بالجد شي يحيّر، لم يعرفه السودان من قبل بل معضلة ومصيبة كبيرة جداً تستحق وقفة ومراجعة. قطعاً إذا سقطت هذه الحكومة هذه الظاهرة سوف تكون مشكلة من أكبر المشاكل التي ستواجه الشعب السوداني كله...
11-02-2016, 05:35 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
واضح إنو المجموعة دي مكونة ومُعدة إعداد تام كامل شامل للقيام بعملية ضرب الرصاص في حالة الإشارة لها من القيادة العُليا. بس النوعية دي من البشر الجماعة ديّل جابوها مِن وييين ؟...
11-02-2016, 06:32 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
في تهديد وآضح هنا ينِم عن نيّة مبيّتة ورائها ما ورائها من إعداد للتصدي بالرصاص الحي من مجموعة صنعتها الحكومة للقتل ولا شئ غير القتل. يا ناس الحوار في المنبر ويا مؤيدي الحوار في المنبر ويا مؤيدي الحكومة في المنبر تعالوا لو عندكم ما يبرر هذا الفعل قولوهو لينا هنا، دا مِنبر حُر...
11-02-2016, 06:35 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
ضرب الجريف تمّ قبل ايام، يعني بعد الحوار. داير وآحد بس من مؤيدي الحوار يجي يبرر ضرب المواطنين بالرصاص حتي نقول ان الحوار حوار عادل يمكن التعويل عليهِ...
11-02-2016, 06:39 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
الفئة البتضرب الرصاص دي الناس ديّل جابوهم من ويّن، والدربُن مِنو، ؤ بيمرقوا من وين عِن ساعة الصفر ؟، يبدو ان مهمتهم ضرب المواطنين بالرصاص فقط بعدها يذهبون إلي سكناتهم وهم رهن الإشارة !...
11-02-2016, 06:52 AM
فرح الطاهر ابو روضة فرح الطاهر ابو روضة
تاريخ التسجيل: 10-22-2012
مجموع المشاركات: 11112
والله يا ود المدير ات ماك نصبح يعني عاوز ناس الحوار يجوك هنا ويتجدعوا في بوستك ده وتوزيع الوزارات على الأبواب ياخ والله الأيام دي ود الباوقة الكل طموحه مزرعه وبوفية وشحنة أدوات كهربية ما يجيك هنا
11-02-2016, 06:49 AM
عمر أبوعاقلة عمر أبوعاقلة
تاريخ التسجيل: 04-11-2016
مجموع المشاركات: 1321
Quote: والله يا ود المدير ات ماك نصبح يعني عاوز ناس الحوار يجوك هنا ويتجدعوا في بوستك ده وتوزيع الوزارات على الأبواب ياخ والله الأيام دي ود الباوقة الكل طموحه مزرعه وبوفية وشحنة أدوات كهربية ما يجيك هنا
ليه لا يا فرح ؟، طيّب خاوتننا الحوار من أجل إيقاف الحرب وحماية المواطن السوداني ليييه، والمواطن ينضرب رصاص عشان مرق اعزل من غير سلآح يدافع عن حقه ؟، انا عايز وآحد بس يجي يديني نموذج حصل في تاريخ السودان للبيحصل دا، لا يمكن تقول خطأ، ولا عيار طايش بل مجموعة بتخرج باوامر عديييل كدا عشان تضرب في المليان ؤ مافي حكومة بتسأل يبقى الحكومة هي البتقوم بهذا العمل الشنيع، والرئيس بلآ خجلة حاضن الحجر الأسود ؤ يطوف حول الكعبة !، يا ناس دا كتِل كتِل عدييييل كدا، وأغرب شئ الناس ساكتين !، الشعب أصبح لا خيار له يا يسكُت ؤ عينو تعاين لحقو يروّح يا نضرب رصاص. في ايّ وآحد من ناس الحكومة عندو تفسير للبيحصل دا ؟، في وآحد يقدر يجي يقول الحكومة معاها حق، واللآ في وآحد يقدر يجي يورينا كتيبة البلطجية البتعمل الحاجات دي الحكومة جابتها من وين ؟!...
11-02-2016, 08:20 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: يا مدير .. شئ مؤسف والله الناس ديل فاقد أخلاقي حتى لو في منصب وزير ما سمعت تصريحات وزير إعلامهم قبل يومين تحس إنه الناس بكرهونا عدييييل .. أي والله بكرهوا الشعب دا عديييييل كدا غايتو .. الله كريم
نعم يا ابو عاقلة، هم فعلاً يكرهون هذا الشعب، الحكومة لا يهمها الشعب في صغيرة أو كبيرة ولا تهمها البلد إطلاقاً، بل علي الشعب ان يشيّل فوق الدبَر والدماميل ؤ ما يقول اح. ياخي الجيش، الجيش الوآآآآآحد دا ما شايف البيحصل دا ؟، المفروض الجيش يتدخل لحماية المواطن، الحكاية دي ما حصلت مرّة ولا مرتين عشان يُغض الطرف عنها. في عصابة مسيطرة علي زمام البلد وأصبح واجب علي الجيش التدخُل لحماية البلد والمواطنين وإلا دا يبقى ما جيش، ؤ برضو بسأل البيفتحوا نار بكل بُروّد في المواطنين ديل جابوهم من وين ؟، هل في وآحد من مؤيدي الحكومة أو من المتعاطفين معها يقدر يجي ينفي حكاية الضرب دي أو يبررها ؟!...
11-02-2016, 08:30 AM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
المفروض يكون في إستنكار كامل من جميع القوى السياسية، ولا حزب ما سمعناهو ادآن البيحصل دا، المفروض تكون في إدانة من المؤيدين قبل المعارضين، وين مؤيدي الحكومة في هذا المنبر، وين مُؤيديهم، وين الأحزاب السياسيّة ؟، الأحزاب دي اصلاً ما منها فايدة وضعيفة والجيش أضعف منها. المفروض الظاهرة دي تكون اولى الأولويات يعني قبل السدود ؤ قبل حتي إستقطاع اجزاء من البلد وبيعها، سلآمة المواطن وتيسير الأمن له يجب ان يكون قبل كل شئ، يعني الحكاية دي تحصل بمجرد ان يرتفع صوت يقول للحكومة لا ؤ تنتهي بإسكات هذا الصوت ؤ مافي زول يقول البغلة في اللِبريق ؟!. خلاس، يبدو إننا تعودنا علي هذا بكل اسف...
11-02-2016, 08:41 AM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
ياهو دا الشريط يا مُنى، الغريبة الناس مسكوا في كلمة شذاذ افاق، ؤ فات عليهم الرجل في لحظة هوش وغضب صرّح بأمر خطير وخطير جداً. الراجل فكّ آخروا ؤ صرّح بأنهم كحزب أو عصابة عندهم ما سماهم بمجاهدين حقيقيّن، يبدو إنوا بتاعين حرب الجنوب كانوا ماركة صينية. الغريبة قال إنهم ناس مسئولين ؤ ما بيقولوا لناسهم وعضويتهم يتصدوا لجماهير الشعب. الرجل كان في حالة إنفعال وغضب عنيف جداً لدرجة أنه صرّح، وشئ فشئ أصبح امر القتل عادي عندهم وأصبح تحريك المجاهدين الصُح ؤ ناسهم زي ما قال للسغيرة والكبيرة. يا ناس تعالوا قولوا شئ، فالصمت مرفوض في مثل هذه الحالة...
11-02-2016, 08:55 AM
علي محمد الفكي علي محمد الفكي
تاريخ التسجيل: 01-08-2013
مجموع المشاركات: 3863
Quote: حملت القيادية الإسلامية،عضو مجلس الولايات ،البروفيسور سعاد الفاتح البدوي المجتمع مسؤولية الأزمة الاقتصادية الراهنة، وقالت الازمة سببها “ تحنط الناس وتبلدهم”وأضافت (الأزمة خالقنها نحن لانو مابنفكر)، وزادت” لو بنفكر كان شلنا كواريكنا وعصاياتنا ومشينا على البحر وأكلنا وأكّلنا المعانا” ، واتهمت سعاد في تصريحات بالبرلمان أمس الشباب بالنفاق، وقالت الشباب والمرأة “قاعدين ساي مافي إبداع ، داعية الي إعدام من يتعاطون (الخرشة والأفيون والقاعدين نايمين)، وطالبت سعاد بأهمية الإبداع في الزراعة والصناعة، وقالت(لازم نبدع في الزراعة والصناعة ونعتمدعلي رقبتنا ومانشحد الأمريكان) وأردفت” الشعب السوداني ماجيعان لكن ينقصه الابداع والسلام والاستقرار”.
معاوية المدير سلام دا كلام قيادات النظام دي مفترض انها ام وامرأة اكثر رقة وعاطفة ورحمة فلا تستغرب يا اخي فهؤلاء خرجوا من مدرسة الجبهة الاسلامية وتتلمذوا على يد سعاد الفاتح ونافع وامثالهم والذين يقومون باطلاق الرصاص ليس هم عناصر الشرطة السودانية وانما كوادر الجبهة الاسلامية من منسوبين الدفاع الشعبي والامن الشعبي كما قلت انت يتم استدعاؤهم للمظاهرات فقط وللاسف يتم كل ذلك باسم الشرطة و التمكين افرز قيادات للشرطة من اهل الولاء للجبهة لذا تلزم هذه القيادات الصمت ولا تتصدى للدفاع عن منسوبيها وعن سمعة الشرطة السودانية المحترفة
11-02-2016, 09:06 AM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
شفت كيف يا ود المدير ما وصلنا ليهو من عصابة الانقاذ ؟ ياهو دا الشريط يا مُنى، الغريبة الناس مسكوا في كلمة شذاذ افاق، ؤ فات عليهم الرجل في لحظة هوش وغضب صرّح بأمر خطير وخطير جداً هم خاتين كان حرضو دول افريقيا علي الانسحاب من الدولية ! عشان التصريحات والادلة والبراهين المافيها من غلاط ولا التباس .
اها والعمل ؟
11-02-2016, 09:39 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
وين إنتو يا مؤيدي الحكومة ؟، مُش دا الشعب الحاكماهو حكومتكم البينضرب رصاص دا ؟. وين إنت يا ود الباوقة ؟، وين إنت يا فرانكلي ؟، وين إنت يا وائل حمزة ؟، وين إنت يا محمد حمزة الحسين ؟، وين إنت يا كبر ؟، وين إنت يا منصور المفتاح ؟، وين إنت يا حيدر قاسم ؟، وين إنت يا الطيّب رحمة قريمان ؟، ويّنكِ يا طراجي نصيرة المظلومين ؟، وين إنت يا حسن حمّاد ؟، وينك يا حمد ؟، وينكُم، إشمعنا طناش يعني ؟!. أترضونه لإمهاتِكم، أترضونه لأبائكم، أترضونه لإخوانكم، أترضونه لأخواتكم، أترضون القتل العمد لعزيز لديكم ؟، ما لكم لا تنطقون ؟. فاحت رائحة الموت في كل مكان، وأصبح التهديد هو الهدوء الذي يسبق العاصفة، عاصفة الموت، الموت عدييييييل كِدا الموت الوآآآآآحد دا، يعني الموت برصاص من واليتُم الموت برصاص من ساندتُم فماذا أنتُم قائلون اليوم، وماذا أنتُم قائلون عندما تقفون بين يدي الجليل الرحيم ؟...
11-02-2016, 09:44 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
لا تدينوا الحكومة بس وآحد فيكم اليدُق سدروا ؤ يجي يقول الحكومة ما غلطانة. مُش إنتو قاعدين تدافعوا عن الحكومة يلآ تعالوا دافعوا، هذه هي حكومتكم وهذه هي أفعالها، بعدين ما تنسوا أحداث الجريف دي بعد الحوار...
11-02-2016, 10:04 AM
Farida Mahgoub Farida Mahgoub
تاريخ التسجيل: 01-13-2013
مجموع المشاركات: 2252
والله انا لمن شفت الفيديو اتخيلت اسرائيل وهي بتضرب في غزة من سيل الرصاص الحي .....حاجة غريبة!!!!!!
وبعدين لستة مؤيدي الحكومة ما بجوك كدا ...فشنو غير العنوان واكتب اسماءهم في العنوان.....مثلا العنوان ممكن يكون:
يا ود البارقة ويا فرانلكي ويا ويا ورونا انتو بتجيبوا الناس ديل من وين؟ او يا ود الباوقة ويا ويا.......ورونا رأيكم في البحصل دا؟
لازم تحرجهم عشان يجوا يردوا علي الاسئلة بتاعتك وبتاعة ضيوفك دي......دا لو هم بحسوا؟ ............................................
في ظاهرة تانية محيراني يا ود المدير ...... الناس الجات في الساحة الخضراء للبشير ديل مخلوقين من شنو؟ وسبحان الله في تزامن مع إضراب الاطباء......والاطباء مضربين عشان المواطنين .....يعني عشان الناس ديل ذاتهم!!!!
والله بيني وبينك بقت في حاجات تحير في الشعب السوداني دا..........ما عارفة الانقاذ دي عملت في الناس دي شنو!!!!!
السلام عليكم و رحمة الله ود المدير خد دى لبرلمان :
طالب نائب رئيس الجمهورية السابق والبرلماني الحاج آدم يوسف بتحرير العملية التعليمية في كافة مراحلها أبتداءً من الروضة إلى الجامعة، ودعا للتوسع في مؤسسات التعليم العالي في كافة الولايات بإنشاء جامعة في كل محلية، وقال الحاج في ورشة (قضايا التعليم العالي، الواقع والتحديات)؛ أمس " إن ثورة التعليم العالي لم تستمر بذات الدقة التي بدأت بها، ولابد من تحرير التعليم، وسياساته"، وأضاف " على القادرين أن يدفعوا ليتلقوا التعليم، وعلى الذين لا يستطيعون أن يدفعوا، عليهم بالإتجاه لجهات كوزارة الأوقاف وديوان الزكاة أو الصناديق الحكومية " وغيرها ، وشدد على ضرورة حساب التكلفة الحقيقية للتعليم حتى يدفعها القادرون ، وتساءل "هل الدولة قادرة على أن تمول التعليم حتى الجامعة"، ودعا لتصنيف المقتدرين عن غيرهم بالاستناد على البيانات الموضحة في السجل المدني.
آخر لحظة
11-02-2016, 06:40 PM
nour tawir nour tawir
تاريخ التسجيل: 08-16-2004
مجموع المشاركات: 17638
أت بتتكلم عن الحكومة دى كأنها حكومة جد جد.. الشى عصابة ومجرمين ولصوص عتاولة ولا يشق لهم غبار.. وود امبعّولات كمان.. و الوضع حاليا أصبح.. أنهم قاعدين بالرصاص الحى قصاد اى مظاهرة.... أما الحرابة وما أدراك ما الحروب الآهلية.. فدى لامن يسئموا من الانتينوف والسوخوى والطائرات بلا طيار والتعذيب فى الاشباح وهلم جرا.. بتموها أسلحة كيماوية..
بصراحة كلامك دا أدانى احساس انه فى حكومة فى السودان..
11-02-2016, 07:12 PM
abdalla elshaikh abdalla elshaikh
تاريخ التسجيل: 03-29-2006
مجموع المشاركات: 4001
ديل ناس قاعدين في كراسي متوهطّه فلو فقدوها حايفقدوا أرواحهم !! ولذالك و ححفاظاً علي هذه الكراسي يجب علي الشعب السوداني أن يموت عن بكرة أبيه إن كان بالجهل والمرض أو بالرصاص الحي صوناً لهذه الكراسي الوثيرة !!!
11-02-2016, 07:01 PM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
Quote: معاوية المدير سلام دا كلام قيادات النظام دي مفترض انها ام وامرأة اكثر رقة وعاطفة ورحمة فلا تستغرب يا اخي فهؤلاء خرجوا من مدرسة الجبهة الاسلامية وتتلمذوا على يد سعاد الفاتح ونافع وامثالهم والذين يقومون باطلاق الرصاص ليس هم عناصر الشرطة السودانية وانما كوادر الجبهة الاسلامية من منسوبين الدفاع الشعبي والامن الشعبي كما قلت انت يتم استدعاؤهم للمظاهرات فقط وللاسف يتم كل ذلك باسم الشرطة و التمكين افرز قيادات للشرطة من اهل الولاء للجبهة لذا تلزم هذه القيادات الصمت ولا تتصدى للدفاع عن منسوبيها وعن سمعة الشرطة السودانية المحترفة
سلآمات يا ود الفكي. يا راجل دي مرا مجنونة. والله صحي. الشعب دا يحملوهو القرف بتاعهم والفشل الأصبح لهم ديدن ؤ بعد دا يضربوهو رصاص !. الشباب والمرأة قاعدين ساي كيف يعني ؟، المرأة ياها دييييك قاعدة تبيع في الشاي عشان تربي عيالها ؤ هُم عارفنها لأنهم مطاردنها الليل والنهار بالجبايات، والشباب الحكومة هي التي جرتهم للمخدرات ولو تمّ إعدام المتعاطين أكيّد بعض من أعضاء العصابة حا يفلسوا، مافي شك الشعب السوداني ما جيعان لكن تنقصه حكومة عادلة وان تحلوا عنه يا من تفتحون الرصاص في صدره. رقة آيه وعاطفة آيه يا ود الفكي ؟!، ديل مخلوقات خرجت من إطار الجنس البشري والحيواني كمان، دي كائنات غريبة وغريبة جداً كمان. دعك من المُسميات الإسلآمية ديل خرجوا من الإسلآم جملةً وتفصيلآ. أكيّد الذين يطلقون الرصاص هم غير الشرطة، ولكن الشرطة ستار لهم والمسئولية هنا تقع علي قيادات الشرطة، وقيادة الشرطة متواطئة وهي جزء من العصابة، والمخطط وآضح، لكن السؤال الذي يظل مطروح أين الجيش ؟، لماذا لا يتصدى الجيش لهذه العصابة خاصةً وقد تكررت هذه المسألة وكما هو واضح من تصريحات القادة ان البلد فيها فئة مُعدة خصيصاً لقتل المواطن ؟!...
11-02-2016, 08:44 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
آسف جداً إذ أصبغت صفة الحكومة علي هذه الطُغمة في هذا البوست، وبعتذر للذين تضرروا من ذلك، هي فعلاً عصابة وكل من إنتسب لها من قريب أو بعيد فهو عضو فيها وكذلك من دعمها ولو بِبِنت شفة...
11-02-2016, 09:18 PM
احمد الشيخ احمد الشيخ
تاريخ التسجيل: 12-23-2014
مجموع المشاركات: 784
تحياتي يا ود المدير ديل سودانيين للاسف واي شعب فيه وفيه وقبلهم كانوا بقتلو المتظاهرين بالمئات في مظاهرات سبتمبر وقبلهم كانوا بعذبو المعارضين في بيوت الاشباح بصنوف غريبة من العذاب من ضمنها انتهاك الاعراض وقبلهم كانوا بغتصبوا النساء في دارفور وبكتلو المدنيين لاتفه الاسباب زي ما اعترف البشير نفسه وقبلهم كانوا بصفو ضباط زملائهم باغتيالات صريحة او في شكل حوادث طيارات او عربيات او سموم ديل ناس بتدربوا في معسكرات خاصة وبخضعوا لعمليات غسيل دماغ مكثفة بحيث الواحد منهم مستعد يكتل شقيقه لانهم مصورين ليه انه شقيقه دا عميل وكافر وخاين وكتله بدخلك الجنة اما طلبك لمؤيدي الحكومة للرد فلا تطمع في ذلك الا مبررا او نافيا فهم اما متخرجون من نفس هذه المعسكرات او مستفيدون منهم
Quote: السلام عليكم يا ود المدير والله انا لمن شفت الفيديو اتخيلت اسرائيل وهي بتضرب في غزة من سيل الرصاص الحي .....حاجة غريبة!!!!!! وبعدين لستة مؤيدي الحكومة ما بجوك كدا ...فشنو غير العنوان واكتب اسماءهم في العنوان.....مثلا العنوان ممكن يكون: يا ود البارقة ويا فرانلكي ويا ويا ورونا انتو بتجيبوا الناس ديل من وين؟ او يا ود الباوقة ويا ويا.......ورونا رأيكم في البحصل دا؟ لازم تحرجهم عشان يجوا يردوا علي الاسئلة بتاعتك وبتاعة ضيوفك دي......دا لو هم بحسوا؟ ............................................ في ظاهرة تانية محيراني يا ود المدير ...... الناس الجات في الساحة الخضراء للبشير ديل مخلوقين من شنو؟ وسبحان الله في تزامن مع إضراب الاطباء......والاطباء مضربين عشان المواطنين .....يعني عشان الناس ديل ذاتهم!!!! والله بيني وبينك بقت في حاجات تحير في الشعب السوداني دا..........ما عارفة الانقاذ دي عملت في الناس دي شنو!!!!! لكن الله في....
وعليكم السلآم أُختي فريدة. البشير وعصابته إنتهجوا نهج حسن الصباح وكونوا هذه الفرقة التي لا يمِت أفرادها للسودان بِصِلة، ولاهُم يمِتون للسودان بصِلة فالسودان علي مدى تاريخه لم يعهد مثل هذه التصرفات. اصبحت عصابة البشير كلما تشعر بالخطر تلجأ للسلآح ضد المواطنين العُزّل. مُؤيدي الحكومة ماهم إلا مجموعة فطريات لزجة تعيش في مستنقع هذه العصابة الآسِن، هاؤلاء قوم مجردين من الإحساس، فقدوه حتي أصبحوا لا يحسون حتي بالدماء التي تُسفك ليل نهار. بكل أسف كُلّ العُرى تمّ تفكيكها حتي دخل المواطن المسكين في أرض التِيّه وأصبح واقف في العراء مكشوف الصدر لرصاص الغدر والخيانة. هنالك بادرة اليوم تلوح في الأُفُق ممثلةً في إضراب الأطباء أتمنى ان يلتفت لها الشعب ويلتفّ حولها بدلاً من الإلتفاف حول صعاليك الساحة الخضراء، ما زال الإضراب قائماً والفرصة مُتاحة...
11-03-2016, 05:31 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: السلام عليكم و رحمة الله ود المدير خد دى لبرلمان : طالب نائب رئيس الجمهورية السابق والبرلماني الحاج آدم يوسف بتحرير العملية التعليمية في كافة مراحلها أبتداءً من الروضة إلى الجامعة، ودعا للتوسع في مؤسسات التعليم العالي في كافة الولايات بإنشاء جامعة في كل محلية، وقال الحاج في ورشة (قضايا التعليم العالي، الواقع والتحديات)؛ أمس " إن ثورة التعليم العالي لم تستمر بذات الدقة التي بدأت بها، ولابد من تحرير التعليم، وسياساته"، وأضاف " على القادرين أن يدفعوا ليتلقوا التعليم، وعلى الذين لا يستطيعون أن يدفعوا، عليهم بالإتجاه لجهات كوزارة الأوقاف وديوان الزكاة أو الصناديق الحكومية " وغيرها ، وشدد على ضرورة حساب التكلفة الحقيقية للتعليم حتى يدفعها القادرون ، وتساءل "هل الدولة قادرة على أن تمول التعليم حتى الجامعة"، ودعا لتصنيف المقتدرين عن غيرهم بالاستناد على البيانات الموضحة في السجل المدني. آخر لحظة
وعليكم السلآم أخي معاذ. زي ما بنقول في عاميتنا السودانية، دا كلآم ساكت. وزراة أوقاف ديوان زكاة، صناديق حكومة !، ياخي دا راجل مُهرّج كبير، هي عصابة السوء دي بتنهب في بائعات الشاي ؤ صبيان الدرداقات وال#################### دا يتحدث عن مؤسسات وهمية لا علآقة لها بالواقع !. المشكلة إنوا المساكين المضغوتين ديل لو قالوا بِغِم الرصاص صوته سوف يبلغ عنان السماء، فمن اين اتت هذه العصابة التي تسلطت علي رقاب الشعب السوداني الأصيّل، ومن ايّ كوكب جلبت هذه المجموعة التي نُزعت من قلوبها الرحمة ؟، غايتو السودانيين البنعرِفُن ما كِدا !...
11-03-2016, 05:40 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
تحياتي وتقديري .. أنا موجود ومفقود .. وحقيقة لم أرى ندائك إلا قبل سويعات هات ما عندك ؟؟ احداث الجريف.
وائل حمزة الزبير، حبابك ألف. انا ما عندي حاجة كتيرة يا اخوي، أنا عندي فرِد سؤال وهو، المجموعة البتقوم بإطلآق الرصاص في المظاهرات دي عصابة البشير بتجيبا مِن وين ؟، طبعاً بغض النظر عن إنهم اطلقوا النيران في الجريف أو في كجبار، المُهِم أهِي مجموعة مأجورة نزع الله من قلبها الرحمة...
11-03-2016, 05:49 AM
فرح الطاهر ابو روضة فرح الطاهر ابو روضة
تاريخ التسجيل: 10-22-2012
مجموع المشاركات: 11112
قلت اتاوق اشوف الجاك منو للرد على أسئلتك يا ود المدير لأنك زول طيب ولسه عشمان في صحوة ضمير من من جلسوا على موائد السحت والنفاق لمباركة سياسات السلطة القاتلة وكما توقعت تماما لم يحضر أحد تبقى الأقلام الصادقة التي ساهمت ولا زالت تساهم في إثراء هذا البوست هم أصحاب الوجعة الحقيقية ومن لا تأخذهم في الحق لومة لائم فللجميع التحية ولكل الصامدين القابضين على جمر القضية
11-03-2016, 06:01 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: مشكور يا صاحب .. شفت كيف يا ود المدير ما وصلنا ليهو من عصابة الانقاذ ؟ ياهو دا الشريط يا مُنى، الغريبة الناس مسكوا في كلمة شذاذ افاق، ؤ فات عليهم الرجل في لحظة هوش وغضب صرّح بأمر خطير وخطير جداً هم خاتين كان حرضو دول افريقيا علي الانسحاب من الدولية ! عشان التصريحات والادلة والبراهين المافيها من غلاط ولا التباس . اها والعمل ؟
مُنى يا صديقة، العمل وقفة صامدة لجميع قطاعات الشعب السوداني مع إضراب الأطباء، وحملة إستنفار في حوش بكري للوقوف معهم، ولتذهب أفريقيا بجميع أقطارها مقاطعة ومنسحبة من الدولية فالأمر لا يحتاج لأدِلّة وبراهين دا قتل في وضح النهار. إكتبوا بوستات دعم لإضراب الأطباء ولو بنقطة فقط...
11-03-2016, 09:26 AM
محمد عبد الجليل محمد عبد الجليل
تاريخ التسجيل: 05-08-2016
مجموع المشاركات: 69
الاخ معاويه والضيوف الكرام تحياتى انا متاكد تماما ان تلك الحثاله لن تجرؤ ان تجيب علي تساؤلاتك ولكن الغريب ان يوجد شخص ما تسمح له نفسه ان يقف موقف حيادي تجاه هذه البربريه الطباء الشرفاء يتقدمون الصفوف اهالى الجريف يصارعون هذه العصبه ونحن نتفرج السؤال المهم هو هل نحن حقا جديرين بالحريه هل نحن حقا من كتبت فيه القصائد عن بطولاتنا واننا معلمي الشعوب في الثوره علي الظلم ام ان كل هذا الكلام اضغاث احلام الحريه لن تاتي لنا متسربله بثياب الزفاف البيضاء ولكنها سوف تاتي بلون الدم الاحمر القاني لاسبيل للحريه الا بفتح الصدور للرصاص -احنا عددنا كم وهم كم وا اسفاه علي جبننا وا اسفاه
11-03-2016, 10:49 AM
الهادي الشغيل الهادي الشغيل
تاريخ التسجيل: 12-07-2015
مجموع المشاركات: 4388
حبابك(مائة ألف) .. بداية أقول نسأل الله جميعاً أن يرد الحقوق إلى أهلها وأن يحفظ أبنائنا وأبنائكم من كل سؤ .. وكثيراً تحدثنا عن ما يحدث في المظاهرات السابقة وكان لي وجهة نظر .. أيضاً أود أن أتحدث عن قضية وصفك لي بأنني من المدافعين عن الحكومة الحالية .. أقول وبالله التوفيق نعم أن من الذين يدافعون عن هذه الحكومة وسأظل أدافع عنها بكل ما أملك .. فهي الحكومة التي ترفع راية العروة الوثقى خفاقة . أما عن أحداث الجريف فأذكر بأنني كنت في نقاش مع أحد شباب الجريف في وقت سابق وهو من أولئك الثوار (القايمين بنمرة أربعة) .. المهم . قال لي ذلك الشاب بأن بعض الشباب هجموا على معدات ثقيلة تابعة للشركة العربية واحرقوها هذا الحديث ذكره لي ذلك الشاب في وقت سابق .. وقد استدرجته لكي يذكر ذلك لمن كانوا حولنا ..ما أريد قوله يا معاوية هو أن الحكومة تحافظ على الامن من الانفلاتات والتعديات وكل من يريد أن (يخت قمبور في رويسو) .. قضية اطلاق النارلا تكون الا على من يخرب أو يدمر أو يفسد . ونواصل
ورسالتي للركام الذين تحدثوا عن (اللولوة) أقول لهم والله لا (يتلول) إلا الدبيب .. وقسماً بالله ولن نركع فدم الايمان بنا يجري قسماً بالله ولن نرضى غير الاسلام مدى العمر .. فلتخسأ كل عقائدهم من حمرٍ تخدع أو صفرِ فهدير الحق سيمحقم وترفرف رايات النصرِ وترفرف رايات النصرِ.. الله أكبر الله أكبر لا اله الا الله.
11-03-2016, 11:44 AM
Farida Mahgoub Farida Mahgoub
تاريخ التسجيل: 01-13-2013
مجموع المشاركات: 2252
خلاص ارتحت يا ود المدير؟ اها طلعوا ناس الجريف هم المخربين المفسدين المعتدين و"يجب" اطلاق الرصاص الحي عليهم دفاعا عن "الاسلام" !!!! وسيستمر هذ النهج كان عجبك حتى يتم التخلص من كل كفار قريش المقيمين في الجريف ان عجبك والما عاجبو يلحس كوعه تقول لي حوار ووثبة ؟
11-03-2016, 01:27 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: حبابك(مائة ألف) .. بداية أقول نسأل الله جميعاً أن يرد الحقوق إلى أهلها وأن يحفظ أبنائنا وأبنائكم من كل سؤ .. وكثيراً تحدثنا عن ما يحدث في المظاهرات السابقة وكان لي وجهة نظر .. أيضاً أود أن أتحدث عن قضية وصفك لي بأنني من المدافعين عن الحكومة الحالية .. أقول وبالله التوفيق نعم أن من الذين يدافعون عن هذه الحكومة وسأظل أدافع عنها بكل ما أملك .. فهي الحكومة التي ترفع راية العروة الوثقى خفاقة . أما عن أحداث الجريف فأذكر بأنني كنت في نقاش مع أحد شباب الجريف في وقت سابق وهو من أولئك الثوار (القايمين بنمرة أربعة) .. المهم . قال لي ذلك الشاب بأن بعض الشباب هجموا على معدات ثقيلة تابعة للشركة العربية واحرقوها هذا الحديث ذكره لي ذلك الشاب في وقت سابق .. وقد استدرجته لكي يذكر ذلك لمن كانوا حولنا ..ما أريد قوله يا معاوية هو أن الحكومة تحافظ على الامن من الانفلاتات والتعديات وكل من يريد أن (يخت قمبور في رويسو) .. قضية اطلاق النارلا تكون الا على من يخرب أو يدمر أو يفسد .
يا وائل بطّل لولوة، أهو إنت اعترفت بأنّك مع البشير وعصابته وإنهم بيطلقوا الرصاص الحي علي المواطنين الغير مسلحين ويقتلوهم، مهما كانت جريمتهم التخريبية فهم لا يحملون سلآح والجانب الذي تصدى لهم يطلق الرصاص قلنا مافي الجريف لوحدها، يا وائئئئئئئل مافي الجريييييييييييف لوحدهههههههههها، مافي الجريف ؤ بس، هل عِندك معرفة بالبشير ؤ عصابتو بيجيبو الناس البيطلقوا الرصاص ديّل من وين ؟، دا السؤال، هل عندك إجابة ؟، إنت بتعرفهم ؟، بتعرف مكان تدريبهم ؟، هل إتعاملت معاهم ؟، وآضح إنّك بتأيدهم تأييد كامل فيما يقومون به من تقتيل مما يوحي بأنك علي صلة بهم وتعرفهم، فهل كلآمي دا صحيح ؟، أكرر هل كلآمي دا صحيح ؟. أمسك ديّل ناس كجبار، هل خربوا ممتلكات شركة برضو ؟. اضنّك سمعت بشهداء سبتمبر...
11-03-2016, 02:36 PM
وائل حمزه الزبير وائل حمزه الزبير
تاريخ التسجيل: 07-04-2014
مجموع المشاركات: 1769
تحياتي .. ويبدو بأنك انفعلت شيئاً ما .. ويتضح ذلك من مداخلتك الاخيرة .. دعني أوجه لك سؤالاً مهماً سيوضح وجهة النظر التي يعتقدها البعض وبمن فيهم أنت بأنها كشوكة في الحلق .. السؤال لو كنت في مكان فيه مائة شخص ورأيت بعينك أن رجلاً بين أولئك المائة في يديه قنبلة يريد تفجيرها بينهم وكنت تملك سلاحاً واستطعت أو في أمكانك ايقاف هذا الرجل فماذا ستفعل يا ابن المدير ؟؟ في انتظارك. وبالمناسبة انت في حديثنا لم تحافظ على الترتيب وأقصد بأنك ذهبت بنا بعيداً عن الجريف ولي الحق أنا ايضاً في أن اذهب في أي اتجاه .. في انتظار الاجابة.
11-04-2016, 07:25 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: دعني أوجه لك سؤال لو كنت في مكان فيه مائة شخص ورأيت بعينك أن رجلاً بين أولئك المائة في يديه قنبلة يريد تفجيرها بينهم وكنت تملك سلاحاً واستطعت أو في أمكانك ايقاف هذا الرجل فماذا ستفعل يا ابن المدير ؟؟ في انتظارك.
يا زول ابو قنبلة دا أشبعوا ليك نيران وأرديهو قتيلاً في الحال.
يا سعادتك مافي ترتيب ؤ للمرّة المليون البوست ليس عن أحداث الجريف، ؤ للمرة المليون تاني كمان البوست محور سؤال وآحد بس وهو، عصابة البشير بتجيب الناس البيضربو المدنيين رصاص ديل مِن ويييييين ؟...
11-04-2016, 07:41 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: ود المدير.. تحياتى واحترامى.. أت بتتكلم عن الحكومة دى كأنها حكومة جد جد.. الشى عصابة ومجرمين ولصوص عتاولة ولا يشق لهم غبار.. وود امبعّولات كمان.. و الوضع حاليا أصبح.. أنهم قاعدين بالرصاص الحى قصاد اى مظاهرة.... أما الحرابة وما أدراك ما الحروب الآهلية.. فدى لامن يسئموا من الانتينوف والسوخوى والطائرات بلا طيار والتعذيب فى الاشباح وهلم جرا.. بتموها أسلحة كيماوية.. بصراحة كلامك دا أدانى احساس انه فى حكومة فى السودان..
حياكِ الله أُختي نور، أنا أعلم عِلم اليقين بأنها ليست حكومة، وإذا أفترضنا مجازاً أنها حكومة فهي لا تعدوا كونها حكومة جبروت وطغيان. حتي الحرابة أُختي نور هي نار موقدة تحت وفوق الأبرياء والأطفال، جحيم وسعير في كل مكان، وإستراتيجية جبانة إختاروا لها اسوأ خلق الله مجموعة جعلت قوات الشرطة ستار لها كي تغتال المواطنين إذا تحركوا للمطالبة بحقوقهم ومن ينجو من الرصاص قطعاً سيموت علي يد هذه العصابة إن كان جوعاً، عطشاً، مرضاً، وجعاً، قرفاً، بيوت الأشباح، بيوت السفاح ...إلخ. عموماً المجموعة الجبانة دي ومن صنعها لا تمِت للسودان وأهله بِصِلة...
11-04-2016, 08:13 AM
عمر دهب عمر دهب
تاريخ التسجيل: 10-19-2014
مجموع المشاركات: 2010
يامعاويه اصلا بيكون تربة خصبه وجيناته مستعده لهذا النوع من العمل بعد داك يخضع لتدريب التصويب يلبس ملكى وطبنجته تحت ملابسه ولا يرف له جفن وهو يطلق رصاصته الحيه فى راس المتظاهرين يعنى يامعاوية الانظمة السابقة ماكانت فى حوجه الى هذه الاستعدادات لانها لم تصل سقف الانقاذ فى البطش . كان رجل الامن يتجسس وبتسبب فى دخولك السجن الان الانقاذ تبحث عن هذه الاستعدادات النادره وتنميها يعنى ممكن برضو تسال هل ينجب الرحم السودانى مثل هؤلاء الاجابه احيانا ونادرا وللاسف .
11-04-2016, 07:50 AM
وائل حمزه الزبير وائل حمزه الزبير
تاريخ التسجيل: 07-04-2014
مجموع المشاركات: 1769
Quote: يا زول ابو قنبلة دا أشبعوا ليك نيران وأرديهو قتيلاً في الحال.
ود المدير
يا سلام عليك والله انت متفهم جداً ومتجاوب جداً ولك تحياتي .. بالفعل الحقيقة ما قلت في أن من يحمل تلك القنبلة ويريد تفجير أرواح بشرية بريئة يصل تعدادها للمائة لهو مجرم إرهابي يجب ضربه بالنار حتى الموت . نأتي يا عزيزي ابن المدير لقصة أخرى مشابهة لتلك التي انصفتنا فيها وهي محطة للوقود يحتوي خزانها الأرضي على آلاف اللترات من البنزين والتي لو وصلتها شرارة بسيطة لكانت قنبلة موقوتة تنسف الاخضر واليابس .. بنفس القدر يا ابن المدير رأيت بعض المخربين يكسرون ويحطمون المحطة لكي تنفجر ما الذي ستفله لهم ؟؟؟ انظر الى هذا المشهد :
11-04-2016, 08:22 AM
jini jini
تاريخ التسجيل: 02-04-2002
مجموع المشاركات: 30720
ياخ البوست دا فكرتوا خاطئة وكأنه صادر ممن اتوجيه المعنوي لجهاز الأمن لتحذير الشعب من الخروج متظاهرا!يعنى لو اقترح مثلا العصيان المدني في وجه هكذا نظام باعتباره اكثر جدوى لكان الأفضل. جني
Quote: ياخ البوست دا فكرتوا خاطئة وكأنه صادر ممن الاعلام المعنوي لجهاز الأمن لتحذير الشعب من الخروج متظاهرا! يعن لو اقترح مثلا العصيان المدني في وجه هكذا نظام باعتباره اكثر جدوى لكان الأفضل. جني
سلآمات يا جني. فكرة البوست لا خاطئة ولا مخطئة ولا مصدرها الإعلآم المعنوي لجهاز الأمن. سبحان الله !، قبل مداخلتك دي بحوالي 12 ساعة هاتفني الأخ الحِليلة بخصوص هذا البوست تحديداً، وأخبرته بفكرة بوست سأقوم بفتحه قبل ان يخلص هذا البوست، وأترك الفرصة للأخ الحِليلة ليأتي وينقل ما دار بيني وبينه من حديث حيث إنني لا أُريد ان أنقل فكرة البوست المقترح لهذا البوست. ايضاً دار حديث بيني والأخ جلالدونا حول هذا البوست عندما كان مُقترح. سبحان الله !، تعجبت والله لتوارُد الخواطر، وبعد إفادة الأخ الحِليلة إن شاء الله يا جني سأرُد علي مداخلتك هذه...
11-04-2016, 10:25 AM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
هداكِ الله يا أُ خيه وارشدك الى الصواب .. الاخ معاوية المدير رجل راقي ولا يستجيب لمطالبك الغريبة الأمر الآخر لقد احترمتكِ مراراً وتكراراً وما زلت .. وآمل ان تكوني بقدر هذا الاحترام وتكفي عن اطلاق الاتهامات الباطلة والتي لا تملكين لها دليل .. أيضاً ما هذه الالفاظ السيئة التي تطلقينها ولا تلقين لها بال.
11-05-2016, 05:15 AM
وائل حمزه الزبير وائل حمزه الزبير
تاريخ التسجيل: 07-04-2014
مجموع المشاركات: 1769
أخلص بالمثال السابق والفديو اللاحق بأن كلا العملين ارهابي ويجب ايقافهما باطلاق النار فتفجير قنبلة وسط الابرياء هو كتفجير محطة وقود وسط الابرياء ايضاً انظر لحجم المأساة المتوقعة من العمل التخريبي الغير مسؤول :
11-05-2016, 07:44 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: ديل ناس قاعدين في كراسي متوهطّه فلو فقدوها حايفقدوا أرواحهم !! ولذالك و ححفاظاً علي هذه الكراسي يجب علي الشعب السوداني أن يموت عن بكرة أبيه إن كان بالجهل والمرض أو بالرصاص الحي صوناً لهذه الكراسي الوثيرة !!!
نعم أخي عبد الله، ويبدو إنّو التفكير في إنشاء هذه الكتيبة بدأ بإنفراط العِقد وأصبح المخرج صعب، فأثروا سياسة البقاء ولو علي دماء الأبرياء، ويبدو إنّو تأسيس هذه الكتيبة مرّ عبر مغاسل من الحجم الكبير لغسل الأدمغة...
11-05-2016, 07:48 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: تحياتي يا ود المدير ديل سودانيين للاسف واي شعب فيه وفيه وقبلهم كانوا بقتلو المتظاهرين بالمئات في مظاهرات سبتمبر وقبلهم كانوا بعذبو المعارضين في بيوت الاشباح بصنوف غريبة من العذاب من ضمنها انتهاك الاعراض وقبلهم كانوا بغتصبوا النساء في دارفور وبكتلو المدنيين لاتفه الاسباب زي ما اعترف البشير نفسه وقبلهم كانوا بصفو ضباط زملائهم باغتيالات صريحة او في شكل حوادث طيارات او عربيات او سموم ديل ناس بتدربوا في معسكرات خاصة وبخضعوا لعمليات غسيل دماغ مكثفة بحيث الواحد منهم مستعد يكتل شقيقه لانهم مصورين ليه انه شقيقه دا عميل وكافر وخاين وكتله بدخلك الجنة اما طلبك لمؤيدي الحكومة للرد فلا تطمع في ذلك الا مبررا او نافيا فهم اما متخرجون من نفس هذه المعسكرات او مستفيدون منهم
حياك الغمام أخي أحمد. بس يظل السؤال قائم، لأنوا وجود مثل هاؤلاء الشواذ في المجتمع السوداني لم نعهده من قبل !. الملآحظ إنّو حصل إلغاء شامل كامل لجهاز البوليس والذي تمّ تحويله لستارة لهاؤلاء الأوباش كي يمارسوا أعمالهم هذه التي لا تمت للإنسانية بِصِلة !. كيف إستطاعت عصابة الإنقاذ ان ان تحرج بمثل هذه الكتيبة من صلب شعب لم يعرف مثل هذه الأعمال في تاريخه ؟، قلنا يمكن مؤيدي عصابة البشير ديّل يكونوا قادرين علي إجابة هذا السؤال، ويكون عندهم ما يبرر هذه الأعمال، وإلا إذا بيدينوا تكوين عصابة كهذه لقتل الأبرياء اليجو يورونا فوق كم مساندين البشير وعصابته ؟!...
11-05-2016, 08:06 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: الاخ معاويه والضيوف الكرام تحياتى انا متاكد تماما ان تلك الحثاله لن تجرؤ ان تجيب علي تساؤلاتك ولكن الغريب ان يوجد شخص ما تسمح له نفسه ان يقف موقف حيادي تجاه هذه البربريه الاطباء الشرفاء يتقدمون الصفوف اهالى الجريف يصارعون هذه العصبه ونحن نتفرج السؤال المهم هو هل نحن حقا جديرين بالحريه هل نحن حقا من كتبت فيه القصائد عن بطولاتنا واننا معلمي الشعوب في الثوره علي الظلم ام ان كل هذا الكلام اضغاث احلام الحريه لن تاتي لنا متسربله بثياب الزفاف البيضاء ولكنها سوف تاتي بلون الدم الاحمر القاني لاسبيل للحريه الا بفتح الصدور للرصاص -احنا عددنا كم وهم كم وا اسفاه علي جبننا وا اسفاه
الأخ محمد عبد اللجليل، حبابك ألف. عذراً دعني أنقل هذه المدآخلة للبوست الذي سيكون عن إضراب الأطباء والذي سيكون إمتداد لهذا البوست.
ولك مني جزيل الشكر...
11-05-2016, 11:10 AM
مني عمسيب مني عمسيب
تاريخ التسجيل: 08-22-2012
مجموع المشاركات: 15691
لو سمحت يا ود المدير ان تراعي لطلبي المتواضع لم اتي اليك لمشكلة ولا مشاكسة بل للكلام العادل من اجل شهداءانا الابرار . ولما القي انسان زي دا ببرر في قتلهم وانت بترد علي فاذن مافي داعي للبنعمل فيه من مقاومة .
ولك الشكر ,,,
11-05-2016, 08:02 PM
جلالدونا جلالدونا
تاريخ التسجيل: 04-26-2014
مجموع المشاركات: 9661
دى حقيقة معروفة يا حنى .. مجموعات مسلحة من خارج الحيش و الشرطة مهمتها الوحيدة قتل المتظاهرين بدم بارد و ارهاب الشعب وكتير هنا و فى هذا المنبر كشفت هويات بعضهم و ما فعلوا و تبقى الحقيقة .. مهما زاد بطشهم فهم مهزومون و يومها سيشربون من نفس الكأس التى سقوها للناس لذا العصيان المدنى هو الحل الحاسم علينا ان ندعو كل يوم للعصيان و يوما ما ستصدق دعوانا
11-06-2016, 10:04 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: سلام معاوية يامعاويه اصلا بيكون تربة خصبه وجيناته مستعده لهذا النوع من العمل بعد داك يخضع لتدريب التصويب يلبس ملكى وطبنجته تحت ملابسه ولا يرف له جفن وهو يطلق رصاصته الحيه فى راس المتظاهرين يعنى يامعاوية الانظمة السابقة ماكانت فى حوجه الى هذه الاستعدادات لانها لم تصل سقف الانقاذ فى البطش . كان رجل الامن يتجسس وبتسبب فى دخولك السجن الان الانقاذ تبحث عن هذه الاستعدادات النادره وتنميها يعنى ممكن برضو تسال هل ينجب الرحم السودانى مثل هؤلاء الاجابه احيانا ونادرا وللاسف .
سلآمات يا عمر، والأنظمة السابقة لم تصل سقف الإنقاذ في الفساد والثراء الحرام، الثراء الحرآم الذي زكمت ريحه الأنوّف وتكدست جيوب البشير وصحبه من أموال الشعب، السبب الذي جعلهم يخلقون هذه الكتيبة السافكة للدماء المهدرة لكرآمة الإنسان السوداني. الرحم السوداني بطرآن يا عمر...
11-15-2016, 09:03 PM
أحمد عمر أحمد عمر
تاريخ التسجيل: 11-28-2014
مجموع المشاركات: 463
التفسير الوحيد لتصرفات الإخوان المسلمين هو التربية القذرة التي تلقوها في التنظيم فهؤلاء نشؤوا على : 1- فهم متطرف وخاطئ لديننا الحنيف الذي هو منهم براء 2- تقديس مصلحة التنظيم وفعل المستحيل من أجله لدرجة قتل المعارضين 3- إيمانهم الكاذب بأفضليتهم على بقية الناس 4- عشق (المايكروفون) و(النضمي) والشعارات 5- التبرير الجاهز لكل شيء (راجعوا تصريحات المسؤولين)
فكان نتاج هذه التربية القذرة كائنات غريبة مجردة من العقل..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
معاوية المدير
فرح الطاهر ابو روضة
عمر أبوعاقلة
مني عمسيب
علي محمد الفكي
Farida Mahgoub
nour tawir
abdalla elshaikh
Hamid Elsawi
وائل حمزه الزبير
احمد الشيخ
محمد أبوالعزائم أبوالريش
محمد عبد الجليل
jini
جلالدونا
فيس بوك
تويتر
انستقرام
يوتيوب
بنتيريست