآ الأخرون ألحقني يا ود البشرى
قبل يجي المستنير يصلحني بأقي اليومين ديل عامل فيها فراج الطيّب.
يا زهير يأخي إتخيلني قاعد معاك بنشرب في جبنة ؤ قُتلك كلآمي دا وِإندمِس قبلك
بلآ ماشي معاك، لكن أكان إتلآيقت وأصريت تمشي أها النبي فوقك المستنير دا تحقبو
في أباطك ؤ بالباب الكبير.
يا زهير أنا أكان زعلتك إنقصّ، ؤ بوستي وحات الله ما بخليهو دحين أعفى لي ؤ
خليك فرايحي يأخ.
أها هسّع حا يجو يقولُوّلك الراجل إعتذر ؤ ما بعرفوا شِنو وشنو ؤ يعملوا فيها ظريفين
ؤ حيدر حسن ميرغني والملك ؤ هيثم غالي ؤ هلُمّ جرآء، أها دي بيكتبوها كيفِن كمان ؟،
شكيتك علي الله يا الصادق المهدي.
اللجاويد اللجاويد، أخوكُم مزنوووووووووووق.
كامل مودتي لمعاوية الزبير.
| |
|
|
|
|
|
|
|
|
|
Re: وداعا أصدقائي (Re: عبدالعزيز الفاضلابى)
|
ابوالزوز سايبنا وماشى وين يا ابوالزوز
الحاصل شنو ؟ يازهير فى سودانيز اول شئ نبدأ ببوستاتك ..
لو كل شخص ولمجرد بعض المخاشنات ترك الموقع بكرة مش ح نلقى ولا واحد ..
بالجد ذهابك خسارة كبيرة .. الرجاء وكما طالبك الاصدقاء من قبلى عليك مراجعة الامر وخذ راحة وتعال
| |
|
|
|
|
|
|
|
|
|
Re: وداعا أصدقائي (Re: محمد حيدر المشرف)
|
كل الاصدقاء والبورداب والقراء والعابرين
في اللحظة سألت دموع حري ولم أكون أعرف حقيقة نفسي بين هذا الرهط من الاخيارنفرمن الأصدقاء وكم هائل الأحباب وبضع صديقات لهن في قلبي مقام ومن كل بقاع الدنيا شخوص لا أعرفها الامن خلال الاطلالة هنا بجهد متواضع تزاحمت في مخيلتي العبارات وتسابقت إلى ذهني الكلمات فاحترت أيها أختار صعب أن تختار من تحب ومن الاعقد صعوبة أن تنسي أهانة من تحب أو ذوي القربي ومن يشكك في قدرتك كأنسان لا تملك أنت غير أنسانيتك الجريحة لذلك كنت وسوف أظل أقول أننا هنا قدوة لصغار من أبناء السودان علينا أن نتفهم هذا ونتعامل بهذا المفهوم وأن أصبح المنبر مجال سباب ولغو وطرح مريض علي العقلاء تصحيح مساره وأن كنت طرف في خصومة هوائية الاجدار بك الرحيل لذلك قررت عدم المشاركة حتي وأنت كنت سوف أسلوك طبائع ضعاف النفوس لا أحسب عليكم عضو ا من قبيلة الاخيار منكم
أخواتي وسوف يظل الود بيننا والعلائق الانسانية وما أرحب الواقع من الاسافير أشكركم كل الكلمات الرائعة والتقريظ في حقي فأنا من تراب لا أستحق كل هذا الاهتمام
كلكم كنتم أحب الاهل والاصدقاء بل القبيلة التي أفخر أنني منها وقدمتم لي الخير في كثير من المواقف وأشهد الله أن صاحب هذا المنبر الذي ضمني بحنان قدمني للناس بكل تواضع وأدب وجنيت من هذا المنبر أطيب ثماره هو الحضور في كل الدنيا وارتويت من ينابيعيه الصافية علما ومعرفة بأهلي كيف لي أن أذهب وأترك مكاني بينكم وأتنسي كل المكابدة وكل الشجار وعنف الكلمة وكذلك معتة الانتصار ومساعدة الضعفاء من أهلى من خلال كوكبة منكم لا تمل العطاء ولازالت تعطي بالرغم من ضنك الحياة
فلقد عشت أحلى لحظات عمري بينكم
بدأت أجول بخاطري في أركان المنبر علها تخفف حرقة الحزن في جوفي
فاستوقفني أصوات كثيرة تريد مني البقاء ولكن أقول الاصوات الذين أحببتهم من كل قلبي
أنا شاكر ومقدر لكم وكلي أمتنان
ولو دار بخاطري مرة أخرى أدخل لكم فهذا ملجيء الدافئ
لن أنساها أبدا فشكرا لكن جزيل الشكر
أخواتي سامحنني إن أخطأت يوما عليكم فأنا من البشر ومن منا لا يخطيء
لكن لنلتمس الأعذار لبعضنا البعض وتظل العلائق قائمة علي الخير لا التخوين ولا للانتقاص من الاخر
إنه المنبر المنيرالذي من نوره أبناء بنات السودان أستنارة وعلم وثقافة ومن خيره نهلت وهذه حقيقة
وسوف يجمعنا الزمن في مكان في وقت ما لكي نؤكد أننا سودانيين وأنسانيون وبلا خلاف شخصي يكدر أحدنا
لكم مني كل الاجلال
أخي ود المدير
لك مني كل الود وخالص الاعتذار والذي بيننا هو الخير بالحق أقولها لك
أخي لا تتحرج وأنا عافي ليك لله والرسول أنشالله وسوف نلتقي قريبا أنشالله
وأنت أخ العزيز
سلام
| |
|
|
|
|
|
|
|
|
|
Re: وداعا أصدقائي (Re: زهير عثمان حمد)
|
يا زهير يا رجل يا انيق ...
انت يا ود ام در ما الزول البفوت بي زعله ...
الكلام العارفه عنك يا أبو الزوز انك رجل دكشنري ... فعليك الله ترجمها باي طريقة و خليك معانا ...
بورد شنو البتفوتو بي زعله ؟
بعدين اوعك تكون زعلت من ود البشرى !!! ياخي محمد ده فراشة المنبر ...
محل ما يرك .. تلقى الورود ...
رجل كله حيوية و حركة ... يتجول بين البوستات برشاقة ...
يسأل هنا و يستفسر هناك ... :)
بذكرني بي *صعلوق المحطة ...
صعلوق المحطة دي بعرفوه أولاد السكة حديد بس ... ناس عطبره مفروض يعرفوه كمان ...
| |
|
|
|
|
|
|
|
|
|
Re: وداعا أصدقائي (Re: يحي قباني)
|
Quote: صعلوق المحطة دي بعرفوه أولاد السكة حديد بس ... ناس عطبره مفروض يعرفوه كمان ...
|
تحياتى قبانى ..#################### المحطة دا الراس البيجمع العربات من المنامة بتاعت السواقين لحدود عربية الفرملة وتجهيزها
للسفر ..
معاوية عبيد تربية سكة حديد من اتبرا ,,المحمية .بابنوسة ..اويل ,,,,
صديقى النبيل زهير حمد ..دع اشباه الكيزان يمرحون ي مواطن ...لك اعزازى وودى المعلوم
| |
|
|
|
|
|
|
|
|
|
Re: وداعا أصدقائي (Re: معاوية عبيد الصائم)
|
| Quote: *مبسوط كدا يا ود المدير |
يا جماعة المقصود ود الزبير ما ود المدير تَرِكْ عيشتو
حبيبنا زهير كانت مداخلتو الأصلية كعبه في حق زميلنا عشان كدا كتبت ليهو Quote: الكلام دا عيب منك يا زهير
وخسارة أن تغادر المنبر بهذه الكلمات التي لا تليق بك
قبل أن تكون غير لائقة بحق زميل لنا يحظى بتقدير الناس هنا
أرجو أن تعتذر عن ما كتبته وتسحب البوست
كما أرجو من صاحب المنبر أن يقوم بسحب البوست في حال لم يقم صاحبه بذلك |
فقام بتعديل المداخلة
سؤال زهير موجه لشخصي وهذا واضح من سياق المداخلات
وإذا أنا غلطان في التفسير دا زهير قول لينا
مع كامل مودتي لمعاوية المدير
| |
|
|
|
|
|
|
|
|
|
Re: وداعا أصدقائي (Re: معاوية الزبير)
|
ايوة يا ود الزبير
انا ذاتى عرفتو قاصدك لكن شكلو قطع وش راس
وخلط بينك و بين ود المدير
لكن طال ما الرشّة طالت ود المدير قلت خليها تعدّى ما دام بقى صاحب الحنبرّة
اها سؤال بى مناسبة هذا البوست
بقيت على شنو ... وضاحة ولّ ابويكر
أى اجابة دبلوماسية ما معانا
| |
|
|
|
|
|
|
|
|
|
Re: وداعا أصدقائي (Re: جلالدونا)
|
سلام حبيبنا زهير
والله انت من القلائل الذين تمنيت بل اشتهيت ان القاه وجها لوجه
خليك هنا وبلاش تفارق
ارجو موبايلك في الخاص
مع الشكر لك
| |
|
|
|
|
|
|
|
|
|
Re: وداعا أصدقائي (Re: خالد العبيد)
|
Quote: اها سؤال بى مناسبة هذا البوست
بقيت على شنو ... وضاحة ولّ ابويكر
أى اجابة دبلوماسية ما معانا |
بكور خيرني بين الملاك والشبح
وأنا اخترت اللامبورغيني
| |
|
|
|
|
|
|
|
|
|
Re: وداعا أصدقائي (Re: معاوية الزبير)
|
الأستاذ الكريم والأخ الحبيب زهير ..
قد وقع علىّ هذا الخبر كوقوع الصاعقة ..
لماذا يا أخى .. لماذا تحرمنا من كتاباتك الهادفة دائماً ..
مرة أخرى كتاباتك الهادفة دائماً ..
يا أخى المسألة مسألة مبدأ .. وكل إنسان حر فى إبداء رأيه ..
إلا أنه فى بعض الأحايين وللأسف الشديد يشت بعض المتداخلين ..
ويتلفظون بعبارات لا تليق .. فإننى أنصحكم .. وكما نحن نقول
بالبلدى كده .. اضرب طناش عن هؤلاء .. وصدقنى يا أخى ..
أنا .. فى يوم من الأيام .. وقبل سنوات عديدة .. تركت هذا المنبر ..
لنفس هذه الأسباب .. ولكننى عندما فكرت .. وقلت فى نفسى ..
أننى سأعود .. وأضرب طناش عن أى كلمات جارحة تصدر
من بعض الإخوة المتداخلين .. والحمد لله ربنا خلق لنا أذنين ..
فالكلام الذى لا يعجبنا .. يدخل من الأذن اليمنى وفوراً يخرج
من الأذن اليسرى ..
فأرجوك يا أخى .. أرجوك .. أرجوك .. ألا تغادر هذه الساحة ..
لأن فراقكم مؤلم جداً .. فوجودكم هام جداً .. لإبداء آراءكم
الواضحة الشجاعة .. وكتاباتكم الثرية .. التى تتبنى الفكر
الواضح الصادق ..
أرجوكم مرة أخرى العدول عن هذا القرار .. الذى سيؤثر
علينا كثيراً .. ولهذا .. أننى أتوسل إليكم .. بسحب هذا القرار ..
وأخيراً أرجو أن أسمع منكم .. بأنكم قد عدلتم عن رأيكم
هذا وفضلتم البقاء ..
والرب يبارك فى حياتكم ..
أخوكم وعمكم العجوز ..
ارنست
+++
| |
|
|
|
|
|
|
|
|
|
Re: وداعا أصدقائي (Re: Sudany Agouz)
|
أخونا زهير
خلينا نقول العريس زهير
لانو بوستاتك دايما فيها نكهه وجرتق
بصراحه يشهد الله
انا ادخل البوست لابحث غالبا عن كتاباتك لانك بتجيب من وين ماعارف
مكانك شاغر فلا تغادر
| |
|
|
|
|
|
|
|
|
|
Re: وداعا أصدقائي (Re: MOHAMMED ELSHEIKH)
|
سلام يا أحباب
علي الايمان عندما قرأت مداخلة ود المدير لمن دموعي جرت.. وبعدها جاءت مداخلة زهير التي لم أكمل قراءتها حتى هذا الحين.
شكرا ليك يا ود المدير..
وشكرا يا زهير. يا خي الله يعرس ليك.. قالوا العرس دا طروهوا للفار ضحك (يعني انبسط)
| |
|
|
|
|
|
|
|
|
|
Re: وداعا أصدقائي (Re: MOHAMMED ELSHEIKH)
|
تحية
واضح ارتفاع مؤشر المطالبة بعودتك......وواضح حرصك علي التواصل وحساسيتك ....النقد يجئ من زواية مهنية بحتة من حيث مصدر الخبر ... لكن حروفكم مرغوبة ومطلوبة...
لا اظن ان تردنا خائبين...
| |
|
|
|
|
|
|
|
|
|
Re: وداعا أصدقائي (Re: زهير عثمان حمد)
|
سلام يا زهير
ما عارفة أصل المشكلة و لكن أقول ليك أنسى .. و خليك هنا
خلافات المنبر مثل الألتهابات الفيروسية بتجي براها و بتنتهي براها و ما في زول محصن منها .
خالص التقدير و الاحترام .
| |
|
|
|
|
|
|
|
|
|
Re: وداعا أصدقائي (Re: نعمات عماد)
|
الأخ زهير حاولت التواصل معك برقمك المكتوب في البروفايل فكانت الإجابة إنه الرقم غير موضوع في الخدمة.
و رقم تاني مالقيته ليك و لا واتس اب و لا غيره. أرجو التواصل على رقمي الفي بروفايل.
| |
|
|
|
|
|
|
|
|
 Re: وداعا أصدقائي (Re: محمد عبد الله الحسين)
|
Quote: خلافات المنبر مثل الألتهابات الفيروسية بتجي براها
و بتنتهي براها و ما في زول محصن منها |
يا سلآم يأخ عليكم الله شوفوا تشبيهات الدكاترة، هسّع دا اكان صاحبي
ود البوش أكان شترا جِنِس شترة !، والعجب أكان حاول قريبي الفاضلابي،
شي خُلآل ؤ سخلة والخرتمة ما تديك الدَرِب.
تحياتي يا دكتورة...
| |
|
|
|
|
|
|
|
|
|
Re: وداعا أصدقائي (Re: Nasser Amin)
|
اوعاك تفوت يا زول
لسى الزمن بدري
عاوزين نفرح معاك بالعرس القريب
ونشعشع بالفرحة يوم زفافك
ونبتهج يوم جية الفارس أو الفارسة
ونعيش معاك
فأنت اخونا الذي نود ان نلتقيه
الْيَوْمَ
وكل يوم
خليك معانا
ياحبيب الكل.....
| |
|
|
|
|
|
|
| |
زهير عثمان حمد
معاوية الزبير
محمد عبد الله الحسين
Hafiz Bashir
حمد إبراهيم محمد
Hani Arabi Mohamed
Arif Nashed
جلالدونا
د.محمد حسن
Ali Abdalla
Elmosley
عبدالحفيظ ابوسن
فرح الطاهر ابو روضة
محمد على طه الملك
وضاحة
حيدر حسن ميرغني
الامين موسى البشاري
عمر التاج
MOHAMMED ELSHEIKH
جمال ود القوز
Ahmed Yassin
أبوبكر عباس
nour tawir
عبدالعزيز الفاضلابى
معاوية المدير
علاء سيداحمد
محمد حيدر المشرف
يحي قباني
Elbagir Osman
خالد العبيد
Sudany Agouz
علي الكرار هاشم
حمد عبد الغفار عمر
Yasir Elsharif
نعمات عماد
Mustafa Mahmoud
Nasser Amin
عبدالمنعم الطيب حسن
فيس بوك
تويتر
انستقرام
يوتيوب
بنتيريست