|
|
|
 Re: نكات الواتساب ... من يطلقها؟ (Re: Deng)
|
صحيح يا دينق،
نكات القبائل والنكات السياسية ونكات المساطيل.
حتى كان في توجّه من بعض الناس يحذّر من تداول نكات المساطيل، ويروا فيها ترويج للمخدرات ويعكس للأطفال خاصةً أن المسطول شخص ظريف وقد يشجعهم للتجريب.
أيضاً هناك نكات الأحداث (الخريف - رمضان - الأعياد - سرقة الأعضاء البشرية ... إلخ.)
لكن بالجد من يطلق هذه النكات وكيف تنتشر بهذه السرعة الغريبة؟
| |
 
|
|
|
|
|
|
|
|
Re: نكات الواتساب ... من يطلقها؟ (Re: aosman)
|
وهسع رجعت لقيت عبارة الاقدم من الكسرة قالها عبد العزيز ود الشغيل،،،
وعلق علبها اخوي احمد الشيخ..
وواحدة من نكات الواتساب الاقدم من الكسرة ::
عمك كبير في السن قاعد قدام الدكان وجاتو بت سمحة وعجبتو قال ليها::
انا عندي مصانع طحنية ومصنع تعبئة سمر وعندي ٢٠ دكان في السوق الشعبي
ومزرعةةفيها ١٠٠٠ بقرة ودخلي في الشهر ما يقل عن ٢ مليار وبقضي الاجازات
في اوروبا.....وقبال ما يكمل كلامه ،البت قالت ليه: انا ايمان من مكتب الضرائب،
الراجل نطط عيونه وقال ليها: وانا عمك عبد الرحمن الكضاب وكان مغالطاني اسال
مني ناس السوق ديل.......،،،،
اما اخر واحدث نكتة وصلتني صباح اليوم :
في حبوبة مكجنة مرة ولدها..وبتعمل في المستحيل عشان ترضيها ولكنها ابت ترضى عنها
ويوم سوت ليها شاي ظريف وجابتو ليها وقالت ليها : اتفضلي يا عمتي عملت ليكي شاي الغزالتين
والحبوبة ضاقت الشاي كده وصرت وشها وقالت ليها:والله شاهيك التقول في واحدة من الغزالتين
ميتة...،،،
ودمت بخير وصحة وعافية
| |
|
|
|
|
|
|
|
|
|
Re: نكات الواتساب ... من يطلقها؟ (Re: aosman)
|
| Quote: مع ذلك في ناس بتتصور أنها بتقدم لينا في الجديد... |
النسى قديمو تاه ياخ ....
من ناحية، الحكاية فيها تحفيز للإبداع (تأليف النكات فيهو كثير من الإبداع) .... لكن في ناس عندهم الواتساب عبارة عن (نكات + جمعة مباركة + صباح الخير + بعض الأدعية + حكاوي مقصود بيعا عِبَر لكن شترة شتارة شديدة)
| |
|
|
|
|
|
|
|
|
|
Re: نكات الواتساب ... من يطلقها؟ (Re: عمر السلمة)
|
واحد مسطول لف سجارته وضربها ليك
بعد طفاها جنبو فار شال باقي السيجارة واكلها ونط
دخل في جيب المسطول
المسطول طلع الشارع لقی بت سمحة شديد
شاغلها ليك
البت قالت ليهو بمشي اكلم ليك اخوي
المسطول قال ليها كلمي ابوك وامك
واخوك الصغير والكبير
الفار مرق راسه من جيب الجلابية وقال ليها
لو عندكم كديس زاتو كلميهو
| |
|
|
|
|
|
|
| |
محمد أبوالعزائم أبوالريش
Deng
احمد الشيخ
aosman
عمر السلمة
Osman Awoda
محمد عبد الله الحسين
فيس بوك
تويتر
انستقرام
يوتيوب
بنتيريست