|
دعواتكم لزميلنا المفكر د.الباقر العفيف بالشفاء العاجل
|
|
 Re: وانكشف المستوووور (Re: زهير عثمان حمد)
|
السلام عليكم يا ابو الزهور
حتى لو كان الكلام صاح وما مفبرك فانه يخدم خط الأمن و الحكومة ابلتشكيك في مواقف الصيادلة و غرضهم و يجهض التضامن الحاصل و يبث الفتنة بين مكونات الحرك الشعبي ضد قرارات الحكومة
ما كان لأعضاء القروب ان يروجوه
| |
  
|
|
|
|
|
|
|
|
Re: وانكشف المستوووور (Re: محمد البشرى الخضر)
|
ودالبشرى سلام يغشاكم إنت وزهير ..
ممكن تشرح لى الحاصل شنو فى الكلام ده؟ ما فهمت حاجة وأخوك ما متابع .. وزهير طبعاً بجى يفتح البوست ويشتت ما عنده زمن للردود .. لكن للأمانة زهير بوستاته نوعية ومتنوعة مهما طالت اللستة ..
وبعد دااك أدونا موجهات عامة نعرف الفبركة من عدم الفبركة كيف؟؟
| |
|
|
|
|
|
|
|
|
|
Re: وانكشف المستوووور (Re: Munir)
|
وعليكم السلام منير
الكلام اعلاه يقول ان احد الصيادلة بالخطأ نشر رسالة في قروب و الرسالة موجهه لزميل صيدلي يبدو انه داعم لتضامن الصيادلة ضد رفع الدعم عن اسعار الأدوية و عايز ينبهه ان ترحيبه بقرارات وزير الصحة بإرجاع الأدوية للأسعار القديمة ستضر بعمله و ارباحه و مواده المخزنة و ستجهض العصيان المدني
الشخص النقل منه زهير و ضع المقدمة التالية (وانكشف المستور)
فهمت الحاصل يا قريبك
| |
|
|
|
|
|
|
|
|
|
Re: وانكشف المستوووور (Re: محمد البشرى الخضر)
|
شكراً محمدالبشرى .. لخبطة شديدة .. الحقيقة أنا مافهمت صدر البوست وكسلت من قراءة تانية😐 .. يعنى بصيغة أخرى أن هناك صيدلى ظل متضامن مع الإضراب، وفى نفس الوكت عنده أدوية مخزنة كان ممكن يستفيد من إرتفاع سعرها... وبعدين فى الآخر قام رحب بقرارات وزير الصحة ـ وذلك يعنى تخليه عن التضامن مع الإضراب .. قام زميله إنتقد ترحيبه بقرارات الوزير ونبهه بأنه سيخسر فرق السعر المخزون الذى سيرفعه الإضراب وتخفضه قرارات الوزير .. وهذا الترحيب ــ الذى يعنى التخلى عن التضامن مع الإضراب ــ سيؤدى لإجهاض العصيان المدنى القادم ..
إن شاء الله أكون فهمت ..😀
طيب الزوول القال إنكشف المستور ده تابع لياتو فريق؟؟ مع الإضراب أم ضده ...
وأخيراً سؤالى الأخير الطرحته فى الأول .. نفرز الفبركة من عدم الفبركة كيف ؟؟..
| |
|
|
|
|
|
|
|
|
|
Re: وانكشف المستوووور (Re: Munir)
|
| Quote: طيب الزوول القال إنكشف المستور ده تابع لياتو فريق؟؟ مع الإضراب أم ضده ... |
دا المستفيد من البلبلة الح يعملها البوست و التشكيك في نوايا الصيادلة المتضامنين مع رفض القرارات الأخيرة
بالنسبة للفبركة الاسافير و اللفحي و التزوير المنتشر علمونا يا منير عدم تصديق اي هراء معروض و شراء الهجايص من الوهلة الأولى, قليل من التريث و اعادة القراءة تفيد و ومراعاة المفارقات غير المنطقية و تاريخ مصداقية المصدر و الناقل أو المنسوب لهم الخبر
الأمن و الحكومة لا تتورع عن استخدام هذا السلاح - اختلاق و ترويج الأكاذيب - وللأسف بعض معارضيها كذلك و اضف سبهللية السودانية وعدم تركيزه وحبه لترويج الأخبار و الظهور بمظهر العارف البجيب من جوة و الأول البجيب الخبر
دا وغيره من العوامل تساعد في معرفة الفبركة - أو على الأقل الإحساس بها :)
| |
|
|
|
|
|
|
|
|
|
Re: وانكشف المستوووور (Re: محمد البشرى الخضر)
|
| Quote: نفرز الفبركة من عدم الفبركة كيف ؟؟ |
في رقم فوق مرفق مع الرسالة الشخص المهتم ممكن يتصل عليه يتأكد
بالنسبة لي أنا فتشت على الرقم في النمبر بوك وجاني مسجل بإسم مكي (Makki)
وفتشت بالاسم عن هيثم العاص جاتني 5 أرقام ما فيهن الرقم الفوق
أشك في إنه رسالة بالحساسية دي ممكن تترسل في الواتساب
| |
|
|
|
|
|
|
|
|
|
Re: وانكشف المستوووور (Re: محمد البشرى الخضر)
|
(بمظهر العارف البجيب من جوة و الأول البجيب الخبر )
يا ود البشري كلمة حق أنا لا عارف ولا عندي زول جوه
عنقالي ساي وحايم وكمان في سوق المناضلين غواصة
وقع ليك الكلام
والتصحيح الشديد ممكن يكون حاجة مللة في بعض الاحيان
عشان نصل الي كلمة سوا هي الحق والباطل للجاهل والعالم أوضح من شمس النهار
لكم كل الود
| |
|
|
|
|
|
|
|
|
|
Re: وانكشف المستوووور (Re: محمد البشرى الخضر)
|
ود البشرى تحياتي
في الأول أثمن على جهودك في كشف التزييف على علم بأن أول المتضررين من أي تزييف هو العمل المعارض وإن بدا الخبر المزيف في أول الأمر فاضح للنظام
ثانياً أبوالزهور دا وأنا متأكد بتوافقني الرأي إنه أكتر الناس بياضة ضمير بس إنفعالي . يعني انت هسة مداخلاتك الأولى دا لا تغمط حقه أبداً لكنه تسرع وإتخيل غير ذلك
أتمنى لو تحذف تعديلك للخطأ الإملائي حتى لا تزيد من إنفعال حبيبنا أبوالزهور وواصل في دورك الإيجابي في البورد يا حبيب
أعترف انني ظلمتك من قبل فالسماح
| |
|
|
|
|
|
|
|
|
|
Re: وانكشف المستوووور (Re: عبد الصمد محمد)
|
مشكور على الكلام الطيب يا عبد الصمد
مع انو الموضوع بسيط انا لا اخوّن احد فالمطلّع على النوايا هو الله وحده
و المسالة بالنسبة لي ليست دورا في فضح التزييف وكدا بقدر ما هي شعور بالضيق من الاستحمار, فا من يفبرك خبر او صورة او فيديو وحتى لا يهتم باتقان ما يفعله هو فقط يستخف بالمتلقي و يفترض فيه الغباء
و عدّلت المداخلة اكراما ليك مع اني كان قصدي منها تخفيف الحدة و جرف الموضوع نحو الهزل
| |
|
|
|
|
|
|
| |
زهير عثمان حمد
محمد البشرى الخضر
Munir
محمد على طه الملك
فيس بوك
تويتر
انستقرام
يوتيوب
بنتيريست