|
دعواتكم لزميلنا المفكر د.الباقر العفيف بالشفاء العاجل
|
|
 Re: نُطالب بإيقاف اللِستِيّكة ... (Re: معاوية المدير)
|
طبعا ضد الاستيكة
لأننا جايين هنا للحوار.. ولازم نسمع المختلف معانا والضدنا.. بل نخلي القارئ يقرانا كلنا ويحكم
الاستيكة تقلل فائدة البورد كثيرا.. تجعله مكان للرأي الواحد
ومشتل للديكتاتورية
عندي مقترحين لمواجهة الاستيكة:
الأول: كل زول يكتب مداخلاتو بره، في note أو أي تطبيق متاح، وينقلها هنا.. حتى إذا مسحها ديكتاتور صغير.. تعبك في التفكير والصياغة ما يروح ساكت
ثانيا: نعمل بوست، زي الخور، نسميه، من تحت الاستيكة، أو شئ من هذا القبيل، ننشر فيه مداخلاتنا الممسوحة مع ذكر البوست والماسح
الباقر موسى
| |
  
|
|
|
|
|
|
|
|
Re: نُطالب بإيقاف اللِستِيّكة ... (Re: معاوية المدير)
|
سلام يا اب صلعة التاني،
أقترح انو اللستيكة يدوها للكتاب الكبار امثالي الذي الذي يعتبرون رواد تغيير وينفضون الغبار عن الما مرغوب في نقاشه.
شنو يعني كاتب عادي يدوهو استيكة؟
لو تصويت بكري القاطعو من صلعتو دا فاز؛ سوف نحرمه من الكتابة هنا
واحد ح يقول لي: اتا ما دام صوت، يفترض ترضى بنتيجة التصويت
دا ما تصويت، دا اقرب استفتاء لمساعدة سيد الحق في ادارة موقعو
قال داير يرجع الفيس؟!
هو بكري من متين قاعد يكتب هنا؟!
عشان يعرف شنو زول مختلف معاك في المنتدى فوق، يجري تحت بحساب وهمي يشتمك؟؟
| |
|
|
|
|
|
|
|
|
|
Re: نُطالب بإيقاف اللِستِيّكة ... (Re: Haytham Ghaly)
|
لا للاستيكة
تحياتي يا شباب
(أنا قُلت نطالب ؤ بس،
ما جِبت سيّرة زوّل ولا ذكرت إسم ايّ زول.)
يا معاوية كيفك, ياخ ما تقول الزول منو وتريحنا ياخ
واحد سوداني أخذوه للمحكمة ..
القاضى : انت متهم بأنك ماشى فى كل حتة بتكورك وتقول "خربها ابن الكلب" "خربها ابن الكلب"....
تقدر تقولى تقصد منو بأبن الكلب ؟
المتهم : الخربها يا مولانا
القاضى : ايوه ...اللى هو منو ؟
المتهم : ابن الكلب
القاضى : ابن الكلب ده يبقى منو ؟
المتهم : الخربها
القاضى : نشفت ريقى.. اسمو ....اسمو منو الخربها ده؟
المتهم : ابن الكلب
القاضى : وهو انا ح اتعب نفسى معاك ليه ؟
حكمت المحكمة على المتهم بالسجن سته اشهر لرفضه ذكر اسم السيد الرئيس .
كل الود
| |
|
|
|
|
|
|
|
|
|
Re: نُطالب بإيقاف اللِستِيّكة ... (Re: Mirghani Taitawi)
|
نعم للإستيكة ياود المدير ...
الإستيكة إبتكرها بكرى ليريح دماغه من ضربنى وبكى سبقنى اشتكى .. ودرع ليكم المسئولية فى رقبتكم ، وكل زوول يقيس مدى تحمله للآخر بمدى تحكمه فى آلة الإستيكة وعدم مسحه لمداخلات الآخرين وفى نفس الوقت تحمله لغضبه حين تُمسح مداخلاته هو...
بكرى ما ممكن يساهر الليل واالنهار يقرأ المنبر من راسه لقعره عشان يشوف منو تعدى على منو .. ومنو إشتكى من منو.. خلونا كمان نكون ممنطقيين شوية !! ..
يعنى إنتو عايزين الإستيكة تتلغى عشان تتعددوا على فرانكلى فى بوستاته مثلاً؟ ده إسمه سبق الإصرار والترصد ...
إنتو فرانكلى ده متعبكم كده مالو ؟؟ زوول ناقل أخبار ليس إلاّ.. لو هو ما عايز معاكم نقاش حارقين رزكم فوق كم ؟؟ .. مو أهو عندكم جادات وزهير ومين كده محمود بيرصوا دسته بوستات تحت بعض يومياً لماذا لا تتضجرون منها؟
شئ غريب والله .. !!
| |
|
|
|
|
|
|
|
|
|
Re: نُطالب بإيقاف اللِستِيّكة ... (Re: Munir)
|
للمعلومية يامعاوية لربما يأتى اليوم الذى تحتاج فيه لممسح مداخلة فيها إساءات من نوع آخر ــ كدى أنسانا من غضبك الشخصى على فرانكلى والذى أراك تشتمه بدون أن يشتمك .. كدى أنساه هسه .. لو كان مثلاً إنت فاتح بوست وجاء واحد كتب ليك فيهوزى كلام كبر الأثار عفاريتك داك فهل كنت ستمسحه من بوستك أم تتركه يقعد حتى الأرشفة؟؟ .. ..
| |
|
|
|
|
|
|
|
|
|
Re: نُطالب بإيقاف اللِستِيّكة ... (Re: Munir)
|
ما ممكن ياخ يكون المحرك لمثل هذه المطالبة تكون غبينة شخصية وتريد فك القيود عشاان تهجم على عضو منبر لم يعتدى عليك بالشتم بينما تطارده أنت بالشتائم حتى قبل أن تلغى الإستيكة.!!.. راجع نفسك شوية ياخ .. صححنى إذا أنا فاتتنى واقعة تعدى عليك فيها فرانكلى وقال ليك ضفدع واللـّ جربوع .. كلامى معاك ليس من أجل فرانكلى فأنا شايفه مقرر أن لا يرد على الإساءات، إنما مسغرب من هذا العدوان والشتائم منك ..
| |
|
|
|
|
|
|
|
|
|
Re: نُطالب بإيقاف اللِستِيّكة ... (Re: Munir)
|
يا منير انا شتمت فرانكلي ومقر بذلك، والبوست أصلا في الأول ما كان
استفتاء وكنت قاصد بيهو فرانكلي عديل كدا، بالنسبة للاستيكة عشان
فرانكلي نعم وقبل ذلك وقفت ضدها من يوم عملوها هنا.
ما تنسى في ناس هنا قالوا لا للاستيكة، يعني ما انا براي الرافضا.
| |
|
|
|
|
|
|
|
|
|
Re: صوّت بِنعم أو لا لإيقاف اللِستِيّكة ... (Re: Munir)
|
هههههههههههه،
والله العظيم يا منير طلقتني ليها يومين بس، اها بلا تطلقني
عديل عندي مواعيد مع ناس اللسان يكتلولي عروق ضرس
بعد كتلوهن وانتهوا جو يعافروا قالوا كدي كسروا الضرس،
اها بعد كسروهو يعافروا فيهو ساعة حتي مرقوهو بعملية، اها
إنت يالوردي قولي كدي اغمليني في البطانيي زي حبة
المنقة الغاملنها في الدقيق. أها عاد شن اسوي بلا افك مغستي فيكم ؟.
عاين لي جاي، بوست ياخ، بوست بالتربال ميرغني النجار
ؤ خسوسي غنوة والله يا ست الجمال ؤ ود جبرين أكان ما جا ماني عافيلو. ..
| |
|
|
|
|
|
|
|
|
|
Re: صوّت بِنعم أو لا لإيقاف اللِستِيّكة ... (Re: الزبير بشير)
|
والله يا ود المدير انت بتاع مشاكل ..
هسع عليك الله يعافروك في هناك تجي تغلت عليهم بي هنا ..
والله لو سعلتني اقول ليك قول لي ابو صلعة يرجع لينا المنبر دا زي زمان ..
ياخي والله حتى تعديل عنوان البوست كان الا تحاحي يومين عشان يعدلو ليكم ..
| |
|
|
|
|
|
|
|
|
|
Re: صوّت بِنعم أو لا لإيقاف اللِستِيّكة ... (Re: هشام كمال عبادي)
|
| Quote: والله لو سعلتني اقول ليك قول لي ابو صلعة يرجع لينا المنبر دا زي زمان .. |
حباب ود عبادي .
أها، شُفت كلمة زمان دي ياها الدايرين في فلكها ؤ ما قادرين نمرق،
الحاجة تكون عندنا ماشة زي السكة حديد (زمان) طبعاً نقُوّل كدي
نصوتا بعوّد، ؤ نقعد نقول أكان رجعوها لينا زي زمان أخيّر !.
ؤ كمان بعد نعرف إننا غِلِتنا الرجعة لي زمان تبقالنا قاسية خلآس،
عِناد بس قايل شِنو ...
| |
|
|
|
|
|
|
|
|
 Re: صوّت بِنعم أو لا لإيقاف اللِستِيّكة ... (Re: معاوية المدير)
|
مافهمت سؤال التصويت دا يا حبيب ..
هسه باالعنوان اليلك دا
يعني لو صوت بنعم معناتها مع الاستيكة تؤدي عملها ولو صوت بلا معناها رافض وضد ايقاف الاستيكة والا كيف؟!
وطيب الاعتراض في شنو..
بعدين الاهم من كدة الناس بتجوط مالها في اعضاء قاعدين يستخدموها والا شنو ؟!
ومنو ديل البيستخدموها وضد منو والمبررات شنو؟
غايتو ما اظن زول بيجي المنبر بتاع الحوار دا بيستخدم الاستيكة
عشان كدة بقول نعم
| |
|
|
|
|
|
|
|
|
|
Re: صوّت بِنعم أو لا لإيقاف اللِستِيّكة ... (Re: HAIDER ALZAIN)
|
سلامتك ياود المدير وكفارة ..
ياخ أنا عرفتك مورود ، وكمان شايل هم الضلمة والصقط الممدد لغاية شهر خمسة الجاى .. هههه
وجع الضروس أسعلنى منو أنا .. ونصيحة ليك زور طبيب الأسنان كل ٦شهور عشان لو ظهرت بوادر أى خرم يحشيه أول بأول ، وإلاّ الخرم يكبر وتانى ما ينفع معاه إلاّ كتل الجذور أو القلع .. كل شئ ولا الضرس مع الصقط ..
ملحوظة: نعم للإستيكة .. :)
| |
|
|
|
|
|
|
| |
معاوية المدير
جلالدونا
Elbagir Osman
أبوبكر عباس
علي دفع الله
محمد البشرى الخضر
احمد حمودى
Hassan Farah
عبدالحفيظ ابوسن
الطيب عباس
جمال ود القوز
أيمن محمود
Mohammed Abuzaid
Mirghani Taitawi
Munir
Elmoiz Abunura
محمد أبوالعزائم أبوالريش
محمد مجيدو
فيصل محمد خليل
Hamid Elsawi
عباس الدسيس
متوكل حسن
عبدالعظيم عثمان
ahmedona
Yasir Elsharif
منتصر عبد الباسط
الزبير بشير
هشام كمال عبادي
HAIDER ALZAIN
الشيخ سيد أحمد
فيس بوك
تويتر
انستقرام
يوتيوب
بنتيريست