(عدل بواسطة مني عمسيب on 08-21-2017, 11:54 AM) (عدل بواسطة مني عمسيب on 08-21-2017, 11:55 AM) (عدل بواسطة مني عمسيب on 08-21-2017, 12:30 PM) (عدل بواسطة مني عمسيب on 08-23-2017, 09:43 AM)
08-21-2017, 12:04 PM
عماد كرار عماد كرار
تاريخ التسجيل: 12-17-2014
مجموع المشاركات: 423
أنا داخل يا أستاذة بدون عوامة لإني وارد جزر النيل .. طبعا تعليم السباحة مضمن في المنهج التعليمي للشعب الهولندي.. أذكر مرة انقذت طفلة عراقية احضرها والدها للسباحة مع الاطفال وكنت انا مع اطفالي .. المسبح مقسوم قسمين قسم للأطفال وقسم للكبار .. وأنا في قسم الأطفال مع عيالي فجأة شاهدت الطفلة العراقية عملت دايفق وغطست في قسم الكبار .. طبعا الهولنديين البسبحوا مافي واحد فيهم انتبه أو جاب خبرا .. لإن حتى الشافوها قفزت لقسمهم افتكروها متدربة على السباحة .. ما كان أمامي غير الحقها وانقذها من الغرق .. المسؤولين في المسبح بعد عرفوا الحصل جروا بالطفلة لاجراء العناية الطبية اللازمة .. لكن متأكد اليوم داك كل العاملين الموكول ليهم المراقبة تعرضوا لمحاسبة قاسية.. اتوقعك تعملي تطواف سياحي وتعريفي من خلال هذا البوست .. توري الناس الهولنديين ديل منظمين ومسيرين بلدهم كيف .. لإنو في معارف ومعلومات ما ممكن تصل ليها مالم تندمج في المجتمع وتلتصق بمؤسساتهم .. تسلمي أنت وزوارك
08-21-2017, 01:06 PM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
يا سلام عليك يا ملك .. يا رجل يا صاحي . لإن حتى الشافوها قفزت لقسمهم افتكروها متدربة على السباحة .. ما كان أمامي غير الحقها وانقذها من الغرق .. المسؤولين في المسبح بعد .. عرفوا الحصل جروا بالطفلة لاجراء العناية الطبية اللازمة .. لكن متأكد اليوم داك كل العاملين الموكول ليهم المراقبة تعرضوا لمحاسبة قاسية.. اتوقعك تعملي تطواف سياحي وتعريفي من خلال هذا البوست .. توري الناس الهولنديين ديل منظمين ومسيرين بلدهم كيف .... لإنو في معارف ومعلومات ما ممكن تصل ليها مالم تندمج في المجتمع وتلتصق بمؤسساتهم اكيد اثناء حندكتي دي كنت حا اذكر ما طلبته , لكن بتمني منك نتقسم البوست دا تساعدني في السقط سهوآ . ولا اقول ليك نتشايلو لما يطلع برا الامان يا غرقنا مع بعض يا نجينا مع بعض قولك شنو ؟
شوف جنس الحالة السمحة دي ؟ دي قريتنا فريق ورا !! ديل جيرانا الفرنسين رحلوا سفينتهم وجوا سكنوا بمنتهي الاريحية ولا في زول قال ليهم عينكم في راسكم . اريتو حالنا بعد دا بوقف المشاكل مع جيرانا في كل الجهات وحالتنا تكون واحدة زي ديل ..
سفينة فرنسية علمها يلوح بالسلام والحب والسياحة الامنة !
http://www.up-00.com/
08-21-2017, 01:35 PM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
زرت في هولندا أمستردام وأكتر شئ عجبني فيها الموية الكتيرة :) والبيوت الفي القوارب (house boat) أظن اسمها كده فعلا" حاجة جميلة جدا" ونحن اتربينا أقل جردل موية بطمبج الواطة والطين ما يديك الدرب ههههه وأظن المدن والمناطق خارج امستردام أجمل منها بمراحل حسب ما سمعنا
سلام بت عمسيب و زوارها
08-21-2017, 02:51 PM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
يا ود الشيخ ما طالبني حليفة .. مشيت كم مرة استقر . لكن لقيت الحال حال اليابا فضيل قول ود المنسي !!! ما قدرت انا بدعو ليل نهار يديني سعادة الكبر وانا كبرت يا خيي الجري والمزازة الفايتة الحد ما بقدر عليها هنا بجري وبزازي بي حد هههههههههه وكان مرضت بتعالج وعيوناتي بقي زي ما عارف ماهن طيبة فشان كدا خايفة عليهن وبحافظ عليهن لما يجينا السودان الجديد كان ما غرقنا وحصلنا امات طه ههههههه . عليك الله اراحكم نموت باذن الله ونندفن مع اهلنا السمحين أصلو الأهمال الطبي محمدنا
اها كدي شوف حلتنا دي سماحتها .. اقول من الصباح اعاين بالبلكونة اشوف اولاد الحور ال الله حرمنها منهم في الجنة اهو اتعوضنا بيهم في الدنيا .
http://www.up-00.com/
08-21-2017, 03:13 PM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
منى تحياتى لك ولضيوفك وخاصة أخونا الملك كيجابنا فى هولندا
سيرة بحر الشمال براها تجيب البرد .. المويات الكتيرة هينة .. لكن الغيرة وينها .. ولا ترابية !! .. قال قرية قال ! ما وريتنينا صورة مركبك .. عجلتك البتمشى بيها تتسوقى ما بتحللك المركب أعقليها وبعدين إتوكلى ... ما تستسلمى وتشفقينا عليك بكلام مصيرنا غرقة!
وقريتكم كم مستوى إرتفاعها من مستوى سطح البحر؟ شكلها تحته (ربنا يغطيك ويغطيهم)
ودا شنو دا .. القرية خاوية على عروشها .. صور الحندكة ما فيها مناظر حور عين .. الجنة من غير ناس ما بتنداس!
ربنا يسلمك من كل شر .. وينعم عليك بعمر مديد بكامل الصحة والعافيه، وبالعيشة الهنية والميتة السوية ومردا غير مخز يوم القيامة.
08-22-2017, 01:39 AM
اخلاص عبدالرحمن المشرف اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
انشاءالله في قريتك دي يجي ماري عليك موظف النفايات ويدفعك كل يوم . حسادة في النظافة دي . و يجي واحد يحسب ليك عدد الشجر القدامكم و يدفعكم . و يجي واحد ما عندو شغلة برضو يدفعك . هيع .. بعد التحية انا داير أجيب ليك صور من منظر عجيب في السوق الشعبي أمدرمان سوق الملح . خموم عجيب جبال من النفايات . و شلة من كدايس و كلاب ضالة وطماطم مفروشة في الواطة .
تحياتي الكانداكا وبعض الأحياء في ام درمان تحولت "للبندقية" مع عدم وجود مراكب قريبي رسل لي صور من حلته "الجديد الثورة" البحر وصل بيتهم، والتنقل بقى داير مراكب
08-22-2017, 08:11 AM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
طبعآ يا ود الامام هولندا باكملها المياه فيها اكتر من اليابس . زرت في هولندا أمستردام وأكتر شئ عجبني فيها الموية الكتيرة :) لدرجة لما يجوني ضيوف باطفال بكون في حالة استرس لما يمشوا بخاف نفقد طفل منهم وحصلت كتير بنعرف نساء فقدن اطفالهن في محل ترفيه من المياه !
وحا نرجع لحلتنا الورا شوف المياه نضيفة وكل المنطقة صحية لاباعوض ولا ضبان .. قمة النضافة والمياه بعتبروها زينة مع الخضار .. اوعدنا يارب .
بت عمسيب ... نهر الراين حقكم دا .. خور ابوعنجه اكبر منو .. والتحية للسباحة سارة جاد الله .. حيث زاملتها في زمن الصبا في اوائل السبعينات .. وكنا نقطع النيل من الخرطوم لتوتي ..
عاالم بطااالـــــــــة
08-23-2017, 07:01 AM
Yasir Elsharif Yasir Elsharif
تاريخ التسجيل: 12-09-2002
مجموع المشاركات: 50066
بي وزينا الحقيقي بنجيبو ليكم لي قدام , اما السبايا لاوجود لها هنا عندنا ابناء الحور فقط . والشئ بالشئ والمافي شنو ؟ خخخخخ سلام منى دي قرية شنو التقول قرية البردانة بنين موية وأصنام وين صور الوزين الأشقر ولا خايفة شيخ السبايا يعكس هولندا
بلاي يا المنتصر شوف المنظر دا !
http://www.up-00.com/
08-23-2017, 10:00 AM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
حبابك اخي العزيز \ عباس ومشكور علي المرور الكريم ..
سلامة نظرك يا الكلك نظر . وحات نظري النهر عندكم ياخ ترعت مشروع الجزيرة الرئيسيه اكبر منو كتير كلامك صاح نهر الراين حسا فجاة لكن اصلو بعد مرات بحسا زي النيل عندنا مرة مشيت لقيت النيل حاسي لماشفقت وخفت لكن تاني مرة لقيته زاد .. نهر الريان برضوكدا بحسا وبرجع .. اما الباقي هم عبارة عن (canal ) ..ما انهر بس انا بحب كلمة نهر عشان كدا بقول نهر زي ما تقول كدا اديتها ( الكنال ) .. اسم حركي ههههههه .
دا نموذج من ( الكنال ) .. واللهي منتشرة بوفرة اكتر من اليابس عشان كدا ملاوزين منها من الغرق ههههههههه .
الشعب الهولندي بحب الفن .. وبطور كل من يستحق وجدير بالتطور .. في هذا البرنامج بعض الحكام ليست هولندين مثال اب شعر طويل مغربي اسمه ( علي ) تطور لما بقي من اكبر نجوم هولندا للغناء وزي ما شايفين وصل معاهم التحكيم وبقت له الكلمة القاطعة .. تعيش الديمقراطيات والعدالة المطلقة لها !
هذه شابة سورية جات لاجئة من سوريا والحمد لله الوصلت بالسلامة عشان تلقي وضعها ومكانتها الطبيعية بعيدة عن الصواريخ ! والحروبات المجنونة !
08-23-2017, 06:42 PM
سيف اليزل سعد عمر سيف اليزل سعد عمر
تاريخ التسجيل: 01-11-2013
مجموع المشاركات: 9495
استاذي الحبيب \ الملك من وطنا المشترك المؤقت عاطر التحايا .
وطن بنقذ حيواناته بالطائرات اكيد ما بفرط بشعبه . تفتكر شعب يعمل دا كلو ممكن تاني يفرط في بلدو ؟
هاك النجيضة : اسه دا شقق لو ما السكان مالين يدهم بقدروا ينوموا فيها مطمأنئن ؟ بعدين الليامات دي يا ملك المطر بستمر علي الاقل تلاتة ايام متواصلة ودي ما المشكلة المشكلة الكمية المهولة دي بتمشي وين ؟ اطلع الشارع هي صابة وبالاني كلي وفي الارض مافي نقطة !!! يا لها من عظمة !
http://www.up-00.com/
08-24-2017, 01:48 PM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
امتثال يا حبيبة قليبي .. تحياتي واشواقي ولي بنوت حلتنا العامرة المعاك ..
اها دا ذاتو الخلاني افتح البوست دا ودي المناسبة . وعندما نريد الاسترخاء وطرد التوترات النفسية نذهب الى بحيرة داخل السنترال النفسيات والتوتر ! وذروة الحزن الجواي يعلم بيها رب العالمين والحمد لله الف عام وشن نسو ؟
طيب تعال نتمشي مع بعض في المكان دا ورا سكنا .
نتمشي واحكي ليك القصة دي حصلت لي في نفس المكان وتووووبتة توبة نصوحة ما اجي المحل دا الا يكون خالي من العاشقين ! ههههههههههههه جيت المحل دا ورانا مباشرة والدكان الكبير البنتسوق منه قريب ليهو اها لقيت لي بجعتين بعومن بطريقة جميييييلة وبطئة وفي انسجام خرافي والله زي ما اقول ليك ههههههههه اها شفت المنظر عجبني لما ادهشني وحسيت بانهم بجعة وزوجها لانو حجمهم مختلف وحدة ضخمة والتانية صغيرة ههههه قمت قربت منهم . وهم كانو بعيدين في نص البحيرة دي ! تصدقي وتامني بالله اول ما وقفت وبتفرج وبصور فيهم جوني جاريني جري ما تقولي الكانوا عايشين لحظات رومانسية قبل ثواني ! هههههههههههه انا لاحظت لي هرولتهم ما عادية فيها نوع من العداء ههههههههه قمت خفت رجعت بعيد شوية وبعاين ليهم عشان اصورهم ههههههه اها الساعة ما طلع لي هو البجع نافش جناحينو وريشو وجاي عديل علي ههههههههههههههه نظام شكلة ليها ضل هههههههههه انا خفت من جووووة قلبي وجريت جري خوف وصلت كيف السوق ؟ ما عرفت ههههههههه عشان كدا تووووبة تاني ما بمشي لمحل فيهو بجع هههههههههه . جيت حكيت للشيماء بتي قالت لي يا ماما ديل خطرين جدآ تاني ما تمشي جنبهم هههه
اهو دا المحل الداير يحصل فيها الشكلة الليها ضل ههههههههه . اتخيلي منظري شكلة بيني ويني بجع هههههههههه .
http://www.up-00.com/
08-24-2017, 01:55 PM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 10624
فرانك فى هولندا وزيارتنا لأحمد فى مصر تحياتى أُستاذه منى ذكرتينا منهج بخت الرضا التعليمى وحصة الجغرافيا فى ذلك الجميل عندما كانت المدارس لتعليم الأجيال وليست للتجاره وكسب الأموال . .
08-25-2017, 05:25 PM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
اسئلة جميلة ومشروعة : وقريتكم كم مستوى إرتفاعها من مستوى سطح البحر؟ شكلها تحته (ربنا يغطيك ويغطيهم) ايوا حلة ورا دي تحت بننزل بالسلالم حتي نصلها لكن حلتنا نحنا فوق مواسية للبحر .
اما بخصوص : ودا شنو دا .. القرية خاوية على عروشها .. صور الحندكة ما فيها مناظر حور عين .. الجنة من غير ناس ما بتنداس! هههههههههههه غايتو عملآ لي الله حا اخت ليكم منهن لي قدام .
هنا يا نادر بتشوف عمق الحلة لي تحت انا بصور وفي سطح الارض ولو ملاحظ في سلالم بننزل بيها .
http://www.up-00.com/
08-25-2017, 05:40 PM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
قلتي لي : هناك قولان القواله الاولي نحن بنبقي حور في الجنة القوالة التانية انو الرجال في الجنة .. ح يجيبو لهم نسوانون في الدنيا ههههه والقولة التالتة لو هو اساسآ في جنة هههههههههه عندي احساس دي كلها اغراءات عشان المسلمين ما يعملوا البعملوا فيهو اسه دا شوفي حالتهم بغروا فيهم وشوف جنس البعملوا فيهو ! يعني لو قالوا ليهم مافي جنة ما عارفة كانوا عملوا فينا شنو ؟
اهداء خاص ليك يا لوسي ..
http://www.up-00.com/
08-25-2017, 06:44 PM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
(عدل بواسطة مني عمسيب on 08-25-2017, 06:45 PM) (عدل بواسطة مني عمسيب on 08-25-2017, 06:47 PM) (عدل بواسطة مني عمسيب on 08-25-2017, 06:48 PM) (عدل بواسطة مني عمسيب on 08-25-2017, 06:50 PM)
08-25-2017, 07:04 PM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
شكراً مني علي هذا البوست اللطيف الظريف تعرفي لو كل الزملاء في المنبر كتبوا عن المناطق العايشين فيها بالصور و التقاليد الاجتماعيه ح نعرف معلومات كتيره جدا و ح نشاهد صور متنوعة يعني حصة جغرافيا علي مستوى عالي. ياريت لو اقدر اكتب عن مدينة كالقري فهي مدينة جميلة تستحق ان نفرد لها مساحة جمال و ونسة مع الاعِزاء في المنبر الله يدينا الوَكِت ... زي ما بقول الصديق ود المدير
08-25-2017, 08:52 PM
الطيب رحمه قريمان الطيب رحمه قريمان
تاريخ التسجيل: 03-21-2008
مجموع المشاركات: 12377
رب العالمين ظنيتو قري زي دي بكون مبسوط منها قول لي ليه ؟ غرق مافي يا منى عمسيب ناسكم ديل البحر لا بقدر عليهم و لا شيتين ديل يقدر عليهم بس رب العالمين هههههه. رب العالمين بقدر وبياخد القري الظالم اهلها لكن العادل اهلها ديل يقدر عليهم عملو ليهو شنو ؟
سيف لو سمحت ما توديني وقريتي في سبعين دهية هههههههههه .
تصدق يا سيف قاعدة اشوف لون سماء القرية مازي لون باقي السماء في بعض المناطق ! دائمآ بشوف لون السماء لبني غامض كدي شوف لون السماء فوق ( الكنال ) دا !
http://www.up-00.com/
08-27-2017, 07:25 AM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
مشكور علي التصحيح وبتمني تمدنا بمزيد من ..... المعلومات عن سباحتنا البطلة سارة طيلة موضوعنا عن المياه والجمال . عموما الموضوع لا يفسد للبوست قضية ... فمتعينا بالجمال الرباني ده ... ومتعكم الله جميعآ بالصحة والعافية وتذوق الجمال .
يا اصلي امبارح جيت مارة بي البحيرة دي وصورتها ليكم .
http://www.up-00.com/
08-27-2017, 08:20 PM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
حلفتك بالرسول ما تفتل لي البوست بالمناظر الطبيعية المحرجة في وطننا الحبيب هو في زول ما شافها ؟ هههههههه انا داير أجيب ليك صور من منظر عجيب في السوق الشعبي أمدرمان سوق الملح . خموم عجيب جبال من النفايات . وشلة من من كدايس و كلاب ضالة وطماطم مفروشة في الواطة . خلي لي البوست يكون نضيف والمناظر الطبيعية دي تنعشكم وتنعش الزوار السمحين .
يا عثيمين شوف الكونتنرس بتاع النفايات حقهم .. كل نفايا عندها كونتنر براهو .
ياها حالة بلدنا يا كافي البلاء يا المياة في الخريف يا الاوساخ في الصيف ! وبعض الأحياء في ام درمان تحولت "للبندقية" مع عدم وجود مراكب قريبي رسل لي صور من حلته "الجديد الثورة" البحر وصل بيتهم، والتنقل بقى داير مراكب
تصدق يا ود الشيخ المحيرني هنا ! اخبار الطقس بجيك اول باول يعني الهولندين برامجهم ومشاورين الخاصة مرتبطة بالجو .. وعشان اخبار الطقس بجيهم من مصادر موثوقة جدآ ببرمجوا علي هذا الاساس .. بمعني لو داير تمشي مشوار بكتبوا ليك اليوم المطرة بتنزل الساعة كدا وبتستمر لغاية كدا وبحددوا ليك لو في برق ورعد ولا لا لانه كمية من الهولندين .. بخافوا مووت من البرق والرعد ههههههه وما بتحركوا لو في رعد وبرق اها مصدر المصداقية دي خلانا نحترمهم عشان بعض مرات حاجاتنا مرتبطة بالطقس ..
شوف يا ود الشيخ الامطار بتصب وبتستمر يومين تلاتة عادي لما تطلع الشارع بعد ما تقيف كانه مافي شئ كان حاصل !!
08-28-2017, 11:57 AM
Adam Youssif Adam Youssif
تاريخ التسجيل: 03-26-2015
مجموع المشاركات: 576
ود الطيب .. تحيات معطرات وكل عام ولحظة وانتم وكتاكيتك والمدام بالاف الخيرات .. ويديكم الفي مرادكم .. قادر يا كريم ..
يوم المني يا ود العم .. شوفي لي المربوع عندكم بي كم ؟ بس يكون جنب بيتك و فاتح على بحر الشمال و اهم شي يكون ناصية ... كلو شناه بس انتوا تعالوا . هههههههه
اها الليلة جونا داهو من اول امبارح مطر الخير ما وقف مننا , نحمد الله الف عام ..
ديل بيوتنا ..
http://www.up-00.com/
08-31-2017, 10:51 AM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
من بلد الزهور تحياتنا ومحبتنا المعطرة لك واليابانيون وحفظكم الله من كل سوء . اليابانيون يطلقون على بلادكم " معرض الزهور" وفي رواية أخرى كادوا أن يقولوا :" ألحان الربيع"!. حقيقة بلدنا مييزة بجمال كل شئ ونحمدو ونشكرو .
اضيف لي كدا راحة البال وتجديد العمر والحياة كل يوم فعلآ ما اعظمها بلد ! لا تملق ولكن ( وأما بنعمة ربك فحدث ) .
بهدي ليك جونا هذه الايام ... امطار لم تتوقف اسه صابة في راسي هههههههههه .
دي شوارعنا الكبيرة المهولة الما بحصل فيها الحوادث علي الاطلاق .
شوف السحب قريبة كيف !
http://www.up-00.com/
09-05-2017, 09:29 AM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
يعني تقصد شنو ؟ نهر الراين حقكم دا .. خور ابوعنجه اكبر منو .. يعني يا مجيدو بعد المياه المهددانا دي كلها داير تزيد لينا نهر الراين ؟ التكنو نحن ناقصين مياه وغرق لابد منه ! خخخخخخخخخخخ
فعلآ عالم بطالة لكن برضو بنحبها وبنهدي ليها كمان .
بلاي عليك يا مجيديو شوف المنظر دا ! دحين ما بزيد العمر ؟
والله صورتو بي نفسي حرة ما المنظر عجبني !
http://www.up-00.com/
09-05-2017, 09:43 AM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
هههههههههههههه ! حلتكم دى اكيد بكون فيها سمك. ههههههه تصدق يا سيف هنا من الهوايات المدمنة بالنسبة ليهم !! هواية اصطياد الاسماك واسترجاعه يعني في قنوات مياه ممنوع منع بات تشيل السمك معاك فقط لمتعة الاصطياد وتحقيق رغبة الهواية لاغير . تصطاد وترجعها في محلها . ودي من الهوايات المنتشرة جدآ في هولندا . وفي ناس برضو بهوا اسماك الزينة وتربيتها ...
وطبعآ عندنا زي محل عوضية سمك بالالاف بس ما عندها الطعم زي محلات عوضية سمك لانه محلاتهم منظمة اكتر من اللزوم ههههههههه انا بحب محل السمك البكون عشوائي زي محل عوضية سمك وفيهو كبسيبة ووسخان برضو .
الأستاذة عمسيب وضيوفك الكرام والله قريتكم دي اريتا قريتنا يااخي ونحن نقول الناس هناك مالهم نفسهم بارد ونفسياتهم في السماء ؟؟ اسي حلتكم دي الواحد لو عاوز ليه اسبوع بس يخش ليها من وين لو جائي من ريفي الجزيرة ؟؟ ربنا يهنيكم بقريتكم يارب
09-15-2017, 10:21 AM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
بامانة البلد دي بتنفع معك عشان سنارتك دي . ههههه قرية؟ لا عندكم باعوض ولا (ضبان) !!! إسهالات مائية عندكم؟ قال قرية قال قومى عموى بدل (لفى) يا اب سنارة وما طالبني حليفة بعض مرات بشتاق لي هش الضبان وزنة الباعوض تصدق ؟ كان قلت ليك آخر مرة شفت لي فيها ضبانة ما بتصدق تصدق ما متذكرة من طولة المدة ! اتخايل الضبان كله رسلوهو لينا بهناك هههههههههههههه وريحوا رقبتهم من هش وبش واسهالات مائية وتضيع ارواح وزمن .
كدي شوف المكان دا بمشي اقعد فيهو عشان القي لي باعوضة واتذكر السودان لكن للاسف امنتي ما بتتحقق !
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
مني عمسيب
عماد كرار
محمد على طه الملك
اسامه العريفي
MOHAMMED ELSHEIKH
فيصل محمد خليل
محمد المرتضى حامد
نعمات عماد
محمد المسلمي
abas
سيف النصر محي الدين
عبد المنعم سيد احمد
يحي قباني
Osman Musa
احمد الشيخ
الفاتح ميرغني
محمد مجيدو
Yasir Elsharif
سيف اليزل سعد عمر
Hassan Makkawi
ABDALLAH ABDALLAH
Hamid Elsawi
الطيب رحمه قريمان
Adam Youssif
فيس بوك
تويتر
انستقرام
يوتيوب
بنتيريست