|
دعواتكم لزميلنا المفكر د.الباقر العفيف بالشفاء العاجل
|
|
 Re: هروّب العقارِب عبر مطار الخرتوم _ ونسة حشر (Re: معاوية المدير)
|
العقرب : الليلة يا بركة اللآ نام لآ أكل الطعام يا البشيّر ؤ حكوّمتك اشوّفكُم فوق
ملآلة مقلِيين قلِي، اكان صلّطتو فوقنا ابِيّن عيوناً مزردآت ديّل .
العقرب جارتا الجُحُر بالجُحُر : شاحدآهو ؤ نادهاهو، يِصلّطن فوق البشير ؤ حكومتوا
الكِلآب السعرانآت اليدُخلن في سرآوِيّلُن، اكان صلّطو فوقنا الصنيين .
الخُنفُسانة : يالعقارِب وحات نضري قالوا وكِت يحمِروّكن في الزيت ؤ يجيبُوّكن للصيني
الجنّبو ما يدَّي !.
العقرب : ياختي هوووي اخيّر تشُوفِيّلِك بلداً تمشي عليها، قالوا شورّبتكن في الصين وكِت
يقولوا كدي يمُصروا فيها الليمونة، ؤ يقولوا كدي يكشحوا فوقا يا دآك الشمار، والصيني
يقوّل كدي يرفع الكُوريّة ما بنزِلآ إلآ فيها الخُنفُسانآت، ؤ يقوّل كدي يفجِخِن ؤ ينقرِشِن زي
الجنا جدآد يمرّق مِنهِن اللُكدة البيضا يمزمِزا زي صدف البحر، ؤ يقول كدي بااااع يِدشا،
خمسين دولآر ما يخارجنوا .
الخُنفُسانة : ضبيتا بالله الحكومة الشُوّم دي، اليسوى والما يسوى جهجهتو !.
القعوّية :غايتو ما البلد دي، انا مآرقة مخلياها، باقي قبل الليلة مامون حميّدة قايم علينا .
وحات الله حياتنا أصبحت في خطر ؤ مِسخت علينا .
الجرآدة : إنتن في دا، واللآ نِحن، في الحاج يوسف القريبة دي يبيعوا فينا بالملوة !. غايتو
السوتا الحكومة في البلد، قبل الليلة يعمينا ما شُفناها، جوّع السِيّح والريّح !.
عشوّش : غايتو الحكومة الملعونة دي من يوم ما دخّلت الصينيين في البلد ما جاتنا رآحة .
انا دِي، عشوّش القِدآمكن دي عشان اهرب ما أقدر امرق من مطار الخرتوم عِلآ يكون
معاي ود ابرك مُحرَم، ؤ ود ابرك زااااتو اكان ما ابرز قسيمة الزواج شوقو ؤ حنينو كان
يركب الطيارة مع عشوّش .غايتو الله يلزمنا الصبر .
الخُنفُسانة : يا ديّل، إنتن طعوّمة الصارقيلة وين ؟، لي زمن ما شيفاها !.
العقرب : ياختي الصارقيل من سِمِع بالحكومة دخّلت الصينيين البلد إنقطع في بطن اللرِض،
إنت من زمن ناس طعوّمة !، هو القُرُنبُع طفش من المِستراحات، هسّع آخر مرّة شُفتيلِك
قُرُنبُعة متين ؟.
العقرب الجارة : إنتن يا ديّل، إخياتنا الفي المطار البِقت عليهن شنو ؟.
العقرب : قالوا قبضوهِن ناس الجمارك .
الطهّارة : عآد الحالة الفوق الدبيب !، اريتا حالة العدو، الدبيب اللكان يتحرقص اليوم كلو شُفتُ
شوّف عويناتي ديل، تك، تك، تك زي زمبلك الساعة الحجرا منتهي . سعلتو نعال ماك عيّان ؟،
قال لي، الحكومة الملعونة دي طفّشت علينا الفيران، والله يا الطهّارة الصينيين ديل القلوبيات
الزرعوهن في بطن اللرض دي اكتر من الألغام في أفغانستان، لعنة الله تغشاهم .
عشوّش : الليلة يا ديك الحكومة، اللآمِن يبقى شاكي مِنها !.
| |
 
|
|
|
|
|
|
|
|
Re: هروّب العقارِب عبر مطار الخرتوم _ ونسة حشر (Re: معاوية المدير)
|
يدخل في هذه اللحظة ود ابرك .
ود ابرك : الفاتحة، الله يجبُر الكسر، العقارب الفي المطار إنتحرن .
العقرب : ووووووووووب، الليلة يا بركة من جعل محمد نبي، تضربوها سودا يا البشير
ؤ حكومتوا مِحِل ما تقبلوا، يا الجوعتو ود آبن آدم في بلآدوا، ؤ جوعتوا الطير في سماهو،
ؤ جوعتوا الهوآم في بطن اللرِض، يا بركة الله الجوّع اليخليكم طافشين زي ما طفشتو
الخلق، الليلة وووووووووب علينا ...إلخ
القعويّة : إستغفري، إستغفري .
العقرب : وووووووووووب، كُر، كُر علينا من الوقعت فوقنا .
معاوية المدير ...
| |
|
|
|
|
|
|
|
|
 Re: هروّب العقارِب عبر مطار الخرتوم _ ونسة حشر (Re: معاوية المدير)
|
Quote: إحباط تهريب "200" كيلوجرام من العقارب الميتة عبر مطار الخرطوم
19 يوليو 2016 - 13:07
حجم الخط: Decrease font Enlarge font
إحباط تهريب "200" كيلوجرام من العقارب الميتة عبر مطار الخرطوم
الخرطوم - بخيتة زايد
ضبطت إدارة جمارك مطار الخرطوم (200) كيلوجرام من العقارب الميتة مهربة
لإحدى الدول الآسيوية للاستفادة من سمياتها في تصنيع بعض الأدوية والعقاقير الطبية،
واعتبرتها الجمارك مخالفة لقوانين الاستيراد والتصدير وقانون حماية الحياة البرية،
وأوضح العميد شرطة محمد البدر مصطفى السناري مدير إدارة جمارك مطار الخرطوم
إن الضبطية تأتي في إطار الجهود المبذولة من قبل هيئة الجمارك وشعبة استخبارات
جمارك مطار الخرطوم التي قامت بإحباط العملية لمكافحة تهريب السلع الواردة والصادرة
وسد الثغرات والحفاظ على ثروات البلاد وصحة وأمن المجتمع من كافة المخاطر، ولفت
إلى أن الجمارك تنفذ العديد من القوانين إنابة عن العديد من الجهات ذات الصلة، مؤكدا
أن هئية الجمارك ستظل سداً منيعاً أمام كل من يتلاعب باقتصاد البلاد. |
http://www.alyoumaltali.com/http://www.alyoumaltali.com/
| |
|
|
|
|
|
|
|
|
 Re: هروّب العقارِب عبر مطار الخرتوم _ ونسة حشر (Re: معاوية المدير)
|
ياي والله ولا اجمل من كدة
رغم انه اغلب كلامك ما فهمتو شكلك بتتكلم لغة المعوكاب وكدة :)
لكن اجمل بوست وونسة
جارنا حسن بشير الله يطراهو بالخير شاف ليهو تكروني " من اهلك النيجيريين " في سوق عطبرة قال بيبيع عروق العقرب اشترى عرق..
مشى الجزيرة لقى عقرب تريانة ونديانة في حوض برسيم خمشها وقفلها في علبة و جانا يتقدل..
ما اطول عليك العقرب بعد نديانة ومرطبة في طراوة بقت عليها القفلة والسخانة وعلى العليهو خمشها بيدو تاني عشان يستعرض تاني ..
غايتو كان الدكان مافيهو امواس زولك كان اتلحس :)
هسه الصينين ديل عندهم عروق عقارب والا كيف؟
بس ...
هادي يعني شنو يا استاذ ؟!
تحياتي
| |
|
|
|
|
|
|
|
|
|
Re: هروّب العقارِب عبر مطار الخرتوم _ ونسة حشر (Re: معاوية المدير)
|
Quote: الخرطوم: معاوية عبد الرازق
كشف المدير العام لمركز هايون لتجميع العقارب حسام الدين حسن عن فرض شرطة
حماية الحياة البرية رسوم تقدر بـ(6) آلاف جنيه لشهادة ملكية كيلو العقارب بدلاً عن
(5) جنيهات للعام الماضي، بخلاف رسوم ترحيلها وتصديرها، وقال حسن إن الكمية
المضبوطة بالمطار تعادل قيمة شهادة ملكيتها نحو مليار و(200) ألف جنيه، وعزا
أسباب التهريب إلى تمسك السلطات بتلك الأسعار.
آخرلحظة |
| |
|
|
|
|
|
|
|
|
|
Re: هروّب العقارِب عبر مطار الخرتوم _ ونسة حشر (Re: معاوية المدير)
|
Quote:
ههههههههههههههههههه و الله شر البلية ما يضحك سمح هو وقت الناس بقت تمرق بالدغري
و التهريب العقارب شن بقعدها ,, الجراد البجي زمان بكثاااافة و يخرب الزرع داااك قالو هو
زاااتو شافلو فيزا و شافلو بكان تاني |
سلآمات يا كاروري ؤ مرحبتين حبابك .
ياخوي بعد الصينيين ديل دخلو البلد بعد دا الضبعة والسحلية والقرادة واللرضة،
والشقيقيّل والضبان واب عفنة، والصبرة وكل دآبة تمشي علي بطن او كرعين2،
أو 4 حا تتخارج . ياخوي مافي حاجة تاني عندها روح بتلقي بنفسها في
التهلكة ...
| |
|
|
|
|
|
|
| |
معاوية المدير
HAIDER ALZAIN
حسن ابراهيم كاروري
عبدالعزيز الفاضلابى
جلالدونا
عزالدين عباس الفحل
فيس بوك
تويتر
انستقرام
يوتيوب
بنتيريست