نهاية كلبي العاشق

مرحبا Guest
اخر زيارك لك: 03-19-2024, 10:35 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف للعام 2016-2017م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
09-17-2016, 05:10 PM

درديري كباشي

تاريخ التسجيل: 01-08-2013
مجموع المشاركات: 3211

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
نهاية كلبي العاشق

    05:10 PM September, 17 2016

    سودانيز اون لاين
    درديري كباشي-
    مكتبتى
    رابط مختصر

    نهاية كلبي العاشق
    في المرحلة المتوسطة كنت مولع بتربية الحيوانات الأليفة ,, المتاح منها في البيت ,.. قفص دواجن صغير .. به بضع دجاجات وديك .. وبعد الحاح وافقت الأسرة على زوج من البط .. وكذلك بعد الحاح وكثير من (العباطة) وافقت الأسرة على تربية كلب .. بحجة حماية هذه الثروة الحيوانية .. بعد ذلك باءت المحاولات بالفشل في إلحاق الركب بقطيع من الماعز أو الارانب لقدرتها الهائلة في التخريب ..أكتفيت بهؤلاء وأحسنت تربيتهم وتدليلهم .. ركزت على الكلب أكثر فنما وشب على (الطوق) .. وكان شكلة جميلا يبدو أن له أصول أجنبية ( عقدة خواجة) .. شعره ناعم وكثيف ولونه أقرب للبرتقالي تتخلله مناطق بيضاء .. في الحقيقة لا أذكر من أين أحضرته وهو جرو .. لكنه أصبح معروفا في الحي ومألوفا لدى الجيران وبما أن موقع بيتنا كان مميزا في زواية مطلة على محطة مواصلات مكتظة بالمارة .. في بدايته كان يجتهد وينبح في كل غريب قادم ناحية المحطة . ثم أكتشف أن الحكاية ليس لها نهاية ( وما جايبة همهما) اصبح يصنف المارة فلا ينبح إلا على حملة العكاكيز أو الأسلحة البيضاء.. بعد أن أعود من المدرسة يتحول الى رفيقي الخاص للدكان أو الفرن بالعجلة أو راجلا .. ثم العصر نقضيه لعب وجري ..
    زوج البط فرخ عشرة أفرخ أكتسبت لونا أصفرا ذهبيا جميلا .. وأصبحت تغدو رائحة وذاهبة في مسيرة مهيبة فخورة ببنيها .أكيد أثارت حنق وحسد الديك ودجاجاته .. عملت للبطات حوض سباحة في الحوش ليكتمل المنظر الجميل .
    حدث تغيير في مثيرة الكلب وبرنامجنا العصري .
    خرجت بعد الغداء .. وفي زاوية البيت تفاجأت لأول مرة بوقوف صبية صغيرة لم تتجاوز الخامسة عشرة بكثير .. ترتدي لبس رياضة الكراتيه ناصع البياض وتحزم وسطها بالحزام المعروف .. أنا وكلبي أنبهرنا بجمالها .. أما هو الخبيث سبقني بهز زيله والتملق لها .. نادته بطرقعة أصابعها جرى نحوها ( وباعني دون تردد ) أصبحت تلاعبه وتضحك ببرآءة ترفع يدها لفوق وهو يتشابى لها .. تكاد تسمع صوت قهقهاته ..أما أنا أكتفيت بالوقوف أمام الباب والمشاهدة فقط كأني على حلقة ( سيرك) أضحك لضحكهما وعادتني السعادة .. بعد قليل حضر البص ركبت ملوحة لا أدري له أم لي ..
    في اليوم التالي بعد الغداء مباشرة كنا أنا والكلب نتزاحم على عتبة الباب نترقب حضورها .. وفعلا من لفة الشارع المقابل طلت .. تملأ بأبتسامتها المكان نورا ..
                  

09-17-2016, 05:11 PM

درديري كباشي

تاريخ التسجيل: 01-08-2013
مجموع المشاركات: 3211

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نهاية كلبي العاشق (Re: درديري كباشي)

    ( بن الكلبة ) لم ينتظرها تصل جرى نحوها يستقبلها يهز في زيله وهي كذلك حضرت معه من هناك تجري وتضحك وهو يجري خلفها وينطط _ (ويتعاور) . حتى وصلت زواية البيت ليبدأ مهرجان اللعب من جديد . إما أنا فكنت أنا مكتفيا بالتفرج مستعرضا بياض أسناني بلا طائل .
    نعود للبط كبرت البطيطات الصغيرات وبدأ يحل اللون الأبيض محل الأصفر في ريشها .
    رجعة صغيرة .
    كان عندنا جار وهو عسكري بالمعاش .. له هوايتين متناقضتين تماما .. الهواية الأولى هو أيضا كان مولعا بتربية الكلاب .. لكن كلابه ليست كلاب عادية لا أدري من أين يحضرها .. ضخمة وجميلة ومرعبة ..أما الهواية النقيضة ( ربما تكون في خيالي أنا فقط ) هي قتل الكلاب .. بما أنه عسكري كانت له بندقية . وخصص نفسه في قتل كلاب الحي التي يرى أن بها أعراض سعر .. وأعراض السعر هذه كان هو من يحددها .. فقط يطرق الباب على أهل الكلب .. والله يا حاج فلان كلبكم دا أحسن تقتلوه .. ليه يا ياعم .. عنده أعراض سعر .. طوالي أقتله ,,يحضر بندقيته ويمنح الكلب طلقة في أم رأسه فيرديه قتيلا ويذهب غرير العين مرتاح البال .
    بالنسبة لكلبي يامى تحرش به وبقدر ما حاجج الوالد الا أنا وقفت له بالمرصاد حاميا ومدافعا بكل ما أملك من قوة .
    وأستمر برنامج العصريات مع ذهاب المدرسة والكلب الظاهر غرق ( على قول المصريين لشوشته) في حب الحسناء الصغيرة ,,وأصبح ينتظرها في زاوية البيت حتى يوم الجمعة وهو يوم غيابها .. أناديه يصر ألا يبارح المكان حتى تأتي ..
    بعدها شكى لي ناس البيت أن عدد البطات بدأ يتناقص ..أنزعجت ورحت عديتهم وفعلا أكتشفت نقص فرختين جن جنوني ..ولم نعرف السبب حتى لم نعثر على الجثث .. ظنيتها سرقت .. قفلنا الأبواب وشددنا الحراسة .ورغما عن ذلك أستمر النقص
    في يوم ما أصبت بالملاريا وغبت من المدرسة بينما أنا نائم بالصالة سمعت ضجيج البطة الثكلى ,, خرجت مفزوعا أكتشفت أن الكلب خطف إحدى الفرخات وقفز بها السور . فتحت الباب وتبعته من بعيد .. جرى مسافة بعيدة .. لا زلت أتبعة وأنا ارتجف من الغضب .. وصل الى مكب النفايات .أزهق روحها هناك تناولها كلها وترك ريشها وعاد كأن شئ لم يكن ..هذا الكلب أبن الكل أتضح أنه يفطر ببطة كاملة ولا أجعص عمدة في دوار .
                  

09-17-2016, 05:12 PM

درديري كباشي

تاريخ التسجيل: 01-08-2013
مجموع المشاركات: 3211

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نهاية كلبي العاشق (Re: درديري كباشي)

    أنا من الغضب لم أذهب الى البيت ..
    بل ذهب مباشرة الى عمنا قاتل الكلاب .. وبلغته بأن كلبي يستحق إحدى رصاصاته فعلا ..ما أعظم الخيانة عندما تكون من المخول به الحراسة والحماية ..
    عمنا ما صدق كأنها لحظة ينتظرها على أحر من الجمر .لم يجادلني أو يحاولني أن أتراجع . دخل الى بيته وأحضر البندقية ..ربما خاف أن أغير رأيي ..
    عدت الى البيت ناديت الكلب تبعني الى ذات مكب النفايات .. رغم أنه شاهد بمعيتي قاتل الكلاب . ورغما عن أنه كان أكثر شخص يكرهه في الدنيا وينبح بمجرد سماع صوته إلا أنه لم يقاوم كأنه أقر بجرمه . ذهب معنا .. وطلب مني قاتل الكلاب أن أوقفه في تل النفايات .. وقف الكلب مستسلما .. صراحة آخر نظراته لي كانت تحس فيها الحزن والندم .. كادت تطفر من عيني دمعات ..كأنه يقول لو كان هذا حكمك فأنا راضي به .. قاتل الكلاب لم يرد أن يدوم هذا المشهد طويلا فأتأثر أنا وربما غيرت رأيي تعجل و وضع البندقية على رأسه مباشرة وأطلق طلقته .. ليسقط أرضا متكوما في ذات المكان الذي أذهق فيه أرواح المسكينات ..
    عدت الى البيت بمشاعر متابينة بين الحزن والرضا ..أبلغت ناس البيت بالقصة مجتمعة . وكذلك شاركوني بالمشاعر المتباينة .. وأراء متباينة أيضا ..( ما كان تقتله .. ويا حليله .. ) كلها عواطف لن تغير شيئا .. والعدل لازم يأخذ مجراه ..
    في العصر خرجت وقفت وقفتي المعتادة .
    حضرت الحسناء الصغيرة بذات ابتسامتها .. متوقعاه أن يخرج عليها في أي لحظة .. قرأت سؤالها الصامت عنه في عينيها .. ربما وجدت الأجابة في نظراتي الحزينة .. ركبت الحافلة ولازالت تنظر متسائلة عبر النافذة .. عساه ان يأتي .
    لكنه ذهب بعيدا حيث لن يأتي أبدا .

                  

09-18-2016, 06:57 AM

درديري كباشي

تاريخ التسجيل: 01-08-2013
مجموع المشاركات: 3211

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نهاية كلبي العاشق (Re: درديري كباشي)

    *
                  

09-18-2016, 07:33 AM

ادريس خليفة علم الهدي
<aادريس خليفة علم الهدي
تاريخ التسجيل: 10-11-2005
مجموع المشاركات: 5409

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نهاية كلبي العاشق (Re: درديري كباشي)

    (*)

    ابو الدر ..
    يتبارك عليك العيد
                  

09-18-2016, 09:11 AM

درديري كباشي

تاريخ التسجيل: 01-08-2013
مجموع المشاركات: 3211

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نهاية كلبي العاشق (Re: ادريس خليفة علم الهدي)

    ابو الدر ..
    يتبارك عليك العيد

    -------------------------------------------------

    مشكور يا علم الهدى

    وكل عام وأنتم بألف خير يا حبيب
                  

09-18-2016, 09:43 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نهاية كلبي العاشق (Re: درديري كباشي)

    جابنو كـلبـة عمي علي ود بله ولدت سبعة من ضكر لنتاية وكل يحمل اسمه
    ومعاهم الكـلـب الكبير الضكر واسمه جاموس
    جابنو وجاموس عشرة عمر مع فريق عمي علي ود بله وحبوبتي حرم مدينة
    جابنو بتعرف ناس الفريق كلهم نفر نفر وناس الفريق يبادلوها المعرفة والاحترام
    نسلم عليها زيك يا جابنو وترد السلام وتكاد تسمع تحياتها وتشوف الابتسام في وشها
    وويل لكل من يمر بالفريق وهو غريب تشم ريحتو من بعيد وتلبد ليهو في فرقة وتلحسو المرقة
    وقولة هووووو غريبك ينط وقلبو اطير فر وتكاوشو جابنو تحت كرعيه وعلالتو تقيف تُكل
    علا احلو عمي علي ود بله ولا حبوبتي حرم مدينة بعبارات معروفة لديها ...
    جابنو البلا اللياخدك قطعتي قلب الضيف
    وهنا تَتَبْتِب ضنبها معتذرة للضيف الكريم مع تَعْوِيصَة الترحيب والاحترام
    جابنو كان يومنا معها اسودا حين قتلها البوليس بالبندق دلللللل
    حتى هذه اللحظة كاني اسمع صوت البندق دلللللل في قلب جابنو واتكرفست في صمت للابد
    اصلو البوليس دخل الحلة في نهارٍ يدخل القمرية في الراكوبة نصت نهار سَكًتْ عِمَي
    مشى لشيخ الحلة طوالي في بيتو عشان يدلوا علي الكلاب الضالة والسعرانة ليعدمها بالرصاص
    شيخ الحلة جبد عراقيهو المشرور في الحر وطنطن كتال الكلاب جانا قبل رشاش الزفت الله إكفينا شرو
    واسترني معاهو ومع ناس الحلة
    رحب بيهو شيخ الحلة وجاب ليهو موص بارد قبل ما يعوسو كسرة الغدا يغديهو ويمسكو درب الله واخليهو
    وفي هذا الاثناء تجمع ناس الحلة كبار وصغار وبنات ونسوان كلهم يهمهمون ويطنطنون
    وكل منهم خوفا على ضنب كـلبـو واخبروا شيخ الحلة بان لاكـلـب سعران او ضال بيننا ليقتل رميا بالرصاص
    وائ رصاصة في قلب واحد من كـلابـنا هي رصاصة في حشانا كـلابـنا عاشت بيننا ولها كبد رطبة مثلنا
    وكادت ان تقوم مظاهرة عارمة امام ديوان شيخ الحلة والبوليس كلامهم فايتو اضانو
    بعد اخذ ورد توصل شيخ الحلة معهم لاتفاق بان يمشوا لـ علي ود بله كلابو كتار اكتلو منهم واحد ولا اتنين
    عشان يرضو البوليس قال اصلو ما بمش فاضي بدون قتل كـلب او اثنين من كل حلة
    والشيخ يرى انه من العيب ان يسمع من المعسولين بان شيخ الحلة غير متعاون في حملة قتل الكلاب الضالة
    والسعرانة رغم اقتناعه بان لايوجد في حلته كـلب سعران او ضال فهو في حرج من امره بين مطرقة
    الحيكومة وسندان ناس الحلة وبقى ليهو زي دق الوتد في الدلجا
    إتفق شيخ الحلة مع جمهور الناس المتجمهرة بان يتغدى البوليس ويمشوا الحلة القدامية
    لعلي ود بله باقي كـلابو كتار بالحيل اكان الله اهديهو وادينا واحد ولا اتنين نكتلن ونرتاح
    من لخمة البوليس دي العملت لينا سافوتا
    وانطلق بعض الصبية امامهم لبيت عمي علي ود بله واخبروهو الخبر الصاعق فتبسمل وتعوذ
    وتشهق وتمطق ونادى حبوبتي حرم مدينة ... شفتي يا فالحة ناس حلتك الورا حسادتن
    انا عندي كـلاب ؟ شن عندي انا غير جابنو واولادا السبعة والكـلب الضكر ودمه يفور في عروقو
    وقبل ان يجف ريقو وقف امامه شيخ الحلة والبوليس بندقو في كتفو
    وشفع الفريق ورجالو ونسوانو عجاجتن رابطة بعر حمير وغنم
    وقف عمي علي ود بله واو احمر ووقفت حبوبتي حرم مدينة نون نسوة نجيضة وفالحة
    ووقفنا نحن الشفع معاهم نكتح التراب اكان يعمي عين البوليس من جابنو
    سمعنا الشيخ قال نكتل جابنو العجوز عشان نرضي الحيكومة
    الحيكومة طايرة في السماء وات ماسك في كرعيها يا شيخ الحلة والبوليس ماسك في كرعيك
    جابنو علا اموت انا معاها
    هكذا ردد عمي علي ود بله

    الحيكومة طايرة في السماء وات ماسك في كرعيها يا شيخ الحلة والبوليس ماسك في كرعيك
    جابنو علا اموت انا معاها
    وقتلت جابنو بقوة السلاح امام اعين كل احبابها
    وراحت في صمت للابد وتركت حسرة في نفوس محبيها
    !!!!!!!!!!!!!!!!!!!!!!!!!!!!!!!!!!!!!!!!!!!
                  

09-18-2016, 09:58 AM

درديري كباشي

تاريخ التسجيل: 01-08-2013
مجموع المشاركات: 3211

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نهاية كلبي العاشق (Re: عبدالله ود البوش)

    الحيكومة طايرة في السماء وات ماسك في كرعيها يا شيخ الحلة والبوليس ماسك في كرعيك
    جابنو علا اموت انا معاها
    وقتلت جابنو بقوة السلاح امام اعين كل احبابها
    وراحت في صمت للابد وتركت حسرة في نفوس محبيها
    !!!!!!!!!!!!!!!!!!!!!!!!!!!!!!!!!!!!!!!!!!!
    -------------------------------------------------------

    يا سلام عليك يا شيخ العرب

    أولا بالتبادي عيدا ما يتبارك عليك وعيالك ما له طعم ..

    قصة جابنو خففت على صدمة وذكرياتي كلبي

    وأحلى إضافة
                  

09-18-2016, 10:06 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نهاية كلبي العاشق (Re: درديري كباشي)

    معليش يا الحبيب دخلت عليك زي الشعفوفة قبل ابارك ليك العيد
    يعود عليك العيد وانت والاسرة دائما طيبين وزينين وجركم ملان عجين
    .
    .
    كتلت كلبك قطعت قلبي ياخ
    غلطان بانك لم توفر له لقمة العيش حتى جاع وسرقها
    ياخي حرام عليكم تجوعوا الكلب وتدوهو طلقة في راسو
    حاملي البندقية تبا لكم يا كيزان
    .
    .
    كل الود والاحترام
                  

09-18-2016, 10:13 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نهاية كلبي العاشق (Re: عبدالله ود البوش)

    عاين لي جاي يا درديري
    .
    .
    اتا كلبك دا مات قبل اقرن عشقيته الجميلة ول غلبك تجاسف وصف القرنة ؟
    انها لوحة الحياة الرائعة جاسفا عليك الله
    وبصراحة وصفك للجمال فيه شئ من الاستلاب
    نحن بنحب اللون الاسود جد والله
    نعشق الظلام واللون السود وفي ذلك تناغم جميل ومثير ويخلي الزول يترقط حبا وولها
    ويغني بالليل دا ماش وين يا الكنار ؟
                  

09-18-2016, 10:23 AM

درديري كباشي

تاريخ التسجيل: 01-08-2013
مجموع المشاركات: 3211

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نهاية كلبي العاشق (Re: عبدالله ود البوش)

    تا كلبك دا مات قبل اقرن عشقيته الجميلة ول غلبك تجاسف وصف القرنة ؟
    انها لوحة الحياة الرائعة جاسفا عليك الله
    وبصراحة وصفك للجمال فيه شئ من الاستلاب
    نحن بنحب اللون الاسود جد والله
    نعشق الظلام واللون السود وفي ذلك تناغم جميل ومثير ويخلي الزول يترقط حبا وولها
    ويغني بالليل دا ماش وين يا الكنار ؟
    ------------------------------------------------------------------------

    هههههههههههههههه

    لا يا حبيب وين أنا وصفت اللون ألا كان لون الكلب هو كان أشقر ( يا داب اللون جاني كان قلت برتقالي)

    أما ألأمورة أبدا ما وصفت شكلها وأصلا أنا ما قعد أتورط في وصف تفاصيل الجمال لأنه مؤمن بأن كل شخص له معاييره الخاصة .

    لكن ممكن أقول جمال مبهر جمال يشرق ..

    وبصراحة البنوته لا يوم الليلة شارقاني

    بعض الأصحاب قالوا لي أنت كتلته غيره ساي وعملت السبب في البطات ..

    بعدين هو ما جعان ...بل العكس هو مدلل لدرجة الباسطة نقسمها معاه

    لكن النفس كعبة لم تفتح
                  

09-18-2016, 10:37 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نهاية كلبي العاشق (Re: درديري كباشي)

    وبصراحة البنوته لا يوم الليلة شارقاني
    ----------------------------------------
    هي بنوتة بني ادم
    سجم امك يا خالد ... انا قايلها بت كلب ؟
    وزعلت قبل ان يقضي فيها كلبكم الكريم وطره
    .
    .
    لا يا حبيب وين أنا وصفت اللون ألا كان لون الكلب هو كان أشقر ( يا داب اللون جاني كان قلت برتقالي)
    -------------------
    انا لا اقصد درديري كباشي شخصيا بل الراوي ..... وبتمنى كل راوي سوداني يروي لينا حسب السواد الاعظم
    من حكايات عشقنا
    وعلى كل حال انا لست بناقد لكن بتلتخ ساهي مرات الشغو ومرات اجيبو ملان
    .
    .
    تعجبني دائما كتاباتك يا جميل
    كل الود والاحترام
                  

09-18-2016, 02:33 PM

درديري كباشي

تاريخ التسجيل: 01-08-2013
مجموع المشاركات: 3211

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نهاية كلبي العاشق (Re: عبدالله ود البوش)

    تعجبني دائما كتاباتك يا جميل
    كل الود والاحترام
    ----------------------------------

    لا وأنت الصادق
    حكيك هو الأحلى

    تنقلنا هناااااك
    حيث الضهاري
    وقعدات العصاري
    وصيد القماري
                  

09-18-2016, 05:03 PM

عمر أبوعاقلة
<aعمر أبوعاقلة
تاريخ التسجيل: 04-11-2016
مجموع المشاركات: 1321

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نهاية كلبي العاشق (Re: درديري كباشي)

    دخلت (أقول صباح الخير وأشوفك كيفن أصبحت)

    سلام أبو الدر والعيد يتبارك عليك وربنا يحقق الأمنيات

    بس (بفتح الباء)

    مودتي
                  

09-19-2016, 08:16 AM

درديري كباشي

تاريخ التسجيل: 01-08-2013
مجموع المشاركات: 3211

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نهاية كلبي العاشق (Re: عمر أبوعاقلة)

    دخلت (أقول صباح الخير وأشوفك كيفن أصبحت)

    سلام أبو الدر والعيد يتبارك عليك وربنا يحقق الأمنيات

    بس (بفتح الباء)

    مودتي
    --------------------------------------------------

    كيفك يا حبيب كل عام وأنتم بخير

    منور والله
                  

09-19-2016, 10:13 AM

عمر التاج
<aعمر التاج
تاريخ التسجيل: 02-08-2008
مجموع المشاركات: 3330

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نهاية كلبي العاشق (Re: درديري كباشي)

    لك التحية يا حبيب على القصة الجميلة المعبرة ذات النهايات الحزينة
    يا اخ الحيوان الجميل ده يشتت ليك السكر جنب بابك كل يوم وتقوم تبيعه بالساهل كدة ؟
    غدرا واغتيال كمان ؟ يعني شنو بطة كل يوم قصاد الروح المعنوية العالية البتجيك كل عصرية دي.
    وبعدين الحزن الاكبر انو النهاية جات من البوليس ..
    البوليس الغدار بتاع قصة العشق البين جابنو وجاموس الحاكاها ود لبوش له التحية
    هو نفسه جاركم الاغتال احلام غيرتك على كلبك، ونفسه البوليس الحاول يقتل كلب العريبي ضيف عمي الجاك
    كلب العريبي صادف حملة قتل الكلاب عز الشتاء،
    وعمنا لمن شاف البوليس بنشن للكلب طفر قدام الخرطوش وقال للبوليس تكتلني اول شي وبعدين تكتل الكلب
    البوليس ما اقتنع الا لمن الجاك قاله ده كلب ضيف ما بنكتل،وكان الضيوف بتكتلوا كنا بدينا بيك انت يا جنابو.

                  

09-19-2016, 03:33 PM

درديري كباشي

تاريخ التسجيل: 01-08-2013
مجموع المشاركات: 3211

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: نهاية كلبي العاشق (Re: عمر التاج)

    حكاويكم الحلوة يا التاج أنت وود البوش ذكرتني حكاية اسمها الزيارة بمشي أنكتها وأجيبها بس مش عارف مجكنة وين
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de